Category: Uncategorized

Ibi byabaye ahagana saa Moya za mu gitondo ku wa Kane tariki 16 Gicurasi 2024.

Bamwe mu bo mu muryango we bavuga ko bamusize mu gitondo aryamye ndetse bashegeshwe n'urupfu rwe.

Nyina yagize ati 'Mu gitondo twagiye guhinga umwana tumusize mu rugo ariko n'ubusanzwe yari asanzwe agenda hashize umwanya batubwira ko umwana aguye mu birombe. Na nijoro twari kumwe na mu gitondo nagiye guhinga musiga aryamye.'

Umunyamabanga Nshingwabikorwa w'Umurenge wa Rukoma, Mandela Innocent, yavuze ko 'Amakuru twayamenye mu gitondo Saa Moya zishyira Saa Mbiri tubibwirwa n'abayobozi n'abaturage ko uwo mwana yaguye mu kirombe ntiyapfa bamujyana kwa muganga ageze mu nzira ahita apfa.'

Yavuze ko nyuma y'uko bahawe amakuru y'uko hari umuntu ujya ukorera muri iki kirombe bagiye kumukurikirana kugira ngo aryozwe ibyo aregwa n'abaturage.

Gasogi United yasezereye abandi bakinnyi bane ibamenyesha ko batazakomezanya umwaka w’imikino utaha baba barindwi imaze kwereka umuryango.

Ni nyuma y’uko mu minsi ishize yari yashimiye Yao Henok ukomoka muri Côte d’Ivoire, Ngono Guy Herve ukomoka muri Cameroun ndetse na Mbirizi Eric ukomoka i Burundi.

Mu ijoro ry’ejo ku wa Kane, yasezereye umwe mu bakinnyi bari barambye muri iyi kipe, Rugangazi Prosper ndetse na myugariro wo ku ruhande rw’ibumoso, Robert Mugabe.

Si aba gusa kuko yanatandukanye n’abakinnyi nka Niyitegeka Idrissa ukina mu kibuga hagati wayigezemo avuye muri Musanze FC. Yashimiye kandi umunyezamu Ntagisanayo Serge.

Gasogi United ikaba irimo isezerera abakinnyi mu rwego rwo kureba uko yazongeramo abandi yitegura umwaka w’imikino wa 2024-25, ni mu gihe uwa 2023-24 utagenze neza kuko basoje ku mwanya wa 9.

Ni ibyagarutsweho kuri uyu wa 16 Gicurasi 2024, mu kiganiro iyi Komisiyo yagiranye n'itangazamakuru cyagarukaga ku myiteguro y'amatora y'umukuru w'Igihugu n'ayabadepite ateganyijwe muri Nyakanga 2024.

Ubwo yabazwaga ikibazo n'Umunyamakuru Daniel Hakizimana wabajije ku birebana n'abavuga ko komisiyo z'amatora mu bihugu bitandukanye by'Afurika zitigenga, Oda Gasinzigwa yagaragaje ko Komisiyo y'Igihugu y'Amatora mu Rwanda yigenga kandi ibyo ikora byose bishingira ku mategeko.

Yagize ati 'Komisiyo y'Igihugu y'Amatora irigenga kuko igendera mu mategeko kandi idahabwa amabwiriza n'undi uwo ari we wese. Mu nshingano zacu rero mu gutanga uburenganzira bungana, kwakira ibitekerezo ariko tugendeye mu murongo w'icyo amategeko ateganya.'

Yakomeje ati 'Icyo nagusubiza mbihagazeho ni uko twigenga kandi tugakurikiza n'amategeko.'

Umunyamabanga Nshingwabikorwa wa NEC, Munyaneza Charles, yagaragaje ko ukwigenga kwa komisiyo gushingira ku byo bakora bya buri munsi ariko ko butayigira ikigenge.

Ati 'Komisiyo irigenga ariko ntabwo ari icyigenge. Turigenga ariko tugakorana n'abandi kuko turi ikigo cya Leta, ubwigenge bwacu bugaragarira mu byo dukora.'

NEC itangaza ko kuva tariki 17 kugeza tariki 30 Gicurasi 2024, hateganyijwe kwakira kandidatire z'abakandida, ku wa 14 Kamena 2024 hazatangazwa izemejwe burundu, ku wa 22 Kamena -13 Nyakanga 2024 hatangire ibikorwa byo kwiyamamaza.

