Category: Uncategorized

Umukunzi ukomeye wa APR FC akaba n’umukozi mu ikipe y’igihugu Amavubi (Kit Manager), Munyaneza Jacques benshi bazi ku izana rya Rujugiro, yambitse impeta ya fiançailles umukunzi we Uwimana Denavina baziranye kuva mu bwana bwa bo.

Ni umuhango waraye ubaye mu ijoro ryo ku wa Gatanu tariki ya 3 Gicurasi 2024, ubera mu Rugando kuri Lomalo Guest House.

Ni ibirori byari byahuriranye n’isabukuru ya Rujugiro, nyuma ya yo ni bwo yatunguye uyu mukobwa maze ashinga ivi hasi, amusaba kuzamubera umugore undi arabyemera maze amwambika impeta y’urukundo.

Rujugiro akaba imbere y’abantu bari bitabiriye uyu muhango, yashimiye cyane umukunzi we ndetse avuga ko ibyiza biri imbere.

Ati “Ndashimira umukunzi wanjye kuba yemeye ko tuzabana, icyo namubwira ndamukunda kandi ibyiza biri imbere ashonje ahishiwe.”

Uwimana Denavina mu mvugo yumvikanamo amarangamutima hafi amarira gushoka ku maso, yashimiye Rujugiro kuko yamubereye imfura kuva yamubona.

Ati “Ndashimira umukunzi wanjye kuko yambere imfura kuva namubona, ambera umunyakuri muri byose, yarakoze kunkunda ndetse uru rugendo dutangiye nemeye kumuba hafi aho azankenera azambona.”

Aba bombi biyemeje kuzabana nyuma y’imyaka 2 bakundana, gusa bakaba baziranye kuva bakiri bato aho baniganye ku kigo kimwe mu mashuri abanza muri St Famille, Rujugiro yamwigaga imbere yigana na musaza we ni mu gihe umukobwa yamwigaga inyuma imyaka 3, umwe yari mu wa 5 undi ari mu wa 2.

Rujugiro na Denavina bari bari baberewe

Ubwo Rujugiro yari yateye ivi hasi ategereje ko umukunzi we amwemerera ko bazabana

Yahise amwambika impeta ya fiançailles

Byari ibyishimo bikomeye ku mpande zombi

Hari inshuti n’abavandimwe

Nyuma y’uko umugabo wa Zari Hassan, Shakib Lutaaya asabye Harmonize ko bakina umukino w’iteramakofi (box), uyu muhanzi yabwiye umugore we ko umugabo we arimo kwiyahura.

Ni nyuma y’uko Harmonize avuze ko yifuza guhura na Hassan Mwakinyo usanzwe ari umukinnyi w’iteramokofi, ngo arebe ko yahindura umwuga kuko abona urwango rwabaye rwinshi.

Ati “Reka nibande kuba narwana na Mwakinyo ndebe ko nahindura umwuga. Ndabona urwango rwabaye rwinshi. Wenda amahoro azaboneka. Ndabizi nabishobora, Imana ibimfashemo.”

Aha ni ho Shakib Lutaaya yuririye na we azamubwira ko yiteguye kurwana na we, uyu mukino ukabera muri Tanzania ndetse n’amafaranga avuyemo bakaba bayakoresha mu gufasha abatishoboye.

Ati “Umunsi mwiza nshuti, byiza kuba winjiye mu iteramakofi, nakwishimira gukina umukino w’iteramakofi na we ukanabera muri Tanzania, twakuramo amafaranga tukayakoresha mu bikorwa byo gufasha abatishoboye. Nshaka kumva icyo ubivugaho.”

Mu kumusubiza, Harmonize akaba yageneye ubutumwa Zari Hassan ko umugabo we aashaka kwiyahura.

Ati “Zari ibi waba ubuzi? Umugabo wawe ashaka gukina n’urupfu.”

Umugabo wa Zari Hassan, Lutaaya arifuza gukina umukino w’iteramakofi na Harmonize

Harmonize yabwiye Lutaaya ko ashaka kwiyahura

Nk'uko umaze kubimenyera, buri wa Gatanu w'icyumweru InyaRwanda ikugezaho indirimbo nshya zasohotse muri icyo cyumweru kugira ngo urusheho kuryoherwa n'impera zacyo ari nako witegura kuzatangira ikizakurikiraho umeze neza.

