Larsa Pippen yagaragaye ari kumwe n'umukunzi we mushya Jeff Coby ku bwato, basabana mu buryo butera amatsiko
Larsa Pippen, wamamaye muri filime mbarankuru The Real Housewives of Miami, yongeye kugaragaza ko atajya yihishahisha mu rukundo. Kuri uyu wa Mbere, yagaragaye ari ku bwato buhenze (yacht) i South Beach hamwe n'umusore mushya urimo kumutera akanyamuneza â” Jeff Coby, wahoze akinira amakipe y'umukino wa basketball ku rwego rw'umwuga, w'imyaka 31.
Larsa yari yambaye umwenda wa bikini ugaragaza imiterere ye, yicaye ku gice cy'ubwato gifite intebe zizingiye ku ruhande, agaragaza mu buryo bweruye ikimero cye. Nk'uko bisanzwe, Larsa ntajya yikanga kugaragaza uburanga bwe.
Yafatanywe n'umukunzi we Jeff Coby barimo gusomana ku kimwe mu byicaro byo hejuru y'ubwato, kandi bari kumwe n'undi mugabo n'umugore bo mu yindi filime mbarankuru ya Real Housewives of Dubai â” Caroline Stanbury na Sergio Carrallo.
Larsa Pippen
Nk'uko inkuru twatangaje mbere ibivuga, Larsa na Jeff batangiriye umubano wihariye mu ntangiriro z'uyu mwaka. Bahuriye bwa mbere muri Mutarama ubwo bizihizaga isabukuru y'imyaka 10 ya DBC Fitness gym ya David Alexander, yabereye muri ZZs Club Miami.
Larsa, wahoze ari umugore wa Scottie Pippen, yigeze no gukundana na Marcus Jordan, umuhungu wa Michael Jordan. Kenshi babonwaga bari kumwe ku ma-yacht cyangwa ku mucanga wa Miami, Larsa yambaye bikini itangaje.
Ubu noneho Jeff Coby ari kumenyera ubuzima bwa Larsa, bugizwe n'uburyo bwo gutembera no kwinezeza ku rwego rwo hejuru. Biragaragara ko urukundo rwabo rukomeje kwiyongera nta nkomyi.
Trump yizihije iminsi 100 ari ku butegetsi ashimira ibyo yagezeho anenga abatavuga rumwe na we
Perezida wa Leta Zunze Ubumwe za Amerika, Donald Trump, yizihije iminsi 100 ya manda ye ya kabiri atanga ijambo risa n'irya gahunda yo kwiyamamaza, aho yagaragaje ibyo yagezeho anenga bikomeye abo batavuga rumwe.
Yashimagije ibyo yise 'impinduramatwara ishingiye ku bwenge busanzwe', abwira imbaga y'abamushyigikiye bari bamuteze amatwi muri leta ya Michigan ko agiye gukoresha manda ye mu kuzana 'impinduka zifatika'.
Mu gitondo cyo kuri uwo munsi, Trump yari yoroheje ku ngingo imwe ikomeye muri gahunda ye y'ubukungu â” iyerekeye imisoro ku modoka n'ibikoresho byazo bitumizwa mu mahanga â” nyuma y'uko abakora imodoka muri Amerika bamugaragarije impungenge z'uko ibiciro bishobora kuzamuka.
Mu ijambo rye, Trump yanavuze ko ibipimo bivuga ko ubushyigikiwe bwe bugabanutse 'ari ibinyoma'.
Nk'uko ubushakashatsi bwa Gallup bubigaragaza, Trump ni we perezida wa mbere kuva nyuma y'Intambara ya Kabiri y'Isi utigeze agira ubushyigikiwe burenze 50% nyuma y'iminsi 100 ari ku butegetsi, kuko afite 44%.
Ariko, abenshi mu batoye Abarepubulikani baracyamushyigikiye bikomeye. Icyarushaho, ishyaka ry'Abademokarate rivugwa ko riri mu bibazo by'ubushake buke mu baturage.
Komite Nyobozi y'Ishyaka ry'Abademokarate (DNC) yavuze ko iminsi 100 ya mbere ya Trump ari 'igihombo gikabije'.
