Category: Uncategorized

Umuvugizi w'Ishami rya Polisi rishinzwe umutekano wo mu muhanda, SP Emmanuel Kayigi, yavuze ko aya ari amakosa akorwa nkana n'abatwara moto akabangamira urujya n'uruza rw'ibinyabiziga kandi agateza impanuka.

Ati 'Byakunze kugaragara ko hari batwara abagenzi kuri moto bagaheka abagenzi barenze umwe, n'abatwara imizigo minini, irengeje ubushobozi bwa moto ntitume babasha kureba inyuma, ibinyabiziga bikabageraho batabibonye ndetse bikaba byateza impanuka n'abahisha nimero za moto cyangwa bagahindura imwe mu mibare n'inyuguti zizigize bagambiriye kudatahurwa ku makosa bakoze. Turabibutsa ko biteza impanuka, dusaba abakibikora kubihagarika mu maguru mashya.'

Kuva mu mpera z'ukwezi kwa Nyakanga kugera mu mpera za Kanama, uyu mwaka, hafashwe abari batwaye moto 49 bari bahetse imizigo irenze ubushobozi bwa moto, 57 bari barahishe nimero iranga ikinyabiziga, mu gihe kuri uyu wa Mbere tariki ya 16 Nzeri, hafashwe moto 24 zari zitwaye abagenzi barenze umwe.

SP Kayigi yakomeje agira ati 'Ipikipiki yemerewe gutwara abantu babiri, uyitwaye n'umugenzi umwe kandi wambaye ingofero yabugenewe (Casque). Hari aho usanga uyitwaye yahetse abana babiri nta n'uwaramira undi igihe habaye ikibazo, bityo turongera kubihanangiriza tubibutsa kubahiriza ibikubiye mu bwishingizi bafite.”

Yavuze ko ibikorwa bya Polisi byo gufata abarenga ku mabwiriza agenga umuhanda n'uburyo bwo kuwugendamo bakabangamira urujya n'uruza bizakomeza, uzabifatirwamo wese akabihanirwa.

Yaburiye abazi ko bahinduye nimero ziranga ibinyabiziga byabo ko bakwihutira kubikosoza, batarafatwa kuko ibi ari ibikorwa bizakomeza abazabifatirwamo bakabikurikiranwaho.
Ingingo ya 31 y'Itegeko no 042/2023 ryo ku wa 02/08/2023 rigenga gutwara abantu n'ibintu ku butaka no mu mazi, ivuga ko Umuntu ukora umwuga wo gutwara abantu cyangwa ibintu mu nzira nyabagendwa akoresha ikinyabiziga gifite ubwishingizi kandi akubahiriza ibibukubiyemo.

Ingingo ya 276 mu itegeko riteganya ibyaha n'ibihano muri rusange, ivuga ko; Umuntu wese, ku bw'uburiganya, wandika, wandikisha ibintu bidahuye n'ukuri cyangwa ukora imenyekanisha ritari ryo afatwa nk'uwakoze icyaha cyo gukora ibihimbano.

Iyo abihamijwe n'urukiko, ahanishwa igifungo kitari munsi y'imyaka itanu (5) ariko kitarenze imyaka irindwi (7) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.

Ni ishusho, ni isura benshi mu bakunzi ba Rayon Sports bari bategereje kuzibonera, abahoze bayobora iyi kipe bahuye, intego ari imwe ari ukunga ubumwe bagafasha ikipe bahoze bayobora.

Igicu cyacyeye, izuba rirarasa maze akanyamuneza gataha imitima ya benshi, icyizere kiraza nyuma yo kubona abagabo barimo Dr Rwagacondo, Muvunyi Paul, Paul Ruhamyambuga, Gacinya Chance Denis, Gakwaya Olivier, Claude Mushimire, Me Muhirwa Freddy, Mugano Justin, Twagirayezu Thadée n’abandi bahuye bahujwe n’umugambi wo kuvugutira umuti ibibazo biri muri Rayon Sports

Uyu munsi w’amateka wabaye ku wa Kabiri w’iki Cyumweru tariki ya 17 Nzeri 2024.

Ubundi bahuye bate, bahujwe nande?

Bitewe n’ibibazo by’imiyoborere byari mu ikipe ya Rayon Sports bigasaba ko leta ibyinjiramo, byabaye ngombwa ko basaba abahoze bayobora iyi kipe kujya ku ruhande maze tariki ya 24 Ukwakira 2020 hatorwa Uwayezu Jean Fidele.

Uyu mugabo ku wa Gatanu w’icyumweru gishize ni bwo yatangaje ko yeguye ku nshingano ze kubera uburwayi.

Byabaye ngombwa ko Ngoba Roger Aimable wari visi perezida wa Rayon Sports ariko ameze nk’uweguye ari we ugaruka mu nshingano.

Amakuru ISIMBI yamenye ni uko yahamagaye bamwe mu bahoze bayobora Rayon Sports abasaba ko baza bakamufasha akareba ko yasoza iyi manda izarangira mu kwezi gutaha bagategura andi matora.

Bivugwa ko bamubwiye ko batanze gufasha ikipe ariko basabwe kwigira ku ruhande, bamusabye kuvugisha Minisiteri ya Siporo (nk’urwego rwahawe gukemura iki kibazo) yamubwira ko nta miziro bagifite biteguye kuza kandi bagatanga n’amafaranga afatika, gusa byanze bo ntacyo bakora.

Bamwemereye guhita bishyura ibirarane by’imishahara ikipe yose ifite aho amakuru avuga ko nka Muvunyi Paul yemeye kwishyura ukwezi kwa 8 abandi bagashaka andi.

Imbogamizi bafite ni ukuba barasabwe kujya ku ruhande abandi abazanywe bagakora.

Gasogi United ishobora guturwa umujinya wose…

Aba bagabo bafashe umwanzuro wo gufasha Roger na Olivier bayoboye ikipe aho babikora nk’abafana basanzwe.

Bivugwa ko bababajwe bikomeye na perezida wa Gasogi United, KNC wavuze ko ku wa Gatandatu mu mukino w’umunsi wa 4 wa shampiyona bafitanye ari bwo Gasogi United izacyura umugore wa yo (Rayon Sports).

Ku wa Kabiri (ejo hashize) bigizwemo uruhare na DR Rwagacondo yahuje aba bagabo bahoze bayobora Rayon Sports ngo bafashe Roger gutegura uyu mukino bazahe Gasogi United isomo rya ruhago.

