Category: Uncategorized

Aya mavuriro mato yuzuye atwaye miliyoni 510 Frw ubariyemo no kuyagezamo ibikoresho akaba yarubatswe ku bufatanye n'umushinga PRISM wateguwe na Leta y'u Rwanda ifatanyije n'Ikigega Mpuzamahanga giteza imbere Ubuhinzi n'Ubworozi (IFAD) binyuze muri Minisiteri y'Ubworozi, ugashyirwa mu bikorwa na RAB.

Buri vuriro rifite aho bakirira aborozi, icyumba kibikwamo imiti n'icyumba gifatwa nka laboratwari ari naho hapimirwa uburwayi bw'itungo runaka. Kuri iri vuriro kandi uhasanga abashinzwe ubuvuzi bw'amatungo batandukanye barimo abatera intanga, abagira inama aborozi n'abandi benshi.

Bakira abafite amatungo arimo ihene, intama, inkoko, ingurube, inka n'andi menshi atandukanye. Aya mavuriro yubatswe mu turere twa Ruhango, Huye, Nyamagabe, Karongi, Rulindo, Gicumbi, Musanze, Nyabihu, Ngororero, Rutsiro, Gisagara, Nyaruguru, Burera, Gakenke na Nyamasheke.

Umuhire Odille ushinzwe ubuvuzi bw'amatungo mu ivuriro rito rya Nkotsi riherereye mu Karere ka Musanze, yavuze ko bari gufasha abaturage mu kuvura indwara bagorwaga no kubonera imiti. Yongeyeho ko umuturage wabagezeho itungo rye rikurikiranwa neza ku buryo ahabwa imiti yizewe.

Ati 'Ubundi mbere twavuraga tugendeye ku bimenyetso, iyo ugendeye ku bimenyetso rero haba hari icyo ukeka ko ari bwo burwayi gishobora no kutaba cyo, ubu dusigaye tugendera ku burwayi bwemejwe na laboratwari tugatanga imiti yizewe.'

Umworozi witwa Ziragaba Jean Claude utuye mu Mudugudu wa Kabaya mu Kagari ka Bikara mu Murenge wa Nkotsi mu Karere ka Musanze, yavuze ko iri vuriro ryatumye bareka kuvura amatungo yabo mu buryo bwa magendu.

Ati 'Iri vuriro ryadufashije kudakora ingendo ndende tujya gushaka imiti mu Mujyi, dusigaye tubona abashinzwe kuvura amatungo hafi, mbere twabaga dufite umwe mu Murenge na we bikamugora mu gihe yabaye menshi. Hari n'igihe twakoreshaga ibyatsi, ubu rero amatungo yabaye neza kuko tuyahera imiti ku gihe.'

Nzayisaba Joselyne we yavuze ko iyo amatungo yabo yarwaraga mbere, bajyaga gushakisha ibyatsi bakabivuguta bakayabiha bitewe n'uko abavuzi b'amatungo babonekaga kure kandi na bwo bakaboneka rimwe na rimwe. Yongeyeho ko hari n'abakoreshaga imiti ya magendu ariko ko yacitse.

Umuyobozi w'Ishami ry'Ubworozi muri RAB, Dr Fabrice Ndayisenga, yavuze ko kwegereza amavuriro y'amatungo aborozi bizafasha mu kongera umusaruro yaba uw'amagi ndetse n'icyororo, abasaba kuyagana.

Dr Ndayisenga yongeyeho ko muri gahunda ya guverinoma y'imyaka irindwi bari bihaye intego ko izarangira bageze ku musaruro w'inyama ungana na toni ibihumbi 150 ku mwaka, ubu bakaba bageze kuri toni ibihumbi 130, uruhare rw'amatungo magufi bifuza ko rwaba 80% naho inyama z'inka zikaba 20%.

Kuri ubu u Rwanda rurifuza ko buri muturage yarya ibilo 45 by'inyama, avuye ku bilo umunani arya ku mwaka muri iki gihe. Ibi byatumye muri uyu mushinga wa PRISM abaturage barenga ibihumbi 23 bahabwa amatungo magufi arimo inkoko, ihene, ingurube n'intama.

Amavuriro mato yubatswe mu turere 15 arimo imiti myinshi ifasha abaturage mu kuvura amatungo yabo

Umuhire Odille ushinzwe ubuvuzi bw'amatungo mu Ivuriro rito rya Nkotsi riherereye mu Karere ka Musanze, yavuze ko iri vuriro rizabafasha gutanga serivisi nziza ku baturage

Aya mavuriro yashyizwemo laboratwari izajya ifasha abavuzi b'amatungo kumenya indwara itungo ryarwaye

Ni igikorwa cyabereye ku Rwibutso rwa Jenoside rwa Kigali ruri ku Gisozi kuri uyu wa 03 Gicurasi 2024, abayobozi n'abakozi b'iki kigega babanza gushyira indabo ahashyinguwe Abatutsi bishwe, hakurikiraho ibiganiro ndetse no gutanga inkunga y'amafaranga yo guteza imbere imishinga y'abagenerwabikorwa.

Bagweneza Vestine wari usanzwe acuruza 'Mobile Money', ni umwe mu barokotse bagenewe inkunga wavuze ko yari asanzwe akoresha amafaranga make ku buryo nk'umuntu washakaga kubikuza ibihumbi 200 Frw yabimuhaga ari uko agujije bagenzi be. yashimiye inkunga yahawe kuko agiye gucuruza amafaranga menshi bikazongera umushahara we.

