Webrwanda Backend

Author: webrwanda

  • Nyuma yo kuva muri Guma mu Rugo banyoye agasembuye karahava , baha akazi gakomeye polisi, Amafoto #rwanda #RwOT

    Leta y'Ubwongereza muri iki cyumweru yafashe umwanzuro wo guhagarika ingamba za Guma mu rugo mu bantu bituma abashoboye banywa agasembuye karahava ariko guhera kuri uyu wa Gatanu byabaye akarusho kuko banyoye bikabije ari nako bahaga akazi gakomeye abapolisi.

    Amamiliyoni y'abakunzi b'agasembuye mu Bwongereza biraye mu tubari baranywa barasinda bamwe bahita bajya kubyinira mu mihanda bizihiwe.


    Mu mujyi wa Birmingham bamwe mu basinzi bagiye baryama mu mihanda batereka ku ruhande amacupa y'inzoga.


    Ahitwa Soho mu mujyi wa London rwagati niho aba banywi bahuriye bahakorera ikirori kidasanzwe cyo kwishimira weekend ya mbere bavuye mu rugo bishimira icyo kunywa karahava mu ijoro ryo kuri uyu wa Gatanu.


    Si aho gusa kuko imijyi yose y'Ubwongereza yari yuzuyemo abakunzi b'agasembuye aho mu mujyi wa Manchester,bagaragaye bamanitse amaboko bari kubyina bikomeye.


    Kuwa 12 Mata nibwo utubari twafunguwe mu Bwongereza,abashoboye icupa bahita bajya kunywa ari nako baha akazi gakomeye abapolisi.


    Source : https://impanuro.rw/2021/04/17/nyuma-yo-kuva-muri-guma-mu-rugo-banyoye-agasembuye-karahava-baha-akazi-gakomeye-polisi-amafoto/

  • USA: yafatiye ibihano abategetsi ba Uganda bazira ibibi bakoze mu matora #rwanda #RwOT

    USA: yafatiye ibihano abategetsi ba Uganda bazira ibibi bakoze mu matora
    Reta Zunze Ubumwe za Amerika zafatiye ibihano byo kwimwa impushya (visas) zo kwinjira muri iki gihugu. Abategetsi ba Uganda bakaba bazira kugira uruhare muguhungabanya uburenganzira bwa muntu

    Ibi byatangajwe n’umunyamabanga wa Leta Zunze Ubumwe za Amerika Antony Blinken nyuma y’ifatwa ry’abarwanashyaka batavuga rumwe n’ubutegetsi muri Uganda.

    Yanditse kuri Twitter ati: “Hariho ingaruka zo kwivanga muri demokarasi”.

    Abatavuga rumwe n’ubutegetsi bavuga ko abantu barenga 400 baburiwe irengero nyuma yo gufatwa n’inzego zishinzwe umutekano mbere y’amatora yo mu kwa mbere yatsinzwe na Yoweli Museveni.

    Mu ntangiriro z’icyi cyumweru , abahanga ba ONU bakurikirana ibijanye n’uburenganzira bwa muntu zahamagariye abategetsi ba Uganda guhagarika kuburabuza abo bahanganye muri politike.

    Ku wa kane, reta ya Uganda yaremeye ko yahagaritse abantu barenga 1.000 bapfunzwe kubera impamvu z’amatora z’amatora.

    Ariko nta busonuro batanze kukumenya impamavu bafunzwe n’aho bafungiwe.

    Kuri bamwe, iri fatwa rikozwe ku butegetsi bwa Yoweri Museveni ryibutsa iryakorwa ku butegetsi bwa Idi Amin mu myaka yo mu 1970.

    Source : https://imirasire.com/?USA-yafatiye-ibihano-abategetsi-ba-Uganda-bazira-ibibi-bakoze-mu-matora

  • MU MAFOTO 50: Prince Philip, Umugabo w’Umwami… – #rwanda #RwOT

    Prince Philip yitabye Imana tariki 09 Mata 2021, afite imyaka 99. Itangazo ry'Ingoro y'Umwamikazi [Buckingham Palace] ryavuze ko Prince Philip 'yatabarutse mu mahoro muri iki gitondo i Windsor Castle.'

    Igikomangoma Philip yashakanye na Elizabeth II mu 1947, habura imyaka itanu ngo abe Umwamikazi.

