Author: webrwanda

Kuba hari bamwe mu bakobwa b'Abanyarwanda baguye isoko ryo kwicuruza, bisanzwe bimenyerewe nk'uburaya ariko bukorwa mu buryo buvuguruye, si inkuru nshya.

Ibi wabyumvise kenshi mu matwi yawe ko iri soko ryatangiriye muri Uganda ubu ryamaze kuba mpuzamigabane, twavuga ko icyicaro gikuru kiri i Dubai, umujyi w'ibyishimo n'abashaka kurya ku yabo.

Nubwo iri soko rimaze kwaguka ku bakobwa bo muri Afurika, ushobora kwibaza uburyo umukobwa wo mu Rwagasabo yisanga mu buriri bw'umuherwe i Dubai n'ahandi.

Kenshi tubona bamwe mu bakobwa b'ikimero bari kurya ubuzima buhenze i Dubai, baryamye ku mucanga wa 'Palm Jumeirah', basuye ubutayu bitandukanye nka Al Awir, Liwa, Jebel Maleihah n'ahandi, bari kunywa 'champagne' zihenze nka Veeve, Moete n'izindi nzoga zihenze z'abarenze uruhombero.

Iyo uganiriye n'aba bakobwa, akenshi bakubwira ko bari i Dubai cyangwa mu bindi bihugu mu rugendo rw'akazi, ariko mu by'ukuri usanga benshi bavuga ko bacuruza ariko amaduka bavuga usanga ari bimwe mu Giswahili bita 'Maonyesho'.

Muze kunyumva neza nubwo bavuga ngo 'Umukobwa aba umwe agatukisha bose' ariko abajya i Dubai bose, ntibaba bagiye mu bijyanye no kwicuruza kuko hari n'abajyayo mu biruhuko cyangwa mu bijyanye n'akazi.

Inzira zigera i Dubai ziragutse

Imyaka ibaye myinshi inkuru za zimwe mu nkumi zijya kwicuruza i Dubai n'ahandi zivugwa hirya no hino, ariko benshi ntibazi inzira ibagazeyo bityo hari n'abayigwamo batazi ibyo barimo.

Izingiro ry'inzira itabera benshi mahire izingiye ku bazwi nk'abakomisiyoneri. Aba ni bo bahiriwe muri ubu bucuruzi bw'umwijima bugiye kurimbura urubyiruko rw'u Rwanda n'ibindi bihugu.

Aba bakomisiyoneri benshi ni abantu baturuka mu bihugu bya Afurika y'Iburasirazuba nka Kenya, Uganda, u Burundi n'Abanyarwanda badasigaye. Aba bantu harimo ababa i Dubai ariko bafite abantu bakorana bya hafi bari muri ibi bihugu.

Abakomisiyoneri bakora mu buryo butandukanye burimo gukorana by'ako kanya n'umugabo ushaka umukobwa. Uyu mukomisiyoneri aba afite abakobwa baziranye, yarabakundishije ibibera i Dubai ku buryo baba bumva ari inzozi zigomba kuba impamo.

Uwo yamaze gufatisha amusaba amafoto, noneho yaba abonye umukiliya akamwereka abakobwa batandukanye aziranye na bo, undi agahitamo uwo ashaka.

Iyo amaze kumuhitamo bumvikana ibiciro ariko aba azi n'ibyo wa mukobwa yakwemera. Usanga igiciro gihera kuri 1.000.000Frw kuzamura bitewe n'agatubutse umukire afite ndetse n'imyaka wa mukobwa amaze mu gakino n'uko yihagazeho.

Igiciro gishyirwaho hagendewe ku bintu bitandukanye birimo itike y'indege, hoteli, gutembera n'ibindi, ubwo gishobora kuzamuka cyangwa cyikamanuka.

Iyo bamaze kumvikana, komisiyoneri yamaze kubahuza, hari amafaranga umukobwa amuha aba ari hagati ya 20-30% y'ayo yishyuwe ndetse na wa mugabo agira ishimwe amuha. Iyo witegereje usanga komisiyoneri ari we ubyungukiramo.

Ubu buryo kenshi bukoreshwa n'abataramenyera akazi ariko umukobwa wamaze gufungura ijisho uzi inguni zose za Dubai, ntawe uba ukirya ku ifaranga rye kuko azi neza uko yibonera abakiliya.

Aba ni bo bakorana n'amahoteli akomeye yo muri Dubai, akajyayo agafata icyumba akaba ayibamo ariko abiziranyeho na ba nyirayo, haba hari umugabo ushaka inkumi yo kwishimishanya na yo bakamubwira na we akagira amafaranga agenera uwamurangiye.

Hari n'abakobwa biyemeje, bagiye gutura muri uyu mujyi, bagakoresha imbuga zo guteretaniraho nka 'Tinder' n'izindi, bakabasha guhura n'abagabo batandukanye.

Abagabo bafite agatubutse bo mu Rwanda bamaze gusobanukirwa no kurya ubuzima, hari abajyana aba bakobwa kuko usanga benshi bazwi ku mbuga nkoranyambaga.

Umugabo w'i Kigali ufiteyo urugendo rw'akazi cyangwa izindi gahunda ategera umukobwa bagahurirayo, bagatemberana ndetse akamugenera amafaranga.

Hari abazinutswe, gusa baruma bahuha

Urebesheje amaso ku bibera muri Dubai ndetse n'ubuzima bamwe mu bakobwa bajyayo muri ubu buryo babayemo, burashimishije rwose kandi buri wese yabwifuza.

Gusa inyuma y'amarido usanga benshi bahishe byinshi birimo ubunyamaswa bakorerwa n'aba bagabo basangayo. Akenshi abakiliya babo biganjemo abo mu Burengerazuba bwa Afurika, Abanyaburayi, Amerika n'ahandi baba baje mu biruhuko muri uyu mujyi.

