Category: Uncategorized

Ni amarushanwa azajya aba buri cyumweru cya nyuma cya buri kwezi. Nubwo aya marushanwa azajya akinwa mu cyumweru cya nyuma, muri uku kwezi kwa Nzeri si ko bimeze kuko ubuyobozi bw’ishyirahamwe bwahisemo kuyashyira mu cyumweru cya mbere.

Impamvu ni uko mu mpera z’uko kwezi hazaba harimo gukinwa irushanwa mpuzamahanga rya Rwanda Open M25 riteganyijwe gutangira ku wa 23 Nzeri kugeza ku wa 6 Ukwakira 2024, rikazabera ku bibuga bya IPRC Kigali.

Amanota abakinnyi bazabona muri aya marushanwa ni yo ishyirahamwe ry’Umukino wa Tennis rizajya rishingiraho rikora urutonde ngarukakwezi rw’uko abakinnyi bakurikiranye (National ranking) mu byiciro bitandukanye uhereye ku bana (Juniors) batarengeje imyaka 12 (U12), abatarengeje 14, 16 na 18 ndetse n’abakuru (Elites) mu bahungu n’abakobwa. 

Uru rutonde ni na rwo abatoza bazajya bifashisha mu guhitamo abakinnyi bazajya bahagarira igihugu mu marushanwa mpuzamahanga atandukanye u Rwanda ruzajya rwitabira. Urutonde rw’uko abakinnyi bakurikirana, ni na rwo ruzagenderwaho hatoranywa abanyarwanda bazitabira Irushanwa rya Rwanda Open M25 rizatangira i Kigali mu cyumweru gitaha. 

Gutegura bene aya marushanwa ni umwe mu myanzuro yafatiwe mu nama yateranye ubwo hasozwaga Irushanwa Mpuzamahanga ryabatarengeje imyaka 18 (ITF World Tennis Tour Juniors Grade 4) rizwi nka J60 riherutse kubera i Kigali. 

Ni inama yari iyobowe na Perezida w’Ishyirahamwe ry’Umukino wa Tennis, Theoneste Karenzi ndetse Ntwali Thierry umukozi w’ishyirahamwe mpuzamahanga ry’umukino wa Tennis ushinzwe iterambere ry’uyu mukino mu karere ka Afrika y’Uburasirazuba bw’Afurika (ITF Regional Development Officer).

Asobanura ibijyanye naya murushanwa, Karenzi yavuze ko amarushanwa mpuzamahanga u Rwanda rugenda rwakira yatumye rutekereza gutegura iry’abakinnyi b’abanyarwanda gusa, mu rwego rwo kubategura neza bityo na bo bakabasha kwitwara neza mu marushanwa mpuzamahanga ari imbere. 

Amarushanwa nk’aya yaherukaga mu myaka 20 ishize, akaba agarutse mu rwego rwo kongera urwego rwabakinnyi.

Icyo Aya marushanwa azafasha: 

U Rwanda rwagiye rwakira amarushanwa mpuzamahanga atandukanye, yewe rukanahagararirwa mu byiciro bitandukanye mu bahungu no mu bakobwa. Mu marushanwa akomeye u Rwanda rwagiye rwakira harimo Billie Jean King Cup mu bakobwa, ITF Juniors(J60), Rwanda Open M25 na Rwanda Challenger mu bagabo. 

Abakinnyi ntabwo bagiye bahirwa cyangwa ngo banyurwe n’umusaruro babona muri aya marushanwa, akenshi bagahuriza ku kuba nta marushanwa menshi babona yo gukina nka bagenzi babo bo mu bindi bihugu bakunze kwiharira Ibihembo.

Karenzi asanga hari inyungu abana babanyarwanda bagiye bakura mu kwakira Aya marushanwa. Yagize ati: 'Mu by’ukuri kwitabira aya marushanwa bisaba amikoro. Ni nayo mbogamizi abana bacu bahura nayo. Bagongwa n’ikibazo cy’ubushobozi bityo ntibabashe kwitabira amarushanwa yo hanze y’igihugu.'