Mu izina rya bagenzi be yanashimiye Ikigega Agaciro Development Fund, acyizeza ko inkunga we na bagenzi be bahawe bagiye kuyikoresha neza bakiteza imbere bakanateza imbere igihugu muri rusange.

Ati 'Nakoraga umushinga uciriritse nacuruzaga 'Mobile Money' ndi umu-agent nkakoresha amafaranga ibihumbi 100 Frw, ibihumbi 150 Frw. Nabona umukiliya ubikuza nk'ibihumbi 200 Frw nkaguza mugenzi wanjye, ariko ndashima Imana, ndabashima by'umwihariko Imana yatumye mudutekerezaho mukaba mubashije kuduha iyi nkunga.''

''Umushinga wanjye ugiye kuzamuka nanjye ngire agaciro nkore niteze imbere. Ndabashimiye by'umwihariko na bagenzi banjye turabashimiye kuba mwaradutekerejeho.''

Umuyobozi Nshingwabikorwa w'Umurenge wa Gisozi, Ingabire Olive na we yashimiye Ikigega Agaciro Development Fund cyateye inkunga abarokotse kuko bizabafasha mu rugendo rwabo rwo kwiyubaka, anasaba abahawe inkunga kuyibyaza umusaruro ayo mafaranga bakayakoresha icyo bayaherewe kugira ngo bibafashe kwiteza imbere, aho kuba bayajyana mu bindi bidafite umumaro.

Umuyobozi Mukuru w'Ikigega Agaciro Development Fund, Tesi Rusagara, yabwiye abahawe inkunga ko iki kigega kibazirikana, kandi ko gishyigikiye imishinga yabo no kuba bataracitse intege bagakomeza urugendo rwo kwiyubaka no kubaka igihugu.

Ati ''Tuzahora tubashima. Mwagize ubwitange mu kubaka ubumwe bwacu n'igihugu, rero natwe twishimira gufatanya namwe […] twishimiye kubafasha, kandi dutekereza ko iyi mishinga izabyara umusaruro.''

Rusagara kandi yasezeranyije abahawe inkunga yo guteza imbere imishinga yabo ko Ikigega Agaciro Development Fund kitazabatererana, ahubwo ko kizanabafasha no kuyikurikirana mu rugendo rwo gutuma yaguka.

Muri iki gikorwa kandi Gasasira Jean Marie Maurice warokokeye muri Kiliziya ya Sainte Famille mu 1994 ubwo yigaga mu mwaka wa kabiri w'amashuri yisumbuye, yavuze ukuntu Abatutsi batotejwe bagakorerwa iyicarubozo na mbere ya Jenoside yakorewe Abatutsi mu 1994, kuko mu byo yabonesheje amaso mu 1990 abarimo ababyeyi be bajyanwe kuri Stade Regional i Nyamirambo bashinjwa kuba ibyitso by'Inkotanyi, na bwo bakorerwa iyicarubozo.

Ati ''Mu 1990 mu ifatwa ry'ibyitso, hari imodoka yagendaga muri karitsiye irimo umu- resiponsabure w'iwacu ikagenda itanga ingo z'Abatutsi bagomba gufatwa. Ntitwari tuzi ibyo ari byo, ariko twari twumvise ko inyenzi cyangwa Inkotanyi zateye igihugu, ku mashuri Saint Famille narabibonaga batwara ababyeyi bacu muri karitsiye. Babatwara muri Regional i Nyamirambo, barishwa ibyatsi bakorerwa iyicarubozo bihagije.''

Gasasira yakomoje ku kuba ihanuka ry'indege y'uwari Perezida w'Igihugu, Habyarimana Juvénal ryaragizwe urwitwazo rw'ikorwa rya Jenoside yakorewe Abatutsi kandi yarateguwe cyera, dore ko na mbere ya 1994 ibibazo byabaga mu bihugu by'abaturanyi abateguye jenoside babyitwazaga mu gutoteza Abatutsi mu Rwanda babwirwa ko babifitemo uruhare.

Yatanze urugero rw'uko hari Abatutsi bari mu Rwanda bahowe urupfu rw'uwari Perezida w'u Burundi mu 1993, Melchior Ndadaye, ariko ko ibyo byose byari ugushaka impamvu zo kwica Abatutsi bazizwa uko bavutse.

Umuyobozi Mukuru w’Ikigega Agaciro Development Fund, Tesi Rusagara, ubwo yashyiraga indabo ku Rwibutso rwa Jenoside rwa Kigali ruri ku Gisozi

Abitabiriye iki gikorwa bahawe ibiganiro n’ubuhamya ku itegurwa n’ishyirwa mu bikorwa rya Jenoside yakorewe Abatutsi

Ikigega Agaciro Development Fund cyanateye inkunga Urwibutso rwa Jenoside rwa Kigali ruri ku Gisozi

Abahawe inkunga bavuze ko igiye kubafasha kwiteza imbere

Abahawe inkunga basazeranyijwe ko bazanafashwa gukurikirana imishinga yabo ikaguka

Umuyobozi Mukuru w’Ikigega Agaciro Development Fund, Tesi Rusagara, yasezeranyije abahawe inkunga ko iki kigega kizakomeza kubakurikirana

Jean Marie Maurice warokotse, yavuze ukuntu Abatutsi batangiye gukorerwa iyicarubozo na mbere ya Jenoside

Bagweneza Vestine wari usanzwe acuruza ‘Mobile Money’, yavuze ko inkunga yahawe igiye kumufasha kwiteza imbere kuko yari afite igishoro gito

Abakozi b’Ikigega Agaciro Development Fund bari kumwe n’abagenewe inkunga yo guteza imbere imishinga yabo

Prophet Sibomana Samuel avuga ko Imana izakoresha ibindi bihugu atavuze izina bigafasha umutwe wa M23 umaze igihe kinini urwana intambara yo gushakira amahoro n'uburenganzira abo bahuje ubwoko b'Abanyamulenge bakorerwa iyicarubozo bazizwa kuba bavuga Ikinyarwanda, no kuba ari Abatutsi, nk'uko isezerano ry'Imana riri.

