Ku gicamunsi cyo kuri iki cyumweru, nibwo ikipe ya APR FC yageze mu Rwanda ikubutse i Zanzibar, aho yari yaritabiriye imikino ya Mapinduzi Cup. Byari biteganyijwe ko indege izanye ikipe ya APR FC igera mu Rwanda ku isaha ya 13:40 PM, ariko iza gukererwaho iminota 50 kuko yageze i Kanombe saa 14:30 PM abakinnyi na Staff basohoka mu kibuga cy’indege saa 15:00 PM.
Bamwe mu bafana ba APR FC bari baje kuyisanganira ku kibuga cy’indege ndetse bitwaje indabo.
Mu bantu batagarukanye n’ikipe harimo, Kazungu Clever, Tony Kabanda, Mugabo Alex Kagimbura ukinira Heroes FC ndetse na rutahizamu wayo ukiri mu igerageza bita Sanda, gusa bikaba biteganyijwe ko baza muri ijoro ryo kuri iki cyumweru.
Tariki 29 Ukuboza 2023, nibwo ikipe ya APR FC yerekeje muri Zanzibar aho yari yitabiriye imikino ya Mapinduzi Cup ndetse byari ku nshuro ya mbere.
Iyi kipe yahagurukanye abakinnyi 24, yari mu itsinda rya kabiri, aho yari kumwe na Simba SC, Singida Fountain Gate zo muri Tanzania, ndetse na JKU SC yo muri Zanzibar. Umukino wa mbere APR FC yatsinzwe na Singida ibitego 3-1, umukino wa kabiri itsinda JKU SC ibitego 3-1, naho umukino wa gatatu inganya na Simba SC.
Victor Mbaoma na Apam nibo basohotse mbere y’abandi bose
APR FC hise izamuka mu itsinda ari iya kabiri, ihura na Yanga African muri 1/4 iyitsinda ibitego 3-1. Mu mikino ya 1/2 APR FC yanganyije na Mlandege FC ubusa ku busa, gusa isezererwa penariti 4-2.
Kuri uyu wa mbere APR FC irahita ikomeza imyitozo, yitegura imikino y’igikombe cy’Amahoro aho kuri uyu wa gatatu izakina n’ikipe ya AS Kigali kuri Kigali Pele Stadium.
Niyibizi Ramadhan ni umwe mu bakinnyi bitwaye neza muri iyi mikinoÂ
Niyomugabo Claude niwe wari Kapiteni wa APR FC mu mikino ya mapinduzi Cup
Col Richard Karasira uyobora APR FC, abafana bari bazanye indabo nk’ikimenyetso cy’urukumbuziÂ
Nshimiyimana Ismail ni umwe mu bakinnyi bakinnye iminota myinshi muri APR FC mu mikino ya Mapinduzi CupÂ
Ishimwe Pierre wakuyemo penariti ku mukino wa 1/2 APR FC yakinnyeÂ
Ibi yabigarutseho kuri iki cyumweru taliki 14 Mutarama 2024 muri Convention center mu masengesho yo gusabira no gusengera igihugu aba buri mwaka.
Aya masengesho azwi nka 'National Prayer Breakfast' ategurwa n'umuryango Rwanda Leaders Fellowship akaba yitabirwa n’Abayobozi batandukanye mu nzego za leta, abanyamadini, abikorera n'abandi.
Perezida wa Repubilika y’u Rwanda wari wayitabiriye mu ijambo rye yavuze ko abantu ari bamwe bareshya ndetse ko Abanyarwanda bonyine aribo bahitamo aho bageza u Rwanda.
Ati “Abantu ni bamwe barareshya imbere y'Imana ntabwo basumbana kandi ugomba kubyemera ukabiheraho bikanagutera imbaraga akaba arinabyo bikuyobora mu bikorwa byawe.
Byari ugukora, byari no kwemera ntabwo ari kimwe muri ibyo ngibyo gusa cyagira aho kikugeza ahubwo ni byose hamwe.
