Webrwanda Backend

Author: webrwanda

  • Ukuri ku ifoto ya Mwiseneza Josiane yagiye hanze yambaye ikanzu isa nk'iy'abageni abantu bagakeka ko yakoze ubukwe – YEGOB #rwanda #RwOT

    Mwiseneza Josiane wegukanye ikamba rya Miss Popularity 2019 yatunguye benshi ku munsi w'ejo ubwo yashyiraga hanze ifoto yambaye ikanzu isa n'ikozwe nk'iya bageni benshi bagakeka ko yakoze ubukwe mu ibanga. Ni ifoto yashyize ku rukuta rwe rwa Instagram ku munsi w'ejo nyuma y'igihe gisaga amezi 5 uyu mukobwa adashyira hanze ifoto ye. Iyi foto ikimara kugera hanze abantu benshi baketse ko Mwiseneza Josiane yaba yakoze ubukwe mu ibanga.

    Iyi kanzu ikozwe mu ibara ry'uburu n'umweru bamwe mu bamukurikira bagiye bamubaza niba yarakoze ubukwe bucece ntabibwire inshuti ze ariko nta kintu yigeze abasubiza.

    Ni mu gihe abandi bagiye babihuza n'ikipe ya Rayon Sports yambara ubururu n'umweru uyu mukobwa afana.

    Ni ikanzu yakozwe na The Art of Costume (Matheo Designs). Mwiseneza Josiane akaba yirinze kuvuga byinshi kuri iyi foto ndetse niba yarakoze ubukwe koko.

    Mu kiganiro na Maurice akaba nyiri iyi nzu y'imideli ya Matheo Designs ari na we wakoze ikanzu ya Mwiseneza Josiane, yabwiye ISIMBI dukesha iyi nkuru ko atavuga ikirori iyi kanzu yari igiyemo kuko nyirayo yamubujije kubivuga. Yagize ati 'Urumva we yampaye ikiraka cyo kumukorera ikanzu, ariko ibyo yambujije kubivuga, iyo aba atarambujije mba mbikubwiye'.

    Ni ikanzu mu gice cyo hejuru ikozwe mu itise (tissue) ni mu gihe ku gice cyo hasi ikozwe mu mwenda w'agatimba(umenyerewe gukoreshwa ku myenda y'abageni).

    Yakomeje avuga ko ababihuza na Rayon Sports bitewe n'amabara ntaho bihuriye kuko we ahubwo yayikoze mu ibara ry'ikirere. Ati 'Hari aho babihuje na Rayon Sports ariko sibyo. Niba wabonye uburyo ikozemo iyo urebye mu gicu buriya bururu ububonayo ndetse n'umweru. Nayikoze nifashishije ishusho ry'ikirere'.

    'Si ubwa mbere nkoranye na Josiane, yabwiye ikanzu yifuza nanjye ndicara nkora designs nyinshi zitandukanye ariko iriya niyo yashimye aba ari yo mudodera'.

    Josiane Mwiseneza yateje urujijo mu bakunzi be bibaza niba yakoze ubukwe mu gihe muri Kanama 2020 yambitswe impeta ya fiançailles na Tuyishimire Christian bemeranywa kuzabana.

    Ikanzu Mwiseneza Josiane yambaye yateje benshi kwibaza byinshi

    Leave your vote

    Comments

    0 comments

    Source : https://yegob.rw/ukuri-ku-ifoto-ya-mwiseneza-josiane-yagiye-hanze-yambaye-ikanzu-isa-nkiyabageni-abantu-bagakeka-ko-yakoze-ubukwe/

  • Nyabihu: Abantu 62 bafatiwe mu buvumo barimo gusenga –

    Bafatiwe mu buvumo buri mu ishyamba rya Gishwati buherereye mu mudugudu wa Gaturo, Akagari ka Rega, Umurenge wa Bigogwe mu Karere ka Bigogwe.

    Abenshi muri bo bari bavuye mu mirenge ya Kanzenze, Mudende yo mu Karere ka Rubavu na Bigogwe muri Nyabihu.

    Umunyamabanga Nshingwabikorwa w’Umurenge wa Bigogwe, Gahutu Tebuka Jean Paul, yemeje aya makuru avuga ko bagiye kuganirizwa hanyuma bagacibwa amande yo kurenga ku mabwiriza ya Covid-19.

    Ati “Ni abantu bagiye gusengera mu buvumo, ngo kuri bo ni uko ariho babonera agakiza, ni bantu 62 barimo abagore 45 n’abagabo 14 n’abana batatu bafashwe na Polisi ifatanyije n’inzego z’ibanze, bigaragara ko harimo ubujiji turabaganiriza banacibwe amande nk’abantu bigometse ku mabwiriza ya Covid-19 kuko aho bari nta ntera yari iri hagati y’umuntu n’undi’’.

    Yashoje avuga ko nk’ubuyobozi bagiye kuganiriza abaturage bakubahiriza amabwiriza nk’uko bayahawe kuko kujya gusenga mu buvumo bisa nko kwigomeka.

