Webrwanda Backend

Category: Uncategorized

  • Yaciye agahigo mu marushanwa yubwiza! Amatek… – #rwanda #RwOT

    Marsh afite imyaka 22 yavukiye muri Fort Smith, Arkansas kuri Mike na Whitney Marsh, afite umuvandimwe we Heidi, nyina umubyara yishwe na Kanseri y'urwagashya ubwo yarafite imyaka 17.

    Byatumye uyu mukobwa atangira ubukangurambaga bwo kurwanya  Kanseri y'urwagashya. Ahita atangiza umuryango wa Whitney Marsh mu guha icyubahiro  nyina witabye Imana.

    Uyu mukobwa yize amashuri yisumbuye muri Southside, aho yasoreje mu mwaka wa 2019 yagiye agaragaza urukundo rwo gukunda amasomo y’ibirebana no kuguruka mu kirere.

    Yaje kwinjira mu gisirikare kirwanira mu kirere mu gace ka El Paso County muri Colarado aho yasoreje mu ishami rya Astrophysics mu mwaka wa 2023.

    Yasoreje ku ipeti rya 2nd Lt akomereza mu ishuri rya Harvard Kennedy, aho yakuye impamyabumenyi y'icyiciro cya Gatatu cya Kaminuza mu ishami rya Public Policy.

    Mu mwaka wa 2023 yegukanye ikamba rya Miss Academy, irushanwa ry'ubwiza rigamije guteza imbere abasirikare b'abari n'abategarugori babarizwa mu barwanira mu kirere.

    Aha hari nyuma yo kwitabira amarushanwa y'ubwiza anyuranye arimo nka Miss Colaradoyanegukanye byamuhesheje kwitabira amarushanwa y'ubwiza ya Miss America, aca agahigo kuba umusirikare ukiri mu kazi wegukanye iri kamba.

    Irushanwa rya Miss America 2024, ryasorejwe ahazwi nka Dr Phillips Center mu gace ka Orlando muri Leta ya Florida ku wa 14 Mutarama 2024, yabanje kugera muri Top 11 na Top 5 birangira anaryegukanye.

    Nka Miss America 2024, Marsh yabaye umukobwa wa mbere uva muri Colorado ubashije kwegukana iri kamba.

    Uyu mukobwa yahise ahabwa asaga Miliyoni 64 Frw [Angana n'ibihumbi 50 by'amadorali] hakiyongeraho no kumurihira amasomo.Byari ibyishimo kuri Miss Marsh uhwo yatangazwaga ko ari we wegukanye ikamba rya Miss AmericaIrushanwa rya Miss America, Marsh yegukanye rimaze imyaka 102 n’ibiri ritangiye kuko ryatangiye mu 1921Miss Marsh amaze kwitabira amarushanwa y’ubwiza atandukanye nubwo ari umusirikare kandi uri mu kaziYabaye Miss America mu ijoro ryo ku wa 14 Mutarama 2024 bivuze ko ari we uzahagarira Leta Zunze Ubumwe za Amerika  muri Miss WorldUyu mukobwa yakuze  ko akunda amasomo arebana n’ibirebana n’ikirere, byanamutumye yinjira mu gisirika mu mutwe   w’ingabo zirwanira mu KirereMu marushanwa y’ubwiza ni gake wasanga umusirikare ukiri mu kazi yayitabiye kandi akabasha no kuyegukana Marsh yabaye urugero rwiza ku bandi bakobwa usanga bakora imyuga yihariye ko ushobora kuyikora kandi ugakomeza no gukora ibyo ukunda

    Source : https://inyarwanda.com/inkuru/138594/agahigo-mu-marushanwa-yubwiza-amateka-ya-2nd-lt-marsh-wabaye-nyampinga-ari-umusirikare-wa–138594.html

  • Uko Abakinnyi b’Abanyarwanda bakina hanze bit… – #rwanda #RwOT

    Duhereye muri Kenya, ikipe ya Gormahia ku wa Gatandatu yatsindaga ikipe ya F.C. Kariobangi Sharks igitego 1-0 muri shampiyona. Sibomana Patrick yari yabanje mu kibuga ndetse arangiza n’umukino naho Emery Bayisenge we ntabwo yigeze akina.