Iyo urebye u Rwanda aho ruvuye n’ibyo runyezemo n’aho ruri n’aho rushaka kugera,nta muntu n'umwe w'aho ari ho hose ku isi, ushobora kuba ari we uhitamo aho avana u Rwanda, uko arutwara n'aho arugeza, nta n'umwe, usibye Abanyarwanda ubwabo na kwa kwemera no gukorana n'abandi ariko aritwe turi imbere.
Umukuru w’Igihugu ageze ku mpamvu ibihugu byo mu Majyepfo(Global South) bikennye yagize ati “Muzi muri politiki mpuzamahanga hasigaye hari Global north cyangwa Global South turimo ,Global South ivuze Afurika ubwo harimo u Rwanda n'abandi.Mwibwira ko igisuzo kigomba gusubiza ibibazo dufite nk'u Rwanda cyaba ikihe nubwo bireba igice cy'isi kinini
Impamvu Global North ikize cyane kurusha Global South,kuki turi abakene kurusha Global north kandi aritwe dufite ubutunz buruta ubundi.Â
Mwibwira ko ari ikibazo cy'Imana se ariyo yagiteye,ni twebwe. Imana yo yaraduhaye yakoze ibyayo turangije ibyo yaduhaye tubipfusha ubusa.
Twumvise nabi ukwemera. Twumva ko twemera ibyo dutunze bikaba bituri imbere twarangiza tukiyicarira ,tukibwira ko ibyo dufite ubwabyo nta nicyo dukoze bidutunga cyangwa bikaduteza imbere”.
Aya masengesho yo gusengera igihugu no gushima Imana ategurwa n’Umuryango, Rwanda Leaders Fellowship ni ku nshuro ya 29 yabaye.
Perezida Kagame yari yitabiriye amasengesho yo gusengera no gusabira igihuguÂ
Ikipe ya Rayon Sport yafashe umwanzuro wo gutandukana nu wari umutoza wayo Mohamed Wadeu komoka muri Mauritania!
Ni nyuma y'aho iyi kipe yinjiye mu mikino yo kwishyura ya shampiyona y'icyiciro cya mbere hano mu Rwanda.
Iyi kipe yirukanye uyu mutoza nyuma yo kugaragaza umusaruro muke nyuma yo gutsindwa na Gasogi United mu mukino ufungura shampiyona.
Dore urugendo rwa Rayon Sports na Mohamed Wade rwarangiye nyuma y'aho umwe yavunishaga undi.
Wade akurikiye umutoza we mukuru Zelfani, agiye nta mutoza wungirije kuko ntiyigeze asimbuzwa, asize nta mutoza w'abanyezamu, asize Abagande 3 (Ojera, Baale na Tamale) ntawuzi akanunu kabo.
Tariki ya 8/10/2023 nibwo Zelfani yatandukanye na Rayon Sports nyuma y'iminsi mike inaniwe gusubiza ikirenge mu matsinda, atsinze umukino umwe muri 4 ya shampiyona (1W 3D).
Wade yafashe inkoni y'ubushumba atoza imikino 12 ya shampiyona harimo uwo aheruka gutsindwamo na Gasogi United 2-1.
Yatsinzwe imikino 3 atsinda 6 anganya 3 (6W 3D 3L)
Hari amakuru ko umutoza wungirije we yari kuboneka mu ntangiriro z'iki cyumweru none agiye mbere ye.
Nubwo umutoza Ivan Mannaerts ari mu #Rwanda nta kanunu ko yasubira muri Rayon Sports gahari.
Kuri uyu wa Gatanu, tariki ya 19/1/2024 Rayon Sports irakira Gorilla FC banganyije mu mukino ubanza.
Ubusanzwe amazina ye ni Catherine Bashabe ariko yamamaye cyane ku mbuga nkoranyambaga nka Kate Bashabe. Yatangiye urugendo rwo kumenyekana 2011 ubwo yitabiriga amarushanwa y’ubwiza ya Miss MTN ndetse yitabye Miss Rwanda ariko akaza kuyikuramo. Aha yahakuye igikundiro ndetse n’ubwamamare.
