Author: webrwanda

Rockefeller Foundation ni umuryango w’abagiraneza ukorera i New York muri Leta Zunze Ubumwe za Amerika, utera inkunga ibikorwa byo guhanga udushya mu buzima, mu buhinzi, ikoranabuhanga, ubugeni na siyansi, ukaba ari umwe mu miryango idaharanira inyungu ikomeye cyane ku Isi.

Ubu bufatanye mu by’ishoramari buzakorwa binyuze mu masezerano y’ubufatanye, Rockefeller Foundation yasinyanye na IFC ku wa 16 Kamena 2021, agamije guteza imbere ibijyanye n’ikoreshwa z’ingufu zisubira mu bihugu bikiri mu nzira y’amajyambere cyane cyane ibyo ku Mugabane wa Afurika.

Uyu mushinga uzatangizwa ku mugaragaro mu Ugushyingo i Glasgow muri Écosse, witezweho kugeza ingufu zisubiramo ku bantu miliyari imwe ari nako hagabanywa toni miliyari imwe y’imyuka ihumanya ikirere.

Umuyobozi ushinzwe ibijyanye n’Ingufu n’Ibihe muri Rockefeller Foundation ishami rya Afurika, Joseph Nganga yabwiye The Africa Report ko mu gutoronya ibi bihugu hagandewe kuri zimwe mu ngamba byashyizeho zigamije koroshya ikoreshwa ry’ingufu zisubiramo.

Ati “Ibi bihugu byagaragaje ubushake, byashyizeho ingamba tutavuga ko zinoze ijana ku ijana ariko zigaragaza ko biri mu cyerekezo cyiza.”

Ikindi cyagendeweho ngo ni ukureba aho ikigero cyo kugeza amashanyarazi kigeze, nka Malawi yatoranyijwe kuko kiri hasi aho abaturage 11% aribo bafite umuriro.

U Rwanda rwashyize imbere ikoreshwa ry’ingufu zisubira ndetse mu 2014 hatangijwe ihuriro ryo guteza imbere ingufu zisubira rizwi nka Rwanda Renewable Energy Alliance, rifite inshingano zo gushyira ingufu mu bikorwa biharanira kugeza ingufu ku Banyarwanda bose.

Umugabane wa Afurika ni umwe mu igifite umubare munini w’abaturage badafite umuriro kuko imibare ya Banki y’Isi igaragza ko mu 2019 abaturage bo muri Afurika yo munsi y’Ubutayu bwa Sahara bafite umuriro banganaga na 47% mu gihe ku Isi yose bangana na 90%.

Rockefeller Foundation na IFC bigiye gushora miliyari 2$ mu bihugu 7 birimo u Rwanda

Gahunda ya Guma mu Rugo yari yashyizweho kuva ku wa 17 Nyakanga 2021, yatewe n’ubwiyongere bukabije bwa Covid-19 bwari bwagaragaye hirya no hino mu gihugu.

Kuri iki Cyumweru Abanya-Kigali babukereye mu mirimo itandukanye. Mu mihanda itandukanye hari higanje abamotari, abajya guhaha, abakora siporo n’abandi bari mu bikorwa byabo bya buri munsi.

Bamwe mu baganiriye na IGIHE, bavuze ko Guma mu Rugo bavuyemo yabasigiye isomo rikomeye.

Semanzi François utwara imodoka zijya mu Burasirazuba, yagize ati “Iyo umuntu ari muri Guma mu rugo nta terambere ageraho, aba ari guhomba mu muryango bimwe yakoreye akabimara bikageraho bishira abana bakaba bakicwa n’inzara.”

Umukozi muri Virunga Express, Barihuta Innocent, yavuze ko Guma mu rugo itari yoroshye ariko bishimiye ko Leta yabaye hafi abatishoboye, ikabaha ibyo kurya.

Yagize ati “Guma mu rugo ntiyari nziza kuko abantu iyo badakora baba bari mu bushomeri ariko twagize amahirwe Leta iduha ibiryo. Byaradufashije kuba barakoze igikorwa cyiza cyo kutwunganira.”

Nubwo bitari byoroshye muri Guma mu rugo, bamwe bizeye ko kuva bongeye gukomorerwa ibintu bigiye kuba byiza kurushaho.

Semanzi yavuze ko nk’umuntu utwara abagenzi agomba gushyira ingufu mu kubahiriza amabwiriza yo kwirinda Covid-19, abagenzi bagahana intera ku buryo nta wanduza undi.

Yagize ati “Nk’umuntu utwara abagenzi mfite ingamba zo kubahiriza gahunda abagenzi bagashyiramo intera bari mu modoka, bakambara agapfukamunwa bose bakubahiriza amabwiriza.”