Ni Weekend idasanzwe kuko izaberamo igitaramo gikomeye cy’umuramyi Chryso Ndasingwa ku Cyumweru tariki 05 Gicurasi 2024 muri BK Arena. Iki gitaramo yise “Wahozeho Album Launch” kizaririmbamo Chryso, Aime Uwimana, Papi Clever na Dorcas, Josh Ishimwe, True Promises, Azaph Music International na Himbaza Club.

Muri iki cyumweru rero, abahanzi barimo Christopher, Fela Music, King James, Kenny Sol na Nel Ngabo, Yago Pon Dat, Gisa Cyinganzo, Kenny K-Shot n'abandi barimo n'abakizamuka, bashyize hanze umuziki mushya ugiye guherekeza abanyarwanda muri Gicurasi.

1.     Vole — Christopher

“>

Kuri wa Mbere w'iki cyumweru tariki 29 Mata 2024 ni bwo Christopher Muneza yashyize hanze indirimbo nshya yise 'Vole'. Avuga ko yari afite indi yari yateguye gusohora, ariko birangira iyi ari yo abanje.

Christopher ashyize hanze iyi ndirimbo mu gihe ageze kure imyiteguro y'ibitaramo afite muri Canada anategura umuzingo mushya agiye gushyira hanze nyuma y'imyaka igera ku 10.

2.     Molomita — Gad ft Nel Ngabo & Kenny Sol

“>

Ni ubwa mbere Kenny Sol na Nel Ngabo bahuriye mu ndirimbo nyuma y'imyaka irenga itatu buri umwe ari mu kibuga cy'umuziki; ni ibintu bagezeho bigizwemo uruhare na Nshimiyimana Gad [Director Gad] usanzwe utunganya amashusho y'indirimbo wabahurije mu ndirimbo 'Molomita'.

Mu kiganiro yagiranye na InyaRwnada, Director Gad yavuze ko yagize igitekerezo cyo guhuriza mu ndirimbo aba bahanzi bombi, kubera ko ari abahanga, kandi yabonaga ko ubumwe bw'abo bwatanga umusaruro ushimishije mu rugendo rw'umuziki.

3.     Ejo — King James

“>

Umuhanzi Ruhumuriza James [King James] yashyize hanze amashusho y'indirimbo y'urukundo yise 'Ejo' nyuma y'umwaka ayishyize hanze mu buryo bw'amajwi gusa.

4.     Amashagaga — Yago Pon Dat

“>

Nyarwaya Innocent [Yago Pon Dat] umaze iminsi agaruka mu nkuru zihangana, yakoze mu nganzo asohora 'Amashagaga' yumvikanamo ahamya ko afite ubushake bwo gukora.

5.  Uririmbe – Mwiza Zawadi

Umuramyi Mwiza Zawadi yashyize hanze indirimbo yise ‘Uririmbe’ nyuma y’amezi 7 ashyize ahagaragara iyitwa ‘Twarahuye.’ 

“>

6.   Nifundishe – Vumilia Mfitimana

“>

Ni indirimbo nshya y’umurambyi Vumiliya Mfitimana wo mu Badivantiste b’Umunsi wa Karindwi unitegura igitaramo “Nyigisha Live Concert” kiba kuri iyi Sabato tariki 04 Gicurasi 2024 kuri UNILAK kuva saa munani.

7.     On God — RunUp ft Pallaso

“>

Abahanzi b'abanyarwanda RunUp na Pallaso bashyize hanze indirimbo bari bamaze igihe bateguje, yitwa 'On God' ikubiyemo ubutumwa bushimira Imana yo ihindura amateka y'umuntu wese uyiringiye.

8.     Inkuru Nziza — Sharon Gatete

“>

Umuramyi ukunzwe n'abatari bacye Sharon Gatete uri kuminuza amasomo y’umuziki muri Kenya, yashyize hanze indirimbo nshya yise 'Inkuru Nziza' ikubiyemo ubutumwa buhumuriza imitima y'abantu baremerewe n'ibibazo.

9.     Fadhili — Aime Frank

“>

Nyuma y'amezi asaga umunani adashyira hanze indirimbo ye ku giti cye, umuramyi ukunzwe haba mu Rwanda no mu mahanga yamaze gushyira hanze indirimbo ye nshya iri mu rurimi rw'Igiswahili yise 'Fadhili.'

10. Kanani — Tumaini Byinshi

“>

Umuhanzi w'indirimbo zo kuramya no guhimbaza Imana, Tumaini Byinshi wamenyekanye mu ndirimbo yise 'Abafite Ibimenyetso,' 'Aracyakora' yahuriyemo na Gentil Misigaro n'izindi, yongeye gukora mu nganzo akumbuza abizera uburyohe bw'ijuru mu ndirimbo yise 'Kanani.'

