Category: Uncategorized

Ni umwe mu babarizwa/babarizwaga muri 1:55 Am bafitemo amasezerano nka Producer. Amakuru avuga ko agiye gusimburwa na Producer Kompressor, ndetse mu munsi iri imbere, iyi Label izashyira hanze ku mugaragaro itangazo rigaragaza ukuri.

InyaRwanda ifite kopi ya Contract 1:55 AM igaragaza ibikubiye mu masezerano yahaye umwe mu ba Producer mu biganiro byari bigamije imikoranire. Ni amasezerano bigaragara ko yari gushyirwaho umukono, n'impande eshatu, ubundi agatangira kubahirizwa.

Aya masezerano akoze mu buryo 1:55 AM ishobora kuyifashisha mu gihe iri kugirana imikoranire n'umuhanzi cyangwa se Producer yakiriye mu muryango.

Ari kuri Paji esheshatu. Ni amasezerano afite igihe kingana n'imyaka itanu uhereye igihe impande zombi zashyiriyeho umukono, akongera kuvugururwa igihe umwe mu bashyize umukono ku masezerano amenyesheje mugenzi we  ko atazayongera akabikora mbere y'iminsi 90 (amezi atatu).

Ibikorwa bya Producer biba bifitweho uburenganzira busesuye n'ubuyobozi bwa 1:55 AM; yaba indirimbo yarambitseho ikiganza, filime, ikinamico, ubuvanganzo n'ibindi.

Mu rwego rwo kunoza akazi ke, Label ya 1:55 AM ivuga ko yiteguye gufasha mu buryo bwose Producer mu ikorwa ry'indirimbo mu buryo bw'amajwi kugeza  ku kunononsora indirimbo, hifashishijwe ibikoresho byose n'ubuhanga bukenewe mu ngeri zinyuranye z'umuziki.

Bavuga kandi ko biyemeje kuzakomeza gushakisha amahirwe yose kugirango ibicuruzwa cyangwa se ibihangano byakozwe na Producer bitange umusaruro. Kandi azafashwa gukora indirimbo z'abahanzi b'imbere mu gihugu ndetse no hanze y'u Rwanda, hagamijwe kuzamura izina rye n'izina rya Label.

Mu bijyanye n'inyungu yinjizwa; Label ivuga ko ifite uburenganzira ku mafaranga yinjizwa n'ibihangano bikorwa na Producer, aho bafataho Komisiyo ya 50%. Bivuze ko niba umuhanzi agiye gukoresha indirimbo muri 1:55 Am akishyura amafaranga, Label ifataho 50%, ni mu gihe na Producer afata 50% y'amafaranga yishyuwe ku ndirimbo.

Producer kandi ahabwa 50% y'amafaranga yinjije avuye mu bikorwa byo kwamamaza.

Producer cyangwa se Label, umwe muri bo ashobora guhagarika aya masezerano mu gihe cyose habayemo impamvu zikomeye. Bavugamo nk'igihe habayeho icyaha cy'ubujura cyangwa se uburiganya mu gukora imirimo ashinzwe

Mu gihe Producer ahagaritse amasezerano mbere y'igihe cyateganyijwe, Label ivuga ko izakomeza gufata 10% y'ibiva mu bihangano byakozwe na Producer aho yaba ari hose.

Mu nshingano za Producer, harimo kuba yiteguye gukora akazi mu gihe cyose akenewe muri 1:55 AM, nibura amasaha 60 mu gihe cy'ukwezi kumwe. Kwemera gukora indirimbo 30 mu gihe cy'ukwezi kumwe, kandi zirangiye ku buryo zisohoka.

Gushyira ikirango(Jingle) cya 1:55 AM mu ndirimbo, kandi kigashyirwa ahantu hose hari igihangano cyakorewe muri iyi Label. Yaba ari kuri 'Affiche' ziteguza indirimbo, ku mashusho y'indirimbo n'ibindi bijyanye no kumenyekanisha icyo gihangano.

