Author: webrwanda

Djokovic uri ku isonga mu mukino wa Tennis mu bagabo, yirukanwe muri Australia nyuma yo gutsindwa urubanza rwa Visa kubera yanze kwikingiza Covid-19.

Akigera ku kibuga cy'indege i Belgrade muri Serbia, uyu munyabigwi muri Tennis yahasanze imbaga y'abari baje kumwakira bitwaje amabendera y'igihugu cyabo, bose bagira bati'Turagukunda Novak'.

Umwe mu bafana yagize ati'Ibyo bakoreye Novak muri Australia biteye isoni, Isi igeze habi'.

'Njye narikingije, nahawe urukingo rwa kabiri, gusa ntekereza ko nta muntu wari ukwiye guhatirwa kwikingiza…. yaciriwe urubanza kubera uburenganzira bwe bwo guhitamwo icyo ashaka”.

Australian Open y’uyu mwaka yatangiye i Melbourne kuri uyu wa mbere tariki ya 17 Mutarama 2022.

Djokovic yari afite umukino kuri uyu wa mbere, ariko iyirukanwa rye muri Australia ryatumye atakaza amahirwe yo kuba umukinnyi wa mbere wegukanye Grand Slam ya 21 mu mateka.

Hisunzwe amategeko ya Australia agenga abasohoka n’abinjira, Djokovic w’imyaka 34, ntazasubira kubona indi visa mu gihe cy’imyaka itatu.

Minisitiri w'intebe wa Australia, Scott Morrison yavuze ko Djokovic ashobora kongera kwemererwa kwinjira muri Australia mu gihe cya vuba.

Mu kiganiro na radiyo yo muri Australia 2GB ku wa mbere, Bwana Morrison yagize ati'Ingingo imubuza kwinjira muri Australia irarenga igihe cy'imyaka itatu, ariko hari amahirwe ko azemererwa kugaruka mu gihe cya vuba, ibyo bizaganirwaho igihe kigeze'.

Djokovic yasesekaye iwabo muri Serbia nyuma yo kwirukanwa muri Australia

Djokovic yirukanwe muri Australia kubera kwanga kwikingiza COVID-19

Source : https://inyarwanda.com/inkuru/113589/tennis-djokovic-yageze-iwabo-muri-serbia-nyuma-yo-kwirukanwa-muri-australia-113589.html

Ku munsi nk'uyu nibwo umufasha w'uwahoze ari perezida wa America Barack Obama yavutse abinyujije ku rukuta rwa Twitter yifurije Michelle Obama isabukuru nziza akoresheje ifoto yamusomye kwitama.

Source : https://yegob.rw/ifoto-yumunsi-barack-obama-yagaragaye-asoma-umufasha-we-ku-isabukuru-ye/

Amafoto ya Miss Uwicyeza Pamela ari kumwe na mama we akomeje kuvugisha abatari bacye ku mbuga nkoranyambaga.

Ku mugoroba wo kuri uyu wa mbere tariki ya 17 Mutarama nibwo hasakaye amafoto ya Miss Pamela usanzwe akundana n'umuhanzi The Ben ari kumwe na mama we.

Iyo mafoto yagiye avugisha abantu bagiye batandukanye ku mbuga nkoranyambaga, kubera ukuntu umubyeyi wa Miss Pamela asa nk'umukobwa we.

Miss Uwicyeza Pamela ni umukobwa w'uburanga kandi ufite imiterere ikurura abagabo, akaba aherutse kwambikwa impeta n'umukunzi we The Ben.

Uyu mubyeyi ni we uzaba nyirabukwe w'umuhanzi The Ben usanzwe ari umukunzi wa Miss Pamela, aho yaje no kubishimangira amwambika impeta amusaba ko yamubera umugore.

 

Bimwe mu bitekerezo kuri ayo mafoto

 

Source : https://yegob.rw/amafoto-yumubyeyi-wa-miss-pamela-akomeje-kuvugisha-abatari-bacye-ku-mbuga-nkoranyambaga/

Umuhanzikazi Ariel Wayz uherutse gushwana na Juno Kizigenza wari uzwi nk'umukunzi we yatangaje ko nta byinshi yamuvugaho ndetse avuga no kubyo kuba aryamana n'uwo bahuje igitsina (ubutinganyi) .

Ni nyuma y'aho hashize iminsi havugwa intambara y'amagambo hagati ya Ariel Wayz na Juno Kizigenza bari bamaze igihe bagaragaza ko baba bakundana n'ubwo bitakunze kuvugwaho rumwe.

