Webrwanda Backend

Author: webrwanda

  • Perezida Kagame yijeje Ambasaderi mushya w'u Bushinwa ubufasha mu nshingano ze – #rwanda #RwOT

    Ku wa Kabiri tariki 29 Nyakanga 2025, Perezida Paul Kagame yakiriye Amb. Gao muri Village Urugwiro, amushyikiriza impapuro zimwemerera guhagararira igihugu cye mu Rwanda.

    Perezida Kagame yabwiye Amb. Gao ko yiteguye gukomeza gushimangira umubano n'ubutwererane buri hagati y'ibihugu byombi.

    Yakomeje amubwira ko Guverinoma y'u Rwanda n'abaturage b'u Rwanda biteguye kumuha ubufasha bwose bushoboka ngo azabashe kuzuza neza inshingano ze.

    Amb. Gao yavuze ko hubakiwe ku murongo watanzwe n'abakuru b'ibihugu byombi, umubano w'u Rwanda n'u Bushinwa ugenda urushaho gutera imbere.

    Yavuze ko u Bushinwa bwiteguye gukomeza gukorana n'u Rwanda, hagamijwe inyungu z'Abanyarwanda n'Abashinwa.

    U Bushinwa ni kimwe mu bihugu bibona neza amahirwe y'ishoramari ari mu Rwanda ndetse mu myaka itanu ishize, iki gihugu ni cyo cyaturutsemo ishoramari ryinshi ryashowe mu Rwanda.

    Nko mu 2024, ishoramari rituruka muri icyo gihugu ryinjira mu Rwanda ryari miliyoni 460$, aho bwarushije iryaturutse mu Buhinde ringana na miliyoni 445$.

    Mu 2023, iri shoramari ryari miliyoni 79.1$, rivuye kuri miliyoni 182.4$ mu 2022 na miliyoni 357.7$ mu 2021 na miliyoni 282$ mu 2020.

    Muri rusange, muri iyi myaka itanu, u Bushinwa bwaje imbere y'ibindi bihugu mu guturukamo ishoramari ryinshi ryashowe mu Rwanda inshuro enye zose.

    U Rwanda kandi ntirwungukira gusa mu kwakira ishoramari rikomoka mu Bushinwa, ahubwo rukomeje no kongera ingano y'ibicuruzwa rwohereza muri icyo gihugu.

    Nk'ubu hagati ya 2021 na 2024, ibicuruzwa u Rwanda rwohereza mu Bushinwa byavuye kuri miliyoni 16$ bigera kuri miliyoni zirenga 100$ mu gihe cy'imyaka ine gusa, aho byikubye inshuro zirenga eshanu zose.

    Mu 2024 gusa, ibyo u Rwanda rwohereza mu Bushinwa byiyongereyeho 29.5%.

    Ibi binajyana no kwiyongera kw'agaciro k'ubucuruzi hagati y'u Bushinwa n'u Rwanda, karenze miliyari 1,6$ mu 2024, kavuye kuri miliyoni 742$ mu 2021.

    Amb. Gao Wenqi yasimbuye Wang Xuekun wasoje manda ye nka Ambasaderi w'u Bushinwa mu Rwanda, mu ntangiriro z'uyu mwaka.

    Amb. Gao Wenqi ubwo yari ageze muri Village Urugwiro

    Amb. Gao Wenqi yashyikirije Perezida Kagame impapuro zimwemerera guhagararira igihugu cye

    Perezida Kagame yijeje ubufasha Ambasaderi mushya w'u Bushinwa mu nshingano ze

    Source : http://igihe.com/amakuru/u-rwanda/article/perezida-kagame-yijeje-ubufasha-ambasaderi-mushya-w-u-bushinwa-mu-nshingano-ze

  • Abanyeshuri bo muri Amerika bakoze umushinga ku mazi mu Rwanda batsindiye igihembo – #rwanda #RwOT

    Iki gihembo cya 'NCEES engineering education award' gihabwa imishinga y'abanyeshuri biga 'engineering' yahize indi, kigamije gushishikariza abandi gukorana n'abenjeniyeri bari mu mirimo mu gushaka ibisubizo ku bibazo bibangamiye imibereho myiza y'abaturage.

    Uyu mushinga wo gusana ibikorwaremezo by'amazi, wibanda ku gufasha abaturage n'abanyeshuri barenga 2000 bo mu cyaro cyo mu Rwanda kongera kubona amazi meza kandi ahagije.

    Kuva mu 2023, iri tsinda ryibanze ku gukemura ibibazo by'ingutu byagaragaye mu Murenge wa Rugendabari mu Karere ka Muhanga n'indi mirenge yegeranye na wo.

    Igenzura ry'ibanze ryagaragaje ibibazo bikomeye byari muri iyo mirenge birimo imiyoboro y'amazi isanzwe yasenywe n'isuri, uduce tumwe tutari tukigeramo amazi, ndetse no kubura ubushobozi buhagije bwo kubika amazi bujyanye n'abayakeneye, ibyatumaga abaturage, cyane cyane abagore n'abana, bakora ingendo ndende kandi zifite ibyago bagiye gushaka amazi.

    Mu gukemura ibi bibazo, itsinda ry'aba banyeshuri ba Miami University EWB ryubakiye abaturage ikigega cy'amazi gifite ubushobozi bwo kubika litiro 20.000, cyuzuye muri Gicurasi 2024.

    Basimbuje kandi ikigega cyari gisanzwe gifite litiro 3.000 n'ikindi cya litiro 10.000. Mu kugabanya kwandura amazi biturutse ku matungo no kongera ireme ryayo, hashyizweho uburyo bwo kuyayungurura hakoreshejwe amabuye ndetse no gushyiraho inzitiro.

    Amasoko y'amazi yashyizwemo ibikoresho bikomeye byo kuyarinda, byose byubakwa hagamijwe kurengera ubuzima bw'abaturage no kugera ku ntego z'iterambere rirambye, bigenzurwa n'abanyamwuga mu by'amazi.