Ku musozo w'aya masezerano, bavuga ko buri gihembwe bazajya bakora ibaruramari ku byinjijwe na Producer, hanyuma ibyo agombwa kwishyurwa bishyirwe kuri konti ye, hakuwemo amafaranga ya komisiyo.

Iyo unyujije amaso kuri Internet, ubona iyi contract iri mu cyiciro cy'izihabwa aba Producer bagiye gutangira gukorana na Label zikomeye (Major Label).

Ni amasezerano ategurwa ku buryo buri kimwe cyose, Producer arambitseho ikiganza kimwinjiriza kikinjiriza na Label.

Zimwe muri Label zikomeye zagiye zita/kwita amazina aba Producer bajya kuvamo igihe kitageze, izina bakaryakwa! Habuze gato ngo bibe kuri Element ubwo yavaga muri Country Records.

Polisi y'u Rwanda yagize icyo ivuga ku ifoto y'umwana wo mu Karere ka Muhanga yacicikanye ku mbuga nkoranyambaga, imugaragaza ari ku ishuri yambaye impuzankano y'ishati ya Polisi y'u Rwanda, itangaza ko iyo uwo mwana yari yambaye ari iyambarwaga mu myaka yatambutse.

Mu gitondo cyo ku wa 02 Gicurasi 2024, hatangiye gucicikana inkuru yatangaje benshi y'umwana wiga mu mwaka wa Gatutu w'amashuri abanzi kuri EP Gatenzi, waje ku ishuri yambaye impuzankano y'ishati ya Polisi.

Abakwirakwizaga ifoto y'uwo mwana bo bavugaga ko uwo mwenda ari uw'ukuri ndetse ko n'uriya mwana yavuze ko umubyeyi we ngo yajyaga awifashisha nijoro akagenda batazi aho agiye.

Umuvugizi wa Polisi mu Ntara y'Amajyepfo, SP Emmanuel Habiyaremye, yabwiye IGIHE ko umwenda wa Polisi uriya mwana yagaragaye ku ishuri yambaye utagikoreshwa, ariko kandi bitabujije Polisi gutangira iperereza, kugira ngo hamenyekane uko wamugeze mu maboko.

Yagize ati'' Ni umwana wiga mu mwaka wa Gatatu kuri EP Gatenzi waje ku ishuli yambaye impuzankano y' ishati ya Polisi ariko itagikoreshwa ubungubu. Ubuyobozi bw'ishuli bwatumenyesheje, tukaba twatangiye iperereza ngo tumenye uko yayibonye.''

Ifoto y'uwo mwana yifubitse impuzankano ya polisi benshi ku mbuga nkoranyambaga bakomeje kuyivugaho mu buryo butandukanye, harimo n'abasabye ko n'ababyeyi be bakorwaho iperereza ngo bimenyekane aho uwo mwambaro wavuye koko.

Umwana wo mu Karere ka Muhanga yagaragaye yambaye umwambaro wa Polisi y’Igihugu

Uwageze ahabereye igikorwa cyo kwibuka Jenoside yakorewe Abatutsi yumvise ikibazo cy'amacumbi y'Abarokotse Jenoside yakorewe Abatutsi yangiritse ku buryo uyu munsi bisaba ko bubakirwa inzu nshya.

Umuyobozi Mukuru Ushinzwe Ubumwe n'Ubudaheranwa, Marie Alice Kayumba Uwera yagaragaje ko mu gihugu hose hakenewe inzu ibihumbi bitandatu zigomba kubakirwa abarokotse Jenoside yakorewe Abatutsi batishoboye.

Ati 'Ni ukubaka bushya ku bantu batigeze babona inzu zo kubamo ariko hari n'izo gusana ibihumbi hafi 30, byombi bikeneye amafaranga ariko buri mwaka w'ingengo y'imari make tubonye tuyasaranganya uturere tukagira umubare runaka wubakwa kugeza igihe zizarangirira.'