Isimbi ni izina ryahinduwe ry'umwe mu bakobwa bo mu Rwanda basanzwe bajya i Dubai guhura n'abagabo batandukanye. Yabwiye IGIHE ko yagiyeyo binyuze mu nshuti bari baziranye yamuhuje n'umukomisiyoneri.

Ati 'Twiga muri kaminuza hari abana twiganaga bahoraga bagiye hanze y'igihugu, twaje kuganira bambwira gahunda uko ziba zihagaze bampuza n'umugore wo muri Kenya ansaba amafoto, haciye nk'amezi abiri aza kumpuza n'umugabo tujya guhura.'

Yakomeje ati 'Ibi byabaye mu 2019 ariko ubu kubera ko maze kujyayo kenshi sinaba ngikenera umuntu ahubwo nzi kwishakishiriza, kuko n'umugabo mwahuye hari igihe akurangira abandi n'ubundi buryo bidasabye undi muntu.'

Isimbi akomeza avuga ko iyo utaragerayo uba ubeshywa byinshi kuko nta kuri guhagije uhabwa, bituma benshi babigwamo batazi ibibategereje.

Ati 'Iyo bari kukubwira ukuntu bigenda uba wumva ari nk'umukunzi bari kugushakira muzakomezanya, ariko ugerayo ukabona itandukaniro hari ubwo uhura n'umugabo w'umwana mwiza ariko hari n'ubwo uhura n'ukumaramo ya mafaranga ye akaba yazana abandi bose mukaryamana cyangwa ibindi bibi cyane, ni byinshi biberayo, ni ukugenda wiyemeje.'

Iyo uganiriye na benshi mu bakobwa bakora ibi bikorwa byo kwicuruza mu mahanga bakubwira ko bahuriramo n'ibikomeye, ariko nta n'umwe uba ushaka kubivamo. Ni iki gihishe mu ifaranga ry'abagabo?

Abakobwa b’i Kigali bamaze kwagura inzira zibageza i Dubai

Hari abakobwa bajya kuba mu mahoteli y’i Dubai bakahashakira abakiliya

Yabigarutseho ku wa 27 Mata 2025, ubwo we na bagenzi be basuraga Urugo rw'Impinganzima rwa Nyanza, ruherereye mu Murenge wa Rwabicuma.

Dr. Mivumbi yavuze ko biyumvamo inshingano zo guhora hafi ababyeyi b'Intwaza kuko biyumvisha neza akababaro banyuzemo muri Jenoside yakorewe Abatutsi mu 1994.

Ati ''Aba bantu banyuze mu bihe bikomeye, baba bakeneye abababa hafi igihe cyose. Ni yo mpamvu natwe muri gahunda zacu, tubasura buri mwaka. Nubwo Guverinoma y'u Rwanda ikora uko ishoboye ikabaha ibyangombwa byose, ariko natwe tumva uruhare rwacu mu kubashyigikira.''

Yashimye uburyo bakomeje gutwaza nyuma y'ibyababayeho, asaba ko byaba urugero no ku bandi Banyarwanda ntibaheranwe n'agahinda.

Karekezi Eugène, umwe mu Ntwaza zo mu Rugo rw'Impinganzima rwa Nyanza, yavuze ko ubuzima bwabo bwahindutse bageze muri uru rugo, bashira irungu nk'uko izina ry'aho batuye i Mushirarungu ribivuga, anashima umutima beretswe n'ababasuye.

Ati ''Uruzinduko nk'uru kuri twe tuba tubona ari ibitangaza. Kugira ngo muhure muhuze inama yo kutugeraho nk'ababyeyi banyu, ntabwo twabyita kudufata mu mugongo gusa, ahubwo ni ukudufata no mu bitugu ndetse n'umubiri wose.''

Umuyobozi w'Urugo rw'Impinganzima rwa Nyanza, Mukakarara Clarisse, yahishuriye abashyitsi ko Intwaza zitaheranwe n'agahinda, ndetse zigifite umuhate wo kubaka u Rwanda, aho bitabira inama zitandukanye mu kagari batuyemo bagatanga ibitekerezo mu nteko z'abaturage, bakitabira ibimina byo kwizigama, kwishyurira abatishoboye mituweli ndetse by'akarusho bagafasha bakusanya amafaranga muri gahunda yo kugaburira abana ku ishuri rya EP Mushirarungu.

Ati ''Aba babyeyi bafite umutima wagutse, ntibirebaho gusa kuko bajya bateranya n'amafaranga, bagashyira abana amafunguro ku ishuri. Ibyo babikora ku mutima wabo ntawe ubibategetse, bavuga bati tugomba kwishyurira abana ku ishuri, ni abuzukuru bacu.''

Mukakarara yakomeje avuga ko nubwo mu bufasha batanga bataragera kuri benshi, ariko bagikomeje umurava kandi bazawongera.

Mu ruzinduko rwo mu Rugo rw'Impinganzima rwa Nyanza, uretse gusabana bagacinya akadiho, abaganga banabagejejeho impano zitandukanye, bibasanisha n'impano umwana wese ukunda umubyeyi we yakabaye amuzanira.

Iri Shyirahamwe ry'Abaganga b'Inzobere b'Indwara z'Abagore mu Rwanda (Rwanda Society of Obstetricians & Gynaecologists) ryashinzwe mu 2012, aho rigizwe n'abaganga b'inzobere 126.

Ni mu gihe Urugo rw'Impinganzima rwa Nyanza rwo rubarizwamo ababyeyi b'Intwaza 34, barimo abakecuru 29 n'abasaza batanu, bakomoka mu turere tw'Intara y'Amajyepfo na Bugesera mu Ntara y'Iburasirazuba.