Kate Bashabe ubuzima bwe bw’urukundo si kenshi bwagiye hanze nubwo inkuru zibivugaho zitaburaga cyane ko ari icyamamare. Icyakora cyabaga ari ikibazo cy’igihe abantu bakabona ko nta rukundo arimo.
Muri 2019 n’ibwo hakwirakwiye inkuru y’uko uyu munyarwandakazi ari mu rukundo n’uwari rutahizamu wa Liverpool yo mu Bwongereza icyo gihe, Sadio Mane.
Ni inkuru yabaye kimono ku mbuga nkoranyambaga ariko ikwirakwijwe n’itangazamakru ryo mu gihugu cya Senegal aho uyu mukinnyi akomoka.
Iyi nkuru byumwihariko yanditswe n’ikinyamakuru Feeling Dakar mu mashusho cyasakaje, cyavugaga ko Sadio Mane ari mu kibatsi cy’urukiko na Kate Bashabe.
Ibi babikuraga ku ngendo za hato na hato, Kate Bashabe yakoreraga mu Bwongereza ubwo uyu mukinnyi yakinaga muri Liverpool bikiyongeraho kuba, Sadio Mane aribwo yasangizaga abamukurikira, indirimbo ‘Slowly’ ya Meddy.
Icyakora aba bose bakomeje kubihakana kugeza ubwo mu ntangiriro za 2024, Sadio Mane yarushingaga na Aisha Tamba ukomoka mu Burundi.
Mu kiganiro yagiranye na Radiyo Rwanda, Kate Bashabe yongeye guhamya ko atigeze akundana na Sadio Mane ndetse ko amashusho yakwirakwiye ku mbuga nkoranyambaga afite akantu kanditseho amagambo y’urukundo, bitari ukuri.
Ikibazo cyagiraga kiti “Byigeze kugaragara urimo gufana Sadio Mane ndetse ufite akantu kanditseho amagambo y’urukundo. Sadio Mane muraziranye?”.
Kate Bashabe mu gusubiza yagize ati “Reka mpera kuri ayo magambo y’urukundo, ntago aribyo, ni ibintu bongeyemo (edit) ngo birimo amagambo y’urukundo ntago aribyo. Ibyo bihuha byatangiye nagiye kureba umukino wa Liverpool, mu by’ukuri nanje byarantunguye nk’uko nawe ubyumva, ntago nakundanye nawe.
Narabivuze kuva mbere ariko abantu bakomeza bivugira ibyo bashaka ariko nta rukundo rwanjye nawe rwabayeho, ni ibyo, sinzi aho byavuye kugirango bifate iriya ntera ahantu hose bamenye ngo turakundana”.
Ibi abivuze nyuma y’uko muri izi ntangiriro, uyu rutahizamu aherutse kurushinga n’umukunzi we Aisha Tamba wo mu Burundi.
Kate Bashabe yahakanye ibyo gukundana na Sadio Mane
Kate Bashabe avuga ko yahimbiwe urukundo na Sadio Mane
Sadio Mane aherutse kurushinga n’umukunzi we Aisha Tamba wo mu Burundi
Kate Bashabe yajyaga ajya kureba imikino y  Liverpool
Sadio Mane yakiniye Liverpool kandi Kate Bashabe arayifana
Mu 2016: Dj Pius wari ku gasongero mu muziki nyarwanda, yafatanyije na Chameleon bifashishije umu Producer Paddy Man abafasha gukora indirimbo bise ‘Agatako’, iyi ndirimbo kuri ubu imaze kugira abarenga miliyoni bamaze kuyireba ku rukuta rwa YouTube. Ntibyarangiriye aho kuko Pius yongeye guhuza imbaraga na Radio & Weasel bakora indirimbo bise ‘Play It Again’, indirimbo yakozwe na Producer Eli Arkhis.
