Category: Uncategorized

Uyu musore yageze i Kigali, ku mugoroba wa tariki 1 Gicurasi 2024. Avuga ko ubwo yari ageze ku kibuga cy'indege Mpuzamahanga cya Kigali, yirinze kugira byinshi avugana n'itangazamakuru, ariko yiteguye kugaragaza ukuri kose kw'ibyabaye.

Yanditse kuri konti ye ya X [Yahoze ari Twitter], avuga ko kuri uyu wa Gatanu tariki 3 Gicurasi 2024, atanga ikiganiro kirambuye ku rubuga rwe rwa Instagram ndetse no ku muyoboro wa Youtube, aho azagaragaza 'ukuri kwa nyirubwite mu kava mu rujijo rw'ibihuha biri guhwihwisa'.

Semuhungu yanditse ibi mu gihe muri Nyakanga 2023, ikinyamakuru Review Journal cyanditse ko yafungiwe muri Amerika akurikiranyweho gufata ku ngufu.

Uyu musore yafatiwe mu Majyaruguru y'Umujyi wa Las Vegas aho yari asanzwe atuye atangira kuburana kuri icyo cyaha. Nyuma yo gutangira kuburana, hibazwaga byinshi bijyanye n'igihugu kizamwakira, hagati y'u Rwanda ndetse na Afurika y'Epfo.

Yaherukaga gukoresha imbuga nkoranyambaga mu byumweru 52. Icyo gihe yanditse avuga ko yinjiye muri Leta Zunze Ubumwe za Amerika, ku wa 2 Gicurasi 2016, kandi yishimira amahirwe yahagiriye arimo no guhura n'uwabaye umugabo we witabye Imana.

Umwana ujya iwabo!

Amashusho ya mbere yashyize ku rubuga rwe rwa Instagram, yavuze ko yishimiye kuba agarutse mu Rwanda, avuga ko ubwo yari ku kibuga cy’indege mpuzamahanga cya Kigali yirinze kugirana ikiganiro n’itangazamakuru, kandi ko yakiriwe muri Kigali Serena Hotel. 

Uyu mugabo yavuze ko afite ‘byinshi byo kuzaganiriza abantu be’. Ati “”Ndahari amazina yanjye ni Eric Semuhungu, dufite byinshi byo kuzaganira igihe nikigera.” Ndi mu Rwanda, erega ndi umuryarwanda, amazi arashyusha ariko ntiyibagirwa iwabo wa mbeho. Ndi mu rugo rero i Kigali…”  

Iyo unyujije amaso ku rubuga rwa Leta Zunze Ubumwe za Amerika, basobanura ‘Deportation’ nk'igikorwa cyo kwirukanwa mu gihugu umuntu runaka, bitewe n’impamvu zirimo kurenga ku mategeko agenga icyo gihugu, ibikorwa by’ubugizi bwa nabi n’ibindi.

Bavuga ko kwirukanwa ari inzira yo kuvana umunyagihugu muri Amerika kubera kurenga ku mategeko y’abinjira n’abasohoka. Hashingirwa ku bikorwa birimo nko kugira uruhare mu bikorwa by'ubugizi bwa nabi, ibihungabanya umutekano rusange no kurenga kwa Viza(Visa).

Basobanura ko mu gihe batangiye inzira yo kohereza umunyamahanga mu gihugu cy'amavuko cye, ashobora kuba afungiwe muri Gereza mbere yo kuburanishwa cyangwa se koherezwa mu gihugu cyemeye kumwakira.

Nyuma y'uko afunzwe, atangira kujya yitaba umucamanza mu Rukiko rw'abanjira n'abasohoka mu gihe cyo koherezwa (kuvanwa mu gihugu).

Biranashoboka ko Amerika yakwirukana mu gihugu mu gihe udafite ibyangombwa by'ingendo bikwiye, gukoresha inyandiko mpimbamo cyangwa adafite Visa.

Urukiko rw’abinjira n’abasohoka muri Minisiteri y’Ubutabera yo muri Amerika (DOJ) ni rwo ruburanisha urwo rubanza rw'umuntu ugiye kwirukanwa mu gihugu.

