Webrwanda Backend

Author: webrwanda

  • Nyanza: Igishirira cyahitanye umukecuru #rwanda #RwOT

    Umukecuru w'imyaka 61 y'amavuko wo mu Mudugudu wa Nyabisindu mu Kagari ka Rwesero, Umurenge wa Busasamana mu Karere ka Nyanza, yapfuye nyuma yo gushya biturutse ku gishirira cyo mu mbabura.

    Mukangango Pricilla w'imyaka 61 y'amavuko taliki ya 13 Werurwe 2021 ku mugoroba atetse ku mbabura y'amakara yatwitswe n'igishirira imyenda irashya na we ubwe arashya.

    Umunyamabanga Nshingwabikorwa w'Akagari ka Rwesero, Rubuga Jean de Dieu yabwiye UMUSEKE dukesha iyi nkuri ko Mukangango akimara gushya umwana bari kumwe yahise atabaza abaturanyi baratabara.

    Ati 'Mukangango yahindukiye atetse igishirira kiramutwika imyenda irashya na we ashya igice cyose ku kibuno umwana atabaje abaturage baraza bamusukaho amazi baramuzimya.'

    Gitifu Rubuga akomeza avuga ko abaturage  bahise bihutira guhamagara imbangukiragutabara (amburance) Mukangango bihutira kumujyana ku Bitaro by'i Nyanza birananirana, Abaganga bamwohereza ku Bitaro bya CHUB mu karere ka Huye naho birananirana, bamwohereza CHUK i Kigali ari naho yaguye kuri uyu wa Gatandatu.

    Mukangango asize abana babiri, amakuru abatuye muri kariya gace bahaye UMUSEKE ntibimera ko iby'iriya mpanuka bisanzwe, bavuga ko harimo izindi mbaraga umuntu atamenya (amarozi).

    Inkuru ya Umuseke.rw

    Source : https://impanuro.rw/2021/04/18/nyanza-igishirira-cyahitanye-umukecuru/

  • Igitabo cya Wrong cyabereye Kampala inkota y'amugi abiri – #rwanda #RwOT

    Gusa ku rundi ruhande, ubutegetsi bwa Kampala bwisanze mu mwanya utari mwiza, aho busabwa gufata icyemezo kigoye cyo gushyigikira no kwamamaza iki gitabo, cyangwa se bakabyihorera.

    Mu cyumweru gishize, kuwa 15 Mata, ikinyamakuru cya Leta ya Uganda, The New Vision, cyatangaje inkuru yari ifite umutwe ugira uti 'Michela Wrong yibeshye ku Banyarwanda bari muri NRA'. Ni inkuru yari ifite intego yo gutesha agaciro igitabo cya Michela, cyane cyane ku ngingo y'uruhare Abanyarwanda bagize mu ntambara yatangiye mu 1981, ikarangira muri Mutarama 1986, imaze kugeza Perezida Museveni ku butegetsi.

    Mu gitabo cye, Wrong agaragaza Abanyarwanda muri NRA, nk'inkingi ya mwamba yatumye urugamba rwo kubohora Uganda rugera ku ntego zarwo, ndetse no guha Museveni, ugaragazwa nk'uwari ubashingiyeho mu buryo bwa gisirikare, ubutegetsi akiriho magingo aya.

    Inkuru ya The New Vision rero igaragaza iki gice cy'igitabo nk'aho ari cyo cyonyine kitari ukuri. Bisa nk'aho abayobozi ba Uganda baraye amajoro bibaza kuri iki gice cy'igitabo, urebye n'uburyo bagerageje kwerekana ko atari Abanyarwanda.

    Uruhare rw'Abanyarwanda muri NRA rurazwi neza, ndetse kwandika amazina kugira ugaragaze ko umuntu ari Umunyarwanda, Umugande, Umusoga cyangwa Umunyankole ni ubujiji. Nk'urugero, hari amajwi yafashwe y'aho Museveni avuga ko yatunguwe n'uko benshi mu basirikare bavuye muri Uganda bagatera u Rwanda mu Ukwakira 1990 bari Abanyarwanda.

    Hari nk'aho avuga ko yatunguwe no kumva ko abantu nka Gen Sam Kaka, wari ukuriye ingabo za APR, yari Umugande, cyangwa ko Col. Adam Waswa waguye ku rugamba mu Mutara yari Umunyarwanda. Niba rero na Museveni ubwe yitiranya Abanyarwanda n'Abagande, ni inde noneho wavuga ko azi umwirondoro w'abasirikare bari muri NRA? Bivuze rero ko n'urwo rutonde rw'abasirikare ba nyabo b'Abagande rutakwizerwa.