Rurangiranwa muri muzika nyarwanda, The Ben, nawe ntabwo yigeze atangwa no kwigarurira isoko ryo muri Uganda kuko nawe yahubakiye ibigwi bikomeye. Icyo gihe byari mu mwaka wa 2018, umuhanzi Ben ari ku gasongero mu muziki Nyarwanda no mu Karere muri rusange. Umuhanzikazi Sheebah Karungi nawe wari mu bayoboye muri Afurika, akibikubita amaso, yasanze aramutse yegereye uyu muhanzi akamusaba ko bakorana indirimbo byazamubyarira inyungu ikomeye mu muziki we. Icyo gihe bahise bajya mu biganiro ndetse nyuma y’igihe gito cyane bahise bashyira hanze indirimbo bise ‘Binkolera’, ikaba yarakozwe na Producer Nessim.
Ntabwo byarangiriye aho kuko ubwo byari mu mwaka wa 2020, The Ben yaje gukorana indirimbo n’Umuhanzikazi Rema bise ‘This Is Love’. Iyi ndirimbo kugeza ubu, ni iya kabiri imaze kurebwa cyane ku muyoboro wa YouTube w’uyu muhanzikazi.
Icyo gihe mbere y’aho gato mu mwaka wa 2019, itsinda rya B2C naryo rimaze kureba urwego The Ben ariho, bahise bagira igitekerezo cyo gukorana nawe, nuko bahita bakorana indirimbo bise ‘No You No Life’, ikaba nayo yarakozwe na Producer Nessim.
Icyo gihe byari mu mwaka wa 2014, nibwo itsinda rya Radio & Weasel ryari riyoboye ku mugabane wa Afurika, ryamanutse mu Rwanda, ryitegereza abahanzi bose bari mu Rwanda, ariko bashaka uwo bakorana indirimbo. Icyo gihe umuhanzi Kid Gaju uzwiho kugira ijwi ry’umwimerere nawe yari ateye ubwoba kandi ubona ko ashoboye. Icyo gihe bahise bajya mu mishinga yo gukora indirimbo, birangira bashyize hanze iyo bise ‘Tornado’, ikaba yarakozwe na Producer Wonder.
Nyuma y’aho gato mu mwaka wa 2022, Kid Gaju nawe yikojeje muri Uganda a yegera Cindy Sanyu, nuko bakorana indirimbo bise ‘Gahunda’ indirimbo ikaba nayo yarakozwe na Nash Wonder.
Abandi bahanzi nyarwanda bakoranye n’abagande indirimbo zigakundwa muri Afurika hose, ni Urban Boys na Jackie Chandiru. Icyo gihe byari mu mwaka wa 2012, itsinda rya Urban Boys ryari riyoboye muzika Nyarwanda mu matsinda yari ahari.
Icyo gihe bakoranaga na Muyoboke Alex ariwe wabarebereraga inyungu mu bya muzika. Bitewe no kugira ikipe ihagaze neza yaba mu mutwe no mu mufuka, baje kubona ko igihugu cyose bamaze kugifata ni uko baza kugira igitekerezo cy’uko bagomba no kwambuka umupaka bakajya no gushaka isoko ryo mu Karere. Bahise bajya muri Uganda bakorana n’umuhanzikazi Jackie Chandiru indirimbo bise ‘Take It Off’ yakozwe na Magic Washington.
Ntibyarangiriye aho kuko baje no kongera gukorana n’itsinda Radio & Weasel indirimbo bise ‘Pete Kidole’.
Mu ntara y'uburengerazuba bw'u Rwanda mu Karere ka Rusizi umugabo witwa Ntamuhanga Jean Marie w'imyaka 50 y'amavuko yagwiriwe n'igice cy'ubwiherero yaviduraga, mu Mudugudu wa Rukuraza, Akagari ka Kizura, Umurenge wa Gikundamvura, arapfa.
Ntamuhanga yakoraga akazi ko gucukura ubwiherero no kuvidura ubwuzuye.
