Ikibuga k'indege cya Bugesera ni kimwe mu bikorwa remezo bihambaye biri kubakwa n'igihugu cy'u Rwanda, nkuko ibindi bikorwa byagiye byubakwa birimo ama stade n'ibindi.
Kuri ubu amakuru aravuga ko iki kibuga k'indege cya Bugesera kizuzura mu mwaka wa 2026 ndetse akaba aribwo kizatangira gukoresherezwa.
Ndetse amakuru akomeza avuga ko iki kibuga kizuzura gitwaye arenga 2 billion USDÂ ubwo ni agera kuri 2.59 trillion z'amanyarwanda. (2,000,000,000 USD = 2,591,560,000,000 RWF).
Ku itariki nk'iyi ya 17 Gicurasi 2012 umukinnyi mpuzamahanga w'Amavubi wakiniraga Simba yo muri Tanzaniya Patrick Mafisango, yitabye Imana azize impanuka y'imodoka habura amasaha make ngo yurire indege aza mu Rwanda kwitabira ubutumire bw'ikipe y'igihugu.
Patrick Mafisango wakiniraga Simba SC yo muri Tanzaniya, akaba kandi yari n'umukinnyi w'Ikipe y'igihugu Amavubi, yitabye Imana agerageza guhunga umuntu wari utwaye Moto ahitwa Tazara, i Dar Es Salaam, ahagana saa kumi za mugitondo cyo kuwa 17 Gicurasi 2012 ubwo Mafisango yerekezaga iwe atashye avuye mu kabyiniro kitwa Mashala club.
Ptrick Mafisango, umwe mu bakinnyi bari barahawe ubwenegihugu ngo akinire u Rwanda, yitabye Imana ubwo yiteguraga kugaruka mu Rwanda ku ya 17 Gicurasi, aho yari kuza gusanga bagenzi be bo mu ikipe y'Igihugu Amavubi aho yari yarahamagawe.
Uyu mugabo wakundwaga cyane n'abanyarwanda kubera kwitanga byamurangaga mu ikipe y'igihugu byari byaranatumye bamuha akazina k'akabyiniriro ka 'Patriote', yapfiriye mu nzira ajyanwe kwa muganga mu bitaro bya Muhimbiri Government Hospital. Mafisango yapfuye nyuma y'umunsi umwe ahawe ubutumire yari amaze hafi umwaka adaheruka guhabwa mu ikipe y'igihugu dore ko ku wa 14 Gicurasi 2012 yari yahamagawe mu Amavubi yagombaga gukina imikino y'amajonjora yo gushaka itike y'igikombe cya Afurika 2013 n'icy'isi 2014.
Mafisango wari warahawe akabyiniriro ka Patriote yavukiye muri Congo Kinshasa, mu 1980, yari umukinnyi ushobora gukina imyanya itandukanye cyane cyane hagati, yahamagawe bwa mbere mu ikipe y'igihugu Amavubi mu 2007 ubwo yari umukinnyi mu ikipe ya APR FC. Uyu mukinnyi kandi yigeze kwambara igitambaro cya Kapiteni mu mwaka wa 2010 ubwo u Rwanda rwakinaga n'ikipe ya Zambiya.
Patrick Mafisango yitabye Imana afite imyaka 32 y'amavuko, Igikombe cya nyuma yegukanye ni icya shampiyona yatwaye muri Simba SC mu 2012, yanaje ku mwanya wa 3 mu batsinze ibitego byinshi n'ibitego 12. Umukino we wa nyuma mu ikipe y'igihugu y'u Rwanda ni uwo Amavubi yatsinzwemo n'u Burundi ibitego 3-1, uwo mukino ukaba wari wabereye kuri Sitade ya Prince Louis Rwagasore i Bujumbura. Imana ikomeze kumuha iruhuko ridashira.
Gasogi United ya Kakooza Nkuliza Charles wamamaye nka KNC yasezereye abandi bakinnyi bane ibamenyesha ko batazakomezanya umwaka w'imikino utaha baba barindwi imaze kwereka umuryango.
Iyi kipe yamenyesheje Rugangazi Prosper, myugariro wo ku ruhande rw'ibumoso, Robert Mugabe; Niyitegeka Idrissa ukina mu kibuga hagati n'Umunyezamu Ntagisanayo Serge ko batazakomezanya.
Ni nyuma y'uko mu minsi ishize yari yashimiye Yao Henok ukomoka muri Côte d'Ivoire, Ngono Guy Herve ukomoka muri Cameroun ndetse na Mbirizi Eric ukomoka i Burundi.
Umuriro wo gushaka gukuraho VAR mu gihugu cy'uBwongereza, umaze iminsi waka mu makipe atandukanye, abafana, abayobozi b'amakipe, abakinnyi, ndetse n'abandi benshi bakurikirana ibya ruhago muri kiriya gihugu.