    Ubwo yari akubutse mu nama y'Umuryango w'Abibumbye mu 1990, ingabo za FPR zamaze gutera igihugu, yaragize ati 'Mu buryo bwose, ntitwamenye ko bariya basirikare bari Abanyarwanda, kuko bakundaga guhisha umwirondoro wabo'.

    Yongeyeho ati 'Ndifuza kubisobanura neza rwose ko tutari tuzi ko bariya barwanyi bazava mu gisirikare, ndetse ntitunabatera inkunga'.

    N'ubwo Museveni avuga atyo ariko, muri rusange Abanyarwanda n'Abagande bagiye bashyingirana bitewe no gusuhuka cyangwa kwimukira mu kindi gice, kuva mu bihe by'ubukoloni mu myaka ya za 1930, ku buryo byigeze gutuma umujyanama wa Museveni mu bya politiki, David Mafabi, yandika ko bigoye cyane kuba wabona umuryango w'Abagande udafite mwene wabo w'Umunyarwanda.

    Ikindi kandi, bitewe no kumara imyaka myinshi batotezwa, Abanyarwanda muri Uganda bakunze guhindura inkomoko yabo kugira ngo bigire nk'Abagande, ndetse abenshi baracyanafite uwo mwirondoro bihaye kugeza ubu. Uramutse unitegereje neza, usanga benshi muri abo Banyarwanda bahinduye umwirondoro wabo, baragiye muri NRA kugira ngo bahunge iryo hohoterwa.

    Perezida Museveni na we ubwe yahuye n'iri hohoterwa. Mu 1980, ubwo yiyamamarizaga umwanya mu Nteko Ishinga Amategeko ahagarariye agace ka Mbarara, yasebejwe n'abataravugaga rumwe nawe bamusabaga kwerekana imva ya ba sekuru nk'ikimenyetso cy'uko ari Umugande.

    Si ibanga kandi ko kugeza magingo aya, hakiri Abagande benshi batekereza ko Museveni ari umwe muri za miliyoni z'Abanyarwanda bahinduye inkomoko yabo. Mu gihe cy'urugamba rwa NRA, Perezida Obote yabwiye BBC ko Museveni ari impunzi.

    Biteye agahinda rero kuba ingengabitekerezo yatumye Abanyarwanda bameneshwa bakanahohoterwa muri Uganda igikomeje na magingo aya, ndetse kugeza ubwo bamwe mu bagizweho ingaruka n'iyo ngengabitekerezo ari bo bayikoresha kandi mu guhohotera Abanyarwanda, binyuze mu kubafunga ntacyo bashinjwa, kubakorera iyicarubozo ndetse no kubirukana mu gihugu.

    Ahagana muri za 1980, Obote na we yirukanye abantu benshi yaketse ko bari Abanyarwanda, barimo na bamwe bumvaga ko mu by'ukuri babashije kwihindura Abagande burundu.

    Mu mateka ya Uganda, abantu bose bakoresheje itsinda ry'abandi bantu barimo n'Abanyarwanda, nk'igikoresho cya politiki gikwiriye ingamba zikomeye, babikoze bamaze kubura ibitekerezo byo kuyobora igihugu. Ni politiki iciriritse cyane itakabaye ibarizwa mu kinyejana cya 21.

    Tugarutse ku gitabo cya Michela Wrong, biratangaje kuba inzego z'ubuyobozi muri Uganda zibifata nk'ibintu bitumvikana kuba umwanditsi yaravuze ko Museveni atari bugere ku butegetsi bitagizwemo uruhare rufatika n'Abanyarwanda.

    Kuba se bari 'Indwanyi zitava ku izima muri NRA', nk'uko Wrong abivuga, abayobozi ba Kampala bari kugorwa no kubihakana, gusa ibyo biganiro mpaka ni ibyabo birabareba, kuko n'ubundi indwanyi zitava ku izima zirangwa no kuvuga make, zigashyira imbaraga nyinshi mu bikorwa kurusha amagambo.

    Nk'uko Andrew Mwenda yabyanditse, igitabo cya Wrong ni ikinyoma kidakwiye no kwibazwaho. Ariko nanone, nta wabura kuvuga ko n'isaha yapfuye iba iri ku gihe inshuro ebyiri ku munsi. Umuntu rero ntiyabura kuvuga ko hari ingingo nk'ebyiri cyangwa eshatu ziri mu gitabo, zerekana neza nyine ko Abanyarwanda ari abarwanyi batava ku izima, bakomeye kandi badatsindwa.