Iyo umucamanza yemeje ko kwirukanwa bigomba gukomeza, Urwego rw'abinjira n’abasohoka muri Amerika (ICE) bakora icyemezo cyo kwirukana.

Mbere y'uko bagufasha kuva muri Amerika, ushobora guhitamo kuhava ku bushake, icyo gihe ukoresha amafaranga/ubushobozi ukava mu gihugu-Ibi bizwi nko kugenda ku bushake.

Inyandiko iri ku rubuga rwa Leta Zunze Ubumwe za Amerika, igaragaza ko igihe ugiye kwirukanwa ufite uburenganzira bwo kuba wajuririra ibyemezo bimwe byo koherezwa. 

Mbere yo kujuririra iki cyemezo, ushakisha serivisi zemewe n’amategeko. Ushobora kandi no gushakisha ubufasha bw'umuryango udaharanira inyungu.

Iyo wumva ko uburenganzira bwawe nk'umuturage bwahungabanijwe, utanga ikirego muri Minisiteri y'umutekano mu gihugu.

Bamwe bavanwa mu gihugu hakoreshejwe indege ya Leta ya Amerika. Abandi bashobora gukoresha urujya n'uruza rwo gutwara abantu n'ibintu.

Abanyamahanga bakoze ibyaha bidafite urugomo bashobora gukorerwa icyitwa 'Rapid Repeat', aho bashobora kurekurwa bakava muri Gereza kugirango basubire ku bushake mu gihugu bakomokamo.

Iyi nyandiko ivuga ko kwirukanwa bishingiye ku ihohoterwa rishingiye ku gitsina bivuga kuvanwaho cyangwa umuntu ku giti cye ukomoka mu gihugu kubera ukwemera ko yabigizemo uruhare mu ihohoterwa rishingiye ku gitsina cyangwa ibyaha bifitanye isano nayo- Ibi ni nabyo byatumye Semuhungu Eric avanwa muri Amerika.

Ibihugu nka Leta Zunze Ubumwe za Amerika, Canada, ndetse na bimwe mu bihugu byo mu Burayi byashyizeho amategeko akakaye yo kwirukana ku butaka buri wese ugize uruhare mu byaha bishamikiye ku ihohoterwa rishingiye ku gitsina, no gufata ku ngufu, guhohotera umwana n’ibindi.

Kwirukanwa bishingiye ku ihohoterwa rishingiye ku gitsina bifatwa nk'uburyo bwo kurinda umutekano rusange, abantu ku giti cyabo ibikorwa byabo.

Kuvana umuntu muri Amerika bikorwa n'Ishami ry'ibanze ryo gutwara abantu n'ibintu mu kirere ruzwi nka 'IAO'.

IAO yorohereza ihererekanyabubasha no gutwara abenegihugu binyuze mu ndege z'ubucuruzi n'indege zikodeshwa mu rwego rwo gushyigikira ibiro bya 'ICE' hamwe n'ishami ry'umutekano mu gihugu (DHS). Ibi bikorwa binyuze mu masezerano no gutwara abantu mu kirere.

Ibikorwa bya 'Air Charter Operations' bitwara abanyagihugu bafunzwe bagomba kuvanwa muri Amerika bakajwa mu bihugu bakomokamo.

Hari kandi gutwara abanyagihugu bafungiwe muri Amerika, bakoherezwa mu bihugu bakomokamo. Bifashisha kenshi indege zidasanzwe zizwi nka 'Risk Charter'.

Izi ndege zateganyirijwe gukura mu gihugu cyangwa mu turere abanyamahanga birukanwa ku butaka bwa Amerika, bakagezwa mu bihugu by'abo hisunzwe amabwiriza ya nyuma yo gukuraho uwo muntu, ku mpamvu z'umutekano cyangwa izindi mpamvu zishobora guteza ingaruka mu gihugu.