Ibi abihuje na Barihuta wavuze ko bagomba kubahiriza amabwiriza avuga ko mu modoka hagomba kugendamo 50%.

Ati “Ubu abantu ni ukugenda ari 15 mu modoka kugira ngo buri wese ahane intera na mugenzi we ariko ni byiza kuko icyorezo ntaho kirajya turacyarwana nacyo. Abantu bari kugenda neza ndetse ibiciro biracyari bya bindi. Tugomba kwitwara neza duhana intera twambara udupfukamunwa.”

Byukusenge Emeline yagize ibyago mu gihe cya Guma mu rugo abura uko atabara umuryango we i Rwamagana kubera kubura imodoka. Ubu yabashije kujya gusura umuryango ndetse yiyemeje gukomeza ingamba.

Ati “Nagize ibyago nyogokuru wanjye bamushyingura turi muri Guma mu rugo, ubu ngiye gusura abasigaye. Nubwo ngiye gusura umuryango ariko ngomba gukomeza kwirinda kugira nzagaruke nkomeze gushakisha imibereho hano muri Kigali.”

Abacuruzi barimo abakorera mu isoko rya Kimironko, nabo bavuze ko bagiye gukomeza kubahiriza ingamba zo gucuruza ari 50% kugira ngo bakore ariko banirinda.

Umucuruzi w’imbuto n’imboga, Kankuyo Edisa, yavuze bataratangira kubona abakiliya nk’uko bisanzwe ariko ko biteguye kubakira banubahiriza ingamba.

Yagize ati “Mu isoko nta bakiliya baraza kuko abantu bari bamaze iminsi muri Guma rugo. Nta mafaranga bafite yo guhaha. Ubu ni ugukurikiza ingamba nk’izo twari dusanganywe kuko twarabibonaga ko abantu biyongera.”

“Ubu rero nta muntu wakabaye akibwirizwa kubahiriza amabwiriza kuko ibintu turabireba uko bimeze, tugomba gukomeza nk’ubu hano ku murongo w’inyuma yanjye nta muntu uhari ni ugukora 50%.”

Iyi mihingo ayihuje na Ishimwe Fabrice, umucuruzi w’inkweto mu isoko rya Kimironko, wavuze ko yiyemeje gukomeza ingamba zo kwirinda akanabishishikariza abamugana.

Yagize ati “Twishimiye kuva mu rugo, hano mu isoko rya Kimironko ubu ni ukubahiriza 50% kuko ni amabwiriza aba yashyizweho agomba kubahirizwa. Tugomba kwirinda birushijeho kurenza mbere ubu icyorezo kigeze aho gikomeye cyane.”

“Tugomba gushyiraho ingamba zikomeye umukiliya yaza atambaye agapfukamunwa neza tukamukangurira kukambara, tukishyurana mu ikoranabuhanga kuko gufata amafaranga mu ntoki bituma ubwandu bwiyongera. Buri muntu akwiye kuba ijisho rya mugenzi we kugira icyorezo gicike mu gihugu cyacu.”

Aya mabwiriza mashya azubahirizwa mu gihe cy’ibyumweru bibiri akaba azavugururwa kuwa 15 Kanama.

Abaturage baributswa kubahiriza amabwiriza yo kwirinda COVID-19 basiga intera hagati y’umuntu n’undi, kwambara agapfukamunwa neza no gukaraba intoki, kwirinda ingendo zitari ngombwa n’ibindi.

Abagana amasoko biyemeje kubahiriza ingamba zo kwirinda Covid-19 zose

Mu masoko abakiliya bari bakiri bake ariko abacuruzi bizeye ko bazagenda baza

Abakora imirimo itandukanye irimo kudoda inkweto Nyabugogo bari mu bazindukiye mu kazi kabo

Abakorera ubucuruzi mu isoko rya Kimironko biyemeje gushishikariza abakiliya babo kubahiriza ingamba zo kwirinda Covid 19

Abamotari brari mu ba mbere bazindutse iya rubika batwara abagenzi nyuma y’iminsi 15 badakora

Abangenzi muri gare ya Nyabugogo bahagararaga bahanye intera birinda ko hagira uwanduza undi

Ibikorwa bitandukanye byasubukuwe kuri iki Cyumweru nubwo urujya n’uruza rutari nko mu minsi y’imibyizi

Byukusenge Emeline yagize ibyago mu gihe cya Guma mu rugo abura uko atabara umuryango we i Rwamagana kubera ko imodoka zitagendaga