    Kuva icyorezo cya Coronavirus cyagera mu Rwanda, mu Karere ka Nyabihu ntabwo hakunze kugaragara abantu bafatwa barenze ku mabwiriza nko mu baturanyi babo ba Rubavu aho abenshi bagiye bafatirwa mu tubari cyangwa basengera mu misozi akaba ari nayo mpamvu abenshi mu bafashwe baturutse mu Karere ka Rubavu.

  • Ifoto ya Perezida Kagame izajya ikoreshwa yishimiwe cyane #rwanda #RwOT

    Benshi mu bakoresha imbuga nkoranyambaga bongeye kugaragaza akanyamuneza batewe no kuba bayobowe na Perezida wa Repubulika Paul Kagame ubwo iyi foto yasohokaga ko izajya ikoreshwa maze benshi bakayishyira ku mbuga nkoranyambaga.

    Haba kuri Whatsapp, kuri Twitter, kuri Facebook ndetse no kuri Instagram, abakoresha izi mbuga Nkoranyambaga, basangije abandi iyi foto bagaragaza uburyo bishimira Umukuru w’u Rwanda ukomeje gushimwa na bose kubera imiyoborere ye yazanye impinduka mu Rwanda ubu rurahirirwa n’amahanga kubera iterambere rukomeje kugeraho.

    Benshi mu basangizaga abandi iyi foto, bashyiragaho amagambo yo kumushimira bagira bati 'Intwari yacu, icyubahiro kinshi kuri nyakubahwa, imfura cyane' N’andi menshi yo kumushimira.

    Mu biro by’ibigo bya Leta na za Minisiteri hakunze kuba hagaragara ifoto ya Perezida wa Repubulika Paul Kagame ari na yo y’iyi igiye kujya ikoreshwa.

    Iyi foto kandi yamaze gushyirwa ku rubuga rwa Perezida Paul Kagame, ku nyandiko igaragaza bimwe mu byamuranze.

    UKWEZI.RW

    Source : http://www.ukwezi.rw/mu-rwanda/3/article/Ifoto-ya-Perezida-Kagame-izajya-ikoreshwa-yishimiwe-cyane

  • Norwich city FC izamutse mukiciro cya mbere English premier league idakinnye. #rwanda #RwOT

    Norwich city FC igarutse muri english premier lrague.

    Kuruyu wa gatandatu, Norwich City izamutse muri Premier League idakinnye ibi bibaye nyuma yaho ikipe ya Swansea City inganyije na Brentford mumukino bari bafitanye kuruyu wagandatu. uku kunganya kwaya makipe yombi bihise biha Norwich City FC kuyobora itsinda bidasubirwaho ndetse ikaba igiye no mukiciro cyambere English premier league. Izamuka rya Norwich City ribaye nyuma yuko Swansea iri ku mwanya wa gatatu inganyije na Brentford 2-2

    Norwich irusha amanota 14 Swansea, hasigaye imikino ine, naho ikaba irusha Brentford amanota 16, hasigaye imikino itanu. irusha kandi amanota umunani Watford iri ku mwanya wa kabiri, yatsinzwe igitego 1-0 na mukeba wabo Luton kuruyu wa gatandatu. Norwich, yatsinze imikino 11 mu mikino 13 ishize, Norwich City ifite umukino kuriki cyumweru na Bournemouth kuri Carrow Road .

    Ishobora gutwara igikombe cya Shampiyona n'amanota atanu mumikino yabo isigaye. Farke n'abakinnyi be ibyishimo nibyose mumujyi wa Norwich mbere yumukino wabo kubera kunyerera kwa Swansea na Brentford. Swansea irasabwa gukuramo ibitego bibiri byatsinzwe na Wycombe kugirango ikomeze gukubana na Watford kumwanya wa kabiri uzamuka.

    The post Norwich city FC izamutse mukiciro cya mbere English premier league idakinnye. appeared first on .

    Source : https://kigalinews24.com/2021/04/17/norwich-city-fc-izamutse-mukiciro-cya-mbere-english-premier-league-idakinnye/

  • Ikipe ya Benediction Ignite yatangaje amazina y'abakinnyi izakoresha muri Tour du Rwanda ya 2021 ibura iminsi mike ngo itangire. #rwanda #RwOT

    Mu gihe habura ibyumweru bibiri ngo irushanwa mpuzamahanga ryo gusiganwa ku magare rizwi nka Tour du Rwanda 2021 ritangire amakipe atandukanye yatangiye gushyira hanze amazina yabakinnyi bazokoreshwa muri iri siganwa rizakinwa ugereye ku itari ya 2-9 Gicurasi 2021.

    Ni muri urwo rwego ikipe ya Benediction Ignite imwe mu makipe azaba ahagarariye u Rwanda muri iri siganwa rigiye gukinwa ku ncuro ya 13 yamaze gutangaza urutonde rw'abakinnyi izakoresha muri iri siganwa rizaba mu gihe cy'iminsi irindwi bazenguruka ibice bitandukanye by'urwa Gasabo.

    Muri aba bakinnyi batandatu iyi kipe yashyize ahagaragara harimo uwatwaye iri rushanwa rya Tour du Rwanda ya 2017 ariwe Areruya Joseph, harimo kandi na Munyaneza Didier watwaye isiganwa ryo kuzenguruka igihugu cya Senegal mu mwaka wa 2019.