Yatangiye agira ati: 'Buriya intambara yose ni mbi, nta ntambara nziza ibaho, kuko intambara irasenya ntiyubaka, ariko iyi ntambara yari iy'amasezerano, twari dufite amasezerano y'uko Abanyamulenge bazasenyerwa, bagasigarira ku busa, ariko nyuma yo gusenyerwa hakaba amahoro, kandi igihugu cy'i Mulenge kikongera kikubakwa;

Ndetse tukaba dufite n'amasezerano y'uko Kongo izacikamo ibice, hazabaho Repubulika ya Kivu, ni ho Abanyamulenge bazagira amahoro, bazongera bagatunga inka ziruta izo batunze, kandi izo nka ntibazongera kuzitunga nk'uko bazitungaga, buri muntu azagira ifamu ye mu buryo bwa kijyambere.'

Yasobanuye uko ibi bizashyirwa mu bikorwa, Abanyamulenge bakagira igihugu cyabo bwite agira ati: 'Icyo cyizere tugihabwa n'Imana yacu. Kera, Abanyamulenge bayoborwaga n'Imana. Nk'ubu hari ijambo bavuga ngo Imana y'inganji, Imana y'i Bubembe, n'Imana y'i Mulenge. Iyo Mana ni yo ituyobora ikatubwira ibigiye kuza. Turi mu bihe bigoye, ariko birasimburana, ibyiza biri imbere, bigeye kuza mu Banyamulenge.'

Yakomeje agira ati: 'Imana itubwira yuko i Mulenge hazaba amahoro Kongo yacitsemo ibice, Repubulika ya Kivu yabayeho. Repubulika ya Kivu itarabaho, nta mahoro Abanyamulenge n'Abatutsi muri rusange bazabonera muri Kongo. (Nibitaba) hazakomeza habe intambara cyane, ariko Imana itubwira ko hagiye kuboneka ubutabazi.'

Ubu butabazi ari na bwo buzatanga amahoro n'igihugu gishya ku Banyamulenge, Prophet Bishop Samuel abusobanura agira ati: 'Iriya ntambara mubona muri Kivu y'Amajyaruguru izakomeza igere n'iwacu, ni yo izatanga ubutabazi, ndetse izagira amashami menshi azagera i Minembwe n'ahandi hose.

Nk’uko yabitangaje mu kiganiro yagiranye na Gitavi Tv, yakomeje agira ati “Icyo nabwira Abanyamulenge ni uko igihe cyo gutabarwa n'Imana kigeze, amasengesho basenze Imana yarayumvise, igihe cy'ubutayu cyarangiye hagiye kuza igihe cy'amahoro, ni ryo sezerano.'

Nk'uko byavuzwe mu kiganiro, ibikorwa bibi birimo n'iyicwa rubozo ku Banyamulenge, byose bikorwa n'abaturanyi babo baba bashyigikiwe na Leta ya Kongo iyobowe na Tschisekedi, ari bo Bamayimayi bahinduriwe izina bakitwa Abazalendo cyangwa Wazalendo.

Prophet Bishop Samuel yagize ati: 'Abanyamulenge bishwe n'abakabarengeye, Leta ya Kongo ya Tschisekedi ni yo yafashije abo duturanye, Ababembe n'Abapfuyero mu buryo buziguye (indirectement, indirectly), ibafasha kugira ngo bameneshe, bagirire nabi Abanyamulenge.'

Nubwo ingabo za Kongo nyiri izina atari zo ziza kwica no gusenyera Abatutsi, Prophet Bishop Samuel Sibomana avuga uburyo ibikoramo agira at: 'Yahaye imbunda Abamayimayi bahinduriwe izina bakitwa Abazalendo (Wazalendo), baradusenyera inka zose zirashira, murabizi umutungo w'Abanyamulenge ni inka zacu.

Nanjye naranyazwe, inka zanjye zagiye muri izo ngizo, ariko dukomeza gusenga Imana, itubwira ko ibibazo duhura na byo bigiye kurangizwa n'abana bacu bazahaguruka bakirwanaho, ndetse hari n'ibindi bihugu by'amahanga bizafasha abana bacu, kugira ngo barwane urwo rugamba kandi barutsinde.'

Avuga ko iyi ntambara yabaye ku bw'amasezerano y'Imana kugira ngo bazabone igihugu cyabo agira ati: 'Iyi ni intambara y'amasezerano, ibyatubayeho byose Imana yari yarabitubwiye, ko Abanyamulenge bazameneshwa, bazicwa, bakagirirwa nabi n'Ibizunguti (Abamayimayi n'abandi barwanya Abanyamulenge bashyigikiwe na Leta ya Kongo) byariye inka n'imitungo yacu.' Nyuma y'izi ntambara hazaba amahoro, nk'uko yabitangaje!