'Imwe mu nyungu rero zo kwakira aya marushanwa ni uko bidufasha kwegereza abana bacu amarushanwa bityo bikaborohera kuyitabira. Ni amahirwe baba babonye yo kwipima n’abakinnyi mpuzamahanga bakomeye bakabigiraho byinshi muri uyu mukino.'

Karenzi yakomeje avuga ko kwakira amarushanwa aba ari amahirwe ku bakinnyi bo mu Rwanda yo kwigaragaza ku ruhando mpuzamahanga. Ati: 'Ni byo koko umusaruro bakura muri aya marushanwa ntabwo ari wo tuba twifuza. Icyo aba bana b’abanyamahanga barusha abacu ni uko bakina amarushanwa menshi. Turizera rero ko aya marushanwa yo ku rwego rw’igihugu azabafasha kuzamura urwego.'

Nyuma ya buri rushanwa, hashyizweho 'ranking system' aho amanota buri mukinnyi yabonye muri buri rushanwa azajya yandikwa. Uko abakinnyi bahagaze ku rutonde (National ranking) ni byo abatoza n’ishyirahamwe bazajya bagenderaho mu guhitamo abakinnyi bazajya bahagararira igihugu mu marushanwa atandukanye u Rwanda ruzagenda rwitabira. 

Urugero, mu guhitamo abakinnyi bazitabira Rwanda Open M25 yuyu mwaka wa 2024, hazagenderwa ku rutonde rwa Nzeri rwakozwe bitewe n’uko abakinnyi bitwaye mu marushanwa afungura yabaye ku wa 9 Nzeri 2024 ku bibuga bya IPRC Kigali. 

Ni na rwo rutonde ruzajya rwifashishwa mu guhitamo abakinnyi bahabwa ‘Scholarships’ z’umukino wa Tennis n’andi mahirwe atandukanye abakinnyi bazagenda babona. Kuba amarushanwa ari ngarukakwezi bivuze ko n'urwo ruzajya ruhinduka buri kwezi bitewe nuko abakinnyi bitwaye.

Uko amarushanwa afungura yagenze

Amarushanwa yatangiriye mu cyiciro cy’abahungu ariko mu gihe kiri imbere hazongerwamo n’icyiciro cy’abakobwa. Rugikubita Ishimwe Claude ni we wegukanye irushanwa rifungura ryabaye ku wa 9 Nzeri 2024 ku bihuga bya IPRC Kigali. 

Ishimwe yatwaye iri rushanwa atsinze Muhire Joshua ku mukino wa nyuma seti 2-0 ISHIMWE Claude (6-3, 6-2). Ishimwe kandi afatanyije na Niyigena Etienne, batwaye irushanwa ryabakina ari babiri nyuma yo gutsinda ku mukino wa nyuma Muhire Joshua na Ngarambe Yvan seti 2-0 (6-3, 6-2).

Uko abakinnyi bakurikirana 

Uko abakinnyi bakurikirana ndetse n’amanota batsinze ku giti cyabo 

Ishimwe Claude niwe nimero ya mbere muri Tennis yo mu Rwanda 

Raporo ya Netizens igaragaza ko ku rutonde rwa telefone 10 zihenze mu 2024, higanjemo telefone z’amatushi, telefone za iPhone ariko za cyera kuko nta iPhone byibuza 7 irimo kuzamura.

Umwihariko w'izi telefone nyinshi ni uko zikozwe mu mabuye y'agaciro nka Zahabu, Diyama ndetse n'andi atandukanye afite agaciro gahambaye muri iki gihe.

Dore telefone 10 zihenze cyane ku Isi

1.    Falcon Supernova iPhone 6 Pink Diamond

Ku 48,500,000$ [64,790,422,500 Frw] ni yo usabwa gutanga kugira ngo wibikeho iyi telefone  yakozwe n'ikigo cya Falcon giherereye muri Leta Zunze Ubumwe za Amerika. Nubwo nta bindi bintu bidasanzwe bigize iyi telefone, umwihariko wayo ni Diyama na Zahabu ziyiriho.

Ubusanzwe, iyi telefone ni iya iPhone 6 ariko umwihariko wayo ni Diyama isa nka Pink ikikijwe na Zahabu ishashagirana.