Ku ikubitiro bakaba bashyiriyeho abakinnyi agahimbazamusyi k’ibihumbi 100 Frw mu gihe bakegukana amanota 3, gusa gashobora kwiyongera.

Hakusanyijwe kandi hafi miliyoni 15 Frw zo gufasha ikipe kwitegura uyu mukino. Aya akaba azahuzwa n’ayo Special Team (abahoze hafi ya Uwayezu Jean Fidele) na bo barimo gukusanya ngo bategure umukino wa Gasogi United.

Hari uwiteguye kugaruka mu buyobozi bwa Rayon Sports?

Muri iyi nama hibajijwe niba mu gihe Minisiteri ya Siporo nk’urwego rwari rwahawe gukemura iki kibazo na mbere ruvuze ko nta miziro bagifite, bagize uwo bahamagara yakwemera.

Ni ikibazo cyatanzweho ibitekerezo binyuranye ariko banzura ko abarimo bagifite imbaraga mu gihe bakitabazwa bagomba gusubira mu buyobozi bwa Rayon Sports.

Bamwe mu bahoze mu buyobozi bwa Rayon Sports biyemeje gufasha Roger

Ibi yabitangaje ubwo yasuraga urwo rugomero akareba aho imirimo yo kurwubaka igeze. Kabera yasuye urwo rugomero ari kumwe n'Umuyobozi Mukuru wa Sosiyete y'u Rwanda ishinzwe Ingufu, (REG), Zingiro Armand n'abandi bayobozi aho banasuye indi imishinga itandukanye y'ibikorwaremezo bigamije kongera ingufu z'amashanyarazi mu Rwanda.

Urugomero rw'Amashanyarazi rwa Nyabarongo II, ruri kubakwa na Sosiyete yitwa Sino Hydro Corporation. Ruri kubakwa ku buso bwa hegitari 600 mu turere twa Rulindo na Gakenke mu Majyaruguru ndetse na Kamonyi mu Majyepfo.

Iyo sosiyete yagombaga kuba yamaze kubaka urwo rugomero mu Ukuboza 2026 ariko igaragaza ko hari imbogamizi zatumye icyo gihe rutazaba rwuzuye.

Ni ho uyu munyamabanga wa Leta muri MININFRA yahereye asaba iyo sosiyete yubaka urwo rugamero gukora ibishoboka byose rukaba rwuzuye bitarenze intangiriro za 2027.

Kugira ngo ibyo bigerweho, Kabera yasabye ubuyobozi bwa REG gukomeza gukurikirana iyo mirimo yo kururangiza ndetse abakozi barwubaka bagakora amanywa n'ijoro.

Yasabye kandi inzego bireba ko habaho koroherezwa mu buryo bwo gutumiza mu mahanga no kwakira ibikoresho byo kubaka urwo rugomero ntibitinde mu nzira, mu bubiko bwa za gasutamo nka MAGERWA n'ahandi.

Yasabye kandi ko REG yareba uburyo yongerera ubumenyi abakozi bubaka urwo rugomero ku buryo ab'Abanyarwanda barimo basigarana ubumenyi buhagije mu gukurikirana, kubaka no gusana ingomero z'amashanyarazi zitandukanye.

Abo bayobozi bombi kandi basuye ibindi bikorwa nyegereye ahari kubakwa urwo rugomero bishobora kuzagirwaho ingaruka na rwo basaba ko byitabwaho mbere ntihagire ikiba imbogamizi kuri uwo mushinga.

Kubaka Urugomero rw'Amashanyarazi rwa Nyabarongo II Byatangiye mu 2022 rukaba rugomba gutanga megawati 43.5 ku ngano y'amashanyarazi mu Gihugu.

Kabera Olivier, Umuyobozi Mukuru wa REG n’uhagarariye sosiyete yubaka urwo rugomero baganira

Uru rugomero rukora ku turere dutatu

Batemberejwe ibice bitandukanye birugize

Beretswe aho imirimo yo kurwubaka igeze

Byabereye mu murenge wa Ntyazo, mu Kagari ka Cyotamakara mu Mudugudu wa Bayi, ku wa 16 Nzeri 2024, mu masaha ya saa saba na 25'.

Urupfu rw'uwo mwana witwa Twagirayezu Dieudonné rwabaye nyuma yo kujya mu kizenga cy'amazi cyacukuwe n'umuturage wo muri kariya gace agamije kujya yuhira imbuto ze z'avoka na makadamiya.

Ubwo uwo mwana yari kumwe na mugenzi we bajyanye koga, we yararohamye kugeza apfuye, ndetse na mugenzi avamo yasomye amazi menshi kubera kumufata akamukomeza cyane ashaka ko amurengera.

Umuyobozi w'Akarere ka Nyanza, Erasme Ntazinda, yemeje iby'uru rupfu, avuga iyo mpanuka yatewe n'amazi yagomewe n'umuturage agamije kuvomerera imbuto ze, abana bagiyemo bagiye kwigishanya koga umwe akarohama agapfa.

Ati 'Yarohamye mu cyuzi cy'umuntu ku giti cye, cyari kihamaze iminsi, yakigomeye yuhira imyaka ye. Ubusanzwe cyajyaga kinagira abakirinda banarinda imirima, ariko icyo gihe ntibari bahari. Abana rero bagiye kucyogamo,mugenzi we amwigisha koga,n'uko amurusha ibiro ararohama, arapfa.''

Meya Ntazinda yakomeje yihanganisha umuryango wagize ibyago, anavuga ko umurambo wa Nyakwigendera wahise ujyanwa mu Bitaro bya Nyanza gusumwa,nyuma uhita ushyingurwa.

Hirya no hino mu gihugu hakunze kumvikana imfu z'abana barohama mu bizenga byakozwe na muntu, akenshi bigaterwa n'uko biba birimo imisitwe myinshi, aho uguyemo biba bigoye ko yabasha kwikuramo.

Ababyeyi bagirwa inama zo kurinda abana kujya mu bizenga nk'ibyo ariko kandi n'ababikoresha mu nyungu zitandukanye bagasabwa kubirinda abana.

Umwana wo mu karere ka Nyanza w’imyaka 15 yarohamye mu kizenga arapfa

Inakunze kuberamo imurika rito ry'indege ku Kibuga Mpuzamahanga cy'Indege cya Kigali, igahuza abo mu nzego zitandakanye muri Afurika bari mu bijyanye n'ubwikorezi bwo mu kirere.

