Category: Uncategorized

Ubwo yari mu kiganiro mpaka na Kamala Harris, Donald Trump yahawe urw’amenyo nyuma yo kuvuga ko ashishikajwe no kubungabunga injangwe n'imbwa by'abaturage bo muri Amerika kuko abimukira bamaze aya matungo bayica.

Nyuma yo guhishura ko ashaka kubungabunga uburenganzira bw'aya matungo, hakwirakwijwe amafoto menshi agaragaza abaseka Donald Trump bavuga ko abeshya icyo atari ikintu cyamujyana ku buyobozi ndetse no mu kiganiro mpaka, Donald Trump yarasuzuguwe cyane ku rwego rugaragara.

Nyamara nubwo ijambo rye ritahawe agaciro, bamwe mu bimukira baturuka mu gihugu cya Haiti bazengereje bamwe mu baturage bo muri Amerika babiba imbwa n'injangwe zabo bakazica bakazirya ndetse bakazikoramo imihango ya gipfumu.

Umuhango uzwi nka Vodou umaze kumenyerwa cyane mu gihugu cya Haiti, niwo muhango uri gutuma abaturage bo muri Haiti bahungiye muri Amerika bakomeza kwishora mu bikorwa by'urugomo. Kuri ubu izi nyamanswa zisanzwe zibana n'abantu zikaba zikomeje guhigwa no kwicwa.

Vodou ni iki?

Vodou ni umuhango wakwita uwo guterekera ufite inkomoko mu gice cy'Uburengerazuba bwa Afurika wakwirakwiye hirya no hino ku Isi ariko ugeze mu gihugu cya Haiti ushinga imizi uhabwa umwanya n’icyubahiro gihambaye haba muri rubanda rwa giseseka no mu nzego z’ubuyobozi.

Dusubiye mu myaka myinshi yatambutse, habayeho icuruzwa ry'abacakara bavaga muri Afurika berekeza ku mugabane wa Amerika (Transatlantic Slave Trade) byabaye hagati y'ikinyejana cya 16 kugeza mu kinyejana cya 19.

Aba bacakara bavanwaga muri Afurika, bajyanwaga ahitwa French Colony of Saint-Domingue (kuri ubu ni mu gihugu cya Haiti) bakajya gukora imirimo y'uburetwa ariko bakambukana imico yabo igakomeza gukwirakwizwa ku Isi aho bajyanwaga hose.

Ku butegetsi bw’abakoloni b’Abafaransa, Abanyafrika bari mu bucakara bakunze guhatirwa kwemera Ubukristo. Mu kuyobya uburari, bahujije imana zabo zo muri Afurika n’abatagatifu bo muri gatolika kugira ngo bakomeze ibikorwa byabo by’idini rwihishwa.

Mu gihe cy'impinduramatwara ya Haiti yabaye hagati ya 1791-1804, byabaye umwanya w’ingenzi mu mateka ya Vodou. Icyo gihe, impinduramatwara yatangiranye n’umuhango wa Vodou muri Kanama 1791, uyobowe na Boukman Dutty, ufatwa nk’umuntu ukomeye mu guharanira ubwisanzure bw’abaturage ba Haiti.

Uyu muhango wa Vodou niwo wagize uruhare runini mu guhuza Abanyafurika bari mu bucakara no gutegura kurwanya ingabo z'abakoloni muri iki gihe cy’impinduramatwara. Intsinzi y'iyi mpinduramatwara, niyo yatumye hashyirwaho Haiti nka Repubulika ya mbere yigenga ndetse n'igihugu cya mbere cyakuyeho ubucakara.

Nyuma y'iyi mpinduramatwara hamaze kubaho igihugu cya Haiti, uyu muhango wo kuragura uzwi nka Vodou, wakomeje kuba ishyiga ry'inyuma mu myemerere y'abaturage bo mu gihugu nubwo nyuma yaje kugeragezwa n'imyemerere ya gikristo.

Mu gihe imyemerere ya gikristo ndetse n'imyemerere y'abanyaburayi yari ikomeje gukwirakwira ku Isi hose, abaturage bo mu gihugu cya Haiti bakomeje iyi myemerere yayo bakayifatanya no gusenga Imana yemerwa n'Abakristo.

Mu kinyejana cya 20 na 21, iyi myemerere ya Vodou yakomeje gukwirakwira hirya no hino ku Isi ndetse ibinyamakuru bikomeye bitangira gusesengura neza iby'iyi myemerere ariko abantu hirya no hino ku Isi bagenda bayigana.

Kugeza magingo aya, iyi myemerere ya Vodou yakwirakwiye ku Isi hose aho kuri ubu haba abaturage bo muri Haiti cyangwa abafite inkomoko muri iki gihugu bakunze kwiherera bakizihiza iyi mico twafata nko kuragura.

Mu myemerere ya Vodou, bemera ko habaho 'lwa' bisobanuye Umwuka, Ibigirwamana, Abanyabwenge. Ukora iyi mihango, bivugwa ko abona amahirwe menshi, aratunga agatunganirwa, agira akanyamuneza, ….

Vodou ikorwa gute?

Mbere na mbere, iyo aba bantu batangiye gukora Vodou (Kuragura) barabanza bagasenga Loa bamuhamagara kuza kubana nawe muri ayo masengesho. Uyu muhango ukaba uyoborwa na Houngan (Uwo twakwita Pasiteri mukuru) ari kumwe na Manbo (Ibyegera bye).