2.    iPhone 4s Elite Gold

Iyi ni telefone igura agera kuri 9,400,000$ ikaba ikorwa n'uruganda rwa Stuart Hughes, ikaba ari iPhone 4s ariko umwihariko wayo ukaba ari uko ikozwe muri Diyama na Zahabu, biyihesha agaciro k'umurengera ariko na none imikorere yayo ikaba iri hejuru ugereranyije na iPhone 4s isanzwe.

3.    iPhone 4 Diamond Rose Edition

Kugeza ubu iPhone 4 ikomeje guca agahigo ko guhindurwa cyane kandi agaciro kayo kagakomeza kuzamuka ku rwego ruri hejuru. Iyi telefone ikorwa na Stuart Hughes, igura 5,000,000$ kubera umwihariko wa Diyama na Zahabu bayiseguye mu ikorwa ryayo.

4.    iPhone 3G Kings button

Ni telefone yahanzwe n'Umunya-Austrie witwa Peter Alisson ayishyiramo Zahabu, ikaba igura 2,500,000$.

5.    Gold striker iPhone 3GS supreme rose

Iyi niyo telefone ya Gatanu ihenze ku Isi, ikaba n'iya Gatanu ya iPhone ihenze ku Isi aho igura 1,930,000$ ikaba yarakozwe n'umwongereza Stuart Hughes.  Yakozwe n'iyi nzobere mu gukora telefone, yayishyizeho umwihariko wa Zahabu.

6.    Diamond crypto smartphone

Iyi niyo telefone ya mbere y’amatushi ihenze, ikaba ifite umwihariko wo kugira ibanga cyane ku buryo nta muntu wapfa kumenya amakuru ayirimo. Utunze agatubutse wifuza gutunga iyi telefone yikokora asaga 1,300,000$.

7.    Goldvish Le million

Ntihambaye mu gufotora, ntifite ububiko bw'igitangaza ahubwo Diyama iyikoze iyigira igitangaza, ikaba ariyo telefone ya mbere yakorewe mu Busuwisi ihenze aho ku isoko igura 1,000,000$.

8.    Gresso Luxor Las Vegas jackpot

Uyibonye wagira ngo ni gatushi imwe buri muturage afite kandi imikorere yayo nta kidasanzwe kirimo ariko bimwe mu mwihariko wayo harimo garama 128 za Zahabu na garama 9,1 za Diyama bituma igiciro cyayo kigera kuri 1,000,000$.

Iyi telefone ikorwa n'Ikigo Gresso gifite icyicaro gikuru muri Leta Zunze Ubumwe za Amerika ariko ibirango byacyo bikaba byanditswe mu Busuwisi.

9.    Goldvish revolution

Iyo nta Diyama cyangwa Zahabu iri kuri iyi telefone, agaciro kayo ni $100 ariko iyo yashyizweho Diyama na Zahabu igurwa 490,000$.

Iyi telefone ikorwa n'ikigo Goldvish cyo mu Busuwisi, kiyiha umwihariko wo kuba mu biyigize harimo garama 5,8 za Diyama na zahabu igera kuri garama 3,6.

10.                       Virtue signature cobra

Ni telefone ikikijwe n'ikirango cy'inzoka y’incira (Cobra) ikaba ifite ubushobozi buhambaye mu kwerekana amashusho aremereye kandi akagaragara neza ndetse Zahabu na Diyama ni bimwe mu biyigize, ikaba yihagazeho cyane.

Ku mafaranga 310,000$, nibwo washobora kwibikaho iyi telefone ikorwa na Vertu, ikigo giherereye mu Bwongereza kizwiho gukora no gucuruza telefone zihenze. Cyatangijwe na Nokia ifite inkomoko muri Finlande, ahagana mu 1998.

 

Umuherwekazi wo muri Uganda wibera muri Afurika y’Epfo, Zari Hassan yavuze ko Ivan Semwanga atari ‘romantic’ ahubwo ibintu bye yabigaragarizaga mu kumuha impano zihenze ni mu gihe Diamond we akunda umuntu akamwitaho mu buryo bwose.

Ni mu kiganiro yanyujije kuri YouTube aho yaganiraga n’umuhungu we w’ubuheta Raphael Tlale yabyaranye yamubajije ikintu kigaragaza urukundo umuntu yamukoreye kikamukora ku mutima.