Urugo rw’Impinganzima rwa Nyanza, rwubatse i Mushirarungu, rutuyemo ababyeyi 34

Ubwo abagize Ishyirahamwe ry'Abaganga b'Inzobere b'Indwara z'Abagore mu Rwanda bageraga mu rugo rw’Intwaza, urugwiro rwari rwose

Perezida wa RSOG, Dr. Mivumbi Victory, yavuze ko biyumvamo inshingano zo kuba hafi ababyeyi b’Intwaza kuko banyuze mu buzima bubi

Mukakarara Clarisse uyobora Urugo rw’Impinganzima rwa Nyanza, yaratiye abashyitsi babasuye ubutwari bw’Intwaza z’uru rugo, aho na bo bafasha abandi batishoboye

Karekezi Eugène wavuze mu izina ry’izindi Ntwaza, yashimye umutima abaganga bibumbiye muri RSOG bagize bakaza kubasura

Abaganga basobanuriwe imikorere y’Urugo rw’Impinganzima rwa Nyanza

Intwaza n’abaganga basabanye banacinya akadiho

Habayeho guhuza urugwiro hagati y’abashyitsi n’intwaza

Aba baganga batambagijwe Urugo rw’Intwaza rwa Nyanza, bashima imirimo ikomeye Leta yakoze ituza aba babyeyi

Byagarutsweho kuri uyu wa 29 Mata 2025, ubwo Inteko Rusange y'Umutwe w'Abadepite yemezaga itegeko rishyiraho umusoro ku byaguzwe ndetse n'itegeko rishyiraho umusoro ku nyongeragaciro.

Ku itegeko rishyiraho umusoro ku byaguzwe harimo ibyashyiriweho umusoro nk'ibikoresho byifashisha mu kwisiga, kwitera no kongera ubwiza wa 15%, ibinyobwa bisembuye wa 65%, ibinyabiziga bigendeshwa na moteri mberabyombi ndetse n'indi yari isanzweho ariko yongerewe.

Ingingo yateje impaka mu nteko ni irebana n'ibyaha ndetse n'ibihano biteganyijwe kuko Abadepite bagaragaje ko igihano cy'igifungo ku mucuruzi kidakwiye bagasaba ko yahanishwa gutanga amande.

Mukabunani Christine ati 'Ntabwo numva ko umuntu wanyereje umusoro yashyirirwaho igifungo, kuko gufunga umucuruzi uba undindije byinshi. Njyewe ndabara ngasanga amande yakwikuba inshuro nyinshi ariko kumufunga ni ikintu kidasobanutse.'

Mukabalisa Germain yagize ati 'Ntabwo nshyingikiye ko uwo muntu afungwa kubera politiki igihugu cyahisemo muri ibi bihe yo kutihutira gufunga ahubwo harimo ibindi bihano byinshi. Gufunga ntabwo ari bwo buryo butuma abantu badakora ibyaha, ahubwo iyo byunganiwe n'ubundi buryo nibwo batabikora.'

Yongeye ho ati 'Uyu muntu atanze ihazabu ntacyo byakwica, ntabwo azajya kuba umutwaro ku gihugu ngo ya misoro mike yabonetse itangire imutangweho.'

Rubagumya Furaha yagaragaje ko iyo ngingo ikwiye kunozwa hagashyirwamo ubwinyagamburiro ku buryo umucamanza ashobora kuba yatanga igihano cy'igifungo cyangwa ihazabu.

Nyirabazayire we yagaragaje ko gufunga umuntu gusa bidahagije ahubwo n'ikigo cy'ubucuruzi cyanyereje umusoro kiba gikwiye guseswa mu rwego rwo kwirinda inyerezwa ryawo.

Kuri Ntezimana Jean Claude yavuze ko ibihano byo gufunga bishobora gutuma abantu batitabira ubucuruzi, n'abari baburimo bakaba babuvamo bakajya gukorera mu bindi bihugu bityo igihugu kigahomba.

Visi Perezida w'Umutwe w'Abadepite, Sheikh Mussa Fazil Harerimana, yerekanye ko u Rwanda ruri mu bihugu bidafite amategeko akakaye yo guhana abanyereje umusoro nubwo akwiye kujyaho, yemeza ko ikibazo kimwe kidakwiye guteza ibindi.

Perezida wa Komisiyo y'Ingengo y'Imari n'umutungo bya Leta ari na yo yasesenguye iryo tegeko, Uwamariya Odette, yashimangiye ko iryo tegeko rigamije gukumira abashobora gutekereza gukwepa gutanga umusoro.

Ati 'Kuba wafata itembure ukayica cyangwa ukayonona ugamije gukwepa umusoro twasanze bifite urundi rwego, twanabonye ko iyo hari amahitamo yo gutanga ihazabu, wasangaga umuntu aho kugira ngo ahombe umusoro azacibwa wa miliyoni 10 Frw yemera gutanga amande ya miliyoni ebyeri. Kudatanga umusoro se ntabwo ari ikintu gikomeye?'

Umunyamabanga wa Leta muri Minisiteri y'Imari n'Igenamigambi ushinzwe imari ya Leta, Kabera Godefrey, yavuze ko ikigamijwe ari uko bihabwa uburemere nk'uburyo bwo gukumira.

Izo mpaka zatumye ingingo ya 18 muri iri tegeko ihindurwa hongerwamo ko uwabihamijwe n'urukiko ahanishwa igifungo kiri hagati y'amezi atandatu n'umwaka umwe n'ihazabu iri hagati ya miliyoni 1 Frw na 2 Frw cyangwa kimwe gusa muri ibyo bihano.

Abadepite bagaragaje impungenge ku gihano cy’igifungo ku wanyereje umusoro

Depite Uwamariya Odette na Nizeyimana Pie ubwo bagezaga ku nteko rusange ibyavuye mu isesengura bakoze

Umujyi wa Kigali ni wo utuwe na benshi mu mijyi yose u Rwanda rufite, ndetse umubare munini winjiramo buri munsi uhashaka imibereho no kuhatura.

Ibarura rusange rya 2022 rigaragaza ko mu myaka icumi yari yabanje, Abanyarwanda bimutse cyane bajya mu Ntara y'Iburasirazuba no mu Mujyi wa Kigali.

Intara y'Iburasirazuba yakiriye abantu ibihumbi 948, Umujyi wa Kigali wakira abantu ibihumbi 836.