Hakurikiraho kubyina no kuvuza ingoma ndetse banaririmba, hanyuma bagategereza igihe Loa aza agatangira kubonekera bamwe muri abo bantu baba barimo babyina n'amajwi menshi arangurura.

Nyuma y'ibyo, batangira gutanga ibitambo ku mana yabo (Loa) byiganjemo inyamanswa ndetse n'amaraso kugira ngo urwaye akire, ufite agahinda yongere agarure akanyamuneza, uremerewe yumve aruhutse, …

Kubera ko uyu ari umuco wacengeye abaturage bo muri Haiti kuva mu myaka ya cyera, aho bagiye bakunze kubikora kenshi ari nayo mpamvu Donald Trump yabigarutseho avuga ko abo bimukira baturuka mu gihugu cya Haiti bakomeje kwica no kurya inyamanswa zo mu rugo harimo imbwa n'injangwe.

Aba baturage bakora ibi, ni abaturuka mu gihugu cya Haiti bacyinjira muri Amerika bahunze umutekano muke uri mu gihugu cyabo hanyuma bagera muri Amerika bakagerageza gushaka aho bakura ibitambo bya Vodou.

Ikinyamakuru The Guardian gitangaza ko mu myaka ine ishize, abaturage bo muri Haiti binjiye muri Amerika barenga 15,000 basanaga abandi barenga 60,000 basanzwe batuye muri Amerika.

Nyamara aba bose bahuriza mu kwamagana ibyo bitwa n’Abanyamerika bakavuga ko bashaka kuzana ivangura aho babita ngo ni “Abaryambwa”.

  

Aya mahugurwa yatangiye ku wa 16 Nzeri akazageza ku wa 14 Ukwakira 2024, biteganyijwe ko azitabirwa n'abarimu bagera ku 2949 baturuka mu gihugu hose bazayitabira mu byiciro 6, bakazayakorera mu Kigo cy'Igihugu cy'Ubutore cya Nkumba.

Icyiciro cya mbere cyayitabiriye kigizwe n'abarimu 410 baturuka mu Turere twa Rusizi, Nyamasheke, Karongi, Rutsiro na Rubavu tw'Intara y'Iburengerazuba kizakurikirwa n'ibindi byiciro kugeza ku cya gatandatu kizayasoza kuwa 14 Ukwakira 2024.

Zimwe mu mbogamizi zigaragazwa ko abarimu bigisha amateka bakundaga guhura na zo zirimo kuba nko ku mateka ya Jenoside yakorewe Abatutsi, hari abahageraga bagahitamo kwifata kubera ingaruka bamwe muri bo bahuriyemo nazo, kwanga ko habaho impaka cyane cyane mu bana baba bari kuyiga, hari no kwirinda ko bakora ibyaha bihanwa n'amategeko y'u Rwanda.

Ibi kandi byiyongeraho no kuba bamwe mu barimu batigiriraga icyizere cyo kuyigisha neza no kuba nabo harimo abatayazi neza no kwirinda impaka zishobora kuhaba biturutse ku byo abana baba barigishijwe mu miryango yabo cyangwa barabisomye mu baba bagamije kubayobya akenshi bifashisha imbuga nkoranyambaga ari yo mpamvu aya mahugurwa yateguwe ngo izo mbogamizi zose zikurweho.

Umunyamabanga Uhoraho muri Minisiteri y'Ubumwe bw'Abanyarwanda n'inshingano mboneragihugu, Eric Uwitonze Mahoro, avuga ko ibyo byuho byose byagiye bigaragara mu myigishirize y'amateka ari byo bigiye gukurwaho kuko byagaragajwe byose bikigwaho.

Yagize ati “Ibyuho byo byari bihari mu myigishirize y'amateka. Icya mbere hari n'abatinyaga kuyavuga kuko n'abarimu ni abantu bafite uko yabagizeho ingaruka, yagera kuri ya nyigisho ntiyigirire icyizere gihagije cyo gufungura ikiganiro n'abanyeshuri bijyanye n'ingaruka amateka yamugizeho.”

“Kimwe mu byo turi buganire ni ukurenga ibikomere cyangwa ingaruka ziri ku muntu ku giti cye kubera amateka ndetse no gutinyuka gusembura ibiganiro bijyanye n'amateka cyane cyane amateka ya Jenoside yakorewe Abatutsi.”

Uyu Muyobozi akomeza avuga ko mu byo abarimu bazakura muri ayo mahugurwa harimo kuganira no kuganiza abanyeshuri ku mateka cyane cyane aya Jenoside yakorewe Abatutsi kandi ko ntawe ukwiye kwigisha yikanga amategeko kuko afite uko ahana ibyaha busobanutse bityo ntaho bikwiye guhuriza n'uburezi.

Bamwe mu barimu bitabiriye aya mahugurwa bemeza ko ari umwanya mwiza wo guhaha no guhuza ubumenyi kandi ko biteguye kwigisha neza amateka y'Igihugu no kwigisha aya Jenoside yakorewe Abatutsi nta zindi mbogamizi bafite.

Emmanuel Philemon Ndagijimana wigisha mu Karere ka Rutsiro, yagize ati “Ikintu cy'ingenzi twiteze ni ukugira ubumenyi mu guhangana n'imbogamizi twahuraga nazo mu kwigisha amateka cyane cyane aya Jenoside yakorewe Abatutsi kuko akenshi kubera amateka y'iki gihugu yagize ingaruka ku Banyarwanda twese.