Zari mu kumusubiza yagize ati “papa wanyu ntabwo yari ‘romantic’. Yazaga ampa amafaranga. Iyo nashakaga imodoka nshya yagurishaga iyo natwaraga akanzanira inshya. Sinzi niba byari urukundo cyangwa ari uko yari ashoboye kubikora.”

Raphael yamubwiye ko wenda ari bwo buryo se yari afite bwo kumugaragariza urukundo.

Amubajije kuri Diamond Platnumz, yagize ati “buri wese arabibona. Diamond aba ari mu buzima bw’umugore we.”

Yavuze ko yakiriye impano nyinshi mu buzima bwe kandi zihenze ariko icyamushimishije kuruta ibintu ni umutima uba yabikore.

Zari Hassan yavuze ko Diamond na Ivan Semwanga batandukanye

Ivan Semwanga we ngo ni ugutanga amafaranga gusa

Diamond Platnumz ngo iyo yakunze umugore arabimwereke

Mu minsi mike ishize nibwo umwaka w'amashuri mushya wa 2024/2025 watangiye ndetse uzana n'impinduka mu bijyane n'imitegurire y'amafunguro abana bafatira ku ishuri mu Karere ka Huye,aho hashyizweho gahunda yo kujya bagemurirwa ibishyimbo bitetse bivuye mu ruganda rubitunganya rwubatse mu Karere ka Huye.

Ibi ngo byakozwe muri gahunda yo kugabanya ikiguzi byatwaraga kirimo inkwi nyinshi, umwanya munini wo kubitora kuko akenshi byabaga byuzuyemo amabuye ndetse n'igihe kirekire byatwaraga bitetswe nk'uko ubuyobozi bw'akarere bubitangaza.

Icyakora iyi gahunda igitangira yahise igaragaza bimwe mu bibazo byagoye abagombaga kuyishyira mu bikorwa, nk'aho hari aho ibyo bishyimbo byageragaho byakererewe cyane abana batakibiriye.

Binavugwa ko hari aho ibyo bishyimbo bitageraga bigatuma abana batarya cyangwa bakarya nabi.

Nyirishema Venuste, Umuyobozi w'ishuri ribanza rya Rukara, mu Murenge wa Huye, yabwiye IGIHE ko nubwo hajemo imbogamizi, ngo iyi gahunda yababereye nziza kuko yakuyeho imirimo imwe n'imwe yagoraga abo mu gikoni.

Ati 'Ubu ibishyimbo bitugeraho bihiye binagishyushye biri mu bicuba kuko twe tunatuye hafi y'umuhanda kandi turi no mu murenge umwe n'uruganda ruteka ibi bishyimbo. Duhita tubisuka mu mboga bari gutekera abana. Ubona ari ibintu bizatubera byiza nibikomeza gutya.''

Mugenzi we uyobora ishuri ribanza ryo mu Murenge wa Kigoma utashatse ko amazina ye atangazwa, yavuze ko nk'umurenge witaruye aho uruganda rwubatse, iyi gahunda igitangira yabagoye kuko hari n'aho ibishyimbo bitageze ku munsi wa mbere.

Yakomeje avuga ko na n'ubu ababagemurira baza bijujuta bavuga ko ari kure, bakibaza uko bizagenda igihe noneho hazaba hajemo n'imvura imihanda inyerera.

Ati 'Iyi gahunda iracyarimo ibibazo kuri twe turi kure y'uruganda, noneho dufite impungenge zikomeye ko mu gihe imvura izaba iguye; imihanda yacu ni mibi cyane, tubona hari n'igihe iminsi izajya ishira ari myinshi bitaratugeraho, tukabura icyo tugaburira abana.''

Umuyobozi w'Akarere ka Huye wungirije ushinzwe imibereho myiza , Kankesha Annonciathe, yatangarije IGIHE ko nabo bamenye imbogamizi zabayeho.

Ati''Twarabimenye ko hari utubazo twajemo bigitangira , kubera ko imodoka z'uruganda zikwirakwiza ibyo bishyimbo mu mashuri zabanje kuba nkeya ariko ubu barabikosoye. Ubundi dufitanye amasezerano n'uruganda ko bagomba kugeza ibishyimbo ku bigo byose bitarenze saa tanu za mu gitondo, kugira ngo babyongeremo imboga, saa sita abana barye.''

