Category: Uncategorized

Mukasine yagejeje ku Mwami w'abami Naruhito intashyo za Perezida Kagame zihamya umubano ntakuka usanzwe hagati y'u Rwanda n'u Buyapani, Umwami w'abami na we yakira Mukasine amwifuriza imirimo myiza n'intsinzi muri byose.

Naruhito yijeje Ambasaderi Mukasine ubufasha bw'uburyo bwose buzamufasha kuzuza neza inshingano ze muri icyo gihugu, ndetse na we amuha intashyo kuri Perezida Kagame n'Abanyarwanda bose.

Mbere yo guhura n'Umwami w'abami, muri Mata 2024, Ambasaderi Mukasine yari yabanje no gushyikiriza impapuro zimwemerera guhagararira u Rwanda mu Buyapani, Minisitiri w'Ububanyi n'Amahanga wungirije w'icyo gihugu, Okano Masataka.

Mu Ukwakira 2023 ni bwo Marie Claire Mukasine yagizwe Ambasaderi w'u Rwanda mu Buyapani, asimbuye Ernest Rwamucyo wahawe inshingano zo guhagararira u Rwanda muri Loni.

Umubano w'u Rwanda n'u Buyapani watangiye ahayinga mu mwaka wa 1962, ibihugu byombi bikomeza kugirana imikoranire mu nzego zitandukanye zirimo ubucuruzi n'ishoramari, uburezi, ubukerarugendo, ubwikorezi ndetse n'umubano ushingiye ku nama.

Amb Mukasine yagaragaje uruhare rw'iki gihugu cyo muri Aziya mu iterambere ry'u Rwanda, agaragaza ko igihugu kirajwe ishinga no gukomeza guteza imbere iyo mibanire y'ibihugu byombi.

Ni iterambere u Buyapani buri gufashamo u Rwanda mu nzego zitandukanye, aho imishinga myinshi inyuzwa mu Kigega cy'u Buyapani gishinzwe Ubutwererane Mpuzamahanga, JICA.

Irimo kugeza ku baturage amazi meza, kongera umusaruro w'ubuhinzi, guteza imbere ubwikorezi, ibijyanye no kubona ingufu zigonderwa, kurwanya imirire mibi n'ibindi.

Imishinga ya vuba irimo amasezerano ibihugu byombi byasinyanye, aho u Buyapani bwahaye u Rwanda inguzanyo y'arenga miliyari 14 z'Ama-Yen (arenga miliyari 118 Frw) azifashishwa mu guteza imbere uburezi, akazishyurwa ku nyungu nto ndetse mu gihe kirekire.

Ni ubwa mbere iki gihugu cyari gitanze inguzanyo ingana ityo mu gufasha u Rwanda, kwimakaza ireme ry'uburezi ntawe uhejwe.

Uretse iyo nguzanyo kandi u Buyapani buherutse gutera inkunga iyubakwa ry'umuyoboro munini mu Rwanda ukura amazi ku ruganda rwa Nzove ukayajyana ku kigega cya Ntora kiri ku Gisozi, aho asaranganywa ibice bitandukanye by'Umujyi wa Kigali no hanze yawo.

Ni umuyoboro wuzuye utwaye miliyoni 20$ (arenga miliyari 25 Frw), ukaba nkunga nini u Buyapani bwari butanze mu bijyanye no kugeza amazi meza ku Baturarwanda, kuva ibihugu byombi byatangira gufatanya mu mishinga itandukanye.

Ibyo bikorwa n'ibindi byagezweho mu myaka ishize nibyo Amb Mukasine agaragaza ko azakomeza gusigasira, kugira ngo n'indi mishinga ikomeze gutezwa imbere.

Uretse kuba Ambasaderi w'u Rwanda mu Buyapani, Ambasaderi Mukasine, anahagarariye u Rwanda mu bihugu birimo Philippines, Malaysia na Thailand.

Ambasaderi Mukasine Marie Claire, mu mpera z'icyumweru gishize, yashyikirije Umwami w'abami w'u Buyapani, Naruhito, impapuro zimwemerera guhagararira u Rwanda muri icyo gihugu

Ibibazo by'u Rwanda na Repubulika Iharanira Demokarasi ya Congo byagarutsweho n'Umunyamabanga wungirije wa Amerika ushinzwe ububanyi na Afurika, Molly Phee, ku wa 16 Gicurasi mu 2024, ubwo yagezaga ku bagize Inteko Ishinga Amategeko ibikorwa igihugu cyabo giteganya gukora muri Afurika n'amafaranga bizatwara.

Perezida wa Komisiyo ishinzwe ububanyi n'amahanga mu Nteko Ishinga Amategeko ya Amerika, John James yabajije Molly Phee, aho igihugu cyabo kigeze gishyira mu bikorwa ibyemejwe mu ruzinduko Umuyobozi Mukuru w'Ubutasi rwa Leta Zunze Ubumwe za Amerika, Avril Haines aherutse kugirira mu Rwanda no muri RDC.

Muri uru ruzinduko, Haines yari kumwe na Molly Phee n'Umujyanama wihariye wa Perezida ushinzwe Afurika, Judd Devermont.

Muri ibi biganiro inzego bireba ziyemeje gutera intambwe igamije kugabanya umwuka mubi hagati y'u Rwanda na RDC, hashingiwe ku myanzuro yafatiwe mu biganiro by'i Luanda muri Angola na Nairobi muri Kenya, bigizwemo uruhare n'abakuru b'ibihugu byo mu karere.

Molly Phee ubwo yasubizaga, yagaragaje ko Amerika igitsimbaraye kuri iyi gahunda, ariko yagiye igorwa no gushyira mu bikorwa bimwe mu byatuma umwuka mubi ugabanuka birimo no guhagarika imikoranire ya RDC n'abagize uruhare muri Jenoside yakorewe Abatutsi.

Ati 'Turacyari muri gahunda yo kugerageza gukomeza akazi katangiwe na Avril Haines abishyigikiwemo na Blinken. Mu buryo bahoraho kandi inshuro nyinshi twagiye duhura n'abafatanyabikorwa bahagarariye RDC n'u Rwanda ngo tuganire ku ngamba zishobora gufatwa mu guhosha ikibazo. Ku ruhande rwa RDC hari izijyanye no gukemura ikibazo cy'abajenosideri bateye impungenge u Rwanda.'

Yakomeje avuga ko u Rwanda narwo hari ibyo rwasabwe birimo gukura ingabo zarwo ku butaka bwa Repubulika Iharanira Demokarasi ya Congo no guhagarika imikoranire na M23. Ni ibirego rwo rwahakanye inshuro nyinshi.

Ati 'Izo nizo nzitizi ebyiri turi guhura nazo. Turi gukorana bya hafi na Angola mu gushyigikira gahunda y'ibiganiro bya Luanda, Perezida João Lourenço we ubwe ari kugerageza guhuza abakuru b'ibihugu byombi kugira ngo habeho ishyirwa mu bikorwa rya gahunda twe n'abayobozi bo mu Karere twemeje.'

Nubwo uyu mugore atigeze atangaza abajenosideri leta ya Congo ikorana nabo, abayobozi b'iki gihugu bamaze igihe bari mu mikoranire yeruye n'umutwe wa FDLR mu ntambara yo kurwana M23.

FDLR yashinzwe n'abarimo abagize uruhare muri jenoside yakorewe Abatutsi. Isanzwe yifatanya n'ingabo za RDC kurwanya umutwe witwaje intwaro wa M23, guhera mu ntangiriro z'umwaka wa 2022, ikanahabwa ubufasha ikenera burimo intwaro.

Aya makuru yagaragajwe na raporo zitandukanye zirimo iyashyizwe hanze n'impuguke z'Umuryango w'Abibumbye zikurikiranira hafi umutekano wo mu Burasirazuba bwa RDC, ashimangirwa n'imiryango mpuzamahanga irimo Human Rights Watch na Amnesty International.

Muri Gicurasi mu 2024 Minisitiri w'Ububanyi n'Amahanga wa Repubulika Iharanira Demokarasi ya Congo, Dr Christophe Lutundula Apala, yatangaje ko igisirikare cy'igihugu cyabo kidafite inshingano yo kurwanya umutwe witwaje intwaro wa FDLR.

Ni amagambo avuguruza icyemezo intumwa za guverinoma ya RDC zafatiye i Luanda muri Angola muri Werurwe 2024.

Iyi mikoranire yashimangiwe muri Mata mu 2024 n'Umuvugizi w'igisirikare cya RDC (FARDC), Gen Major Sylvain Ekenge, wavuze ko umutwe w'iterabwoba wa FDLR usanzwe ukorana na bagenzi be mu ntambara yo kurwanya M23 mu ntara ya Kivu y'Amajyaruguru.

Gutwika imirambo hashize imyaka icumi byemewe mu mategeko y'u Rwanda ariko ababyitabira ni hafi ya ntabo kuko mu muco nyarwanda bitarumvikana neza.

Abashyigikiye ko byatangira gukoreshwa, bagaragaza ko ari bwo buryo bwiza budasaba ubutaka bunini, kandi ntibuhende abasigaye nk'uko bigenda ku marimbi asanzwe.

Impaka zirakomeje ndetse bigaragara ko zidateze kurangira ubu. Ikituzinduye ubu ni ugusubiza iki kibazo: Ubundi aho gutwika imirambo bimenyerewe, bigenda gute?

Kurikira icyegeranyo

Aya mahugurwa yasojwe kuri uyu wa 20 Gashyantare 2024, ari mu murongo wa Irembo wo gutanga amahugurwa kuri aba bantu bafasha Abanyarwanda kubona serivisi zinoze kandi vuba.

Ni amahugurwa y'iminsi itatu yatanzwe ku bufatanye n'Ikigo gitanga amahugurwa binyuze muri gahunda zitandukanye cya Africa Management Institute, AMI.

Yibanze ku ngingo zitandukanye zirimo guteza imbere ubucuruzi, kwiha intego ziganisha ku ntsinzi, gusobanukirwa ibijyanye n'isoko, kwiha icyerekezo n'intego bihamye, kwiga neza umwuga bashaka kwinjiramo n'ibindi biganisha ku iterambere ryabo.

Umuyobozi Mukuru muri Irembo ushinzwe gutanga serivisi no kuzigeza ku bakiliya, Liliose Nyinawinkindi, yavuze ko batekereza aya mahugurwa bari bagamije kunoza itangwa rya serivisi zihabwa abaturage, ariko bikajyana no guteza imbere imishinga yabo.

Ati 'Twashakaga kumenya ko bafite buri kimwe cyose kibafasha kwinjira neza mu ntego yacu yo gufasha abaturage kubona serivisi za leta zitangirwa ku ikoranabuhanga ndetse babyikoreye.'

Umuyobozi Mukuru Ushinzwe ibijyanye na gahunda muri AMI, Paul Kato, yavuze ko biyemeje gukomeza umuco wo gufasha abantu guhora biga cyane ko ari byo bituma umuntu cyangwa ikigo runaka gitera imbere.

Ati 'Ubufatanye bwacu na Irembo buri mu murongo w'intego twihaye wo gufasha ibigo byo muri Afurika gukura, ariko iryo terambere bakarikesha ubumenyi tuba twabahaye.'

Ibi bishimangirwa n'Umuyobozi w'Ikigo gitanga serivisi z'ikoranabuhanga gikorera mu Karere ka Nyagatare cya Techlegendz Cassien Niyonzima, wavuze ko amasomo yahawe ari ingenzi ku bijyanye n'ubumenyi bwo gushyira ku murongo ibyo ateganya gukora no kugera ku ntego ze.

Niyonzima usanzwe ari umwajenti wa Irembo ati 'Ndashishikariza bagenzi banjye kwitabira aya mahugurwa kuko ni ingenzi. Ibi bijyanye n'uko benshi batangira ubucuruzi runaka ariko ugasanga nta cyerekezo gihamye bafite.'

Irembo ikomeje gufasha abaturage kubona serivisi hifashishijwe ikoranabuhanga kuko mu kwezi gushize, Minisitiri w'Ubutegetsi bw'Igihugu Jean Claude Musabyimana, yatangaje ko ubu serivisi za leta zigera kuri 682 abaturage bashobora kuzibona hishishijwe ikoranabuhanga.

Kugeza ubu abagera kuri 40% basaba serivisi za leta bifashishije Irembo, ndetse minisiteri zitandukanye ziri gukorana n'uru rubuga rw'ikoranabuhanga mu kongera abajenti bafasha abaturage kubona serivisi bataje ku biro, aho uyu munsi bagera ku 5000.

Mu gukomeza guhangana n'ibyuho bituma abaturage batabona serivisi za leta neza, vuba ndetse badahenzwe, Irembo yatangije gahunda yiswe Ntuyarenze, igamije kwereka abaturage ibiciro bitangwa kuri serivisi zishyurirwa, hirindwa ko bahendwa.