Nyuma y'amezi atandatu Ariel Wayz na Juno Kizigenza bavugwa mu rukundo, ndetse hanagaragara amafoto basangira ibyishimo byarwo, baje gushyira ibyabo byose hanze ndetse ,bivugwa ko bapfuye gucana inyuma.Ibi byaje gutuma Juno kizigenza avuga ko akeneye undi mukunzi benshi bavuga ko ashaka uwamuhoza amarira.Ariel Wayz aganira na Yago TV yabajijwe uko yakiriye ko Juno Kizigenza ashaka undi mukunzi maze asubiza ko yavuze ibyari bimurimo.

Abajijwe indirimbo yumva yamutura yasubije ko ntayo yamutura.Yago yongeye kumubaza ku mukobwa uherutse kugaragara mu mashusho y'indirimbo ye yitwa 10 Days bakina urukundo, benshi bafashe nk'ubutinganyi maze Ariel Wayz asubiza ko byose yabikoze nk'uko umutimanama we wabimutegetse.

Reba iyi videwo yerekana ibisubizo uyu mwari yatangaga mu kiganiro:

Source : https://yegob.rw/bwa-mbere-ariel-wayz-avuze-ku-bye-na-juno-kizigenza-anakomoza-ku-butinganyi-ashinjwa-video/

Umusore w'imyaka 25 akurikiranyweho gusambanya nyina w'imyaka 61 ku gahato, Ubushinjacyaha Urwego Rwisumbuye rwa Muhanga kuwa 11 Mutarama 2022 bwashyikirijwe dosiye y'umusore wasambanyije nyina ku gahato.

Amakuru avuga ko uyu musore akomoka mu mu Murenge wa Mugina ,Akarere ka Kamonyi,Intara y'Amajyepfo .

Ukekwa avuga ko yumvaga yifuje nyina maze akamukururira mu cyumba aramusambanya.

Uyu mukecuru wavutse mu 1961 avuga ko na mbere yo gusambanywa, uwo muhungu we wavutse mu 1997 yabanje kumunigagura bapfuye ko yamureze kuri mushiki we yamwibye ibigori .

Uregwa akurikiranyweho icyaha cyo gukoresha imibonano mpuzabitsina ku gahato byakozwe ku muntu bafitanye isano kugeza ku gisanira cya kabiri ndetse n'icyo gukubita umubyeyi.

Aramutse ahamijwe n'Urukiko ibi byaha yahanishwa igifungo cya burundu ku cyaha cyo gukoresha imibonano mpuzabitsina ku gahato mu gihe byakozwe ku muntu bafitanye isano gisanira cya kabiri.

Ni mu gihe ku cyaha cyo gukubita umubyeyi ari icyaha gihanishwa igifungo cy'imaka 8 n'ihazabu y'amafaranga angana na miliyoni ebyiri y'u Rwanda.(2000000frw).

Source : https://umuryango.rw/amakuru/mu-rwanda/umutekano/article/muhanga-umusore-akurikiranyweho-gufata-nyina-ku-ngufu

Source : https://agakiza.org/????-LIVE-AMASENGESHO-Day-4-Kwifatanya-na-Yabesi-mu-isengesho-rye-Pst-Jean-8527-8527.html

Source : https://www.kigalitoday.com/amakuru/amakuru-mu-rwanda/article/abakozi-192-b-ibitaro-bahuguwe-ku-moko-y-inkongi-z-umuriro-n-uko-zirwanywa

Iyi raporo igaragaza ko 34,2% by'ibirego byakiriwe ba nyirabyo bakurikiranywe bafunze mu gihe 4,5% ari iby'abakekwa bagishakishwa.

Umuvugizi wa RIB, Dr. Murangira Thierry, yabwiye RBA ko iyi raporo bayikoze mu rwego rwo kwerekana ishusho y'imikorere y'uru rwego kuko benshi bavuga ko rufunga abantu benshi kuruta uko ikurikirana abantu badafunze.

Yagite ati 'Bamwe bavuga ko RIB yihutira gufunga itabanje gusuzuma hakabaho n'urundi ruhande ruvuga ko RIB idafunga abanyabyaha. Rero iyi mibare izafasha abantu gusobanukirwa ibyerekeranye n'ihame ryo mu mategeko rivuga ko ukekwaho icyaha akurikiranwa adafunze.'

Itegeko ryerekeye imiburanishirize y'imanza z'inshinjabyaha, ingingo ya 66 igaragaza ko umuntu wese ukekwaho icyaha akurikiranwa adafunze ariko ko hari igihe ashobora gukurikiranwa afunze igihe hari impamvu zikomeye zituma akekwaho icyaha amategeko ahanisha nibura igifungo cy'imyaka ibiri.