“Byatumaga rero bamwe mu barimu batinya ntibisanzure mu gihe bari kwigisha amateka ya Jenoside yakorewe Abatutsi. Aya mahugurwa rero azadufasha kubona ubushobozi n'ububasha bwo kumva ko tugomba kwigirira icyizere tukirekura tukigisha amateka uko ari ndetse tugasubiza na bimwe mu bibazo twajyaga duhura nabyo tubikesha ubu bumenyi.”

Nyirangirababyeyi Jacqueline wo muri Nyamasheke, nawe yagize ati “Ibyo twiteze ni byinshi ariko byose biradufasha gukuraho imbogamizi twahurana nazo kuko hari aho bamwe bageraga ku isomo ry'amateka ya Jenoside yakorewe Abatutsi bagataruka.

“Ubu kubera urwego tugezeho rwa gahunda y'ubumwe n'ubwiyunge turibuze gusobanukirwa neza uburyo bwo kwigisha neza kandi tugatanga icyo twakagombye gutanga cyose ku bana ku mateka ya Jenoside yakorewe Abatutsi.”

Umuyobozi Mukuru wa REB, Dr. Nelson Mbarushimana, avuga ko abarimu bagiye guhugurwa basanzwe mu burezi kandi basanzwe bigisha n'amateka, ariko ko bizabafasha kumenya uburyo bigishagamo amateka.

Ati “Turi kubigisha uburyo bayigisha bitabangamye, babohotse kuko amateka ari umusingi kugira ngo yigishwe neza n'abana barusheho kuyamenya kandi banabaze n'ibibazo bitandukanye banamenye amateka ya Jenoside yakorewe Abatutsi bayirinde bamenye icyayiteye, bamenye no kuyikumira.”

Muri Mata 2024, ni bwo Ubuyobozi bwa REB, bwatangaje ko guhera mu mwaka w'amashuri wa 2024/2025, hazatangira gukoreshwa integanyanyigisho y'amateka nshya irimo amasomo kuri Jenoside yakorewe Abatutsi agenewe abana kuva mu mashuri y'incuke n'umwaka wa mbere w'amashuri abanza kuzamura ari nayo agiye gutangira kwigishwa.

Icyiciro cya mbere cy’abarimu 410 bigisha amateka mu mashuri yisumbuye batangiye amahugurwa

Abarimu 2949 bigisha amateka mu mashuri yisumbuye ni bo bazahabwa amahugurwa

Umunyamabanga Uhoraho muri Minisiteri y’Ubumwe bw’Abanyarwanda n’inshingano mboneragihugu, Eric Uwitonze Mahoro, avuga ko ibyo byuho byose byagiye bigaragara mu myigishirize y’amateka ari byo bigiye gukurwaho

Yagaragaje ko aba bagenerwabikorwa batabona amahugurwa ahagije ku bijyanye n'imari cyangwa ngo banaherekezwe mu buryo runaka ngo ya nguzanyo bahabwa ibazanire inyungu.

Ni ingingo yagarutseho ku wa Kabiri tariki ya 17 Nzeri 2024, ubwo Transparency International Rwanda, yamurikaga ubushakashatsi yakoze hagamijwe gukora isesengura ku mikoreshereze y'inguzanyo ihabwa abaturage binyuze muri VUP n'uko abakozi b'inzego z'ibanze bashinzwe iyi gahunda babakurikirana.

Ubu bushakashatsi bwakozwe kuva muri Kamena kugeza mu Ukuboza 2023, bukorerwa mu turere twa Gicumbi, Nyabihu ndetse na Nyamagabe, mu mirenge itanu muri buri karere.

Mu mwiherero w'abayobozi bakuru wabaye mu 2007, Perezida Kagame yatanze icyerekezo cyo kureba uburyo imibereho y'Abanyarwanda batishoboye yazamuka, ari nabwo hashyirwagaho gahunda ya VUP.

Ubu iyi gahunda iri mu byiciro bitatu birimo icyo gutanga inkunga y'ingoboka ihabwa abageze mu zabukuru, gahunda y'imirimo rusange mu bikorwa by'amaboko hamwe n'iyo kuguriza abatishoboye ariko bashobora gukora imishinga iciriritse bagahabwa inguzanyo. Bahabwa inguzanyo y'ibihumbi 100 Frw ikishyirwa ku nyungu ya 2% ku mwaka.

Mu bushakashatsi bwakozwe byagarageye ko mu bahabwa inguzanyo mu Karere ka Gicumbi 40.6% ari bo babasha kwandika inyungu babona mu bucuruzi, mu gihe ku ngingo yo kumenya amafaranga akoreshwa n'ayinjira. abangana na 40.6% ari bo babifitiye ubumenyi.

Mu karere ka Nyabihu 40.2% by'abahabwa inguzanyo ni bo babasha kwandika inyungu babona mu bucuruzi, mu gihe mu Karere ka Nyagatare bangana na 50.5%.

Rwego Albert, yagaragaje ko aba baturage bashora inguzanyo bahabwa mu mishinga itarakorewe inyigo hatanarebwe ibyago bishobora kuyibasira cyangwa ngo habe kwiga ku isoko bigatuma akenshi bagwa mu bihombo.