Gutanga umurongo udasanzwe kwa Trump bishobora kumukururira ibibazo bya politiki
'Arakora ibitangaza' cyangwa 'arihuta cyane'? Abatoye Trump bagaragaza uko babona iminsi 100 ya mbere
Trump, mu ijambo rye ry'uyu munsi, yakoze n'itora ritari ku mugaragaro, abaza abari aho amazina y'amacenga akunze kwita Biden bakunda kurusha andi. Yanasesenguye ubushobozi bwo gutekereza bwa Biden, ndetse anaseka uburyo asa iyo yambaye umwambaro wo koga, anasubiramo ko ari we watsinze amatora yo mu 2020 â” nubwo yatsinzwe.
Undi watunzwe agatoki na Trump ni Jerome Powell, ukuriye Banki Nkuru ya Amerika (Federal Reserve), aho Trump yavuze ko adakora akazi neza.
Trump yashimangiye intambwe yatewe mu bijyanye n'abimukira â” aho abafashwe bagerageza kwambuka umupaka wo mu majyepfo bagabanutse bakagera ku barenga gato 7,000, bavuye kuri 140,000 mu kwezi kwa Werurwe umwaka ushize.
Ibiro bya Perezida byavuze ko abimukira hafi 65,700 bamaze gusubizwa iwabo muri iyi manda, nubwo iri ari ryo janisha rito ugereranyije n'umwaka w'imari ushize ubwo abasaga 270,000 basubizwaga iwabo.
Mu gihe yarimo avuga, Trump yerekanye amashusho y'abimukira birukanwa muri Amerika bagashyikirizwa gereza nini yo muri El Salvador.
Gahunda ye yo kugabanya abimukira yahuye n'ibibazo byinshi mu nkiko, kimwe n'umwanzuro we wo guhagarika itangwa ry'ubwenegihugu ku mwana wese uvukiye ku butaka bwa Amerika.
Mu ijambo rye ryo kuri uyu wa Kabiri, Trump yavuze ko ibiciro by'amagi byagabanutse ku kigero cya 87%, ariko ibi binyuranye n'ibyagaragajwe na raporo nshya y'ibiciro bya leta.
Mu gihe ibiciro bya lisansi, iby'ingufu n'amafaranga y'inguzanyo zagabanutse kuva Trump yajya ku butegetsi, ubushomeri bwazamutseho gake, icyizere cy'abaguzi kiragabanuka, ndetse isoko ry'imari rirahungabana kubera imisoro y'ubucuruzi yashyizweho.
Mbere y'ijambo rya Trump, Joe DeMonaco, ufite kompanyi y'ububaji muri Michigan, yavuze ko imisoro Trump ashyiraho ikurwaho kandi ikagarurwa mu buryo budasobanutse neza, iri gutuma ibiciro bizamuka, kandi ari we uzabiryozwa n'abakiliya be.
Yabwiye BBC ati: 'Nari nizeye ko⦠muri manda ye ya kabiri, Trump yaba yaramaze gufata isomo akajya yitwara mu buryo butandukanye. Ariko ubu turi mu mwuka wo gutegereza tureba niba ibintu byahinduka.'
Ariko nanone, biragaragara ko abafana be ba hafi bakimushyigikiye.
Teresa Breckinridge, nyiri resitora yitwa Silver Skillet Diner i Atlanta muri Georgia, yabwiye BBC ati:
'Nishimiye cyane! Ari gukora ibishoboka byose aho ashoboye hose, kenshi na kenshi ku munsi, kandi ahora yibutsa abaturage ibyo agezeho⦠Ntekereza ko iyo misoro izarangira ari inyungu kuri twe.'
Mu gihe cya Jenoside yakorewe Abatutsi, uwari Burugumesitiri wa Komine Gitesi, yategetse ko abana bose biciwe ababyeyi bajyanwa mu bitaro Bikuru bya Kibuye avuga ko ari uburyo bwo kugira ngo bitabweho nyamara ari amayeri yo kugira ngo bicirwe hamwe.
Perezida wa Ibuka mu Karere ka Karongi, akaba na Perezida w'Inama Njyanama y'aka karere, Ngarambe Vedaste, ubwo yari mu gikorwa cyo kwibuka ku nshuro ya 31 Abatutsi biciwe mu murenge wa Bwishyura, yavuze ko inzu y'Ibitaro bikuru bya Kibuye ivurirwamo abana (pediatrie) yiciwemo abana 80, ubwo Jean Kambanda wari Minisitiri w'Intebe yari yagiye ku Kibuye kubashimira ko bari gukora Jenoside.