    Umuyoboro mushya w'amazi uheruka kubakwa usigaye ugeza amazi mu midugudu ine, ku ishuri ribanza rya Gitega, ndetse no ku du santere no mu ngo z'abantu.

    Perezida wa EWB muri Miami University, Eddie Thant, yavuze ko ibi bihumbi 10 by'amadolari batsindiye, ari inkunga ikomeye izabafasha kurangiza imirimo yari isigaye.

    Ati 'Ni inkunga ikomeye kuko tubonye amafaranga twari dusigaje kugira ngo tubashe gukora ingendo zacu zo kujya kurangiza ishyira mu bikorwa ry'umushinga wacu mu Rwanda.'

    'Bizatuma kandi tubasha no gukora ibindi bikorwa birimo gushaka abanyamuryago bashya, dutekereza urugendo tugomba kugirira mu Rwanda mu mpeshyi itaha.'

    Uyu mushinga wo gusana ibikorwaremezo by'amazi mu Rwanda, ugizwe n'ibice bine, ari byo gusana amasoko y'amazi, kongera ubushobozi bwo kubika amazi, gukomeza imiyoboro y'amazi, no kongera imiyoboro y'itangwa ry'amazi.

    Iri tsinda rivuga ko intego ni ukugera aho buri muturage azajya abona nibura litiro 20 z'amazi meza ku munsi, bigamije guteza imbere ubuzima bwiza, umutekano n'ubushobozi bwo guhangana n'ibibazo mu gihe kirekire.

    Uyu mushinga uracyakomeje, kandi ni igikorwa gifatanyijwemo n'abanjenyeri b'umwuga (PEs) hamwe n'abanyeshuri ba EWB.

    Abanyamwuga bagize uruhare mu guhuza no kuyobora aba banyeshuri barimo Chuck Dragga, Mike Brunner, Katherine Byrnes, Peter Kube, Gordon Miller na Luke Carter, hamwe n'uwahoze ari umunyeshuri wa CEC, Nathan Ashbrook (wasoje mu 2024). Dr. Catherine Almquist, usanzwe ari umwarimu ufasha aba banyeshuri.

    Umushinga abanyeshuri bo muri Amerika bakoreye mu murenge wa Rugendabari watsindiye ibihumbi 10 $

    Source : http://igihe.com/amakuru/u-rwanda/article/umushinga-w-abanyeshuri-bo-muri-amerika-wo-gusana-ibikorwaremezo-by-amazi-mu

  • U Rwanda mu nzira yo kurandura burundu Hepatite B bitarenze 2030 – #rwanda #RwOT

    Imibare igaragaza ko indwara ya Hepatite B mu Rwanda iri kugero cya 0,25% bisobanuye ko nibura mu bantu 100 bajya kwisuzumisha ku bitaro 0,25 bayisanganwa.

    Dr. Berabose yavuze ko nubwo imibare y'abarwaye ari imike ariko ibyago byo kwandura bishobora kwiyongera ku bantu bafite ibyago byinshi byo kwandura.

    Ati 'Abo barimo abafite intege nke z'ubudahangarwa bw'ubuzima nk'abanduye agakoko gatera Sida, abarwaye kanseri n'abafite indwara zidakira nka Diabete.

    Yakomeje ati 'Hari kandi abagore batwite, abari ahantu hahurira benshi nko muri gereza, inkambi z'impunzi, ibigo by'igororamuco, abakora akazi ko kwicuruza, abaryamana n'abo bahuje ibitsina.'

    Yasobanuye ko urukingo rwa Hepatite B ruri mu byo u Rwanda rwatangiye guha abakiri bato guhera mu 2002.

    Mu Rwanda umwana uvutse ku mubyeyi wayanduye ahabwa dose ya mbere y'urukingo rwo kumurinda kwandura mu gihe cy'amasaha 24.

    Yakomeje avuga ariko ko kuri ubu hatangiye gahunda yo gukingira n'abantu bavutse mbere ya 2002, hibanzwe cyane kuri ba bandi bafite ibyago byinshi byo kwandura.

    Yavuze ko urukingo na serivisi zo gusuzuma abantu Hepatite B bikorwa ku buntu mu bigo nderabuzima n'ibitaro.

    Kuri ubu abarenga miliyoni eshanu mu gihugu bamaze gukingirwa barimo abahawe urukingo bakivuka ndetse n'abakuru.

    Ati 'Kugeza ubu tumaze gusuzuma abantu barenga miliyoni eshanu. Muri bo 9000 bari guhabwa imiti. Iyi ni virusi idakira, ufata imiti ayifata by'igihe kirekire. Intego ni ukurwanya ubwandu bwayo, kuyigabanya no kwirinda ko izahaza abantu.'

    Yavuze ko kandi ko abantu benshi bakunze gushaka kwivuza ari uko iyo ndwara yamaze gutangira kwangiza umwijima kandi icyo gihe guhangana nayo biba bigoye cyane kuko biba byarenze igaruriro.

    Nubwo hepatite B na C ari zo zizwi hari ubwoko butanu bw'indwara za Hepatite ziterwa na virus, ari bwo A,B,C,D na E.

    Hepatite A na E zandurira mu mwanda w'uyirwaye. Ni ukuvuga ko iyo uwagize aho ahurira n'uwo mwanda atakarabye ashobora kuyandura igihe afata amafunguro inyuze mu nzira y'igogora isanzwe.

    Hepatite B na C zandurira mu maraso byaba mu kuyahabwa, gutizanya ibikoresho bikomeretsa nk'inshinge ku bitera ibiyobyabwenge; umubyeyi utwite ashobora kwanduza umwana amutwite cyangwa amubyara no mu mibonano mpuzabitsina.