    Kuri uyu wa Gatandatu tariki 17 Mata 2021, nibwo habaye umuhango wo kumushyingura wabanjirijwe n'umuhango wo kumusabira ku Mana wabereye muri rusengero wa George Mweranda [St George's Chapel] muri Paruwasi ya Windsor.

    Reuters yanditse ko Dean Conner Umukuru wa Paruwasi ya Windsor yashimye Prince Harry 'Uburyo yabaniye neza Umwamikazi Elizabeth II' hamwe n'ibyo yakoreye Igihugu n'umuryango wa Commonwealth.

    Abari mu muhango wo gushyingura Prince Philip bari bambaye udupfukamunwa, ni mu gihe Umwamikazi Elizabeth II yari yicaye wenyine yambaye agapfukamunwa mu myenda yiganjemo ibara ry'umukara.

    Isanduku ya Prince Philip yari iherekejwe n'abana be barimo George Mweranda, Anne, Charles, Edward na Andrew.

    Umurambo we watwaye mu mudoka ya Land Rover Defender yikoreye. Iyi modoka yatangiye kuyikoraho ubwo yari agize imyaka 82 y'amavuko.

    Ibyahinduwe kuri iyi modoka ni igice cy'inyuma gifunguye aho isanduka ye yari irambitse, hamwe n'ibara ry'icyatsi kibisi cya Gisirikare.

    Prince Philip yashimiwe urukundo yeretse Umwamikazi w’u Bwongereza, ibyiza yakoreye Igihugu, Commonwealth, umuhate we n’ibindi

    Abasirikare barenga 730 nibo bitabiriye umuhango wo gushyingura Prince Philip. Ni mu gihe abantu 30 ari bo bemerewe kwinjira mu rusengero rwa George Mweranda ahabereye umuhango wo kumuvugira amasengesho yo kumusezeraho.

    Ahantu hatandukanye hagera ku icyenda mu gihugu humvikanye amasasu yarashwe Prince Philip asezerwaho bwa nyuma. Hanafashwe umunota umwe wo kumuzirikana mu gihugu hose.

    Hafashwe iminota itandatu kandi, nta ndenge ihaguruka cyangwa igwa ku kibuga cy'indege cya Londres Heathrow bazirikana ubuzima bwa Prince Philip. Imikino yose ikomeye muri iki gihugu, yimuriwe ikindi gihe kubera urupfu rwa Philip.

    Mbere y'uko umugabo we ashyingurwa, Umwamikazi Elizabeth II yasohoye ifoto yakunze kurusha izindi zose yifotoje ari kumwe na Prince Philip bamaranye imyaka 73.

    Iyi foto bayifotowe n'umukazana wabo Countess of Wessex mu 2003. Bifotoroje mu byatsi mu kibanza cy'aho abantu baruhukira ahitwa Aberdeenshire.

    Ku ifoto, Prince Philip arihengetse, yiseguye inkokora, ingofero yayishyize ku ivi.

    Umwamikazi Elizabeth II yicaye bisanzwe araseka ahanze ijisho uri kubafotora, cyo kimwe na Prince Philip.

    Prince Philip n'Umwamikazi Elizabeth II babyaranye abana bane, bafite abuzukuru umunani n'abuzukuruza 10.

    Philip yavutse tariki 10 Kamena 1921, avukira mu Bugiriki. Se, yari Igikomangoma Andrew w'Ubugiriki na Denmark, yari umuhungu muto w'Umwami George I wa Hellenes.

    Nyina, Igikomangoma Alice, yari umukobwa wa Louis Mountbatten n’umwuzukuruza w’Umwamikazi Victoria.