Ati 'Impamvu badaherekezwa, usanga umukozi wa VUP ari umwe mu murenge kandi aho baha amafaranga ni menshi. Akenshi kubera n'akandi kazi usanga nta mwanya uhagije babona.'

Umuyobozi Nshingwabikorwa w'Umuryango Urwanya Ruswa n'Akarengane, TI-Rwanda [Transparency International Rwanda], Mupiganyi Apollinaire, yavuze ko kimwe mu bituma abagenerwabikorwa ba VUP batava mu bukene, ari uko inguzanyo bahabwa ari nto ku buryo abenshi bayabona bagahita bayakoresha ibyo atagenewe.

Ati '[…] Ugasanga na Leta irahombye nta nubwo ishobora kugaruza ya mafaranga. Dutekereza ko hagomba gufatwa ingamba zijyanye no kubaka ubushobozi ku muturage ugiye guhabwa amafaranga.'

Umuyobozi Mukuru w'agateganyo ushinzwe gahunda zo kurengera abatishoboye n'iterambere ry'abaturage muri Minaloc, Bugingo Emmanuel, yagaragaje ko ibibazo bigaragara mu nguzanyo ihabwa abari muri VUP biri kuvugutirwa umuti.

Ati 'Ni urugendo, kubakira umuntu ubushobozi si ikuntu uvuga ngo urakora mu kwezi birangire. Ni igikorwa ukora uhozaho, natwe turabizi kandi twatangiye kubakira ubushobozi abagenerwa bikorwa batandukanye batari abo muri VUP gusa ahubwo bo no mu zindi gahunda.'

Ubu ku bijyanye n'ubukene mu Banyarwanda abangana na 38% ni bo bari munsi y'umurongo w'ubukene mu gihe abangana na 16% ari bo bafite ubukene bukabije.

Transparency International Rwanda yamuritse ubushakashatsi yakoze hagamije gukora isesengura ku mikoreshereze y'inguzanyo ihabwa abaturage binyuze muri gahunda ya VUP

Umuyobozi muri Transparency International Rwanda, Albert Rwego, yagaragaje ko n'ubwo hari inguzanyo zihabwa abagenerwabikorwa ba gahunda ya VUP badafite ubumenyi buhagije mu bijyanye no kuyakoresha neza

Umuyobozi Nshingwabikorwa w'Umuryango Urwanya Ruswa n'Akarengane, TI-Rwanda [Transparency International Rwanda], Mupiganyi Apollinaire, yagaragaje ko inguzanyo ihabwa abagenerwabikorwa ba VUP ikiri hasi

Perezida wa Komisiyo yo mu Nteko Ishinga Amategeko ishinzwe gukurikirana imikoreshereze y’imari n’umutungo bya Leta [PAC], Depite Muhakwa Valens ni umwe mu bari bitabiriye

Umuyobozi muri Minaloc, Bugingo Emmanuel, yagaragaje ko ibibazo bigaragara mu mikoreshereze y'inguzanyo ihabwa abari muri VUP biri kuvugutirwa umuti

Ubu bushakashatsi bwakozwe kuva muri Kamena kugeza mu Ukuboza 2023, bukorerwa mu turere twa Gicumbi, Nyabihu ndetse na Nyamagabe, mu mirenge itanu muri buri karere

Amafoto: Kwizera Remy Moses

Nubwo ibikorwa byo gushaka abakekwa bose bigikomeje, hamaze gufatwa abasore batandatu, bafatanywe imodoka enye ziri hagati ya miliyoni 15 Frw na 20 Frw. Kuri ubu izo modoka zose zamaze gusubizwa ba nyirazo.

Bafatiwe mu turere twa Nyamagabe, Kayonza na Gicumbi. Bafungiye kuri sitasiyo za RIB za Nyamirambo na Nyarugenge. Dosiye zabo zamaze gutunganywa ndetse zashyikirijwe Ubushinjacyaha.

Abafashwe bari bashinjwa gucura ibyangombwa nk'indangamuntu na carte jaune, noneho imodoka bakajya kuzigurisha bifashishije ibyagombwa mpimbano.

Muri iryo tsinda harimo ushinjwa gucura ibyo byangombwa nk'indangamuntu, carte jaune na kashe, babiri bafatwa nk'abacurabwenge b'ubwo bujura bahinduye indangamuntu zabo bagakoresha amazina atari ayabo, uwagendaga agakodesha imodoka ku mazina y'amahimbano, uwagiraga amasezerano y'ubukode ari na we wajyaga kuzigurisha n'undi washakaga abakiliya bagura izo imodoka.

Bose bakurikiranyweho ibyaha bitatu byo gushyiraho umutwe w'abagizi ba nabi cyangwa kuwujyamo, kwihesha ikintu cy'undi hakoreshejwe uburiganya no guhimba, guhindura inyandiko cyangwa gukoresha inyandiko mpimbano.

Ibyo byaha byose bihanishwa igifungo kiri hagati y'imyaka ibiri n'imyaka 10.

Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry, yibukije abakodesha imodoka ko bagomba kugira amakenga, bagashishoza bakareka kwirukankira imari ishobora gishyira imitungo yabo mu kaga.

Ati 'Mbere yo guha umuntu imodoka yawe ngo ayitware, banza umenye uwo ari we, umenye aho ataha, ugenzure n'ibyangombwa, kuko twabonye ko aguha akarangamuntu [k'agahimbano]. Ufite uburenganzira bwo kwitegereza kuko imodoka ni iyawe.'