Iyi nambara yatangiye nyuma yuko bigaragaye ko VAR iri kwifashishwa mu kwiba cyangwa kubera amakipe amwe na mwe muri iyi shampiona.
Gusa bamwe n'ibabyemera ko ikibazo ari VAR ahubwo bavuga ko ikibazo ari abasifuzi batazi ibyo bakora. Bati 'ikibazo si VAR ahubwo ni abasifuzi batazi icyo bakora, niyo mpamvu mbona ko ducyeneye abasifuzi bo muri Africa ngo babe aribo baza gusifura inaha'. Ayo ni amagambo y'umutoza wa Brighton , Roberto De Zerbi.
Ibi siwe gusa ubibona gutya kuko benshi bagaragaza ko muri Africa hari abasifuzi benshi babahanga kandi barusha abasifura muri Premier League, yewe bazi no gukoresha VAR kubarusha.
Ikipe ya FC Kryvbas Kryvyi Rih yo mu cyiciro cya mbere muri Ukraine, ikinamo Kapiteni w'Amavubi, Bizimana Djihad yabonye itike yo kuzakina UEFA Europa League mu mwaka utaha.
Iyo shampiyona igeze ku munsi wa 28 aho FC Kryvbas Kryvyi Rih iri ku mwanya wa gatatu n'amanota 54, ebyiri za mbere ni Shakhtar Donetsk na Dynamo Kyiv zitayoroheye.
Djihad BIZIMANA ni umwe mu bakinnyi bayifashije cyane mu kibuga hagati kuva yayigeramo muri Nyakanga 2023, kuko yakinnye imikino 27 muri 28 ya Shampiyona.
Kryvbas Kryvyi Rih izahera imikino yayo ya UEFA Europa League mu ijonjora rya gatatu aho izabanza guhatanira itike yo gukina irushanwa ry'amakipe meza i Burayi. Bizimana agiye kuba umunyarwanda wa mbere ukinnye muri iri rushanwa kuva ryahindurirwa izina mu 2009.
Yakiriwe na Perezida wa Komisiyo y'Igihugu y'Amatora, Oda Gasinzigwa ku biro bya Komisiyo y'Amatora mu Kiyovu.
Perezida Kagame yari aherekejwe na Madamu Jeannette Kagame hamwe n'Umunyamabanga Mukuru wa FPR Inkotanyi, Gasamagera Wellars.
Umukuru w'Igihugu yasabwe icyemezo gitanzwe na FPR Inkotanyi kigaragaza ko yamutanzeho umukandida mu itora rya Perezida wa Repubulika. Yasabwe kandi icyemezo cy'uko afite ubwenegihugu nyarwanda bw'inkomoko n'icyemezo cy'uko inyandiko zatanzwe ari ukuri.
Mu bindi yasabwe harimo icyemezo cy'uko yagaragaje umutungo we; byose yabitanze muri kopi ebyiri imwe isigara muri Komisiyo y'Igihugu y'Amatora indi iterwamo kashe kuri buri rupapuro arayisubirana.
Perezida Kagame nta cyangombwa na kimwe atigeze ashyikiriza Komisiyo y'Amatora.
NEC iherutse gutangaza ko abifuza kuba abakandida bigenga nabo biyongereye kuko kuri ubu hamaze kwakirwa abashaka kwiyamamaza ku mwanya w'umukuru w'Igihugu umunani n'abashaka kwiyamamaza ku mwanya w'umudepite 41.
Kuri ubu bose bari gushaka imikono aho kandidatire zabo zatangiye kwakirwa kuri uyu wa 17 Gicurasi 2024 kugeza ku wa 30 Gicurasi 2024, kugira ngo hasuzumwe ko zujuje ibisabwa.
Uwiyamamaza ku mwanya w'Umukuru w'Igihugu asabwa kuba afite ubwenegihugu nyarwanda bw'inkomoko, kuba nta bundi bwenegihugu afite, indakemwa mu myitwarire, atarambuwe n'inkiko uburenganzira mbonezamubano n'ubwa Politiki.
Asabwa kuba afite nibura imyaka 35 y'amavuko, agomba kuba ari mu Rwanda mu gihe atanga kandidatire n'aho ku badepite basabwa imyaka 21 y'amavuko no kuba ufite ubwenegihugu.
NEC itangaza ko kuva tariki 17 kugeza tariki 30 Gicurasi 2024, hateganyijwe kwakira kandidatire z'abakandida, ku wa 14 Kamena 2024 hazatangazwa izemejwe burundu, ku wa 22 Kamena -13 Nyakanga 2024 hatangire ibikorwa byo kwiyamamaza.