Ati 'Navuze ko nza gushima nkanasaba, reka nsabe. Turasaba ko iyo nzu yabagiwemo abana 80 idakwiriye gukorerwamo indi mirimo uretse ibikorwa byo kwibuka'.
Ngarambe yavuze ko iyo batekereje ubukana Jenoside yakorewe Abatutsi yakoranywe bumva bacitse intege, ariko bakwibuka ko Perezida Paul Kagame yayihagaritse agaca iteka ko nta Mututsi uzongera kwicwa bakumva basubijwemo imbaraga.
Umuyobozi Mukuru w'Ibitaro bya Kibuye, Dr. Ayingeneye Violette avuga ko iyi nzu yahoze hubatswe izindi nzu.
Ati 'Igikurikiyeho ni ukuganira n'umuryango IBUKA tukareba ikindi cyakorwa'.
Jenoside yakorewe Abatutsi muri Mata mu 1994 yabaye Uwineza ari umwana muto ari kumwe na nyina nk'uko iyo shusho ihora imugaruka mu maso kenshi.
Akeka ko iwabo bari batuye mu Mujyi wa Kigali hagati ya Sainte Famille, Kacyiru, Muhima cyangwa mu Kiyovu.
Yabwiye IGIHE ko yibuka ko umubyeyi we bamwinjije mu nzu mu gihe we bamuteretse hasi, Interahamwe ziramwica.
Zimaze kwica uwo mubyeyi zagarutse aho Uwineza ari zimutema ku itako n'agatsinsino zimusiga aho.
Uwineza ntabwo yibuka ibyakurikiyeho kuko yongeye kwisanga afite ubwenge ari mu kigo cyarererwagamo imfubyi cya Sainte Famille ari na ho yavuriwe ibyo bikomere.
Mu 1999, Leta yaje kugenda igabanya abana bari bari muri icyo kigo, ibaha imiryango kugira ngo babe ari ho barererwa.
Uwineza yahawe umubyeyi wari Konseye wa Segiteri Gihara [ubu ni mu Karere ka Kamonyi mu Murenge wa Runda] aba ari ho ajya kurererwa.
Ati ''Mu kugerayo ntabwo nahagiriye ibihe byiza. Nari nziko ngiye kurererwa mu muryango nk'umwana ariko uko nabitekerezaga si ko byagenze. Barampeje, barankandamiza, nkoreshwa imirimo ivunanye kugeza n'aho kujya kwiga byabaga ari ikibazo ahubwo babisimbuzaga kwahirira inka zabo.''
Uwineza avuga ko yaje kuva muri uru rugo abona undi muntu wamufashije kwiga amashuri abanza arayarangiza, yiga ayisumbuye agarukira mu mwaka wa Kabiri.
Yagiye kwiga imyuga ijyanye no gukora muri hoteli ari na byo akora kuri ubu muri Hoteli Dereva iherereye mu Karere ka Rwamagana.
Uwineza avuga ko yamenye ubwenge yitwa ayo mazina aho avuga ko atazi neza niba yarayiswe ari mu kigo cy'imfubyi cyangwa yarayiswe nyuma.
Ikimushengura kurushaho ni uko uwamutwaye agiye kumurera yatwitse impapuro zari ziriho imyirondoro ye n'aho yakomokaga.
Ni na yo mpamvu yatumye abura aho umuryango we wari utuye n'andi makuru yari kumufasha mu kubamenya.
Ati ''Uwo mubyeyi wantwaye yarabitwitse kugira ngo bitazamfasha kubona inkomoko yanjye. Ubu iyo mba mfite amakuru aziriho mba naramenye iby'umuryango wanjye. Nkamenya niba barapfuye cyangwa bakiriho.''
Mu gahinda kenshi Uwineza agaragaza ko kubaho uri umwe, urwara ukimenya, 'ushobora kugira ikibazo runaka ntugire uwo ubwira ngo akumve, ukabaho nta nyoko wanyu, so wanyu, ⦠biba bibabaje.'
Ati 'Kuba uri umwe gusa ku Isi ntabwo biba byoroshye, ni ibintu bikomeye cyane. Ubu nanjye nakabaye mfite abantu banjye kuko nta bapfira gushira, uyu munsi birandemereye cyane.''
