Author: webrwanda

Mukansanga Salima

Uyu mukino uba ku isaha ya saa kumi n’ebyiri, ufite umwihariko w’uko usifurwa n’abari n’abategarugori gusa kuko uretse Mukansanga Salima w’imyaka 35 uri bube ari hagati mu kibuga, araba yungirijwe na Carine Atemzabong ukomoka mu gihugu cya Cameroon ndetse na Fatiha Jermoumi ukomoka muri Maroc, hakiyongeraho Bouchra Karboubi na we uvuka muri Maroc, uraba ari kuri VAR.

Bouchra Karboubi araba ari kuri VAR

Karboubi na we akaba yarabaye umusifuzi wa mbere w’umugore wakoze amateka yo gusifura umukino muri shampiyona y’icyiciro cya mbere mu gihugu cya Maroc wabaye tariki ya 10 Ukwakira 2021.

Tariki ya 10 Mutarama 2022, nibwo Mukansanga Salima yakoze amateka yo kuba umugore wa mbere mu gikombe cya Afurika muri rusange, ubwo yari umusifuzi wa kane ku mukino wahuje Guinea na Malawi, n’ubundi muri iri tsinda rya gatandatu.

Fathia-Jermoumi ari mu bungirije Mukansanga Salima

Mu gihe byavugwaga ko ikipe ya Etoile de l’Est yo mu karere ka Ngoma yamaze kumvikana n’umutoza Etienne Ndayiragije, byaje kurangira ikipe ya Bugesera Fc ari yo isinyishije uyu mutoza, mu gihe yamaze gutandukana na Abdu Mbarushimana.

Etienne Ndayiragije yerekeje muri Bugesera FC

Etienne Ndayiragije yaherukaga gutoza mu Rwanda muri shampiyona ishize, aho yatozaga ikipe ya Kiyovu Sports nyuma ikaza kumusezerera, yanatoje amakipe arimo arimo Vital’O y’i Burundi , atoza KMC Mbao City na AZAM FC zo muri Tanzania, ndetse anatoza ikipe y’igihugu ya Tanzania.

Kuri uyu wa mbere tariki ya 17 ni bwo Impuzamashyirahamwe y’umupira w’amaguru ku Isi FIFA yatanze ibihembo by’abakinnyi n’abatoza bitwaye neza mu mwaka ushize w’imikimo wa 2021. Ni ibihembo byari byitezwe na benshi nyuma yaho Lionel Messi yegukanye Ballon d’Or 2021 itegurwa na France Football atsinze Robert Lewandowski ibintu bitavuzweho rumwe.

Robert Lewandowski ni we mukinnyi mwiza ku Isi 

Ibi bihembo byatangiwe i Zurich mu Busuwisi, Robert Lewandowski yegukanye iki gihembo ahigitse Lionel Messi na Mohamed Salah ukomoka muri Afurika. Ni ibihembo bitangwa binyuze mu nzira nyinshi dore ko haba n’amatora kuri buri Kapiteni w’ikipe y’igihugu ndetse n’umutoza w’igihugu, amajwi yabo akabarwa ku kigero cya 25%.

Cristiano Ronaldo yegukanye igihembo cy’umwihariko 

Cristiano Ronaldo ukinira Manchester United yegukanye igihembo cy’umwihariko, igihembo cy’uko yashyizeho agahigo ko kuba umukinnyi watsinze ibitego byinshi mu mateka y’ikipe y’igihugu aho yujuje ibitego 115 umwaka ushize.

Abegukanye ibihembo: Robert Lewandowski umukinnyi mwiza ku Isi mu bagabo, Alexia Putellas umukinnyi mwiza ku Isi mu bagore, Thomas Tuchel umutoza mwiza w’umugabo, Emma Hayes umutoza mwiza w’umugore, uwatsinze igitego cyiza ni Erik Lamela naho umuzamu mwiza yabaye Edouard Mendy.

Erik Lamela niwe watsinze igitego cyiza

Aba bakinnyi babiri bari intizanyo muri Rayon, basanzwe ari aba Raja Casablanca yo muri Maroc ari na yo basubiyemo.
Bari bageze mu Rwanda muri Nzeri 2021 aho Raja Casablanca yabatije Rayon Sports bishingiye ku masezerano y’imyaka 5 y’ubufatanye yasinywe hagati y’aya makipe.

Ku wa Gatanu w’icyumweru gishize, Rayon Sports yatangaje ko aba bakinnyi bari batijwe n’iyi kipe binyuze mu bufatanye bagiranye tariki ya 19 Nyakanga 2021, bagomba gusubira mu ikipe yabo.