    Iyi kipe yabaye mpuzamahanga igiye gukina iri rushanwa ku ncuro yabo ya gatatu yemewe, mu bakinnyi yamaze gutangaza izakoresha ni Patrick Byukusenge,Areruya Joseph , Munyaneza Didier,Manizabayo Eric , Uwiduhaye ndetse na Nzafashwanayo Jean Claude .

    Iyi kipe kuri ubu irimo kwitegura iri siganwa aho iri gukorera imyitozo mu gace ko mu majyaruguru y'u Rwanda mu karere ka Musanze, si iyi kipe irimo gukorera imyitozo yonyine muri aka gace kuko kuri ubu hari n'ikipe y'igihugu y'u Rwanda.

    The post Ikipe ya Benediction Ignite yatangaje amazina y'abakinnyi izakoresha muri Tour du Rwanda ya 2021 ibura iminsi mike ngo itangire. appeared first on RUSHYASHYA.

    Source : https://rushyashya.net/ikipe-ya-benediction-ignite-yatangaje-amazina-yabakinnyi-izakoresha-muri-tour-du-rwanda-ya-2021-ibura-iminsi-mike-ngo-itangire/

  • Mu mpera ziki cyumweru abakekwaho Jenoside babiri bashyikirijwe ubutabera mu Rwanda no mu Bufaransa #rwanda #RwOT

    Mu gihe Abanyarwanda n'abarokotse Jenoside yakorewe Abatutsi muri rusange bakomeje gahunda yo Kwibuka ibyabaye mu minsi ijana muri 1994, aho Abahutu b'intagondwa barimburaga ubwoko Tutsi, ababigizemo uruhare nabo bakomeje gushyikirizwa ubutabera.

    Ku mugoroba w'ejo, Leta y'Amerika yohereje mu Rwanda Munyenyezi Béatrice ukekwaho uruhare muri Jenoside yakorewe Abatutsi mu akaba azwi cyane ahahoze ari muri Perefegitura Butare.

    Munyenyezi ni umugore wa Arsène Shalom Ntahobali na we wahamijwe uruhare muri Jenoside yakorewe Abatutsi ndetse akatirwa n'Urukiko Mpuzamahanga rwashyiriweho u Rwanda, ICTR, ndetse akaba umukazana wa Pauline Nyaramasuhuko wahoze ari Minisitiri w'Umuryango kuva mu 1992 kugera mu 1994.

    Yinjiye muri Amerika mu 1998 nyuma biza kugaragara ko acyekwaho uruhare Jenoside yakorewe Abatutsi mu wahoze ari Umujyi wa Butare.

    Uyu mugore yagize uruhare muri Jenoside cyane kuri bariyeri yari hafi y'iwabo yakoragaho Interahamwe zari ziyobowe na Nyiramasuhuko Pauline, Ntahobari n'uwari Burugumesitiri wa Ngoma muri Butare, Kanyabashi Joseph n'abandi.

    Urwo ruhare rumaze kugaragara ni bwo yafashwe arafungwa kuko yabeshye Urwego rw'Abinjira n'Abasohoka muri Leta Zunze Ubumwe za Amerika.

    Mu 2013 ni bwo yakatiwe imyaka 10 y'igifungo kubera yabeshye. Iki gihano yaje kukijuririra ariko urukiko rukigumishaho.

    Munyenyezi si we wa mbere wahamijwe iki cyaha muri Amerika nubwo hatabaye urubanza nyir'izina rurebana n'uruhare rwe muri Jenoside.

    Byari biteganyijwe ko nyuma yo gusoza icyo gihano agomba koherezwa mu Rwanda kugira ngo akurikiranyweho uruhare rwe muri Jenoside. Bunyenyezi yagejejwe u Rwanda ku mugoroba w'ejo hagati ya saa moya na saa mbili.

    Kuri uyu wa gatanu kandi nibwo Padiri Marcel Hitayezu wahungiye mu Bufaransa akanahabwa ubwenegihugu yatawe muri yombi ahatwa ibibazo n'umucamanza mu Bufaransa, ku ruhare rwe muri Jenoside yakorewe Abatutsi.

    Hitayezu wahoze ari Padiri wa Paruwasi Mubuga muri Karongi, Le Figaro ivuga yafashwe kuwa Gatatu tariki 14 Mata 2021, abazwa ku byaha ashinjwa bishingiye ku kwima ibiribwa abatutsi bari bahungiye kuri Paruwasi ya Mubuga ahubwo akabihereza interahamwe zaje kwica. Hitayezu ahakana ibyaha aregwa.

    Ubushinjacyaha bw'u Bufaransa kuri uyu wa Gatanu bwatangaje ko Hitayezu wavutse mu 1956, yabajijwe n'umucamanza mu rugereko rwihariye rw'urukiko rwa Paris rushinzwe ibyaha byibasiye inyokomuntu.

    Hitayezu yari asanzwe ari umupadiri ahitwa Montlieu-la-Garde (Charente-Maritime) muri diyosezi ya La Rochelle.