    Prince Philip yashyinguye kuri uyu wa Gatandatu mu ngoro iri ahitwa Windsor

    Umwamikazi w'u Bwongereza Elizabeth II yari wenyine mu muhango wo gushyingura umugabo we witabye Imana ku myaka 99

    Abanyamuryango b'ubwami bw'u Bwongereza bitabiriye umuhango wo guherekeza Prince Philip, Umugabo wa Queen Elizabeth

    Archbishop wa Canterbury, Justin Welby, Queen Elizabeth II n'Igikomangoma cy'u Bwongereza, Andrew

    Prince Harry, Prince Andrew, Prince William n'abandi

    Ubwo Umwamikazi w'u Bwongereza, Elizabeth II yageraga ahabereye umuhango wo guherekeza umugabo we witabye Imana tariki 09 Mata 2021Umurambo wa Prince Philip werekezwa mu rusengero rwitiriwe Mutagatifu George mu ngoro ya Windsor

    Prince Charles, Princess Anne n'abandi banyamuryango b'u Bwongereza

    Umurambo wa Prince Philip watwawe mu mudoka ya Land Rover yikoreyeIndabo zazanwe n'abantu batandukanye mu guhereza Prince Philip, umugabo wa Queen Elizabeth
    Umwamikazi w'u Bwongereza yagaragaje ifoto yakunze cyane ari kumwe na Prince Philip




    Ibirango bya Prince Philip byashyizwe mu rusengero rwa George Mweranda ahabereye umuhango wo kumusezeraho

    Imodoka ya Land Rover Defender yatwaye umurambo wa Prince Philip

    Prince Philip yasezewe n’umubare munini

    Abantu batandukanye bashenguwe n’urupfu rwa Prince Philip

    AMAFOTO: Reuters/Daily Mail/BBC/Al Jazeera

    Source : https://inyarwanda.com/inkuru/104855/mu-mafoto-50-prince-philip-umugabo-wumwamikazi-wu-bwongereza-elizabeth-ii-yashyinguwe-104855.html

  • Yavuze Yes! Umukobwa yatunguwe no kubona inde… – #rwanda #RwOT


    Hunn yatunguye Miller mu buryo butangaje bwatumye iyi nkuru isakara hirya no hino ku Isi

    Iyi nkumi itazibagirwa ibyayibayeho byakwirakwiye isi cyane cyane ku mbuga nkoranyambaga yitwa Brittany Miller, naho umukunzi we akaba yitwa William Hunn. Nk’uko bigaragara mu mashusho n'amafoto yakwirakwiye hirya no hino ku Isi, Ikinyamakuru kitwa People Magazine cyanditse ko Hunn yatunguye Miller ahagaze imbere y'indege yo mu bwoko bwa Helicopter maze agatera ivi akamusaba kuzamubera umufasha akamuha impeta ishanu zikwiye ikiganza zikoze muri Diyama ziri ziri kugifashi cyazo uko zakabaye.

    Iyi nkuru yabaye kimomo mu gitondo cyo kuri uyu wa Kabiri tariki 13 Mata 2021 ubwo yacaga kuri televiziyo yitwa CBS mu kiganiro cyitwa CBS This Morning cya Gayle King. Ni inkuru uyu munyamakuru yaganiyeho na mugenzi we bavuga ukuntu uyu musore yatunguranye agaha umukunzi we impeta ishanu za Diyama. Umunyamakuru yagize ati 'Umukunzi we ntiyamuhaye imwe, ebyiri, ashatu, enye, ahubwo yamuhaye eshanu maze amusaba guhitamo'.


    Indege bayigushijehejuru y’inyubako igitaraganya batageze iyo bajyaga

    Uyu musore watunguye mu buryo budasanzwe umukunzi we yanyuze kuri Instagram ye maze avuga ko byamushimishije kuba iyi nkuru yabo yageze kure ndetse akanyura no kuri televiziyo mu makuru. Yagize ati 'Ubufasha twabonye icyumweru gishize twarabwishimye ndetse no kubona @gayleking yarabivuze mu makuru ya CBS byari ‘umuriro’. Yakomeje avuga ko akomeje urugendo n'umukunzi we afata nk'inshuti ye ikomeye.

    Yakomeke agira ati 'Ni ukuri biratangaje kubona inkuru yacu yarakwirakwijwe n'abantu benshi'. Miller watunguwe agakorerwa ibirori buri mukobwa yakwifuza, yavuze ko nta kintu yari abiziho kuko ngo bari bagiye mu gikorwa cyo gusogongera inzoga yo mu bwoko bwa wine [wine tasting].


    ibi birori byabaye agashya uyu mukobwa atazibagirwa

    Umuntu yavuga ko bari bagiye mu birori gusangira Wine bifashishije indege ariko ngo yaje gutungurwa n'ukuntu yaguye igitaraganya hejuru y'inyubako mu buryo atazi maze basohoka mu ndege umusore agatera ivi akamuha impeta 5 za diyama akamusaba kuzamubera umufasha.


