Author: webrwanda

Umunyarwandakazi Salma Rhadia Mukansanga arasifura umukino wa mbere mu mateka y'igikombe cya Africa uba uyobowe n'abasifuzi b'abagore gusa uba uyu munsi kuwa kabiri.

Ni amateka mashya mu mikino y'abagabo yitezweho gutangira guhindura ibintu mu gikombe cya Africa, nk'uko umunyamakuru wa BBC Yves Bucyana uri muri Cameroun abivuga.

Bucyana ati: 'Buri muntu wese hano ategereje cyane kureba uyu mukino, cyane cyane aya mateka mashya. Kandi ni ikintu gikomeye kuri Salma Mukansanga n'igihugu cye.'

Amavubi y'u Rwanda ntiyabashije kugera mu gikombe cya Africa, ariko Abanyarwanda benshi ku mbuga nkoranyambaga bagaragaje kwishimira ko Mukansanga yabaserukiye.

Abaturage bavuga ko hari isomo bakuye mu gutsindwa kwa mugenzi wabo

Bivuzwe mu gihe imiryango ibiri iherutse gupfusha abantu banze kwemera amafaranga bagenerwa n’ubwishingizi bwa Kompanyi bakoreraga, ahubwo abagana inkiko bagamije kunguka menshi bakaza gutsindwa bakaba barategetswe ahubwo kwishyura abo bashoye mu nkiko.

Abaturage n’abayobozi bo mu Murenge wa Nyange bemeranywa ko mu gihe habayeho kuburana,, bakwiye kwemera imyanzuro y’inkiko bakarangiza imanza ku neza kuko zikenesha.

Urugero rw’umuryango ugiye kwishyura miliyoni nyuma yo kwanga impozamarira ya miliyoni n’ibihumbi 800frw ukagana inkiko ni uw’uwitwa Macumu François.

Macumu avuga ko barenganye kubera ko batsizwe mu rubanza bashoje rw’umwana wabo wahitanywe n’ikirombe cy’amabuye y’agaciro, nyamara yaranze amafaranga bateganyirizwa n’ubwishingizi na n’ubu bakaba bagitsimbaraye.

Macumu avuga ko ntawigeze amwegera ngo amubwire uko umuryango we uzabona impozamarira, kandi azakomeza kugana inzego zirenganura abaturage nyuma yo gutsindwa agategekwa kwishyura milinoni y’Amafaranga y’u Rwanda.

Agira ati 'Umuhungu wanjye yarapfuye, nta mpozamarira baduhaye, tuzakomeza kugana inzego kuko twararenganye. Ntabwo twigeze tumenya ko umwe mu bapfushije abantu muri icyo kirombe yahawe amafaranga'.

Imyumvire ya Macumu inasa n’iy’umukecuru we kuko nawe yemeza ko bagombaga kwishyurwa amafaranga bifuza, mu gihe nyamara abandi baturage basanga kuburana no kwishora mu nkiko ari ukwigerekaho umusaraba uremereye.

Macumu avuga ko azakomeza kugana inzego

Mukangango Esperence avuga ko nyuma yo kubona ko imiryango yabuze ababo ikagana inkiko yirengagije ko ikirombe bakoragamo gifite ubwishingizi, bigaragaza gushaka inyungu nyinshi hirengagijwe ukuri.

Agira ati 'Njyewe numva bariya babuze ababo bakwegera uwabunganiraga mu rukiko akabahuza n’uwabatsinze bakumvikana uko bagenerwa ibyo bari banze, bitaba ibyo dore bagiye kugerekaho no kwishyura kubera kwinangira no gukururana'.

Yongeraho ati 'Kuburana birakenesha kuko iyo wagiye mu manza ntuba wagiye gukora, urasohora ntiwinjiza. Ni byiza ko abantu bumva ibyemezo by’inkiko bitaragera kure kuko ubu bagiye kwishyura kandi baranze ubwishyu bari bemerewe'.

Umuyobozi wa Kompanyi (Niyigena Mining Company), Patric Ntigashira, avuga ko n’ubwo yatsinze abo baturage hari inzira bari bakwiye kuba baranyuze mbere, ariko akaba yemera ko kuko batishoboye, binyuze mu biganiro yagira ibyo abasonera.

Agira ati 'Ndumva bazanye uwo muntu ubashuka kundega tukumvikana byagira icyo bitanga kuko aba ni abaturage b’aho nkorera ntifuza kugirana na bo ikibazo, ariko nibakomeza kwinangira ubwo tuzakomeza kugeza igihe bazumvira, kuko nibanga ubwukvikane hazakurikizwa amategeko banyishyure'.

Umunyamabanga Nshingwabikorwa w’Umurenge wa Nyange, Gaudence Mukasano, avuga ko nk’ubuyobozi biteguye guhuza abaturage batsinzwe n’uwabatsinze kugira ngo harebwe uko urubanza rwarangizwa bidateje izindi ngaruka, kuko abatsinzwe badafite ubushobozi bwo kwishyura nyuma yo gupfusha abantu babo.

Agira ati 'Icyo twifuza kuri rwiyemezamirimo ni uko yafasha abaturage bakishyurwa amafaranga bateganyirizwa n’ubwishingizi kuko bareze umuntuutari we, ndeste na avoka icyo tumusaba ni ukwegera abo baturage akabereka inzira bakanyuzemo'.