Kugeza ubu abatuye mu mijyi ni miliyoni 3,7 bangana na 27,9% mu gihe intego ari uko mu 2050 bazaba bageze kuri 70%.

Ubwo hamurikwaga Politike nshya yo guteza imbere imijyi n'urubuga rusabirwaho ibyangombwa byo kubaka, ku wa 29 Mata 2025, Minisitiri w'Ibikorwaremezo, Dr Jimmy Gasore, yatangaje ko hari gahunda yo guteza imbere imijyi yunganira Kigali n'iyigaragiye ku buryo abayituramo biyongera aho gukomeza berekeza i Kigali.

Ati 'Iyi politike yongera imbaraga mu gushyira ibikorwaremezo muri ya mijyi yindi kugira ngo tugabanye abantu bashaka kuza i Kigali. Bizanagabanya igitutu gishyirwa ku bikorwaremezo hano mu Mujyi wa Kigali.'

Dr Gasore yahamije ko ikizakorwa gikomeye ari ukwagura imijyi yunganira Kigali n'ikikije Kigali hongerwamo imihanda, amazi n'umuriro kandi hakanatunganywa ibibanza byo guturamo.

Mu 2050, biteganyijwe ko abantu miliyoni 15,4 bazaba batuye mu mijyi 101 izaba iri mu Rwanda, mu gihe miliyoni 6,6 bazaba batuye mu byaro ariko na bo bagatura ku midugudu.

Igishushanyo mbonera cy'imikoreshereze y'ubutaka cya 2020 kigaragaza ibyiciro bitanu by'imijyi irimo Umujyi wa Kigali, imijyi itatu igaragiye Umujyi wa Kigali, imijyi umunani yunganira Umujyi wa Kigali, imijyi 16 iciriritse y'uturere n'imijyi mito (santeri) 73.

Mu mijyi itatu igaragiye Umujyi wa Kigali hashyizwemo uwa Muhanga, Bugesera na Rwamagana. Buri mujyi uzaba ufite abaturage bari hagati ya 650.000 na 1.000.000.

Imijyi umunani ari yo izaba yunganira Umujyi wa Kigali irimo uwa Musanze, Rubavu, Rusizi, Huye, Nyagatare, Karongi, Kirehe na Kayonza.

Ni imijyi izifashishwa mu kwegereza abaturage bahaturiye iterambere ryihuse mu nzego zitandukanye. Buri mujyi muri yo uzaba ufite abaturage bari hagati ya 250.000 na 650.000.

Imijyi iciriritse 16 y'Uturere dusigaye aho buri mujyi ufatwa nk'icyicaro cy'ako karere na yo izakomeza gutezwa imbere mu buryo burangwa n'imiturire yegeranye itanga umusaruro.

Buri mujyi uzaba ufite abaturage bari hagati ya 100.000 na 250.000 mu gihe kuri buri mujyi muto uzaba ufite abaturage bagera kuri 25.000.

Meya w’Umujyi wa Kigali, Dusengiyumva Samuel yavuze ko urubuga rusabirwaho ibyangombwa byo kubaka ruzafasha byinshi mu kwihutisha iyi serivisi

Minisitiri Dr Gasore Jimmy yavuze ko hari gushyirwa ingufu mu guteza imbere imijyi itandukanye kugira ngo abashakaga kwimukira i Kigali bayituremo

Politike yo guteza imbere imijyi yamuritswe izafasha kubaka imijyi ifite inyubako zijya hejuru abari bahatuye ntibimurwe

Amafoto : Kwizera Herve

Mu buzima umuntu aravuka agakura, yamenya ubwenge akifuza kugera kuri byinshi. No mu mirimo abantu bakora bahorana ibyifuzo byo kuzamuka mu ntera.

Iteka rya Perezida wa Repubulika rishyiraho Sitati yihariye y'Ingabo z'u Rwanda ryo mu Ukuboza 2024 ryashyizeho impinduka ku gihe ngenderwaho gisabwa ngo ba Ofisiye mu Ngabo z'u Rwanda bazamurwe ku ipeti ryisumbuye ku ryo bari bafite.
Ingingo ya gatandatu iteganya ko umusirikare ufite ipeti rya Sous-Lieutenant bisaba amezi atandatu kugira ngo azamurwe agezwe ku rya Lieutenant.

Gusa kuva ku ipeti rya Lieutenant ajya ku rya Capitaine bwo bisazaba kuba amaze imyaka ine ari Lieutenant, ndetse n'ujya ku ipeti rya Major; na we agomba kuba amaze imyaka ine ari Capitaine.

Riteganya kandi ko uva ku ipeti rya Major ajya ku ipeti rya Lieutenant Colonel agomba kuba arimazeho imyaka itatu; mu gihe uva ku ipeti rya Lieutenant Colonel ajya ku ipeti rya Colonel azamurwa nyuma y'imyaka itatu.

Uvuye ku ipeti rya Colonel ajya ku ipeti rya Brigadier-Général bisaba ko aba amaze imyaka ine na ho kuva ku ipeti rya Brigadier-Général ujya ku ipeti rya Général Major bigasaba imyaka itatu.

Kugira ngo umusirikare w'u Rwanda ave ku ipeti rya Général Major ajye ku ipeti rya Lieutenant Général bitwara imyaka itatu. Ni mu gihe Lieutenant Général asabwa kurimaraho imyaka itatu kugira ngo azamurwe agere ku ipeti rya Général.

Igika cya kabiri cy'iyi ngingo gisobanura ko 'Perezida wa Repubulika akaba n'Umugaba w'Ikirenga wa RDF ashobora kuzamura ku ipeti ryisumbuye Ofisiye igihe icyo ari cyo cyose cyangwa akamuzamura ku ipeti ryisumbuye igihe agiye mu kiruhuko cy'izabukuru.'