Biteganyijwe ko kandi ku 29 Kamena 2024 hazatangazwa lisiti y'itora ntakuka, ku wa 14 Nyakanga hakaba amatora ku Banyarwanda baba mu mahanga naho ku wa 15 Nyakanga 2024 hakaba amatora imbere mu gihugu.
Ku wa 16 Nyakanga 2024, hateganyijwe amatora y'Abadepite 24 b'abagore, babiri bahagarariye urubyiruko n'umudepite umwe uhagarariye abafi¬te ubumuga.
Biteganyijwe ko bitarenze ku wa 20 Nyakanga 2024, hazatangazwa by'agateganyo ibyavuye mu matora mu gihe bitarenze 27 Nyakanga hagomba kuba hatangajwe burundu ibyavuye mu matora.
Ibi babisabwe ku wa 16 Gicurasi mu gikorwa cyo Kwibuka ku nshuro ya 30 Jenoside yakorewe Abatutsi mu Rwanda, by'umwihariko n'abiciwe muri iri shuri ryahoze ari irya gisirikare rizwi ku izina rya ESO.
Mu buhamya bwa Nzarubara Jean Marie Vianney wabaye muri mujyi wa Butare mu gihe cya Jenoside yakorewe Abatutsi, yavuze ku bukana bwaranze jenoside muri Butare, aho abatutsi batotejwe bikabije mu bigo bitandukanye byari bikomeye mu wahoze ari umujyi wa Butare.
Yanagarutse ku bwicanyi bwabereye muri ESO, kandi cyari ikigo cy'ingabo z'igihugu, zakabaye zararengeraga abenegihugu bicwaga.
Mu kiganiro cya Ntazinda Erasme, Meya w'Akarere ka Nyanza, yagarutse ku buzima bwe na bagenzi be babayemo ku ntebe y'ishuri muri Kaminuza Nkuru y'u Rwanda, mu ishami ryayo rya Nyakinama ndetse n'i Butare, batotezwa cyane bazira ko ari Abatutsi.
Yagaragaje uburyo muri Kaminuza harimo ingengabitekerezo y'amacakubiri ikomeye, aho no mu gutanga amanota bashingiraga mu bice umuntu akomokamo.
Yavuze uko Mugesera Léon wigishaga muri Kaminuza mu myaka ya za 90, yavugaga ko abanyeshuri bakomoka hafi ya Nyakinamana [Gisenyi na Ruhengeri] bagombaga kubona amanota menshi, ab'i Gitarama bakabona aringaniye i Butare make,naho i Cyangugu ntibahabwe na mba aho kureba ubwenge
Yavuze uko bahoraga bakwepana n'abanyeshuri bagenzi babo bashaka kubica babahora ko ari Abatutsi, bakanagenda birata ko ari abahutu.
Ati' Mu 1993 habaye amatora y'umuyobozi w'umuryango w'abanyeshuri witwaga AGEUNR, maze umwe mu banyeshuri yiyamamaza avuga ko ubwenegegihugu bwe ari Umuhutu,kugira ngo akunde atorwe.''
Meya Ntazinda yibukije urubyiruko ko rukwiye kwishimira ko ayo mateka mabi yavuyeho, bityo bagaharanira ko bitazasubira.
Ati' Kera twe twize duteshwa agaciro,naho mwebwe muri kwiga mu mudendezo, nimubyubakireho.''
Umuyobozi Mukuru wa IPRC Huye, Lt Col. Dr Twabagira Barnabe, yavuze uburyo amateka ya ESO ababaje cyane kuko yatatiye inshingano yari ifite mu gihe cya Jenoside.
Ati 'Abitwa ngo ni abasirikare bari hano mu 1994, ntabwo bigeze bakora inshingano za gisirikare,ahubwo nabo bitwaye nk'Interahamwe, bahiga abo bakwiye kurinda, bica abaturage benshi muri Huye.''
Yakomeje avuga ko nyuma Leta y'u Rwanda yahisemo kuhazana abana b'u Rwanda ngo bahigire uburere ndetse n'ubumenyi buzabafasha kubaka u Rwanda rwasenywe n'abasirikare bahabaga.
Yongeyeho ko Kwibuka nka IPRC Huye, iteka babihuza no gutekereza icyo bamarira abayirokotse, ari nayo mpamvu buri mwaka bishakamo ubushobozi bwo kuremera abatishoboye barokotse Jenoside.
Urubyiruko rwiga muri IPRC Huye narwo rwumva neza uburemere bwa Jenoside, rukanavuga ko rwumva uruhare afite mu kubaka igihugu cyiza.