Niyigena avuga ko yiteguye kumvikana n’abo yatsinze

Muri rusange ikibazo cy’abanturage bapfushije abantu babo mu birombe cyari koroha iyo hakurikizwa amategeko bakagana ubwishingizi bukabaha impozamarira ijyanye n’ibyo bateganyirizwa, ariko si ko byagenze kuko bagannye inkiko biza kugaragara ko bareze umuntu utari we ari na ho batsindiwe.

CP Emmanuel Hatari yasabye abamotari kwirinda kwishora mu byaha kuko bibahombya

Ibyo ni ibyatangajwe ku itariki 16 Mutarama 2022, mu nama yahuje Guverineri w’Intara y’Iburasirazuba n’abagize inama y’umutekano itaguye, bagiranye n’abamotari bakorera mu Karere ka Nyagatare.

Umuyobozi wa Polisi mu Ntara y’Iburasirazuba, CP Emmanuel Hatari, yavuze ko mu mezi abiri gusa abamotari 78 bamaze gufatwa bakurikiranyweho ibyaha byambukiranya imipaka, moto 63 ni zo zafatiwe muri ibyo byaha ndetse haba n’impanuka 93.

Yasabye abamotari kwirinda kwishora muri ibyo byaha kuko uretse igifungo harimo n’ibihombo bahura na byo.

Ati “Iyo ufashwe utwaye ibiyobyabwenge ufungwa imyaka 25, moto yafashwe muri ubwo buryo nyirayo ntayisubirana. Warayiguze ku mafaranga wakuye muri banki uba uhombye cyangwa uhombeje uwayiguhaye ngo iguteze imbere kandi na we agire icyo abonaho.”

Umwe mu bafatiwe muri ibyo byaha yasabye imbabazi avuga ko yashukishijwe amafaranga menshi.

Yagize ati “Abantu baranshutse banyemerera amafaranga 10,000 nambutsa umuntu mu buryo bunyuranyije n’amategeko. Ndabisabira imbabazi kandi nsaba bagenzi banjye kubicikaho.”

Abamotari mu nama n’inzego z’ubuyobozi

Mu byaha byambukiranya imipaka ikiza ku isonga ni forode, gufasha abantu kwinjira no gusohoka mu gihugu mu buryo bunyuranyije n’amategeko, gutwara ibiyobyabwenge n’ubujura, byose bigirwamo uruhare n’abamotari.

Uwo muyobozi kandi avuga ko n’abahawe urukingo rwa kabiri ubu bari hejuru ya 70%, agashishikariza abasigaye kwihutira kwikingiza na bo, cyane ko na serivisi zo gukingira zagiye zegerezwa abaturage cyane cyane mu duce duhuriramo abantu benshi.

Agira ati 'Kwikingiza ni yo ntwaro mbona yatuma tubasha gukomeza guhangana n’icyorezo cya Covid-19, kandi n’imibare irabyerekana, ari iy’ubwandu tugenda tubona ari n’iy’abagenda batakaza ubuzima murabona ko yagabanutse, kandi ni umusaruro w’izi nkingo.'

Anavuga ko mu bukangurambaga bwo gushishikariza abantu kwikingiza, hari aho bagiye basanga ababibuzwa n’abahabwa inyigisho z’ubuyobe.

Ati 'Hari nk’aho twagiye mu Murenge wa Kigoma, umuntu atwereka urupapuro bamwandikiyeho imirongo yo muri Bibiliya ivuga kuri Covid-19, noneho tubwira Pasiteri ngo ajye amubwira umurongo hanyuma amusomere. Tuza gusanga hari igice bamwandikiye kitaba muri Bibiliya.'

Umuyobozi w’Akarere ka Huye, Ange Sebutege

Uwo muntu amaze kubona ko bamubeshye yaremeye arakingirwa.

Meya Sebutege ati 'Ibi bigaragaza ko iyo umuntu abeshya agerageza gukoresha inzira zose zituma uwo abwira amwumva, ariko iteka ukuri guhora ari ukuri, kandi icyiza gihora ari icyiza.'

Akomeza avuga ko abaganga biteguye kuganira n’abafite impungenge kugira ngo bazibamare.

Bidasubirwaho rutahizamu wa Bayern Munich, Robert Lewandowski yegukanye igikombe cy'umikinnyi wahize abandi kw'Isi ku mwaka we wa kabiri yikurikiranya FIFA MEN'S BEST PLAYER nyuma y'ibirori byaberaga ku kicaro gikuru cya FIFA , I Zurich kuri uyu mugoroba wo Kuwa mbere.

Uyu rutahizamu wa Bayern Munich ahigitse bagenzi be ba biri Bari bahanganye aribo Lionel Messi waje ku mwanya wa kabiri na Mohammed Salah waje ku mwanya wa gatatu kuri icyi gikombe, nyuma yaho agitwaye nanone mu kwezi ku kuboza kwa 2020.

Uyu rutahizamu, Lewandowski yatsinze ibitego 34 mu mikino 24 kugeza magingo aya muri uyu mwaka w'imikino, harimo ibitego icyenda yatsinze mu matsinda ya Champions League.