    Uganda yateye inkunga iyandikwa ry’igitabo cya Michela Wrong

    Source : http://igihe.com/amakuru/u-rwanda/article/igitabo-cya-wrong-cyabereye-kampala-inkota-y-amugi-abiri

  • Abantu benshi batunguwe n'umugore wirukanse yambaye ubusa ubwo hashyingurwaga Prince Philip. – YEGOB #rwanda #RwOT

    Umugore utatangajwe amazina yatunguye imbaga yari yagiye mu muhango wo gushyingura Prince Philip, umugabo wa Elizabeth II Umwamikazi w'u Bwongereza, ubwo uyu mugore yakuragamo imyenda yo hejuru akirukanka yambaye agakabutura gato hasi.

    Umuhango wo kumushyingura ukaba warabaye ku munsi w'ejo aho wabereye mu ngoro ya Windsor Castle yari yateraniyemo umuryango w'i bwami n'abandi bayobozi bakomeye b'Ubwongereza.

    Hanze y'ingoro ya Windsor Castle ahari hateraniye abaturage benshi bari baje kwifatanya n'umwamikazi Elizabeth II waherekezaga umugabo we Prince Philip bari bamaranye imyaka 75 bashyingiranywe, niho habereye igikorwa gitangaje aho umugore yikuyemo imyenda ye yo hejuru agasigara yambaye ubusa agaragaza inda n'amabere.

    Uyu mugore akimara kwambura imyenda ye yo hejuru yasigaye yambaye agakabutura gato maze yiruka imbere yaho Prince Philip yashyingurirwaga maze agenda avuga ati 'Mutabare Umubumbe' abisubiramo inshuro nyinshi. Abari aho batangiye gufata amashusho ye abandi batangira kumufotora dore ko ibyo yakoraga byari bitangaje.

    Inkuru ya Uk independent ikaba ivuga ko Polisi yahise ihurura ndetse Ubwo abapolisi bahageraga bahise bamuha umwenda wo kwambara hejuru maze bamukura aho haberaga umuhango wo gushyingura Prince Philip wari uri kubera. Kugeza ubu ntibiramenyekana icyatumye uyu mugore akora igikorwa nk'iki cyangwa ngo hatangazwe ibimuranga bye

    Leave your vote

    Comments

    0 comments

    Source : https://yegob.rw/abantu-benshi-batunguwe-numugore-wirukanse-yambaye-ubusa-ubwo-hashyingurwaga-prince-philip/

  • Igitabo cya Wrong cyabereye Kampala inkota y’amugi abiri –

    Gusa ku rundi ruhande, ubutegetsi bwa Kampala bwisanze mu mwanya utari mwiza, aho busabwa gufata icyemezo kigoye cyo gushyigikira no kwamamaza iki gitabo, cyangwa se bakabyihorera.

    Mu cyumweru gishize, kuwa 15 Mata, ikinyamakuru cya Leta ya Uganda, The New Vision, cyatangaje inkuru yari ifite umutwe ugira uti “Michela Wrong yibeshye ku Banyarwanda bari muri NRA”. Ni inkuru yari ifite intego yo gutesha agaciro igitabo cya Michela, cyane cyane ku ngingo y’uruhare Abanyarwanda bagize mu ntambara yatangiye mu 1981, ikarangira muri Mutarama 1986, imaze kugeza Perezida Museveni ku butegetsi.

    Mu gitabo cye, Wrong agaragaza Abanyarwanda muri NRA, nk’inkingi ya mwamba yatumye urugamba rwo kubohora Uganda rugera ku ntego zarwo, ndetse no guha Museveni, ugaragazwa nk’uwari ubashingiyeho mu buryo bwa gisirikare, ubutegetsi akiriho magingo aya.

    Inkuru ya The New Vision rero igaragaza iki gice cy’igitabo nk’aho ari cyo cyonyine kitari ukuri. Bisa nk’aho abayobozi ba Uganda baraye amajoro bibaza kuri iki gice cy’igitabo, urebye n’uburyo bagerageje kwerekana ko atari Abanyarwanda.

    Uruhare rw’Abanyarwanda muri NRA rurazwi neza, ndetse kwandika amazina kugira ugaragaze ko umuntu ari Umunyarwanda, Umugande, Umusoga cyangwa Umunyankole ni ubujiji. Nk’urugero, hari amajwi yafashwe y’aho Museveni avuga ko yatunguwe n’uko benshi mu basirikare bavuye muri Uganda bagatera u Rwanda mu Ukwakira 1990 bari Abanyarwanda.

    Hari nk’aho avuga ko yatunguwe no kumva ko abantu nka Gen Sam Kaka, wari ukuriye ingabo za APR, yari Umugande, cyangwa ko Col. Adam Waswa waguye ku rugamba mu Mutara yari Umunyarwanda. Niba rero na Museveni ubwe yitiranya Abanyarwanda n’Abagande, ni inde noneho wavuga ko azi umwirondoro w’abasirikare bari muri NRA? Bivuze rero ko n’urwo rutonde rw’abasirikare ba nyabo b’Abagande rutakwizerwa.