Mu zindi ndirimbo zagiye hanze muri iki cyumweru na mbere yaho gato, harimo Oya yahuye Gauchi na Eesam, Mwamba Uliopasuka ya Papi Clever na Dorcas, Amaraso ya Eddy Muramyi, Ibya Kera ya True Promises, Singipfuye ya Gisubizo Ministries Rongai, Lala ya Gisa Cyinganzo utari uherutse kugaragara, I Gotta Go y’umuraperi Kenny K-Shot, Forget it y'umuhanzi ukizamuka Tero Razz, Akanyenyeri ya Isha Mubaya, Vanilla ya Yee Fanta n'izindi nyinshi.

Igisasu cyaguye mu nkambi ya Mugunga kuri uyu wa 3 Gicurasi 2024, ubwo Ingabo za RDC zari zihanganye n'abarwanyi b'umutwe witwaje intwaro ba M23 bagenzura imisozi ikikije Umujyi wa Sake mu bilometero bigera kuri 20 ujya i Goma.

Umuvugizi w'ibiro bya Amerika bishinzwe Ububanyi n'Amahanga, Matthew Miller, kuri uyu wa 3 Gicurasi yatangaje ko iki gitero cyaturutse mu 'birindiro by'Ingabo z'u Rwanda na M23'.

Yagize ati 'Amerika yamaganye bikomeye igitero cy'uyu munsi cyaturutse mu birindiro bya RDF na M23, ku nkambi y'abimuwe mu byabo ya Mugunga mu Burasirazuba bwa RDC. Cyateye impfu z'abagera ku icyenda n'inkomere 33, inyinshi muri zo zirimo abagore n'abana.'

Makolo ku rubuga nkoranyambaga X, yagaragaje ko yatunguwe no kubona Amerika ifata umwanzuro uhutiyeho, ikemeza aho iki gitero cyaturutse.

Ati 'Ibi biratangaje Matthew, ni gute mwageze kuri uyu mwanzuro utumvikana? RDF, igisirikare cy'ikinyamwuga ntabwo cyatera inkambi y'abimuwe mu byabo.'

Umuvugizi wa Guverinoma y'u Rwanda yasabye Amerika gushakira abagabye iki gitero mu mutwe wa FDLR na Wazalendo ifashwa n'Ingabo za RDC, FARDC.

Yagize ati 'Mushakire ubu bugizi bwa nabi kuri FDLR na Wazalendo bitemewe n'amategeko, bifashwa na FARDC.'

Umuyobozi w'Ubutumwa bw'Amahoro bw'Umuryango w'Abibumbye muri RDC (MONUSCO) akaba n'Intumwa yihariye y'Umunyamabanga Mukuru wawo, Bintou Keita, yamaganye iki gitero gusa we ntiyemeje aho cyaturutse. Yasabye ubuyobozi bw'iki gihugu gufata ingamba zatuma abakigizemo uruhare bagezwa mu butabera.

Ibiro bya Keita byagize biti 'Intumwa yihariye irasaba ubuyobozi bwa RDC gufata ingamba zose ziri ngombwa, zo kugeza mu butabera abagize uruhare muri ibi bikorwa byose birenga ku burenganzira bw'ikiremwamuntu n'uburenganzira mpuzamahanga bw'ubutabazi, bishobora kuba icyaha cy'intambara.'

Umuryango w'abaganga ndengamipaka, MSF, wanenze icyemezo FARDC yafashe cyo gushyira imbunda mu baturage hagati; by'umwihariko mu nkambi z'impunzi. Wagaragaje ko mu gihe intambara ikomeje, bizashyira abasivili mu byago.

Miller yatangaje ko RDF na M23 ari bo bagabye iki gitero

Makolo yasabye Amerika gushakira muri FDLR na Wazalendo abagize uruhare muri iki gitero

Ubu ni ubutumwa aba bakozi baherewe ku Rwibutso rwa Jenoside rwa Kigali ruri ku Gisozi ku itariki ya 2 Gicurasi 2024. Hari mu gikorwa cyo kwibuka ku nshuro ya 30 Jenoside yakorewe Abatutsi mu 1994 cyateguwe na BDF.