Uwineza ashimira Inkotanyi zamurokoye kuri ubu akaba ari umusore witunze ufite akazi, avuga ko nubwo akigorwa no gushakisha imibereho ariko byibuze ari mu gihugu gifite amahoro.
Uwineza akiri muto ni uku yari ameze
Uwineza avuga ko akiri mu bigo by’imfubyi yari afite ibikomere byinshi
Uwineza ari gushakisha abantu baba bafitanye isano kuko yumva ko hari ababa bakiriho
Uwineza yaburanye n’umuryango we muri Jenoside yakorewe Abatutsi
Uwineza avuga ko aterwa intimba no kuba ari wenyine kuri iyi Si nyamara yakabaye afite umuryango
Umushyushyarugamba w'inararibonye mu Rwanda, Eric Semuhungu, agiye guhuriza hamwe abakunzi b'imyidagaduro igezweho mu gitaramo giteguwe mu buryo budasanzwe yise SEMUHUNGU EXPERIENCE.
Iki gitaramo giteganyijwe kubera kuri The Sky Sports Lounge (ahahoze hitwa The Wave Lounge), iherereye Kisimenti, ku muhanda wa KG 218 Street mu murwa mukuru wa Kigali, ku Cyumweru tariki ya 4 Gicurasi 2025, kuva saa kumi z'umugoroba.
Ni igitaramo gitegerejwe n'abatari bake kubera uburyo cyateguwe mu buryo bugezweho, kigahuzwa n'imbyino, imiziki, imyambaro y'akataraboneka n'umwanya wo kwidagadura no gusabana.
Mu bikorwa biteganyijwe muri Semuhungu Experience, harimo:
Cocktail y'ubuntu ku bashyitsi 20 ba mbere bari mu rukundo (Couples) ndetse n'abagore, guhera saa kumi kugeza saa tanu z'ijoro.
Parking y'ubuntu ku bantu bose bazitabira.
Kwinjira ni ubuntu, ariko bisaba kwiyandikisha hakiri kare.
Red Carpet Moment, aho abazitabira bazacishwa ku itapi itukura, bafotorwe mu buryo bw'ubwamamare.
Dress Code: Dress to Impress, abantu barasabwa kwiyambika neza mu myambaro y'ubuhanga.
Eric Semuhungu ubwe azaba ari we mushyushyarugamba, azasusurutsa abitabiriye abinyujije mu buhanga bwe.
DJ Lemon, umwe mu bavanga imuziki bakunzwe i Kigali, azaba ari ku rubyiniro kugeza saa sita z'ijoro.
Eric Semuhungu avuga ko iki gitaramo yagiteguye kugira ngo abantu babone umwanya wo gusabana, kuruhuka mu mutwe, gusabana no kunezerwa nyuma y'ibyumweru byose umuntu aba ari mu kazi ataruhuka. Ati:
'Abantu bagomba kubona umwanya wo kuruhuka, kwishima no kugira ibihe byihariye bitazibagirana. Semuhungu Experience ni igitaramo kizaba kidasanzwe.'
'Semuhungu Experience': Eric Semuhungu agiye guhuza abakunzi b'imyidagaduro mu gitaramo cy'amateka i The Sky Sports Lounge
Abategura iki gikorwa bavuga ko The Sky Sports Lounge yatoranyijwe kubera umwuka mwiza uhari, uburyo bwiza bwo kwakira abantu ndetse n'umutekano usesuye uzaba wubahirijwe.
Iki gitaramo kandi kizaba ari amahirwe ku bakunzi b'imyambarire n'imideli, kuko abazaba bambaye neza bazahabwa umwanya wo kugaragara ku itapi itukura no gufotorwa n'abanyamakuru bazaba bahari.
Gigio Donnarumma yagize uruhare rukomeye cyane muri iri rushanwa rya Champions League nk'umunyezamu w'ikipe ya Paris Saint-Germain.
Uyu munyezamu w'Umutaliyani akomeje kugaragaza ubuhanga buhebuje mu mikino ikomeye, by'umwihariko mu buryo yitwaye mu mikino bari bahanganyemo n'amakipe akomeye ku mugabane w'u Burayi harimo na'ikipe ya Arsenal batsinzemo iri joro.