    Impeta yamuhaye zikoze muri Diama

    Iyi nkumi yavuze yego [wamwemereye kuzamubera umugore], hari aho yagize ati 'Nagize amarangamutima menshi'. Akomeza avuga ko ari ibintu atazibagirwa mu buzima.

    SRC: torontosun.com

    Source : https://inyarwanda.com/inkuru/104851/yavuze-yes-umukobwa-yatunguwe-no-kubona-indege-imanutse-igitaraganya-akibaza-ibibaye-umuku-104851.html

  • Abantu 54 banduye Covid-19 mu Rwanda hakira abandi 67 #rwanda #RwOT

    Nta muntu n'umwe wigeze uhitanwa n'iki cyorezo kuri uyu munsi, byatumye umubare w'abamaze gupfa ukomeza kuba 322.Abakize kuri uyu munsi ni 67 bituma umubare w'abakize ugera kuri uba 22,082.

    Umubare w'abantu bishwe n'icyorezo cya Covid-19 ku Isi umaze kurenga miliyoni eshatu, mu gihe cy'amezi 15 iki cyorezo kimaze kiyogoza abatuye Isi dore ko cyamenyekanye bwa mbere ahagana mu Ukuboza mu 2019, i Wuhan mu Bushinwa.

    Leta Zunze Ubumwe za Amerika ni cyo gihugu kimaze gupfusha abantu benshi ku Isi, barenga ibihumbi 579, kigakurikirwa na Brésil iza ku mwanya wa kabiri n'abantu barenga ibihumbi 369, naho Mexique ikaza ku mwanya wa gatatu n'abantu barenga ibihumbi 211 bamaze gupfusha. U Buhinde buri ku mwanya wa Kane, kuko bumaze gupfusha abantu barenga ibihumbi 175.

    U Burusiya, u Bufaransa, u Bwongereza, Turikiya n'u Butaliyani ni byo bihugu bimaze gupfusha abantu barenga ibihumbi 100 ku Isi.

    Afurika y'Epfo iza ku mwanya wa mbere mu bihugu bimaze gupfusha abantu benshi muri Afurika, aho imaze gupfusha abantu barenga ibihumbi 53.

    Muri rusange Afurika imaze gupfusha abarenga ibihumbi 117 mu gihe u Burayi bumaze gupfusha abarenga miliyoni y'abantu.

    Mu barenga miliyoni 140 bamaze kwandura Covid-19, Amerika ifitemo miliyoni 32, igakurikirwa n'u Buhinde bufite miliyoni 14, Brésil ikagira 13 naho u Bufaransa bukagira abantu miliyoni eshanu.

    U Burusiya, u Bwongereza na Turikiya biri mu bihugu bimaze kugira abantu barenga miliyoni enye barwaye Covid-19 mu gihe ibihugu 24 bimaze kugira nibura abantu barenga miliyoni bamaze kwandura icyo cyorezo.

    Muri iyi minsi kandi, imibare y'ubwiyongere bw'abandura Covid-19 n'abahitanwa nayo ikomeje kwiyongera, n'ubwo ibihugu hafi ya byose byamaze gutangira gahunda yo gukingira abatuye Isi.

    Ibi ngo biri guterwa n'ubwoko bushya bwa Covid-19 bwagaragaye bwa mbere muri Afurika y'Epfo n'u Bwongereza, bufite ubushobozi bwo kwandura no kwica vuba ndetse ubushakashatsi bukaba bukomeje mu kureba niba budafite ubushobozi bwo kurwanya inkingo ziri gutangwa hirya no hino ku Isi.

    Umuyobozi w'Ishami ry'Umuryango w'Abibumbye ryita ku Buzima, OMS, Dr. Tedros Adhanom Ghebreyesus, yaburiye Isi ko ntaho icyorezo kirajya, asaba ko ibihugu byasangira inkingo mu rwego rwo kurandura iki cyorezo vuba.

    Kugeza ubu inkingo miliyoni zirenga 840 zimaze gutangwa, mu gihe abantu miliyoni 190 bamaze guhabwa inkingo ebyiri bakeneye kugira ngo bagire ubudahangarwa bwo kwirinda iki cyorezo.