    Gormahia FC iracyayoboye urutonde rwa shampiyona n’amanota 40, ikaba izasubira mu kibuga ku wa Gatandatu ikina na Tusker.

    Muri Tanzania ikipe ya Singida Fountains Gate FC ikinamo rutahizamu w’Umunyarwanda, Kagere Meddie ku wa Gatatu w’icyumweru gishize yasezerwaga na Simba SC mu mikino ya 1/2 muri Mapinduzi Cup kuri Penaliti.

    Ntabwo uyu mukinnyi wakiniye Amavubi yabanje mu kibuga nk’ibisanzwe ariko yaje kwinjiramo asimbuye ndetse aza no kwifashishwa mu gutera Penaliti ariko birangira ayirase bituma ikipe ye isezererwa gutyo.

    Biteganyijwe ko ku munsi w’ejo aribwo Singida Fountain Gate FC izasubira mu kibuga ikina na Tabora United muri shampiyona.

    Ku wa mbere w’icyumweru gishize ikipe ya AS Far Rabat yo muri Morocco ikinamo myugariro w’ikipe y’igihugu y’u Rwanda, Amavubi, Imanishimwe Emmanuel Manguende yanyagiye FUS Rabat ibitego 4-1 muri shampiyona.

    Uyu mukinnyi w’Umunyarwanda yabanje mu kibuga nk’ibisanzwe ariko umukino ugiye kurangira arasimbuzwa. Kuri ubu AS Far Rabat iri ku mwanya wa 1 muri shampiyona n’amanota 33.

    Muri Algeria mu ikipe ya USM Klenchela ku wa Gatandatu yatsindaga US Souf ibitego 2-0 muri shampiyona. 

    Manishimwe Djabel ukinira muri USM Klenchela ntabwo yabanje mu kibuga ariko yinjiyemo asimbuye ku munota wa 76,kuri ubu iyi kipe iri kumwanya wa 2 muri shampiyona n’amanota 22, ikaba izagaruka mu kibuga ku wa Gatanu ikina na NC Magra.

    Kuri Hakim Sahabo usanzwe ukina mu ikipe y’abato ya Standard de Liege mu Bubiligi akomeje kwitwara neza ahabwa umwanya mu ikipe nkuru ikina shampiyona y’icyiciro cya mbere mu Bubiligi n’ubundi.

    Ku mukino wa gicuti banganyijemo na Borussia Dortmund ibitego 2-2 ku wa Kabiri, uyu mukinnyi yabanje mu kibuga gusa nyuma aza gusimbuzwa. 

    Ku wa  Gatanu no mu mukino bakinnyemo na Luzern bakayitsinda ibitego 2-1, nabwo yabanje mu kibuga aza gusimbuzwa mu gice cya kabiri.

    Andi makipe yo hanze akinamo Abanyarwanda aracyari mu biruhuko ntabwo arasubukura imikino.

    Hakim Sahabo ukomeje kwitwara neza

    Source : https://inyarwanda.com/inkuru/138584/uko-abakinnyi-babanyarwanda-bakina-hanze-bitwaye-mu-cyumweru-gishize-138584.html

  • Rayon Sports na Police FC mu makipe atarahiriwe n'umunsi wa 16 wa shampiyona y'u Rwanda #rwanda #RwOT

    Impera z'icyumweru dushoje nibwo mu Rwanda hakinwaga umunsi wa 16 wa Rwanda Premier League, mu mikino yakinwe, Rayon Sports na Police ntabwo zitwaye neza kuko zose zaratsinzwe.

    Kuwa Gatanu, nibwo kuri Kigali Pele Stadium ikipe ya Rayon Sports yari yakiriye ikipe ya Gasogi United ihatakariza itsinzwe ibitego bibiri kuri kimwe.

    Ni ibitego bibiri byose bya Gasogi United byatsinzwe na Kabanda Serge, ku ruhande rwa Rayon Sports yo yatsindiwe na Héritier Nzinga Luvumbu.