Dr Murangira yasabye kandi abagura imodoka nk'abari baguze ziriya enye kwirinda ibihombo bya hato na hato bitewe no kwirukira imari ishyushye utabanje gushizoza.

Ati 'Nka bariya baguze ziriya modoka enye barahombye. Irinde igihombo nk'icyo. Amafaranga ni ayawe irinde ibintu byo kugushyushya ngo imari itagucika. Shishoza unabanze ugenzure yewe unagere mu Kigo Gishinzwe Imisoro n'Amahoro urebe ko iyo modoka ari iye.'

Yibukije ko leta itanga amahirwe atandukanye yo kwihangira imirimo bityo bagomba kuyafatirana bakareka kwijandika mu mirimo igize ibyaha kuko RIB izabatahura uko bakabaye bakaryozwa ayo mabi.

Uyu muyobozi kandi yavuze ko bijyanye n'uko ibikorwa byo gutahura ibyo byaha bigikomeje, abashobora kuba baribwe imodoka zabo bagana RIB ndetse n'abazi ko bazitije bakongera gushishoza bareba ko zitagurishijwe nyamara bazi ko ziri mu kazi.

Umwe mu batekewe umutwe ni Masengesho Jean Bosco, utuye mu Murenge wa Nyarugunga mu Karere ka Kicukiro.

Yari yibwe imodoka ya Hyundai Santa Fe 2010 ifite agaciro ka miliyoni 15 Frw. Uwamukodesheje imodoka bari bemeranyije ko azayimarana iminsi ine.

Ati 'Nyuma y'iminsi ibiri RIB irampamagara imbaza niba mfite imodoka ndababwira ngo ndayifite, bati ese uri kumwe na yo? Mbabwira ko hari umuntu nayihaye, nyuma bambwira ko bayifashe iri kugurishirizwa mu Murenge wa Musebeya mu Karere ka Nyamagabe. Ucyakora barayigaruje ndetse nayishyikirijwe.'

Mugenzi we witwa Gatete Peter utuye mu Murenge wa Kimironko mu Karere ka Gasabo na we yari yibwe imodoka ya Toyota RAV4 2008 yari ifite agaciro ka miliyoni 23 Frw.

Gatete yari yahaye imodoka ye uwo wigize umukiliya, undi asiga ibyangombwa bye agomba kuyimarana iminsi itanu.

Ati 'Umunsi wo kuyigarura ugeze, yambwiye ko abakiliya yari afite bahinduye gahunda bagiye kujya i Musanze, turabyemeranya, ambwira ko yiyongeje iminsi ibiri, irangiye ndamuhamagara yanga kunyitaba, ampa ubutumwa ko azayizana ku munsi ukurikiyeho na bwo muhamagaye biranga.'

Gatete abonye ko byanze ndetse imodoka ye ari kuyibona mu Murenge wa Musebeya mu Karere ka Nyamagabe yifashishije GPS, yitabaje RIB atanga ikirego nyuma y'iminsi ibiri imodoka iragaruzwa.

Ni mu gihe Seneza Olivier utuye mu Murenge wa Gahanga mu Karere ka Kicukiro we yari yibwe imodoka ya RAV4 2006 yari ifite agaciro ka miliyoni 16 Frw.

Yatekewe umutwe n'abo bakura bamubwira ko bafite abanyamahanga bashaka kuyigendamo mu minsi itanu, arayitanga atazi ko yibwe.

Ati 'Mu kuyifata twasanze barayigurishije mu Karere ka Gicumbi. Uwayiguze yahise atoroka. Sinari nzi ko yibwe, nabibwiwe na RIB kuko njye numvaga iri mu kazi. Nanjye sinagize amakenga kuko bampaye indangamuntu yahinduwe sinabyitaho.'

Abo bose basezeranywaga ko bazajya bishyurwa ubukode bw'izo modoka bungana n'ibihumbi 50 Frw ku munsi. Bashimiye RIB na cyane ko urwo rwego rwamenye ko bibwe mu gihe bo batari babimenya ndetse nta n'amahirwe yo kongera kugaruza izo modoka yari ahari.

Abo bantu nibo bafashwe bakekwaho kwiba imodoka

Abari bibwe imodoka zabo bazisubijwe. Aha bari bazitwaye bazikuye ku Biro Bikuru bya RIB biherereye ku Kimihurura mu Mujyi wa Kigali

Imodoka RIB yagaruzaga zari zaribwe, zashyirwaga ku Biro Bikuru byayo ari na ho ba nyirazo baziherewe

Ibyo ni ibyangombwa bihimbano abo bajura bacuraga bakabyifashisha mu kugurisha imodoka bibye

Ubwo Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry yagezaga ku banyamakuru uburyo abiba imodoka z’abaturage bakoramo n’uko bamwe bafashwe

Ubwo Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry yasabye abaturage kugira amakenga mbere yo gukodesha ibikoresho byabo anaburira abacyijandika mu byaha kubireka kuko bazafatwa bakaryozwa ayo mabi

Amafoto: Claude Kasiro

Ni icyemezo cyatangajwe kuri uyu wa Kabiri tariki 17 Nzeri 2024, gusa RwandAir ntiyigeze itangaza impamvu yacyo.