    Uyu mupadiri ashinjwa kuba muri Jenoside yakorewe Abatutsi yarimye ibiribwa n'amazi abatutsi bari bahungiye muri Kiliziya ya Mubuga akabihereza Interahamwe zari zije kubica.

    Hitayezu ari mu bantu bashakishwa n'ubushinjacyaha bw'u Rwanda ndetse wanashyiriweho impapuro zo kumuta muri yombi ngo yoherezwe kuhaburanira, icyakora mu 2016 urukiko rusesa imanza mu Bufaransa rwanze kumwohereza.

    Mu 2019 nibwo dosiye ya Hitayezu yongeye gusubukurwa. Uyu mupadiri yavuye mu Rwanda mu 1994 ahungira muri Repubulika Iharanira Demokarasi ya Congo, aho yavuye mu 1998/1999 ajya mu Bufaransa.

    Alain Gauthier washinze umuryango 'Collectif des Parties Civiles pour le Rwanda (CPCR)', ugamije guharanira ubutabera no kugeza mu nkiko abakekwaho uruhare muri Jenoside bacyihishahisha yavuze ko ari amakuru meza kuba Padiri Hitayezu yatangiye gukurikiranwa.

    Yakomeje avuga ko bikwiriye kuba isomo kuri Kiliziya Gatolika ikareka guha rugari abantu bayo bakekwaho Jenoside yakorewe Abatutsi.

    Mu Bufaransa ni naho haba Padiri Wenceslas Munyeshyaka wayoboraga Paruwasi ya Sainte Famille i Kigali, ushinjwa uruhare rukomeye muri Jenoside yakorewe Abatutsi.

    Iyi nkuru ivuga izanwa mu Rwanda rya Bunyenyezi ndetse n'ifatwa rya Hitayezu mu Bufaransa ryashimishije abarokotse twabashije kuvugana bavuga ko nubwo imyaka 27 ari myinshi, bafite icyizere ko abakoze Jenoside bose bashikirizwa ubutabera.

    The post Mu mpera ziki cyumweru abakekwaho Jenoside babiri bashyikirijwe ubutabera mu Rwanda no mu Bufaransa appeared first on RUSHYASHYA.

    Source : https://rushyashya.net/mu-mpera-ziki-cyumweru-abakekwaho-jenoside-babiri-bashyikirijwe-ubutabera-mu-rwanda-no-mu-bufaransa/

  • Kicukiro: Hamuritswe ubushakashatsi kuri Jenoside yakorewe Abatutsi muri aka gace –

    Kuri uyu uyu wa Kane tariki ya 16 Mata 2021, nibwo Ubuyobozi bw’Akarere ka Kicukiro bwamuritse ubu bushakashatsi bwakozwe kuri Jenoside yakorewe Abatutsi mu 1994 muri aka karere.

    Ubu bushakashatsi bwakozwe n’itsinda rigari ry’abashakashatsi riyobowe na Prof. Déo Mbonyinkebe, bwarakusanyije amakuru yo guhera mbere ya 1959, mu gusobanura imvano y’amacakubiri n’ivangura byagejeje kuri Jenoside yakorewe Abatutsi mu 1994, by’umwihariko muri komine zaje guhinduka Akarere ka Kicukiro.

    Muri iki gitabo, hagaragamo amazina y’abagize uruhare mu bwicanyi bwakorewe Abatutsi mu 1994, mu mirenge igize Akarere ka Kicukiro, n’uburyo Jenoside yateguwe mu buryo bwihariye, bitewe n’uko aka Karere kari gatuwemo na Perezida Habyarimana Juvenal, abayobozi bakomeye ba MRND ndetse n’Ikigo cya Gisirikare cya Kanombe.

    Umuhuzabikorwa w’Akarere ka Kicukiro, Umutesi Solange, yavuze ko intengo nyamukuru y’ubu bushakashatsi ari ukwandika amateka ya Jenoside yakorewe Abatutsi mu 1994 mu Karere ka Kicukiro, kugira ngo ukuri kumenyekane mu rwego rwo kurwanya abagifite ingengabitekerezo ya Jenoside yakorewe Abatutsi.

    Yagize ati “Dukoresha ubu bushakashatsi nk’Akarere ku mateka ya Jenoside yakorewe Abatutsi mu 1994 mu Karere ka Kicukiro, tugamije kureba uko yateguwe n’uko yashyizwe mu bikorwa.

    Yongeyeho ati “Mbere na mbere kwari ukugira ngo ukuri gukomeze kujye ahagaragara, kuko umuntu ashobora kuba afite amateka mu mutwe ariko iyo abantu bishyizwe mu nyandiko, amateka akomeza kwibukwa ndetse n’abadukomokaho bakazagira aho bayavoma, aho bayasoma igihe abayabayemo mu gihe nyacyo bazaba batagihari.”

    Yavuze kandi ko amateka mu kurwanya abagifite ingengabitekerezo ndetse n’abahakana Jenoside.

    Umunyamabanga Nshingwabikorwa wa Ibuka ku rwego rw’Igihugu, Ahishakiye Naftal, yavuze ko kwandika amateka bizafasha urubyiruko kuyiga ku buryo atazongera gusubira.