Kuri ba Sous-Officier ibishingirwaho bazamurwa mu mapeti harimo ubushobozi bwo gukora inshingano zisumbuye hashingiwe kuri raporo y'isuzumabushobozi; amahugurwa ya gisirikare yakozwe; gutsinda ikizamini gituma azamurwa mu ntera, iyo ari ngombwa; no gutsinda ikizamini cy'imyitozo ngororangingo.

Umusirikare muto kugira ngo azamurwe mu ntera bishingira ku bushobozi bwo gukora inshingano zisumbuye hashingiwe kuri raporo y'isuzumabushobozi; kuba amaze mu gisirikare imyaka itatu; no gutsinda ikizamini cy'imyitozo ngororangingo.

Abasirikare bato bazamurwa harebwe ubushobozi no kuba yaratsinze imyitozo ngororamubiri

Bisaba ko niba hari ikizamini gitanzwe uba waragitsinze

Abasirikare b’u Rwanda bahabwa imyitozo ibafasha guhora biteguye kurinda ubusugire bw’igihugu

Ni igikorwa cyabaye ku wa 28 Mata 2025, ku Rwibutso rwa Jenoside rwa Kigali ku Gisozi, cyitabirwa n'abarimo Umuyobozi mukuru mushya wa MTN Rwanda n'Umuyobozi Mukuru wa Aegis Trust, Alphonse Munyentwali.

Ni igikorwa cyaranzwe no gusura urwibutso kugira ngo baganirizwe uko Jenoside yateguwe, uburyo yashyizwe mu bikorwa ndetse n'ihagarikwa ryayo. Hanerekanywe icyegeranyo gikubiyemo ubuhamya bw'abakorotse ndeste n'aho u Rwanda rugeze rwiyubaka, nyuma y'aho bacana Urumuri rw'Icyizere cy'Abanyarwanda.

Umuyobozi mukuru wa MTN Rwanda, Ali Monzer yavuze ko mu minsi mike amaze mu Rwanda amaze kumva neza imbaraga, ubuntu n'ubutwari bw'Abanyarwanda banyuze mu bubabare utashobora kubonera ubusobanuro.

Ati 'Uyu munsi twahuriye hano kugira ngo twibuke kandi duhe icyubahiro ababuze ubuzima muri Jenoside yakorewe Abatutsi mu 1994, tuzirikana ibyabaye, twubahe amateka, tubivuge uko byagenze ntakugoreka, dufatanye tube umwe kandi duharanire ko Ntibizongera ukundi' biba intero ihoraho.'

Umuyobozi Mukuru wa Aegis Trust, Alphonse Munyentwali yavuze ko buri wese akwiye kugira ubushishozi akishyira mu mwanya w'undi, akumva ko ikibabaje mugenzi we n'ubwo cyaba kitaramugezeho ku buryo bweruye birangira kimugizeho ingaruka.

Umuyobozi muri MTN Rwanda ushinzwe abakozi, Enock Luyenzi yavuze ko kwibuka gusa bidahagije ahubwo bagomba no kuzirikana igihombo gikomeye gituruka ku rwango n'amacakubiri.

Ati 'Biradusaba kumva inshingano dufite zo kubaka u Rwanda aho Ntibizongera ukundi ivugwa kandi igashyirwa mu bikorwa. Muri MTN Rwanda, tuzi neza ko kwibuka bigomba kujyana n'ibikorwa. Twiyemeje guteza imbere umuco w'ubwubahane, uburinganire n'icyubahiro hagati yacu no mu miryango dukorera.'

Yavuze ko muri iki gihe igihugu kiri mu minsi 100 yo kwibuka Abanyarwanda bakwiye kwiyemeza kumva neza amateka no kwiga indangagaciro ziharanira amahoro arambye, ubwiyunge n'ubumwe.

Abakozi ba MTN Rwanda basabwe gukomeza gusigasira ubumwe haba aho bakora n'aho bajya hose

Abayobizi batandukanye ba MTN Rwanda bunamiye Abatutsi bashyinguye mu rwibutso rwa Jenoside rwa Kigali ku Gisozi

Abayobozi n’abakozi ba MTN Rwanda basuye Urwibutso rwa Kigali ku Gisozi, baganirizwa amateka ya Jenoside yakorewe Abatutsi mu 1994

Umuyobozi mukuru wa MTN Rwanda, Ali Monzer yashyize indabo aharuhukiye Abatutsi bishwe muri Jenoside mu 1994

Nyuma yo gusura Urwibutso rwa Jenoside rwa Kigali ku Gisozi, bagize umwanya wo gukira ibiganiro n’inyigisho zitandukanye

Abakozi ba MTN Rwanda bacanye urumuri rw’icyizere

Abayobozi ba MTN Rwanda bari gucana urumuri rw’icyizere cy’Abanyarwanda

Abakozi ba MTN Rwanda basabwe gukora ibishoboka byose kugira ngo umwijima waranze amateka y’u Rwanda utazongera kubangamira urumuri rw’icyizere cy’Abanyarwanda

Abayobozi bo mu nzego zitandukanye za MTN Rwanda barimo Umuyobozi ushinzwe abakozi, Enock Luyenzi

Mbere yo gutangira ibiganiro babanje gufata umunota wo Kwibuka Abatutsi bazize Jenoside mu 1994

Umuyobozi Mukuru wa Mobile Money Ltd, Chantal Kagame, Umuyobozi mukuru wa MTN Rwanda, Ali Monzer n’Umuyobozi wa Aegis Rwanda, Munyentwali Alphonse

Umuyobozi Mukuru wa Aegis Trust, Alphonse Munyentwali yavuze ko buri wese akwiye kugira ubushishozi akubaha ikiremwamuntu nk’uko nawe yiyubaha

Umuyobozi mukuru wa MTN Rwanda, Ali Monzer yavuze ko bagomba kurwanya ingebitekerezo ya Jenoside kandi bakabungabunga aya mateka

Umuyobozi muri MTN Rwanda ushinzwe abakozi, Enock Luyenzi, yavuze ko kwibuka gusa bidahagije, ahubwo bagomba no kuzirikana igihombo gikomeye gituruka ku rwango n'amacakubiri

Umuyobozi ushinzwe imikoranire n’izindi nzego muri MTN Rwanda, Alain Numa nawe yari yitabiriye igikorwa cyo kwibuka abazize Jenoside yakorewe Abatutsi

Abayobozi n'abakozi ba sosiyete y'itumanaho ya MTN Rwanda bibutse abishwe muri Jenoside yakorewe Abatutsi mu 1994, banasura Urwibutso rwa Jenoside rwa Kigali ku Gisozi

Yabigarutseho ku wa Mbere tariki 28 Mata 2025, ubwo hizihizwaga Umunsi Mpuzamahanga w'ubuzima n'umutekano mu kazi. Uyu munsi wizihirijwe mu Karere ka Rwamagana mu Murenge wa Musha ahacukurwa amabuye y'agaciro.