Isimbi Adelaide na Kwizera Jean Damascene babwiye IGIHE ko biteguye gukoresha imbaraga n'ubumenyi bungukira mu byo biga , bafasha abatishoboye kugira ngo bazamure imibereho myiza, bityo bahindure amateka.
Iyi nama iri mu zikomeye zibera muri Afurika yaherukaga kubera mu Rwanda mu myaka itanu ishize, umwaka ushize ikaba yarabereye muri Côte d'Ivoire.
Kuri iyi nshuro ikazitwabirwa n'Abakuru b'ibihugu batanu, ba Minisitiri b'Intebe batatu n'abandi baminisitiri barenga 60 bazaba bari muri iyi nama, yatangiye kuba bwa mbere mu 2012.
Nk'ikigo gikataje mu kwimakaza ubwikorezi butohereza imyuka yanduye mu kirere, Spiro igaragaza ko na yo yiteguye kugaragariza abandi ingero z'uko kuri bo byashobotse, ndetse ikazaba inagaragaza uburyo ubufatanye ari inkingi ya mwamba mu guhangana n'ingaruka z'imihindagurikire y'ibihe izahaje Isi muri iyi minsi.
Umuyobozi Mukuru w'iki kigo gikorera mu bihugu bitandukanye bya Afurika, Kaushik Burman, abishimangira agira ati 'Kuri mwe mwese mwiteguye kwitabira Africa CEO Forum, murakaza neza i Kigali, Umujyi wuje isuku n'ibindi udahwema kuratira abandi.'
Ati 'Twizeye ko ubwo muzaba muri mu Rwanda muzirebera neza uburyo dukataje mu kugira Afurika Umugabane ubungabunga ibidukikije mu buryo butaziguye.'
Yakomeje avuga ko ubu 'Dufite amagana ya za moto zikoresha amashanyarazi azwiho kutangiza ibidukikije ziri gukorera mu bice bitandukanye by'uyu mujyi, ndetse twizeye ko muzifashisha zimwe muri zo ubundi mugashimangira neza ibyo tuvuga ubu.'
Uretse kuba Spiro Rwanda imaze kugira moto 300 mu mihanda yo mu Mujyi wa Kigali, sitasiyo 30 zisimburizwaho batiri ndetse mu minsi 15 iri imbere ikaba yiteguye izindi moto 700, ikoranabuhanga ntiryasigaye kuri yo cyane ko ari ryo abatuye Isi bose berekejeho amaso.
Mu kutaguma mu gasanduku ka bonyine, kuri uyi nshuro Spiro Rwanda muri iyi nama yiteguye kumurika sitasiyo esheshatu z'ikoranabuhanga, ha handi umumotari azajya aganira n'imashini gusa, ikamuba batiri yuzuye na we akayiha iyashizemo umuriro akazi kagakomeza.
Ni igikorwa kigamije kuzamura intekerezo z'iki kigo zo kwibanda ku dushya dushingiye ku iterambere ry'ikoranabuhanga, bikaba biri no mu murongo wo kwihutisha akazi, hirindwa imirongo itari ngombwa ahubwo umumotari akabyikorera.
Umumotari azajya genda aho izi sitasiyo zashyizwe, akozeho ikarita, akumba karimo ubusa gafunguke, ashyiremo batiri azanye yashizemo umuriro, hanyuma imashini ihite imwereka amafaranga agomba kwishyura.
Kubera ko kuri iyi nshuro umuntu azajya yishyura umuriro yakoresheje, imashini izajya ikubwira niba batiri yawe yashizemo umuriro, ucibwe 750 Frw kuri imwe, niba hari uwari ukirimo nyir'ikinyabiziga acibwe ay'umuriro wongeweho.
Burman ati 'Ni uburyo bushya bwo koroshya uko izi batiri zikoreshwa, bikihutisha imirimo ariko umuntu akanishyura ibyo yakoresheje. Ni ibintu bikorwa mu masegonda, ibigaragaza uburyo turangajwe ishinga no guteza imbere ubwikorezi bunoze, buhendutse ndetse bugezweho.'
Ni imoto zishimirwa n'Abanyarwanda cyane bijyanye n'uko zitabahenda, kuba moto zifite batiri ebyiri zishyirirwamo rimwe, aho umumotari ahinduranya atarasubira kuri sitasiyo, iri koranabuhanga rishya ryo rikaba akarusho.
Ibi bijyana n'uko gusimbuza batiri ebyiri bisaba 1500 Frw, moto ikagenda ibilometero 60 itarashiramo umuriro, wagereranya n'izikoresha ibikomoka kuri peteroli, ugahita wisubiza impamvu Abanyarwanda bazisamira hejuru.