Biteganyijwe ko kandi ku 29 Kamena 2024 hazatangazwa lisiti y'itora ntakuka, ku wa 14 Nyakanga hakaba amatora ku Banyarwanda baba mu mahanga naho ku wa 15 Nyakanga 2024 hakaba amatora imbere mu gihugu.

Perezida wa Komisiyo y'Igihugu y'Amatora, Oda Gasinzigwa, yatangaje ko iyo Komisiyo yigenga kandi idahabwa amategeko n'undi uwo ari we wese

Umunyamabanga Nshingwabikorwa wa NEC, Munyaneza Charles, yagaragaje ko ukwigenga kwa komisiyo gushingira ku byo bakora bya buri munsi ariko ko butayigira ikigenge.

Ibi byagaragajwe ubwo muri uyu Murenge haberaga ubukangurambaga bwo kubashishikariza kwirinda Virusi itera Sida, buri gukorwa n'Ikigo cy'Igihugu gishinzwe Ubuzima, RBC, ku bufatanye na Strive Foundation Rwanda itewe inkunga na Abbott.

Bamwe mu rubyiruko rwo muri uyu Murenge uhana imbibi n'igihugu cya Uganda bavuze ko bakigorwa no kubona ibikoresho bibafasha mu kwirinda Virusi itera Sida birimo udukingirizo duhenze ndetse n'udukoresho tubafasha kwipima iki cyorezo batarindiriye kujya kwa muganga.

Mvukiyehe Pierre ukorera akazi k'ubufundi mu Murenge wa Matimba avuga ko 'teste' ntazo azi ndetse atari yabona uko ikoreshwa ngo ibe yamufasha kwipima Virusi itera Sida atarindiriye kujya kwa muganga.

Yagize ati 'Ntabwo nzi utwo dukoresho bakoresha bipima Virusi itera Sida, nk'ubu batutwegereje byadufasha kwisuzuma tukamenya uko duhagaze kuko kujya kwa muganga ugiye kwisuzumisha bikunze kugora benshi kuko bifata umwanya munini cyane cyane nka hano Nyagatare kuko usanga ikigo nderabuzima kiri kure cyane.'

Manirakiza Yves utuye mu Kagari ka Nyabwishongwezi mu Murenge wa Matimba, yavuze ko bitoroshye kubona utwo dukoresho two kwipima Virusi itera Sida ngo n'umuntu utubonye usanga duhenze cyane kuburyo kutwigondera bigoye.

Ati 'Icyo twasaba Leta ni uko batwegereza teste kandi zikagura amafaranga buri wese yakwigondera, ubu biragoye cyane pe ariko baramutse bagabanyije ibiciro nta muntu wapfa gukora imibonano mpuzabitsina idakingiye atabanje gupima uwo bagiye kuyikorana, byatuma ubwandu bushya bugabanuka cyane.'

Niringiyimana Daniel we yagize ati 'Teste hano zirahenze muri Pharmacy, ntabwo zikunze kuhaboneka niyo zihabonetse usanga twe abaturage tutazigondera mbere, ubuyobozi nibushake uko igiciro cyamanuka kandi banazitwegereze bizadufasha kwirinda Sida.'

Umuyobozi w'Akarere ka Nyagatare wungirije ushinzwe imibereho myiza y'abaturage, Murekatete Juliet, yavuze ko babanje gusobanurira abaturage uko ubu buryo bushya bwo kwipima bukora kugira ngo buri wese abanze amenye kubukoresha, yizeza abaturage ko buri mu byabafasha kumenya uko bahagaze.

Ati 'Nka hano barimo barigishwa uko zikoreshwa ni bishya ari nayo mpamvu tuba twavuze ngo tubihuze n'uko abaturage bagombaga kuza hano ari benshi tunazane urubyiruko baze bamenye ubwo buryo bwo kuzikoresha.'

Ora Quick HIV self testing ni uburyo bushya bwo kwipima Virusi itera Sida wowe ubwawe, ukoresha agakoresho kabugenewe ukagacisha mu kanwa ku ishinya kakajyaho amacandwe, iyo ugakuyemo ukanyuza mu gacupa karimo umuti usa n'amazi ubundi ugategereza igisubizo mu minota 20.

Iyo uri muzima hazamo akarongo kamwe naho iyo wanduye Virusi itera Sida hazamo uturongo tubiri. Buri kamwe gakoreshwa inshuro imwe gusa, kuri ubu kamwe kagura 3000 Frw muri za Pharmacy.

