Category: Uncategorized

Ibiro by'Umukuru w'Igihugu, Village Urugwiro, byasobanuye ko Perezida Kagame na Guelleh baganiriye ku bufatanye buri hagati y'u Rwanda na Djibouti.

Byagize biti 'Iruhande rwa #AFC2024, Perezida Kagame yaganiriye na Perezida Ismail Omar Guelleh wa Djibouti. Baganiriye ku mubano uri hagati y'u Rwanda na Djibouti.'

Umubano w'u Rwanda na Djibouti ushingiye ku bufatanye mu nzego zirimo ubuhinzi, ubukerarugendo, amahugurwa mu byerekeye dipolomasi, ubwikorezi bwo mu kirere, ishoramari, ikoranabuhanga n'urw'abinjira n'abasohoka.

Perezida Guelleh hamwe n'abandi bakuru b'ibihugu na za guverinoma zo muri Afurika baje mu Rwanda, mu nama y'ihuriro ry'abayobozi bakuru b'ibigo by'abikorera (Africa CEO Forum) iri kubera i Kigali guhera kuri uyu wa 16 Gicurasi 2024.

Mu bandi bageze mu Rwanda harimo Perezida Dr William Samoei Ruto uyobora Kenya, Filipe Nyusi wa Mozambique na Minisitiri w'Intebe wa Guinée-Conakry, Amadou Oury Bah.

Perezida Kagame na Guelleh bari mu bitabiriye Africa CEO Forum

Perezida Kagame yaganiriye na Guelleh ku mubano w’u Rwanda na Djibouti

Patrick Pouyanné wa TotalEnergies yaje mu Rwanda kwitabira inama y'ihuriro nyafurika ry'abayobozi b'ibigo by'abikorera, Africa CEO Forum iri kubera i Kigali guhera kuri uyu wa 16 Gicurasi 2024.

Yaganiriye na Perezida Kagame ku bufatanye buri hagati y'iki kigo cy'Abafaransa n'u Rwanda mu nzego zitandukanye zirimo ingufu, ikoreshwa ry'umuriro w'amashanyarazi mu binyabiziga n'uburezi.

Umuyobozi w'Inama y'Ubuyobozi ya MTN Group, Mcebisi Jonas na we waje kwitabira iyi nama nyafurika, yari kumwe n'Umuyobozi Mukuru w'iki kigo, Ralph Mupita.

Nk'uko ibiro by'Umukuru w'Igihugu, Village Urugwiro, byabisobanuye, Perezida Kagame, Mcebisi na Mupita baganiriye ku bufatanye bw'u Rwanda n'iki kigo mu kugeza ikoranabuhanga hose.

Inama y'ihuriro nyafurika ry'abayobozi b'ibigo byigenga yitabiriwe n'abantu barenga 2000, barimo abashoramari n'abayobozi b'ibigo by'ishoramari n'abakuru b'ibihugu na za guverinoma.

Perezida Kagame na Patrick Pouyanné baganiriye ku bufatanye bw’u Rwanda na TotalEnergies

Perezida Kagame yaganiriye n’abayobozi bakuru ba MTN ku bufatanye mu kugeza ikoranabuhanga hose

Iri tsinda ryari riyobowe n'Umuyobozi wa Royal College of Defense Studies (RCDS), Lt Gen (Rtd) Sir George Norton.

Ni uruzinduko rwabaye kuri uyu wa Kane tariki ya 16 Gicurasi 2024, hagamijwe kumenya uruhare n'imikorere ya RPA nk'ikigo gitangirwamo amahugurwa kigakorerwamo n'ubushakashatsi ku bijyanye n'amahoro mu karere.

Iri tsinda ryasobanuriwe impamvu-muzi z'itangizwa rya RPA, intego zayo, gahunda n'ibikorwa bya Rwanda Peace Academy ndetse rinamurikirwa ibyo iri shuri rimaze kugeraho.

Ishuri rya Royal College of Defense Studies- RCDS, riherereye i Londres mu Bwongereza, rikaba ritangirwamo amahugurwa ku bofisiye bakuru b'igisirikare cy'iki gihugu, abo mu mirimo ya leta y'iki gihugu, abakora imirimo ya leta mu by'umutekano mu mahanga, hagamijwe kubongerera ubushobozi.