Mu busanzwe abantu bari bamenyereye ko moto zitwarwa n'abagabo gusa, ibintu mu Rwanda bimaze guhinduka kuko rwizera ko umuntu arangwa n'ubushobozi bwe ku murimo aho kuba igitsinda runaka.
Mu gukomeza kujyana na leta muri uwo murongo wo kuzamurira ubushobozi abagore no kubereka uburyo ubuyobozi bwabo ari ntagereranywa, Spiro yashyizeho gahunda zihariye zo gufasha abagore batwara izi moto.
Uretse kuba u Rwanda rwarabihaye agaciro rugikubita bijyanye n'amateka yarwo, kubakira ubushobozi abagore ni na gahunda ya Loni muri gahunda yayo y'iterambere rirambye.
Umuyobozi Mukuru wa Spiro ku Isi Kaushik Burman ati 'Twamaze igihe dukorana n'aba bari n'abategarugori n'ibigo babarizwamo kugira ngo bahabwe amahugurwa yose asabwa abafasha gutwara izo moto.'
Yakomeje ati 'Imishinga yacu irimo iyo twatangiye isaba abo bari n'abategerugori kwitabira moto z'amashanyarazi, binyuze mu kubaha buri kimwe cyose bakenera mu kwimakaza ubwikorezi butangiriza ikirere ariko butanaheza.'
Kugeza uyu munsi iki kigo cyatangiriye iyi mirimo muri Benin na Togo mu myaka ibiri ishize, ubu kimaze umwaka mu Rwanda, kikaba kinakorera muri Kenya, Nigeria, Uganda, Ghana.
Uretse kuba uyu munsi Spiro ifite moto 300 mu Rwanda ikaba inateganya izigera ku 5000 bitarenze uyu mwaka, inafite moto ibihumbi 14 muri ibyo bihugu byose ikagateganya ko bitarenze uyu mwaka izaba yazikubye kabiri ari nako itanga akazi ku baturage benshi.
Burman ati 'Dufite imishinga y'uko umwaka uzarangira tugeze mu bindi bihugu bine ndetse mu bihe bya vuba turateganya n'uruganda rukora izi moto na batiri zazo muri Afurika mu buryo bwo kwerereza ibikorwa ababigenerwa.'
Burman yibutsa ko bijyanye n'ibyo bikorwa byo guhangana byeruye n'imihindagurikire y'ibihe biteguye byuzuye gufasha abantu benshi bakeneye ubwo bumenyi 'mukazadusanga kuri stand yacu muri Africa CEO Forum tukaganira ku hazaza ha Afurika hatangiza ibidukikije.'
Spiro Rwanda uretse kongera moto mu rw'imisozi igihumbi, igaragaza ko ishaka kwagurira ibikorwa byayo mu mijyi itandukanye yunganira Kigali ariko bigakorwa mu buryo bw'uruhererekane, niba bagiye i Muhanga nko ku Kamonyi hagashyirwa sitasiyo y'ikoranabuhanga ugenda yashirirwa n'umuriro agasimbuza byoroshye.
Hashize amezi asaga abiri Komisiyo ya FERWAFA ishinzwe imyitwarire, ihannye Bizimana Abdou bakunze kwita Beneki usanzwe ari umuyobozi wa Tekinike mu ikipe ya Etincelles FC. Bekeni yari yararezwe muri FERWAFA ku cyaha cyo kubangamira ubusugire bw’umubiri wa Nsengiyumva Abubakar usanzwe ari Team Manager wa Marine FC.
Iki cyaha cyabaye tariki ya 17 Mutarama 2024, kibera mu Karere ka Rubavu ku mukino ikipe y’abato ya Marine FC yari yahuyemo na Etincelles FC. Muri uyu mukino, havutsemo amakimbirane kuko ikipe ya Marine FC yasabye abakinnyi bayo ko bava mu kibuga kubera ko batakina nta bantu bashinzwe umutekano bahari.
Nsengiyumva Abubakar na Bizimana Abdou Bekeni bakomeje guterana amagambo, kugera begeranye. Muri uko guterana amagambo Bizimana Abdou yakubise umutwe Nsengiyumva Abubakar aramukomeretsa.
Iyo urebye mu mategeko ya FERWAFA agenga imyitwarire irebana n' Ibyaha bibangamira ubusugire bw'umubiri ivuga ko 'Iyo uwakoze icyaha ari umuyobozi: a) Iyo umuyobozi wa FERWAFA, w'ishyirahamwe cyangwa ikipe ahungabanyije ubusugire bw'umubiri cyangwa ubuzima bw'umuntu, cyangwa agashotora umuntu atamukomerekeje, uwakoze ikosa ahanishwa gucibwa ku bibuga byose byo mu Rwanda mu gihe gihwanye n'umwaka. Agomba kandi kwishyura ihazabu itarengeje 100.000Frw)
Komisiyo ya FERWAFA ishinzwe imyitwarire igendeye kuri iryo tegeko, yaje guterana ifata umwanzuro wo guhagarika Bizimana Abdou igihe kigera ku mwaka atari mu bikorwa by'umupira w'amaguru mu Rwanda ndetse agatanga izahabu y’amafaranga ibihumbi 100.000 by’Amanyarwanda.