Amakuru ajyanye n'iyo nama u Rwanda rwaherukaga kwakira mu 2022, yamenyekaniye mu ya 2024 yari iri kubera i Gauteng muri Afurika y'Epfo. U Rwanda rwayihagarariwemo n'Umunyamabanga wa Leta muri Minisiteri y'Ibikorwaremezo, Olivier Kabera.

Ni inama yigirwamo byinshi bijyanye n'uko ubwikorezi bwo mu kirere bwakomeza gutezwa imbere ariko hanibandwa ku mbogamizi ibihugu by'uyu mugabane biri guhura na zo.

Ni inama u Rwanda rugiye kwakira mu gihe na rwo rukomeje guteza imbere urwego rw'ubwikorezi, ibinakomeje kuba intandaro y'inyungu itaziguye ku gihugu.

Nk'ubu mu ntangiriro z'uku kwezi Raporo ya Minisiteri y'Imari n'Igenamigambi (Fiscal Risk Statement) 2024/2025 yagaragaje ko amafaranga RwandAir yinjije mu 2023 yiyongereyeho 80% ugereranyije n'umwaka wari wabanje.

Iyi raporo igaragaza ko RwandAir yinjije miliyari 620.6 Frw mu 2023, avuye kuri miliyari 341 Frw mu 2022.

Bijyana kandi no guteza imbere abari mu ruhererekane rw'ubwikorezi bwo mu kirere binyuze muri gahunda zitandukanye, ibigira u Rwanda igicumbi cy'ubwo bwikorezi haba muri Afurika no mu Isi muri rusange.

Nk'ubu muri Kamena 2024 Ikigo cy'u Rwanda gitanga ubumenyi mpuzamahanga mu bijyanye n'indege za gisivile (Rwanda Civil Aviation Training & Innovation Center: RCATIC).

Byari ku mpamvu zo kurema abanyamwuga bahagije bakora mu bijyanye n'ubwikorezi bwo mu kirere, abanyeshuri bagahabwa ubumenyi bwose busabwa bujyanye n'iby'indege.

RCATIC yahawe n'Ikigo cy'Igihugu gishinzwe Indege za Gisivile, RCAA, icyemezo kiyemerera gutanga amahugurwa haba ku Banyarwanda n'abanyamahanga babishaka, icyemezo gishimangira ko ubumenyi iki kigo gitanga bugezweho ku rwego mpuzamahanga.

U Rwanda rwahawe kwakira inama ihuza abo mu bwikorezi bwo mu kirere izaba mu 2025

Ubushakashatsi ku bigo bishya by'ubucuruzi bishingwa mu Rwanda bugaragaza ko ibigo birenga 92% ari ibito cyane ku buryo bikoresha abakozi bari hagati y'umwe na batatu gusa.

Ikibazo gikomereye uburezi bw'u Rwanda kigaragara mu mibare y'abanyeshuri binjira mu mashuri abanza ari benshi ariko abajya mu mashuri yisumbuye bakaba bake cyane, muri kaminuza ho bigahumira ku mirari.

Raporo ivuga ku bukungu bw'u Rwanda igaragaza ko abakora mu buhinzi no mu bakora mu nganda ari ho higanje abakozi bafite ubumenyi buke.

Igaragaza ko 98% by'abakora ubuhinzi bize amashuri y'ibanze, ni ukuvuga uva mu cyiciro rusange gusubiza hasi, harimo n'abatarageze mu ishuri.

Banki y'Isi igaragaza ko mu ngeri ziri kwinjiriza u Rwanda amafaranga menshi nk'abakora mu nganda barimo abafite amashuri y'ibanze ari 78% mu gihe abandi 80% bagaragara mu bucukuzi bw'amabuye y'agaciro.

Umuyobozi wa Banki y'Isi mu Rwanda, Sahr Kpundeh yagaragaje ko ubukungu bw'u Rwanda bwakomeje kwihagararaho mu myaka ishize, ariko hakiri inzitizi mu kugera ku bukungu bushingiye ku bumenyi mu gihe ireme ry'uburezi rikiri hasi.

Ati 'Urwego rw'ubumenyi mu Rwanda ruracyari hasi ugereranyije n'aho igihugu cyifuza kugana, kuko umubare w'abari mu mirimo bafite amashuri y'ibanze cyangwa munsi yaho ni benshi cyane ugereranyije no mu karere,”

“Gushyira imbaraga zihagije mu kwigisha imyuga n'ubumenyi ngiro, by'umwihariko abana badafite amahirwe yo kwiga, no kunoza uburyo abantu bakwigira mu mirimo nk'imenyerezamwuga no kwigishwa n'ababisanzwemo ni bimwe mu bifasha kwigisha ubumenyi ngiro.'

Visi Perezida wa Kabiri w'Urugaga rw'Abikorera, PSF, Kimenyi Aimable yagaragaje ko abikorera biteguye gutanga umusanzu mu guha abanyeshuri imenyerezamwuga, ariko hari benshi bagenda bafite ubumenyi butakijyanye n'igihe, abandi bafite imyitwarire igayitse.

Yashimangiye ko hakenewe impinduka mu byo abanyeshuri bigishwa bikajyanishwa n'ibikenewe kuko n'abari mu bucuruzi bibahombya cyane.

Ati 'Abaduha abanyeshuri bagomba guhinduka ku itegeko, nimfata igicuruzwa cyanjye nkagishyira ku isoko kidafitemo agashya kirangarukira, ndahomba kandi guhomba ni ko gupfa k'umucuruzi. Ntabwo ari uko amashuri atigisha ariko ibintu yigishaga mu myaka 10 ishize, niba utarabihindura ntabwo urajya ku isoko [ry'umurimo]. Umuntu utaragiye ku ishuri araza yiyigishe, avugane wenda n'umubyeyi we uzi guhinga yigishe umwana we wowe uve mu ishuri ry'ubuhinzi bakwigishe batarageze mu ishuri.'

Banki y'Isi igaragaza ko abanyeshuri bize muri Carnegie Mellon University Africa hafi 95% basoje amasomo bahise babona akazi mu bigo nka BionTech. Ni mu gihe abize mu mashuri makuru y'imyuga n'ubumenyi ngiro babonye akazi ari 52.3%.

Umunyamabanga wa Leta muri Minisiteri y'Uburezi, Claudette Irere yagaragaje ko igihugu gikora ibishoboka ngo ireme ry'uburezi rigerweho bityo ibyo umunyeshuri yiga bizagira uruhare mu iterambere ry'igihugu.