    Kuwa Gatandatu, ikipe ya Mukura VS yo yatsinze Amagaju ibitego bitatu kuri bibiri mu mukino wabere kuri Sitade y'Akarere ka Huye.

    I Nyamirambo kuri Kigali Pele Stadium ikipe ya Gorilla FC yahatsindiye ikipe ya Etincelles FC ibitego bibiri kuri kimwe.

    I Musanze, Etoile de l'Est yo mu karere ka Ngoma yakuye inota rimwe ku ikipe ya Musanze FC nyuma yaho banganyije ubusa ku busa.

    Ni nako ku ikipe ya Bugesera FC yanganyaga n'ikipe ya AS Kigali ubusa ku busa, ni umukino wabereye mu karere ka Bugesera.

    Kuri ki cyumweru, ikipe ya Police FC yari yasuye ikipe ya Sunrise FC ihatsindirwa ibitego bibiri ku kimwe.

    Ku ruhande rwa Sunrise FC, ni ibitego byatsinzwe na Brian Ssali ndetse na Munyagihugu Patrick naho ku ruhande rwa Police FC yo yatsindiwe na Hakizimana Muhadjiri.

    Ikipe ya Muhazi United yari yakiriye ikipe ya Kiyovu SC umukino ubera mur karere ka Ngoma, amakipe yombi akaba yarasoje anganya igitego kimwe kuri kimwe.

    Undi mukino w'umunsi wa 16 wagombaga kuba wari buhuze ikipe ya APR FC na Marines FC , uyu mukino ntabwo wakinwe kuko ikipe y'ingabo z'igihugu aribwo yageze i Kigali avuye muri Zanzibar mu mikino ya Mapimduzi.

    Kugeza ubu APR FC irayoboye n'amanota 33, Police FC ku mwanya wa kabiri n'amanota 31, ikipe ya As Kigali iri ku mwanya wa 15 n'amanota 15 naho Etoile de l'Est iri ku mwanya wanyuma n'amanota 11.

    The post Rayon Sports na Police FC mu makipe atarahiriwe n'umunsi wa 16 wa shampiyona y'u Rwanda appeared first on RUSHYASHYA.

    Source : https://rushyashya.net/rayon-sports-na-police-fc-mu-makipe-atarahiriwe-numunsi-wa-16-wa-shampiyona-yu-rwanda/?utm_source=rss&utm_medium=rss&utm_campaign=rayon-sports-na-police-fc-mu-makipe-atarahiriwe-numunsi-wa-16-wa-shampiyona-yu-rwanda

  • AMAFOTO: Umukinnyi w’ikipe y’igihugu yambitse impeta umukunzi we #rwanda #RwOT

    Umukinnyi w’ikipe y’igihugu ya Volleyball na REG VC, Muvara Ronald yambitse impeta ya fiançailles umukunzi we, Umuhoza Mariam bamaze igihe bakundana.

    Ni umuhango wabaye ejo hashize ku Cyumweru tariki ya 14 Mutarama 2024 aho Muvara yasabye Mariam kuzamubera umugore igihe basigaje ku Isi bakazakimarana undi arabyemera.

    Aba bombi bagiye gutangira urugendo rushya nyuma y’uko guhera 2013 kugeza 2017 biganaga Rusumo High School. Ni ikigo kiri mu Ntara y’Iburasirazuba mu Karere ka Kirehe.

    Muvara Ronald na Umuhoza Mariam bamenyanye hagati y’umwaka wa 2013 na 2017 ubwo aba bombi biganaga ku kigo cy’amashuri cya Rusumo High School mu Ntara y’Iburasirazuba mu Karere ka Kirehe.

    Muvara w’imyaka 28 yakiniye APR VC kugeza 2019 ubwo yahitaga ajya muri Gisagara VC ayikinira kugeza 2022 ari nabwo yajyaga muri REG VC akinira kugeza uyu munsi.