Uwera yabwiye IGIHE ko muri uyu mwaka hari inzu 743 ziri kubakwa biteganyijwe ko zizarangirana n'ingengo y'imari y'uyu mwaka.

Kubaka inzu imwe y'uwarokotse Jenoside yakorewe Abatutsi bibarirwa miliyoni 20 Frw, cyangwa akajya munsi ho gato.

MINUBUMWE igaragaza ko haramutse hakoreshejwe ingengo y'imari ya Leta gusa byazasaba imyaka irenga 10 ngo izi nzu ibihumbi bitandatu zuzure zose.

Hari uturere dukoresha aya mafaranga nabi

Raporo y'Umugenzuzi Mukuru w'Imari ya Leta ya 2022/2023 igaragaza ko hari miliyari 2 Frw zakoreshejwe nabi muri Minisiteri y'Ubumwe bw'Abanyarwanda n'Inshingano Mboneragihugu. Aya arimo miliyari 1 Frw igomba kugaruzwa iturutse mu turere twakoresheje nabi amafaranga yo kubakira abatishoboye barokotse jenoside.

Ubwo MINUBUMWE yisobanuraga imbere ya Komisiyo ishinzwe gukurikirana imikoreshereze y'imari n'umutungo by'igihugu, PAC, kuri uyu wa 2 Gicurasi 2024, Umuyobozi mukuru ushinzwe Itorero ry'Igihgu no guteza imbere umuco, Uwacu Julienne yasobanuye ko abantu bubakirwa amacumbi babifashamo n'uturere, abadafite ibibanza bakabishakirwa ariko hadakoreshejwe ingengo y'imari yo kubaka.

Ati 'Amafaranga yoherezwa aba ari ayo kubaka gusa no mu mabwiriza yohereza amafaranga mu turere biba byanditsemo ariko hari hamwe na hamwe aho bagiye bafata amafaranga bakayagura ibibanza tutabanje no kubiganira batatubwiye ko bafite ikibazo cy'abantu bagomba kubakirwa ariko badafite amacumbi'

'Icyo kibazo aho twagiye tukibona mu turere twagiye tubagaragariza ko bakoresheje amafaranga mu buryo bunyuranyije n'icyo yari agenewe tukanabasaba kuyasubizaho kugira ngo icyo yari agenewe gikorwe kuko iyo babigenje gutyo umubare w'amazu wagombaga kubaka uragabanyuka ugasanga mu bari kubona icumbi muri icyo gihe ntibaribonye.'

Perezida wa PAC Muhakwa Valens yahise aboneraho kubaza niba miliyari yakoreshejwe n'uturere mu buryo bunyuranye n'icyari cyateganyijwe bagasaba kuyagaruza bikorwa.

Ati 'Hari amafaranga yagiye akoreshwa mu kwishyura ingurane, mu igenagaciro, mu ngendo no mu yindi mishinga itaremerantijweho na Minubumwe, sinzi niba byose mwarasabye ko amafaranga agarurwa cyangwa hari ibyo mwabasoneye.'

Nk'urugero muri Rusizi bakoresheje miliyoni 2 Frw mu ngendo nyamara amafaranga yari agenewe kubakira abarokotse Jenoside yakorewe Abatutsi batishoboye.

Depite Mukabalisa Germaine ati 'Tumaze iminsi tujya mu turere kwifatanya na bo mu kwibuka, ibibazo bya mbere batugaragariza ni amazu ariko igitangaje uru rutonde rurimo na babandi bayakoresheje mu buryo butemewe.'

Uwacu yagaragaje ko umubare munini w'amafaranga agomba kugaruzwa ari mu turere twa Ruhango na Rubavu ndetse ngo amaze igihe kirekire.

Utu turere ngo twaranditse twiyemeza ko bazakoresha amafaranga yabo bakubaka inzu zari zateganyijwe kubakwa.