Ati 'Guhugura abarimo no gushyira imbaraga mu bumenyi bukenewe cyane nko mu buvuzi n'izindi ngeri Guverinoma ibona ari ingenzi mu iterambere ry'ubukungu, hanyuma hakabaho no gukoresha ikoranabuhanga yaba mu mitegurire ya politike no mu myigishirize,”

“Ibi ni ibishyizwemo imbaraga kandi byitezwe kugerwaho mu gihe gito n'ikiringaniye, tuzi neza ko ubumenyi dutanga uyu munsi ari bwo buzagira uruhare rukomeye mu kugera ku cyerekezo 2035 na 2050.'

Minisitiri Irere yahamije ko amasomo yo kuva mu mashuri y'incuke kugera kua myaka itatu ya mbere y'abanza agomba gushyirwamo imbaraga, by'umwihariko abana bajya mu mashuri y'incuke bakazava kuri 35% mu 2023 bakagera kuri 65% mu 2029.

Umuyobozi wa Banki y'Isi mu Rwanda, Sahr Kpundeh yagaragaje ko ubukungu bw'u Rwanda bwakomeje kwihagararaho mu myaka ishize

Minisitiri Claudette Irere yagaragaje ko hari ingamba zafashwe mu kuzamura uburezi bw’u Rwanda

Abafatanyabikorwa batandukanye bagaragaje ko hakenewe kuziba icyuho kigaragara mu bumenyi n’ibigaragara ku isoko ry’umurimo

Ibiganiro byahuje impande zitandukanye byibanze ku ruhare rw’uburezi bufite ireme mu iterambere ry’ubukungu bw’igihugu

Umuyobozi Mukuru muri PSF Rwanda, Kimenyi Aimable yagaragaje ko hakenewe impinduka mu bumenyi abanyeshuri bajyana mu imenyerezamwuga

Amafoto: Kwizera Herve

Aya mashusho yatangiye guhererekanwa cyane kuva mu cyumweru gishize. Ndetse, bamwe mu bakoresha imbuga nkoranyambaga bagiye babiteramo urwenya, umwe akavuga ko amashusho yamugezeho, agasaba abantu kumwandikira muri ‘DM’ kugirango ayabagezeho.

Ni amashusho ajya hanze nyir’ubwite abigizemo uruhare, cyangwa se yatiza telefone ye agakurwamo, ku buryo yisanga yagiye hanze. Hari umwe mu bo byabayeho mu minsi ishize ahitamo gukuraho telefone, kugira ngo abantu badakomeza kumwoherereza ubusa bwe!

Umunyamideli Mbabazi Shadia wamenye nka Shaddbyoo kuri murandasi, aherutse kuganira n'abamukurikira ku rubuga rwa Instagram, agaragaza ko kimwe mu bintu yicuza, ari uko yakandagije ikirenge cye mu Isi y’ikoranabuhanga.

Yabwiye ababyeyi kurinda abana babo izi mbuga, bitewe n’ibyo yahuriyemo. Ati 'Kwishyira hanze(ku mbuga nkoranyambaga) niryo kosa rya mbere nakoze, urabyumva ? njye ndi kukubwira ukuri, ntabwo ari ukugira abagukurikira benshi (Followers) nzi byinshi kuri izi mbuga.'

Akomeza ati 'Niba ufite abana cyangwa uzabagira, wowe utekereza ko ushaka kuza kuri izi mbuga nizere ko witeguye ibintu bizakubaho, hari ibyo mutekereza mu mitwe yanyu ariko ntabwo murabona, ariko umunyabwenge yakwihutira gusoma ibijyanye n'izi mbuga nkoranyambaga, ikintu nababwira murinde abana banyu, buri mugore wese cyangwa ufite umwana amurinde izi mbuga kuko ntabwo ari ikintu cyiza.'

Yabwiye abangavu birukira kujya ku mbuga nkoranyambaga kwitonda, kuko ibyo babona byose bishyirwaho atari ukuri. 

Ati'Ikintu nabwira abana bose bajya ku mbuga nkoranyambaga nizere ko bazi icyo bashaka kugeraho, biriya bintu byose babona ntabwo ariko biba bimeze kuko abantu bari hanze aha ni ababeshyi, imbuga nkoranyambaga zakuzamura pe, ku bijyanye n'ubushabitsi (Business), ariko nushaka kubaho mu buzima bw'undi muntu bizakugora mu buzima bwawe, ubu ushobora kumva ko ubu umeze neza ariko bidatinze uzabibona bigusigira igihombo gikomeye.'

Yakomeje agira ati 'Buri mwana wese cyangwa abangavu ndabizi ko bamwe baba bari kunkurikira, izi mbuga ntabwo ari ikintu cyiza , mwicare mwige, muhange amaso ibifatika, aha nta by'ukuri bihaba , tekereza ku hazaza h'ubuzima bwawe.'

Umuvugizi w’Urwego rw’Igihugu rw’Ubugenzacyaha (RIB), Dr. Murangira B. Thierry yabwiye itangazamakuru, kuri uyu wa Kabiri tariki 17 Nzeri 2024, ko nka RIB bamaze igihe babona abantu basakaza amashusho y’urukozasoni ku mbuga nkoranyambaga, kandi ni imyitwarire igayitse, abantu badakwiye gushyigikira.

Ati “Nta bunyangamugayo burimo! Ndetse, ibyo bikorwa bimwe bigize ibyaha ibyo abantu barimo …Nk’uko wabyise ngo ni amarushanwa, koko urabona biteye isoni biragayitse.”

Yavuze ko nk’urwego avugira hari iki gukorwa mu rwego rwo gushyira akadomo kuri iki ibazo. Akomeza ati “Nka RIB rero turabibona hari ikiri gukorwa.”

Dr.Murangira yasobanuye ko imyitwarire y’umuntu ku mbuga nkoranyambaga, igaragaza imico ye n’uburere umuntu afite. Kandi binashimangira ikigero cy’imitekerereze afite.

Ati “Imyitwarire yawe ku mbuga nkoranyambaga izahita ikugaragaza uwo uriwe. Turabibona, biragayitse, harimo ibiri gukorwamo ibyaha, kandi hari ikiri gukorwa, kuko bigomba gucika byanze bikunze.'