Ubuyobozi bw'iki kigo bwavuze ko ari igikorwa ngarukamwaka kiba mu rwego rwo kwifatanya n'abandi Banyarwanda n'abakozi bacyo barokotse Jenoside kwibuka ndetse no gufasha abagikoramo cyane cyane urubyiruko gusobanukirwa amateka kugira ngo ababere umusingi mu kubaka Igihugu.

Basuye ibice bitandukanye by'uru rwibutso, basobanurirwa amateka mabi yagejeje kuri Jenoside yakorewe Abatutsi mu 1994, bashyira indabo ku mva ndetse bunamira inzirakarengane zihashyinguye.

Umuyobozi Mukuru Wungirije wa BDF, Rosalie Semigabo yatanze ubuhamya, aho yasobanuriye Abakozi b'iki kigo inzira yanyuzemo kugira ngo arokoke Jenoside yakorewe abatutsi 1994, igahitana ababyeyi na benshi mu bavandimwe be.

Yanagaragaje kandi uruhare rw'Ubuyobozi bw'ikigo cy'Abadage Deutsche Welle mu iyicwa ry'Abatutsi bari bahahungiye. Ni mu Murenge wa Kinyinya Akarere ka Gasabo, Umujyi wa Kigali.

Yababwiye ko abarokotse Jenoside yakorewe Abatutsi mu 1994, ikimara kurangira bari bariho mu bigaragara ariko barakomeretse bikomeye ku buryo ubuzima bwabo butari gushoboka iyo hataza kubaho ubwitange bw'inkotanyi zahagaritse Jenoside ndetse zigashyiraho Leta y'Ubumwe ikongera kubabera umubyeyi.

Yavuze kandi uburyo nyuma yo kurokoka Jenoside yamusize ari imfubyi azi ko atazongera gukandagira mu ishuri ndetse nyuma akaza kugira ibibazo by'uburwayi buyikomokaho akazahara ku buryo iyo atagira ubufasha bw'ikigega FARG atari yizeye kubaho.

Ati 'Ese kurokoka Jenoside yakorewe Abatutsi 1994 byari bihagije ngo abayirokotse babeho kugeza uyu munsi kandi bafitiye Igihugu akamaro? Igisubizo ni oya kuko nari narokotse ariko mpura n'ikibazo cy'uburwayi basaza banjye nari nsigaranye bagurisha isambu ngo bangurire imiti ariko sinakira'.

Yakomeje ati 'FARG iyo itaza kugoboka na Nyakubahwa Paul Kagame ngo afate za mfubyi zarokotse, abapfakazi n'intwaza ngo abashyire ahantu abubake, uyu munsi nta n'umwe wo kubara inkuru uba uhari.'

Komiseri ushinzwe amategeko mu Ishami ry'Umuryango w'Abibumbye ryita ku Mpunzi mu Rwanda (UNHCR), Ndabirora Kalinda Jean Damscène yabababajwe no kuba magingo aya hari bamwe mu bagize uruhare muri Jenoside bakidegembya hirya no hino bataryozwa ibyo bakoze. Yanenze cyane ibihugu bya Afurika bigenda biguru ntege mu guhana abakoze Jenoside ndetse na Amerika ikomeje gupfobya Jenoside yakorewe Abatutsi.

Yatanze urugero kuri Padiri Wenceslas Munyeshyaka, Agathe Kanziga, Kabuga Félécien ndetse n'abandi.

Yagize ati 'Ibyo bivuze ko ubutabera ku bacitse ku icumu butigeze butangwa ku buryo bukwiriye cyane cyane ku rwego rwasigaranye imirimo y'icyari Urukiko Mpuzamahanga Mpanabyaha rwashyiriweho u Rwanda. Uru rwego ruherutse kuvuga ko rudashobora kuburanisha Kabuga mu byo rwise ko adafite imbaraga zihagije zo kuburana mu rukiko[…].Nyamara mu bikorwa bya Kabuga n'abo byagizeho ingaruka, ababakoreye Jenoside bo ntibigeze bita ku bageze ku myaka nk'iyo agize uyu munsi!.'

Umuyobozi Mukuru wa BDF, Vincent Munyeshyaka yavuze ko Jenoside yakozwe n'Abanyarwanda bakambura ubuzima bagenzi babo bari basangiye Igihugu ariko ko nanone amaboko y'abandi Banyarwanda ari yo yagize uruhare mu kuyihagarika no kongera kucyubaka.

Yavuze ko ibyo bimaze guteza intambwe u Rwanda kandi bidasabye amikoro y'umurengera.