Ati 'Rubavu bari batangiye, Ruhango ni bo bafite amafaranga menshi, miliyoni 600 Frw ntabwo ari amafaranga byoroshye guhita babona mu gengo y'imari y'umwaka umwe ariko batwereka ko bazagenda bishakamo mu mafaranga babona nk'ingengo y'imari y'umwaka kugira ngo bikorwe.'

MINUBUMWE ivuga ko bari gushyira imbaraga mu mikoranire n'inzego z'ibanze kugira ngo bashobore guha serivisi nziza abagenerwabikorwa.

Marie Alice Kayumba Uwera yagaragaje ko mu gihugu hose hakenewe inzu ibihumbi bitandatu zigomba kubakirwa abarokotse Jenoside

Ni inkuru yasakaye mu gitondo cyo ku wa 02 Gicurasi 2024, ubwo uyu mugabo w'imyaka 43, yasangwaga hafi y'umuhanda ahazwi nko ku Mukoni iruhande rw'inyubako izwi nk'Ijuru rya Kamonyi yapfuye.

Umwe mu babonye umurambo we, yabwiye IGIHE ko ashobora kuba yahubutse mu igorofa rihari akitura hasi bikamuviramo urupfu.

Uyu yavuze ko ubusanzwe Magorwa yabaga muri iryo gorofa ritagikorerwagamo(aberamo ubuntu), bigakekwa ko rero yaba yahanutsemo mu ijoro akitura hasi yenda yasinze kuko ngo yari asanzwe arangwaho kunywa inzoga nyinshi.

Hari n'andi makuru avuga ko urupfu rwaba rwatewe n'abagizi ba nabi baba bamukubise nk'ikintu mu mutwe, n'ubwo nta gihamya bifite.

Umuyobozi w'Akarere ka Huye, Sebutege Ange, yemereye IGIHE iby'aya makuru, ariko avuga ko nta byinshi yabivugaho kuko bategereje icyo iperereza rizerekana hakamenyekana ukuri ku rupfu rwa Magorwa.

Ati' Ubu nta byinshi twabivugaho, umurambo we wajyanwe mu Bitaro bya Kaminuza bya Butare(CHUB) ngo ukorerwe isuzuma, kugira ngo tumenye icyamwishe.''

Nyakwigendera asize umwana umwe, wabaga kwa Nyirakuru ubyara nyina, mu gihe Magorwa we yibanaga.

Igorofa Magorwa yabagamo,bikekwa ko ari nayo yaba yahubutsemo akagwa hasi agahita apfa.

Ibi byatangajwe ubwo hibukwaga ku nshuro ya 30 abakozi bakoreraga amashami y'Umuryango w'Abibumbye mu Rwanda bazize Jenoside yakorere Abatutsi mu 1994.

Ni igikorwa cyitabiriwe n'abakozi b'amashami ya Loni mu Rwanda, abahagarariye ibihugu n'imiryango mpuzamahanga, abahagariye imiryango y'ababuze ababo n'abandi baje kwifatanya na bo.

Ojielo yanenze uburyo Umuryango w'Abibumbye witwaye kuko washoboraga gukora icyatuma Jenoside yahitanye imbaga ihagarara ariko ntugire icyo ukora ndetse n'amahanga bikaba uko.

Yagize ati 'Mu myaka 30 u Rwanda rwahuye n'amateka ashaririye ndetse tukinyuramo uyu munsi. Umuryango Mpuzamahanga nta cyo wakoze ngo ubashe kurenegera Abatutsi bicwaga hano mu Rwanda'.

Yakomeje ati 'Uku kwibuka guhagarariye ubuzima bwa buri mukozi w'ishami iryo ari ryo ryose rya Loni mu Rwanda kuko abishwe muri Jenoside batari abakozi gusa ahubwo bari abana, bari abagabo bari abagore ndetse bari n'abavandimwe ba benshi mu bari hano,'

'Duhore twibuka amasura yabo twibuke kandi umusanzu wabo mu muryango Nyarwanda n'uruhare bagize. Twese abakora muri Loni tuza dufite indoto zitandukanye zihuriye ku kurwanya akarengane no guteza imbere ubutabera ariko abo twibuka uyu munsi ntibabonye icyo cyubahiro n'ubwo burenganzira bari baraharaniye'.

