Author: webrwanda

Umuhanzi Nemeye Platini wo muri Dream Boys usigaye aririmba wenyine aho akoresha izina rya P, yavuze ko ari umufana ukomeye w’ikipe ya Mukura VS mu Rwanda.

Mu kiganiro yagiranye n’ikinyamakuru ISIMBI.RW, yavuze ko yakuze ari umukinnyi mwiza ndetse yanakiniye imwe mu makipe azwi mu Rwanda.

Yagize ati “umupira nawukinnye cyane nkiga mu mashuri yisumbuye, ni nabwo nakiniye ikipe y’Intare FC(ubu ni irerero rya APR FC), nakiniye kandi n’andi makipe mu cyiciro cya 3.”

Yakomeje avuga ko impamvu yaretse ruhago harimo gucika intege abona ntacyo yinjiza cyane no kuba impano y’umuziki yari imaze gusumba iya ruhago.

Yagize ati“navuga ko ari impano y’umuziki yari imaze gusumba iya ruhago, kuko nkirangiza amashuri yisumbuye muri 2007 nahise ntangira kwiruka mu muziki 2008 yose irashira umupira nywureka ntyo. Nk’uko ubivuze nta mafaranga nabonga biri mu byanciye intege.”

Platini avuga ko ari umufana ukomeye w’ikipe ya Mukura VS ndetse ngo umukinnyi yemera ni Iradukunda Jean Bertrand wa Gasogi United.

Yagize ati“njye mu Rwanda mfana Mukura VS. Buriya umukinnyi nemera ni Iradukunda Jean Bertrand, ni we rutahizamu ukomeye u Rwanda rufite ubu.”

Nemeye Platini, umuhanzi usigaye akora umuziki ku giti cye nyuma y’uko mugenzi we baririmbanaga muri Dream Boys ari we TMC agiye muri Amerika, uyu muhanzi asanzwe ari n’umufana ukomeye wa Manchester United yo mu Bwongereza

Iradukunda Jean Bertrand ni we mukinnyi yemera

Platini ngo umufana ukomeye wa Mukura VS

Michael Sarpong, rutahizamu wo muri Ghana avuga ko umuhanzi nyarwanda afana ari Safi Madiba.

Uyu mukinnyi avuga ko mu myaka ibiri amaze mu Rwanda ihagije kugira ngo hagire bimwe amenya birimo n’abahanzi ndetse n’indirimbo zimwe na zimwe.

Ni mu kiganiro yagiranye n’ikinyamakuru ISIMBI aho ahamya ko Safi Madiba ari we muhanzi nyarwanda wigaruriye umutima we.

Yagize ati“yego abahanzi bamwe na bamwe ndabazi. Umuhanzi w’umunyarwanda nkunda ni Safi Madiba.”

Yakomeje avuga ko zimwe mu ndirimbo ze akunda harimo Kontwari na I love you.

Yagize ati “ntabwo byoroshye kuzikubwira kuko wenda sinibuka amazina yazo ariko harimo iyo aheruka gusohora vuba yitwa I Love You, hari n’indi imaze minsi(umunyamakuru yamubajije niba ari Kontwari), yego rwose ndakeka ari iyo.”

Michael Sarpong yageze mu Rwanda muri 2018 avuye iwabo muri Ghana akaba yari aje gukinira Rayon Sports, akaba yarasoje amasezerano y’imyaka 2 ubu akaba ashobora kwerekeza muri Simba SC yo muri Tanzania.

Safi ni we muhanzi nyarwanda afana

Sarpong ngo amaze kumenya bamwe mu bahanzi nyarwanda