Ati 'Turashima ko Igihugu cyacu kimaze kubaka ubudahangarwa yaba ari mu mibereho, yaba ari mu myumvire ndetse n'umutekano. Tumaze kubaka ubudahangarwa kandi buva mu bushake. Ubushobozi bushorora kuba buke ariko hamwe n'igihe bugenda bwubakwa'.

BDF ni ikigo cyashyizweho na Leta ifatanyije na Banki y'Igihugu y'Amajyambere (BRD) mu 2011 ngo gifashe abaturage kwiteza imbere binyuze mu kubafasha kubona ingwate ku nguzanyo baka mu mabanki mu gihe baba bashaka gushyira mu bikorwa imishinga yabo iba yemewe na banki.

Bashyize indabo kumva banunamira inzirakarengane zihashyinguye

Abakozi ba BDF barimo urubyiruko rwavutse nyuma ya Jenoside ndetse n'abayirokotse

Basuye ibice bitandukanye by'urwibutso

Bashenguwe n’ubuhamya bishaririye bwo mu gihe cya Jenoside

Hacanwe urumuri rw’icyizere

Buri mwaka BDF isura urwibutso rwa Jenoside

Semigabo Rosalie yavuze ko abacitse ku icumu rya Jenoside ubuzima bwabo butari gushoboka iyo hataza ubwitange bw’Inkotanyi zayihagaritse zigakomeza no kubitaho

Umuyobozi Mukuru wa BDF atanga ubutumwa mu gitabo cy’abashyitsi

Ndabirora Kalinda Jean Damscène yabababajwe no kuba magingo aya hari bamwe mu bagize uruhare muri Jenoside bakidegembya hirya no hino, bataryozwa ibyo bakoze

Munyeshyaka Vincent yavuze ko Jenoside yakozwe n'Abanyarwanda bakica bagenzi babo bari basangiye Igihugu ariko ko nanone amaboko y'abandi Banyarwanda ari yo yayihagaritse

Uyu murambo wagaragaye muri aka gace kuwa Kane tariki ya 2 Gicurasi 2024.

Abaturage babwiye BTN ko umurambo wa nyakwigendera bawubonye mu gitondo cyo kuri uyu wa Gatanu ndetse bakeka ko uyu muturage yishwe kuko bumvise ataka inshuro zigera kuri ebyiri.

Umugore umwe yagize ati 'Njye nkeka ko ari abanyerondo kuko bamubwiraga ngo niyiruke akababwira ngo ntabwo yasinze. Ni abantu bamuhohoteye.'

Undi mugabo we yavuze ko ubuyobozi bwagakwiye kujya bureba uburyo abanyerondo bakora ijoro bajya bakorana n'umupolisi umwe.

Ati 'Uwo munsi niba hari ikipe y'abanyerondo bapanzwe igihugu kijye gibipanga habe n'ikipe y'abapolisi babakurikirana kuko bikorera ibyo bashaka mu gihe kubera ko abapolisi baba bafite ikinyabupfura umutekano wajya uboneka.'

Undi mugore yagize ati 'Numvaga uriya ataka gusa yatatse kabiri numva ntiyongeye kandi iyo abanyerondo birukankije umuntu ndabyumva n'iyo bari gukubita abajura ndabyumva ariko none sinigeze mbyumva.'

Umunyamabanga Nshingwawbikorwa w'uyu Murenge wa Gitega, Mugambira Etienne, nawe yemeje iby'uru rupfu ariko avuga ko uyu muturage batamenye imyirondoro ye ndetse atari atuye muri aka gace.

Ati 'Ntabwo navuga ko mu gihe twabimenye dutangiye kubaza ayo makuru y'uwo murambo nta kintu cyigeze kigaragaza ko ari abanyerondo babigizemo uruhare, buri gitondo tubona amakuru y'uko ijoro ryari rimeze kandi tukayahabwa n'abayobozi b'irondo, ntahagaragajwe ko ari abanyerondo bagize urugomo rukavamo urupfu.'

Yakomeje avuga ko bategereje ibizava mu iperereza kuko inzego zibishinzwe arizo zizagaragaza ibizarivamo.

Uyu murambo ukigaragara Urwego rw'Ubugenzacyaha (RIB) rwahise ruwujyana kugira ngo hakorwe iperereza hamenyekanye icyishe nyakwigendera.

Ibyo byabereye mu Murenge wa Bugarama ku wa 03 Gicurasi 2024, mu masaha ya mu gitondo.

Uyu musore yasize urwandiko ruvuga ko yiyahuye kubera umukobwa w'imyaka 21 bakundanye.