 

Kanda hano usome inkuru bifitanye isano: Yirukanwe na Amerika? Iby’urugendo rwa Eric Semuhungu i Kigali

Semuhungu yatangaje ko yiteguye kugaruka ku rugendo rwe kugeza agejejwe mu Rwanda

Ibyaha bijyanye no gufata ku ngufu no guhungabanya umutekano w'igihugu ntibyihanganirwa muri Amerika

Amerika yateguye uburyo bwo gutwara abantu harimo kwifashisha indege cyangwa se inzira y'ubutaka 

Mu bihe bitandukanye, Amerika yagiye ikura ku butaka bw’ayo bamwe mu baturage bitewe n’ibyaha babaga bakoze 

Kwirukanwa ‘Deportation’ hifashishwa indege, nyuma y’uko urukiko rubyemeje

Mu mwaka wa 2020, nibwo Element na Country Records yakoreragamo batangaje umushinga wo gukora injyana ya Afro Gako (Uruvange rwa Afrobeats na Gakondo nyarwanda) ariko nyuma y'aho Element aza gutandukana na Country Records yerekeza muri 1;55 am.

Haba Elemnt na Noopja wazanye iki gitekerezo, bombi bakomeje iki gitekerezo ndetse bagerageza kugishyira mu bikorwa kugira ngo abanyarwanda batazagira ngo barabeshywe cyangwa se gutandukana kwabo kwagize ingaruka ku mishinga ya Country Records.

Mu mwaka wa 2023 utangira, Country Records yasinyishije Producer FM Pro waje guhabwa izina rya Pakkage hanyuma Noopja amugezaho umushinga wo gukora injyana ya Afro Gako n'uko atangira gukora kuri iyi njyana mu bice byose.

Mu mezi atatu ashize, nibwo hasohotse indirimbo 'Abahungu' ndetse n'indirimbo 'Akayobe' zose zari mu njyana ya Afro Gako ariko abantu bagira urujijo bibaza impamvu ari Element watangaje injyana ikaba ikozwe na Pakkage.

Nyuma y'igihe abantu bategereje injyana ya Afro Gako yakozwe na Element, ejo bundi nibwo yashyize hanze iyi njyana hanyuma Pakkage ahita avuga ko atari Afro Gako ahubwo yavuguruye Gakondo gusa. Aha yatanze urugero rw’indirimbo “Karame rudasumbwa” ya Massamba Intore iri mu njyana nk’iya Element.

Mu kiganiro na InyaRwanda, Pakkage yatangaje ko Element yabanje gukora Afro Gako mbere yo gutangaza ko yashyize hanze iyo njyana kugira ngo yumve icyo abantu bavuga  ariko akaza kongera kwisubiraho akayisubiramo.

Indirimbo 'Bana' ya Shaffy na Chris Easy n'indirimbo 'Azana' ya Bruce Melodie niyo yari ikozwe mu njyana ya Afro Gako nk'uko Pakkage yabitangaje ariko nyuma yo kumva injyana yari yakorewe muri Country Records, yahisemo kongera kuyisubiramo. 

Pakkage yahishuye ko Element yabanje gukora indirimbo ziri mu njyana ya Afro Gako atari yabitangaza nyuma aza kuyisubiramo

Element yabanje gukora “Bana” na “Azana” mu njyana ya Afro Gako ariko nyuma arayihindura

Reba indirimbo “Azana” ya Bruce Melodie

“>
Reba indirimbo “Bana” ya Shaffy na Chris Eazy 
“>
Umva indirimbo “Abahungu” ya Juno Kizigenza iri mu njyana ya Afro Gako Pakkage yakoze

“>

Umva indi ndirimbo “Akayobe” ya Manick Yani na King James yakorewe muri Country Records ikaba iri mu njyana ya Afro Gako.

“>

Iyumvire injyana ya “Afro Gako” Element yakoze

Umuhanzikazi wo mu Itorero ry'Abadiventiste b'Umunsi wa Karindwi, Vumilia Mfitimana ageze kure imyiteguro y'igitaramo cya mbere yise 'Nyigisha Live Concert,' kigiye kubera mu ihema rinini rya UNILAK ku ya 04 Gicurasi 2024.

Muri iki gitaramo azakora kuri uyu wa Gatandatu, Vumilia agiye guhurizamo abahanzi n'amakorali bakunzwe cyane mu Itorero ry'Abadiventiste b'Umunsi wa Karindwi, barimo umuramyi Phanuel Bigirimana, Way of Hope Choir y’i Remera, Korali Ababimbuzi yo ku Muhima, Hope in Christ ya Kicukiro Centre, Korali Intwari za Kristo y’i Kigombe, hamwe na Anne Muhimpundu benshi bakunze mu ndirimbo 'Ntacyo Nkushinja.'