Biteganyijwe ko uyu mwanzuro uzatangira gushyirwa mu bikorwa ku wa 27 Ukwakira 2024, ndetse abagenzi bafite tike za nyuma y'iyi tariki basabwe kwegera RwandAir kugira ngo bafashwe.

Mu 2018 nibwo RwandAir yari yatangije ingendo zigana mu mujyi wa Cape Town muri Afurika y'Epfo, ariko indege yabanje kunyura i Harare muri Zimbabwe, ifata cyangwa isiga abagenzi.

Iki cyemezo gifashwe nyuma y'iminsi mike RwandAir ihagaritse ingendo yakoreraga mu Mujyi wa Mumbai mu Buhinde.

RwandAir igiye guhagarika ingendo zerekeza i Cape Town

APR FC yagize ibibazo mu rugendo rwa yo rujya mu Misiri gukina na Pyramids FC mu mukino wo kwishyura w’ijonjora rya kabiri rya Champions League mu guhatanira kujya ma matsinda, ni nyuma y’uko yatinze kubona Visa zerekeza muri iki gihugu.

APR FC uyu munsi ni bwo yerekeje mu Misiri aho uyu mukino uzaba ku wa Gatandatu tariki ya 21 Nzeri 2024.

Iyi kipe yagombaga guhaguruka mu Rwanda saa 15h30′ na Ethiopian bakanyura Addis Ababa muri Ethiopia bakanyura Dubai bakomeza mu Misiri.

Gusa iyi kipe y’Ingabo z’Igihgu ikaba yahuye n’ikibazo cyo kubona Visa ya Misiri aho abakinnyi barinze bagera ku Kibuga cy’Indege zitaraboneka.

Amakuru ISIMBI yamenye ni uko Pyramids FC yatinze kubwira APR FC igihe umukino izabera bituma itinda gushaka Visa.

APR FC yamenye ko umukino uzaba tariki ya 21 Nzeri 2024 ku wa Gatandatu tariki ya 14 Nzeri ubwo habaga umukino ubanza.

Kuko byari muri Weekend, Ambasade yari yafunze idakora, Bivugwa ko APR FC ejo hashize ku wa Mbere ari bwo yatangiye gushaka Visa.

Bakaba bari babwiwe ko Visa ziboneka mu gitondo cyo kuri uyu wa Kabiri tariki ya 17 Nzeri 2024 saa 8h, gusa barinze bagera ku Kibuga cy’Indege saa 13h zitaraboneka.

Amakuru avuga ko bamwe mu bagize delegasiyo na bamwe mu bakinnyi (abafite passports zitari de service ari bo batinze kuzibona), Visa zabagezeho saa 15h ni mu gihe indege yo yagombaga guhagaruka saa 15h50′. Amakuru ISIMBI yamenye ni uko bahise babakorera (Checking) batakererewe cyane.

APR FC yatinze kubona visa zijya mu Misiri

Umugande ukinira APR FC, Taddeo Lwanga yavuze ko bishoboka gusezerera Pyramids FC bayitsindiye mu Misiri.

APR FC yafashe indege yerekeza mu Misiri aho izakina na Pyramids FC mu mukino wo kwishyura w’ijonjora rya kabiri rya Champions League mu guhatanira kujya mu matsinda.

Mu mukino ubanza wabereye mu Rwanda ku wa Gatandatu w’icyumweru gishize banganyije 1-1, APR FC ikaba isabwa gutsinda Pyramids FC kugira ibe yagera mu matsinda.

Taddeo Lwanga yavuze ko bafite akazi gakomeye kuko umusaruro babonye mu Rwanda udahagije bagomba gushyiramo imbaraga.

Ati “Dufite akazi gakomeye, umusaruro twabonye hano ntuhagije tugomba kongeramo imbaraga, imikino yo hanze ntiba yoroshye by’umwihariko iriya kipe irimo yitwara neza ku mugabane, babuze igikombe bagitwawe na Al Ahly mu mikino ya nyuma, tugomba kuba tumeze neza iminota 90 kugira ngo tubone umusaruro mwiza.”

Yavuze ko ikintu cya mbere ari ugukurikiza amabwiriza y’umutoza kuko ari we utegura ibintu byose.

Ati “Tugomba gukurikiza amabwiriza y’umutoza kuko ni we utegura byose, twebwe icyo tugomba gukora ni ukubishyira mu bikorwa.”

Lwanga ni umwe mu bakinnyi bari muri APR FC basezerewe na Pyramids FC umwaka ushize, yavuze ko ubu habayemo impinduka.

Ati “Nk’uko mwabibonye mu mikino itambutse harimo abakinnyi barenga batandatu bashya batari bahari umwaka ushize, byinshi byarahindutse, umutoza ni mushya aratandukanye, si Froger, ni Mr Darko rero ndatekereza byinshi byarahindutse n’igihe.”

Kuba basezerera Pyramids bayitsindiye mu Misiri, yavuze ko bishoboka ko nta kintu na kimwe kidashoboka mu mupira w’amaguru.

Ati “Nta na kimwe kidashoboka mu mupira w’amaguru kandi umupira w’amaguru ukinirwa mu kibuga, buri kimwe cyaba twabona umusaruro mwiza.”

Yabwiye abafana b’iyi kipe ko bagiye gutanga ibirenze ibyo batanze mu mukino wo kwishyura.

Ati “Icyo abafana bakwitega ni ugukura ibirenze ibyo twakoze kuri Stade Amahoro ku wa Gatandatu ushize.”