Bishop Prophet Sibomana Samuel avuka Minenembwe, ahitwa Masoro, muri Repubulika Iharanira Demokarasi ya Kongo, akaba atuye muri Leta Zunze Ubumwe z'Amerika we n'umuryango we. Itorero rye rya Shekinah Glory Church rifite amatorero mur Uganda, ahitwa Nakivale na Mbarara. Yavukanye impano y’ubuhanuzi kuko byahanuwe ataravuka.

Bishop Prophet Sibomana Samuel yahanuye ko M23 izatsinda urugamba hakaboneka amahoro ku banyamulenge baba muri DRC

Igitaramo cya Chryso Ndasingwa cyiswe “Wahozeho Album Launch” kizabera muri BK Arena ku cyumweru tariki 05 Gicurasi 2024 kuva saa kumi z’umugoroba. Uyu muramyi wamamaye mu ndirimbo “Wahozeho” azaba amurika Album ye ya mbere y’indirimbo 18.

Kizaririmbamo abaramyi bakunzwe ari bo Chryso Ndasingwa, Aime Uwimana, Josh Ishimwe, Papi Clever na Dorcas, True Promises, Azaph Music International na Himbaza Club. Kizayoborwa na Tracy Agasaro, hanyuma Apotre Masasu abe ariwe wigisha ijambo ry’Imana.

Ni igitaramo giteye benshi amashyushyu barimo ibyamamare byatangaje ko bizaba bihibereye nka Miss Naomie Nishimwe [Miss Rwanda 2020], umukinnyi wa filime Bamenya, Aline Gahongayire, Prosper Nkomezi, umunyamakuru Ingabire Egidie Bibio n’abandi.

Minisitiri w’Urubyiruko n’Iterambere ry’Ubuhanzi, Dr Utumatwishima Abdallah, yahamagariye abakunzi b’umuziki kuzashyigikira Chryso Ndasingwa muri iki gitaramo cye cyo muri BK Arena ndetse asaba ko byaba umuco, “umuhanzi wese tujye tumuteza imbere”.

Yabanje kumwiseguraho kuko yari yitiranyije gitaramo cye ‘Wahozeho’ n’indirimbo yamamaye cyane ‘Yahozeho’ [FPR Yahozeho] ya Senderi Hit na Intore Tuyisenge ivuga ko ‘FPR yahozeho ariko ntibabimenya, iyo baza kubimenya byari kuborohera’. Yahise avuga izina ry’igitaramo cy’uyu muramyi anasaba abaturarwanda kuzamushyigikira cyane.

Ati: “Gospel Concert ya #Ndasingwa ni ku Cyumweru tariki 05.05.2024 saa kumi kuri BK Arena. [Chryso] Ambabarire nari nasomye nabi ngo #Yahozeho (nabyitiranyije n'indirimbo tujya turirimba ngo #FPR yahozeho ariko ntibabimenya). Ni #WahozehoAlbumLaunch. Umuhanzi wese tujye tumuteza imbere”.

Minisitiri Utumatwishima yatangaje ibi anyuze ku butumwa bwa Chryso Ndasingwa buri ku rubuga rwa X [Twitter] aho yibutsaga abamukurikira ko hasigaye iminsi 6 agakora igitaramo “Wahozeho Album Launch” kizabera muri BK Arena tariki 05.05.2024. Amatike y’iki gitaramo ari kuboneka www.ticqet.rw ndetse amakuru ahari ni uko hasigaye amatike macye cyane.

Chryso Ndasingwa akorera umurimo w’Imana muri New Life Bible Church Kicukiro, agatanga n’umusanzu mu matorero anyuranye nka CLA n’ahandi. Yavukiye i Nyamirambo, akurira mu muryango w'Abakristo Gatolika, nyuma aza kwimukira muri New Life Bible Church ari na ho abarizwa kugeza ubu. Yatangiye umuziki mu buryo bw’umwuga mu gihe cya Covid-19.

Mu kiganiro na InyaRwanda, Chryso Ndasingwa yabajijwe uko yiyumva kuba agiye gukorera muri BK Arena igitaramo cye cya mbere, asubiza ko ari inzozi ze zibaye impamo. Ati “Ndumva nezerewe cyane kuko cyari icyifuzo maranye iminsi myinshi, none ndashima Imana ko yaduciriye inzira”.

Yavuze ko Album ye ya mbere “Wahozeho” agiye kumurika igizwe n’indirimbo 18 zikubiyemo ubutumwa bw’amashimwe menshi ku Mana nk’uko umwanditsi wazo abisobanura ati: “[Album] Isobanuye ikoraniro y'abantu batabarika bazanye intego imwe yo kuramya uwahozeho kandi uzahoraho”.

Impamvu yahisemo inyubako ya BK Arena, Chryso Ndasingwa yavuze ko yabonye nta handi hantu habereye abakunzi b'umuziki we uretse muri iyi nyubako yabengutswe n'abantu bose mu bice byose. Ati 'Ntabwo ari ubwa mbere nje gutaramira aha ariko ni ubwa mbere ngiye kuhakorera igitaramo cyanjye. Narebye ahantu hakwiriye mbona aha niho hantu heza cyane.'

Agaruka ku bushobozi afite bwo kuzuza BK Arena, inyubako itinywa cyane n'abahanzi kubera ubunini bwayo, yavuze ko nta mpungenge na nke afite zo kuba iyi nyubako itazuzura kuko urukundo yerekwa mu bihangano bye bigaragaza ko hari benshi bashyigikiye ibikorwa bye.