Kankesha yakomeje amara impungenge abavuga mu bihe by'imvura hari aho bazajya babura ibishyimbo kubera ubunyerere bw'imihanda.

Ati 'Nta kigo kizigera kibura ibishyimbo kuko uruganda rufite n'uburyo bwo kubifunga bikamara amezi atandatu yose ntacyo biraba, urumva ko nta kibazo bazagira, bashobora kubashyira ibyo bakoresha hagati y'iminsi itatu kugera ku mezi.''

Yongeyeho ko banafite gahunda yo gushishikariza abaturage gukora imiganda kugira ngo imihanda ibe itunganye, bityo bijye byorohera abagemurira abana kubikora.

Hari bimwe mu bigo by'amashuri byagaragaje ko no muri iki cyumweru hari ibigo byari bikigerwaho n'iryo funguro ry'ibishyimbo bitinze mu mirenge ya kure nka Rwaniro na Kigoma, aho havugwa ikigo kimwe byagezeho saa saba zirenga z'amanywa, kandi abana bakabaye barangije kurya.

Mu kubigemura hari n’ahitabazwa utumoto tuzwi nka Lifan mu kugeza ibishyimbo ku mashuri

Uru ruganda rusanzwe rugemura ibishyimbo bihiye binapfunyitse ku isoko mu maguriro

Byabereye wa Mudugudu wa Kacyiru, Akagari ka Ntendezi, Umurenge wa Ruharambuga, Akarere ka Nyamasheke ku wa 16 Nzeri 2024.

Saa saba z'amanywa ubwo Nsengiyumva yari mu kazi ko gutwara insina yatereraga umuturanyi we, abana bari hanze mu rugo rw'iyo nzu y'imbaho nibwo yabonye ko inzu ye iri gushya.

Abaturanyi n'ubuyobozi bihutiye kuhagera ngo bazimye iyo nkongi ariko biba iby'ubusa kuko umuriro wari mwinshi cyane aribyo byanatumye ikongeza n'igikoni ndetse n'ubwiherero byose birakongoka.

Nsengiyumva avuga ko mu byahiriye mu nzu harimo televiziyo ya 200 000Frw, ikimasa cy'ibihumbi 700Frw, inkwavu n'ibindi bikoresho byo mu nzu byose hamwe bifite agaciro ka 2 450 000Frw

Umunyabanga Nshingwabikorwa w'Umurenge wa Ruharambuga, Vestine Nayigize yabwiye IGIHE ko ku bufatanye n'abaturage bari gushaka uko bashumbusha uyu muryango wahuye n'iki kibazo.

Ati 'Ntabwo turamenya icyateye inkongi. Uko bisanzwe bigenda iyo hari umuturage ugize ikibazo nka kiriya, dukorana n'abaturage tukamufasha binyuze mu buryo bw'imiganda no kumuremera. Nk'umurenge icyo turakora ni uko turamukorera ubuvugizi mu karere'.

Uyu muryango uvuga ko nta muntu bari bafitanye ikibazo ugakeka ko iyi nkongi ishobora kuba yaturutse ku muriro w'amashanyarazi.

Muri Werurwe 2022 ni bwo Urugereko Rwihariye rw'Urukiko Rukuru mu Rwanda ruburanisha ibyaha byo ku rwego mpuzamahanga n'iby'ibyambukiranya Imipaka ruherereye i Nyanza, rwahanishije Mugimba igifungo cy'imyaka 25.

Ni igihano Mugimba wanabaye umukozi muri Banki Nkuru y'u Rwanda, BNR yakatiwe nyuma yo guhamywa ibyaha birimo gucura umugambi wo gukora Jenoside no kuba icyitso mu gukora Jenoside.

Ni icyemezo Mugimba yajuririye. Mu rubanza rw'ubujurire rwatangiye ku wa 16 Nzeri 2024, hagarutswe cyane ku gucura umugambi wa Jenoside yakorewe Abatutsi mu 1994, hashingirwa ku bijyanye n'uko ku wa 08 Mata 1994, Mugimba yakiriye iwe mu rugo rwari ruherereye i Nyakabanda mu Mujyi wa Kigali, inama yari igamije kwica Abatutsi.