Abikorera imizigo bari mu baramukiye mu mirimo yabo

Kwinjira muri gare ni ukubanza gukaraba intoki mu kwirinda Covid -19

Mu isoko bahana intera kugira ngo bakore 50

Muri gare Nyabugogo hari huzuye abagenzi bagana mu bice bitandukanye mu gihugu

Nubwo bakomorerwe, abaturage biyemeje gukomeza ingamba zo kwirinda Covid-19 ngo batazasubizwa muri Guma mu rugo

Nyuma y iminsi 15 Abanya Kigali bongeye gusohoka

Kankuyo Edisa ucuruza imboga n’imbuto mu isoko rya Kimironko yavuze ko abakiliya bari kuza ari bake ariko ko byatewe n’uko bataramenyera

Amafoto: Yuhi Augustin

Video:Uwacu Lizerie

Aba bantu berekanywe kuri iki Cyumweru tariki 1 Kanama 2021 kuri Sitasiyo ya Polisi i Nyamirambo mu Mujyi wa Kigali mu murenge wa Rwezamenyo.

Abafashwe barimo umuyobozi wa Afrimax Tv uzwi nka Nameless Camposs wamenyekanye akora amashusho y’indirimbo, umunyarwenya Zaba Missed Call; uwitwa Yezu, Afande cyangwa Regis ndetse n’abandi bantu bari mu birori bya mugenzi wabo washakaga kwereka bagenzi be umukobwa benda kurushinga.

Mu kiganiro n’itangazamakuru, Nameless Camposs yabwiye itangazamakuru ko kugira ngo bafatwe byaturutse ku mashusho basakaje bari kwishimira ko bujuje miliyoni imwe y’ababakurikira kuri Afrimax mu ishami ry’Icyongereza.

Ati “Ntabwo twafashwe ahubwo ni amashusho yacu yagaragaye turi mu birori. Abantu twari kumwe mu nzu bake niko twakatanye umutsima. Turi benshi hari abatari bahari ariko abo twari kumwe nibo twafatanyije muri ibyo byishimo cyane ko dufite ikipe y’abantu dukorana mu rugo.”

“Icyo navuga ni uko dusaba imbabazi. Iyo turi muri guma mu rugo turebamo ab’ingenzi. Abo twari kumwe bari abantu duhorana buri munsi.”

Yabajijwe niba atari isura mbi ku bantu bazwi bakomeje kugenda berekanwa barenze ku mabwiriza, avuga ko ibintu byababayeho bitatwarwa mu cyiciro cy’ibyamamare ahubwo byavugwa nk’ibyabaye ku muntu ku giti cye.

Ati “Ntabwo ibi bintu biba kubera ko umuntu azwi. Ni ibintu bibaho ku giti cy’umuntu. N’abantu basanzwe byababaho. Ubutumwa natanga ku bantu ni ukwirinda kuko COVID-19 irahari. Ubutumwa natanga ni uko twakurikiza amabwiriza.”

Umuvugizi wungirije wa Polisi y’u Rwanda, Chief Inspector of Police (CSP) Africa Apollo Sendahangarwa, yavuze ko bashimira abaturage batanga amakuru y’abarenze ku mabwiriza yo kwirinda, anenga abatayubahiriza.

Ati “Twafashe abantu bari barenze ku mabwiriza benshi muri bo bari muri za house party. Aba bantu bafashwe ejo nimugoroba. Aba mbere ba Afrimax bari bagize miliyoni y’ababakurikira kuri YouTube, abandi ni abantu benshi cyane bari bakoze ibirori banarenga ku ibwiriza bajya kogera muri piscine. Icyo dushima ni uko abaturage aribo baba batanze amakuru. Twashatse kuberekana ngo bisubireho kuko imyitwarire nk’iyi nikomeza tutazatsinda icyorezo.”

Yavuze ko ikintu bagamije atari uguhana abantu ahubwo ari ugukomeza gukora ubukangurambaga ngo abantu birinde kuko Coronavirus idatoranya.

Ati “Ikigamijwe si uguhana ahubwo ni ukugira ngo icyorezo gicike. Guhana ni byiza ariko tugendeye no ku bindi byaha ntabwo turabona icyaha cyacitse kubera ko gifite igihano kiremereye. Icya mbere ni ukwigisha abantu.”

Aba bafashwe nyuma y’aho ku wa 29 Nyakanga Polisi y’u Rwanda yafashe ibindi byamamare birimo Ruhumuliza James uzwi nka King James, Muhire William (K8 Kavuyo) na Mbabazi Shadia uzwi nka Shaddyboo, bafatiwe i Rutsiro barenze ku mabwiriza yo kwirinda Covid-19.

Zaba Missed Call ari mu bafashwe barenze ku mabwiriza yo kwirinda Coronavirus

Uyu musore asanzwe akina ari afande mu rwenya runyuzwa kuri Youtube