Itsinda ry'abofisiye 19 baturutse mu Ishuri ry'igisirikare cy'u Bwongereza, RCDS, ryagiriye uruzinduko rw'akazi mu Rwanda

Ubunzwe byasabaga umumotari uje guhinduza moto, ko haba hari undi mukozi wa Spiro ufasha uwo mumotari guhindurirwa bateri, ibintu byafatwaga nko kumara umwanya w'ubusa no gukereza abagenzi.

Kuri iyi nshuro sitasiyo zamuritswe zikozwe mu buryo bw'ikoranabuhanga. Umumotari uzanye moto yashizemo umuriro azajya akoza ikarita ye yahawe kuri iyi sitasiyo ifite utwumba 12, imwereke uturimo batiri zirimo umuriro n'uturimo ubusa.

Agikozaho ikarita akumba karimo ubusa kazajya gahita gafunguka, yinjizemo ya batiri irimo ubusa ubundi gahite kifunga, sitasiyo ihite ibona umuriro uri muri batiri cyane ko umumotari yishyura umuriro yakoresheje.

Sitasiyo izajya ihita imubwira amafaranga agomba kwishyura bijyanye n'umuriro urimo, akabona code imusaba kwishyura muri telefone ye akemeza amafaranga akavaho.

Ni amafaranga ava kuri konti ye yakorewe ya moto umumotari yahawe bise 'ikofi', bivuze ko iyo amafaranga umumotari afiteho adahagije ka kumba karimo batiri yuzuye kadafunguka, bimusaba kongeraho andi.

Uyu mumotari ahita yongera gukozaho ya karita ye, akumba karimo batiri yuzuyemo amashanyarazi igasohoka akayifata kagahita kifunga na we agakomeza akazi ke 'ibintu bimara byibuza nk'umunota umwe.'

Kuko moto za Spiro zifite imyanya ibiri ya batiri, uzanye batiri ebyiri zashizemo umuriro atanga 1500Frw, yaba imwe washizemo bikaba 750 Frw, amafaranga ashobora kugabanyuka bijyanye n'umuriro yakoresheje, kuko hari uzizana zikirimo umuriro ashaka izuzuye.

Ku ikubitiro izi sitasiyo zizashyirwa mu bice bitandukanye by'Umujyi wa Kigali nka za Gahanga, Kinamba n'ahandi, indi imwe ijyanwe mu Mujyi wa Muhanga nk'uburyo bwo kwagura ibikorwa.

Umuyobozi wa Spiro Rwanda, Arunkumar Bhandari yavuze ko mu mwaka umwe bamaze mu Rwanda bamaze kugezamo moto za Spiro 300 na sitasiyo zihinduranyiriwamo batiri 30, icyakora bakaba bashaka kongera ibikoresho bifasha ubu bwikorezi gukorwa neza.

Ati 'Turashaka gushingira ibikorwa byacu ku ikoranabuhanga no guhanga udushya ariko bikajyana no gutanga akazi ariko twibanda no guha akazi abagore no mu myanya y'ubuyobozi, abakozi basanzwe n'abakanishi badufasha gukora izi moto. Dufite abakozi 100 wabariramo n'abamotari bakagera kuri 400.'

Yavuze ko bashaka kurenga izo ntambwe, bagafasha urubyiruko kubona akazi ariko bakabona n'amasomo ajyanye no kubigisha moto ku buryo bazifashisha mu kwiteza imbere mu buzima bwabo bwa buri munsi.

Mbanjeneza Théophile ni umwe mu bakoresha izi moto. Agaragaza ko imaze kumuteza imbere cyane ko idakenera gutangwaho byinshi nk'izisanzwe.

Ati 'Ubu ntidudabwa kumena amavuta, guhora ukoresha n'ibindi, none ubu ubwiza bukomeje kwiyongera mu bundi, batuzanira iri koranabuhanga. Wanyuraga kuri sitasiyo ugasanga nta wo kuguhindurira uhari, ni benshi se, ariko ubu ngiye kujya mbyikorera.'

Mbanjeneza yerekanye ko uretse ibyo bashimira, Spiro Rwanda yanabazaniye uburyo bwo kubohereza aho mbere moto itagurishwaga, ubu bikaba byemewe 'ubu moto nshobora kuyigurira, cyangwa narangiza kuyishyura ikanyandikwaho.'

Ikindi aba bakoresha izi moto bishimira ni uko ushaka kuyigura ashobora kuzana kimwe cya kabiri, akayihabwa noneho akazajya yishyura make make.