Ati 'None se niba indirimbo 'Wahozeho' imaze kurebwa n'abarenga 1,000,000 kandi ari abantu batandukanye, ubwo haburamo abantu 10,000 muri iyo Miliyoni baza kunshyigikira?'

Abari kugura amatike mbere y’uko igitaramo kiba bari kubyungukiramo cyane kuko ibiciro biri hasi. Itike ya Silver [mu myanya isanzwe] iragura 5,000 Frw mu gihe ku munsi w’igitaramo izaba igura 10,000 Frw. Itike ya Premium iragura 10,000 Frw mu gihe ku ku muryango izaba igura 15,000 Frw.

Itike ya Gold iragura 12,000 Frw mu gihe ku munsi w’igitaramo izaba igura 17,000 Frw. Platinum iragura 15,000 Frw mu gihe izaba igura 20,000 Frw ku munsi w’igitaramo. Itike ya Diomond wagereranya na VVIP iragura 20,000 Frw mu gihe ku munsi w’igitaramo izaba igura 25,000 Frw. Kanda HANO ugire itike zitarashira.

Chryso Ndasingwa ategerejwe muri BK Arena mu gitaramo ‘Wahozeho Album Launch’

Minisitiri Utumatwishima yavuze ku gitaramo cya Chryso anasaba ko buri muhanzi wese yajya ashyigikirwa

Chryso Ndasingwa aramurika album ya mbere mu gitaramo cy’amateka

Amatike agiye gushira

Miss Nishimwe Naomie avuga ko azitabira igitaramo cya Chryso Ndasingwa

REBA INDIRIMBO “WAHOZEHO” YITIRIWE IGITARAMO CYA CHRYSO NDASINGWA

Ku itariki 06 Gicurasi muri 2002, ni bwo Cole Palmer yabonye izuba, avukira i Manchester mu Bwongereza. Amazina ye yose ni Cole Jermaine Palmer, akaba umwe mu kabinnyi bakiri bato batangiye guca amarenga ko mu myaka izaza ashobora kunga ikirenge mu cya bagenzi be banyuze muri Chelsea nka Frank Lampard n’abandi.

Cole Palmer, akina mu kibuga hagati asatira izamu, rimwe na rimwe agakina asatira ariko anyuze ku mpande. Ni umusore ukomoka ku babyeyi bitwa Marie na Jermaine.

Cole Palmer yavugishije isi cyane, ubwo yahitagamo gutandukana na Manchester City atabonagamo umwanya wo gukina, akerekeza muri Chelsea, nuko mu mwaka we wa mbere agahinduka umukinnyi w’akataraboneka.

Palmer yakiniye Manchester City kuva muri 2020 kugera muri 2023. Mu myaka itatu yamaze muri Manchester City yayikiniye imikino 19 muri English Premier League, birangira nta gitego ayitsindiye.

Ku mukino wa nyuma wa English Super Cup, Cole Palmer yatsinze igitego cyo kwishyura ku mukino wa Arsenal, gusa byarangiye igikombe kigiye kwa Arsenal kuri Penaliti. 

Kuva muri 2010 kugera muri 2020, Cole Palmer yakinaga mu bakinnyi bato ba Manchester City. Kugeza ubu harakibazwa ukuntu yaba yarabanye n’ikipe imyaka 13, ikipe ikaba itari yarigeze ibona ubuhanga bwihishe muri we.

Akimara gutandukana na Manchester City akajya muri Chelsea muri 2023, Cole Palmer yahise aba umukinnyi udasanzwe, mu mikino 29 amaze gukinira Chelsea muri English Premier League, amaze kuyitsindira ibitego 20 kandi ari umukinnyi ukina mu kibuga hagati.

Cole Palmer yagiye abona amahirwe yo gukinira Ubwongereza mu batatengeje imyaka 16, 17, 18 na 21 ndetse muri 2023 yakinnye imikino ibiri mu ikipe y’igihugu nkuru y’u Bwongereza.

Ikipe y’igihugu y’abatarengeje imyaka 16, Palmer yayikiniye imikino 2 muri 2017. Muri 2019  yakiniye imikino itatu mu ikipe y’abatatengeje imyaka 17, muri 2019 arongera akinira u Bwongereza mu batatengeje imyaka 18, akina imikino 9 atsinda ibitego bibiri. Muri 2021 yakiniye u Bwongereza mu batatengeje imyaka 21, akina imikino 15 atsinda ibitego bitanu.

Kugeza ubu Cole Palmer amaze kwegukana igikombe kimwe yagizemo uruhare rufatika, ni Euro y’abatatengeje imyaka 21 yegukanye muri 2121 ubwo yari kumwe n’ ikipe y’igihugu y’ u Bwongereza. 

Mu Mwaka we wa mbere muri Chelsea, Cole Palmer asigaye ahanganira ibihembo by’abakinnyi bafite ibitego byinshi kandi atari na rutahizamu 

Cole Palmer akiri muri Manchester City, nta cyizere cy’ahazaza yari yifitiye 

Cole Palmer ni umwe mu bakinnyi basigaye bananira Manchester City iyo yakinnye na Chelsea 

Mukakabanda Juliette warokokeye i Murambi, yagagaraje uko Abahutu bashishikarijwe kwica Abatutsi, bikozwe n'abari abayobozi icyo gihe, anavuga uko ubuzima bwagarutse nyuma y'uko Ingabo za RPA zunamuye u Rwanda.

