Kurambagiza ni ikintu urubyiruko rw’abakristo bashishikarira cyane, ariko kuramabagiza ku bakristo bisa n’aho bikomeye ugereranyije n’ikindi gice gisigaye cy’abatuye isi, kuko mugihe cyo kurambagiza ntidutekereza gusa ku kwishimisha gusa, ahubwo tugomba gutekereza kubihesha Imana icyubahiro.
Ikintu kimwe kidahesha Imana icyubahiro ni ukurambagiza utari umukristo kandi wowe uriwe. Hari impamvu nyinshi zibisobanura, reka turebe uko bigenda mugihe umuntu arambagije uwo badahuke ukwizera.
Kurambagiza umuntu utari umukristo, ntimusangizanya indangagaciro kuko muba mutazihuje
Abakristo dufite indangagaciro z’ingenzi dusigasira nk’inkingi y’ubuzima bwacu. Urugero, dufite indangagaciro yo gukunda abandi, iyi ni indangagaciro umuntu agomba gusangiza uwo ateganya kurushinga n’aho yaba atari umukristo, ariko hari izindi ndangagaciro zitoroshye gusangizanya.
Urugero, hariho indangagaciro za gikristo aho abantu bahurira ku bikorwa bitandukanye: kuramya, kwiga ijambo ry’Imana, n’ubucuti. Ariko iyo ukundana n’utari umukristo, ntabwo izi ndangagaciro muzisangizanya kandi ibi biragukomerera mu buzima bwawe. Aho kugirango uhorane inzitizi mu buzima bwawe, icyiza ni uko wahitamo uwo muhuje imyemerere ya gikristo mugasangizanya indangagaciro ku buryo bworoshye.
Iyo urambagiza umuntu utari umukristo, kurwanya ibigeragezo bishingiye ku mibonano mpuzabitsina birakugora
Hafi y’abatuye isi yose iyo umuntu ukuze bihagije atangiye kugira igitekerezo cyo gushinga urugo ni ukuvuga atangiye kurambagiza aba yumva ko intego ari ukuryamana n’umukunzi we.
Bityo, niba urambagizanya n’umuntu utari umukristo, agutegerejeho imibonano mpuzabitsina bitinde bitebuke. Ibi bizagukomerera kurinda ubwere bwawe no kwirinda imibonano mpuzabitsina mbere yo gushyingirwa.
Mugihe uzabasha kubisobanurira uwo urambagiza ko mutazaryamana, muri icyo gihe cy’ibigeragezo niwowe uzajya urwana nabyo wenyine kuko we ntabwo arizo ndangagaciro ze. Icyiza ni uko warambagizanya n’umuntu ushaka kurinda ubwere bwe ndetse n’ubwawe ku buryo bwose bushooboka.
Iyo urambagiza umuntu utari umukristo, urushako ruragukomerera
Niba urambagiza umuntu utari umukristo, hari ibintu bitatu bishoboka. Icya mbere, uzamara igihe cyawe uhindura uwo mwashakanye ngo abe umukristo, kandi urwo rugamba ruzagukomerera kuko mudahuje indangagaciro. Icya kabiri, uwo mwashakanye azahinduka umukristo ariko rimwe na rimwe atabyishimiye. Icya gatatu, ushobora kuzacika intege mu kwizera kwawe ugamije guha amahoro uwo mwashakanye.
Kurambagiza umuntu utari umukristo mugashakana bizagira ingaruka mbi ku bana muzabyara
Indi ngaruka mbi iba mu gushakana n’umuntu utari umukristo iza kubana. Mugihe Papa avuze ikintu kimwe na Maman akavuga ikindi, umwana bimubera urujijo, akabura uruhande ahagararamo. Mbese ni gute uzarera abana bawe? bazajya mu ishuri ry’Icyumweru (Sunday School) no mu matsinda y’urubyiruko? ese uzabigisha gusenga no gusoma Bibiliya?
Isi iravuga iti:”Wowe rambagiza! wigira ikibazo cyo gushaka!” Ariko abakristo bazi ko kurambagiza atariyo ntambwe ya nyuma, kandi urukundo ruba rufite ahantu rwerekeza. Iyo uhisemo kuramabagiza, kumva neza intego yabyo bizagufasha. Ugomba kurambagiza umuntu wumva ko mwashakana.
Ni gute wakwitwara mugihe wumva ushaka kurambagiza umuntu kandi ubibona ko atari umukristo?
Birashoboka ko ushobora gukunda umuntu (inkumi cyangwa umusore) ariko ubizi ko atari umukristo, nyamara ugakururwa n’ubwitonzi bwe, n’uburyo akururura
intekerezo zawe, nyamara ugatekereza ko azagukura mu byizerwa, wabigenza ute?
Niba utekereza muri ubu buryo, iyibutse ubwiza bw’Imana. Imana ifite umugambi mwiza ku buzima bwawe, kandi ukwiye kwihangana. Umugambi w’Imana buri gihe uba ari mwiza. Kurambagizanya n’umuntu utari umukristo incuro nyinshi bizakurwaza umutima.
Ni iki nafasha incuti yanjye irimo kurambagiza utari umukristo?
Umubare munini w’urubyiruko rw’abakristo babona incuti zabo zikora amahitamo mabi hanyuma bagashaka kubafasha. Bisaba kubyitondera. Ni ingenzi kudacira urubanza mugenzi wawe, ngo umuhe akato kuberako yakoze amahitamo mabi. Mwegere umubaze witonze impamvu akundana cyangwa arambagiza uwo muntu.
Mu kinyabupfura mwereke zimwe mu ngingo wasomye muri iyi nkuru. Ariko icy’ingenzi kurushaho, mube hafi, umushyiremo umuhati wo guhura n’abakristo, asengane nabo. Birashoboka ko incuti ye y’umukobwa cyangwa y’umuhungu azahinduka umukristo, ariko mugihe, bitemeye umubano wabo bawuhagarika, hanyuma ugashishikariza incuti yawe kuza mu rusengero nta pfunwe cyangwa kwicira urubanza.
Ni iki nakora mugihe ndambagiza umuntu utari umukristo kandi nkaba nshaka kubihagarika?
Rimwe na rimwe tureka imitima yacu ikayobora ibyemezo byacu, aho kubisengera ngo dusabe Imana ubufasha, ariko iyo dufashe ibyemezo bibi, duhumurizwa n’uko Imana izahora itubabarira mugihe tuyisabye imbabazi, ariko ntidukwiye kwifuza guhora mu buzima nk’ubu, ahubwo icyiza ni ugufata ibyemezo bizima ndetse tukabisengera Imana ikabidufashamo.
Muri macye abakristo bakwiye kwitondera igikorwa cyo kurambagiza bakagikorana ubushishozi, ntibite ku munezero w’igihe gito ahubwo bakamenya ko nyuma yo gushinga urugo hari ubundi buzima ndetse n’ingaruka mbi zibangamira imyizerere y’umukristo wahisemo kurambagiza uwo badahuje imyemerere.
Source: fervr.net
[email protected]