Iki ni cyo gitaramo cya mbere Vumilia agiye gukora nyuma y'imyaka isaga ine yinjiye mu muziki. Uyu muhanzi akunzwe cyane mu ndirimbo yanitiriye iki gitaramo yise 'Nyigisha' (Abenshi bakunze kuyita numpa umugisha Yesu ujye unyibutsa gushima).

Mu kiganiro yagiranye na InyaRwanda, Vumilia yatangaje ko agiye gukora iki gitaramo muri iki gihe kuko ari bwo yari afite ubushobozi ndetse n'umwanya, yongeraho ko ari na cyo gihe Imana yashimye, 'kuko ni nayo yatumye nshira ubwoba mu myaka ine yari ishize. Nahoranaga ubwoba bwo kuba nategura igitaramo, rero ni igihe Imana yamazemo ubwoba inyereka ko bishoboka. Byari umupangu w'Imana.'

Akomoza ku cyo yiteze muri iki gitaramo, uyu muramyi yagize ati: 'Njyewe niteze kuzabona abantu baza tugafatanya guhimbaza Imana. Ntabwo nzi ngo ndi bwitege iki kuko ari ubwa mbere ntazi ngo biba bimeze bite, gusa njyewe mfite amatsiko yo kubona ntaramanye n'abantu, ba bandi bakunze za ndirimbo tukishima tugataramana nkababona banshyigikira.'

Vumilia yasobanuye ko impamvu yahisemo ko abantu bazitabira igitaramo cye bazinjira ku buntu kubera ko yatekereje ko hari abantu bamukunda ndetse n'ibihangano bye batabona ubushobozi bwo kwishyura itike yabinjiza mu gitaramo kuko bagihanganye no kubona n'ifunguro ribatunga uwo munsi.

Yagize ati: 'Nahisemo gufata icyo gitaramo ngo nkireke abantu bazinjirire ubuntu kugira ngo ba bantu bankunda badafite ubushobozi nabo bazoroherwe/bazisangemo.'

Yashimangiye ko abifuza kumushyigikira nabo badahejwe kuko babageneye umwanya bazatangamo inkunga yabo mu gitaramo nyirizina. Vumilia kandi, yaboneyeho no kwizeza abantu ko imyiteguro irimbanije ndetse iby'ingenzi bisabwa ngo igitaramo kibashe kuba byose byamaze kujya ku murongo.

Uyu muhanzikazi yatangaje ko nta mbaraga zidasanzwe ziri kumushyigikira muri iki gitaramo uretse iz'Imana ndetse n'abantu be ba hafi bakomeje kumufasha mu myiteguro yacyo.

Indirimbo ye ya mbere, ni iyitwa 'Izabukuru' yashyize hanze mu 2020. Mu zindi ndirimbo ze zakunzwe harimo “Amahoro”, “Ibaga nta kinya”, “Izabukuru”, “Bya bindi”, “Uzandinde gupfa kabiri”, “Na n’ubu”, “Izahabu”, “Buri Segonda” n’izindi.

Uburyohe bw’indirimbo ze n’ijwi rye rinyura benshi, bituma atumirwa cyane hirya no hino mu Itorero ry’Abadivantiste b’Umunsi wa Karindwi, ibintu bigaragaza ko ari ku ibere kuko ari we ugaragara cyane mu bitaramo binyuranye yaba ibibera mu nsengero, mu bigo by’amashuri, mu bukwe n’ahandi.

Vumilia kandi agiye gukora iki gitaramo nyuma y'amezi macye ataramiye i Burundi, mu gitaramo yatumiwemo na Dawn Joy Singes choir ahitwa Sororezo ku ya 09 Nzeri 2023. Iki gitaramo yagihuriyemo n'andi makorali menshi y’ i Burundi arimo Angel’s Voice Kabingo, Alone Gospel Sehe, Salvation Ngagara, Ebenezer Kamenge, Patmos Kamenge n’ayandi.