Abaturage bo mu Karere ka Nyagatare mu Murenge wa Matimba barasaba ko inzego z'ubuzima zabegereza udukoresho twifashishwa n'umuntu ku giti cye mu kwipima Virusi itera Sida

Umuyobozi w'Akarere ka Nyagatare wungirije ushinzwe imibereho myiza y'abaturage, Murekatete Juliet, yavuze ko babanje gusobanurira abaturage uko ubu buryo bushya bwo kwipima bukora

Ibi byagaragajwe ubwo muri uyu Murenge haberaga ubukangurambaga bwo kubashishikariza kwirinda Virusi itera Sida

Iyi mibare kandi igaragaza ko mu mwaka wa 2023 wonyine abaturage 88 bahujwe n'imiryango yabo bari baratandukanye, barimo abana 67 bongeye guhuzwa n'ababo mu Rwanda, abandi bakaba abo mu bihugu by'abaturanyi.

Iyi mibare yamuritswe kuri uyu wa Kane ku wa 16 Gicurasi 2024, ubwo Komite Mpuzamahanga ya Croix-Rouge, ICRC na Rwandan Red Cross Society bari bahurije hamwe abo mu nzego zitandukanye zirimo umutekano, itumanaho n'itangazamakuru mu mujyo wo gushyira umucyo ku bikorwa binyuranye by'izi mpande zombi zose ziharanira kurengera abaturage.

Umuyobozi ushinze guhuza no gushakisha abatandukanye n'ababo muri ICRC, Kamana Uzziel, yavuze ko bagira uburyo bunyuranye bwo guhuza abatandukanye burimo kwifashisha itangazamakuru mu gusakaza ubutumwa.

Aganira na IGIHE yagize Ati 'Abanyarwanda benshi bari bari muri RD Congo nyuma nko kuva mu Ugushyingo 1996 inkambi muri Congo zarasenywe ku butegetsi bwa Laurent-Désiré Kabila, icyo gihe abana benshi batandukanye n'ababyeyi kuko kwari uguhunguka kw'ikivunge.'

Kamana, yavuze ko hari bamwe baje mu Rwanda icyo gihe abandi bari bafite ibyo bishinjaga cyangwa bafite ubwoba bo bagannye za Tingi-Tingi bakomeza za Kisangani, nyuma haba n'abinjira Congo Brazzaville abandi bajya Centrafrique no muri Angola.

Ati 'N'umwaka ushize hari abana batatu twahuje na nyirakuru wabo nyuma y'uko bavukiye muri Angola gusa ababyeyi babo barashakaniye muri RD Congo aho kugira ngo batahe mu 1997 bajya muri Angola bagwayo kubera impamvu tutamenye, abana baba imfubyi. Ubundi duhuza cyane cyane abari munsi y'imyaka 18.'

Kamana, yavuze ko ICRC, mu 2021 yafashije abaturage 80 bo muri Repubulika Iharanira Demokarasi ya Congo kongera gusubirana n'imiryango yabo, ubwo Ikirunga cya Nyiragongo giherereye i Goma cyari cyongeye kuruka.

Ati 'Abana benshi bahungiye mu Rwanda ababyeyi babo baguma muri Congo, nabo tugerageza kubahuza, abandi bake bari Abanyarwanda kuko no muri Rubavu mu Mujyi wa Gisenyi, habaye imitingito igatuma benshi batatana.'
Abaturage bahujwe n'ababo mu 2023 bari mu byiciro bitatu birimo icyiciro cy'abajyanywe muri RD Congo, icy'abajyanywe mu Burundi hakaba n'Abanyarwanda bamwe bari bari mu Burundi no muri RD Congo bongeye guhuzwa n'imiryango yabo mu Rwanda.

Mu 2023 ICRC, yafashije impunzi n'abashakaga ubuhunzi gutumanaho n'imiryango yabo hifashishijwe telefoni inshuro zisaga ibihumbi 31, ndetse ifasha mu gutambutsa ubutumwa 2,701 kuri bamwe bukubiyemo amakuru y'imiryango yabo.

Mu bindi bikorwa iyi Komite yakoze harimo gufasha abantu 11, 879 mu bikorwa ybo gufasha imibiri yabo kongera gukora neza nyuma y'imvune, uburwayi, cyangwa kubagwa, abandi 443 bafite ubumuga bahabwa ibikoresho bitandukanye birimo amagare banakifashisha mu mikino nka basketball n'ibindi byifashishwa muri ruhago y'abafite ubumuga.