Muri izo mpamvu harimo kuba hari impungenge ko yatoroka ubutabera, igihe umwirondoro we utazwi cyangwa ushidikanywaho, igihe ashobora gusibanganya ibimenyetso cyangwa se igihe gufungwa ari bwo buryo bwonyine bwo kumurinda, bwo gutuma inzego z'ubutabera zimubonera igihe zimukeneye, bwo gutuma icyaha gihagarara cyangwa se kitongera gusubirwamo.

Iyi ngingo igaragaza kandi ko mu gufata icyemezo cyo gufunga umuntu ukekwaho icyaha, umugenzacyaha cyangwa umushinjacyaha yita no ku zindi mpamvu, zaba izirebana n'imyifatire y'ukekwaho icyaha, ubwoko bw'icyaha n'uburemere bwacyo cyangwa igihe ikigamijwe mu gufunga ukekwaho icyaha kidashobora kugerwaho hakoreshejwe ubundi buryo.

RIB igaragaza ko ibyaha byinshi byagaragaye mu 2021 ari ubujura, gukubita no gukomeretsa, ibiyobyabwenge, gusambanya umwana, gukoresha ibikangisho, guhoza ku nkeke, ubuhemu, ubwambuzi bushukana, inyandiko mpimbano no kwangiza imyaka.

RIB itangaza ko umubare munini w’ibyaha yakiriye, abakekwa bakurikiranywe badafunzwe

---

Source : http://igihe.com/amakuru/u-rwanda/article/abagera-kuri-61-3-bafite-dosiye-muri-rib-bakurikiranywe-badafunze

Rutahizamu wa Gabon Perre Emerick Aubameyang na mugenzi we Mario Lemina basubijwe mu makipe yabo (Arsenal na Nice) kugira ngo bakomeze kuvurirwayo kubera ibibazo by'ubuzima bafite.

Aubameyang na Lemina banduye COVID-19 i Dubai ariko nyuma yo gukira,basanganwe ibibazo by'umutima byatumye badakoreshwa ku mukino ikipe yabo yakinnye na Ghana.

Aubameyang waje muri AFCON2021 ahunze ibihano by'umutoza we Mikel Arteta ntiyahiriwe n'ubuzima muri iki gihe kubera ibi bibazo bya COVID-19 n'ibibazo by'umutima.

Mu itangazo Ishyirahamwe ry'Umupira w'amaguru muri Gabon ryashyize hanze,ryavuze ko uyu Perre Emerick Aubameyang na mugenzi we Mario Lemina boherejwe mu makipe yabo kugira ngo bakorerwe ibizamini byisumbuyeho.

Uyu mukinnyi utamerewe neza muri Arsenal,yakuwe mu ikipe ya Gabon yagombaga guhura na Ghana mu ijoro ryo kuwa gatanu mu gikombe cya Afurika mu mukino wo mu itsinda C rya AFCON2021.

Ishyirahamwe ry'umupira w'amaguru muri Gabon ryatangaje ko Aubameyang afite “ikibazo cyumutima”,cyane ko atanagaragaye mu mukino wabo wo gufungura na Comoros kubera kwandura Covid.

Itangazo ry'ishyirahamwe ry'umupira w'amaguru muri Gabon ryagize riti: “Nk'uko komisiyo ishinzwe ubuvuzi ya CAF ibivuga, abakinnyi Pierre-Emerick Aubameyang, Axel Meyé na Mario Lemina bakize Covid ariko ntibashobora kwitabira uyu mukino. Ibizamini byerekana ko bafite ibibazo by'umutima. CAF ntishaka kwishyira mu byago ibyo ari byo byose. “

Source : https://umuryango.rw/imyidagaduro/imikino/article/aubameyang-ntagikinye-afcon-2021-kubera-covid-19-yakuye-i-dubai-hakazamo-ibindi

Kuri uyu wa Mbere tariki ya 17 Mutarama 2022, Perezida Paul Kagame yakiriye Ambasaderi Adonia Ayebare wamugejejeho ubutumwa bwa Perezida wa Uganda Yoweri Museveni.

Perezida wa Repubulika y'u Rwanda Paul Kagame, yakiriye mu biro bye Ambasaderi wa Uganda mu Muryango w'Abibumbye Adonia Ayebare, wamushyikirije ubutumwa bwa Perezida wa Uganda Yoweri Kaguta Museveni.