Hari amakuru avuga ko uwo mukobwa yari afite undi musore mu mujyi wa Kigali bakundanaga akaba yari yarabeshye Ishimwe urukundo, Ishimwe ajya kumwereka ababyeyi be undi ntiyamuhishurira ko afite undi musore bakundana.

Umunyamabanga Nshingwabikorwa w'Agateganyo w'Umurenge wa Bugarama Bacabaseme Jean Claude yavuze ko saa tatu n'igice za mugitondo ari bwo bamenye ko Ishimwe yimanitse mu mugozi.

Ati 'Yasize agapapuro avuga ko yiyahuye kubera umukobwa wamubenze. Uwo mukobwa ni we wamubonye bwa mbere'.

Bacabaseme yavuze ko nyuma y'aho uyu musore agaragaye mu mugozi Inzego zirimo RIB, Polisi n'Inzego z'ibanze zahageze ariko ntibirirwa bohereza umurambo kuwupimisha mu Bitaro ngo hamenyekanye icyamwishe.

Ati 'Ntabwo yigeze ajyanwa kwa muganga kuko icyamwishe cyagaragaraga. Nta bindi byari kurengaho n'aho yari acumbitse bose babona ikishe umuntu'.

Uyu muyobozi yasabye abakundana ko igihe bagize ibyo batumvikanaho nta wukwiye gufata icyemezo cyo kwiyahura kuko ari ukwibuza ubuzima.

Ati 'Ukwiye gukunda, bitakunda, dufite abakobwa benshi n'abasore benshi. Ukunze umwe bikanga warebera ahandi'.

Urwandiko bivugwa ko rwanditswe na Ishimwe Zamazani yanditsemo ko uwo mukobwa bakundana yari yaragiye no kumwereka ababyeyi.

Uyu musore akomoka mu Karere ka Rulindo akaba yari mu karere ka Rusizi ku mpamvu z'akazi.

Umusore wo mu Karere ka Rusizi yasanzwe mu mugozi yapfuye bikekwa ko yiyahuye

Ni ibyagarutsweho mu gikorwa cyo kwibuka ku nshuro ya 30 Jenoside y'akorewe Abatusti, ubwo hibukwaga abahoze bakora umwuga wo gucuruza ibikomoka kuri peteroli.

Umuyobozi Mukuru w'Ihuriro ry'Abacuruza ibikomoka kuri Peteroli, Eric Mutaganda yatangaje ko mu myaka 30 ishize urwego rw'abacuruza ibikomoka kuri peteroli rwiyubatse mu buryo bukomeye aho ubu rugizwe n'ibigo 15, bikoresha abakozi benshi kandi bigatanga imisoro myinshi.

Ati ''Ibintu byose kwari ukubisubiramo, ari ukwiyubaka bundi bushya byasabye imbaga nyinshi ariko igihugu cy'u Rwanda ntabikinanira harimo ubushake barabikora kandi twabigezeho. Ubu mu Rwandad hinjira ibikomoka kuri peteroli biri hagati ya litiro miliyoni 40 na miliyoi 50 buri kwezi.'

Yagaragaje ko mu rugendo rwo kwiyubaka bakora ibishoboka byose bakinjiza urubyiruko muri uyu mwuga ariko banashyira imbaraga mu gufasha abarokotse Jenoside yakorewe Abatutsi.

Ati 'Twigisha urubyiruko kugana ikigo cyacu ku buryo ibintu bikomoka kuri peteroli no kubigisha kumenya ko ari ibintu bikomeye ku gihugu bagomba kubisigasira kandi bikadufasha kwiyubaka cyane cyane dufasha imiryango y'abarokotse Jenoside yakorewe Abatutsi.'

Havugimana Francine wari ufite ababyeyi bacuruzaga peteroli mbere ya 1994 yagaragaje ko na mbere abagize iri huriro bagiraga ubumwe.

Yagaragaje ubwo Jenoside yakorewe Abatutsi yatangiraga iwabo bahise batangira kuharasa ndetse tariki 7 Mata 1994 igitero cy'abasirikare cyaje kwica iwabo bica ababyeyi ariko abana bararokoka.

Ati 'Papa yaranabitubwiraga ati njye ninapfa abana bazasigara…nta cyizere cyari gihari cy'uko twasigara, twari kumwe na bo mu nzu biba, rero gusigara kwacu ntabwo ari impuhwe twagiriwe n'ababishe ahubwo ni uko batatubonye.'