Ojielo kandi yashimangiye ko hakwiye ubufatanye bw'inzego zinyuranye mu gutuma amasezerano mpuzamahanga yo guhana icyaha cya Jenoside arushaho kugira imbaraga ndetse no kurwanya ingengabitekerezo ya Jenoside kuri ubu ikigaragara nyuma y'imyaka 30.

Umuyobozi Nshingwabikorwa ushinzwe ibikorwa byo kwibuka no kurwanya Jenoside muri Minisiteri y'Ubumwe bw'Abanyarwanda n'Inshingano Mboneragihugu, Ingabire Veneranda yavuze ko ubugwari bwa Loni buzahora bwibukirwa ku guterarana imbaga y'Abatutsi bari bahungiye mu cyahoze ari ETO Kicukiro bajyanywe i Nyanza ya Kicukiro hakicwa abarenga 2000 ku itariki ya 11 Mata 1994 batawe n'ingabo za MUNUAR.

Gusa yavuze ko uyu munsi ubudaheranwa bw'Abanyarwanda bwabafashije kurenga ayo mateka ashaririye rukaba rumaze gutera intambwe.

Ati 'Mu uru rugendo rw'imyaka 30 Abanyarwanda babashije gukora amahitamo yo kwiyunga no kubaka ubumwe. Gahunda ya Ndi Umunyarwanda isigasira isano dusangiye ni wo musingi w'u Rwanda twifuza uyu munsi. Kuva ku kwiyunga kugeza ku budaheranwa ntitwibagirwa amateka ahubwo tuyigiraho twese nk'Abanyarwanda'.

Kugeza ubu habarurwa imiryango 50 ihagarariye abari abakozi b'amashami ya Loni mu Rwanda bazize Jenoside yakorewe Abatutsi harimo abapfakazi, imfubyi ndetse n'abavandimwe babo.

Ozonnia Matthew Ojielo yavuze ko Loni yashoboraga kugira icyo ikora igakumira Jenoside Yakorewe Abatutsi

Ingabire Veneranda yavuze ko ubugwari bwa Loni buzahora bwibukirwa ku guterarana imbaga y'Abatutsi bari bahungiye mu cyahoze ari ETO Kicukiro

Uhagariye imiryango y’ababuze ababo yatanze ubutumwa

Ni igikorwa cyitabiriwe n’abakozi ba Loni mu Rwanda, abahagarariye ibihugu byabo ndetse n’abandi batandukanye

Umushinga wa mudasobwa imwe kuri buri mwarimu watangijwe hagamijwe guteza imbere ikoranabuhanga mu myigishirize ku byiciro byose by'uburezi mu Rwanda.

Mu minsi ishize abarimu bigisha mu mashuri atandukanye bagiye bahabwa amahugurwa ku ikoranabuhanga.

Umuyobozi w'Ishami rishinzwe gushyira mu bikorwa imishinga muri REB, Shyaka Emmanuel, ubwo yasobaburira Abadepite abagize Komisiyo ishinzwe Gukurikirana Imikoreshereze y'Imari n'Umutungo by'Igihugu, PAC, ku bibazo byagaragaye muri raporo ya 2022/2023 yagaragaje ko ubu batangiye inzira zo gutanga isoko rya miliyari 12 Frw ryo kugura mudasobwa ibihumbi 25.

Shyaka yabwiye IGIHE ko izi mudasobwa zizagenerwa abarimu bo mu mashuri abanza bamaze guhugurwa bakazazifashisha bigisha banakora ubushakashatsi.

Ati 'Zizahabwa abarimu kugira ngo bashobore gukora ubushakashatsi, gutegura amasomo yabo neza no kuyatanga. Zizahabwa abarimu bose bo mu mashuri abanza kandi bose bamaze guhugurwa ku ikoreshwa ry'ikoranabuhanga mu myigire n'imyigishirize.'