Gigio Donnarumma yigaragaje nk'umusingi ukomeye wa PSG muri Champions League
Mu mukino w'indashyikirwa, yagaragaje ko afite ubushobozi bwo kurokora ikipe ye mu bihe bikomeye, aho yitwaye neza cyane mu gukuramo imipira yashoboraga kubyara ibitego byabazwe.
By'umwihariko, ubwo PSG yakinaga n'ikipe ya Arsenal fc, Donnarumma yigaragaje nk'umunyezamu utuje, uzi gufata ibyemezo, kandi uyobora abandi bakinnyi b'inyuma mu buryo butangaje.
Ubwo yitwaraga nk'umurinzi w'inyuma udatsindwa, agakomeza guha icyizere ikipe ye. Nubwo hari benshi bamunenze mu myaka yashize, bamwe bamushinja amakosa mu mikino imwe n'imwe, ariko @donnarumma akwiye gushimirwa uko agenda yitwara, cyane cyane muri iri rushanwa ry'uyu mwaka.
Gigio Donnarumma yagize uruhare rukomeye cyane muri iri rushanwa rya Champions League nk'umunyezamu w'ikipe ya Paris Saint-Germain
Kuba PSG igeze kure muri iri rushanwa, benshi ntibabyitegaga ariko abasesenguzi benshi ubu batangiye kwemera ko Donnarumma ari mu bagize uruhare runini mu rugendo rwabo. Ntibitangaje kubona abafana ba PSG bamuhimbariza amagambo nka 'umurinzi w'umujyi wa Paris.'
Mu gihe Champions League irimo kugana ku musozo, abantu benshi bakomeje gukurikirana Donnarumma bareba niba yakomeza gutanga ibisubizo ku ikipe ye.
Aramutse akomeje kuri uru rwego, ashobora kwiyandikisha ku rutonde rw'abazamu bazahora bibukwa mu mateka ya ruhago ku mugabane w'u Burayi.
Ni igikorwa cyitabiriwe n'abayobozi n'abakozi ba BRALIRWA, bamwe mu bayobozi mu nzego zitandukanye, n'abo mu miryango y'abakoreraga urwo ruganda bishwe muri Jenoside.
Ati 'Turashima cyane icyerekezo cya Leta y'u Rwanda mu miyoborere. Imbaraga yashyize mu kwimakaza ubwiyunge, amahoro n'ubumwe byatumwe twese tubasha gukorera mu gihugu gikomeje gutera imbere. Tuzakomeza gufatanya mu kubaka iterambere ry'u Rwanda n'ahazaza hatubereye twese.'
Umushakashatsi kuri Jenoside yakorewe Abatutsi muri Minisiteri y'Ubumwe bw'Abanyarwanda n'Inshingano Mboneragihugu, Dr. Hakizimana Emmanuel, yavuze ko u Rwanda rwahisemo inzira yo kwikura mu mateka ashaririye ya Jenoside binyuze mu biganiro bitanga ubutumwa.
Ati 'Tuzakomeza gutanga ubutumwa bw'icyizere kuko u Rwanda rifite ubuyobozi buhamye kandi bufite gahunda nziza zo gusigasira ubumwe bw'Abanyarwanda n'imibereho myiza y'abarutuye. Icyo cyerekezo gihamye cyo kujya mbere ni ikimenyetso cy'uko ubufatanye bwacu buzatugeza kuri ejo heza.'
Dr. Hakizimana yashishikarije buri wese kugira uruhare mu gusobanurira ababyiruka amateka ya Jenoside, kurwanya ingengabitekerezo yayo mu buryo bwose no gukomeza inzira y'iterambere binyuze mu kunga ubumwe.
Ni igikorwa cyitabiriwe n'abayobozi n'abakozi ba BRALIRWA, bamwe mu bayobozi mu nzego zitandukanye, n’abo mu miryango y'abakoreraga urwo ruganda bishwe muri Jenoside
Umuyobozi w’Akarere ka Rubavu, Mulindwa Prosper, na we yifatanyije na BRALIRWA muri iki gikorwa cyo Kwibuka
African Risk Capacity Group ni ikigo cy'Umuryango wa Afurika Yunze Ubumwe, AU, gifasha ibihugu kwitegura neza uko byahangana n'ibiza bitandukanye.