Ku wa 1 Kanama 2020, Urwego rw'Igihugu rw'ubugenzacyaha, RIB rwerekanye abakobwa bane bari mu kigero cy'imyaka 18 na 27 y'amavuko batawe muri yombi bakurikiranyweho icyaha cyo gutangaza amashusho y'urukozasoni binyuze kuri internet.

Umwe muri bariya bakobwa asobanura uko byagenze kugirango amashusho yabo ajya hanze, yagize ati 'Yaratubwiye (umusore wabasabye kwifata ayo mashusho) ngo icya mbere ashaka ni abareba ibyo yerekana (views). Nuko dukora video twerekena ubusa bwacu turabimwemerera, turamubwira tuti nitugera mu rugo ufungure konti yawe tujyeho imbonankubone.'

Ku wa 1 Kanama 2020, RIB yerekanye abakobwa bakekwagaho icyaha cyo gutangaza amashusho y'urukozasoni binyuze kuri internet

Umuvugizi w’Urwego rw’Igihugu rw’Ubugenzacyaha (RIB), Dr. Thierry Murangira yatangaje ko biteguye guca ibikorwa byo gusakaza amashusho y'urukozasoni ku mbuga nkoranyambaga

Yabitangaje mu kiganiro cyihariye yagiranye na InyaRwanda, cyagarutse ku myiteguro y’umukino ikipe yashinze ‘Gasogi United’ izakiramo Rayon Sports, uzabera kuri Sitade Amahoro, ku wa Gatandatu tariki 21 Nzeri 2024.

Ni umukino udasanzwe, kuko KNC awufata nk’ugomba kumufasha gukomeza kuyobora urutonde rwa Shampiyona muri iki gihe. Ati “Nta na rimwe Rayon Sports iravuga ngo itsinze Gasogi ugiye kubibara byose ukabireba, kandi umukino wacu ntabwo ari umukino wo kujenjeka iba ari ‘Derby’ inakaze…”

Yungamo ati “Turabizi ko ntabwo izaba ari umukino woroshye abantu bagomba no kubyumva […] Ndatekereza ko uyu mukino tugomba gutanga ibyo dufite byose ku kigero cya 120 ku 100.”

Uyu mugabo washinze Radio/TV1, yumvikanishije ko ikipe ye yiteguye mu buryo bwose, kandi arashaka gutahana amanota 3 uko byagenda kose. Mu rwego rwo gufata neza abazitabira uyu mukino, yawuhuje n’ibikorwa by’imyidagaduro, aho Dj Marnaud n’abandi bazacuranga umuziki mu rwego rwo gususurutsa abantu.

KNC yumvikanishije ko buri mukino wose azajya yakira ukamuhuza n’amakipe akomeye, azajya awuhuza no gutumura abahanzi bakomeye, ari nayo mpamvu mu gihe yitegura no kuzakina na APR FC, yatangiye gutekereza uko yatumira Yvonne Chaka Chaka cyangwa se Alpha Blondy.

Ati “Ku mukino wacu na APR FC ntekereza ko mu bijyanye n’imyidagaduro hagati ya Yvonne Chaka Chaka na Alpha Blondy, harimo umwe uzaza gutaramira abantu muri Sitade Amahoro.”

“Ntabwo Gasogi izongera gukina ‘Derby’ atari muri mu Amahoro (Sitade) ibyo ntibizongera, munabimenye ko urwego twaruzamuye abandi mukiri muri ibyo bintu byanyu mugumeyo.”

Gasogi United izakira APR FC mu mukino uzaba ku wa Gatatu tariki 23 Nzeri 2024, guhera Saa Moya z’ijoro.

Yvone Chaka Chaka asanzwe ari inshuti y’akadasohoka ya KNC, kuko mu 2018 bataramanye mu gitaramo gikomeye “Legends A Live” KNC yari yateguye cyabereye muri Kigali Conference and Exhibition Village ahazwi nka Camp Kigali. Ni igitaramo kandi cyaririmbyemo Israel Mbonyi, Bruce Melody, Alyn Sano n'abandi.

Ni cyo gitaramo KNC yaririmbyemo ashyira akadomo ku rugendo rwe rw’umuziki, kandi yamurikaga Album ye yise 'Heart Desire'. Ndetse, mu kiganiro na InyaRwanda, yavuze ko yahagaritse umuziki, ariko ko atekereza gushyira imbaraga mu kwandikira indirimbo abahanzi banyuranye.

Ibyo wamenya kuri Yvonne Chaka Chaka

Yvonne Ntombizodwa Chaka Chaka yavukiye i Dobsonville muri Soweto. Yakuriye mu buzima butoroshye kuko Se yitabye Imana ubwo yari afite imyaka 11, Nyina Mama yari umworozi. Kandi yafunguye inzozi ze ubwo yatangiraga kuririmba afite imyaka 19 mu 1984.

Ni umuririmbyi, umwanditsi w'indirimbo, rwiyemezamirimo, akaba n'umwe mu baharanira uburenganzira bwa muntu; hejuru y'ibyo ni umwarimu. Benshi bakunze ku mwita 'Umwamikazi wa Afurika', ni izina yabonye guhera mu 1990 ubwo yakoraga ibitaramo.

Mu ndirimbo nyinshi zanyuze benshi hari; “I’m Burning Up”, “Thank You Mr Dj”, “I Cry for Freedom”, “Motherland” ndetse n'indi yatumye ahorana ikuzo “Umqombothi” (“African Beer”). Iyi ndirimbo “Umqombothi” yaririmbye mu muhango wabereye mu Rwanda muri 2004.

Afite ku isoko Album zirimo nka: I’m Burning Up (1986); Sangoma (1987), Thank You Mr. DJ (1987), I Cry For Freedom (1988), The Power of Afrika (1996), Back On My Feet (1997), Bombani (Tiko Rahina) (1997), Princess Of Africa: The Best of Yvonne Chaka Chaka (1999), Yvonne and Friends (2000), Yvonne and Friends (2001), Kwenzenjani (2002), Princess of Africa, Vol. 2 (2002), Celebrate Life (2006).

Ibyo wamenya kuri Alpha Blondy

Seydou Koné wamamaye mu muziki nka Alpha Blondy ni umuhanzi w'icyatwa muri Côte d’Ivoire.

Yabonye izuba ku wa 01 Mutarama 1953, avukira i Dombokro. Ni umuhanzi wiyeguriye injyana ya Reggae w'umuririmbyi w'umwanditsi w'indirimbo, yagwije ibigwi mu gihe amaze mu muziki. Indirimbo ze yazubakiye kuri Politiki n'ubuzima busanzwe, aziririmba mu ndimi zitandukanye zirimo; Dioula, Igifaransa n'Icyongereza rimwe na rimwe akanakoresha Icyarabu. 