Icyo gihe hemejwe intonde z'Abatutsi bagombaga kwicwa, hemezwa n'ishyirwaho rya za bariyeri n'uburyo haboneka imbunda zo gukoresha mu kwica Abatutsi nk'uko byagarutsweho n'umutangabuhamya.

Uyu mutangabuhamya uvuga ko yari muri iyo nama, yavuze mu buryo burambuye ku ruhare rwa Mugimba ku gukora urutonde rw'Abatutsi biciwe mu Nyakabanda ndetse akarenzaho no gutanga imbunda ku Nterahamwe.

Mugimba yahariwe umwanya wo kugaragaza impamvu yashingiyeho ajuririra icyemezo cy'urukiko rwamukatiye iyo myaka 25.

Mugimba wunganirwaga na Me Gatera Gashabana na Me Baragongoza Jean Damascene, yahakanye yivuye inyuma ibyo aregwa, avugwa ko ubuhamya bwatanzwe nta kuri kurimo.

Mugimba n'abamwunganira bavuze ko kuba Ubushinjacyaha buvuga ko muri iyo nama hari abakonsiye ba segiteri za Nyakabanda, Biryogo Gitega na Nyamirambo ariko umutangabuhamya akaza kuvuguruza ayo makuru avuga ko nta mukonsiye n'umwe bahuriyemo, bigaragaza ukuvuguruzanya mu mvugo.

Mugimba kandi yavuze ko hari ingingo z'abatangabuhamya be zimushinjura zirengagijwe n'urukiko, akabishingiraho avuga ko urubanza rufite inenge ndetse ko abamushinja ibyo byaha byose bashaka kwigarurira imitungo ye .

Yasabye urukiko kumugira umwere no guhita rumurekura kuko nta bimenyetso Ubushinjacyaha bwagaragaje bwashingirwaho ahamywa ibyaha byo gucura umugambi wa Jenoside no kuba icyitso cyayo.

Mbere y'uko Mugimba akatirwa imyaka 25, uyu musaza yari yasabiwe n'Ubushinjacyaha igifungo cya burundu.

Icyakora Urukiko rwari rwagaragaje ko impamvu y'imyaka 25 ari uko uburana atagoye urukiko mu rubanza.

Mugimba w'imyaka 65 y'amavuko yabaye umukozi wa Banki Nkuru y'u Rwanda (BNR) mu gihe cy'imyaka 12.

Yanabayeho Umunyamabanga Mukuru w'agateganyo w'Ishyaka rya CDR. Mu 2016 ni bwo u Buholandi bwamwohereje kuburanira mu Rwanda.

Mugimba Jean Baptiste ukurikiranyweho ibyaha bya Jenoside yakorewe Abatutsi yasabye kurekurwa

Ishyirahamwe ry’Umukino wa Tennis mu Rwanda ryatangije amarushanwa ngarukakwezi ku rwego rwigihugu azwi nka National Championship ku bakinnyi babanyarwanda mu byiciro byose.

Ni amarushanwa azajya aba buri cyumweru cya nyuma cya buri kwezi. Gusa ubwo aya marushanwa yatangiraga mu kwezi kwa Nzeri, ubuyobozi bw’ishyirahamwe bwahisemo kuyashyira mu cyumweru cya mbere kuko mu mpera z’uko kwezi hazaba harimo gukinwa irushanwa mpuzamahanga rya Rwanda Open M25 riteganyijwe gutangira ku wa 23 Nzeri kugeza ku wa 6 Ukwakira 2024 ku bibuga bya IPRC Kigali ari na byo bizajya bikinirwaho aya marushanwa agiye gutangizwa.

Amanota abakinnyi bazabona muri aya marushanwa ni yo ishyirahamwe ry’Umukino wa Tennis rizajya rishingiraho rikora urutonde ngarukakwezi rw’uko abakinnyi bakurikiranye (national ranking) mu byiciro bitandukanye uhereye ku bana (juniors) batarengeje imyaka 12 (U12), abatarengeje 14, 16 na 18 ndetse nabakuru (elites) mu bahungu ndetse nabakobwa.