    Ati “Mu by’ukuri, urebye nyuma y’icyaha gikomeye cya Jenoside yabaye muri iki gihugu, yarategurwa ishyirwa mu bikorwa kugeza ku ndunduro yayo”.

    “Nyuma yayo ikiba gikenewe ni ukuri ku mitegurire yayo, n’ukuri ku mikorerwe yayo no ku ngaruka zayo. Ni byiza rero ko hakorwa ubushakashatsi nk’ubu bwimbitse, bugakorwa mu turere twose, hanyuma bukazafasha ababyiruka bakiri bato kumenya amateka nyayo y‘Igihugu.”

    Yongeyeho ko iyo urubyiruko n’abana bato bamaze kumenya amakuru nk’aya ya Jenoside yakorewe abatutsi mu 1994, bumva ububi bwayo, bikabubakamo imbaraga zo gukunda ubuzima n‘izo gukunda igihugu.

    Muri ubu bushakashatsi bwashyizwe muri iki gitabo cya Jenoside yakorewe Abatutsi mu 1994 mu Karere ka Kicukiro, hagaragaramo ukuntu muri aka gace kimwe n’ahandi hose mu gihugu kuva mu 1959, Abatutsi bari bahatuye bahohotewe bakanavanwa mu mashuri, mu kazi, mu gisirikare no mu nzego z’imirimo ya Leta n’iy’abikorera.

    Kigaruka kandi ku buryo ubwo inkotanyi zatangiraga kugaba ibitero byo kubohora igihugu mu 1990, Abatutsi bari bagatuyemo bishwe ku mugaragaro baranasahurwa, basenyerwa inyubako bashinjwa kuba ibyitso by’Inkotanyi.

    Akarere ka Kicukiro kamuritse igitabo kirimo ubushakashatsi bw’amateka yabereye muri ako karere

  • Umusaruro w’ibigo by’icyitegererezo bya Kaminuza y’u Rwanda –

    Ibi bigo by’Icyitegererezo mu Burezi Nyafurika [African Centers of Excellence], ni umushinga mugari watewe inkunga na Banki y’Isi aho muri rusange mu Rwanda hashyizwe bine birimo icyigisha ibijyanye n’ikoranabuhanga rya internet ariko ikoresha ibintu bitandukanye [African Center of Excellence in Internet of Things, ACEIoT].

    Ikindi kigo ni icyigisha ibijyanye no gutunganya ingufu hagamijwe iterambere rirambye [African Center of Excellence in Energy for Sustainable Development, ACEESD], Ikigo cyigisha Uburezi, Imibare na Siyansi [African Centre of Excellence for Innovative Teaching and Learning Mathematics and Science, ACEITLMS] n’Ikigo cyigisha gukusanya no gusesengura amakuru [African Center of Excellence in Data Science, ACE-DS].

    Ni ibigo bibarizwa muri Kaminuza 24 zo mu bihugu umunani birimo n’u Rwanda. Abanyeshuri biga muri ibi bigo ni abarangije kwiga icyiciro cya kabiri cya Kaminuza bafite amanota menshi aho baturuka mu bihugu bitandukanye bya Afurika.

    Umunyeshuri wemerewe kwiga muri African Centers of Excellence afashwa ibintu byose, aho bishyurirwa ibijyanye n’aho kuba n’ibibatunga, bagafashwa byihariye mu bijyanye n’ubushakashatsi ndetse mbere y’icyorezo cya Covid-19, bahabwaga kujya gukorera ubushakashatsi hirya no hino ku Isi.

    Aha umunyeshuri yari ari gusobanurira abayobozi barimo na Papias Malimba Musafiri ubushakashatsi bwe

    Kwiga muri ‘African Centers of Excellence’ ni amahirwe adasanzwe

    Aho ibi bigo bitandukaniye n’izindi kaminuza, ni uko ibikorerwamo byose bikorwa ku bufatanye n’izindi kaminuza mpuzamahanga ku buryo ibijyanye no kwigisha, abarimu ubushakashatsi n’ibindi usanga hari abarimu baturuka muri za kaminuza zikomeye muri Amerika, i Burayi n’ahandi batanga amasomo muri ibi bigo.

    Undi mwihariko ariko, bitewe n’uko usanga hari abanyeshuri bavuye mu bihugu bitandukanye bifasha mu gusangizanya ubumenyi. Ibi byose bikiyongeraho ibikorwa remezo byose bikenerwa muri ayo masomo baba biga; urugero nka za laboratwari, za mudasobwa, internet igezweho n’ibindi bifasha mu koroshya itangwa ry’amasomo.

    Umuyobozi w’Ikigo cyigisha gukusanya no gusesengura amakuru [African Center of Excellence in Data Science, ACEDS], Dr Ruranga Charles, yabwiye IGIHE ko ibi bigo byaje gukemura ibibazo byose bijyanye n’ireme ry’uburezi byakunze kuvugwa ku burezi butangirwa muri Afurika.