Uyu mugore wiciwe umugabo n'abana babiri, yavuze ko ubu umwana yarokokanye yize mashuri agera no ku Cyiciro cya Gatatu cya Kaminuza (Masters), ndetse na we akaba abyaye kabiri, nk'ikimenyetso cy'ubuzima butazimye.

Yanenze abayobozi batarebye kure ngo baharanire ineza y'abaturage none ubu bakaba barasize umugayo ku Isi.

Ati “Nagiye mu Bufaransa gushinja Perefe Bukibaruta, nsanga yararembye, mpita ntekereza nti iyaba abantu batekerezaga ku iherezo ryabo, bakabiba ineza kurusha inabi.”

Abanyamuryango ba Unity Club Intwararumuri, umuryango w'abayobozi bakuru n'abahoze ari abayobozi ndetse n'abafasha babo, bavuze ko bahisemo gusura uru Rwibutso mu rwego rwo kwibuka no kunamira abazize Jenoside yakorewe Abatutsi, banazirikana uruhare rw'ubuyobozi bubi mu mateka asharira y'u Rwanda ndetse n'uruhare rwabo nk'abayobozi mu kongera kubaka u Rwanda rwiza.

Nyirahabineza Valérie, umwe mu banyamuryango ba Unity Club wari witabiriye iki gikorwa, yabwiye IGIHE ko bahisemo gusura uru Rwibutso kuko rugaragaza neza uruhare rw'ubuyobozi bubi muri Jenoside.

Ati “Nubwo ahenshi Abatutsi bahungiye bagiye bicwa, ariko umwihariko wa Murambi ni uko ho batahahungiye ku bushake, ahubwo barahazanwe ku ngufu, ubuyobozi bubabeshya ngo burahabarindira.''

'Ni yo mpamvu rero twagarutse aha nk'abayobozi, kugira ngo dushimangire ko twanze ubuyobozi bubi butanga urupfu, ahubwo twimike ubuyobozi bwiza burengera umuturage bukamuha umutekano n'ubuzima.''

Murekezi Anastase na we yavuze abayobozi bariho ubu bafite umukoro ukomeye wo guharanira ko amateka mabi yaranze abayobozi bo hambere atazongera kubaho, baharanira kwimakaza ubuyobozi buzira amacakubiri n'ingengabitekerezo ya Jenoside.

Ashingiye ku buhamya bwa Mukandanga Juliette warokokeye aha i Murambi, Umuyobozi Wungirije wa Unity Club Intwararumuri, Kayisire Marie Solange, yavuze ko ari inshingano zabo nk'abayobozi guharanira imiyoborere myiza iganisha igihugu aheza hazira amacakubiri n'ingengabitekerezo ya Jenoside, yongeraho kandi ko bizashoboka kuko Inkotanyi zashyizeho umusingi ukomeye.

Ati “Turwane urugamba, twange abatoba amateka yacu, maze dukomeza kubaka ubumwe n'ubudaheranwa. Ibi kandi bizakunda kuko umusingi ukomeye w'Inkotanyi twubakiraho urahari.”

Yibukije ko iyo Jenoside idategurwa n'abayobozi itari kugera aho yageze. Ati 'Ni inshingano zacu nk'abayobozi gukomeza kubungabunga ubumwe.''

Kayisire yibukije amagambo yavuzwe n'Umuyobozi Mukuru wa Unity Club, Madame Jeannette Kagame, ko Jenoside atari ikamba Abanyarwanda birata, yongeraho ko biteye isoni kuba nyuma y'imyaka 30 abantu bagisobanura amateka y'ibyabaye kandi ibimenyetso byigaragaza henshi n'i Murambi harimo.

Uretse iki gikorwa cyo gusura Urwibutso rwa Murambi, Unity Club irateganya no gukora ibindi bikorwa birimo gusura intwaza, ibiganiro mu itangazamakuru n'ibindi bikorwa bijyana no kwibuka ku nshuro ya 30.

Ubwo abanyamuryango ba Unity Club Intwararumuri berekwaga ahari amazina ya ba ruharwa bagize uruhare muri Jenoside yakorewe i Murambi. Babwiwe ko kariya kazitiro kahakikije gashushanya ko ibitekerezo biganisha kuri Jenoside ubu bifungiranye

Abanyamuryango ba Unity Club Intwararumuri batambagijwe ibice bigize Urwibutso rwa Murambi, wabonaga agahinda mu maso yabo

Abanyamuryango ba Unity Club Intwararumuri bunamira Abatutsi bashyinguwe mu Rwibutso rwa Murambi

Uwacu Julienne na Nyirahabineza Valérie na bo bari bitabiriye iki gikorwa

>

Mukakabanda Juliette yavuze uko yabonye igisebo ku maso ya Perefe Bukibaruta wahagarikiye ubwicanyi i Murambi, avuga umuyobozi wese yagakwiye guharanira icyiza ku bo ayobora

Murekezi Anastase, Rwabuhihi Ephrem n’abandi bari bitabiriye igikorwa

Umuyobozi w’Akarere ka Nyamagabe, Niyomwungeli Hildebrand, yashimye uruhare rwa Unity Club ku kongera gusana ubuzima, by’umwihariko ubw’abarokotse muri Nyamagabe

Umuyobozi Wungirije wa Mbere wa Unity Club Intwararumuri, Kayisire Marie Solange, yanditse mu gitabo cy’abashyitsi ko bazahora baharanira ko ‘Never again’ iba igihango

Munyaneza yatangarije kuri televiziyo y'igihugu ko kugira ngo umuntu yemererwe kuba umukandida, agomba kuba afite byibuze abantu 600 bamusinyira, barimo 12 bo muri buri karere.