Uru rutonde ni na rwo abatoza bazajya bifashisha mu guhitamo abakinnyi bazajya bahagarira igihugu mu marushanwa mpuzamahanga atandukanye u Rwanda ruzajya rwitabira.

Ni na rwo kandi ishyirahamwe rizagenderaho hatoranywa abanyarwanda bazitabira Irushanwa rya Rwanda Open M25 rizatangira i Kigali mu cyumweru gitaha.

Gutegura bene aya marushanwa ni umwe mu myanzuro yafatiwe mu nama yateranye ubwo hasozwaga Irushanwa Mpuzamahanga ry’abatarengeje imyaka 18 (ITF World Tennis Tour Juniors Grade 4) rizwi nka J60 riherutse kubera I Kigali.

Ni inama yari iyobowe na perezida w’Ishyirahamwe ry’Umukino wa Tennis bwana Theoneste Karenzi ndetse n’umukozi w’ishyirahamwe mpuzamahanga ry’Umukino wa Tennis ushinzwe iterambere ry’uyu mukino mu karere k’ibihugu by’ Iburasirazuba bw’Afurika (ITF Regional Development Officer) bwana Ntwali Thierry.

Asobanura ibijyanye n’aya murushanwa, Karenzi yavuze ko amarushanwa mpuzamahanga u Rwanda rugenda rwakira yatumye rutekereza gutegura iry’abakinnyi b’abanyarwanda gusa mu rwego rwo kubategura neza bityo na bo bakaba babasha kwitwara neza mu marushanwa mpuzamahanga ari imbere.

Amarushanwa nk’aya yaherukaga mu myaka 20 ishize, akaba agarutse mu rwego rwo kongera urwego rw’abakinnyi.

Icyo Aya marushanwa azafasha:

U Rwanda rwagiye rwakira amarushanwa mpuzamahanga atandukanye yewe rukanahagararirwa mu byiciro bitandukanye mu bahungu no mu bakobwa.

Mu marushanwa akomeye u Rwanda rwagiye rwakira harimo Billie Jean King Cup mu bakobwa, ITF Juniors(J60), Rwanda Open M25 na Rwanda Challenger mu bagabo, abakinnyi ntabwo bagiye bahirwa cyangwa ngo banyurwe n’umusaruro babona muri aya marushanwa akenshi bagahuriza ku kuba nta marushanwa menshi babona yo gukina nka bagenzi ba bo bo mu bindi bihugu bakunze kwiharira Ibihembo.

Karenzi asanga hari inyungu abana babanyarwanda bagiye bakura mu kwakira aya marushanwa.

Ati “Mu by’ukuri kwitabira aya marushanwa bisaba amikoro ari na yo mbogamizi abana bacu bahura na yo. Bagongwa n’ikibazo cy’ubushobozi bityo ntibabashe kwitabira amarushanwa yo hanze y’igihugu.'

'Imwe mu nyungu rero zo kwakira aya marushanwa nuko bidufasha kwegereza abana bacu amarushanwa bityo bikaborohera kuyitabira. Ni amahirwe baba babonye yo Kwipima n’abakinnyi Mpuzamahanga bakomeye bakabigiraho byinshi muri uyu mukino.'

' Ni byo Koko umusaruro bakura muri aya marushanwa ntabwo ari wo tuba twifuza. Icyo aba bana b’abanyamahanga barusha abacu ni uko bakina amarushanwa menshi. Turizera rero ko aya marushanwa yo ku rwego rw’igihugu Azabafasha kuzamura urwego.'

Nyuma ya buri rushanwa, hashyizweho 'ranking system’ aho amanota buri mukinnyi yabonye muri buri rushanwa azajya yandikwa.

Uko abakinnyi bahagaze ku rutonde (national ranking) ni byo abatoza n’ishyirahamwe rizajya rigenderaho mu guhitamo abakinnyi bazajya bahagararira igihugu mu marushanwa atandukanye u Rwanda ruzagenda rwitabira.