    Hepatite B niyo yandura cyane kurusha hepatite C, nubwo virusi ya C ari yo imara amasaha menshi hanze y'umubiri itarapfa. Ishobora kumara iminsi 21 ku gikoresho gikomeretsa mu gihe Hepatite B ishobora kumara hanze y'umubiri iminsi irindwi itarapfa kandi ishobora no kwandurira mu macandwe igihe ay'uyirwaye ahuye n'ahantu hakomeretse.

    Umuyobozi w'Agashami gashinzwe kurwanya indwara zandurira mu mibonano mpuzabitsina mu Kigo cy'Igihugu gishinzwe Ubuzima RBC, Dr. Charles Berabose, yavuze ko u Rwanda rukomeje urugamba rwo kurandura burundu indwara ya Hepatite B

    Source : http://igihe.com/amakuru/u-rwanda/article/u-rwanda-mu-nzira-yo-kurandura-burundu-hepatite-b-bitarenze-2030

  • Huye: Polisi yataye muri yombi abasore icyenda bacucuraga abaturage bitwaje intwaro gakondo – #rwanda #RwOT

    Berekanywe mu gitondo cyo kuri uyu wa wa 30 Nyakanga 2025, bivugwa ko ari abo mu Mirenge ya Gishanvu na Ngoma yo muri ako Karere.

    Amakuru avuga ko aba bakekwa, bajyaga batega abantu mu ishyamba riri munsi y'irimbi rya Ngoma, riherereye mu Kagari ka Ngoma bava cyangwa bajya ahitwa i Mpare bakabumbura ibyo bafite birimo amasakoshi, telefone, amafaranga n'ibindi, naho abandi bakaba bakekwaho ibyaha byo gutobora inzu mu Murenge wa Gishamvu, Akagari ka Nyakibanda mu Mudugudu wa Byimana no mu nkengero zaho.

    Umuvugizi wa Polisi mu Ntara y'Amajyepfo, CIP Hassan Kamanzi, yabwiye IGIHE ko abafashwe byavuye mu bufatanye n'abaturage, aho abafashwe ubu bafungiye kuri Polisi, Sitasiyo ya Ngoma, mu gihe Urwego rw'Igihugu rw'Ubugenzacyaha (RIB) rwo rwatangiye kubakoraho iperereza.

    Ati 'Turashimira abaturage bamaze kuzamura umuco wo gutangira amakuru ku gihe, kuko bifasha mu kurwanya abanyabyaha bazonga iterambere n(umudendezo w'abaturage.'

    CIP Kamanzi, yakomeje aburira abagifite ibitekerezo byo kwishora mu bikorwa bihungabanya umutekano w'abaturage guhinduka, kuko Polisi itazabihanganira.

    Abafashwe ubu bafungiye Sitasiyo ya Polisi ya Ngoma

    Abafashwe uko ari icyenda ubu bafungiye kuri Sitasiyo ya Polisi ya Ngoma, mu Karere ka Huye

    Source : http://igihe.com/amakuru/u-rwanda/article/huye-polisi-yataye-muri-yombi-abasore-icyenda-bacucuraga-abaturage-bitwaje

  • Impamvu abagore benshi bagorwa no kwakira ubufasha bakunda guhabwa – YEGOB #rwanda #RwOT

    Mu buzima bw'urukundo no mu ngo, hari ikibazo gikunze kubaho: abagore benshi bagorwa no kwakira ubufasha, n'ubwo baba barushye cyangwa bafite ibintu byinshi
    byo gukora. Ibi byigaragaza mu bikorwa bya buri munsi, rimwe na rimwe bikaba byatera umwuka mubi mu mibanire.

    Urugero rwa Sarah na John

    Sarah na John ni umugabo n'umugore basanze bafite ikibazo cyo gusobanukirwa neza uburyo bwo gufashanya. Sarah yagaragazaga ko akunda gukora ibintu byose
    ku giti cye, agatanga byinshi kurusha uko yakira. Iyo John yageragezaga kumufasha, Sarah yaramusubizaga ati: 'Ndabyishoboreye.' Igihe yamufashaga, Sarah
    yanengaga uburyo yabikoze cyangwa uko yabitinzeho, bituma acika intege ku buryo atashakaga kongera kumufasha. Nyuma yaho Sarah aza kujya amushinja ko
    atamufasha.

    Ibi byatumaga John yumva atumvwa, akababazwa no kutamenya uko yakomeza kumuba hafi. Sarah, ku rundi ruhande, yumvaga ananiwe kandi atitaweho, kuko
    atashoboraga kwakira ubufasha abashije guhabwa n'umugabo we.

    Mu biganiro byabo n'umujyanama w'imibanire, byagaragaye ko Sarah yagiraga imyumvire idafite aho ishingiye yo kumva ko kugira ngo abe afite agaciro, agomba
    gukora byose wenyine. Yakangaga kwakira ubufasha kuko yabifataga nk'ikimenyetso cy'ubumuga cyangwa intege nke nkuko tubikesha Justine Baruch.com.

    Gukomeza ibiganiro byafashije Sarah gusobanukirwa ko kwakira atari intege nke, ahubwo ari igice cy'ingenzi cy'urukundo rwuzuye. John we yize uko yarema
    kumufasha, amushishikariza gusangira amarangamutima no kumva ko kuba yamufasha ntakibazo kirimo.

    Impamvu abagore bagorwa no gufashwa harimo kumva ko badakwiriye gufashwa aho benshi bagira iyo myumvire ku buryo badashobora kwakira impano, ishimwe cyangwa
    ubufasha.Iyo umuntu ahawe ikintu, hari ubwo yumva agomba kukishyura, bikamubera umutwaro. Ikindi iyo umugore afite stress, akenshi arushaho gukora byinshi
    aho gufata akaruhuko, bigatuma adashobora kwakira ubufasha.

    Urugero: Umugore ashobora kumva ko kuba umugabo amuguriye ibyo kunywa bisaba ko amuha nimero ye cyangwa undi mwenda. Ibi bimutera gusubiza inyuma ubufasha
    mu rwego rwo kwirinda.