    Ati “Iyo ushyizeho ibikorwa remezo bikenewe, za laboratwari, internet, ibitabo n’ibindi ariko n’abarimu bafite ubushobozi kandi barabyigiye.”

    Akomeza avuga ko ikindi kintu gikomeye gifasha mu ireme ry’uburezi ni ukuba abiga muri ibi bigo baba baturutse mu bihugu bitandukanye bityo hakabaho kungurana ubumenyi.

    Nk’urugero rw’abiga Masters muri iki kigo cya ACEDS [gifite ishami muri UR i Gikondo], Dr Ruranga abereye umuyobozi harimo abanyeshuri baturutse mu bihugu by’u Rwanda, Uganda, Tanzania, Malawi, Kenya n’ahandi muri Afurika.

    Muri iki kigo cya ACEDS, abanyeshuri bigamo ni 124 baturutse mu bihugu bitandukanye harimo 48 batangiranye n’icyiciro cya mbere mu 2017, icya kabiri kirimo 22, icya gatatu ni 54. Ni mu gihe muri PhD bose hamwe muri ibyo byiciro bitatu ari 40.

    Dr Ruranga asaba by’umwihariko abiga muri ibi bigo kubyaza umusaruro amahirwe n’ubumenyi bavoma muri ibi bigo ndetse n’abiga muri za kaminuza zisanzwe cyangwa abakiri mu mashuri yo hasi kwiga neza kugira ngo bagire amanota meza abemerera kuzajya muri ibi bigo.

    Dr Ruranga Charles yavuze ko ibi bigo by’icyitegererezo bigiye gukemura ibibazo byose bijyanye n’ireme ry’uburezi mu Rwanda na Afurika muri rusange

    Abavomye ubumenyi muri ibi bigo babivuga imyato

    Abanyeshuri batangiranye n’ibi bigo ubwo byatangizwaga mu Rwanda mu myaka ya 2017, muri bo abiga Masters bamaze kurangiza ndetse banamuritse ibitabo banditse igisigaye ni uguhabwa impamyabumenyi mu gihe abari kwiga PhD bageze mu mwaka wa nyuma.

    IGIHE yaganiriye na bamwe mu barangije amasomo muri Masters bagaragaza amahirwe adasanzwe bagize yo kwiga muri ibi bigo, uko biteguye gukoresha ubumenyi bahavomye ku isoko ry’umurimo cyangwa kwihangira imirimo n’ishimwe bafite cyane ko bize bishyurirwa buri kimwe kugeza barangije.

    Muterampundu Jeannette arangije mu kigo cyigisha Uburezi, Imibare na Siyansi, ACEITLMS, giherereye muri Kaminuza y’u Rwanda, Ishami ry’Uburezi riri i Rukara mu Karere ka Kayonza. Nyuma yo kumara imyaka igera ku icumi ari umwarimu mu mashuri yisumbuye, yaje kubona bourse yo kujya kwiga muri iki kigo, aho yagiyeyo mu 2019.

    Muterampundu avuga ko ubumenyi yavomye muri iki kigo buzamufasha nk’umwarimu mu gushimangira ireme ry’uburezi ryifuzwa ariko akaba yiteguye no gusangiza ubumenyi bujyanye n’imyigishirize igezweho abandi barimu batagize amahirwe yo kwiga muri ibi bigo.

    Ati “Ni ubumenyi buzadufasha gushimangira ireme ry’uburezi n’ubundi cyane cyane umuntu yita ku myigire n’imyigishirize no mu baturage aho tuzaba tugenda n’ubwo utaba uri kwigisha hari ubundi buryo ushobora gufasha abantu. Ikindi ni ugufasha abarimu bagenzi bacu tubereka uburyo bugezweho bwo kwigisha.”

    Avuga ko ku rundi ruhande, kwiga muri iki kigo byamufunguye cyane mu bijyanye n’imyigire ariko nanone bitewe no kwigana n’abanyamahanga byatumye azamura urwego rw’ubumenyi.

    Yagize ati “Ikintu cya mbere nashishikariza abakiri muri kaminuza ni uko bakwiga baharanira kuzagera muri ibi bigo, bazabishobozwa no kwiga neza bakagira amanota menshi. Ibi bigo bibamo amahirwe menshi atandukanye, ikindi iyo uri kwiga ushyigikiwe, ubufasha turabuhabwa mu buryo bw’amafaranga, bituma udatangira kwiga uvuga uti ese amafaranga y’ishuri nzayakurahe?”

    “Ikindi nanone ni uko ibi bigo byita ku kintu cyitwa ubushakashatsi kuko tuba dufite umubare w’ibitabo ugomba kwandika. Nkanjye nanditse icya mbere mfite icya kabiri kandi nta n’ubwo nzahagarara gukora ubushakashatsi aho nzaba ndi hose.”

    Muterampundu yavuze ko kuri ubu we n’abandi banyeshuri biganye bahise bakora Ihuriro Nyafurika rihuriyemo abashakashatsi ku bijyanye n’imibare na siyansi aho bagira umunsi bahura bakaganira bareba aho buri wese ageze ubushakashatsi bwe, bakamuha ibitekerezo ndetse bafite intego yo kuzicara bagakora ubushakashatsi ku bihugu bitandukanye bakaba babuhuriza hamwe.