Nyuma y’iki kirego, haje kuvuka ikindi kirego cya Madame Ntagisanimana Saida usanzwe ari umutoza Mukuru wa AS Kigali y’abagore ndetse Rwaka Claude utoza Rayon Sports y’abagore.
Iki kirego cyavugaga ko tariki 23 Mata 2024 ubwo ikipe ya Rayon Sports WFC yakinaga na AS Kigali WFC umukino urangiye, Umutoza Rwaka Claude yagiye gusuhuza Ntagisanimana Saida, Rwaka yamukoraho Ntagisanimana agahindukira amukubita urushyi mu itama.
Saida umutoza wa AS Kigali WFC yahagaritswe umwaka mu mupira w’amaguru ariko bisa naho FERWAFA yabyirengagijeÂ
Komisiyo ishinzwe imyitwarire yaje gusuzuma iki kirego iza gufata umwanzuro w’uko Ntagisanimana Saida ahagarikwa mu bikorwa by’umupira w’amaguru byose mu Rwanda mu gihe kingana n’umwaka, ndetse agatanga izahabu y’amafaranga ibihumbi 100.000 by’Amanyarwanda.
Ibi birego byose byaje gushyikirizwa FERWAFA, ariko FERWAFA irabibika ndetse isa naho yiteguye kutabishyira mungiro.
Tariki 2 Gicurasi ubwo ishyirahamwe ry’umupira w’amaguru mu Rwanda ryateguraga ikiganiro n’itangazamakuru umunyamabanga wa FERWAFA, Kalisa yabajijwe ikibazo cy’impamvu batajya bashyira mu ngiro imyanzuro iba yarafashwe na Komisiyo y’imyitwarire, abisubiza muri aya magambo.
Yagize ati “Ku bijyanye n’ibihano n’ibintu bigomba kwitonderwa cyane kuko ugomba kureba ko amategeko yose yubahirijwe. Hari abo Komisiyo yafatiye ibihano ariko urubanza mu gihe rutararangira umuntu warezwe aba akiri umwere.”
Ubusanzwe akanama gashinzwe imyitwarire ka FERWAFA iyo kamaje gutanga ibihano by’ikirego kayishyikiza ubunyamabanga bwa FERWAFA nabwo bukayishyira hanzeÂ
Umunyamabanga wa FERWAFA ni we utanga imyanzuro. Ibi umunyamabanga yavuze bisa naho bihabanyeho gato, kuko Komisiyo y’imyitwarire muri FERWAFA niyo itumizaho abarebwa n’icyaha bakumva ibisobanuro bya buri ruhande, ubundi bagafata umwanzuro bagendeye kuri ayo makuru.
Ntabwo ari ibi birego gusa byafatiwe imyanzuro FERWAFA ikabibika, kuko hari n’icyemezo cy’umuyobozi wa Rambura WFC wasinyiye umukinnyi binyuranyije n’amategeko akaza guhanwa umwaka ariko nabyo bikaba bitaragize icyo bitanga.
Uko mbibona
Niba umutoza nka Bizimana Abdou Bekeni agiye kuzuza amezi 3 ahanwe igihe kigera ku mwaka ariko akaba akiri mu mupira w’amaguru ibihano bye bitaratangira gukurikizwa, umutoza Ntagisanimana Saida nawe bikaba ari uko, mbona FERWAFA iba yaratinye ibi bihano bingana uku igasa naho ibicecetse ku buryo dushobora kubona abantu bahanwe mu mupira w’amaguru ariko ibihano byabo bitarashyizwe mu ngiro.
Ikindi kandi umuntu yakwibaza ni ku budahangarwa ndetse n’igitinyiro cy’akanama gashinzwe imyitwarire muri FERWAFA, niba gashobora gutanga ibihano bigera 10 ariko ntihagire na kimwe FERWAFA ishyira mu ngiro, umuntu yabyita nk’urwego baringa.
Amezi agiye kuba 3 Bekeni afatiwe ibihano ariko aracyari mu mupira w’amaguru nk’aho nta kintu cyabaye
Kiriya gihe Safi Madiba yari yujuje imyaka umunani ari mu muziki. Yumvikanisha ko ijwi rye, ibikorwa bye n'ibindi bizamufasha akaba intumwa ya rubanda.