    Hari uburyo bw'inshi abagabo bashobora gufasha burimo, guhumuriza umugore ko ibyo umuha bitagamije gusaba ikindi gisubizo cyangwa inyungu runaka.
    Kumubwira ko gufashwa bidakuraho imbaraga ze cyangwa ubushobozi bwe. Kumuha akanya ko kuruhuka — urugero nko gushaka umusimbura mu mirimo nawe agafata
    akaruhuko.

    Abagabo n'abagore baratandukanye mu buryo bwo guhangana n'umunaniro. Abagabo bararuhuka, abagore bagakunda ku guma mu mirimo. Umugabo ashobora kumufasha
    kumenya ibimubabaje, kumutera inkunga yo gufata akaruhuko, cyangwa kumusimbura mu mirimo yo mu rugo.

    Iyo abagore bigishijwe kwakira, bararuhuka, bagakomeza kugira urukundo n'urugwiro. Ibi bigira ingaruka nziza ku mubano wabo, bikubaka icyizere, urukundo
    n'ubusabane haba mu rugo no mukazi.

    Source : https://yegob.rw/impamvu-abagore-benshi-bagorwa-no-kwakira-ubufasha-bakunda-guhabwa/

  • Ntabwo tuzicara ngo turindire ko abantu baza gukora nk'ibyo bakoze mu 1994- Minisitiri Nduhungirehe – #rwanda #RwOT

    Yabigarutseho ku wa 29 Nyakanga 2025, ubwo yagezaga ku Nteko Ishinga Amategeko itegeko ryemeza burundu amasezerano y'amahoro hagati y'u Rwanda na Repubulika Iharanira Demokarasi ya Congo.

    Yagaragaje ko mu byibanzweho mu masezerano harimo gusenya umutwe wa FDLR ugizwe n'abasize bakoze Jenoside yakorewe Abatutsi mu 1994 bamaze imyaka irenga 30 barahawe intebe mu Burasirazuba bwa RDC ndetse bakanahabwa ubufasha n'icyo gihugu.

    U Rwanda rwagaragaje ko igihe cyose uwo mutwe ugihari ari ikibazo gikomeye ku mutekano w'igihugu n'Akarere muri rusange binyuze mu bikorwa byawo byo kubiba ingengabitekerezo ya Jenoside n'ibyo guhungabanya umutekano warwo.

    Aho gusenya no kwirukana uwo mutwe, ubutegetsi bwa RDC bwahisemo kuwiyegereza no gufatanya nawo mu kurwanya M23 igizwe n'Abanye-Congo baharanira uburenganzira bwabo, bukizeza FDLR ko nayo bazayifasha gukuraho ubutegetsi bw'u Rwanda.

    Ibyo byatumye u Rwanda rushyiraho ingamba z'ubwirinzi mu gukumira ibitero bishobora guturuka muri RDC bigizwemo uruhare n'uwo mutwe cyangwa ubutegetsi bwakunze gutangaza ku mugaragaro ko buzatera u Rwanda.

    Depite Bizimana Minani Deogratias yabajije impamvu kuba u Rwanda rwarashyizeho ubwirinzi byaba ikibazo cyangwa bikaba icyaha.

    Ati 'Iyo umuntu yubatse inzu cyangwa urugo, ashyiraho imyugariro, iyo ari igipangu ashyiraho ibindi, byaba urugo rwa Kinyarwanda agashyiraho imihati ku buryo aba yirinze nta muntu wamumeneramo. Sinumva rero ukuntu ubwirinzi bw'igihugu cyacu bukwiye kuba icyaha. Kwirinda nta gihugu kitabikora, n'ibihugu bikomeye bishyira amasatelite hejuru bikirinda.'

    Depite Ntezimana Jean Claude na we ati “Ese barashaka ko ubwirinzi bw'u Rwanda buvaho kugira ngo bigende bite? Umuntu ushaka ko dukuraho ingamba z'ubwirinzi kandi bukorera ku butaka bwacu? Umuntu wavuze ko azarasa i Kigali kandi akaba yarabigerageje agasanga u Rwanda rwiteguye, ese mubona hari icyo twakwita ubushake bwa Politiki kuri icyo gihugu?'

    Depite Icyitegetse Venutse we yabajije ikizakorwa mu gihe amasezerano y'amahoro atashyirwa mu bikorwa, niba u Rwanda ruzakomeza kurebera uwo mutwe wa FDLR ukaba ikibazo ku mutekano w'igihugu.

    Minisitiri Nduhungirehe yavuze ko hari inzego zashyizweho zizafasha mu gushyira mu bikorwa ayo masezerano impande zombi zashyizeho umukono harimo Urwego rwo guhuza ibikorwa by'umutekano hagati y'u Rwanda na RDC rugamije kurandura umutwe wa FDLR no gukuraho ingamba z'ubwirinzi z'u Rwanda.

    Biteganyijwe ko inama izahuza abagize urwo rwego izaterana ku wa 4 Kanama 2025, ikabera i Washington ariko izindi zizajya zibera mu Rwanda no muri RDC mu buryo busimburana.

    Urwo rwego rwahawe ingengabihe y'iminsi 90 ariko hari n'indi minsi 30 ishobora kongerwaho yo gushishikariza abarwanyi ba FDLR gutaha ku bushake.

    Ati 'Ntabwo ikizakorwa mbere ari ugukoresha ingufu za gisirikare, ikizaba mbere ni ukubanza gushaka amakuru no gushishikariza abarwanyi ba FDLR bifuza gutaha ku bushake bwabo kandi mu mahoro ko bataha nk'uko abandi bagiye bataha. Ku bazaba batifuza gutaha bagakomeza ibikorwa byabo bya gisirikare ni ho hazakoreshwa ingufu za gisirikare.'