Urugero, mu guhitamo abakinnyi bazitabira Rwanda Open M25 y’uyu mwaka wa 2024 hazagenderwa ku rutonde rwa Nzeri rwakozwe bitewe n’uko abakinnyi bitwaye mu marushanwa afungura yabaye ku wa 9 Nzeri 2024 ku bibuga bya IPRC Kigali.

Ni na rwo rutonde Kandi ruzajya rwifashishwa mu guhitamo abakinnyi bahabwa scholarships z’umukino wa tennis n’andi mahirwe atandukanye abakinnyi bazagenda babona.

Amarushanwa yatangiriye mu cyiciro cy’abahungu ariko mu gihe kiri imbere hazongerwamo n’icyiciro cy’abakobwa.

Rugikubita Ishimwe Claude ni we wegukanye irushanwa rifungura ryabaye ku wa 9 Nzeri 2024 ku bihuga bya IPRC Kigali.

Ishimwe yatwaye iri rushanwa atsinze Muhire Joshua ku mukino wa nyuma seti 2-0 ISHIMWE Claude (6-3, 6-2)

Ishimwe kdi, afatanyije na Niyigena Etienne, batwaye irushanwa ry’abakina ari babiri nyuma yo gutsinda ku mukino wa nyuma Muhire Joshua na Ngarambe Yvan seti 2-0 (6-3, 6-2).

Rizatanga itike yo gukina Rwanda Open M25

Ni umwe mu myanzuro yafatiwe mu mwiherero w'iminsi ibiri wahuzaga abayobozi bo mu Karere ka Kayonza hagamijwe kurebera hamwe ibikorwa by'ingenzi bizakorwa mu myaka itanu iri imbere no gufatira hamwe ingamba zo kwihutisha iterambere no kuzamura imibereho y'abaturage.

Umwe mu myanzuro wafatiwemo ni uko bagiye kubaka inzu 50 zizubakwa n'imirenge muri gahunda yiswe 'Isano Dufitanye Iwacu', aho abaturage aribo bazabigiramo uruhare binyuze mu miganda.

Izindi nzu 62 zo zizubakwa mu Murenge wa Rwinkwavu kugira ngo zituzwemo abari batuye ahacukurwa amabuye y'agaciro.

Umuyobozi w'Akarere ka Kayonza, Nyemazi John Bosco, yavuze ko imwe mu myanzuro y'ingenzi bafatiye muri uyu mwiherero harimo ingamba zikomatanyije kandi zihuriweho zo gukemura ibibazo bibangamiye imibereho myiza y'abaturage.

Ati ' Twiyemeje ko ku nzu twari dusanganwe kugira izindi twongeraho binyuze mu mbaraga z'abaturage, ubuyobozi ndetse n'abafatanyabikorwa. Turateganya ko hari inzu 62 ziri bwiyongere ku zo twari dufite harimo no gukemura ikibazo cy'abazimurwa ahacukurwa amabuye y'agaciro. Ikindi ni ukwihutisha ishyirwa mu bikorwa ry'imishinga kugira ngo itange umusaruro ku baturage.'

Umunyamabanga Nshingwabikorwa w'Umurenge wa Rukara, Nyirabizeyimana Immaculée, yavuze ko inzitizi zituma umuturage ataba ku isonga babonye harimo kudakorera hamwe ndetse no gutanga serivisi inoze.

Yavuze ko bashingiye ku nama bahawe n'abandi bayobozi, bagiye kongera imbaraga mu gufasha abaturage kandi bakorera hamwe.

Umunyamabanga Nshingwabikorwa w'Umurenge wa Mwiri, Rukeribuga Joseph, yavuze ko bifuza kwegera umuturage bakamutega amatwi, bakumva ibibazo afite ndetse no kongeraho kumwereka inzira nziza yacamo ku buryo ibibazo afite byakemuka.

Hanzuwe ko udusantere tw'ubucuruzi n'imijyi bagomba kuba bafite irondo ry'umwuga hakanakurikiranwa uburyo bahembwamo. Andi marondo azajya akurikiranirwa ku Mudugudu.

Umuyobozi w'Akarere ka Kayonza, Nyemazi John Bosco, yavuze ko uyu mwiherero uzabafasha mu kwegera abaturage

Abayobozi bo mu Karere ka Kayonza biyemeje kwihutisha gahunda y'iterambere mu baturage