    Ronald yambitse Mariam impeta ya fiançailles

    Baziranye kuva kera

    Source : http://isimbi.rw/siporo/article/amafoto-umukinnyi-w-ikipe-y-igihugu-yambitse-impeta-umukunzi-we

  • Kuvuguruzanya hagati y’u Burundi na Congo kuri RED-Tabara yabaye nyirabayazana y’ifungwa ry’imipaka y’u Rwanda #rwanda #RwOT

    Mu mpera z’umwaka ushize, Perezida Ndayishimiye yavuze ko umutwe wa RED Tabara ufashwa n’u Rwanda ndetse ko ari ho uba, ngo rukaba wuwuha ibiro byo gukoreramo n’amafaranga.

    Ibi biri no mu byatumye iki Gihugu gifunga imipaka igihuza n’u Rwanda mu cyumweru gishize.

    Mu mpera z’icyumweru twaraye dusoje, Minisitiri w’Ububanyi n’Amahanga wa RDC, Christophe Lutundula yemeje ko uyu mutwe wa RED Tabara ufite ibirindiro muri iki Gihugu cya Congo.
    Yabitangaje ubwo yari kumwe n’Uhagarariye Umunyamabanga Mukuru w’Umuryango w’Abibumbye muri Congo, Bintou Keita ; bagiranaga ikiganiro n’itangazamakuru.

    Lutundula yagize ati 'RED Tabara ni umutwe w’inyeshyamba z’i Burundi kandi abawugize bahungiye ndetse bakaba banari ku butaka bwa Congo.'

    Yanavuze kandi ko i Dar es Salaam muri Tanzania haherutse kubera inama yahuje abakuriye iperereza mu Bihugu birimo Congo, u Burundi, u Rwanda, Tanzani na Uganda, baganira kuri uyu mutwe uherutse kugaba igitero mu Burundi.

    Yagize ati 'Nagira ngo mbabwire ko mbere y’uko amatora aba, intumwa y’Umunyamabanga Mukuru wa Loni mu Karere k’Ibiyaga bigari ukorera i Nairobi yamvugishije ambwira ko hari bamwe mu barwanyi b’umutwe wa RED-Tabara bemeye gutaha mu Gihugu cyabo bakomokamo, asaba ko twafasha kubasubizayo. Twatanze igisubizo cyiza.'

    Ubwo u Rwanda rwahakanaga aya makuru y’ibirego rwashinjwaga n’u Burundi, rwavuze ko ntaho ruhuriye n’umutwe uwo ari wo wose urwanya ubutegetsi bwa kiriya Gihugu, ndetse rwibutsa ko abarwanyi ba RED Tabara bafatiwe ku butaka bwarwo, bashyikirijwe u Burundi.

    UKWEZI.RW

    Source : http://www.ukwezi.rw/Mu-mahanga/article/Kuvuguruzanya-hagati-y-u-Burundi-na-Congo-kuri-RED-Tabara-yabaye-nyirabayazana-y-ifungwa-ry-imipaka-y-u-Rwanda

  • Ifungwa ryimipaka ihuza u Burundi n’u Rwanda… – #rwanda #RwOT

    Iyi inkuru yakozwe hashingiwe ku bihe bitambutse byari byiza mu buryo bugaragarira buri umwe mu myigaduro y'u Burundi n’u Rwanda bifatwa nk’impanga kandi buri gihugu cyungukiraga ku kindi mu buryo bumwe  cyangwa ubundi.

    Tariki ya 11 Mutarama 2024 yasize u Burundi butangaje ko bufunze imipaka yose ibuhuza n'u Rwanda n'itangazo ryashyizwe hanze nyuma y'inkuru zari zimaze iminsi mu itangazamakuru zagaragazaga ko hari ibitagenda hagati y'ibihugu byombi.

    Ibi bikaba ahanini byarashingiye ku ijambo rya Perezida w'u Burundi, Evariste Ndayishimiye ashinja u Rwanda gufasha umutwe w'inyeshyamba za RED Tabara wateje umutekano muke muri iki gihugu.

    Ibi ariko Guverinoma y'u Rwanda yagiye yumvikana ibihakana inshuro zitari nkeya, tukaba twifuje kugaruka gato ku buryo umwanzuro wafashwe n'igihugu cy'u Burundi uzagira ingaruka zitari nziza ku bikorwa by'umuziki w'ibihugu byombi.