    Yavuze ko ku wa 31 Nyakanga 2025 n'aho hataganyijwe inama izahuza komite ishinzwe gusuzuma ishyirwa mu bikorwa ry'ayo masezerano irimo abahagarariye u Rwanda na RDC ndetse n'abahuza.

    Yashimangiye ko ingamba z'ubwirinzi zashyizweho bijyanye n'impamvu yatumye zijyaho bivuze ko kugira ngo u Rwanda ruzikureho ari uko hari ikizakora kigamije kurandura umutwe wa FDLR.

    Ati 'Iyo tuvuga FDLR ntabwo ari abantu bari aho gusa bicaye, bagiye banadutera. Kuva 1994 bagiye badutera, muribuka RUD Urunana mu 2019 hariya mu Kinigi, FLN hariya muri Nyungwe n'Iburengerazuba, n'ejo bundi ubwo hari imirwano ya Goma uko bagiye badutera no mu gihe cya CHOGM…Ibyo rero bigaragaza ko wa mugambi wo kugarura Jenoside mu Rwanda ukiriho kandi bashyigikiwe na Leta ya RDC n'iyo mpamvu hariho izo ngamba z'ubwirinzi.'

    Yakomeje ati 'Izo ngamba ni ukubaho kw'igihugu, ntabwo tuzicara aho ngo turindire ko abantu baza gukora ibyo bakoze mu 1994 ngo tubyemere. Ibyo ntibizashoboka, twarababwiye duti izo ngamba tuzazikuraho ariko murandure icyatumye zijyaho.'

    Igisirikare cy'u Rwanda giheruka gutangaza ko abarwanyi b'umutwe wa FDLR, ubu babarirwa hagati y'ibihumbi birindwi n'ibihumbi 10.

    Minisitiri w’Ububanyi n’Amahanga n’Ubutwererane, Amb. Olivier Nduhungirehe, yashimangiye ko u Rwanda rutazemerera abakoze Jenoside yakorewe Abatutsi kongera kuyikora

    Visi Perezida w’Umutwe w’Abadepite, Mussa Fazil Harerimana

    Abadepite bemeje iryo tegeko ritabanje kunyura muri Komisiyo

    Inteko Ishinga Amategeko y’u Rwanda yemeje itegeko ryemeza burundu amasezerano y’amahoro hagati y’u Rwanda na RDC

    Amafoto:Nzayizingiza Fidele

    Source : http://igihe.com/amakuru/u-rwanda/article/ntabwo-tuzicara-ngo-turindire-ko-abantu-baza-gukora-nk-ibyo-bakoze-mu-1994

  • Ibyo wamenya kuri ba Jenerali icyenda bagiye mu kiruhuko cy'izabukuru – #rwanda #RwOT

    Ni icyemezo cyatangajwe n'ubuyobozi bw'Ingabo z'u Rwanda ku mugoroba wo ku wa Kabiri tariki 29 Nyakanga 2025.

    Abasirikare bakuru bagiye mu kirihuko cy'izabukuru, abafite ipeti rya Major General ni babiri, mu gihe abafite irya Brigadier General ari barindwi.

    Mu 2023 nibwo byaherukaga ko abasirikare bafite ipeti rya General bajya mu kiruhuko cy'izabukuru. Icyo gihe abakigiyemo ni Gen (Rtd) James Kabarebe, Gen (Rtd) Fred Ibingira, Lt Gen (Rtd) Frank Mushyo Kamanzi, Lt Gen (Rtd) Charles Kayonga, n'abandi.

    Muri iyi nkuru tugiye kugaruka ku mateka y'abafite ipeti rya 'General' baraye bagiye mu kiruhuko cy'izabukuru.

    Maj Gen Andrew Kagame

    Maj Gen Andrew Kagame uri mu basirikare bakuru b'u Rwanda bagiye mu kiruhuko cy'izabukuru yari asanzwe ari Umuyobozi wa Diviziyo ya Mbere ikorera mu Mujyi wa Kigali no mu Ntara y'Iburasirazuba.

    Ni umwanya yagiyeho mu Ukwakira mu 2024, asimbuye Maj Gen Emmy Ruvusha wagizwe Umuhuzabikorwa w'Ibikorwa by'Inzego z'Umutekano z'u Rwanda muri Mozambique.

    Mbere yo kujya muri uyu mwanya yari asanzwe ari Umugaba Mukuru wungirije w'Inkeragutabara.

    Maj Gen Wilson Gumisiriza

    Maj Gen Wilson Gumisiriza yabonye izuba mu 1962, avukira muri Uganda, aho ababyeyi be bari barahungiye.

    Ubwo urugamba rwo kubohora igihugu rwatangiraga ni umwe mu barugizemo uruhare, ndetse rurangira afite ipeti rya Major.

    Muri uru rugamba yari Umuyobozi ushinzwe ubutasi wa Batayo ya 157, yagize uruhare mu gufata ikigo cya gisirikare cya Gako.

    Iyi batayo ni nayo yabarizwagamo abandi basirikare bakuru barimo Gen (Rtd) Fred Ibingira, Maj Gen (Rtd) Eric Murokore ndetse n'Umugaba mukuru w'Ingabo z'u Rwanda kuri ubu, Gen Mubarak Muganga.

    Mbere yo kujya mu kiruhuko cy'izabukuru, Maj Gen Wilson Gumisiriza yakoze inshingano zitandukanye mu Ngabo z'u Rwanda. Yabaye Umuyobozi wa Diviziyo irwanisha ibifaru n'imodoka z'intambara, ndetse anayobora Diviziyo ya Gatatu mu Ngabo z'u Rwanda ikorera mu Ntara y'Iburengerazuba.

    Maj Gen Gumisiriza yabaye kandi Umuyobozi wa brigade ya 501.

    Mu bihe bitandukanye Maj Gen Wilson Gumisiriza yagiye atanga impanuro ku basirikare b'u Rwanda byagombaga koherezwa mu ntara ya Cabo Delgado muri Mozambique mu butumwa bwo kurwanya iterabwoba.