Alpha Brondy yakunzwe mu ndirimbo zitandukanye nka “Guerre Civile”, “Jerusalem” , 'Brigadier Sabari', “Journalistes en danger” n'izindi. Mu bihe bitandukanye yagiye agera mu Rwanda mu bitaramo n'ibirori yabaga yatumiwemo nka Kigali Up Music Festival n'ibindi. 

Amaze gushyira hanze alubumu nka: Jah Glory! (1982), Cocody Rock!!! (1984), Apartheid Is Nazism (1985), Jérusalem (1986), Revolution (1987), The Prophets (1989), S.O.S Guerre Tribale (1991) n'izindi.

KNC yatangaje ko ateganya gutumira Yvonne Chaka Chaka cyangwa se Alpha Blondy ubwo bazaba bakiriye APR FC ku mukino uzabera kuri Sitade Amahoro
Yvonne Chaka Chaka yabaye umuhanzikazi wagwije ibigwi mu muziki wa Afurika, ndetse n’inshuti y’igihe kirekire ya KNC 

Alpha Blondy yagiye agirira ibihe byiza mu Rwanda, cyane cyane mu maserukiramuco anyuranye yagiye yitabira

 

Ku wa 27 Nyakanga 2018, Yvonne Chaka Chaka yahuriye ku rubyiniro na KNC mu gitaramo cyabereye muri Camp Kigali

KANDA HANO UBASHE KUREBA IKIGANIRO CYIHARIYE TWAGIRANYE NA KNC

“>

Ibi binajyana n'uko amanota abanyeshuri babonaga mu siyanse (Sciences), gusoma, imibare n'abandi yagabanutse cyane ku kigero kiteze kibaho.

Urubuga rwa HelpGuide rwo rwigeze gusohora inyandiko irimo ko imbuga nkoranyambaga zubatse mu buryo zigutwara igihe kuko zituma uzikoresha igihe kirekire kandi ugahora ushakisha ibishya byashyizweho n'abantu banturanye.

Ni mu gihe Lynne w'imyaka 10 avuga ko iyo ari kureba ibyashyizwe ku mbuga nkoranyambaga atamenya igihe iminota yahindukiye amasaha. Mbese, kuri we biragoye ko yashyira hasi telefoni ngo akore ibintu by'ingenzi aba ateganya kwitaho.

Ariko kandi ukurikije amagambo avugwa mu Imigani 14:15, bigaragara ko ukwiye kwitondera no kutizera buri jambo ryose rivuzwe. Hagira hati 'Umuntu wese utaraba inararibonye yizera ijambo ryose rivuzwe, ariko umunyamakenga yitondera intambwe ze.'

Andrew Kaung wabaye Umusesenguzi ku ikoreshwa ry'urubuga rwa Tik Tok, mu kazi yakoze mu gihe cy'amezi 19 (hagati y'Ukuboza 2020 na 2022), yigeze kuvuga ko abakoze imbuga nkoranyambaga bafite ikoranabuhanga, rituma babasha ku kugenera ibyo ureba cyangwa se usoma bajyanishije n'ibyo ukunze gushakisha (Search).

Bivuze ko kuba imbata y'imbuga nkoranyambaga bituruka mu bushobozi bw'ubwonko bwawe, igihe umara uzikoresha ndetse n'ibyo ukunda kureba.

Yavuze ati ''Socia Media Algorithm' ni ubuhanga bwa mudasobwa bukoreshwa n'imbuga nkoranyambaga mu kubara no guhuza ibyo umuntu akora kuri izo mbuga maze zigashyira (recommend) 'content' runaka kuri 'feeds' yawe ushobora kuba wareba.'  

Urubuga rwa TikTok rugezweho muri iki gihe, rufite abakozi barenga 40,000 bagenzura ko abantu bareba ibintu bitabangiza. Kandi banafite uburyo buri imbere muri uru ruganda bwo kugenzura ibirebwa n'urubyiruko gusa.

Ubuyobozi bwa TikTok buherutse kubwira BBC ko bufite uburyo 'buri imbere muri uru ruganda' bwo kugenzura ibirebwa n'urubyiruko, kandi ifite abakozi barenga 40,000 bo kugenzura ko abantu bareba ibintu bitabangiza.

Muri iyi minsi imbuga nkoranyambaga zabaye nzakagendana! By'umwihariko, inkundura y'abazikoresha mu gusakaza ubwambure bw'abandi mu Rwanda, gusebanya ubutitsa, ibiganiro byuzuye amatiku n'ibindi binyuranye byuzuye kuri izi mbuga.

Ubushakashatsi bumaze gukorerwa ku bantu banyuranye, bigaragara ko hari umubare munini w'abantu biyahuye kubera imbuga nkoranyambaga, ariko kandi hari n'abandi bazahajwe na 'Depression' kubera izi mbuga zashinzwe n'abantu n'abo ubwabo banyuze mu bihe by'ubwigunge.

Ushobora gufungwa hafi imyaka 10

Mu kiganiro aherutse kugirana na Televiziyo Rwanda, Umuvugizi w'Urwego rw'Igihugu rw'Ubugenzacyaha (RIB), Dr. Murangira B. Thierry, yatangaje ko abakoresha imbuga nkoranyambaga bakwiye kumenya amategeko azigenga, kuko zabaye umudugudu utuwe na buri wese.

Ati 'Abo bantu bose bakoresha imbuga nkoranyambaga nabi baba bazi neza 100% ko ibyo bakora ari icyaha. Iyo babikora bihisha inyuma y'utuzina biyita ariko barafatwa kandi bagahabwa ibihano bitewe n'ibyo bakoze.'

Dr Murangira yanavuze ko abakoresha nabi imbuga nkoranyambaga, bakwiye no kumenye ko hari ibihano bikarishye, birimo no gufungwa kugeza ku myaka 10.

Ati 'Niba ari ugutangaza ibihuha hari amategeko ahari abihana, niba ari ukwiyitirira umwirondoro w'undi, niba ari ugukwirakwiza ingengabitekerezo ya Jenoside, niba ari uguhamagarira abantu kwanga abandi, niba ari ugukoresha imvugo zivangura abantu cyangwa gukwirakwiza ibikorwa by'urukozasoni, ibyo byose hari amategeko abihana kandi hazamo n'ibihano by'igifungo kuva ku myaka itanu kugeza ku myaka 10.'