    Nubwo itangazo ryatanzwe n'u Burundi risa n’iridasobanura neza ingingo ziherekeza ifungwa ry'imipaka zirimo ibirebana n’ubuhahirane ariko Minisitiri w'Ububanyi n'Amahanga w'iki gihugu asa n'uwagaragaje ko nta muntu wemerewe kwinjira mu Burundi ava mu Rwanda uretse Umurundi waba ataha.

    Ibi bikaba ari imbogamizi umuntu yavuga ko itoroshye ku ruganda rw'umuziki rwari ruhagaze neza aho abahanzi b'Abarundi bagiye biyambaza bakaniyambazwa nabo mu Rwanda mu bikorwa byatanze umusaruro ufatika yaba mu ndirimbo cyangwa ibitaramo.

    Uretse ibyo kandi hari ibirori byagendaga bitumirwamo abavanzi b'umuziki [DJ] n’ababyinnyi baturuste ku mpande zombi kimwe n'ibitaramo byaberaga mu bihugu byombi.

    Ikirenze kuri ibyo ugasanga byahagurukije Abarundi niba byabereye mu Rwanda ubundi Abanyarwanda mu gihe byabereye i Burundi.

    Mbega hari imikoranire yagiye itanga inyungu zifatika cyane muri iki gihe ikoranabuhanga rimaze gutera imbere, hakaza kandi no kuba mu bihembo bitangirwa mu Rwanda, Abarundi bari batangiye kujya batekerezwaho ibintu bigaragaza ubuvandimwe.

    Uretse ibyo ku ruhande rwo gutunganya indirimbo abahanzi b'Abarundi wasangaga ahanini bakunda gukorana nabo mu Rwanda, Abanyarwanda nabo ugasanga bajya gufatirayo amashusho ndetse nyinshi mu ndirimbo zimaze iminsi zisohoka zakunzwe zagiye zifatirwayo.

    Ibi byiza byose bimaze iminsi biba bikaba bigoranye kumenya umurongo biza kuba bifite mu minsi igiye kuza mu gihe imipaka ku ruhande rw'u Burundi iruhuza n'u Rwanda yakomeza gufungwa.

    Gusa ntawakirengagiza ko Abanyarwanda bari bamaze iminsi bahurira n’isanganya mu Burundi aha twavuga nko mu gihe kitari cya kure ubwo Chriss Eazy yajyaga gutaramira i Burundi.

    Abari baherekeje uyu muhanzi barimo Junior Giti usanzwe areberera inyungu z’uyu muhanzi batawe muri yombi bamara amasaha arenga ane bahatwa ibibazo n’inzego z’iperereza zo mu Burundi hari ku wa 31 Ukuboza 2023.

    Umunyarwenya Nyaxo na we yatawe muri yombi mu Ukuboza 2023 amara igihe kitari gito afunganwe n’abo bari kumwe ntabwo hasobanuwe neza icyo yaziraga ariko ntabyo byumvikanisha urwicyekwe rumaze iminsi i Burundi.

    Si ubwa mbere u Burundi bufunga imipaka ibuhuza n’u Rwanda kuko ubwo yaherukaga gufungwa ikaza gufungurwa muri 2022 yamaze imyaka igera kuri itanu ifunze ibintu byahungabanije imibereho y’abaturage b’impande zombi mu buryo bumwe n’ubundi.