Umuhanzi Vumilia Mfitimana yateguye igitaramo cye cya mbere yitiriye indirimbo ye yakunzwe cyane ‘Nyigisha’

Kwinjira mu gitaramo cye yabigize ubuntu nyuma yo gutekereza ku bantu bamukunda ariko badafite ubushobozi bwo kwiyishyurira itike

Ni igitaramo azahuriramo n’amakorali ndetse n’abahanzi bakunzwe mu itorero ry’Abadiventiste b’Umunsi wa Karindwi

Kanda hano urebe indirimbo ‘Nyigisha’ ya Vumilia Mfitimana

 

Abanyamakuru ba Radio&Tv10, Furaha Giovanni Bonheur na Esther Fifi Uwizera basezeranye imbere y’amategeko, ubukwe bwatunguye benshi barimo n’abo bakorana.

Ni umuhango wabaye ejo hashize ku wa Kane tariki ya 2 Gicurasi 2024 mu Murenge wa Remera mu Karere ka Gasobo mu Mujyi wa Kigali.

Nubwo bakoranaga mu kigo kimwe ariko urukundo rwa bo barugize ibanga rikomeye kuko n’abo bakorana batari babizi ndetse banatunguwe no kubona basezeranye imbere y’amategeko.

Fifi akaba asanzwe akora ikiganiro cy’Iyobokamana cyitwa “Imbaraga mu Guhimbaza” akorana na Eddy Kamoso, akora kandi mu gisata cy’imikino ni mu gihe hari n’akandi gace agira kitwa “Imbogo” gatambuka kuri TV10 kaba ari video zisekeje zirimo n’abantu baba bakoze amakosa mu byo banditse cyane cyane ibinyamakuru.

Umugabo wa Esther Fifi, Furaha Giovanni Bonheur we akaba akora mu ishami ry’amafoto n’amashusho.

Biteganyijwe ko indi mihango y’ubukwe bwa bo izaba tariki 07/07/2024 hazaba umuhango wo gusaba no gukwa muri salle ya Kigali Parents School, ndetse banasezerane imbere y’Imana muri Salle ya Kigali Parents School.

Ishyirahamwe ry’umupira w’amaguru mu Rwanda, FERWAFA, ryamaze kwemeza ko Amavubi azitabira CECAFA y’ibihugu izaba muri Kamena na Nyakanga 2024.

Ni nyuma y’imyaka 7 u Rwanda rutitabira irushanwa ry’umupira w’amaguru rihuza ibihugu byo muri Afurika y’Iburasirazuba ndetse n’iyo hagati ari yo CECAFA.

Amavubi y’u Rwanda akaba yaherukaga kwitabira iri rushanwa muri 2017, icyo gihe ryabereye Zanzibar aho u Rwanda rwavuyemo rutarenze itsinda, ni irushanwa ryegukanywe na Kenya.

Perezida w’Ishyirahamwe ry’umupira w’amaguru mu Rwanda, Munyantwali Alphonse yemeje ko CECAFA ya 2024 u Rwanda rugomba kuyitabira.

Ati “tubamare impungenge, ikipe y’igihugu Amavubi izitabira CECAFA.”

Iri rushanwa rizaba tariki ya 29 Kamena kugeza tariki ya 14 Nyakanga 2024. CECAFA yavuze ko irushanwa ry’uyu mwaka CECAFA izatumiramo ibindi bihugu bitari muri CECAFA.

Iyi CECAFA yaherukaga kuba 2019 aho yabereye muri Uganda ariko u Rwanda rukaba rutarayitabiriye.

Umwaka wakurikiyeho wa 2020 ntabwo irushanwa ryabaye kubera icyorezo cya Coronavirus.

2021 iri rushanwa ryarabaye ariko na bwo rihindurizwa izina aho ryari ryabaye irushanwa ry’abatarengeje imyaka 23, nabwo u Rwanda ntirwitabiriye. 2022 ndetse na 2023 ntabwo ryigeze riba.

Ibi byavugiwe mu kiganiro n'itangazamakuru cyabere mu mujyi wa Kigali kuri Hotel ya Grand Legacy iherereye i Remera. Ni ikiganiro cyari kiyobowe na Munyatwari Alphonse, Perezida wa FERWAFA, ndetse n'abandi bagize komite nyobozi ya FERWAFA.

Iki kiganiro Perezida wa FERWAFA yatangiye agaruka ku buzima bujyanye n'ibyakozwe mu gihembwe cya mbere cy'umwaka mu mupira w'amaguru mu Rwanda harimo n'irushanwa ry'abakiri bato mu batarengeje imyaka 20. 