Ibi birori byabanjirijwe no gupima indwara zitandura hagamijwe kureba uko ubuzima bw'abakozi buhagaze, gusura ibikorwa by'ubucukuzi bw'amabuye y'agaciro ndetse hanagenzurwa uko abakora iyo mirimo bitabwaho bijyanye n'ubwirinzi n'umutekano wo mu kazi.

Umuryango Mpuzamahanga wita ku murimo, ILO, ugaragaza ko buri mwaka haba impanuka n'indwara zikomoka mu kazi zigera kuri miliyoni 1.3 ku Isi.

Ni mu gihe imibare y'Urwego rw'Ubwiteganyirize mu Rwanda, RSSB, igaragaza ko mu mwaka wa 2023/2024 habaye impanuka n'indwara zikomoka mu kazi hafi 8000.

Minisitiri w'Abakozi ba Leta n'Umurimo, Nkulikiyinka Chrisitine, yasabye abakoresha gukumira ibyatuma abakozi bahura n'ibyago bituruka mu kazi bakora, bakanabifatanya no kubateganyiriza kugira ngo ibyago nibibaho babone ikibafasha.

Yakomeje agira ati 'Iyi mibare iratugaragariza igihombo duterwa no kutubahiriza ubuzima n'umutekano ku kazi, tugomba kuzirikana ko iyo abakozi hafi 8000 iminsi batakaza badakora kubera ibyago biterwa n'akazi bakora, amafaranga ya RSSB ibatangaho abafite ayo mahirwe, igihombo no ku gihugu ari ngombwa kwita ku mutekano w'abakozi.''

Umuyobozi Mukuru w'Ikigo Gishinzwe Mine, Peteroli na Gaze mu Rwanda (RMB), Kamanzi Francis, yavuze ko batangiye gukurikirana ubuzima n'imibereho y'abakozi aho nibura abacukuzi basigaye bahembwa neza, bagahabwa n'amasezerano y'akazi.

Yavuze ko kuri ubu abakozi bakora mu birombe by'amabuye y'agaciro bageze ku bihumbi 81 bavuye ku bihumbi 30 mu myaka yashize.

Ati 'Mu myaka irindwi ishize abakozi bari bafite amasezerano y'akazi bari 5% ariko ubu uyu munsi wa none tugeze kuri 34% umuntu akumva ko biri gutera imbere. Abakozi bose basigaye bahembererwa kuri banki mu gihe mbere bahemberwaga mu birombe.''

Uwimana Jeanette utuye mu Murenge wa Musha umaze imyaka itanu mu bucukuzi bw'amabuye y'agaciro, yavuze ko atarajya muri uyu mwuga nta ejo hazaza yari afite aho yabanje mu ishami ryo gukora isuku, agenda azamuka kugeza ubwo ari mu bayoboye abandi.

Yavuze ko ubucukuzi bw'amabuye y'agaciro bwatumye abasha kwigurira inka, abasha kwizigamira mu kimina buri cyumweru ndetse anabasha kwigurira telefone igezweho.

Raporo y'Umugenzuzi w'umurimo igaragaza ko mu mwaka wa 2023/2024 igipimo rusange cyo kubahiriza umurimo unoze mu Rwanda cyari kuri 72.7% ariko ikijyanye n'ubuzima n'umutekano mu kazi cyari 59.9%.

Minisitiri w'Abakozi ba Leta n'Umurimo, Nkulikiyinka Christine, yabanje gusura ibirombe bicukurwamo amabuye y'agaciro

Minisitiri Nkulikiyinka yasabye buri mukozi wese guharanira uburenganzira bwe mu kazi

Minisitiri w'Abakozi ba Leta n'Umurimo, Nkulikiyinka Christine, yasuye ibirombe bicukurwamo amabuye y'agaciro

Uyu mujyi wanyuze mu nzira z'inzitane zawubujije kugimbuka ku kigero nk'icy'indi mijyi, kubera amateka mabi ya Jenoside yakorewe Abatutsi mu 1994. Jenoside i Butare yahitanye benshi barimo abacuruzi, abakozi ba Leta ndetse n'abanyamahanga nk'Abarabu n'Abagereki bawubagamo bahise bazinukwa u Rwanda bisubirira iwabo.

Mu myaka yakurikiyeho Huye yashegeshwe no kuvamo ibigo byinshi bya Leta, ifungwa ry'igice cy'ubucuruzi kizwi nko mu Cyarabu n'Ikizungu.

Mu nama yahurije hamwe abafatanyabikorwa mu iterambere ry'Umujyi wa Huye, ku wa 24 Mata 2025, yateguwe n'Ikigo gikora Ubushakashatsi n'Isesengura kuri Politiki (IPAR-Rwanda), Umuyobozi w'Akarere ka Huye wungirije ushinzwe Iterambere ry'Ubukungu, Kamana André, yagaragaje imbogamizi eshatu z'ingenzi zatumye Umujyi wa Huye ugwingira mu myaka 15 ishize.

Visi Meya Kamana, agaragaza kwimuka kw'ibigo bikomeye nka IRST, Kaminuza y'u Rwanda n'Ingoro y'Umurage y'u Rwanda, byatumye ababikoreraga bahina akaboko mu bikorwa by'iterambere i Huye.