Uyu mugabo wakuriye mu Itorero ry'Abadivantisiti, yavugaga ko yakuze yiyumvamo kuzaba ijwi ry'abandi, bityo anyuze mu Inteko Ishinga Amategeko, ibitekerezo bye byagirira akamaro benshi, kandi umuziki ukagera ku rwego rwiza.
Umuziki/ubuhanzi uri mu ntwaro zifashishijwe mu rugamba rwo kubohora Igihugu, ndetse ukomeje gutera imbere mu Rwanda. Ibi bituma hari abifuza ko abahanzi baramutse bahagarariwe mu Nteko byarushaho kuzamura Muzika Nyarwanda ku rwego Mpuzamahanga.
Abavuga ibi bashingira ku kuba mu bindi bindi bihugu abahanzi bahagarariwe mu Nteko. Mu Ukwakira 2020, umujyanama wa Diamond Platnumz, Shaban Hamisi Taletale [Babu Tale], n'umuhanzi Hamis Mwinjuma wamenyekanye nka Mwana Fa, batorewe kuba abadepite mu nteko ishinga amategeko ya Tanzania.
Babu Tale yatowe ahagarariye agace ka Morogoro y'Amajyepfo ku itike y'ishyaka CCM (Chama Cha Mapinduzi). Ni mu gihe Mwana Fa we yatowe ahagarariye agace ka Muheza.
Mwafa FA yatsinze aya matora n'amajwi 47,578 ahigitse Yosepher Komba wo mu ishyaka Chadema wagize amajwi 12,034. Muri Kanama 2020 ni bwo Mwana FA yemejwe mu bakandiga 10, 367 bahataniraga kwinjira mu Inteko Ishinga Amategeko ya Tanzania y'abantu 264.
Professor Jay usanzwe ari umwanditsi w'indirimbo yari yiyamamaje ku itike y'ishyaka Chama cha Demokrasia na Maendeleo (Chadema), aho yatsinzwe na Denis Lazaro wo mu ishyaka Chama Cha Mapinduzi (CCM).
Professor Jay yagize amajwi 17, 375 mu gihe mugenzi we wegukenya itsinzi Lazaro yagize amajwi y'abamutoye 31, 411. Professor Jay w'imyaka 46 amenyekanye mu ndirimbo nka 'Nikusaidiaje' na ‘Starehe’ yari amaze imyaka itanu ari umwe mu ba Depite muri Tanzania.
Hakenewe gutorwa uhagarariye abahanzi mu Inteko Ishinga Amategeko?
Mu Kuboza 2022, Muyoboke Alex yabwiye InyaRwanda ko igihe kigeze kugira ngo hatorwe umuntu uhagarariye Inganda Ndangamuco mu Inteko Ishinga Amategeko y'u Rwanda, kuko byafasha mu gukemura ibibazo bimwe na bimwe abahanzi bahura nabyo no kubafasha kwigeza ku iterambere.
Yavuze ibi nyuma y'uko tariki 12 Ukuboza 2022, Inteko Rusange y’Imitwe yombi yatoye Abadepite b'u Rwanda mu Nteko Ishinga Amategeko y'Umuryango w’Afurika y'Iburasirazuba. Mu batowe harimo umudepite uhagarariye urubyiruko, uhagarariye abagore, uhagaragariye abafite ubumuga n'abandi.
Mu bagerwaho n'ingaruka nziza mu myidagaduro haramutse hatowe uhagarariye abanyempano mu Nteko; harimo abahanzi ubwabo, abacuranzi, abatunganya indirimbo mu buryo bw'amajwi n'amashusho, aba Dj, abanditsi b'indirimbo, ababyinnyi, abashinzwe kureberera inyungu z'abahanzi, abakora ibijyanye n'amajwi n'abandi.
Muyoboke avuga ko nubwo bimenze gutya ariko ahora yibaza impamvu umuziki w'u Rwanda udahabwa agaciro nk'izindi nganda zose. Ashingiye ku byo abona n'ibyo azi, imikino irashyigikirwa cyane. Yewe n'igihe cyo kwishimira ibyo bagezeho hifashishwa umuhanzi akabasusurutsa.
Muyoboke Alex yasabye ko hashyirwaho uhagarariye inganda Ndangamuco mu Inteko Ishinga Amategeko
Muyoboke avuga ko mu bindi bihugu byateye imbere mu muziki usanga mu Inteko Ishinga Amategeko uhagarariye Inganda Ndangamuco. Ati 'Iwacu habura iki?'
Yibaza niba ibi byose bidakorwa kubera ko wenda umuhanzi nyarwanda adashoboye. Ariko kandi akibaza impamvu abo bireba badashyira imbaraga mu kureshya abashoramari mu inganda ndangamuco.