    Source : http://umuryango.rw/amakuru/mu-rwanda/ubuzima/article/abantu-54-banduye-covid-19-mu-rwanda-hakira-abandi-67

  • Yarabafungishije! Ibintu 5 wamenya ku ndirimb… – #rwanda #RwOT

    Tariki 30 Werurwe 2021, Polisi y'u Rwanda yeretse Itangazamakuru abantu 39 barimo Social Mula, abanyamakuru Phil Peter na Irene Murindahabi barenze ku mabwiriza yo kwirinda icyorezo cya Covid-19.

    Polisi yavuze ko bafashwe bakora ibirori barengeje amasaha ndetse banarenze ku yandi mabwiriza yo kwirinda Covid-19.

    Bafashwe mu ijoro ryo ku wa 29 Werurwe 2021 mu masaha ya saa yine n'igice z'ijoro, bafatirwa mu rugo rwa Uwimana Hadijda usanzwe uba muri Leta Zunze Ubumwe za America ruherereye mu Karere ka Gasabo, Umurenge wa Kimihurura, Akagari ka Rugando mu Mudugudu wa Gasange.

    Umuvugizi wa Polisi y'u Rwanda, Commissioner of Police (CP) John Bosco Kabera yavuze ko gufatwa kw'aba bantu byaturutse ku makuru yatanzwe n'abaturage.

    Yagize ati” Twahawe amakuru ko hari abantu bateraniye ahantu hamwe bari mu birori tugiyeyo koko dusanga niko bimeze, dusanga ni umuhanzi Social Mula wari watumiye abo bantu bandi barimo n'abanyamakuru 2 ba Isibo TV ngo bari baje kumufasha mu ndirimbo yenda gusohora.'

    Uko ari 39 bafashwe, buri wese yari afite imirimo itandukanye ku ikorwa ry'amashusho y'indirimbo Social Mula yakoranye na Phil Peter. Harimo abanyamakuru, abafata amafoto n'amashusho, abasiga ibirungo by'ubwiza, ushinzwe amatara, amajwi n'abandi.

    Iyi ndirimbo izasohoka mu cyumweru gitaha kuri shene ya Youtube ya Phil Peter.

    INYARWANDA igiye kugaruka ku bintu bitanu ukwiye kuyimenyaho no kwitega.

    1.Ni ubwa mbere Social Mula na Phil Peter bakorewe indirimbo na Producer Element

    Producer Element wo muri Country Records yihariye isoko kuva mu 2020. Indirimbo itumvikanamo 'Eleeeh' bisaho n'aho iba itagezeho neza umugisha.

    Niwe Producer muto mu Rwanda mu batunganya amajwi y'indirimbo (Audio). Ukuboko kwe n'ubuhanga bwe bimaze gutuma akorera indirimbo abahanzi bakomeye buri Producer wese yakwifuza.

    Intonde (Playlist) z'indirimbo zikunzwe mu Rwanda zikorwa n'ibitangazamakuru n'abantu ku giti cyabo ziganjeho indirimbo zakozwe na Producer Element.

    Niwe wakoze indirimbo 'Amata' ya Socila Mula na Phil Peter igiye gusohoka. Ni ubwa mbere akoreye aba bombi indirimbo kuva yakwinjira mu mubare w'abatunganya amajwi y'indirimbo.

    Phil Peter yabwiye INYARWANDA ko hari indi mishinga y'indirimbo bazakorera kwa Element, ko 'Amata' ibimburiye izindi ndirimbo zose azabakorera.

    Ati 'Yaba ari njye, yaba ari Social Mula nta ndirimbo twari dufite twakorewe na Element. Izindi nubwo zaba zihari zaba ziri muri studio ariko iyi (Amata) araba ariyo ya mbere isohotse.'

    2. Ni ubwa mbere Phil Peter azagaragara abyina mu mashusho y'indirimbo ye

    Abakunze kureba amashusho y'indirimbo Phil Peter agaragaramo, abyina by'igihe gito ku buryo utavuga ngo yabiteguye hanyuma arabyina.

    Mu mashusho y'indirimbo 'Amata' afitemo imbyino yihariye y'igihe kinini, ku buryo nawe asobanura ko ari bwo bwa mbere azaba agaragaraye abyina mu ndirimbo.