Ni ikigo cyari kiyobowe by'agateganyo na Eva Kavuma wari usanzwe ari Umuyobozi Mukuru ushinzwe Ibikorwa.
African Risk Capacity Group ifasha ibihugu binyuze mu bufatanye ndetse no gutera inkunga imishinga ishingiye ku dushya.
Ibihugu bifashwa gushyira imbaraga muri gahunda zitandukanye zigamije kugenzura, gukumira no guhangana n'ingaruka z'ibiza, no kubona inkunga ifasha mu gihe byagize ibibazo by'ibiza, hagamijwe gushyigikira abagizweho ingaruka na byo.
African Risk Capacity Group ifite icyicaro gikuru i Johannesburg muri Afurika y'Epfo ariko bikaba biteganywa ko kizimurirwa i Abidjan muri Côte d'Ivoire.
Ni ikigo cyashinzwe mu 2012 ari na bwo cyagizwe icya AU kizobereye gufasha ibihugu bya Afurika. Amafaranga gikoresha atangwa n'imiryango itandukanye yo mu Burayi, Amerika n'ahandi.
Muri Kanama 2024 ni bwo Ibiro bya Minisitiri w'Intebe byatangaje Guverinoma nshya yari igizwe n'Abaminisitiri 21 barimo na Prudence Sebahizi wagizwe Minisitiri w'Ubucuruzi n'Inganda asimbuye Dr. Ngabitsinze.
Uyu mwanya Dr. Ngabitsinze yari asimbuweho yari yawushyizweho muri Nyakanga 2022, avuye ku mwanya w'Umunyamabanga wa Leta muri Minisiteri y'Ubuhinzi n'Ubworozi, umwanya yagiyeho mu 2020.
Icyo gihe na bwo yari avuye ku budepite. Mu Nteko Ishinga Amategeko, Dr Ngabitsinze yari Umuyobozi wa Komisiyo ishinzwe gukurikirana imicungire y'umutungo wa Leta, PAC.
Dr Ngabitsinze afite Impamyabumenyi y'Ikirenga mu bukungu bushingiye ku buhinzi yakuye muri Kaminuza ya Milan mu Butaliyani.
Ibi yabitangaje abinyujije ku rubuga rwa X, nyuma y'uko kuri uyu wa 29 Mata 2025, ari bwo ingabo z'Umuryango wa Afurika y'Amajyepfo zari mu butumwa muri Repubulika Iharanira Demokarasi ya Congo (SAMIDRC) zatangiye gutaha zinyuze ku butaka bw'u Rwanda, hamwe n'ibikoresho byazo.
Minisitiri Nduhungirehe yavuze ko u Rwanda rwatanze inzira ndetse n'abaherekeza imodoka z'ingabo za SAMIDRC n'ibikoresho byazo, zatangiye kuva mu Burasirazuba bwa RDC, zikanyura mu Rwanda zerekeza muri Tanzania.
Yongeyeho ati “Kuba ingabo za SAMIDRC zari zigihari byari impamvu irushaho gukomeza amkimbirane, kuba uyu munsi zatangiye gutaha, ni intambwe nziza mu gushyigikira ibiganiro by'amahoro bikomeje.”
Ubutumwa bwa SADC muri RDC bwabagamo ingabo za Afurika y'Epfo, Tanzania na Malawi, zatangiye gukorera mu burasirazuba bwa RDC mu Ukuboza 2023. Zafashaga ingabo za RDC kurwanya ihuriro AFC/M23 kugeza mu mpera za Mutarama 2025 ubwo zatsindirwaga mu mujyi wa Sake na Goma.
Inama idasanzwe yahurije abakuru b'ibihugu byo muri SADC n'umuryango wa Afurika y'iburasirazuba (EAC) muri Tanzania tariki ya 8 Gashyantare, yemeje ko ibiganiro bya politiki ari byo byakemura amakimbirane yo muri RDC no mu karere muri rusange.
Bashingiye ku myanzuro y'iyi nama, abakuru b'ibihugu bya SADC tariki ya 13 Werurwe bafashe umwanzuro wo guhagarika ubutumwa bw'izi ngabo, basaba ko zitangira gucyurwa mu byiciro.