Abahagarariye Irembo bahawe amasomo abafasha no guteza imbere ubucuruzi bwabo

Abahagarariye Irembo mu bice bitandukanye by’igihugu basoje amasomo abafasha gukora akazi kabo neza ndetse bahabwa impamyabushobozi

Abahagarariye Irembo mu bice bitandukamye by’igihugu bamaze iminsi itatu mu mahugurwa abafasha gukora akazi kabo neza

Umuyobozi Mukuru muri Irembo ushinzwe gutanga serivisi no kuzigeza ku bakiliya, Liliose Nyinawinkindi, yavuze ko bateguye amahugurwa ku ba bakozi babahagarariye mu gihugu ku bwo kubafasha guteza imbere n’ubucuruzi bwabo

Umuyobozi Mukuru Ushinzwe ibijyanye na gahunda muri AMI, Paul Kato aganira n’abahagariye Irembo mu bice bitandukanye by’igihugu

Umuyobozi muri Irembo, Nyinawinkindi Liliose (ubanza iburyo) ndetse n’Umuyobozi muri AMI, Paul Kato bari kumwe n’uwasoje mahugurwa ku bijyanye no gutanga serivisi za leta

Amakipe y’Igihugu ya Handball mu batarengeje imyaka 18 na 20 bageze ku mukino wa IHF Trophy imaze iminsi kibera muri Ethiopia.

Ku wa Mbere w’iki Cyumweru ni bwo iri rushanwa ryatangiye aho ririmo kubera mu Mujyi wa Addis Ababa muri Ethiopia.

Amakipe y’igihugu y’u Rwanda akaba yari yageze muri 1/2 aho yanitwaye neza asezerera amakipe bahuye agera ku mukino wa nyuma.

Mu batarengeje imyaka 18, u Rwanda muri 1/2 rwakinnye na Kenya ndetse ruyisezerera ruyitsinze ibitego 27-24. Ku mukino wa nyuma ruzahura na Ethiopia yakiriye irushanwa.

Mu batarengeje imyaka 20, nubwo wari umukino utoroshye ariko u Rwanda rwabigezeho rusezereye Ethiopia yari imbere y’abafana ba yo.

Igice cya mbere cy’umukino cyarangiye Ethiopia iri imbere n’ibitego 16-13 by’u Rwanda. Abasore b’u Rwanda bagarutse mu gice cya kabiri bigaranzura Ethiopia maze bayitsinda 29-28. Ku mukino wa nyuma ruzahura nikomeza hagati ya Uganda n’u Burundi.

Mu batarengeje imyaka 18, u Rwanda rwasezereye Kenya

Umutoza Mudaharishema Sylevestre n’abakinnyi be bageze ku mukino wa nyuma

Liam ni izina rihabwa umwana w'umuhungu rikomoka ku mpine y'izina William/Uilliam ryo mu rurimi rw'ikinya-Irilande, rikaba risobanura indwanyi ihamye cyangwa se umurinzi.

Muri Bibiliya Yera, Liam afite ubusobanuro butandukanye, aho iri zina mu Giheburayo risobanura ubwoko bwanjye. Aburahamu yarikoresheje avuga ko afite ishyanga ayoboye.

Iri zina riri mu mazina afite inkomoko muri Irilande yakunzwe kandi agasakara vuba muri Leta Zunze Ubumwe za Amerika kuva mu ntangiriro za 2000 kugeza ubu. 

Nko mu 2014, izina Liam ryaje ku mwanya wa kabiri rikomeza kuyobora kugeza rije ku mwanya wa mbere mu 2017. Kuva icyo gihe, abana benshi bavukaga muri Amerika bakomeje guhabwa iri zina, riza no kurenga imbibi rikwirakwira no mu bihugu birimo u Budage, Espagne, Suwede, u Bubiligi, n'u Busuwisi.

Bimwe mu biranga ba Liam:

Liam umuhungu ukomeye kandi wiyizera cyane wifitemo imico ya kiyobozi.

Liam akunda gusohoka cyane no gukabya mu buzima busanzwe. Akunda ubuzima bw'ibirori (kuryoshya) no kwitabwaho cyane.

Yuzuye imbaraga n'ishyaka, kandi yishimira kuba hafi y'abandi bantu.

Liam kandi ni umuntu uba uzwiho cyane kugira ubutabera no gukunda ibintu biciye mu mucyo. Aho ari hose arwanira kugera ku cyo yizera kandi agaharanira uburenganzira bw'abandi.

Akunda gutera urwenya no gusetsa abantu, bigatuma abantu bose bamukikije bumva bamerewe neza kandi batuje.

Ba Liam kandi, ni abizerwa bidasanzwe kandi bitangira inshuti n'imiryango yabo. Bakunda guhora iteka hafi y'abo bakunda kandi bagakora igishoboka cyose kugira ngo babafashe mu gihe babiyambaje.