    Abahanzi batandukanye mu Rwanda bamaze iminsi bajya gutaramira mu gihugu cy’u Burundi mu bitaramo byatanze ibyishimo byimbitse 

    Ababyinnyi b’abanyarwanda bagiye bataramira mu Burundi mu bihe bitandukanye 

    Umubano w’abahanzi wari wifashe neza bakorana mu buryo bunyuranye bugamije guteza imbere umuziki

    Indirimbo zitandukanye zagiye zikomeza gukorwa ku muvuduko wo hejuru mu gihe imipaka yari imaze ifunguye 

    Kuba u Burundi bwarafunze imipaka ntawe wuzi neza aho bigana gusa bikomeje byateza igihumbo kitoroshye mu myidagaduro yari yifashe neza ku mpande z’ibihugu byombi

    KANDA HANO WUMVE UNAREBE YALAMPAYE YA KIVUMBI NA KIRIKOU AKILI

    “>

    KANDA HANO WUMVE UNAREBE INDIRIMBO YA DOUBLE JAY, KIRIKOU NA BRUCE MELODIE

    “>

    KANDA HANO WUMVE UNAREBE INDIRIMBO YA DRAMA T FT DRAMA T

    “>

    Source : https://inyarwanda.com/inkuru/138540/ifungwa-ryimipaka-i-burundi-iruhuza-nu-rwanda-igihombo-gikomeye-ku-myidagaduro-yibihugu-by-138540.html

  • Nshuti Innocent agiye gusohoka muri APR – YEGOB #rwanda #RwOT

    Nshuti Innocent wakinaga mu ikipe ya APR FC ndete no mu ikipe y'igihugu Amavubi yabonye ikipe nshya muri Leta Zunze ubumwe za Amerika One Knoxville SC.

    Iyi kipe ya One Knoxville SC isanzwe ikina muri USL League One,icyo umuntu yakwita nk'icyiciro cya 3 muri Leta zunze ubumwe za Amerika,yashinzwe muri 2021,ikaba ikinira kuri sitade yitwa Regal Stadium ifite ubushobozi bwo kwakira abantu ibihumbi 3000.

    Nshuti Innocent bikaba byitezwe ko niyitwara neza azongerwa amasezerano dore ko yari yayisinyiye imyaka ibiri.

    Source : https://yegob.rw/nshuti-innocent-agiye-gusohoka-muri-apr/

  • Amakuru mashya ku bakinnyi 7 b’ikipe ya Rambura WFC bakubiswe n’inkuba bakaba bari barembeye mu bitaro – AMAFOTO – YEGOB #rwanda #RwOT

    Kuri uyu wa Gatandatu tariki 13 Mutarama 2024 nibwo bamwe mu bakinnyi b'ikipe ya Rambura WFC bari mu bitaro bya Byumba muri mu karere ka Gicumbi nyuma y'uko bakubiswe n'inkuba ubwo bari mu mukino wabahuzaga na Inyemera WFC.

    Nta n'umwe witabye Imana, gusa harimo abakomeretse bahise bajyanwa kwitabwaho kwa muganga.

    Abakinnyi bose bari bagize ikibazo ku mukino wahuje Inyemera WFC na Rambura WFC bakajya mu bitaro kubera gukubitwa n'inkuba, bamaze gusezererwa nyuma yo koroherwa.

     

    Source : https://yegob.rw/amakuru-mashya-ku-bakinnyi-7-bikipe-ya-rambura-wfc-bakubiswe-ninkuba-bakaba-bari-barembeye-mu-bitaro-amafoto/

  • Abatoza 2 hahabwa amahirwe yo gutoza Rayon Sports #rwanda #RwOT

    Nyuma y’uko uwari umutoza mukuru wa Rayon Sports, Mohamed Wade ahagaritswe, biravugwa ko ubu Ndayizeye Jimmy na Ivan Minnaert ari bo bashobora kuvamo umutoza w’iyi kipe.

    Umunya-Mauritania, Mohamed Wade wari ufite amasezerano y’umutoza wungirije, mbere y’uko imikino yo kwishyura itangira yagizwe umutoza mukuru.

    Nyuma y’umukino umwe w’umunsi wa 16 yatsinzwemo na Gasogi United ku wa Gatanu, Rayon Sports yahise imuhagarika ejo hashize ntiyakoresheje imyitozo aho yakoreshejwe n’umutoza ushizwe kongerera imbaraga abakinnyi, Lebitsa Ayabonga.

    Bivugwa ko iyi kipe iri mu biganiro n’abatoza batandukanye barimo Ndayizeye Jimmy utoza Le Massager Ngozi.