    Brig Gen Joseph Demali

    Brig Gen Joseph Demali yabarizwaga mu mutwe w'Ingabo z'u Rwanda urwanira mu kirere.

    Yakoze inshingano zitandukanye mu Ngabo z'u Rwanda zirimo kuba Umugaba w'Ingabo zirwanira mu kirere kuva mu 2013-2014. Yabaye kandi Umuyobozi ushinzwe ibikorwa bya gisirikare muri Ambasade y'u Rwanda muri Turikiya. Izi nshingano yazikoze no muri Ambasade y'u Rwanda muri Kenya.

    Brig Gen Fred Muziraguharara

    Brig Gen Muziraguharara yakoze inshingano zitandukanye mu Ngabo z'u Rwanda. Hagati ya 1998-2000 yari Umuyobozi ushinzwe ubushakashatsi.

    Hagati ya 2005 na 2006 yabaye Umuyobozi ushinzwe amasomo mu ishuri rya gisirikare rya Gako. Mu 2007-2008 yari Umuyobozi ushinzwe ibikorwa mu Ngabo z'u Rwanda, umwanya yavuyeho ajya gukora mu Butumwa bw'Ingabo za Loni muri Darfur, aho yari Umuyobozi ushinzwe igenamigambi.

    Hagati ya 2010 na 2012 yabaye Umuyobozi ushinzwe igenamigambi mu Ngabo z'u Rwanda, ahava ajya guhagararira RDF mu Nama y'ibihugu by'akarere k'ibiyaga bigari, ICGLR.

    Brig Gen Muziraguharara yabaye kandi Umuyobozi mukuru ushinzwe ubutegetsi n'imari mu Rwego rw'Igihugu rushinzwe umutekano n'iperereza (NISS). Ni inshingano yakoze kuva mu 2013 kugeza mu 2018.

    Kuri ubu Muziraguharara Fred ni Umuyobozi mukuru wa Horizon Group Ltd.

    Muri Mutarama 2018 nibwo yahawe ipeti rya Brigadier General, avuye kuri Colonel.

    Brig Gen James Ruzibiza

    Mu 2019 nibwo James Ruzibiza yahawe ipeti rya Brigadier General, ndetse ahita agirwa Umuyobozi wa Bridage ishinzwe Ibijyanye n'ubwubatsi (Engineering) mu Ngabo z'u Rwanda.

    Yanabaye Umuyobozi ushinzwe imibanire y'abasirikare n'abasivile (Chief J9).

    Brig Gen Frank Mutembe

    Brig Gen Frank Mutembe yari asanzwe ari Umuyobozi wa Diviziyo ishinzwe gutabara aho rukomeye mu Gisirikare cy'u Rwanda. Iri peti yarihawe mu 2019 avuye kuri Colonel.

    Mu rugamba Ingabo z'u Rwanda zirimo rugamije guhashya iterabwoba muri Mozambique, Brig Gen Frank Mutembe yari akuriye ibikorwa by'urugamba, inshingano yavuyeho mu 2023.

    Uyu mugabo yanayoboye Ingabo z'u Rwanda zari mu butumwa bw'amahoro i Darfur.

    Brig Gen Pascal Muhizi

    Brig Gen Pascal Muhizi yari asanzwe ari Umuyobozi w'Ingabo z'u Rwanda zikorera muri Diviziyo ya gatanu ibarizwa mu Ntara y'Iburasirazuba.

    Yabaye kandi Umuyobozi wa Diviziyo ya Kabiri mu Ngabo z'u Rwanda ikorera mu majyaruguru.

    Ipeti rya Brigadier General yarihawe muri Kamena mu 2021.

    Izina ry'uyu mugabo ryamenyekanye cyane ubwo yari i Cabo Delgado akuriye ibikorwa bya gisirikare mu butumwa inzego z'umutekano zirimo bwo kurwanya iterabwoba.

    Brig Gen Nelson Rwigema

    Nelson Rwigema yahawe ipeti rya Brigadier General mu 2019. Yakoze inshingano zitandukanye zirimo kuyobora Diviziyo ya kabiri ikorera mu majyaruguru, ndetse n'Umuyobozi w'Inkeragutabara mu ntara y'Iburengerazuba.

    Brig Gen Jean Paul Karangwa

    Brig Gen Jean Paul Karangwa yazamuwe mu ntera, ava ku ipeti rya Colonel mu 2019, ahita agirwa n'Umuyobozi w'ishami rishinzwe imyitwarire mu Ngabo z'u Rwanda, Military Police. Yayoboye kandi Ingabo mu Mujyi wa Kigali.

    Source : http://igihe.com/amakuru/u-rwanda/article/ibyo-wamenya-kuri-ba-jenerali-icyenda-bagiye-mu-kiruhuko-cy-izabukuru

  • Perezida Ndayishimiye Yahisemo Gushyira imbere ubushyamirane mu baturanyi aho gukemura ibibazo by'imbere mu gihugu #rwanda #RwOT

    Mu gihe ibiganiro hagati y'u Rwanda n'u Burundi byari bitangiye gutanga icyizere mu gukemura umubano mubi umaze igihe hagati y'ibihugu byombi, Perezida w'u Burundi, Evariste Ndayishimiye, yongeye kudobya uwo murongo w'ubwumvikane, asubira mu mvugo z'ubushotoranyi n'ibirego bidafite ishingiro. Ibi byabaye mu gihe igihugu cye gikomeje kurwana n'ibibazo bikomeye by'ubukungu, imiyoborere igayitse ndetse n'umutekano.

    Mu kwezi kwa Werurwe 2025, intumwa z'u Rwanda n'iz'u Burundi zikorera mu nzego z'umutekano n'ubutasi zahuye inshuro ebyiri ziganira ku bufatanye mu kurwanya ibishobora guhungabanya umutekano. U Rwanda rwari rwagaragaje ubushake bwo gukomeza urugendo rw'ubwiyunge n'umuturanyi warwo ari we u Burundi.