    Ubwo yari akubutse mu nama y’Umuryango w’Abibumbye mu 1990, ingabo za FPR zamaze gutera igihugu, yaragize ati “Mu buryo bwose, ntitwamenye ko bariya basirikare bari Abanyarwanda, kuko bakundaga guhisha umwirondoro wabo”.

    Yongeyeho ati “Ndifuza kubisobanura neza rwose ko tutari tuzi ko bariya barwanyi bazava mu gisirikare, ndetse ntitunabatera inkunga”.

    N’ubwo Museveni avuga atyo ariko, muri rusange Abanyarwanda n’Abagande bagiye bashyingirana bitewe no gusuhuka cyangwa kwimukira mu kindi gice, kuva mu bihe by’ubukoloni mu myaka ya za 1930, ku buryo byigeze gutuma umujyanama wa Museveni mu bya politiki, David Mafabi, yandika ko bigoye cyane kuba wabona umuryango w’Abagande udafite mwene wabo w’Umunyarwanda.

    Ikindi kandi, bitewe no kumara imyaka myinshi batotezwa, Abanyarwanda muri Uganda bakunze guhindura inkomoko yabo kugira ngo bigire nk’Abagande, ndetse abenshi baracyanafite uwo mwirondoro bihaye kugeza ubu. Uramutse unitegereje neza, usanga benshi muri abo Banyarwanda bahinduye umwirondoro wabo, baragiye muri NRA kugira ngo bahunge iryo hohoterwa.

    Perezida Museveni na we ubwe yahuye n’iri hohoterwa. Mu 1980, ubwo yiyamamarizaga umwanya mu Nteko Ishinga Amategeko ahagarariye agace ka Mbarara, yasebejwe n’abataravugaga rumwe nawe bamusabaga kwerekana imva ya ba sekuru nk’ikimenyetso cy’uko ari Umugande.

    Si ibanga kandi ko kugeza magingo aya, hakiri Abagande benshi batekereza ko Museveni ari umwe muri za miliyoni z’Abanyarwanda bahinduye inkomoko yabo. Mu gihe cy’urugamba rwa NRA, Perezida Obote yabwiye BBC ko Museveni ari impunzi.

    Biteye agahinda rero kuba ingengabitekerezo yatumye Abanyarwanda bameneshwa bakanahohoterwa muri Uganda igikomeje na magingo aya, ndetse kugeza ubwo bamwe mu bagizweho ingaruka n’iyo ngengabitekerezo ari bo bayikoresha kandi mu guhohotera Abanyarwanda, binyuze mu kubafunga ntacyo bashinjwa, kubakorera iyicarubozo ndetse no kubirukana mu gihugu.

    Ahagana muri za 1980, Obote na we yirukanye abantu benshi yaketse ko bari Abanyarwanda, barimo na bamwe bumvaga ko mu by’ukuri babashije kwihindura Abagande burundu.

    Mu mateka ya Uganda, abantu bose bakoresheje itsinda ry’abandi bantu barimo n’Abanyarwanda, nk’igikoresho cya politiki gikwiriye ingamba zikomeye, babikoze bamaze kubura ibitekerezo byo kuyobora igihugu. Ni politiki iciriritse cyane itakabaye ibarizwa mu kinyejana cya 21.

    Tugarutse ku gitabo cya Michela Wrong, biratangaje kuba inzego z’ubuyobozi muri Uganda zibifata nk’ibintu bitumvikana kuba umwanditsi yaravuze ko Museveni atari bugere ku butegetsi bitagizwemo uruhare rufatika n’Abanyarwanda.

    Kuba se bari “Indwanyi zitava ku izima muri NRA”, nk’uko Wrong abivuga, abayobozi ba Kampala bari kugorwa no kubihakana, gusa ibyo biganiro mpaka ni ibyabo birabareba, kuko n’ubundi indwanyi zitava ku izima zirangwa no kuvuga make, zigashyira imbaraga nyinshi mu bikorwa kurusha amagambo.

    Nk’uko Andrew Mwenda yabyanditse, igitabo cya Wrong ni ikinyoma kidakwiye no kwibazwaho. Ariko nanone, nta wabura kuvuga ko n’isaha yapfuye iba iri ku gihe inshuro ebyiri ku munsi. Umuntu rero ntiyabura kuvuga ko hari ingingo nk’ebyiri cyangwa eshatu ziri mu gitabo, zerekana neza nyine ko Abanyarwanda ari abarwanyi batava ku izima, bakomeye kandi badatsindwa.