Ubwiherero yaviduraga bwahitanye ubuzima bwe ni ubwa koperative y'abahinzi b'umuceri ya COPRORIKI ikorera mu Murenge wa Gikundamvura, yabuviduraga afatanyije n'abandi 6, yahawe amafaranga y'u Rwanda 80.000.
Umuyobozi wa COPRORIKI Hamenyimana Oscar, yabwiye Imvaho Nshya dukesha iyi nkuru ko yazanye nabo bagombaga kumufasha, batangira akazi saa mbiri z'ijoro, bageze mu ma saa kumi z'igitondo ni ho ubwiherero bwamutengukiyeho, arapfa.
Kuri uyu wa Gatanu w’icyumweru turi gusoza, nibwo ikipe ya Rayon Sports yakinaga na Gasogi United mu mukino w’umunsi wa 16 wa shampiyona. Uyu mukino ntabwo warangiye neza ku ruhande rwa Rayon Sports, kuko yatsinzwe na Gasogi United ibitego 2-1.
Uyu mukino abafana ba Rayon Sports bari babukereye ndetse bitabiriye ku bwinshi, kuko bari baje kwirebera ikipe yabo ndetse no kkwirebera abakinnyi bashya iyi kipe yari iherutse gusinyisha.
Bigendeye ku buryo ikipe yatsinzewemo, bamwe mu bafana batashye barira, abandi bavuga ko ikipe yabo iri gutsindwa kubera umutoza wayo ukinisha nabi abakinnyi, ndetse akaba atazi no gusoma umukino.
Nyuma y’uyu mukino, kuri uyu wa Gatandatu nibwo ikipe ya Rayon Sports y’abagore, yamanutse mu kibuga aho yakinaga umukino w’ishiraniro muri shampiyona.
Rayon Sports y’abagabo ntabwo yatangiye umwaka neza nyuma yo gutsindwa nabi na Gasogi UnitedÂ
Iyi kipe yaje gutsinda AS Kigali WFC ibitego 2-1 ndetse ihita ifata umwanya wa mbere, hari n’amahirwe yo kwegukana igikombe cya shampiyona kuko AS Kigali ariyo kipe yabagoraga.
Abafana ba Rayon Sports bari kuvunjisha ibyishimo
Abafana nyuma yo kubona ikipe yabo ibababaza bahisemo kwimurira ibikorwa byabo by’imifanire mu ikipe y’abagore.
Ubwo umukino w’ikipe ya Rayon Sports y’abagore wari ugeze ku munota wa 70, bamwe mu bafana ba Rayon Sports batangiye kuririmba ko ikipe ya Rayon Sports isigaye ari iya bagore,ndetse abandi bakavuga ko umutoza ubu ari Rwaka atari Wade.
Nubwo mu bagabo bitameze neza, ariko mu ikipe y’abagore igikombe barakigera amajanjaÂ
Ngirinshuti Evode ufana Rayon Sports, aganira na InyaRwanda ubwo umukino wa Rayon Sports y’abagore wari urimbanyije, yavuze ko atazongera gutanga amafaranga mu ikipe y’abagabo.
Yagize Ati” Ubu mfite ibihumbi 250 FRW byanjye ngiye kibigabanya abakinnyi ba Rayon Sports y’abagore kuko niyo kipe dusigaranye. Nta mafaranga nakongera gutanga muri Rayon Sports y’abagabo kuko n’ubuyobozi ntabwo buyitayeho.
Nahimana ngo bakunze kwita Macari, nawe yunze mu rya Evode yemeza ko ikipe ubu yo gufana ari Rayon Sports y’abagore. Yagize ati” Rayon Sports y’abagore ubu niyo kipe twizeye, niyo kipe ikwiye gukomerwa amashyi, ureke iriya ifite umutoza utazi no gusimbuza. Agahinda iri kuduteza ntacyo tuzajya tujya kukivuza kuri bashiki bacu kuko ntibadutenguha.”