Yasobanuye ko hari abakoresha imbuga nkoranyambaga nk'ahantu ho kuruhurira umutima, bumvikanisha ibibazo by'ubuzima banyuzemo nyamara ari ukubeshya, ahubwo bagamije ko abantu babagirira impuhwe bakaba amafaranga- avuga ko ibi nabyo bidakwiye.

Ati 'Ibintu byaje byo kuruhura umutima ku mbuga nkoranyambaga bisenya umuryango kuko iyo ugiye hariya ukavuga ukuntu wari indaya, umwana wawe najya ku ishuri bazamuserereza bati 'dore wa mwana ufite mama we w'indaya cyangwa papa we w'umusinzi'. Ibyo rero ntabwo bikwiriye, hari ubuzima bwite buba butagomba kuvugirwa mu ruhame.'

Ku mbuga nkoranyambaga, hakorerwaho ibyaha

Mu Ukwakira 2022, Umunyeshuri wa Kaminuza muri Nigeria yafunguwe nyuma y'ibyumweru bibiri byari bishize akurikinyweho gusebya Aisha, umugore wa Perezida Muhammadu Buhari kuri X [Yahoze ari Twitter].

Yarekuwe nyuma y'uko abashinjacyaha baretse ibirego byabo kuri we 'ku mpamvu z'impuhwe'. Ariko kandi, imbere y'urukiko uyu musore Adamu yari yahakanye gukwiza 'inkuru z'impuha.'

Mu butumwa bwo kuri X, uyu musore yavuze ko ibyo yakoze 'Ntabwo nashakaga kubabaza intekerezo zawe'- Abwira Aisha, umugore wa Perezida wa Nigeria.

Uganda yigeze gushyiraho umusoro ku bakoresha imbuga nkoranyambaga

Muri Nyakanga 2018, Polisi yigeze gukoresha imbaraga z'umurengera mu gutatanya ibihumbi by'abantu biraye mu mihanda bamagana ku mugaragaro umusoro ku bakoresha imbuga nkoranyambaga.

Icyo gihe abantu babiri batawe muri yombi, mu bihumbi by'urubyiruko bumvikanishaga ko barambiwe ibyemezo bifatwa n'ubutegetsi buriho.

Iyi myigaragambyo yayobowe ahanini n’abahanzi, abanyamakuru, n’abanyapolitiki. Icyo gihe Bobi Wine wabaye Umudepite yagize ati 'Turi kwigaragambya kubera ko uyu musoro udashyize mu gaciro, unyuranyije n’itegeko-nshinga, kandi wibasiye urubyiruko rwa Uganda. Rero ntituzawemera kandi turawamaganye.”

Ifoto yasakajwe ku mbuga nkoranyambaga ari mu gitaramo yamugejeje muri gereza

Bisa n'aho umwaka wa 2022 utahiriwe Liliane Mugabekazi, kuko ubwo yari yitabiriye igitaramo Umufaransa Tayc yakoreye muri BK Arena, yafashwe ifoto igaragaza imyambaro y'imbere, ubundi ahinduka igitaramo ku mbuga nkoranyambaga.

Ariko, byongeye ubukana ahanini bitewe n'uburyo n'ikiganiro yakoze asobanura ko kwambara kuriya byari mu murongo wo gitinyura abandi. Ati 'Tinyuka urashoboye.'

Yarafashwe arafungurwa, arekurwa ku wa 19 Kanama 2022. Mu iburanisha, yarezwe ibiterasoni bishingiye ku ifoto yafashwe muri icyo gitaramo. Yari yatawe muri yombi ku itariki ya 7 Kanama 2022.

Ubushinjacyaha bwamuregaga gukorera ibiterasoni mu ruhame, bumusabira gukomeza gufungwa iminsi 30 y’agateganyo.

Mu rukiko yiregura, Mugabekazi yavugaga ko atigeze ajya mu gitaramo yambaye ubusa kuko iyo biba ari ko byagenze abapolisi bari ku muryango w’iyo nyubako batari kuba bamwemereye kwinjira.

Yavuze ko mu gitaramo hagati ikoti rye ryaje gufunguka, umuntu atazi akamufotora, kandi ko kuba yaragaragaye yambaye gutyo byabazwa uwamufotoye.

Dr Murangira agereranya imbuga nkoranyambaga nk'inkota y'amugi abiri

Dr. Murangira aherutse kuvuga ko mu myaka itanu ishize, hakurikiranwwe ibirego (Cases) 113, harimo abakekwa 136. Mu 2019/2020 hakurikiranywe ibirego 21, 2020/2021 hakurikiranwe ibirego 24, 2021/2022 hakirwa ibirego 20, 2022/2023 hakurikiranwa ibirego 16 naho 2024 kugeza iki gihe hakurikiranwa 32.

Dr. Murangira avuga ko Itegeko Nshinga ryemerera buri wese gutanga ibitekerezo bye, ariko asabwa gutanga ibitekerezo bitabangamira ituze rya rubanda, cyangwa bikurura umwiryane muri rubanda.

Yavuze ko imbuga nkoranyambaga ari inkota y’amugi abiri, bityo buri wese akwiye kuyikoresha mu buryo budasenya abandi. Kandi nta muntu ukwiye gutanga ibitekerezo yitwikiriye imbuga nkoranyambaga.

Ati “Menya ko imbuga nkoranyambaga ari inkota y’amugi abiri. Iyo uyikoresheje nabi ishobora ku gukeba. Ni ukuvuga ngo bwa bwisanzure nabi, za mbuga nkoranyambaga nabi ugwa mu mutego wo guhanwa n’amategeko, wayikoresha neza nabwo ikisanzura.”

Bamwe bariyahura abandi 'Depression' yarabazahaje

Hari abavuga ko umubare w'abantu bakoresha 'Smartphones' wiyongereye cyane mu Isi kurusha uburoso bw'amenyo. Ndetse, imibare yo mu 2022, igaragaza ko mu Bwongereza, hafi 91% by'abana batunze izi telefoni ngendanwa zuzuye ikoranabuhanga.

Iyi mibare kandi igaragaza ko, muri Amerika abana hari hagati y'imyaka icyenda na 11, batunze izi telefoni bari ku kigero cya 37%. Ni mu gihe abana bari hagati y'imyaka 9 n'imyaka 16 mu bihugu 19 byo mu Burayi, abakoresha telefoni za 'smartphones' bangana na 80%.