REB iteganya ko muri Kanama 2024 mudasobwa ibihumbi 25 zizaba zamaze kugurwa ndetse zikagera ku barimu ku buryo bazikoresha mu mwaka w'amashuri wa 2024/2025.

Umubare w'abarimu bafite mudasobwa bavuye ku 4823 mu 2017 bagera kuri 16.517 mu 2023, mu gihe abarimu bo mu mashuri abanza gusa bagera ku bihumbi 67.

Ati 'Uko amikoro agenda aboneka n'abandi bose zizagenda zibageraho. Nibura mu mwaka wa 2025 abarimu bose bagomba kuba bafite mudasobwa binyuze muri gahunda ya 'One Laptop per Teacher''

Magingo aya amasoko yose afite aho ahuriye n'ibikoresho by'ikoranabuhanga byerekeza mu nzego z'uburezi atangwa n'Ikigo cy'Igihugu gishinzwe Ikoranabuhanga mu Itumanaho n'Isakazabumenyi (RISA)

Umuyobozi Mukuru wa REB Dr Nelson Mbarushimana yavuze ko gukoresha ikoranabuhanga mu burezi biri mu bituma ireme ry'uburezi ritera imbere.

Yagaragaje ko binyuze mu mushinga wa Rwanda EQUIP abarimu bo mu mashuri 761 bahawe 'tablets' zibafasha kwigisha ku buryo umuyobozi aho ari hose ashobora kumenya imikorere yabo.

Ati 'Nanjye iyo ndi kuri REB mbasha kureba uburyo abarimu barimo bigisha haba mu turere, uwarangije amasomo, utarayarangiza bityo nkaba nanamuhamagara.'

Kugeza ubu amashuri afite murandasi ageze kuri 2223, avuye mu kuri 723 mu mwaka wa 2017.

Shyaka Emmanuel ushinzwe gushyira mu bikorwa imishinga yatangaje ko hagiye kugurwa mudasobwa ibihumbi 25 zo guha abarimu bo mu mashuri abanza

Abarimu ibihumbi 25 bo mu mashuri abanza bazahabwa mudasobwa

Ni igihembo yahawe cyiswe icy'ibihe byose [Lifetime Achievement Award] muri iri serukiramuco.

Mu kiganiro yagiranye na IGIHE yavuze ko mu myaka amaze akora sinema, African Film Festival yagiye yerekana filime ze ndetse nyuma y'imyaka 29 bazerekana bakaba bahisemo kumushimira kubera uruhare rwe mu gutanga ubutumwa bujyanye na Jenoside yakorewe Abatutsi.

Ati 'Iki ni igihembo nahawe kubera umurimo nakoze mu myaka 30 ishize kuri Jenoside yakorewe Abatutsi ndetse no kwita cyane ku guhugura urubyiruko ku kubara inkuru[…] African Film Festival ni iserukiramuco rya filime nyafurika ryerekanaga filime zo muri Afrika zirimo nizo nakoze mu myaka 29 ishize.''

Yakomeje avuga ko yishimiye kuba yahawe iki gihembo kuko byerekana ko ibyo yagiye akora atataye inyuma ya Huye.

Kabera yatangiye gukora filime mu 1994 ndetse ni umwe mu bashyize itafari mu iterambere rya sinema mu Rwanda aho yakoze filime zamenyekanye cyane zirimo 'Africa United' igaragaramo Sherrie Silver, '100 Days', 'Intore' n'izindi.

Yanakoranye kandi n'ibigo bikomeye nka CNN, BBC, Channel 4 mu kumurika ibyo u Rwanda rwaciyemo mu gihe cya Jenoside yakorewe Abatutsi.

Eric Kabera amaze igihe kinini akora filime zagiye zerekanwa ku rwego mpuzamahanga

Kabera ubwo yatangazwaga nk’uwegukanye iki gihembo

Ubwo Kabera yashyikirizwaga iki gihembo