Kuri uyu mukino umuyobozi w’umuryango wa Rayon Sports,Uwayezu Jean Fidere yari yabukereye ndetse ubona ko atewe ishema n’ikipe y’abagore ndetse umusaruro wavuye ku mukino wa Gasogi United asa n’uwawibagiwe.Â
Rwaka Jean Claude ubanza ibumoso, niwe mutoza mukuru wa Rayon Sports WFC, ndetse akaba aherutse kwanga kuza mu ikipe y’abagabo kubera ibibazo birimoÂ
Rayon Sports y’abagore ku bigaragara ni nayo ubuyobozi bw’umuryango buri gushoramo amafaranga dore ko ari nayo iheruka kugura icyitwa umukinnyiÂ
Abafana bari babukereye, ndetse bazanye n’ibikoresho byo gufana nk’uko babikora mu bagaboÂ
Muri Rayon Sports amata ari kuguranwa itabiÂ
Ngo burya ntaho utashakira ibyishimo icya mbere ni umwanzuroÂ
Mukeshimana Dorothe yaraye asaruye amafaranga yari akunze guhabwa abakinnyi ba Rayon Sports y’abagabo, ariko bakaba muri iyi minsi batari gushimisha abafanaÂ
Matic usanzwe areba Rayon Sports yicaye ahatwikiriye kuri uyu wa gatandatu yigabije izuba afana bashiki be umukino urinda urangiraÂ
Nyuma y’umukino ikipe ya Rayon Sports y’abagore n’ubuyobozi baje gushimira abafana bari baje kubatera ingabo mu bituguÂ
Abafana ba Rayon Sports ubwo bari baje kureba ikipe y’abagore, bitonganyaga bavuga ko Wade utoza abagabo arutwa na RwakaÂ
Haba mu bakobwa, haba mu bahungu, imirenge ibiri muri itatu igize Umujyi w'Akarere ka Kamonyi yatsinze imirenge y'icyaro bahuriye ku mukino wa nyuma w'Umupira w'amaguru mu gikombe'Umurenge Kagame-Cup'. Abitabiriye imikino, bahawe ubutumwa bubakangurira kwitwararika basigasira ubuzima, kwirinda ibiyobyabwenge, inzoga, ubusambanyi n'ibindi bibakururira mu gukora ibyaha.
Mu bahungu, ab'Umurenge wa Rugalika nyuma y'uko muri kimwe cya kabiri bari basezereye ab'Umurenge wa Kayumbu, ku mukino wa nyuma wabahesheje igikombe basezereye abahungu b'Umurenge wa Mugina, itaha ityo nta gikombe.
Mu kibuga cya Ruyenzi ahabereye iyi mikino ya nyuma ya Kagame-Cup, byari ishiraniro.
Ni mu gihe mu bakobwa, ab'Umurenge wa Gacurabwenge basezereye abakobwa b'Umurenge wa Mugina, isubira mu mayaga ityo nta gikombe haba mu bahungu ndetse n'abakobwa. Ni nawo Murenge wari wabashije kugeza amakipe abiri; Abahungu n'Abakobwa ku mukino wa nyuma wa Kagame-Cup.
Bajya bavuga ko ibyishimo bihenda, hakaba n'abatamenya icyatsi bikozemo.
Igikombe Umurenge wa Rugalika utwaye muri Kagame-Cup, kije gisanga umuhigo baherutse kwesa( nta kwezi kurashira), ubwo bahigaga Imirenge yose yo mu Gihugu bagahesha Akarere ka Kamonyi Inka y'Ubumanzi n'iyayo, nyuma y'ibikorwa by'Urugerero aho bubatse inyubako z'Igihango cy'Urungano zizajya zitangirwamo Serivise zitandukanye, ahari kandi n'ikibuga gikomatanije imikino y'amaboko, hakaba isomero, icyumba kinini cy'inama cyangwa se Ubukwe n'ibindi.
Nyuma y'umukino wa nyuma muri Kagame-Cup ku rwego rw'Akarere ka Kamonyi, Umuyobozi w'Akarere, Dr Nahayo Sylvere yahaye ubutumwa abitabiriye irushanwa baba abakinnyi, abayobozi batandukanye bitabiriye n'abafana muri rusange.