Iyo bari mu kazi, bagashyiraho umutima wabo wose bagakora cyane kugira ngo bagere ku ntego zabo. Bagira imitima ikomeye, kandi bariyemeza ku buryo badatinya na rimwe gufata inshingano zo kugerageza ibintu bishya bishobora no kubagiraho ingaruka zikomeye.

Kuba ubwenge n'umutima bya ba Liam bihora ku bucuruzi cyangwa ibintu byose bibinjiriza amafaranga, usanga rimwe na rimwe batiyitaho cyangwa ngo babe bagira ubuzima bwabo ibanga.

Bashobora gufata ikintu cyateshejwe agaciro ndetse kigaragara nk'aho ntacyo kikimaze bo bakakibyaza umusaro ukomeye. Ibi bijyana n'ubushobozi bafite bwo kureba umuntu bakamenya niba hari icyo yashobora cyangwa nta musaruro yatanga.

Mu bantu b'ibyamamare ku isi bitwa iri zina harimo umuririmbyi w'Umwongereza Liam Gallagher, umukinnyi wa filime wo muri Irilande Liam Neeson, umukinnyi wa filime wo muri Australia Liam Hemsworth murumuna wa Chris Hemsworth, umuhanzi wo mu Bwongereza Liam Payne wahoze no mu itsinda rya One Direction n'abandi benshi.

Ni mu gihe izina 'Olivia' rigezweho cyane mu guhabwa abana b'abakobwa bari kuvuka muri Amerika n'ahandi ku isi, rkomoka mu rurimi rw'Ikilatini rikaba risobanura 'Igiti cya Elayo.'

Kwamamara cyane kw'iri zina, ribikesha cyane umwanditsi William Shakespeare warikoresheje bwa mbere mu buvanganzo bwe mu rwenya yise “Twelfth Night.” Mu bihugu byinshi, igiti cy'umwelayo gifatwa nk'ikimenyetso cy'amahoro, ubwiza n'ubwenge, ku buryo hari abizera ko iyi mico ishobora kuranga abana bahabwa iri zina ndetse ikagena n'uko bafatwa muri sosiyete batuyemo.

Izina Olivia rimaze imyaka myinshi riza imbere ku rutonde rw'amazina akunzwe cyane, aho ryazaga mu mazina icumi ya mbere agezweho mu bihugu bivuga ururimi rw'Icyongereza.

Dore bimwe mu biranga ba Olivia:

Ba Olivia bakunze kugenzura ibintu byose babonye bigatuma bagira ibitekerezo byagutse cyane.

Bagira ubushake bwinshi bwo gukora ibyo biyemeje, kandi ntibakunda kwivanga mu buzima bw'abandi kuko bakunda ibintu by'umwimerere.

Mu miterere yabo, kimwe na ba Liam nabo bifitemo imico y'ubuyobozi, bakagira ubushobozi bwo guhanga udushya, guhangana n'ibibazo ndetse n'amarangamutima.

Ba Olivia ni abahanzi mu maraso kandi ntibigarukira ku guhanga ibihangano gusa, ahubwo ubuhanzi bwabo bugera no mu buryo baganira n'abantu babakikije. Muri bo, bifitemo ubushobozi bwo gukemura ibibazo mu buryo bwiza bitewe n'imitekerereze yabo yihariye.

Mu bantu b'ibyamamare bahawe iri zina harimo umukinnyi wa filime w'umunyamerika Olivia Wilde, umunyamideli Olivia Palermo, umukinnyi wa filime akaba n'umuhanzikazi Olivia Rodrigo, umukinnyi wa filime Olivia Williams n'abandi.

Nyuma y’uko umwaka w’imikino wa 2023-24 urangiye, bamwe mu bakinnyi batangiye gutekereza aho bazerekeza umwaka utaha, ni nako bamwe batangiye kwandikira amakipe ya bo basaba urupapuro rubarekura “Release Letter” ngo bajye gushakira ahandi.

Amakuru ikinyamakuru ISIMBI cyamenye ni uko muri Rayon Sports na APR FC bamwe mu bakinnyi bamaze kwandikira aya makipe bayamenyesha ko bifuza kugenda nubwo hari bamwe bifuzaga kongerera amasezerano.

Benshi mu bakinnyi basabye impapuro zibemerera kujya kwishakira ahandi, ni abakinnyi batababonye umwanya wo gukina uhagije muri aya makipe.