Ati 'Kubera iki niba dufite uhagarariye abafite ubumuga, tukagira uhagarariye urubyiruko mu Ntekoâ¦Ibyo byose ni ukubera iki tutagira uhagararira umuziki? Ntabwo ubona ko ari uruganda rukenewe, rukeneye amaboko, rukeneye ingufu. Kubera y'uko ibyo bintu byose uko tubivuga tubikenera mu buzima bwa buri munsi.'
Muyoboke avuga ko hari ibibazo byinshi abahanzi bafite bitabasha kubonerwa umuti, kuko badafite kivugira. Ati 'Uru ruganda rukenewe kumvwa. Rukeneye gushyigikirwa [â¦] Niba Inteko ishyiraho amategeko arengera ibi ni ibi, kubera iki hatajyaho amategeko ahamye arengera ibihangano mu by'ubwenge agashyirwa mu bikorwa. Ko ari cyo kizakuza uruganda.'
Mu 2017, Safi Madiba yatangaje ko ashaka kwiyamamariza kuba Intumwa ya Rubanda
Bagomba kubikorera!
Asubiza ikibazo cy’umunyamakuru wa InyaRwanda, Perezida wa Komisiyo y’Amatora (NEC), Oda Gasinzigwa yavuze ko buri munyarwanda wese yemerewe kwiyamamaza ku mwanya ashaka mu gihe yujuje ibisabwa.
Avuga ko ntawe ukwiriye guhatanira kwinjira mu Inteko Ishinga Amategeko ‘kubera ko gusa ari umuhanzi. Ati “Yajyamo kubera ko yujuje ibisabwa, yajyamo kubera ko hari abamushyigikiye, kubera ko hari icyo azageza Abanyarwanda.”
Yavuze ko abahanzi badahejwe mu guhatanira kwinjira mu Inteko Ishinga Amategeko ariko kandi bagomba kubikorera. Ati “Ntibahejwe! Ariko kandi bagomba kubikorera.”
Umuhanzi atowe mu nteko yafasha iki abari mu Nganda Ndangamuco mu Rwanda?
Muyoboke avuga ko igihe abahanzi bagira ubahagararira mu Nteko 'yatuvugira'. Ati 'Ntabwo ari ugukemura ibibazo byose. Yatuvugira. Twaba tubonye umuyobozi w'ibibazo dufite. Kuko bazabimenya ari benshi.'
Yavuze ko mu busanzwe umudepite mu Nteko aba ahagarariye abaturage, bityo n'uwo muntu watorwa yaba ahagarariye abahanzi, akajya avuga ibibazo bafite.
Uyu mugabo avuga igihe bidakunze ko hatorwa uhagarariye abahanzi mu Nteko, hakenewe 'urwego rukomeye rushyizweho na Leta rureberera uruganda ndangamuco'.
Avuga ko atari Minisiteri gusa ikwiye guhabwa izi nshingano, kuko abahanzi basiragizwa iyo bashaka kugira icyo bakora. Ati 'Dukeneye umuntu utwumva mu byo dukora. Dukeneye 'support' iva muri Leta ishyiraho umurongo ngenderwaho w'uru ruganda kugira ngo rukomere nk'izindi zose uko zimeze.'
Muyoboke avuga ko mu gihe u Rwanda rukiri mu nzira y'amajyambere, inzego nyinshi ziyubaka, bityo Inganda Ndangamuco zikwiye kubakwa ntizisigazwe inyuma.
Yavuze ko kimwe mu bintu byasigaye inyuma ari inganda ndangamuco mu Rwanda. Ati 'Uru ruganda ruracyari inyuma. Kubera y'uko ntidufite uwo tubwira. Hagiyeho inzego zishinzwe abahanzi ariko zikora iki? Zifasha iki? Umuhanzi niba atumiwe ngo ajye kuririmbira ba runaka ugasanga yabuze Visa, nta n'ahandi byanabaye uretse mu Rwanda biba.'
Muyoboke avuga ko nta muntu Minisiteri yakiye Visa ngo abure uko agenda 'ariko umuhanzi arirwariza'.
Perezida wa Komisiyo y’Amatora (NEC), Oda Gasinzigwa yavuze ko buri munyarwanda yemerewe kwiyamamaza igihe yujuje ibisabwa, bityo n'umuhanzi yemerewe guhatanira kwinjira mu Inteko mu gihe afite abamushyigikiye
Babu Tale umujyanama w’umuhanzi Diamond yabaye Depite mu gace ka Morogoro
Umuhanzi Mwana Fa uri mu bagezweho muri Tanzania yabaye Depite ugaragariye agace ka Muheza
Professor Jay wari umaze imyaka itanu mu Inteko Ishinga Amategeko ya Tanzania yayisimbuwemo