Umuyobozi Mukuru Wungirije w'Ikigo cy'Igihugu gishinzwe kubungabunga ibidukikije, REMA Munyazikwiye Faustin yashimiye Spiro Rwanda ku bwo kuba umufatanyabikorwa muri gahunda y'u Rwanda yo kugabanya byibuza imyuka yanduye rwohereza mu kirere ingana na 38%, ingana na toni miliyoni 4,6 bitarenze 2030.

Ati 'Kugira ngo ugere kuri iyo ntego bisobanuye ko uba ukeneye gufatanya n'abafatanyabikorwa cyane cyane bashobora no kuba bakora imirimo ifatwa nk'igira uruhare mu kohereza iyo myuka. Ingufu n'ubwikorezi ni byo bikunze guturukaho iyo myuka.'

Munyazikwiye yavuze ko muri iyo gahunda y'u Rwanda, ubwikorezi ubwarwo bwihariye 19% ndetse ubwikorezi bwifashisha ingufu z'amashanyarazi bukazagira uruhare mu kugabanya imyuka yanduye ingana na toni 1,5 yoherezwa mu kirere bitarenze 2030.

Yagaragaje ko leta yakomeje kugira uruhare rufatika kuko 'kwigoma imisoro ku binjiza ibyo binyabiziga by'amashanyarazi ari ikintu gikomeye ku gihugu gishingira ubukungu kuri iyo misoro bikajyana n'ibindi.'

Spiro Rwanda iteganya ko ishaka kwagura ibikorwa byayo mu bice bitandukanye by'igihugu ku buryo bitararenze uyu mwaka izaba ibarura moto 5000.

Kugeza uyu munsi Spiro ibarizwa mu bihugu birindwi ariko ibikorwa byatangiye mu Rwanda, Benin, Togo na Kenya. Mu minsi iri imbere muri Uganda, Ghana na Nigeria ibyo bikorwa naho bizaba byatangiye.

Spiro Rwanda yashyizeho sitasiyo ihindurirwamo batiri y’ikoranabuhanga, umumotari azajya ayihindurira akoresheje ikarita yahawe

Mbanjeneza yagaragaje ko uretse sitasiyo ihindurirwamo batiri z’amashanyarazi y’ikoranabuhanga, bishimira ko ubu bemerewe kuba bagura moto za Spiro bakazigira izabo

Umuyobozi ushinzwe imikoranire n’ibindi bigo muri Spiro Rwanda, Uwase Loretta aganira n’Umuyobozi Mukuru wa Spiro Rwanda, Arunkumar Bhandari

Abashaka moto za Spiro babanza guhabwa inyandiko igaragaza imikorere yazo

Umuyobozi wa Spiro Rwanda, Arunkumar Bhandari aganira n’Umuyobozi Mukuru w'Ikigo cy'Igihugu gishinzwe kubungabunga ibidukikije, REMA Munyazikwiye Faustin

Umuyobozi ushinzwe imikoranire n’ibindi bigo muri Spiro Rwanda, Uwase Loretta agaragaza umwihariko wa moto za Spiro

Umuyobozi Mukuru wa Spiro Rwanda, Arunkumar Bhandari yerekanye ko bafite imishinga myinshi yo kwimakaza moto z’amashanyarazi mu Rwanda zishyira no ku kuzana uruganda rwazo mu Rwanda

Umuyobozi wa Spiro Rwanda, Arunkumar Bhandari n’Umuyobozi Mukuru Wungirije w'Ikigo cy'Igihugu gishinzwe kubungabunga ibidukikije, REMA Munyazikwiye Faustin bamurika ku mugaragaro sitasiyo zihindurirwamo batiri z’amashanyarazi

Umuyobozi wa Spiro Rwanda, Arunkumar Bhandari asobanurira Umuyobozi Mukuru Wungirije w'Ikigo cy'Igihugu gishinzwe kubungabunga ibidukikije, REMA, Munyazikwiye Faustin bamurika uko sitasiyo zihindurirwamo batiri z’amashanyarazi

Kuri iyi nshuro umumotari azajya akozaho ikarita hanyuma icyumba kirimo batiri ashaka cyifungure

Aha abashyitsi bari bitabiriye imurikwa rya sitasiyo zihindurirwamo batiri z’ikoranabuhanga berekwaga uko bizajya bikorwa