Muri iki gihe hakomeje kunugwanugwa ko mu bihe bya vuba hagiye gusubukurwa ibuganiro byo kuzahura umubano hagati y'u Rwanda na Uganda wajemo kidobya guhera mu mwaka wa 2017.

Ejo ku cyumweru, Gen. Muhoozi Kainerugaba – umuhungu wa Yoweri Museveni — yashyize amafoto abiri ya P.Kagame kuri Twitter yandikaho ati: 'uyu ni data wacu, Afande Paul Kagame. Abamurwanya baba barwanya umuryango wanjye. Bose bagomba kwitonda.'

Mbere y'uko Covid-19 igera mu Rwanda no mu karere muri rusange,Uganda yari yahawe igihe ntarengwa cyo kuba yakemuye ibibazo yashinjwaga n'u Rwanda hanyuma abakuru b'ibihugu bagaterana ariko iki cyorezo cyishe inama yari iteganyijwe.

Mu gukemura ibyo bibazo, habaye ibiganiro bihuza Abakuru b'Ibihugu n'ibihuza intumwa za Leta z'ibihugu byombi bikaba byaranitabiriwe n'abahuza Perezida Etienne Tshisekedi wa Repuburika iharanira Demokarasi ya Congo (DRC) ndetse na Perezida João Lourenço wa Angola.

Nubwo kuva mu 2019, Perezida Kagame na Museveni bahuriye mu nama yatumijwe mu gucoca ibyo bibazo, Uganda ntiyigeze igaragaza aho igeze mu gushyira mu bikorwa ibyo yasabwe.

U Rwanda rushinja Uganda guhohotera abaturage barwo gusa nta kintu na kimwe cyigeze gikorwa kuri izo mpungenge.

Abanyarwanda benshi bamaze kwirukanwa muri Uganda bakajugunywa ku mupaka uhuza ibihugu byombi. Benshi babanza gukorerwa iyicarubozo ribabaza umubiri n'umutima bashinjwa kuba intasi z'u Rwanda ndetse ntibagezwa imbere y'ubutabera ngo baburanishwe.

U Rwanda rushinja Uganda ko ishyigikira imitwe y'iterabwoba igamije kuruhungabanyiriza umutekano irimo RNC ya Kayumba Nyamwasa.

Ibiganiro byo kuzahura umubano w'ibihugu byombi, byaje nyuma y'amasezerano yo guhagarika ubwo bwumvikane buke, yashyizweho umukono ku wa 21 Kanama 2019, umuhango wabereye i Luanda muri Angola, agashyirwaho umukono na Perezida Paul Kagame ku ruhande rw'u Rwanda ndetse na Yoweri Kaguta Museveni ku ruhande rwa Uganda.

Kuva mu myaka isaga ine ishize, u Rwanda na Uganda ntibibanye neza kubera impamvu zagiye zitangazwa mu nama yahuje abayobozi b'ibihugu byombi ariko ntihagire igikorwa.

Mu Ugushyingo 2021,Perezida Kagame yabwiye Aljazeera ko u Rwanda na Uganda bazakomeza gushaka ibisubizo ku bibazo bihari cyane ko umuzi bwabyo uzwi ahubwo hakenewe guhuza imyumvire.

Yagize ati 'Twagize amahirwe yo kuganira ku bibazo bibiri by'ingenzi. Igice kinini cy'umupaka kirafunze, hari abavuga ngo mufungure imipaka ducuruze, ndetse ibyo buri muntu muri aka Karere arabishaka. Kuri twe, ikibazo ni icyatumye imipaka ifungwa, gikeneye gukemurwa mbere y'uko ifungurwa.''

'Abanyarwanda bafite ibibazo byo kubuzwa kujya muri Uganda gukorerayo ishoramari. Inzego zo muri Uganda zirabahiga aho zibabonye, zitanga impamvu z'uko umutekano muke uterwa n'Abanyarwanda. Icyo kibazo twakiganiriyeho. Nyamara Abanya-Uganda bo iyo baje mu Rwanda nta bibazo bagira nk'ibyo Abanyarwanda bahura na byo muri Uganda.''

Perezida Kagame yavuze ko hashize igihe atavugana na mugenzi we wa Uganda kubera uko kutumvikana hagati y'ibihugu byombi.

Ati 'Twaravuganaga ariko hashize igihe bihagaze. Hashize igihe, kuzageza ubwo ibi bibazo bizaba bikemutse, kuganira ntibyabaho hatabayeho impamvu ifatika. Muganira iyo muhuje, mukorera hamwe.”

Source : https://umuryango.rw/amakuru/mu-mahanga/politiki/article/perezida-kagame-yakiriye-intumwa-ya-perezida-museveni