    Uganda yateye inkunga iyandikwa ry’igitabo cya Michela Wrong

  • Umugabo yahuye n'uruva gusenya ubwo yafatwaga ku ngufu n'abagore babiri barwaye SIDA bamufatiyeho imbunda. – YEGOB #rwanda #RwOT

    Uyu mugabo wo muri Afurika y'epfo,yahuye n'uruva gusenya ubwo yafatwaga ku ngufu n'abagore babiri barwaye SIDA.Uyu mugabo ubwo yaganiraga n'ikinyamakuru daily sun, yasobanuye neza ukuntu abo bagore bamufashe kungufu muburyo bubabaje.

    Uyu mugabo yagize ati: 'abagore babiri barwaye Sida bamfashe kungufu bantunze imbunda, aba baraje banjyana mu bihuru, umwe muribo yahise yiyambura imyenda maze undi antegeka ibyo ngomba gukora. Uyu wari umfatiyeho imbunda yantegetse ko ngomba kwinjiza igitsina cyange mucyuwo mugore wari wiyambuye imyenda, kandi ko nintabikora bahita bandasa'

    Yakomeje agira ati: 'nyuma yuko bari bamaze kunsambanya kugahato umwe muribo yahise ambwira ko yanduye agakoko gatera sida'

    Uyu mugabo w'imyaka 37 wasaga nuwahungabanye ngo yahise yihutishwa ajyanwa kwa muganga ndetse bamuha imiti ishobora kumufasha kutandura sida.

    Uyu mugabo kandi yasobanuye ukuntu abo bagore umwe yabaga ari kumufata kungufu maze undi akaba amuhagaze hejuru nimbunda areba ko ari gukora akazi neza. Umugore wuwo mugabo ngo yizeye ko abo bagore bamufatiye umugabo bazagezwa mubutabera kandi ko ngo yiteguye gukora byose agashyigikira umugabo we.

    Uyu mugabo ngo ajya gufatwa ku ngufu yari arimo kwigendera kumuhanda maze muburyo atatekerezaga abo bagore babiri bahita bamutegeka guta umuhanda akajya mubihuru byari aho bamutunze imbunda, ari nabwo bahitaga bamwereka icyo akora ku gahato. Kugeza ubu police ikaba ikiri gushakisha abo bagore babir

    Leave your vote

    Comments

    0 comments

    Source : https://yegob.rw/umugabo-yahuye-nuruva-gusenya-ubwo-yafatwaga-ku-ngufu-nabagore-babiri-barwaye-sida-bamufatiyeho-imbunda/

  • Umusore witeguraga gukora ubukwe yaburiwe irengero bikekwa ko yariwe na shark. – YEGOB #rwanda #RwOT

    Uyu musore witwa Robert Frauenstein witeguraga gukora ubukwe mu kwezi gutaha yaburiye mu Nyanja yagenderaga hejuru y'amazi ariko akantu yagenderagaho [bodyboard] kabonetse karumwe n'iyi shark bikekwa ko ariyo yamuriye.

    I gifi kinini Shark

    Uyu mugabo w'imyaka 38 yari mu nyanja y'ahitwa Chinsta,muri Afurika y'Epfo,ari naho yaburiye.

    Ikinyamakuru The Sun cyatangaje ko inshuti z'uyu mugabo zategereje ko mugenzi wabo wari mu nyanja muri siporo agaruka ku mucanga baraheba.

    Robert n'umukunzi we biteguraga kurushinga

    Aba batangiye gushakisha uyu mugenzi wabo ariko baramubura kugeza ubwo babonye akantu yagenderagaho karumwe cyane n'iki gifi cy'inkazi.

    Hakoreshejwe indege 2 mu gushakisha bigizwemo uruhare n'ikigo cyitwa National Sea Rescue Institute (NSRI),abandi bakoresha ubwato ariko uwiteguraga kuba umugore we ntiyabonetse.

    Umwe mu nshuti ze yagize ati 'Dukwiriye kwemera ko shark y'umweru yariye Robert ndetse nta n'amahirwe y'uko bashobora kumubona.Umukunzi we Jana Hiles ari mu gahinda kenshi.Bari hafi kurushinga.'

    Leave your vote

    Comments

    0 comments

    Source : https://yegob.rw/umusore-witeguraga-gukora-ubukwe-yaburiwe-irengero-bikekwa-ko-yariwe-na-shark/

  • Ifoto nshya ya Perezida Kagame yemewe izajya ishyirwa ahantu hatandukanye yishimiwe –

    Iyi foto nshya igaragaza Perezida kagame yambaye amadarubindi, ishati y’umweru, karuvati y’ubururu n’ikote ry’umukara ije isimbura iyari imaze imyaka itandatu ikoreshwa kuko yatanzwe mu 2015.