    Niyitegeka Janvier, arangije Masters muri African Centers of Excellence aho we yari mu bigaga mu kigo cyigisha ibijyanye na murandasi ikoresha ibintu, ACEIoT.

    Avuga ko yungutse ubumenyi bwo gukoresha internet mu bikorwa byinshi abantu bari basanzwe bakora kandi bigatwara umwanya muto n’amafaranga make. Ni uburyo kandi ushobora gukoresha mu nzego zirimo ubuhinzi, ubuvuzi, gutwara abantu n’ibintu n’ibindi.

    Atanga ingero z’uko nko muri ibi bihe bya Covid-19, hashobora kuboneka abarwayi benshi kandi ubushobozi bwo kubakira cyangwa aho kubakirira hakaba hato bikaba ngombwa ko barwarira mu ngo zabo akaba ariho inzego zishinzwe ubuzima zibakurikiranira.

    Ati “Ubwo rero dukoresheje nk’iryo koranabuhanga, dushobora gukora nk’agakoresho umuntu ashobora kuba arwariye mu rugo, akambara ako gakoresho gashobora kujya gatanga amakuru ajyanye n’uko ubuzima bwe buhagaze noneho umuganga uri ku bitaro akaba yamenya ayo makuru akaba yagira inama uwo murwayi yo kuba yajya ku kigo nderabuzima cyangwa ibitaro bimwegereye agahabwa ubufasha.”

    Niyitanga avuga ko nko mu byo gutwara abantu n’ibintu, hari ikoranabuhanga rishobora gufasha nk’imodoka ziri muri gare gutanga amakuru ku mugenzi akaba yamenya niba hari imodoka iri ku murongo irimo imyanya cyangwa akaba yibereye nko mu rugo iwe akamenya umubare w’imodoka ziri muri gare zijya mu cyerekezo ashaka kuza kujyamo bityo akaza kuva mu rugo yagera muri gare agahita yicara mu modoka atabanje gutonda umurongo.

    Inzozi zabaye impamo ku banyamahanga

    Abanyamahanga biga muri ibi bigo babivuga imyato ndetse ni bamwe mu bafite icyizere cyo kuzana impinduka muri Afurika nk’uko byasobanuwe na Joseph Chikaphonya Phiri ukomoka muri Malawi.

    Arangije kwiga icyiciro cya gatatu cya kaminuza mu bijyanye n’amashanyarazi aho yigaga mu kigo cyigisha ibijyanye no gutunganya ingufu hagamijwe iterambere rirambye.

    Joseph Chikaphonya Phiri yabwiye IGIHE ko yaje kwiga muri iki kigo kubera impamvu ebyiri z’ingenzi kandi yishimira ko ibyo yari yiteze yabonye ibirushijeho.

    Ati “Impamvu ya mbere ni ukubera ko namenye ko iki kigo gifite ibikoresho bihagije bikora ibijyanye n’ingufu zisubira muri laboratwari. Nari nzi ko ninza muri iki kigo, nzahabona ikoranabuhanga rigezweho muri ayo masomo.”

    Yakomeje agira ati “Icya kabiri ariko kuba nturuka muri Afurika y’Amajyepfo, nakundaga gusoma amakuru nkabona iterambere ry’u Rwanda nkumva igihe cyose nshaka kuhaza ngo mbashe kuryibonera ubwanjye.”

    Kuri we, uburyo porogaramu cyangwa amasomo biga aba ateguye, byamuhaga umwanya munini wo gukora ubushakashatsi, kandi ngo byaramufashije cyane mu kugira ubumenyi bwo kuba yakemura ibibazo bitandukanye byugarije we ubwe cyangwa aho ahereye.

    Ati “Integanyanyigisho nayo ituma duhura n’abarimu baturutse muri kaminuza zitandukanye muri Afurika nka Ethiopia, Kenya, Rwanda na Zambia ndetse n’izindi kaminuza zo ku mugabane w’u Burayi na Amerika.”

    “Muri uko gusangizanya ibibazo n’ibisubizo muri uru rwego rw’ingufu byatumye tugira ubumenyi tubona uko dushobora kubona ibisubizo by’ibibazo abaturage ba Afurika bafite by’umwihariko muri uru rwego rw’ingufu.”

    Chikaphonya yavuze ko amasomo bize azamufasha gukoresha ikoranabuhanga rigezweho ry’ingufu zisubira byamufashije mu gukemura ibibazo birimo kugeza amashanyarazi ku baturage b’igihugu cye cya Malawi by’umwihariko hifashishijwe umuriro udakomoka ku mashanyarazi.

    Imibare ya Kaminuza y’u Rwanda igaragaza ko kugeza uyu munsi abanyeshuri bo mu cyiciro cya Gatatu cya Kaminuza muri ibi bigo basaga 500 mu gihe abasaga 170 bari kwiga icyiciro gihanitse, PhD.

    Ubuyobozi bwa Kaminuza y’u Rwanda kandi butangaza ko nibura mu mwaka umwe buri kigo kigenerwa ingengo y’imari ya miliyari 1 Frw akoreshwa mu bikorwa byose birimo n’ubushakashatsi.