Ati ''Igenda ry'ibi bigo ryateye imbogamizi kuko abaturage, abakozi n'abafatanyabikorwa babyo, abenshi bari abanyamishahara bashoboraga guhembwa bakubaka, bagakemura nk'ibibazo by'amacumbi y'abanyeshuri ba kaminuza dufite. Gusa ubu turashima ko bigenda bigaruka nubwo bitaraza byose.''

Visi Meya Kamana yagaragaje uburyo hari igihe Umujyi wa Huye wamaze imyaka umunani igice kinini cyakorerwagamo ubucuruzi kizwi nko mu Cyarabu n'Ikizungu, byarafunzwe.

Ati 'Ibyo byadindije umujyi kuko hari n'abacuruzi bimutse, maze bwa bushobozi bwabo babujyana mu yindi mijyi nko mu mujyi wa Kigali. Izo rero na zo ni imbaraga twabuze zatumye iterambere ry'umujyi rigwingira.'

Ubushobozi bw'abaturage budahuye n'ibyo umujyi ushaka

Kamana avuga ko rimwe na rimwe uko ubushobozi bw'abaturage bungana bitajyana n'ibyifuzo by'Akarere mu iterambere ngo bafashe mu kwihutisha iterambere.

Avuga ko nko kubijyane no gutura mu buryo bukwiye n'ibindi bikorwa bishamikiye ku by'abaturage bakora nk'ubucuruzi n'ibindi byose iyo abaturage bafite ubushobozi bihita byihuta.

Gusa ariko, Kamana ashima icyerekezo cyiza cy'umujyi wa Huye n'uburyo hari inyunganizi Leta itanga, igahindura isura y'umujyi irimo imihanda ya kaburimbo yubatswe henshi mu mirenge iri mu mbago z'umujyi nka Mbazi, Huye (mu cyanya cy'inganda), Mukura, Ngoma na Tumba ahamaze gukorwa ibirometero bisaga 18.

Ubuyobozi bw'Akarere bushima kandi uruhare rw'abikorera batanze umusanzu mu kubaka ibikorwaremezo birimo amasoko agezweho nk'irya Huye, Rwabayanga, Rango, amashuri n'ibindi.

Mu myaka mike ishize wasangaga amazu menshi mu mujyi wa Huye cyane cyane ahitwa mu Cyarabu harabaye amatongo, ibivugwa ko byadindije umujyi

Imihanda ikomeje kubakwa mu Mujyi wa Huye kugira ngo abawutuye bakomeze basirimuke

Intare Business Centre yubatse mu Mujyi wa Huye na yo iri mu bikorwa bitari ibya Leta byafashije mu kuzamura isura y’umujyi

Icyarabu cyo mu minsi ishize cyari giteye agahinda

Abikorera bagiye bagira uruhare mu kuzahura umujyi wa Huye. Iri ni isoko rya Rango

Gare ya Huye na yo yubatswe n’abikorera

Umuhanda wa ADEPR Taba-GS Butare Catholique mu Murenge wa Ngoma na wo uri mu yarimbishije umujyi wa Huye

Itafari ry’abikorera mu iterambere rya Huye ni ntagereranywa. Aha ni ku isoko rikuru rya Huye hateganye n’inyubako yo kwa Semuhungu, zose z’abikorera

Yabigarutseho ubwo RwandAir n'ibigo biyishamikiyeho byibukaga ku nshuro ya 31 Jenoside yakorewe Abatutsi.

Yagarukaga ku bushobozi bwaranze Inkotanyi aho zari zifite inshingano nyinshi zirimo kurwanya abakoraga Jenoside yakorewe Abatutsi no kurokora abicwaga.

Brig Gen Rwivanga yavuze ko uyu munsi ashimishwa cyane no kubona inkumi n'abasore bashaka kwinjira muri RDF.

Ati 'Uyu munsi u Rwanda dufite ubushobozi bwo kwirinda, kurinda umupaka wacu tukarinda n'ibindi bihugu byahuye n'ibibazo nk'ibyacu.'

Brig Gen Rwivanga yavuze ko u Rwanda rufite abasirikare barenga ibihumbi 10 barinda ibindi bihugu nka Repubulika ya Centrafrique, Mozambique, Sudani y'Epfo n'ahandi.

Ati 'Ibihumbi 10 ni Abanyarwanda. Akazi kabo ni ako kugira ngo ibyabaye aha bitazaba n'ahandi. Impamvu babikora ni uko twabonye ibyabaye aha, twiyemeza ko bidakwiye kongera kuba. Icyo cyemezo twaragifashe kandi Nyakubahwa Perezida wa Repubulika agihagazeho.'

Brig Gen Rwivanga yavuze ko kumenya inzira y'itegurwa rya Jenoside yakorewe Abatutsi bituma abantu bayisobanukirwa neza bakamenya ubukana bwayo ndetse bagahagurukira kurwanya abayihakana n'abayipfobya.

Yagarutse ku byiciro 10 bya Jenoside, agaragaza ko byabaye mu Rwanda ndetse abantu batangiye kwica no mu myaka ya mbere ya 1994.

Ati 'Hari abantu benshi batajya banavugwa bishwe […], mu 1982 papa yarishwe icyo gihe bamuziza ko ari Umututsi. Ni ikimenyetso kidufasha kwerekana uko amateka yagiye asimburana.'

Brig Gen Rwivanga yavuze ko bibabaje kubona abantu bari mu bihugu bitandukanye birengagiza ubuhamya bw'abarokotse Jenoside yakorewe Abatutsi, bagahakana ko itabaye, ahubwo ibyabaye byose bakabitwerera Inkotanyi ko ari zo zateje ibibazo.

Yavuze ko ingengabitekerezo ya Jenoside itahagaze kuko ubu ikigaragara no muri Repubulika Iharanira Demokarasi ya Congo.