Lwanga yavuze ko bafite icyizere cyo gusezerera Pyramids

Mu minsi ishize, hasohotse Iteka rya Minisitiri N° 002/MoE/24 ryo ku wa 10/07/2024 rishyiraho ibigenderwaho ngo hafatirwe ubutaka by'agateganyo cyangwa ngo haseswe amasezerano yo gutunga ubutaka.

Ingingo ya gatatu y'iri tegeko, ivuga ko ubutaka bushobora gufatirwa ari ubwagenewe ubuhinzi, ubworozi cyangwa amashyamba, bufite ubuso butari munsi ya hegitari eshanu kandi butabyazwa umusaruro.

Mbere y'uko ubutaka bufatirwa, nyir'ubutaka abimenyeshwa nibura mu gihe cy'amezi atandatu. Ikiba kigamijwe ni uko nyirabwo agaragaza gahunda yo kububyaza umusaruro cyangwa se akaba yabuha n'abandi bashobora kububyaza umusaruro.

Hirya no hino mu Mujyi wa Kigali hakunze kugaragara ikibazo cy'abantu batunze ubutaka (ibibanza) kandi buri ahantu hashyizwe ibikorwa remezo byose nkenerwa ndetse bakaba bahabwa impushya zo kubaka ariko ugasanga ntibabubyaza umusaruro.

Impamvu zikunda gutangwa ni uko ubu butaka bamwe babugura bagamije kububika kugira ngo bazabugurishe mu myaka myinshi nyuma yaho ku giciro cyo hejuru. Ibi bishobora kandi gukorwa mu rwego rwo kubika amafaranga mu butaka. 

Ikibazo nyamukuru ni uko birangira ubu butaka bubaye indiri y'abajura ndetse n'ibindi bikorwa by'ubugizi bwa nabi. Ikindi kandi, ubu butaka budakoreshwa ibyo bwagenewe butuma Umujyi udasa neza uko bikwiriye ndetse n'igishushanyo mbonera ntigishyirwe mu bikorwa.

Umuvugizi w’Umujyi wa Kigali, Ntirenganya Emma Claudine avuga ko amasezerano yo gutunga ubutaka ashobora guseswa cyangwa bikaba ngombwa ko bufatirwa kugira ngo harebwe uburyo bwakoreshwa neza bukabyazwa umusaruro, kuko usanga hari ubutunze adashoboye kubukoresha kandi hari undi ukeneye kububyaza umusaruro.

Ati: “Iyo bibaye gufatira biba bisobanura ko nyiri ubutaka bwafatiriwe ashobora kuzabusubizwa mu gihe runaka. Hanyuma, byaba gusesa amasezerano, icyo gihe bikavuga ngo amasezerano arasheshwe nyine ubwo birarangiye, ubutaka ntabwo bukiri ubwawe.”

Yakomeje avuga ko iyo ubutaka bwafatiriwe leta ibuha umuntu ushobora kubukoreramo umushinga w’igihe runaka yerekanye neza ko agiye kububyaza inyungu, ubundi igihe cyagera bugasubizwa nyirabwo, ari we ubwe ubyisabiye cyangwa Umujyi wa Kigali wemeje kubumusubiza.

Iyo habayeho gusesa amasezerano burundu bitewe n’uko nyir’ubutaka yanze cyangwa yananiwe kububyaza umusaruro, leta ntabwo ibugumana ngo buhinduke ubwayo, ahubwo ibushyikiriza abashoboye kubukoresha.

Muri iri teka hagaragara ko kugira ngo amasezerano aseswe bifata igihe kigeze ku myaka itanu, ibarwa uhereye igihe umuntu yaherewe ibaruwa imubaza impamvu atari gukoresha ubutaka icyo bwagenewe.

Ingingo ya 18 y'iri teka ivuga ko Leta ishobora gusesa amasezerano iyo:

1.Nyir’ubwo butaka atakibukeneye kandi yasabye mu nyandiko gusesa ayo masezerano;

2.Nyir'ubwo butaka atubahirije ibikubiye mu masezerano yo gutunga ubutaka harimo kuba yananiwe kububyaza umusaruro, mu gihe:

·Â Â Â Â Â Â Â  Buri ahamaze gushyirwa ibikorwa remezo by'ibanze birimo umuhanda, amazi, n'amashanyarazi;

·Â Â Â Â Â Â Â  Buri ahemerewe gutangirwa impushya zo kubaka;

•  Buri ahatangiye ishyirwa mu bikorwa ry'igishushanyo mbonera           cy'imikoreshereze n'imitunganyirize by'ubutaka;

• . Buri ahantu h'icyitegererezo hashyirwaho n'Inama Njyanama y'Umujyi wa Kigali cyangwa iy'Akarere gafite ubuzimagatozi;

• kandi butabyajwe umusaruro hakurikijwe igishushanyo mbonera cy'imikoreshereze n'imitunganyirize y'ubutaka n'amategeko abigenga nibura mu gihe cy'imyaka itanu ikurikirana, ibarwa hashingiwe kuri raporo y'umwaka wa mbere w'isuzumwa.
• 
  
• Nyir'ubwo butaka adasabye gusubizwa ubutaka bwagenewe ubuhinzi, ubworozi cyangwa amashyamba bwafatiriwe by'agateganyo hakurikijwe ibiteganywa n'iri teka ku bijyanye no gusubizwa ubutaka bwari bwarafatiriwe by'agateganyo cyangwa atubahirije ibisabwa uwasubijwe ubutaka nyuma yo gufatirwa;
• Cyangwa hagaragaye indi mpamvu yakwemezwa n'Inama y'Abaminisitiri.