    Iyi ndirimbo igaragamo abakobwa benshi b'ikimero bagaragara mu mashusho y'indirimbo z'abahanzi bakomeye mu Rwanda. Aba bose barabyina bigatinda.

    Harimo umukobwa ugaragara mu mashusho y'indirimbo 'Nkufite ku Mutima' The Ben yakoranye n'umuraperi, harimo kandi n'umukobwa ugaragara mu ndirimbo 'Like you' ya Kevin Kade, Seyn na Davis D n'abandi.

    Ni indirimbo ifite amashusho abantu bakwiye kwitega nk'uko Phil Peter yabibwiye INYARWANDA.

    3. Imyandikire idasanzwe isaba gutekereza kabiri

    Iyi ndirimbo yitwa 'Amata', ucyumva iri zina wagira ngo bazaririmba ku kamaro k'amata, aho akoreshwa, uko aterekwa n'ibindi.

    'Amata' arubahwa mu muco Nyarwanda ku buryo mu bahanzi b'iki gihe wabarira ku ntoki abayakozeho indirimbo.

    Phil Peter yabwiye INYARWANDA ko mu ndirimbo 'Amata' baririmbye urukundo ariko ko 'iyo uyumvise ushobora kugira ngo n'ibindi bintu by'ubuzima busanzwe.'

    Uyu munyamakuru yavuze ko iyi ndirimbo yakoranye na Social Mula irimo imyandikire idasanzwe 'kuko ukuntu turirimba 'Amata' ari ibintu bidasanzwe'.

    Yakomeje ati 'Wenda simbivuga aka kanya ariko nabo nibayumva bazabyumva.'

    4.Ni indirimbo isize urwibutso rudasaza kuri Phil Peter na Social Mula

    Phil Peter avuga ko iyi ndirimbo izahora mu ntekerezo ze na Social Mula, kuko yatumye bisanga imbere y'inzego z'umutekano ubwo bafatwaga barenze ku mabwiriza yo kwirinda Covid-19.

    Uyu munyamakuru avuga ko we na Social Mula bari bafite uburenganzira bwo kurenza amasaha, ariko ko bari kumwe n'abandi bantu batari bafite uruhushya.

    Yavuze ko indirimbo 'Amata' bazahora bayibuka nk'indirimbo yabaruhije, kandi bakisanga muri gereza bari baziko bayimurikira abantu mu gihe cya vuba.

    Phil Peter na Social Mula bafunzwe bari kumwe n'abantu 39. Barekuwe nyuma y'umunsi umwe baciwe amande ndetse buri wese yipimishije Covid-19.

    5. Ni ubwa mbere Social Mula akoranye indirimbo na Phil Peter

    Phil Peter avuga ko Social Mula ari inshuti ye y'igihe kirekire kandi ko bahuza mu mashyi no mu mudiho. Akavuga ko bari baratinze gukorana indirimbo ariko 'inkono ihira igihe'.

    Yavuze ko Social Mula ari mu bantu bagiye bamugira inama yo gukora indirimbo, aza kubyiyumvamo atangira urugendo.

    Phil Peter yabwiye INYARWANDA ko ari inshuti na Social Mula kuva ku ndirimbo ye ya mbere yise 'Ijoro ryiza' yakorewe na Bagenzi Bernard binyuze muri Label ye yari yarise 'The Zone'.

    Uyu munyamakuru yavuze ko ubushuti bwe na Social Mula bwatangiriye ku muziki, buza gukomera bitewe n'uko bahuza mu nguni zose.

    Peter yavuze ko atazibagirwa umunsi yahamagawe mu kiganiro kuri Radio na Social Mula amubwira ko akurikiye ikiganiro nk'abandi bafana.

    Bombi batangiye kuvugana mu 2012. Umushinga w'iyi ndirimbo 'Amata' ngo ugiye gukomeza ubuvandimwe.