Yagize ati 'Igikorwa kirimo kirakorwa hirya no hino mu gihugu, cyatangiye tariki 18/04, kizarangirana no gutanga kandidatire ku itariki 30/05. Impapuro zikoreshwa mu gusinyisha ni impapuro Komisiyo y'Amatora itanga, ntabwo ari umuntu ku giti cye wishakira impapuro ze.'

Kuri izi mpapuro, usinyira ushaka kuba umukandida asabwa gushyiraho amazina ye nk'uko ari ku ikarita ndangamuntu, nimero y'indangamuntu n'aho yayifatiye, nimero ya telefone, aho aba, umukono cyangwa igikumwe cye.

Munyaneza yatangaje ko hari abantu benshi bamaze gufata izi mpapuro, bifuza kuba abakandida ku mwanya w'Umukuru w'Igihugu no ku w'abadepite, gusa hari aho byagaragaye ko hari abatubahiriza amabwiriza.

Aya mabwiriza agenga igikorwa cyo gusinyisha asaba ko uwifuza kuba umukandida, abanza kwandikira umukozi wa komisiyo y'amatora mu karere n'umuyobozi w'akarere, abibamenyesha.

Ati 'Icyo gikorwa muri rusange kirimo kiragenda neza nubwo hari aho tugenda twumva utubazo hirya no hino duturuka cyane cyane kuri abo bantu bagenda basinyisha, bituruka ku buryo babikoramo, uburyo bagenda batabimenyekanishije.'

Ibikorwa byo kwiyamamariza umwanya w'Umukuru w'Igihugu n'iy'abadepite bizatangira tariki ya 22 Kamena, birangire ku ya 13 Nyakanga 2024.

Biteganyijwe ko Abanyarwanda baba mu mahanga bazatora tariki ya 14 Nyakanga, ababa mu Rwanda batore ku ya 15 Nyakanga. Amatora y'abadepite bahagarariye ibyiciro byihariye azaba ku ya 16 Nyakanga 2024.

Munyaneza yavuze ko hari abatari kubahiriza amabwiriza agenga igikorwa cyo gusinyisha

Mu mwaka 30 ishize, kwimakaza ihame ry'uburinganire n'ubwuzuzanye ni kimwe mu byo Leta y'u Rwanda yashyizemo imbaraga, bituma abagore batangira gutinyuka imirimo yafatwaga nk'igenewe abagabo.

Urugero ni abagore 37 bo mu karere ka Rusizi baretse gucuruza forode bibumbira muri Koperative Jyambere Mubyeyi ikora akazi ko kwikorera imizigo, gupakurura no gupakira amakamyo ajya cyangwa ava mu gihugu cy'abaturanyi cya Repubulika ya Demukarasi ya Congo anyuze ku mupaka wa Rusizi ya mbere.

Kabera Francine w'imyaka 49 mu kiganiro na IGIHE yavuze ko amaze imyaka 16 yikorera imizigo nyuma y'uko we na bagenzi be bacuruzaga forode, ariko bakaza gufata icyemezo cyo kureka gukora ubucuruzi butemewe n'amategeko.

Ati 'Twabonye ubwo buzima tutazabushobora, tugura amagare tukajya dutwaza abacuruzi imizigo. Mu myaka 16 maze muri aka kazi nakuyemo inzu, naguzemo n'isambu.'

Iyo ikamyo izanye ifu cyangwa ibindi bicuruzwa bifunze mu mifuka itarengeje ibilo 50, aba bagore bafatanya n'abagabo kuyikorera ariko iyo ari ibilo 100 gusubiza hejuru ni abagabo bayikorera.

Kayitesi Berthe waranguraga isukari n'amakaroni akabyinjiza mu Rwanda atabisoreye, yabonye amaze guhomba ibihumbi 300Frw afata icyemezo areka gucuruza forode ajya mu kwikorera imizigo, mu rwego rwo kwanga guharira umugabo we inshingano zo gutunga urugo.

Ati 'Umugabo, umugore twese tugomba gukora imirimo imwe. Nahisemo kwikorera imizigo nanga guharira umugabo inshingano zo gutunga urugo wenyine kandi nanjye mfite imbaraga.”

Uyu mugore w'imyaka 46 ubyuka saa kumi n'ebyiri z'igitondo agataha saa kumi n'ebyiri z'umugoroba, asaba abagore bagifite imyumvire y'uko bagomba kuguma mu rugo abagabo bakabatunga, abasabiriza n'abyindarika kubireka.

Ati 'Mu myaka 12 maze nkora aka kazi, mfatanyije n'umugabo wanjye twabashije kwiyubakira inzu ntabwo tugikodesha'.

Nubwo bishimira ibyo bagezeho babikesha aka kazi bavuga ko aho icyorezo cya covid-19 kiziye akazi kabo kagabanutse kubera ko urujya n'uruza rw'ibicuruzwa rwagabanutse ku mupaka, bagasaba Leta kubatera inkunga bakabona imodoka itwara imizi.