    Minisitiri w'Ububanyi n'Amahanga w'u Rwanda, Ambasaderi Olivier Nduhungirehe, yavuze ko ibiganiro byatangaga icyizere ko ibihugu byombi byakongera kubana neza mu mahoro no mu buhahirane.

    Gusa icyizere cyaje guhungabana ubwo Perezida Ndayishimiye yongeye gutangaza amagambo akakaye yibasira u Rwanda, ashinja u Rwanda gushaka kugaba igitero ku Burundi binyuze muri RDC, ndetse yongera kwibutsa ikibazo cy'abantu bahunze ubutegetsi bwa Nkurunziza muri za 2015 avuga ko badatanzwe imipaka idashobora gufungurwa.

    Kugaruka mu mvugo z'ubushotoranyi na gahunda z'intambara bishobora kuba bifitanye isano no guhisha ibibazo bikomeye u Burundi buhanganye na byo imbere mu gihugu nk'Ifaranga ry'u Burundi (Fbu) ryataye agaciro mu buryo bukabije

    Mu bice byinshi by'igihugu, lisansi yabaye zahabu. Hari ahagaragara imirongo y'imodoka zitegereje lisansi amasaha menshi, ndetse ikaba icuruzwa ku isoko nka Magendu (black market) ku giciro kiri hejuru y'amafaranga yemewe na Leta.

    U Burundi bwamaze kwimariya (married) n'imitwe yitwaje intwaro irimo Wazalendo na FDLR mu bikorwa byo kurwanya AFC/M23 muri Kivu y'Amajyepfo. Ibi byatumye u Burundi bushyira ingabo nyinshi muri RDC aho abaturage bavuga ko zibangamira abaturage b'abanyamulenge, ndetse bamwe bakabahunga.

    Ubutegetsi bwa Ndayishimiye bukomeje kunengwa n'amahanga n'imiryango mpuzamahanga ku gucecekesha abatavuga rumwe n'ubutegetsi no kubangamira itangazamakuru. Ibi byose byatumye igihugu cyikubita hasi mu bijyanye n'ubwisanzure bwa politiki n'uburenganzira bwa muntu.

    Mu gihe abaturage b'u Burundi bahangayikishijwe n'ubuzima bukakaye bukomeje kugenda buba bubi, ubuyobozi bwabo buri gushyira imbaraga mu gushaka umwanzi hanze aho gushaka ibisubizo mu gihugu. Gutunga agatoki u Rwanda kenshi nk'intandaro y'ibibazo byose si igisubizo, ahubwo bishobora kurushaho gusubiza inyuma intambwe y'amahoro n'iterambere akarere k'u Burasirazuba bwa Afurika kageragezaga gutera, aho kugira u Rwanda urwitwazo.

    Amahoro n'ubufatanye byagaragaye nk'inzira rukumbi yateza imbere ibihugu byombi. Guverinoma y'u Rwanda yakomeje kugaragaza ko yiteguye gufatanya n'u Burundi igihe cyose hashyizwe imbere ukuri n'inyungu z'abaturage b'ibi bihugu byombi.

    The post Perezida Ndayishimiye Yahisemo Gushyira imbere ubushyamirane mu baturanyi aho gukemura ibibazo by'imbere mu gihugu appeared first on RUSHYASHYA.

    Source : https://rushyashya.net/perezida-ndayishimiye-yahisemo-gushyira-imbere-ubushyamirane-mu-baturanyi-aho-gukemura-ibibazo-byimbere-mu-gihugu/?utm_source=rss&utm_medium=rss&utm_campaign=perezida-ndayishimiye-yahisemo-gushyira-imbere-ubushyamirane-mu-baturanyi-aho-gukemura-ibibazo-byimbere-mu-gihugu

  • Les méthodes de retrait et de dépôt sécurisées sur bwin casino belgium #rwanda #RwOT

    Dans cet article, je vais partager mes expériences et conseils sur les méthodes de retrait et de dépôt sécurisées sur bwin connexion. Que vous soyez un joueur occasionnel ou un habitué des jeux en ligne, comprendre comment gérer vos fonds peut faire toute la différence. Nous allons explorer les options disponibles pour les joueurs en Belgique, les avantages et inconvénients de chaque méthode, ainsi que quelques astuces pour garantir la sécurité de vos transactions.

    Les options de dépôt populaires sur bwin casino belgium et leurs avantages

    Lorsque vous vous connectez à votre compte bwin, vous remarquerez une variété d'options de dépôt. Parmi les plus populaires, on trouve les cartes de crédit, les portefeuilles électroniques comme PayPal et Skrill, ainsi que les virements bancaires. Chaque méthode a ses avantages. Par exemple, les cartes de crédit sont rapides et faciles à utiliser, tandis que les portefeuilles électroniques offrent une couche supplémentaire de sécurité.

    Pour les joueurs qui recherchent la commodité, la bwin app permet de faire des dépôts directement depuis leur smartphone. Je me souviens d'une fois où j'étais en déplacement et que j'ai pu déposer des fonds en quelques clics. C'est vraiment pratique, surtout si vous êtes un joueur régulier. Cependant, assurez-vous de vérifier si la méthode choisie est disponible pour les dépôts sur bwin belgique.

    Comment effectuer un retrait sécurisé sur bwin casino : les étapes à suivre

    Le processus de retrait sur bwin casino est assez simple, mais il est essentiel de suivre certaines étapes pour garantir la sécurité de vos fonds. Tout d'abord, connectez-vous à votre compte et accédez à la section des retraits. Vous aurez alors la possibilité de choisir votre méthode de retrait préférée. Personnellement, j'opte souvent pour le portefeuille électronique, car cela me permet de recevoir mes gains presque instantanément.