Byabaye nyuma y’uko aba bakinnyi bari batangarije itangazamakuru ry’iwabo ko mu Rwanda babayeho nabi.

Mu gitondo cyo kuri uyu wa Mbere tariki ya 17 Mutarama 2022, ubuyobozi bwa Rayon Sports bwahuye n’aba bakinnyi bubasezeraho ari na bwo mu ijoro ryo kuri uyu wa mbere bahise berecyeza ku kibuga cy’indege gufata rutemikirire yabacyuye.

Abakinnyi Youssef na Ayoub baherekejwe n’umuvugizi wa Rayon Sports, Nkurunziza Jean Paul bahagurutse ku kibuga cy’indege mpuzamahanga cya Kigali I Kanombe Saa 23:40′ berekeza i Tunis aho biteganyijwe ko Ikipe ya Raja izahabakura na Jet Privee ku wa kane bajya Maroc.

Yabivuze mu kiganiro kirekire yagiranye n’Ikinyamakuru the Chronicles cyamusuye aho afungiye akakiganiriza ku mateka ye kuva mu bwana kugeza aho yisanze mu mitwe yari abereye umuvugizi.

Nsabimana Callixte Sankara warokotse Jenoside Yakorewe Abatutsi, yagarutse ku mateka ye aho mu bavandimwe umunani bavukanaga, yarokokanye n’undi umwe.

Nsabimana Callixte wahamijwe ibyaha n’Urukiko Rukuru rukamukatira gufungwa imyaka 20 gusa akaba yarajuririye Urukiko rw’Ubujurire aho kuri uyu wa Mbere we na bagenzi be bari baje kuburana ariko urubanza rwabo rugakomwa mu nkokora n’ibura rya Rusesabagina Paul.

Uyu musore w’imyaka 40 y’amavuko, yahamijwe ibyaha bishingiye ku kuba yari umwe mu bayobozi b’imitwe ihungabanya u Rwanda ya FLN-MRCD ikorana na RNC yashinzwe na Kayumba Nyamwasa wahoze ari umusirikare ukomeye mu Rwanda.

Nsabimana avuga ko ava mu Rwanda yabanje kujya muri Kenya ku butumire bw’inshuti ze ndetse agahita yumva yakwigumirayo kuko yumvaga ataguma mu Rwanda kuko yakekaga ko hari abantu bari kumushakisha ngo bamwice.

Avuga ko muri Kenya ubuzima bwamugoye akaza kwimukira i Dar es Salaam muri Tanzania ariko hashize amezi atandatu na bwo bikanga agahita yerecyeza muri Madagascar ariko ko muri 2013 yaje kugaruka mu Rwanda.

Ati 'Izo ngendo zose numvaga ko ndi kujya gushaka imibereho ariko igitangaje ni uko aho nageraga byarushagaho kuba bibi. Iyo utaragenda uba wibeshya ko ubuzima bumeze neza ahandi. Si ko biri, ni yo mpamvu igihe nzaba nsohotse muri Gereza ntatekereza kuzongera kuva mu Rwanda. Ubuzima bwanjye hanze y’iki Gihugu bwabaga bwuzuyemo biranteka. Ntibizongera kubaho ukundi.'

Sankara avuga ko yaje kujya muri Africa y’Epfo ari kumwe n’inshuti ebyiri zombie zarokotse Jenoside aho bambukiye Dar es Sallam bakanyura ku mupaka wa Malawi na Tanzania ariko ko ajya kugenda yabanje guta Pasiporo ye y’Inyarwanda ngo kuko inshuti ye yamubwira ko kugenda adafite ibyangombwa ari byo byiza.

Byaje kurangira ageze muri Africa y’Epfo gusa ngo yumvaga afite ubushake bwo gukomeza amashuri ariko ko ubwo yahageraga batangie kujya bamubwira ibya RNC ya Kayumba Nyamwasa ndetse ko bari bakomeje gushaka abayoboke kugira ngo bazakureho ubutegetsi buriho mu Rwanda.

Sankara avuga ko bamubwiraga ko Kayumba ashyigikiwe kandi acungiwe umutekano na Guverinoma ya Africa y’Epfo ndetse n’uwari Perezida wa Tanzania Jakaya Kikwette.

Avuga ko na we yahise yumva yifuje kumenyana na Kayumba kuko yumvaga ibyo bamubwira byose ari byiza kandi bishoboka.

Ngo umunsi wo guhura warageze, Nsabimana ajyanwa kuri Hoteli aho we na bagenzi be batatu bagombaga guhurira na Nyamwasa ubundi bagezeyo uko ari bane baricara.