    Mu bagize icyo bavuga kuri iyi foto harimo uwitwa Mwene Munana wagize ati “ifoto nshya yemewe ya Perezida wa Repubulika y’u Rwanda, Nyakubahwa Paul Kagame. Rudasumbwa mu mihigo, Umugaba mukuru akaba indongozi, indakemwa kandi ni umudatenguha w’Abanyarwanda.”

    Umunyamakuru wa siporo, David Bayingana ari mu bagaragaje ko iyi foto ari nziza mu buryo budasanzwe agira ati “Fresheur Za Cent Millions”.

    Uwitwa Kirabo Mary we yagaragaje ko Imana ikwiye gushimwa kuba yarahaye Perezida Kagame Abanyarwanda. Ati “ Bagore n’abagabo, uyu ni Perezida wanjye Paul Kagame. Perezida wa Repubulika y’u Rwanda. Mana ushimwe.”

    Umurungi Cynthia nawe yagaragaje ko yakunze iyi foto agira ati “Iyi ni nshya ? Niyo zajya ikoreshwa byemewe ? Twayikunze.”

    Abantu benshi bagaragaje ko bakunze iyi foto nshya ya Perezida Kagame yemewe nk’izajya ishyirwa ahantu hatandukanye

    Mu biro by’inzego za Leta n’ahandi, iyi niyo foto yakoreshwaga

  • Uko GAERG yababereye umubyeyi nyuma y'agahinda n'ibikomere basigiwe na Jenoside – #rwanda #RwOT

    Ibyo barabivuga mu gihe u Rwanda rwibuka ku nshuro ya 27 Jenoside yakorewe Abatutsi, ku nsanganyamatsiko igira iti 'Kwibuka twiyubaka'.

    Gukura uri wenyine hari abo muvukana mwakabaye musangira byinshi mugirana n'inama, ni agahinda gakomeye bigoye kukikuramo ugasubira mu buzima busanzwe. Bigorana kukakira cyane iyo umenye ko kuba batariho bitatewe n'uburwayi cyangwa impanuka, ahubwo ko 'bishwe bigambiriwe'.

    Uko iminsi ihita indi igataha, guheranwa n'agahinda no kwiburira icyizere bikubaho, ukumva ntacyo umaze ku Isi kuko nta muvandimwe uhafite. Iyo abandi bari kwerekwa urukundo n'ababyeyi babo wowe ntabo ubona iruhande rwawe biragushengura, rimwe na rimwe ukibaza impamvu byabayeho.

    Bumwe mu butwari bubaho mu buzima ni ukwikura muri ibyo bihe, ukibohora izo ntekerezo ziguheza mu mateka ahubwo ugaharanira ahazaza heza h'igihugu cyawe, wiyubaka mu bushobozi bw'intekerezo n'ubw'amikoro. Bisaba imbaraga nyinshi ariko birashoboka, kuko hari ababigezeho barimo na Rutanga Leonard David.

    Mu kiganiro cyihariye na IGIHE, yavuze ko nyuma yo kurokoka Jenoside bitari byoroshye kwiyakira, ariko uko yagiye ahurira n'abandi bahuje ibibazo muri AERG na GAERG byagiye bimufasha kumva atari wenyine.

    Ku myaka ine y'amavuko yari afite Jenoside iba, ntabwo yahise amenya ububi bwayo kubera ubwana ahubwo yagendaga abibona uko imyaka yicuma.

    Yagize ati 'Ikirangira, gutekereza iby'ahazaza ntabyo twagiraga kuko twari abana; ariko tumaze gukura, kubona icyo twatakaje n'imbogamizi, twiburiye icyizere tubona ahazaza hazatugora cyane.'

    Ni ubuhamya ahuje na Ingabire Assumpta warokotse wenyine mu muryango w'abantu batanu, wavuze ko atari asobanukiwe ibyamubayeho cyane ko byabaye afite imyaka itatu.

    Kuri Ingabire icyizere cy'ubuzima cyavuye ku gukundishwa ishuri n'umuryango wamureze, wamubwiraga ko 'natiga azabaho nabi'. Ibyo byamuteye imbaraga zo kwiga ashyizeho umwete abasha kurangiza ayisumbuye ndetse araminuza, atangira gushaka uko yibeshaho.

    Rutanga we asobanura ko umuryango w'abanyeshuri barokotse Jenoside(AERG) yabayemo kuva mu mashuri yisumbuye ari wo wamugaruriye icyizere akumva ko afite ubuzima, kubera ukuntu abawubamo bisungana bagahumurizanya bagirana n'inama.

    Yakomeje ati 'Muri AERG twahabonye data, tubonamo mama, tubonamo abavandimwe, na ba sogokuru na nyogokuru batuganiriza ibintu bitandukanye, bituma dusubirana icyizere cyo kubaho.'