Dr Nahayo Sylvere/Meya Kamonyi.
Mu butumwa bwo kubungabunga amagara birinda ibiyobyabwenge, Dr Nahayo Sylvere yagize ati' Ntabwo wabasha gukina umupira nk'uyu ng'uyu ufite ikibazo mu mubiri kijyanye n'Ibiyobyabwenge, ariyo mpamvu dusaba by'umwihariko urubyiruko kwitwararika cyane. Ni mwe maboko n'imbaraga z'Igihugu cyacu, ni mwe bayobozi, ni mwe mufite igihe kinini cyo gukorera Igihugu cyacu. Ni byiza ko mwumva agaciro Igihugu kibaha, Ubuyobozi bubaha!. Imiryango irabakeneye, Igihugu kirabakeneye mugerageze mwitware neza ku gira ngo mukomeze gutanga umusanzu wanyu mu kubaka Igihugu'.
Yakomeje asaba urubyiruko kuva mu nzira mbi zibashora mu biyobyabwenge bitandukanye, birinda kandi kunywa inzoga zitandukanye zibangiriza ubuzima. Abato yabibukije ko inzoga atari izabo, ariko kandi n'abakuru abibutsa kunywa nkeya abashoboye bakazireka ahubwo bagashyira imbere umurimo unoze.
Ibyishimo usanga ari byose mu baturage baje kureba iyi mikino.
Yibukije ndetse asaba abana b'Abakobwa kwirinda ingeso mbi zo kwishora mu busambanyi kuko bibangiriza ubuzima bikica ahazaza habo. Yabibukije ko aribo babyeyi, ba Mama b'ejo bazarerera Igihugu bagafasha Umuryango Nyarwanda.
Dr Nahayo Sylvere, yanibukije abakuze kwirinda gushuka abana, abibutsa ko inshingano bafite ari ukubafasha kuzaba abo Igihugu gikeneye, ab'Umumaro kuri bo, ku miryango yabo n'Igihugumuri rusnage. Yabwiye aba bakuze bashuka, bagashoraba abana mu ngeso mbi, bakabahohotera ko amategeko atihanganira uwo ariwe wese wangiza abato cyangwa se ukora ibinyuranije n'amategeko.
Amakipe yatsinze ni nayo azaserukira Akarere mu marushanwa ya Kagame-Cup ku rwego rw'Igihugu, aho azahura n'andi azaba aserukiye uturere twayo. Basabwe kwitegura neza, ishyaka berekanye bakazanaryerekana bakina n'utundi turere. Bizejwe inkunga y'ubuyobozi mu gutegura imikino bafite imbere.
Bamwe mu bafana ba APR FC bari baje kuyisanganira ku kibuga cy’indege ndetse bitwaje indabo.
Victor Mbaoma na Apam nibo basohotse mbere y’abandi bose
Niyibizi Ramadhan ni umwe mu bakinnyi bitwaye neza muri iyi mikino 
Niyomugabo Claude niwe wari Kapiteni wa APR FC mu mikino ya mapinduzi Cup
Col Richard Karasira uyobora APR FC, abafana bari bazanye indabo nk’ikimenyetso cy’urukumbuzi 
Nshimiyimana Ismail ni umwe mu bakinnyi bakinnye iminota myinshi muri APR FC mu mikino ya Mapinduzi Cup 
Ishimwe Pierre wakuyemo penariti ku mukino wa 1/2 APR FC yakinnye 
Kate Bashabe yajyaga ajya kureba imikino y
Sadio Mane yakiniye Liverpool kandi Kate Bashabe arayifana 
Rayon Sports y’abagabo ntabwo yatangiye umwaka neza nyuma yo gutsindwa nabi na Gasogi United 
Nubwo mu bagabo bitameze neza, ariko mu ikipe y’abagore igikombe barakigera amajanja 