Muri Werurwe 2023, Ishami ry'Umuryango ryita ku buzima ryasohotse inyandiko ryavuzemo, ko 3.8% by'abatuye Isi bugarijwe n'agahinda gakabirije (Depression). Abagore barangana na 4% n'aho abagabo ni 6%. Ni mu gihe abakuze bari hejuru y'imyaka 60 bangana na 5.7%.

Iyi nyandiko ivuga ko muri rusange abantu Miliyoni 280 aribo bugarijwe na 'Depression' ku Isi hose. Kandi agahinda gakabije kibasira cyane abagore kurusha abagabo.

Abagore nibura 10% ku Isi bigeze kubyara, bugarijwe n'agahinda gakabije. Ni mu gihe iyi raporo yagaragaje ko nibura abantu 700,000 biyahura buri mwaka. Kandi kwiyahura ni kimwe mu bintu bine bitera impfu z'abantu bari hagati y'imyaka 15 na 29.

Dr. Leonard Sax yigeze kuvuga ati 'Uko umara igihe ku mbuga nkoranyambaga bituma wigereranya n'abandi, ukumva ubabaye kandi wihebye.

Ku wa 26 Ukwakira 2023, ikinyamakuru ETV Bharat cyatangaje ko umusore uri mu kigero cy’imyaka 16 yiyahuye nyuma y’uko ashyira amashusho kuri konti ye ya Instaram yakirizwa ibitutsi ibihumbi, bituma atekereza ko wa muryango mugari yizeraga wamutereranye.

Ibiterekezo bya benshi bamubwiye ko akwiye gusubiza iriya video yari yashyizeho. Iki kinyamakuru cyavuze ko uyu musore atishimiye ibitekerezo yakiriye kuri Instagram bituma yiyahura.

Yari umwe mu bari bazwi cyane mu Buhinde mu bakoresha imbuga nkoranyambaga, kuko yakoraga ‘Video’ zari zubakiye ku kwigisha abantu ibijyanye n’ubwiza.

Ubushakashatsi ku bipimo by'iterambere ry'itangazamakuru mu Rwanda bwakozwe mu 2018 (Rwanda Media Barometer 2018) bwerekanye ko mu bantu babajijwe, 18% bakoresha imbuga nkoranyambaga mu gushaka amakuru. Uwo mubare wari 9.4% mu bushakashatsi nk'ubwo mu 2013.

Ubu bushakashatsi bwagaragaje ko WhatsApp ari rwo rubuga rukoreshwa cyane, kuko abarukoresha bavuye kuri 14% mu 2013 bagera kuri 65.5% muri 2016. 

Gukoresha imbuga nkoranyambaga bisaba gushishoza, no kwitwararika kugirango utaba imbata yazo

Ku itariki 21 Nzeri 2024 ni bwo Gasogi United izakira Rayon Sports mu mukino w’umunsi wa kane wa Shampiyona y’u Rwanda 2024-25, umukino uzabera kuri Stade Amahoro.

Ni umukino Gasogi United ikomeje gutegura mu buryo bukomeye cyane ndetse  byatangiye guca amarenga ko uzaba ari umukino ukomeye cyane haba mu kibuga no mu myidagaduro. 

Ni umukino kandi Gasogi United ishaka gutsinda ikaguma kuyobora urutonde rwa shampiona y’u Rwanda 2024-25, cyane ko kugeza ubu ari iya mbere n’amanota 7.

Mu kiganiro Perezida wa Gasogi United KNC yagiranye na InyaRwanda Tv kuri uyu wa Kabiri, yashimangiye ko ku itariki 21 Nzeri 2024, abakunzi ba Rayon Sports bazataha barira kubera gutsindwa na Gasogi United kuri Stade Amahoro.

KNC yijeje abakunzi ba APR FC ko azabahanira Rayon Sports kuko abafana bayo ngo bakoze amakosa yo gufana Pyramid yo mu Misiri ubwo yanganyaga na APR FC mu mikino ya CAF Champions League. Ibyo gufana Pyramid, KNC yabifashe nk’ikosa rikomeye, rigomba kuzahanwa na Gasogi United. 

Yagarutse kuri Kapiteni wa Rayon Sports, Muhire Kevin uherutse kumvikana asubiza umwe mu bafana ba Gasogi United bari bari gushyushya uyu mukino, avuga ko nta mukinnyi wo guterana amagambo n’abafana, ashimangira ko ubwo umukino wamunaniye hakiri kare. 

KNC yavuze ko gutegura uyu mukino wa Gasogi United na Rayon Sports ari ibintu byizweho cyane kuko ari umukino uzaba uryoheye abakunzi ba ruhago ndetse n’abatayikunda. 

Nubwo igikorwa nyamukuru ari umukino uzahuza Rayon Sports na Gasogi United, Perezida wa Gasogi yavuze ko hazaba hari ibyamamare bikomeye byo mu Rwanda ku buryo n’abakunda kwidagadura badahejwe. 

Ijoro rya Gasogi United na Rayon Sports mu mboni za KNC ni ahantu heza abakundana bagirira ibihe byiza mu rukundo rwabo, cyane ko hazaba hari ibyo kunywa n’ibyo kurya bihendutse. 

Yavuze ko ari umukino uzaba uriho umuziki mwiza uzaba uyobowe na DJ Marino, umusangiza w’amagambo Muyango n’ibindi bihangange mu gice cy’imyidagaduro. 

Mu magambo akomeye, KNC yavuze ko kuba ikipe ayoboye yaranganyije na Amagaju, bitamubabaje ahubwo byamweretse ubushongori n’ubukaka bw’ikipe ayoboye. 

Ibi abishingira ku kuba Gasogi United yarabanjwe ibitego bibiri, ariko abasore be bakaguma mu mukino, maze umukino ukarangira amakipe yombi anganyije ubusa ku busa. 

Kugeza ubu, Gasogi United ni iya mbere muri Shampiyona y’u Rwanda 2024-25 aho ifite amanota 7. Yatsinze umukino wa Mukura na Marines FC, mu gihe uwo yakinnye na Amagaju yawunganyije. 

Rayon Sports yo, kugeza ubu ifite amanota 2 gusa. Imikino ibiri imaze gukina, yanganyije na Marines FC, irongera inganya na Ama gaju FC. 

KNC avuga ko azatsinda Rayon Sports agahorera APR FC

REBA HANO IKIGANIRO INYARWANDA TV YAGIRANYE NA KNC