Yagize Ati' Icyiciro cy’abatarengeje imyaka 20, cyagenze neza ndetse twizerako uko irushanwa rizagenda rikomeza rizatanga abakinnyi beza cyane mu myaka iri imbere. Twanavuganye n’amakipe kandi ko dushaka kuzamanuka tuzakajya no mu batarengeje imyaka 17.'

Agaruka ku kijyanye n'abatoza, Perezida wa FERWAFA yavuze ko  mu gihembwe cya mbere cy'umwaka batanze amahugura menshi mu ngeri nyinshi.    Yagize Ati' Twari dusanzwe dufite abatoza 8 bafite ibyangombwa byo gutoza bya CAF B, ariko mu mahugurwa yabaye ejo bundi tukaba twarahuguye abatoza bagera kuri 25 bo mu cyiciro cya CAF B, ndetse mu gihembwe gikurikiraho tukazahugura abandi nk'abo. Hari abatoza bagera kuri 180 twahuguye kuri CAF D ku buryo bazajya batoza abana mu duce dutandukanye tw’igihugu.

Agaruka ku misifurire, Munyatwari yavuze ko bahuguye abasifuzi bagera kuri 350 bari hagati y'imyaka 14 na 19, ndetse bakaba muri aba basifuzi 60 muri bo barasifuye icyiciro cya 3.

Ku ikipe y'igihugu, Perezida wa FERWAFA yavuze ko bishimiye uko yitwaye ndetse ikaba yarazamutse ku rutonde rwa FIFA. Yakomeje avuga ko iyi kipe izatangira umwiherero tariki 20 Gicurasi 2024 yitegura imikino 2 yo gushaka itike y'igikombe cy'Isi, aho izakina na Benin tariki 6 Kamena mu mukino uzabera muri Cote d'ivoire, ndetse n'umukino Lesotho izabakiramo tariki 11 Kamena muri Afurika y’Epfo. 

Yavuze ko kandi amakipe y'igihugu mu byiciro bitandukanye, azakomeza kwitabira amarushanwa atandukanye ari nako impano zibonetse zakurikiranwa.

Ku bijyanye n'abakinnyi bashya bashobora kwiyongera mu ikipe y'igihugu, Perezida Munyatwari yavuze ko bazajya baza mu byiciro. Yagize Ati' Abakinnyi bazagenda baza ariko ntabwo bazazira rimwe hari abakinnyi bazajya baza mu byiciro bitandukanye hari abazaza mu kwa 6 abandi baze mu kwa 9 no mu kwa 11.'

Munyankaka Ancilla ukuriye umupira w’abagore, avuga ko ikibazo cy’ibibuga bibi byagaragaye muri shampiyona kigiye gukemuka, amakipe akazajya akinira ku bibuga byemewe 

Kalisa Adolphe umunyamabanga wa FERWAFA, avuga ko FERWAFA yakira ibirego byinshi bisaga 200 mu gihe gito kandi baba bagomba kubikorera ubusesenguzi bwimbitse, ariyo mpamvu guhana abantu bisa naho bitinda

“>

Umuhanzi Nyarwanda, Rusanganwa Norbert [Kenny Sol] n’umugore we Kunda Alliance Yvette bari mu byishimo bikomeye nyuma ya kwibaruka imfura ya bo.

Umugore wa Kenny Sol akaba yibarutse ku mugoroba w’ejo hashize ku wa Kane tariki ya 2 Gicurasi 2024.

Bibarutse imfura ya bo nyuma y’amezi 4 Kenny Sol na Alliance basezeranye imbere y’amategeko mu muhango wabereye mu murenge wa Nyakabanda tariki 5 Mutarama 2024, ni mu gihe tariki ya 6 Mutarama basezeranye imbere y’Imana.

Abinyujije ku mbuga nkoranyambaga ze, Kenny Sol tariki ya 19 Mata yashyizeho amafoto agaragaza ko we n’umugore we usanzwe uba muri Canada bitegura kwibaruka.