Ati 'Nyamwasa yari arindiwe umutekano nk’Umukuru w’Igihugu afite abarinzi bafite intwaro zikomeye. General Kayumba ni we muntu nabonye ugira amakenga mu bantu bose twahuye mu buzima. Ikintu cyantunguye nk’umuntu wari uhuye na we ni ukuntu ari umuntu wicisha bugufi. Yaranyegereye yishimye ubundi ansuhuza n’urutugu nk’umuntu ukiri muto usuhuza mugenzi we. Byaranshimishije cyane ukuntu nka General nka we ampaye agaciro.'

Sankara avuga ko icyo gihe Nyamwasa yariho yinywera inzoga ye Heineken bakaganira mu gihe cy’amasaha atatu.

Avuga ko ikindi cyamutunguye kuri Kayumba ari ukuntu yamuhaye icyayi ndetse akamushyiriramo n’isukari, akavuga ko ari ibintu atiyumvishaga ko byakorwa na General wigeze kuba umuyobozi w’ingabo z’u Rwanda.

Sankara avuga ko Kayumba yatangiye kumubwira uburyo Guverinoma y’u Rwanda yanga abarokotse Jenoside Yakorewe Abatutsi kuko itajya ibafasha ndetse ko Perezida Kagame adakunda Abatutsi.

Ngo yanamubwiye ko RPF ari yo yahanuye indege ya Habyarima Juvenal wari Perezida kandi ko atari ashyigikiye uwo mugambi. Ati 'Ibyo yambwiraga byose byari bihabanye n’ibyo nari nsanzwe nzi ku Rwanda.'

Sankara akomeza avuga ko ibyo byahise bimuhindura akumva ko nk’umuntu wize amategeko azahabwa umwanya w’Umushinjacyaha Mukuru cyangwa Minisitiri w’Ubutabera igihe bazaba bamaze kubohora u Rwanda mu gihe kitarenze amezi atandatu nk’uko babimubwiraga.

Avuga kandi ko Kayumba Nyamwasa yamubwiye ko afite abayoboke benshi mu Rwanda barimo n’abo mu nzego nkuru z’ubuyobozi no mu gisirikare kuva ubwo agahita amwemerera kujya muri RNC.

Ni irushanwa riba rigamije kugaragaza udushya imijyi yahanze mu rwego rwo guhangana n’ingaruka za Covid-19, aho umushinga w’Umujyi wa Kigali wari mu cyiciro cyo kubungabunga ibidukikije, ukaba wari uwo gufata amazi mu duce tudafite imiturire myiza.

Ni umushinga wo kubaka ibigega binini mu butaka bizafata amazi y’imvura akazajya atunganywa abaturage bakayakoresha ku buntu bitandukanye, bazashyirirwaho n’ibimoteri bigezweho ku buryo imyanda niyuzura bazajya babimenya bakaza kubitwara.

Ku wa 11 Mutarama 2021, Ubushinjacyaha Urwego Rwisumbuye rwa Muhanga, bwashyikirijwe dosiye y’umusore wasambanyije ku gahato nyina akanamukubita.

Umusore wavutse 1997 wo mu Murenge wa Mugina, Akarere ka Kamonyi, Intara y’Amajyepfo, yakururiye nyina mu buriri aramusambanya.

Ukekwa akaba yemera icyaha akavuga ko yumvaga yifuje nyina, akamukururira mu cyumba akamusambanya. Umukecuru wasambanyijwe akaba yaravutse 1961.Uyu mukecuru akaba avuga ko umwana we wamusambanyije asanzwe anywa ibiyobyabwenge.

Umukecuru avuga ko na mbere yo gusambanywa, uwo muhungu we yabanje kumunigagura bapfuye ko yamureze kuri mushiki we ko yamwibye ibigori.

Uregwa akurikiranyweho icyaha cyo gukoresha imibonano mpuzabitsina ku gahato byakozwe ku muntu bafitanye isano kugeza ku gisanira cya kabiri ndetse n’icyaha cyo gukubita umubyeyi.

Gukoresha imibonano mpuzabitsina ku gahato byakozwe ku muntu bafitanye isano kugeza ku gisanira cya kabiri, ni icyaha gihanishwa igifungo cya burundu, giteganywa mu ngingo ya 134 al.5 pt.3 y’Itegeko N°68/2018 ryo ku wa 30/08/2018 riteganya ibyaha n’ibihano muri rusange.

Gukubita umubyeyi ni icyaha gihanishwa igihano cy’igifungo cy’imyaka 8 n’ihazabu y’amafaranga angana na miliyoni ebyiri y’u Rwanda (2.000.000 frw), kikaba giteganywa n’ingingo ya 121 al.2 y’Itegeko N°68/2018 ryo ku wa 30/08/2018 riteganya ibyaha n’ibihano muri rusange.