    Uyu mugabo w’imyaka 47, watoje amakipe nka Espoir FC y’i Rusizi, Académie Tchité FC y’iwabo ndetse n’Ikipe y’Igihugu y’u Burundi, Rayon Sports ibona ari we mahitamo meza.

    Uretse uyu mutoza kandi, Rayon Sports inatekereza kuba yaha akazi Umubiligi Ivan Jacky Minnaert wahoze ayitoza.

    Minnaert umaze iminsi mu Rwanda ushaka ikipe yajyamo, na we ahabwa amahirwe cyane ko ari na we wanditse amateka muri iyi kipe ayigeza mu matsinda ya CAF Confederation Cup muri 2018.

    Ndayizeye Jimmy aravugwa muri Rayon Sports

    Minnaert na we arahabwa amahirwe yo gutoza Rayon Sports

    Source : http://isimbi.rw/siporo/article/abatoza-2-hahabwa-amahirwe-yo-gutoza-rayon-sports

  • U Rwanda rwasoje imikino ya gicuti mbere yo gutangira Igikombe cy’Afurika (AMAFOTO) #rwanda #RwOT

    Ikipe y’igihugu y’u Rwanda ya Handball yakinnye umukino wa nyuma wa gicuti mbere yo gutangira igikombe cy’Afurika ku wa Gatatu w’iki cyumweru tariki ya 17 Mutarama 2024 kizabera mu Misiri kugeza tariki ya 27 Mutarama 2024.

    Ku mugoroba w’ejo hashize tariki ya 14 Mutarama 2024, u Rwanda rukaba rwarakinnye na Maadi SC yo mu Misiri yashinzwe mu 1921, ibarizwa mu gace ka Maadi muri Cairo.

    Byari biteganyijwe ko u Rwanda rukina na Congo Brazaville ariko ntibyakunda kuko iki gihugu kitaragera mu Misiri ari nayo mpamvu rwahise rukina na Maadi SC.

    Ni umukino wabereye muri Gymnase iri mu Gicumbi cy’Imikino (Sports Center) i Cairo ari n’aho Tolip Inn Hotel u Rwanda rucumbitsemo iri.

    Iminota ya mbere y’umukino, abasore b’u Rwanda bari bayobowe na kapiteni Jean Paul, Mbesutunguwe, Emmy bafashije u Rwanda kuguma mu mukino ndetse barawuyobora kugeza ku munota wa 11 aho byagendaga imbere ya Maadi.

    Nyuma y’iyi minota, Maadi yigaranzuye u Rwanda ndetse isoza igice cya mbere iyoboye n’amanota 21-17.

    Ntabwo u Rwanda rwatangiye neza igice cya kabiri kuko iminota 10 ya mbere, amanota 4 barushwaga yari amaze kuzamuka yabaye 7.

    Ku munota wa 16 w’igice cya kabiri u Rwanda rwagize amahirwe umukinnyi wa Maadi akurwa mu kibuga iminota 2 kubera ikosa yari akoze, gusa ntacyo byarufashije kuko rwananiwe kugabanya ikinyuranyo Maadi yari isigaye ari abakinnyi 6 yabashizemo.

    Abasore ba Bagirishya Anaclet bakomeje gushaka uko bagabanya iki kinyuranyo biranga umukino urangira ari 38 ya Maadi SC kuri 31 y’u Rwanda.

    Indi mikino 2 u Rwanda rwakinnye, rwaraye rutsinzwe na Misiri B 38-33 ni mu gihe umukino wa mbere rwari rwatsinzwe na Zohour Sporting Club 38-25.

    U Rwanda muri iki gikombe kigiye kuba ku nshuro ya 26 akaba ari ubwa mbere rugiye kukitabira, ruri mu itsinda rimwe na Zambia, Cape Verde ndetse na DR Congo. U Rwanda rukaba ruzatangira igikombe cy’Afurika rukina na Cape Verde.

    Source : http://isimbi.rw/siporo/article/u-rwanda-rwasoje-imikino-ya-gicuti-mbere-yo-gutangira-igikombe-cy-afurika-amafoto