Yagaragaje ko umubyeyi we yari afite amakamyo 11 yari muri Kenya, uwagerageje kubahungishirizayo na bwo abo muri ambasade bashatse kubivugana.

'Twaje gutungurwa no kubona ambasaderi w'u Rwanda muri Kenya aje kutureba, iyo muri abana umuntu wese mubonye mugira ngo ni ubagirira neza, ubwo yaje afite apareye yafotoraga ifoto igahita isohoka baradufotora batubwira ko bagiye kudushakira pasiporo.'

'Icyatumye tubyibazaho ni uko abandi Banyarwanda bari bari aho mu kibuga bose baramusabye bati ese natwe wadufotoye ukaduha pasiporo? Arabangira afotora njyewe n'abo tuvukana.'

Aha ngo ntibyari gushoboka ko umuntu asohoka mu kibuga cy'ingege adafite uru rupapuro rw'inzira.

'Nyuma gato twaje gusobanukirwa ko bitari ibyiza yadushakiraga kuko papa yakoraga ubucuruzi akoresheje amakamyo, 11 yari ari muri kenya akora, bivuga ngo we yari abifiteho amakuru ashaka kugira ngo batwice na ya makamyo bayasigarane. Wari umugambi utararangiriraga ahantu hamwe, byari ibintu by'indengakamere.'

Nyuma yo kurokoka Havugimana avuga ko abantu babanye na papa we mu rwego rw'abikorera ari bo bamubereye umuryango haba mu byiza ndetse no mu bihe bibi.

Mu Rwanda hakoreshwa lisansi ingana na litiro miliyoni 11 ku kwezi mu gihe mazutu yo iba ingana na litiro miliyoni 26 ku kwezi. Ingano nini yinjira mu gihugu muri iki gihe, ituruka muri Tanzania, mu gihe inke cyane ariyo ituruka muri Kenya.

Umuyobozi Mukuru w'Ihuriro ry'Abacuruza ibikomoka kuri Peteroli Eric Mutaganda yagragaje ko bashyize imbere ibikorwa byo gufasha abarokotse

Urubyiruko ni bamwe mu bari gukangurirwa kwinjira muri uyu mwuga

Kugira ngo umuntu arware iyi ndwara ni uko mu miterere y'umubiri we aba ashobora kuyandura, kugendesha ibirenge ku butaka bwiganjemo imyunyu ngugu ya Silcon na Quartz igasatura umubiri ikinjiramo noneho ikangiza imwe mu mitsi ijyana amatembabuzi (Vesseaux lymphatiques) noneho igatangira kubyimba.

Umuntu ugifatwa n'indwara y'imidido ashobora kugira umuriro, kuribwa mu dusabo tw'intanga ku mugabo cyangwa kubyimba inturugunyu (lymph nodes), kubyimba amaguru, kubyimba imyanya myibarukiro y'inyuma, ashobora no kubyimba urwagashya n'umwijima igihe iyo ndwara ikomeje kwiyongera.

Ikindi iyi ndwara y'imidido ntikunze kugaragaza ibimenyenso hakiri kare ngo yitabweho hakiyongeraho n'imyumvire itari myiza yo kumva ko uwayirwaye yarozwe, bigatuma abayirwaye baharana akato gakomeye kabagiraho n'ingaruka mbi mu buzima bwa buri munsi.

Mu Rwanda byifashe bite?

Bamwe mu barwaye iyi ndwara, bavuga ko n'ubwo bahabwa ubufasha mu guhangana na yo, bagifite ibibazo by'akato bagihabwa n'abaturanyi ndetse hari n'abababwira ko barozwe bagasaba Leta ko bakwitabwaho iyo myumvire bamwe babagiraho igahinduka.

Imanizabayo Sophie, ni umwe muri bo warwaye Imidido aza kuvurirwa mu Kigo Heart and Sole Africa, HASA, kita ku bafite uburwayi bw'imidido Kiri i Musanze.

Yagize ati “Iyi ndwara yamfashe ndi umunyeshuri mfite imyaka 12, abanyeshuri bakajya bampa akato, kuko ku ishuri ni njye wari ufite uburwayi bwihariye njyenyine, nanjye ubwanjye narirebaga nkabona ntawe duhuje uburwayi, kubera kugira isoni n'ipfunwe nageze mu wa gatandatu ndarireka.”

“Ntabwo indwara y'imidido ari amarozi, nanjye nabonye bije, ariko icyo nabashishikariza, abana batoya bagomba gukura babambikwa inkweto, bakagira isuku ndetse n'abashobora kuba bayirwara bakivuza hakiri kare kuko ubu murabona ko navuwe nkaba nkora ubudozi kandi nditinze.”