Umuyobozi Mukuru Wungirije w'Ikigo cy'Igihugu gishinzwe kubungabunga ibidukikije, REMA Munyazikwiye Faustin yashimiye Spiro Rwanda kuba umufatanyabikorwa wa nyawe muri gahunda ya 2030 aho u Rwanda ruzaba rwagabanyije imyuka yanduye rwohereza mu kirere ingana na toni miliyoni 4,6

Sitasiyo y’ikoranabuhanga yifashishwa n’abafite moto za Spiro zikoresha amashanyarazi ni uko imeze

Ikipe y’igihugu ya Handball mu batarengeje imyaka 20 yegukanye igikombe cya IHF Trophy itsinze Uganda ku mukino wa nyuma.

Irushanwa rya IHF Trophy mu Karere ka Gatanu ryari rimaze iminsi ribera Addis Ababa muri Ethiopia ryasojwe uyu munsi.

Habanje umukino wa nyuma mu batarengeje imyaka 18 aho wahuje Ethiopia n’u Rwanda. Ethiopia yari imbere y’abafana ba yo ntiyoroheye u Rwanda.

Ethiopia yaje kwegukana iki gikombe itsinze abasore b’u Rwanda ibitego 36-25.

Hakurikiyeho umukino wa nyuma mu batarengeje imyaka 20 wahuje u Rwanda na Uganda.

U Rwanda rwaje mu kibuga rufite intego yo gukora ibyananiwe na barumuna ba bo, gusa ntiborohewe n’igice cya mbere kuko Uganda yagitsinze ibitego 13-11.

Ikipe y’igihugu y’u Rwanda yagarutse mu gice cya kabiri yariye amavubi maze icurikira ikibuga kuri Uganda. Ibi byaje kubafasha kwegukana igikombe itsinze umukino ku bitego 26-25.

U Rwanda mu batarengeje imyaka 20 begukanye igikombe

Kuva kuri uyu wa 14 Gicurasi 2024, uyu mugabo wagize uruhare mu gutunganya nyinshi muri filime zamamaye cyane nka ‘Intare y’Ingore’ yatangiye gushyira hanze ibice bishya by’iyi filime yafatiye amashusho mu bice bitandukanye by’Umujyi wa Kigali n’ahandi mu rwego rwo gushyira mu ngiro ibyo yanditse.

Ni filime irimo abakinnyi bakomeye yagiye yifashisha muri filime zitandukanye ze yakoze. Irimo abakinnyi nka Uwamahoro Antoinette wamamaye nka Intare y'Ingore, Uwimpundu Sandrine wamamaye nka Rufonsina muri filime 'Umuturanyi', Vital Bizimana wamenyekanye mu 'Intare y'Ingore' yitwa Papa Rosine, Irafasha Sandrine 'Swalla' wamenyekanye muri 'City Maid' na 'Indoto' n'abandi.

Uyu mugabo niwe wakoze filime zirimo ‘Niyibikora’, ‘Intare y’Ingore’, ‘Giramata’ n’izindi zitandukanye zamuhaye ijambo muri Cinema y’u Rwanda.

Mu kiganiro yagiranye na InyaRwanda, Ingabire Appolinaire yavuze ko filime ye ‘Inzira y’Umusaraba’ iri ku rwego rwa filime asanzwe ategura ashingiye ku bushakishatsi akora kuri filime zikorwa n’abanyarwanda banyuranye.

Yavuze ko filime nyinshi zitunganywa n’abanyarwanda zifite amashusho meza n'amajwi meza ariko ko biteye inkeke mu bijyanye n’inkuru, kuko usanga inkuru z’abo nta kintu kigisha abantu.

Ingabire yavuze ko kimwe mu bice by’ingenzi bigize filime ari ‘inkuru’ bityo ko buri wese utegura filime akwiye kwita cyane ku nkuru. Ati “Akenshi usanga ashaka kubihuza n’ubuzima abayemo cyangwa se umuturanyi we cyangwa se undi muntu w’undi yarebye, ntabwo habaho gutekereza ko agomba gutekereza ko agomba kwicara ngo atekereze inkuru nk’igihangano adashingiye ku buzima bwe cyangwa ubuzima bw’undi muntu.”

Uyu mugabo avuga ko uwandika filime akwiye kwicara agakora inkuru imuvuyemo, kuko ariyo iryohera abantu bayireba, kurusha uko yandika ashingiye ku buzima bwe cyangwa se ubw’abandi bantu yarebye.