Umuyobozi ushinzwe itumanaho no gutsura umubano muri Croix Rouge y’u Rwanda, Mazimpaka Emmanuel, yagaragaje ko Croix Rouge ari umufasha wa Leta mu bikorwa by'ubutabazi

Umuyobozi ushinze guhuza no gushakisha abatandukanye n'ababo muri ICRC, Kamana Uziel, yavuze ko bagira uburyo bunyuranye bwo guhuza abatandukanye burimo kwifashisha itangazamakuru mu gusakaza ubutumwa

Abo mu nzego zinyuranye bari bitabiriye iyi gvahunda

Umuvugizi wungirije w'Ingabo z'u Rwanda, Lt Col Simon Kabera, ni umwe mu batanze ibitekerezo

Umuvugizi wa RCS, CSP Kubwimana Thérèse, ni umwe mu bari bitabiriye iki gikorwa

Abavurwa ni abafite uburwayi bw'amaso by'umwihariko abarwaye ishaza biganjemo abarengeje imyaka 50 y'amavuko.

Ni igikorwa cyatangirijwe ku bitaro by'Akarere bya Rutongo biherereye mu Karere ka Rulindo kuri uyu wa 16 Gicurasi 2024.

Ibikorwa byo gusuzuma ubwo burwayi byatangiye ku wa 26 Mata kugeza ku wa 2 Gicurasi 2024, hibandwa ku bafite hejuru y'imyaka 50 bafite ibibazo by'amaso.

Ni ibikorwa bikomeje gukorwa hagendewe ku nsanganyamatsiko igira iti 'Nanjye nirebere ibyiza u Rwanda rwagezeho mu myaka 30'.

Minisitiri w'Ubuzima, Dr Sabin Nsanzimana yagaragaje ko Minisiteri iri gukorana n'Ishami ry'Ubuvuzi mu Ngabo z'u Rwanda mu kureba ko ibyo bikorewa byajya bikomeza gukorwa aho gukorwa by'igihe gito.

Yakomeje ati 'Turashaka abafatanyabikorwa kugira ngo bashyigikire kandi bakomeze iki gikorwa, bafashe abaganga bose kubigira ibyabo no kugabanya umubare w'abantu bategereza kubagwa cyangwa inzobere mu gihe cyo gusurwa gusa. Turifuza kugera kuri buri umwe aho mutuye nk'uko twabikoze uyu mwaka.'

Umugaba Mukuru ushinzwe Serivisi z'Ubuvuzi mu Gisirikare cy'u Rwanda, Maj Gen Dr Ephrem Rurangwa, yagaragaje ko kuri ubu abakozi bari gusanga abarwayi aho batuye no ku bigo nderabuzima.

Yakomeje ati 'Mbere twakoreraga mu bitaro bya Gisirikare by'u Rwanda ariko ubu twaguriye serivisi zacu ku bigo nderabuzima n'imidugudu. Dukwiye kwishimira ko abarwayi batazongera gukenera kujya i Kigali bashaka guhura natwe.'

RDF yatangiye ubukangurambaga bujyanye no kwita ku maso mu rwego rwo kurwanya ubuhumyi mu 2002 itangirana inzobere eshatu mu buvuzi bw'amaso ariko kuri ubu Ishami ry'Ubuvuzi mu ngabo z'u Rwanda ryaragutse kuko rimaza kugira inzobere 28 mu buvuzi bw'amaso hirya no hino mu gihugu.

Biteganyijwe ko uyu mwaka ibikorwa by'ingabo mu baturage bizarangwa no kubaka inzu 31, kubaka amarerero 15, ibiraro 13, ubwato bune, gutanga amatungo 800, ibikorwa by'ubuvuzi, ingo 327 zizagezwaho amazi n'amashanyarazi no kubaka ibikorwaremezo bitandukanye.

Minisitiri w’Ubuzima Dr Sabin Nsanzimana yagaragaje ko hifuzwa ko ibikorwa nk’ibyo byakomeza

Umugaba Mukuru ushinzwe Serivisi z’Ubuvuzi mu Gisirikare cy’u Rwanda, Maj Gen Dr Ephrem Rurangwa yashimye ko bari gusanga abaturage aho batuye no ku bigo Nderabuzima

Ingabo z’u Rwanda zatangiye kuvura abaturage

Mbere yo kuvurwa babanzaga kuganirizwa