Nizeyimana Jean Damascene nawe yagize ati “Ubundi narindi mu cyaro, bazakumbwira ko hari abavuzi baba muri St Vincent, mbere twabaga turi hanze mu cyaro dusabiriza abantu batatwitaho, no kwiheba rugeretse. Ubu twaravuwe, baduha n'uyu murimo wo kudoda tubayeho neza.”

Mu bushakashatsi bwakozwe na Kaminuza y'u Rwanda mu Mushinga witwa 5S Foundation ugamije kurwanya no kurandura indwara zititaweho uko bikwiye, NTDs, by'umwihariko imidido na Shishikara, na bwo bwagaragaje ko abarwaye imidido bagihabwa akato haba mu mibanire n'abandi, imirimo, ubukene, amavuriro make ndetse n'amazina bagenda bitwa.

Jean Paul Bikorimana, ni umwe mu bakoze ubushakashatsi kuri ubwo burwayi, yagize ati “Bariya bantu bafite uburwayi bwo kubyimba amaguru bahura n'ibibazo bitandukanye harimo iby'ubushobozi, kuba adashoboye kujya kwivuza ngo abone ubuvuzi yifuza, dufite n'ikibazo gikomeye cy'uko nta buvuzi bwihariye bwo kuvura imidido buri muri buri murenge.”

“Ibibazo byabo ni uruhurirane, ntabwo twakwita ku kibazo kimwe cyo kuvura ahubwo bakeneye n'ubundi bufasha bwo ku ruhande mu buryo bwo kuzuzanya, inzego zose zigakorera hamwe, porogaramu zose zo kurwanya ubukene na bariya bantu tukareba ko bakibonamo.”

Umuhuzabikorwa wa Heart and Sole Africa (HASA), Uwizeyimana Jeanne, asaba Abanyarwanda kwirinda guha akato abarwaye imidido, ahubwo akabakangurira kubakunda bakabiyegereza.

Yagize ati “Icyo twavuga ni uko indwara y'imidido itandura, umuntu uyirwaye ni umuntu nk'abandi, aba arwaye amaguru ariko mu mutwe haba hakora n'amaboko aba akora, ni ukuvuga ngo babafate nk'abandi bantu, babakunde, ntibabahe akato kuko iyo babahaye akato bituma na kwakundi yari ashoboye gukora akomeza kwiheza ntabe yashobora gukorera umuryango we.”

Umuyobozi w'Agateganyo w'ishami rishinzwe kurwanya no gukumira indwara zititaweho muri RBC, Mbonigaba Jean Bosco, avuga ko n'ubwo bamwe mu Banyarwanda bamaze gusobanukirwa ko indwara y'imidido ari indwara umuntu uyirwaye atakwanduza mugenzi we hakiri urugendo rwo kurushaho kuyitaho n'ubufatanye bwa buri wese.

Yagize ati “Muri make ni urugendo rurerure tugomba gukora kuko ntabwo Abanyarwanda twese turayimenya ku kigero gikwiriye, nk'uko bigenda bigabanuka ku buryo ntawe ukwiye guheza undi kubera kurwara imidido. Si indwara y'amarozi, icyo dusaba abantu bose ni uko twakwegera abaturage tukabafasha kugera ku bavuzi hakiri kare.”

Ikigo cy'Igihugu cy'Ubuzima, RBC, kivuga ko iyi ndwara iramutse igaragaye kare cyane, umurwayi ashobora gukurikiranwa akaba yakira burundu ariko kuko iboneka yaramaze kurengerana ngo biragorana uretse ko umuntu avurwa akaba yakoroherwa ariho ihera ibasaba kubahiriza ingamba zafashwe.

ku bantu bamaze kurwara imidido ni ngombwa gushaka inkweto zo gushyiramo ibirenge, ku batarandura iyi ndwara, ni byiza guhora bambaye inkweto kugira ngo batazagira aho bahurira n'iyi ndwara.

Zimwe mu nkweto zikorerwa abarwaye imidido zikorwa n’abigeze kuyirwara bakavurwa

Bamwe mu barwaye imidido bafite akazi ko kudoda kabatunze basaba ko batakomeza guhabwa akato

Umuyobozi w’agateganyo w’Ishami ryo kurwanya indwara zititaweho uko bikwiye Mbonigaba Jean Bosco avuga ko indwara y’imidido itari amarozi