Avuga ko yandika filime atitaye cyane ku kuba izakundwa cyane kuri Youtube, ahubwo yitaye ku mwimerere w'ayo. Yavuze ko filime ye ‘Inzira y’Umusaraba’ ikubiyemo inkuru y’umwana w’umukobwa wari ufite ababyeyi bapfiriye mu mpanuka, we akaza kurokoka.

Ni impanuka yabaye bigizwemo uruhare n’umugabo waje no gufata uwo mwana w’umukobwa warokotse akamurera mu rugo rwe, ariko umugore we ntabyishimire.

Mu rugo, aho uwo mwana w’umukobwa aba hari n’undi mukobwa ubyarwa n’uwo mugabo wamutoye ndetse n’uwo mugore umurera.

Ingabire yavuze ko atakoroherwa no kumenya amafaranga azashora muri iyi filime, bitewe n’uko ashaka kubanza kumenya niba abantu bazayikunda.

Ati “Nimara kumva abantu bavuga ko bashaka ko tuyimenya, icyo gihe nibwo tuzahita tuvuga ngo iyi filime tugiye kuyishoramo ingengo y’imari igana gutya, ariko ni filime ifite icyizerezo cyiza.”

Uyu mugabo yavuze ko yatangiye kunyuza iyi filime ku rubuga rwa Youtube rwa Big Family TV, mu gihe ari mu biganiro biganisha ku kuba izajya inyura kuri imwe muri Televiziyo ikorera mu Rwanda.

Yavuze ko iyi filime ifite ikipe ngari iri kuyikoraho, ku buryo atekereza ko izifashishwamo abakinnyi 500. Ati “Iyi filime ifite ngari, iyi filime ishobora kuzaza muri filime Nyarwanda ziri hano kuri izi soko zakinishije abantu benshi, kuko iyi filime ishobora kuzakinamo abantu 500.”

Ingabire yavuze ko aba bantu 500 avuga ari abakinnyi bazagaragara kuri Camera, ahanini biturutse ku kuba muri iyi filime hari ubukwe buzakinwamo. Ati “Ni filime dushaka kuzakoramo ubukwe bw’igitangaza, umuhango wose w’ubukwe, kuko ubwo bukwe bufite igisobanuro cyabyo.”

Yavuze ko ari filime izatanga akazi ku bantu benshi, kandi yizeye ko abantu bazabasha kuyikurikirana bazanogerwa n’inkuru y’ayo.

Ingabire yavuze ko iyi filime igoye mu kuyitunganya, kandi ko ihenze ashingiye ku mafaranga ishobora kuzamutwara. Ingabire yavuze ko inkuru ya filime igenda ikura ‘ari nako igenda yongera ingego y’imari iyigendaho’.

Ingabire Appolinaire yatangaje ko agiye gushyira hanze filime ye nshya yise 'Inzira y'Umusaraba'

Uwamahoro Antoinette wamamaye nka 'Siperansiya' muri Seburikoko ari mu bakinnyi b'imena muri iyi filime

Reponse uzwi cyane nka Swalla ari mu bakinnyi b'imena muri iyi filime

KANDA HANO UREBE IKIGANIRO KIHARIYE TWAGIRANYE NA INGABIRE APPOLINAIRE

“>

N'ubwo yatangiye urugendo rushya mu muziki wo kuramya no guhimbaza Imana, Umuhanzi Meddy akomeje guca uduhigo haba muri East Africa ndetse no mu Rwanda muri rusange.

Indirimbo 'Slowly' ya Meddy imaze imyaka itandatu kuri YouTube, yamaze kurebwa n'abantu miliyoni  100 bituma ikomeza guca uduhigo dutandukanye haba mu Rwanda ndetse no muri Africa y'iburasirazuba.

Iyi ndirimbo ibaye iya gatatu ikozwe n'umuhanzi umwe ibashije kurebwa cyane kuri YouTube ikaba ikurikiwe na “Jeje” ya Diamond Platnumz ifite miliyoni 96 mu gihe cy'imyaka ine imaze kuri YouTube. Uyoboye abandi ni Zuchu ku ndirimbo “Sukari” agakurikirwa na Fally Ipupa ukomoka muri DRC.

Iyi ndirimbo kandi yakomeje kuyoboza inkoni y'icyuma izindi ndirimbo zo mu Rwanda zose kuba ariyo yarebwe cyane kuri YouTube.