    Uhereye ibumoso: Dj Waxy, Phil Peter wararikiye abantu kwitega indirimbo ‘Amata’ na Dj Ashirumatic

    Source : https://inyarwanda.com/inkuru/104842/yarabafungishije-ibintu-5-wamenya-ku-ndirimbo-amata-ya-social-mula-na-phil-peter-104842.html

  • Wa mukobwa wo mu ndirimbo ikinyafu biramurenze|Noneho agiye kwiga. – YEGOB #rwanda #RwOT

    Kayirebwa Marie Paul wamenyekanye mu ndirimbo ikinyafu ya Bruce Melody yakoranye na Kenny Sol, waje kwegukana ikamba rya Miss Popularity kuri ubu arimo kwicinya icyara nyuma yo guhabwa amahirwe yo kwiga kaminuza nyuma y'imyaka itatu nta cyizere cyo gukomeza amasomo ye kubera ubushobozi.

    Ubwo yari amaze guhabwa ikaze muri Kaminuza ya Kigali, uyu mukobwa yabwiye IGIHE ko ari ibyishimo bikomeye kuba agiye kujya ku ishuri.

    Ati 'Ni iby'agaciro cyane mbyakiriye neza, ndashimira Imana kuba yarabashije kumpa amahirwe yo kongera gusubira mu ishuri nkagira ubumenyi nunguka nkazagira n'aho nigeza mu buzima busanzwe.'

    Uyu mukobwa yavuze ko yari yarahuye n'ikibazo cy'amikoro cyatumye adakomeza kwiga kaminuza.

    Ibi ni nabyo biri mu mushinga yinjiranye mu irushanwa rya Miss Rwanda yitabiriye muri uyu mwaka.

    Avuga uko ubushobozi bwari bwaramubereye inzitizi zo gukomeza ishuri, Kayirebwa Marie Paul yagize ati 'Nari narasubitse kwiga kuko ntari mfite ubushobozi bwo kwirihira amashuri, kandi nk'uko nabivuze mbana n'umuvandimwe wanjye. Ntabwo byari kumworohera!'

    Leave your vote

    Comments

    0 comments

    Source : https://yegob.rw/wa-mukobwa-wo-mu-ndirimbo-ikinyafu-biramurenzenoneho-agiye-kwiga/

  • Bamenya yashimishije abantu bikomeye ubwo bamutunguraga ku isabukuru ye y'amavuko (AMAFOTO) – YEGOB #rwanda #RwOT

    Umukinnyi w'icyamamare muri filime nyarwanda Benimana Ramadhan ,uzwi nka Bamenya yashimishije cyane abantu bari baje kumutungura ku isabukuru ye y'amavuko.

    Byari ibyishimo bidasanzwe kuri Bamenya.Ubwo yizihizaga umunsi yavutseho, uyu mugabo yatunguwe n'inshuti ze, ziganjemo abakinnyi basanzwe bakinana muri filime nka Kecapu.Ubwo bari baje kumutungura, Bamenya bamusanze yicaye murugo akibabona yahise akubita agatwenge, maze atangira kuvuga amagambo asekeje, abari baje bafite impano batangira guseka zitaratangwa.

    Bamenya na Kecapu

    Abaje gutungura Bamenya bamubwiye ko bamukunda cyane, kandi bakunda uburyo yicisha bugufi mubyo akora byose.

    Bamenya nawe yashimiye abamuzirikanye bose kuri uyu munsi yavutseho avugako aribyiza kugira inshuti zikwitaho kandi zikaguhoza kumutima. Nubwo Bamenya yizihije isabukuru ntiyigeze atangaza imyaka yujuje gusa yavuze ko imaze kuba myinshi.

    Leave your vote

    Comments

    0 comments

    Source : https://yegob.rw/bamenya-yashimishije-abantu-bikomeye-ubwo-bamutunguraga-ku-isabukuru-ye-yamavuko-amafoto/

  • U Rwanda rwemerewe inguzanyo ya miliyoni 30$ azakoreshwa muri gahunda y’ikingira rya Covid-19 –

    Gahunda y’ikingira izatwara miliyoni 120$ muri rusange, ariko mu cyiciro cya mbere cyayo, miliyoni 47$ nizo zikenewe kugira ngo nibura 30% by’Abanyarwanda bazabe bahawe urukingo bitarenze uyu mwaka.

    Umuyobozi wa Banki y’Isi mu Rwanda, Rolande Pryce, yavuze ko “Banki y’Isi ishimishijwe no gutera inkunga u Rwanda mu gikorwa kitoroshye cyo gukingira 60% by’Abanyarwanda bitarenze umwaka wa 2022”.