Kabera yagize ati 'Mbere ya covid-19 sinajyaga munsi y'ibihumbi 40Frw ku kwezi ariko akazi kacu karapfuye hari igihe ku kwezi mpembwa nk'ibihumbi 10Frw. Icyifuzo cyacu ni uko Leta yadufasha tukabona imodoka itwara imizigo kuko nibyo byadufasha kwiteza imbere nk'abagore bikorera imizigo'.

Perezida wa Koperative Jyambere mubyeyi, Hategekimana Thadee avuga ko abagore 37 bagize iyi koperative bageze hagati babona bakeneyemo n'abagabo bongeramo abagabo 23, bituma koperative yabo igira abanyamuryango 60.

Hategekimana yasuzuguraga ubushobozi bw'abagore, yumva ko umugore atakwikorera imizigo ngo abishobore.

Ati 'Numvaga nta mugore wakora ubukarani. Ariko aho mpagereye rwose nasanze bashoboye. Bibarinda kuba bwakwandagara. Hari igihe umuntu aba adafite umurimo ariko afite imbaraga. Mu gikarani aremera akarya yavunitse ariko agakoresha imbaraga ze'.

Umupaka wa Rusizi ya mbere ukoreraho koperative 7 zikorera imizigo, ariko ebyiri muri zo nizo gusa zirimo abagore. Izi koperative uko ari zirindwi zikorera hamwe iyo habonetse ikiraka cyo gupakurura ikamyo, amafaranga abanyamuryango bakoreye bayasaranganya na bagenzi babo bo mu zindi koperative.

Kayitesi yahisemo kwikorera imizigo mu rwego rwo gufasha umugabo we mu guteza imbere urugo rwabo

Abagore bagaragara mu mirimo yo gupakurura amakamyo

Abagore bafatanya n’abagabo mu gukora igikarani

Ni akazi kaba gasaba imbaraga

Abagore bikorera imizigo bavuga ko bibarinda kwandagara

Impamvu ni uko uku kwezi guhuriranye n'ibihe bikomeye by'imyigaragambyo y'abanyeshuri, iri kwamagana intambara Israel ihanganyemo na Hamas, intambara iri kugira ingaruka zikomeye ku buzima bw'Abanya-Palestine batuye muri Gaza.

BBC itangaza ko nibura imyigaragambyo irenga 140 yabaye muri Leta 45 zo muri Amerika, kandi yose ikabera mu mashuri makuru na za kaminuza.

Aba banyeshuri bari kwifatanya na Palestine iri guca muri ibi bihe bikomeye, ari nako yamagana Israel. Mu rwego rwo kugaragaza agahinda kabo, aba banyeshuri bari gukora imyigaragambyo karundura muri kaminuza zabo, ibiri kugira ingaruka ku myiteguro yo gusoza amashuri iteganyijwe vuba aha muri kaminuza nyinshi.

Polisi yakunze kwitabazwa mu guhangana n'iyi myigaragambyo, ndetse abarenga 100 bamaze gutabwa muri yombi, icyakora ibi ntibihagije mu gukemura iki kibazo kuko aba banyeshuri bakomeje kurya karungu.

Ku rundi ruhande, abanyeshuri bari gutegura uburyo bazakomeza kwigaragambya muri ibi bihe, imwe mu migambi bafite ikaba irimo kuzasohoka mu birori byo gosoza amasomo yabo, cyangwa se bakavuza induru mu gihe hazaba hari gutambutswa imbwirwaruhame zitandukanye.

Abanyeshuri bariye karungu bamagana ibikorwa bya Israel mu ntambara iri guca ibintu muri Gaza

Nta gihindutse Naoam Emeran ukinira FC Groningen mu Buholandi, azaba ari mu bakinnyi bazifashishwa ku mikino ya Benin na Lesotho mu kwezi gutaha.

Uyu ni umwe mu bakinnyi bafite inkomoko mu Rwanda bifujwe ko yaza gukinira Ikipe y’Igihugu y’u Rwanda, Amavubi akiri no mu Bwongereza mu ikipe ya Manchester United.

Noam Emeran avuka kuri nyina w’umunyarwandakazi na se w’umufaransa wavukiye muri Guadeloupe, Emeran Fritz Nkusi wakiniye ikipe y’Igihugu y’u Rwanda.

Kuba se yarakiniye Amavubi, benshi bumvaga ko n’umwana we bizoroha kurukinira ariko byaje kugorana bitewe n’uko se yambuwe ubwenegihugu bw’u Rwanda nk’uko twagiye tubigarukaho mu nkuru zatambutse.

Amakuru ISIMBI yamenye ni uko ubu ibiganiro bigeze kure ndetse uyu mukinnyi ukina anyuze ku ruhande asatira, muri FC Groningen mu cyiciro cya kabiri mu Buholadni nta gihindutse agomba gukina imikino 2 u Rwanda rufite mu kwezi gutaha uwa Benin tariki ya 6 Kamena na Lesotho tariki ya 11 Kamena 2024.

Bivugwa ko muri iki cyumweru hari bamwe mu bayobozi ba FERWAFA bashobora kujya mu Bufaransa kuvugana na se ngo babirangize ku buryo Emeran yatangira no gushakirwa ibyangombwa, aha bazanaboneraho n’umwanya wo kuvugana na Warren Kamanzi ukinira Touluouse FC mu Bufarana kuko na we ni undi mukinnyi u Rwanda rwifuza.

Emeran Noamnta gihindutse azakinira Amavubi mu kwezi gutaha