Bitari ibyo gusa, Meddy niwe ufite agahigo mu Rwanda ko kugira indirimbo yarebwe n’abantu miliyoni imwe ku munsi umwe. Iyo ndirimbo “My Vow” niyo yakuze nyuma yo gukora ubukwe.

Meddy yaciye agahigo ko kuba umuhanzi nyarwanda ufite indirimbo yarebwe n’abantu miliyoni 100 kuri YouTube

Meddy akomeje kwanikira Diamond Platnumz

Zuchu yari asanzwe afite indirimbo yujuje miliyoni 100 kuri YouTube

Fally Ipupa ukomoka muri DRC nawe ni umwe muhanzi ufite indirimbo yakoze wenyine imaze kurebwa n’abantu barenga miliyoni 100

Uwari umuyobozi wa AS Kigali, Seka Fred yamaze gusezera kuri izi nshingano nyuma yo gushinja Umujyi wa Kigali kutita ku ikipe cyane ko n’ingengo y’Imari wayihantanuye.

Seka Fred yinjiye mu muyobozi bwa AS Kigali muri 2020 ari visi perezida, gusa mbere y’uko umwaka w’imikino wa 2023-24 utangira ni we wari umuyobozi wa yo kuko Shema Fabrice wari perezida yeguye kuri uyu mwanya.

Uyu mugabo wagiye ushinjwa kwihisha ntaboneke mu bikorwa by’ikipe bya buri munsi, kudatanga amafaranga n’ibindi, yamaze kwandikira Inteko Rusange ya AS Kigali asezera.

Mu ibaruwa ndende yanditse asezera, yagaragaje Umujyi wa Kigali nk’indaro y’ibibazo byugarije iyi kipe Ifashwa n’Umujyi wa Kigali.

Yavuze ko ibibazo byatangiye kuba ubwo Umujyi wa Kigali watangiraga kugabanya amafaranga wageneraga ikipe aho yavuye kuri miliyoni 763 agera kuri miliyoni 150 z’amafaranga y’u Rwanda.

Ati 'Ikipe ya AS Kigali tumaze igihe duhura n’ibibazo, kuva aho Ingengo y’Imari yacu yageraga kuri miliyoni 763 z’amafaranga y’u Rwanda harimo imishahara, kugura abakinnyi n’ibindi kugeza aho uyu mwaka yagabanuwe iba miliyoni 150.'

Yakomeje avuga ko bitewe n’ibyo bibazo bahuye nabyo bagerageje kurwana ku ikipe, bakora iyo bwabaga ariko ikipe ntiyagera ku ntego za yo nk’uko yabishakaga. Ati 'kwishyura imishahara ku gihe byaratunaniye, kugura abakinnyi beza biranga ari nabyo byagize ingaruka ku ikipe.'

Aha ni naho yatanze urugero ku mu mikino ibanza ikipe yasoje ku mwanya wa 13 ariko mu mikino yo kwishyura yirwanaho ikaba yarasoje ku mwanya wa 5.

Mu rwego rwo kugarura ikipe mu makipe ahatana, bagujije abantu batandukanye nyuma y’uko ikipe yari imaze amezi 7 idahemba kandi ihemba miliyoni zirengaho gato 22 ku kwezi, yari imaze kugeramo ibirarane bya miliyoni 158 Frw.

Seka Fred yavuze ko nubwo ibi byose byabaga Umujyi wa Kigali wari waremeye kuzajya wishyura imishahara y’abakinnyi ariko ntiwabikora.

Ati 'Umujyi wa Kigali wari waremeye kuzajya wishyura imishahara y’abakinnyi, wari warabitwijeje, banasinye n’ibaruwa ibyemeza, byari kuba ari byiza ku ikipe bijyanye n’ibihe yari irimo ariko ntabwo byigeze bishyirwa mu bikorwa.'

Ashingiye kuri ibyo bibazo byose yahuye na byo byanatumye mu bushobozi bwe buke na we atangamo miliyoni 40, kongeraho ibyo yijejwe n’Umujyi wa Kigali ariko ntubishyire mu bikorwa yahisemo gusezera ku nshingano yari afite muri iyi kipe.

Yasabye Inteko Rusange guterana igatora umuyobozi mushya ndetse bagahita bakora ihererekanya bubasha mu gihe cya vuba.

Seka Fred yeguye ku mwanya wo kuyobora AS Kigali