    Yongeyeho ati “Ibikorwa byo gukingira ni ingenzi cyane mu kurengera ubuzima no gufungura ibikorwa by’ubukungu mu buryo bwagutse, ibizasubiza igihugu mu buzima busanzwe n’umurongo w’iterambere cyahozemo. Dutewe ishema no kugira uruhare muri uwo mugambi”.

    Iyi nguzanyo yujuje miliyoni 45$ mu mafaranga Banki y’Isi imaze guha u Rwanda mu kurwanya icyorezo cya Covid-19.

    Byitezwe ko mu bindi aya mafaranga azakoreshwa harimo kongera ubushobozi bw’ibitaro byo mu Rwanda mu buvuzi bwongerera umurwayi umwuka wa Oxygène, gusuzuma abafite indwara zidakira n’ibindi.

    U Rwanda rumaze gutanga inkingo 348 629, muri iyi minsi abahawe urukingo rwa Pfizer barimo guterwa urwa kabiri, mu gihe abahawe urwa AstraZeneca bazategereza nyuma y’amezi atatu, bakabona guterwa urwa kabiri.

    U Rwanda rufite intego yo gukingira 60% by’Abanyarwanda bitarenze umwaka utaha

  • Abantu babarirwa muri Miliyoni zisaga 3 bamaze guhitanwa na Covid-19 #rwanda #RwOT

    Ikigo cy'ubushakashatsi kuri virusi ya Corona muri kaminuza ya Johns Hopkins muri Leta zunze ubumwe z'Amerika, kiratangaza ko COVID-19 imaze guhitana abantu barenga miliyoni eshatu. Kuri uyu wa gatandatu tariki 17 Mata 2021, urubuga rw'iki kigo rwatangaje ko abamaze guhitanwa nacyo bagera kuri 3,001,068.

    Iyi ndwara ikomeje guhitana abatari bake mu gihe ibihugu binyuranye byo ku isi byatangiye gutanga inkingo zo kurwanya virusi iyitera. Nyamara mu bice bitandukanye, umubare w'abayandura ukomeje gutumbagira. Mu Buhinde, igihugu gisanzwe kizwiho gukora inkingo cyane kuri uyu wa gatandatu hagaragaye abarwayi bashya 230,000 mu gihe cy'amasaha 24 gusa.

    Mu gihe Leta zunze ubumwe z'Amerika ikomeje gukingira abantu benshi iracyari ku isonga mu kugira umubare munini ku isi w'abanduye iyo ndwara. Ikigo cy'ubushakashatsi kuri virusi ya Corona muri kaminuza ya Johns Hopkins kiratangaza ko umubare w'abanduye COVID-19 muri Amerika ugera kuri miliyoni 31.5 muri miliyoni 140 z'abanduye iyo ndwara ku isi yose. Hakurikiraho Ubuhinde bufite miliyoni 14.5 z'abayanduye na Brazil ifite miliyoni 13.8 z'abanduye virusi ya Corona.

    Umubare w'abandura nkuko VOA ibitangaza, ukomeje kwiyongera muri Canada watumye hashyirwaho ingamba zikaze zo kwirinda gukwirakwiza iyi ndwara. Mu ntara ya Ontario ubu hagiyeho itegeko ko uwanduye virusi ya Corona agomba kuguma mu rugo ibyumweru bitandatu byose. Mbere abantu basabwaga kwishyira mu kato ibyumweru bibiri gusa ariko ubu byongerewe.

    Ishami ry'Umuryango w'Abibumbye ryita ku buzima (OMS) ryo ryagaragaje impungenge ko iyi ndwara ikomeje kwiyongera ku isi. Umuyobozi wa OMS Tedros Adhanom Ghebreyesus yatangaje ko abandura iyi ndwara bagenda biyongera buri cyumweru kandi bikubye kabiri mu mezi abiri ashize bityo imibare yabo ikaba isatira igipimo cyo hejuru kuruta ikindi gihe cyose kuva icyorezo cyatangira. Yavuze ko iyi mibare yatangiye kwiyongera mu kwezi kwa kabiri nyuma y'ibyumweru bitandatu byari bishize.

    Munyaneza Theogene / intyoza.com

    Source : https://www.intyoza.com/abantu-babarirwa-muri-miliyoni-zisaga-3-bamaze-guhitanwa-na-covid-19/