Ati 'Hari abashaka ko byongera kuba muri Congo. Ntimwabonye abantu baribwa? Hariya bafite urwango rwo kurya abantu. Urumva urwo rwango, aho umuntu arya inyama y'umuntu.'

Yavuze ko abantu bakwiriye guhaguruka bakarwanya abahakana cyangwa bagapfobya Jenoside yakorewe Abatutsi, bigakorwa ahanini hifashishijwe imbuga nkoranyambaga, ubundi buryo bushingira ku buhamya bw'abarokotse Jenoside, ubuhanzi n'ibindi.

Ati 'Ni ngombwa ko twerekana ibyabaye twiyandikira amateka yacu. Birababaje kubona abanyamahanga ari bo bandika amateka yacu kandi dufite impamyabumenyi mu masomo atandukanye.'

Yabwiye urubyiruko ko ari aharwo kwifashisha ubumenyi rufite rukandika amateka, agaragaza ko RDF yo igeze kure yandika amateka yayo, ko hari ubuhamya butandukanye bw'abasirikare bujyanye n'ibyo bahuye na byo bari gukusanya kugira ngo amateka azahoreho.

Umuvugizi w’Ingabo z’u Rwanda, RDF, Brig Gen Ronald Rwivanga, yavuze ko u Rwanda rufite ubushobozi bwo kwirinda, rukarinda n'ibindi bihugu

Ibyo ACP Rutikanga yabisobanuye nyuma y'uko hari abamotari bamaze iminsi bumvikana binubira ko hari 'drones' i Kigali zibandikira amande nta makosa bakoze ndetse n'ibibazo bya parikingi bavuga ko zashyizweho zibangamiye imikorere yabo mu buryo bunyuranye.

Mu kiganiro yahaye Mama Urwagasabo TV, ACP Rutikanga yavuze ko impamvu 'drones' zongewe mu gucunga umutekano mu muhanda i Kigali biri mu rwego rwo kongeramo ikoranabuhanga ryunganira abapolisi bitewe n'ubwinshi bwa moto by'umwihariko.

Yagize ati 'Nibura mu mwaka ushize habarwaga hafi 184.000 by'abamotari mu Rwanda kandi hafi 60% bari muri Kigali. Ku manywa bashobora kuba baniyongera kuko abo mu turere twegereye Kigali na bo baba baje kuhashakira amafaranga. Abo bantu umubare ungana gutyo ntabwo wababonera umupolisi uhagarara buri hantu. Mu gihe tugezemo ikoranabuhanga ni ryo rigezweho kugira ngo ribashe kureba hose.'

Yakomeje asobanura ko iryo koranabuhanga rya 'drones' ryo rifata n'amafoto ku buryo hadashobora kubaho kwibeshya kuko buri kimwe igitangira n'ikimenyetso ndetse ko n'abapolisi bo mu muhanda basigaye bafata amafoto.

Ati 'N'abapolisi dukoresha muri iyi minsi mu muhanda bambara camera na byo abantu babimenye. Ibyemezo bya gipolisi bigomba gushingira ku bimenyetso bifatika. 'Drones' ntizibatere ubwoba nta we zirenganya kuko n'amashusho aba ahari.'

ACP Rutikanga yongeyeho ko mu Mujyi wa Kigali ahakoreshwa izo 'drones' ari ahari parikingi zemewe z'abamotari ari ho Nyabugogo, mu Mujyi munsi ya Gare ya Downtown, kuri Gare ya Nyanza-Kicukiro n'i Remera mu Giporoso.

Parikingi z'abamotari zari zikenewe ngo zice akajagari

ACP Rutikanga yavuze ko bidakwiye kumva bamwe mu bamotari bavuga ko ahamaze gushyirwa parikingi za moto badashaka kuziparikamo babihanirwa bakavuga ko barenganye kandi bazi uburyo ibyo baba bakoze bibangamira urujya n'ururuza rw'abandi.

Ati 'Imodoka nini zitwara abagenzi na 'taxi voitures' zitwara abagenzi zifite aho zihagarara. Yewe n'amagare afite uko akora agatwara abagenzi akabururutsa. N'abamotari birakwiye ko na bo bagira uko bakora kugira ngo babone aho bafatira abagenzi n'aho babageza kandi bitabangamiye urujya n'uruza rw'abandi bakoresha umuhanda.'

Umuvugizi wa Polisi y'u Rwanda yavuze ko bafatanyije n'izindi nzego bagishakisha parikingi z'abamotari i Kigali ariko bidakuyeho ko guhagarara umumotari asiga cyangwa afata umugenzi ahatari parikingi ariko hadateje ibyago byo byemewe.

Ati 'Ahari inyubako zikoreramo abantu benshi umumotari [yaza] akahafata umugenzi cyangwa akahamusiga ariko nibura yigiye imbere adafunze umuryango. […]. Ahataraba parikingi bajye bakoresha inyurabwenge bahagarare ahatabangamiye urujya n'uruza rw'abandi bantu.'

ACP Rutikanga yasobanuye ko uretse aho mu marembo babuza abamotari guparika hari n'ikindi kibazo cy'aho bagenerwa guparika bakahanga bitwaje ko parikingi ari nkeya.

Yatanze urugero rwa Nyabugogo hashyizwe parikingi eshatu, agaragaraza ko aho Polisi ibona hari urujya n'uruza rwinshi hashyirwa parikingi z'abamotari zirenze imwe ku buryo nta rwitwazo rwo kutaziparikamo bafite.

Yasoje agaragaza ko abamotari bandikirwa mu buryo bunyuranyije n'ibyo yasobanuraga bagana Polisi bakarenganurwa kuko hari aho abapolosi bashinzwe umutekano wo mu muhanda na bo bashobora kwibeshya.

Ahari parking z’abamotari mu Mujyi wa Kigali hakoreshwa na drones zigenzura uko abamotari bubahiriza amategeko

ACP Rutikanga Boniface, yasobanuye impamvu mu gucunga umutekano wo mu muhanda hongerewemo ‘drones’