Muri Rayon Sports bivugwa ko nubwo Mucyo Junior Didier ukina ku ruhande rw’iburyo yugarira wifuzwa na Police FC na Ganijuru Elie ukina ku ruhande rw’ibumoso yugarira bifuzaga kubongerera amasezerano ariko bakaba batabikozwa.

Aba bakinnyi bombi baosoje amasezerano ya bo muri Rayon Sports bamaze kwandikira ubuyobozi bw’iyi kipe basaba impapuro zibarekura “Release Letters” ngo bajye gushakira ahandi.

Muri APR FC naho biravugwa ko bamwe mu bakinnyi batabonye umwanya uhagije wo gukina umwaka ushize bamaze gusaba ko barekurwa.

Rwabuhihi Aime Placide winjiye muri APR FC 2019 avuye muri Kiyovu Sports asinya imyaka 2, muri 2021 yaje kongererwa indi 3 akaba asoje amasezerano ye.

Placide na we wifuza kujya mu ikipe abona umwanya wo gukina, amakuru avuga ko yamaze gusaba urupapuro rumurekura kuko abona ko kuzakina muri iyi kipe y’Ingabo z’Igihugu bigoye.

Undi mukinnyi ni myugariro na we wo mu mutima w’ubwugarizi, Buregeya Prince wakuriye mu inshuri ryigisha umupira rya APR FC, azamurwa mu ikipe nkuru 2017.

Uyu mukinnyi mu mwaka w’imikino wa 2018-19 yakoze agahigo ko kuba yarakinnye imikino yose 30 ya shampiyona. Nyuma yagiye azanirwaho abandi bakinnyi kugeza abuze umwanya wo gukina. Abamwegereye bakubwira ko atiteguye kuguma muri APR FC yicara ko agomba kujya aho akina ari na yo mpamvu na we yasabye ikipe kumurekura. Arifuza kujya aho akina ikipe y’igihugu ikongera kumutekerezaho.

Ganijuru ntabwo yifuza gukomezanya na Rayon Sports

Mucyo Junior Didier bivugwa ko ashobora kwerekeza muri Police FC

Buregeya Prince ntabwo yiteguye kuguma muri APR FC adakina

Placide yasabye gutandukana na APR FC

Umuhanzi Bruce Melodie yavuze ko ibijyanye n’indezo y’umwana we bamushinja kudatanga ntacyo yabivugaho kuko umwana ari umutware nta kintu kijyanye na byo azongera kuvugira mu itangazamakuru.

Mu mpera z’ukwezi gushize ni bwo Agasaro Diane yongeye guhagurukira umuhanzi Bruce Melodie avuga ko babyaranye amusaba kuzuza inshingano ze agatanga indezo.

Yavuze ko agomba kuzuza inshingano ze nk’umubyeyi akita k’umwana we w’umukobwa atabikora akaba yagana inzira y’Ubutabera.

Bruce Meleodie binyuze kuri 1:55AM Media yavuze ko icyo kibazo cy’indezo nta kintu yakivugaho kuko umwana hari uburenganzira aba agombwa.

Ati “Ibintu birimo abana ntabwo nkibivugaho cyane, kera ntaraba umuntu mukuru najyaga mbiganiraho ariko aho maze gukurira namenye ko umwana ari umutware mpita ndekera, nanabasezeranya ko uretse n’uyu munsi n’ikindi gihe ntazabivugaho.”

Uyu muhanzi kandi yagarutse ku byavuzwe mu minsi ishize ko yibagishije inda, aho yanze kubyemera cyangwa ngo abihakane.

Ati “Inda yanjye ariko. Ngo nibagishije inda nukuri ku Imana. None se ni inde wantwazaga ako kanure avuge ngo kari kamubangamiye? Mwebwe mungendaho mukagenda no ku kanure nibikiye, inda yanjye iracyariho ahubwo tugenda tugakora gake gake, gusa niba naranakabagishije nta mukene burya ukora ibyo, hari imikino abakene badakora mbaye narakoze ibyo naba naramaze kugera ku rundi rwego.”

Bruce Melodie ubu akaba abarizwa muri Nigeria aho yagiye gufatira amashusho y’indirimbo ye ‘Suweto’ imwe mu ndirimbo zizaba ziri kuri Album ye yitegura gusohora.

Yavuze ko ibyo yashinjwe na Agasaro kwanga gutanga indezo ntacyo yabivugaho kubera inyungu z’umwana

Yanze kwerura niba koko yarabagishije inda