    Yakomeje avuga ko inyigisho zitandukanye zitangwa n'ubuyobozi bw'Igihugu cyane cyane mu bihe byo kwibuka na zo zagize uruhare rukomeye mu kumuremamo icyizere.

    Urugendo rwo kwiyubaka rwari rugoye

    Ingabire arangije Kaminuza yatangiye urugendo rushya rwo kwishakamo ibisubizo yubaka ahazaza he neza cyane ko noneho yiyumvagamo icyizere cyo kubaho.

    Avuga ko yabanje gukora ibiraka ahantu hatandukanye, nyuma afata umwanzuro wo kwikorera ku giti cye aho acuruza ibikoresho by'ubwubatsi.

    Bijyanye n'uko yatangiye kwikorera mu bihe bya COVID-19, yari afite ubwoba ko bitazamuhira ariko akomeza kugerageza.

    Yagize ati 'Natangiye mfite ubwoba, hari n'abantu bambwiraga bati 'urahombye' nanjye nkumva koko ndahombye ariko kugeza ubu ndashima Imana. Mbona bigenda bikunda.'

    Rutanga yavuze ko na we yari atewe ubwoba no gutangira ubucuruzi akora bwa telefoni, ariko akumva ko 'bizagenda neza'.

    Yakomeje ati 'Intangiriro burya iteka ziragora ariko numvaga bizagenda buhoro buhoro, gusa sinakubeshya ngo aho ngeze aha narabiteganyaga.'

    Babamya ko gusenga Imana ari ikintu cyabagiriye umumaro haba mu kwigarurira icyizere no kwiyubaka bakagira ubushobozi, bakanaboneraho kubishishikariza abandi barokotse Jenoside batarabasha kwiyakira ngo baniteze imbere.

    Nubwo kwihangana byabaranze mu rugendo rwo kwishakamo ibisubizo, bavuga ko bagiye bahura n'imbogamizi zirimo kutabona abantu bakuru babagira inama no 'kwakira ko umuryango udahari koko'.

    Kumva ko ari bo ubwabo bagomba kwiyitaho bakirengagiza ibishobora kubaca intege byose, byababereye inkingi muri uko kwiyubaka.

    Ingabire ubu afite intego yo kuzamura byisumbuye urwego ariho akabasha guha akazi n'abandi benshi, mu gihe Rutanga ashaka kuzajya yirangurira hanze telefoni acuruza kuko ubu bazimuzanira.

    U Rwanda rubereye Abanyarwanda

    Nyuma y'ubuzima bushaririye Abarokotse Jenoside yakorewe Abatutsi banyuzemo, mu myaka 27 ishize, barabona u Rwanda nk'igihugu gituje kandi kibereye abagituye.

    Rutanga yavuze ko 'imiyoborere myiza irangwa na demokarasi ndetse n'imyumvire y'urungano itandukanye n'urw'ahahise' byerekana ko ahazaza h'u Rwanda hazaba hari ubuyobozi bwiza, abaturage beza n'iterambere ryihuse ku buryo 'kizaba ari Igihugu kibereye Abanyarwanda'.

    Mu mboni za Ingabire, u Rwanda ruri ahantu heza kuko 'twese duhabwa uburenganzira bwo kubaho, ubwo kwiga hatagendewe ku nkomoko, no kwemererwa byose hatarebwe ko umuntu ari Umuhutu cyangwa Umututsi.'

    Yakomeje ati 'Mbona rwaravuye kure kandi rugeze aheza, aho buri wese yiga n'utatsinze akajya mu Burezi bw'Ibanze bw'Imyaka 12, agatangira umushinga yifuza ku gishoro icyo ari cyo cyose. Ariko ikintu nshima cya mbere, ni uko Abanyarwandsa bose bahabwa uburenganzira bungana.'

    Urugamba rukomeye barwanye ngo bagere aho bari uyu munsi, rutuma bashishikariza abarokotse Jenoside yakorewe Abatusti mu 1994 batarabasha kwiyubaka ko bakwiye kudaheranwa n'agahinda, bakishakamo icyizere kibashoboza kumva ko bafite ubuzima kandi bwaba bwiza.

    Ingabire ati 'Ibintu byadukorewe kubyakira biragoye bisaba izindi mbaraga.[…] Nubwo gukira ari urugendo, bagomba gusenga Imana ikabashoboza ariko bakanumva ko kutabaho ari ko gutsindwa kwa mbere. Ni ukwakira ibyatubayeho kuko tuzabana nabyo n'abana bacu bazabana nabyo,ariko icya mbere ni ukwishakamo ibisubizo cyane ko amateka ari ayacu tugomba kubana nayo.'