Tariki ya 24 Mata, Kenny Sol akaba yarashyize hanze amashusho y’indirimbo ‘2 in 1’ yavuze ko yatuye umugore we n’umwana we bitegura kwibaruka, ni amashusho yifashishijemo umugore we.

Tariki 19 Mata 2024 nibwo hamenyekanye amakuru y'uko Ndamyimana yishwe atewe ibyuma mu masaha y'ijoro atashye. Icyo gihe ababikoze ntabwo bahise bamenyekana gusa Polisi yahise itangira iperereza ku bakekwa.

Umuvugizi wa Polisi y'Igihugu, ACP Boniface Rutikanga, yabwiye IGIHE ko nyuma y'igihe iperereza rikorwa, hari babiri bafashwe bagize uruhare mu rupfu rw'uyu mugabo.

Ati ' Iperereza ryakozwe ryaje gusanga abo bagabo bari basanzwe ari abajura bakorera ibikorwa by'ubujura mu Mirenge ya Gisozi, Muhima na Kacyiru bifashije ibyuma. Umwe yari atuye ku Kinamba undi, yari atuye i Gasanze. Gahunda zose z'ubujura baziteguriraga ku Kinamba.'

Abo bajura bari baragiye bafungwa mu bihe bitandukanye mu bigo bifungirwamo inzererezi no muri Gereza. Polisi ivuga ko hari umwe wari mu gihano gisubitse aho yari yarahamijwe icyaha cyo gukubita no gukomeretsa.

Mu gitondo cyo kuri uyu wa Gatanu, ubwo bari bagiye kwerekana aho abo bakoranaga batuye, Polisi isobanura ko birutse bashaka gucika bajya mu byerecyezo bitandukanye mu buryo bugaragara ko basa n'ababiteguye, abapolisi bahita babarasa barapfa.

Polisi ivuga ko iperereza ry'ibanze ryagaragaje ko bari bariyemeje kubeshwaho n'ubugizi bwa nabi.

Umuvugizi wa Polisi yaburiye abishora mu bikorwa nk'ibi, ko bakwiriye kubihagarika kuko inzego z'umutekano zizabarwanya.

Ati 'Abishora mu bikorwa nk'ibi bagomba kumenya ko ubujura nta mwanya bufite, ubugome burimo kuvutsa ubuzima ntabwo buzihanganirwa habe na gato. Polisi yatangiye gushakisha n'abandi bose ifiteho amakuru aho bari hose. Inama twabagira ni uko bahagarika ibyo byaha.'

---

Ishyirahamwe ry’Umupira w’Amaguru mu Rwanda, FERWAFA, ryaciye amarenga ko muri Kamena 2024 hari abakinnyi bashya bashobora kwiyongera mu Mavubi ubwo bazaba bitegura imikino ya Benin na Lesotho.

Ikipe y’Igihugu y’u Rwanda, Amavubi izasura Bénin tariki ya 6 Kamena 2024 mbere yo kujya muri Afurika y’Epfo gukina na Lesotho tariki ya 11 Kamena 2024, ni mu ijonjora ryo gushaka itike y’Igikombe cy’Isi cya 2026.

Umutoza w’ikipe y’igihugu Frank Spittler yari yavuze ko hari abakinnyi bafite inkomoko mu Rwanda bakina i Burayi ari na ho bavukiye bashobora kuzaza gukinira u Rwanda mu mikino itaha.

Perezida wa FERWAFA, Munyantwali Alphonse abajijwe niba hari abakinnyi bazaza kuri iyi mikino ya Lesotho na Bénin, yirinze kubyemeza ariko avuga ko bazagenda baza uko iminsi izagenda iza.

Ati “Bazajya baza gake gake. Abo uzabona muri Kamena, nyuma muri Nzeri ushobora kuzabona hari abiyongereyeho.”

Biteganyijwe ko tariki ya 20 Gicurasi 2024 ari bwo ikipe y’igihugu Amavubi izatangira umwiherero yitegura iyi mikino yo mu itsinda C yo gushaka itike y’Igikombe cy’isi cya 2024.

Ubu Amavubi y’u Rwanda ni yo ayoboye iri tsinda n’amanota 4, Afurika y’Epfo ifite amanota atatu, Nigeria ifite abiri inganya na Lesotho ni mu gihe Benin ya nyuma ifite inota rimwe.