    Une fois que vous avez sélectionné votre méthode, il est crucial de vérifier que toutes vos informations sont correctes. Une erreur dans votre numéro de compte ou votre adresse peut entraîner des retards ou même la perte de vos fonds. Après avoir confirmé vos détails, soumettez votre demande de retrait. Gardez à l'esprit que certains retraits peuvent nécessiter une vérification d'identité, donc assurez-vous d'avoir tous les documents nécessaires à portée de main.

    Les délais de traitement des dépôts et retraits sur bwin et ce à quoi s'attendre

    Un des aspects les plus frustrants du jeu en ligne peut être les délais de traitement. Sur bwin, les dépôts sont généralement instantanés, mais cela peut varier selon la méthode choisie. Par exemple, un dépôt par carte de crédit est souvent immédiat, tandis qu'un virement bancaire peut prendre quelques jours. Si vous êtes impatient de commencer à jouer, privilégiez les méthodes plus rapides comme PayPal ou la bwin casino app.

    Méthode de dépôt Délai de traitement
    Carte de crédit Instantané
    Portefeuille électronique Instantané
    Virement bancaire 1 à 3 jours

    En ce qui concerne les retraits, le délai peut varier en fonction de la méthode choisie. Les retraits via portefeuille électronique sont souvent traités en moins de 24 heures, tandis que les demandes par virement bancaire peuvent prendre jusqu'à 5 jours. Cela dépend également de votre banque, alors gardez cela à l'esprit lorsque vous planifiez vos retraits ou vos jeux. Pour une expérience optimale, je recommande de toujours garder un œil sur ces délais pour gérer vos fonds en conséquence.

    Sécurité des transactions et protection des joueurs sur bwin casino en ligne

    La sécurité devrait toujours être une priorité lorsque vous jouez en ligne. bwin casino en ligne prend cela très au sérieux, en utilisant des technologies de cryptage avancées pour protéger vos informations personnelles et financières. Avant de commencer à jouer, j'ai toujours recherché des casinos qui mettent l'accent sur la sécurité, et bwin belgique ne déçoit pas. Ils sont licenciés et régulés, ce qui ajoute un niveau de confiance supplémentaire pour les joueurs.

    De plus, bwin offre plusieurs options de sécurité, telles que l'authentification à deux facteurs. Cela signifie que même si quelqu'un essaie d'accéder à votre compte, il lui sera difficile de le faire sans votre deuxième méthode de vérification. J'ai activé cette fonctionnalité dès que j'ai ouvert mon compte et cela m'apporte une tranquillité d'esprit. C'est un petit effort supplémentaire qui peut faire une grande différence.

    Les meilleures pratiques pour gérer son budget de jeu sur bwin et éviter les pièges

    1. Établissez un budget de jeu et respectez-le.
    2. Utilisez des méthodes de dépôt qui vous permettent de contrôler vos dépenses.
    3. Évitez de poursuivre vos pertes, même si vous avez eu une mauvaise session.
    4. Profitez des outils de limite de dépôt disponibles sur bwin.

    Gérer son budget est essentiel dans le monde du jeu en ligne. J'ai appris à mes dépens qu'il est facile de se laisser emporter par l'excitation. En fixant un budget avant de commencer à jouer, vous vous donnez une certaine structure. Cela aide à éviter de dépenser plus que ce que vous pouvez vous permettre. De plus, bwin offre des outils utiles pour vous aider à garder le contrôle, comme les limites de dépôt.

    Il est également judicieux d'utiliser des méthodes de dépôt qui vous permettent de mieux gérer vos finances. Par exemple, les portefeuilles électroniques peuvent vous aider à garder un œil sur vos dépenses, car vous pouvez facilement voir combien vous avez déposé par rapport à vos gains. En fin de compte, le but est de s'amuser, alors assurez-vous de le faire de manière responsable.

    Mon expérience personnelle avec les dépôts et retraits sur bwin casino en ligne

    Depuis que j'ai commencé à jouer sur bwin casino belgique, j'ai eu des expériences plutôt positives en matière de dépôts et de retraits. Au début, j'étais un peu sceptique, comme beaucoup de nouveaux joueurs, mais j'ai rapidement compris que la plateforme était fiable. J'ai d'abord utilisé ma carte de crédit pour faire un dépôt, et c'était rapide et sans tracas.

    Pour mes retraits, j'ai choisi d'utiliser le portefeuille électronique, ce qui m'a permis de recevoir mes gains presque immédiatement. C'est un sentiment incroyable de voir vos efforts récompensés aussi rapidement. Bien sûr, il y a eu des fois où j'ai dû vérifier mon identité, mais cela fait partie du processus de sécurité et je préfère cela plutôt que de risquer mes informations personnelles.

    Source : https://www.intyoza.com/2025/07/29/les-m-thodes-de-retrait-et-de-d-p-t-s-curis-es-sur-bwin-casino-belgium/

  • Tayali Nyirabayazana ugiye gukura Ruvuyanga Emmanuel mu rungano yamaze kuboneka ! Mu mafoto ihere ijijo ubwiza n’imiterere bye – YEGOB #rwanda #RwOT

    Nyuma yo kumara igihe atagaragara mu Rukundo, umunyamakuru w'imikino Ruvuyanga Emmanuel ubu aravugwa mu rukundo n'inkumi y'ikizungerezi.

    Uyu mukobwa uvugwa mu rukundo na Ruvuyanga, ndetse bikaba bivugwa ko bagiye kuzarushinga yitwa Naomi Sandrine, ndetse akaba afite impanga ye basa foto copy, nayo yitwa Movila Sandra.  Reba Amafoto.

    Source : https://yegob.rw/tayali-nyirabayazana-ugiye-gukura-ruvuyanga-emmanuel-mu-rungano-yamaze-kuboneka-mu-mafoto-ihere-ijijo-ubwiza-nimiterere-bye/