 

Umwaka wa 2024 wazanye n'ibihangano bishya by'abahanzi batandukanye ariko bigeze kuri Album yihariye biba ibindi.

Nk’uko injyana za Afrobeat n'Amapiano ziri kuza imbere ni nako no kuri izi Album nshya naho zagiye zifashishwaho cyane.

Tukaba twifuje kugaruka ku ziri kuza imbere kurushaho mu zasohotse muri 2024.

True to Self-King Promise

Iyi Album yazanye n'amavuta yo hejuru, iyobora intonde zitandukanye, uhuje iminota y'indirimbo ziyigize.Yagiye hanze ku wa 14 Kamena 2024, ifite iminota 37.

Yatunganijwe ku bufatanye bwa 5K Records na Sony Music Entertainment, ihurijweho indirimbo zigera muri 12 zirimo Perfect yakoranye na Gabzy, Terminator, Favourite Story yakoranye na Olivetheboy na Sarkodie na Continental yakoranye na Shallipopi.

Tuyumvane hano

“>

R&B-Ruger na BNXN

Yagiye hanze ku wa 17 Mata 2024 yakiriwe neza  aho yamaze ibyumweru birenga 10 iyoboye kuri Turn Table Charts, kuri Apple Music Charts mu bihugu birenga 12 birimo u Bwongereza na UAE.

Bakaba barahisemo kuyikorana nyuma y’uko bari bamaze igihe bafitanye ibibazo.

Zimwe mu ndirimbo zigize uyu mushinga wabo harimo Ilashe, POE na Bae Bae.

Tuyumvane hano

“>

Jiggy Forever-Young Jon

Iyi Album igizwe n'indirimbo 16 zirimo izo yakoranye n'abahanzi bakomeye nka Don Jazzy, Zlatan, Ya Levis, Sean Paul, Blabonez, Kizz Daniel na Seyi Vibez.

Iriho indirimbo kandi uyu muhanzi yikoranye ku giti cye zirimo Aquafina, Big Big Things, Sharpally na Go Hard. Iyo uteranije iminota ifite usanga igera kuri 42.

Tuyumvane hano

“>

Born in the Wild-Tems

Igizwe n’indirimbo 18, ikaba yaragiye hanze tariki ya 06 Kamena 2024, uyu mukobwa yayikoranyeho n'abahanzi bakomeye mu ndirimbo Get It Right yakoranye na Asake mu gihe Free Fall yayikoranye na J Cole.

 Yatunganijwe kandi n'abahanga mu birebana n'umuziki.

Tuyumvane hano

“>

Stubborn-Victony

Niyo Album ya mbere y'uyu muhanzi, yayikoranyeho n'abarimo Teezo Touchdown, Saint JHN, Asake, Shallipoppi na Shorae.

Igizwe n’indirimbo 14, yagiye hanze ku wa 21 Kamena 2024 maze yiharira intonde ziremeye mu bihugu bigera muri 14.

Tuyumvane hano

“>

TZA-Kizz Daniel

Ni imwe muri EP zakiriwe neza bitewe n'uburyo ikoranye ubuhanga n'udushya.Iriho indirimbo nka Twe Twe na Too Busy to be Bae zakiriwe neza kurushaho.

Yagiye ihanze tariki ya 11 Werurwe 2024, yatunganijwe n'abarimo Reward Beatz, Ayzed, P Prime na Killertunes.

Tuyumvane hano

“>

Tyla-Tyla

Yagiye hanze tariki ya 22 Werurwe 2024, yayihurijeho Kelvin Momo, Tems, Gunna, Skillibeng, Becky G na Travis Scott.

Iyi Album yavugishije ibyamamare nka Beyonce, iyobora izindi mu bihugu bigera kuri 30 ku rubuga rwa Spotify no mu bihugu bigera kuri 64 kuri Apple Music.

Kuri Billboard iyi Album yatangiriye ku mwanya wa 24 igenda inayobora izindi ntonde zikomeye mu muziki ku Isi.

Tuyumvane hano

“>

The Year I Turned 21-Ayra Starr

Iyi Album iriho indirimbo zitandukanye uyu mukobwa yakoranye n'abahanzi bafite izina nka Asake, Anitta, Coco Jones, Giveon, Seyi Vibez, Milar.

Yatungajijwe n'aba-producer bakomeye ku Isi nka London, Marvey Muzique, P2J, Ragee, AOD, Off n Out, Sparrg, Mike Hector n'izindi.'

Yihariye isoko mu bihugu birenga 40 kuri Apple Music.

Tuyumvane hano

“>

HEIS-Rema

Igizwe n’indirimbo zigera muri 11, iyo wegeranyije iminota yose usanga ifite igera kuri 30. Muri izo harimo Azam, Hehehe, Yayo, Benin Boys yakoranye Shallipopi, Heis, Egungun.

Uyu musore iyo habazwe inkuru ye yo kuzamuka mu muziki ntabwo ijya itandukanywa n’indirimbo y'amateka yakoze yitwa Calm Down.

Igitaramo aheruka gukorera muri London nacyo cyasize amateka avuguruye.

Tuyumvane hano

“>