    Rutanga asanga Abarokotse Jenoside bakwiye kwitinyuka bakabyaza umusaruro amahirwe atandukanye Leta itanga arimo no gukorana n'ibigo by'imari, bakareka 'kumva ko ntacyo baharanira' ahubwo bakiyemeza guhindura ubuzima barimo.

    Rutanga Leonard David ni umwe mu barokotse Jenoside witeje imbere nyuma yo gusubirana icyizere cyo kubaho

    Source : http://igihe.com/amakuru/u-rwanda/article/uko-aerg-na-gaerg-byababereye-umubyeyi-nyuma-yo-gusigara-ari-impfubyi-kubera

  • Ifoto y'Umunsi: Doze ya kabiri y'urukingo rwa Pfizer yatangiye gutangirwa ku muhanda – #rwanda #RwOT

    Ikigo cy'Igihugu gishinzwe kwita ku buzima RBC kibinyujije kuri Twitter, cyatangaje ko ubwo iyi gahunda yatangiraga ku wa 17 Mata, hamwe mu ho yatangiriye ari mu bice bya Stade Amahoro i Remera.

    Kiti 'Turi kuri Stade Amahoro mu gikorwa cyo gutanga dose ya kabiri y'urukingo rwa Pfizer binyuze mu buryo bwa drive through. Abakingirwa ntibasabwa kuva mu modoka zabo.'

    Ubu buryo bwa Drive through ni bushya kuko hari hasanzwe hakoreshwa uburyo bwo koherereza umuntu ubutumwa bugufi kuri telefoni, bumumenyesha igihe azafatira doze ya kabiri n'aho azajya kuyifatira.

    Uhawe urukingo muri ubu buryo bushya abanza kwitabwaho iminota 15 mbere yo gusubira mu mirimo ye nk'uko n'abajya kuruhererwa ahandi bigenda.

    Kuva gahunda yo gutanga inkingo za COVID-19 yatangira mu Rwanda hamaze gukingirwa abarenga ibihumbi 349 barimo abahawe urwa AstraZeneca na Pfizer.

    Abagenzi bahabwa urukingo bitabaye ngombwa ko bava mu modoka zabo

    Kimwe n’uko bisanzwe bigenda abahabwaga urukingo basabwaga gutegereza iminota 15 kugira ngo barebe niba hari ingaruka bibagiraho

    Source : http://igihe.com/amakuru/u-rwanda/article/ifoto-y-umunsi-doze-ya-kabiri-y-urukingo-rwa-pfizer-yatangiye-gutangirwa-ku

  • Hatangajwe amatsinda y'uko amakipe azahura mu mikino y'irushanwa ritegura shampiyona y'u Rwanda y'umukino w'intoki wa Basket ball #rwanda #RwOT

    Mu gihe hitegurwa shampiyona y'umukino w'intoki wa Basket BK National League, ishyirahmwe ry'uyu mukino mu Rwanda ryateguye irushanwa ribanziriza shampiyona rizwe BK Preseason National League rizatangira gukina tariki ya 22 Mata 2021.

    Nyuma yaho amakipe yiyandikishije ngo yitabire iri rushanwa, yamaze gushyirwa mu matsinda ane atandukanye kugirango hazarebwe ikipe izegukana iki gikombe mu bagabo.

    Uko amatsinda apanze ndetse n'amakipe arimo mu bagabo:

    Itsinda A: APR BBC, TIGERS BBC na UR HUYE BBC
    Itsinda B: PATRIOTSBBC , SHOOT 4 THE STARS BBC na 30+ BBC
    Itsinda C: REG BBC, RP- IPRC HUYE BBC na UR-CBMS BBC
    Itsinda D: IPRC KIGALI BBC, IPRC MUSANZE BBC na UGB BBC.

    Mu kiciro cy'abagore ho amakipe yose azahura harebwe iyagize amanota menshi, amakipe azitabira iri rushanwa ribanziriza shampiyona y'umukino w'intoki wa Basket ni: The Hoops Rwanda, RP IPRC Huye, UR Huye, Ubumwe BBC na APR BBC.

    Iyi mikino biteganyijwe ko izatangira tariki ya 22 Mata isozwe tariki ya 25 Mata 2021, ni imikino izajya ikinirwa mu nyubako ya Kigali Arena ndetse no ku bibuga byo hanze y'iyi nyubako aho aya makipe yose yishakishamo izegukana igikombe cy'imikino itegura shampiyona.

    The post Hatangajwe amatsinda y'uko amakipe azahura mu mikino y'irushanwa ritegura shampiyona y'u Rwanda y'umukino w'intoki wa Basket ball appeared first on RUSHYASHYA.

    Source : https://rushyashya.net/hatangajwe-amatsinda-yuko-amakipe-azahura-mu-mikino-yirushanwa-ritegura-shampiyona-yu-rwanda-yumukino-wintoki-wa-basket-ball/