    Umuyobozi wa ACEDS, Dr Ruranga Charles, ari kuganira n’abanyeshuri

    Kuri ACEDS batanga n’amasomo y’igihe gito ku bakozi bari mu kazi

    Kuri ACEIoT bahabwa amahugurwa ku kugurutsa utudege duto (Drones)

    Kuri ACEITLMS, abarimu bigisha imibare na siyansi mu mashuri yisumbuye nabo bahabwa amahugurwa y’igihe gito

    Muterampundu Jeannette warangije Masters muri ACEITLMS UR- CE i Rukara. Yavuze imyato ubumenyi yavomye muri iki kigo cy’icyitegererezo mu burezi bw’u Rwanda

  • Byiza Renus ukina mu Butariyani yizeye ko azakinira Team Rwanda #rwanda #RwOT

    Umukinnyi w’ikipe y’igihugu y’u Rwanda yo gusiganwa ku Magare (Team Rwanda) Uhiriwe Byiza Renus yatangaje ko azagera mu Rwanda nyuma ya tariki 25 Mata, 2021 aje kwitabira Tour Du Rwanda iteganyijwe gutangira mu kwezi gutaha kwa Gicurasi.

    Byiza Renus asanzwe akinira ikipe yo mu Butaliyani yitwa Team Qhubeka Assos yahoze yitwa MTN Qhubeka.

    Yabwiye itangazamakuru ko azitabira Tour Du Rwanda y’uyu mwaka, yongeraho ko azitabira amarushanwa abiri ari kumwe n’ikipe ye yo mu Butariyani, mbere y’uko aza mu Rwanda nyuma ya 25 Mata.

    Yagize ati: 'Ikipe yanjye nzayikinira irushanwa rya mbere ku Cyumweru, niryo rushanwa ryanjye rya mbere nzaba nkinnye.'

    Yongeyeho ati 'Kuza gukina Tour Du Rwanda byo birashoboka nzaza kandi nzakinira Team Rwanda. Nzaza nyuma ya 25 Mata kuko kuri iyo tariki mfite irindi rushanwa hano.' Avuga ko azaza akitozanya n’abandi.

    Uyu musore yagize ati: 'Ubuzima bwa hano ntabwo bwangoye kuko nari nsanzwe menyereye. Nasinye amasezerano y’umwaka umwe nibiba ngombwa bazanyongera andi niba nzaba nitwara neza kandi ndabyizeye.'

    Byiza Uhiriwe Renus yageze mu Butariyani ku wa 18 Werurwe 2021.

    Uyu musore afitanye amasezerano y’umwaka umwe n’ikipe ye nshya y’abanyafurika ariko ikinira mu Butariyani.

    Iyi kipe ya Team Qhubeka ubusanzwe igizwe n’abakinnyi batarengeje imyaka 23 ndetse kandi ikaba ibarwa nk’iya kabiri kuri NTT Pro Cycling iba mu Cyiciro cya mbere cy’amakipe 18 akomeye kurusha andi ku isi azwi nka 'World Tour Teams’.

    Byiza Renus kuba yari ageze muri Qhubeka U-23 bizamuha amahirwe akomeye yo kuzazamurwa mu ikipe nkuru ya NTT Pro Cycling, isanzwe ikina amarushanwa akomeye ku isi nka 'Tour de France, La Vuelta Espãna na Giro D’ Italia’ itaritabirwa n’Umunyarwanda na rimwe.

    Source : https://imirasire.com/?Byiza-Renus-ukina-mu-Butariyani-yizeye-ko-azakinira-Team-Rwanda

  • Amazina nyakuri y’umugabo wa Zari yamenyekanye #rwanda #RwOT

    Nyuma y’uko muri Gashyantare 2021 atangaje umukunzi we mushya yise Dark Stallion, Zari Hassan amazina nyakuri y’umukunzi we yamenyekanye.

    Nyuma y’uko uyu muherwekazi w’umugande atangaje umukunzi we mushya abantu benshi bagiye bamwiha bavuga ko urukundo rwe rutazaramba nk’uko byarangiye nk’urwa King Bae baje gutandukana.

    Ikinyamakuru cyo muri Kenya cyitwa Pulse cyatangaje ko uyu mugabo ari umuherwe w’umunya-Nigeria wibera muri Afurika y’Epfo.

    Dark Stallion nk’uko Zari Hassan amwita amazina ye nyakuri ni Jerry Ebi Ebi akaba adakunda gukoresha imbuga nkoranyambaga.

    Amakuru avuga ko ari umuyobozi mu ruganda rwa Talk Master Consultants.

    Nyuma yo gutandukana na Diamond Platnumz muri 2018 bamaze kubyarana abana 2, zari yaje gutangaza ko ari mu rukundo n’uwo yise King Bae ariko baza gutandukana kuko yasanze aba mu buzima butari ubwe.

    Zari Hassan n’umukunzi we mushya

    Source : http://isimbi.rw/siporo/article/amazina-nyakuri-y-umugabo-wa-zari-yamenyekanye