Nyuma y'uko icyifuzo cya SADC cy'uko ingabo zayo zazanyura ku Kibuga cy'Indege cya Goma cyanze, bitewe n'uko AFC/M23 yasubije ko bigoye kuko ingabo za RDC zacyangije mbere yo guhunga urugamba rwabereye mu Mujyi wa Goma, SADC yasabye u Rwanda ko izo ngabo zazanyura ku butaka bwarwo zerekeza muri Tanzania, nk'uko Minisitiri Nduhungirehe aherutse kubyemerera IGIHE.
SADC yateganyije ko aba basirikare bakoresha umuhanda wa Rubavu-Kigali-Rusumo, bakomereze mu Karere ka Chato mu majyaruguru y'uburengerazuba bwa Tanzania.
Umubare w'abasirikare batashye muri iki cyiciro cya mbere ntiwamenyekanye kuko ni igikorwa SADC yifuje ko cyaba mu bwiru. Hagaragaye kandi amakamyo agera kuri arindwi atwaye ibikoresho byabo ndetse n'imodoka nto zirimo abahagarariye inzego zibaherekeje.
Ubwo imodoka zitwaye bamwe mu basirikare ba SAMIDRC n’ibikoresho zageraga mu mujyi wa Kigali, aho zanyuze zikomeza ku mupaka wa Rusumo
Umwe mu bagenzi IGIHE yasanze muri iyi gare avuye mu karere ka Rusizi agiye gusura umurwayi ku bitaro bya Kibogora, yavuze ko ari ubwa mbere ageze muri Gare ya Tyazo agashaka kwiherera ndetse ko atari azi ko iyi gare itagira ubwiherero rusange.
Ati”Naje inzira yose nshaka kujya kwihagarika, nkomeza kwihangana nziko ndajyayo ngeze muri Gare. Nahageze ndeba hirya no hino mbura ubwiherero, njya kubutira hano haruguru mu kigo nderabuzima. Byangoye, biranambangamira. Icyo nsaba ubuyobozi ni uko bwadufasha bukatwubakira ubwiherero rusange. Uzi gusebera mu bantu nk'aba!”.
Mukarugira Julienne ukunze gukorera ingendo muri uyu muhanda yavuze ko imodoka yigeze kumusiga yageze muri iyi gare imodoka yahagarara akavamo agiye gushaka aho yihagarika
Ati 'Byansabye gutega moto nyishyura 500Frw ikurikira imodoka nari nateze. Iyo hano muri gare haza kuba hari ubwiherero rusange nari kujyamo nkishyura igiceri cya 100Frw.'
Si abagenzi gusa bavuga ko babangamiwe no kuba iyi gare idafite ubwiherero rusange kuko n'abahakorera akazi umunsi ku wundi bibasaba kujya gushaka ahari akabari akaba ariho bikinga.
Umuyobozi w'Akarere ka Nyamasheke, Mupenzi Narcisse, mu kiganiro na IGIHE yavuze ko mu i Tyazo aho imodoka zihagarara atari gare, ari ibisubizo Akarere kishatsemo kugira ngo imodoka zijye zibona aho zihagarara
Ati 'Akarere kacu nta gare karagira, hariya ni uburyo twabaye dushatse kugira ngo imodoka nizihagera zibone aho zihagarara abagenzi babone uko bavamo abandi bajyemo. Ikibazo cyo kuba nta bwiherero rusange buhari, turakizi turi gukorana n'umushoramari (Itorero Methodiste Libre au Rwanda) hari inyubako bari kuhubaka izaba ifite igice cyagenewe ubwiherero rusange. Icyo twabwira abakoresha uriya muhanda ni uko ikibazo cyo kutagira ubwiherero rusange hariya hantu mu gihe cya vuba kizaba cyakemutse'.
Isantere ya Tyazo ni imwe muzikomeye mu karere ka Nyamasheke ndetse hari n'abavuga ko ari wo mujyi w'ubucuruzi w'aka Karere bitewe n'uko hamaze kubakwa inzu nyinshi zirimo n'amagorofa zicururizwamo ibicuruzwa na serivisi binyuranye
Abakoresha umuhanda Rusizi-Karongi babangamiwe no kuba Gare ya Tyazo itagira ubwiherero rusange
Kubaza ibindi bisobanuro no kwiyandikisha, hamagara cyangwa wohereze ubutumwa bugufi kuri nimero:
