Author: webrwanda

Mu butumwa burebure bukomeje guhererekanwa ku mbuga nkoranyambaga bugaragaraza iby'urupfu rwa Akeza wishwe n'amazi yaguyemo mu kigega cya litiro 200. Amakuru avuga ko Kuwa 14 Mutarama 2022 mu murenge wa Kanombe, Akagari ka Busanza, Umudugudu wa Antene ku isaha ya saa sita n'igice, ni bwo Akeza yasanzwe mu kigega cya litiro 200 yapfuye.

Akeza wari umaze iminsi yishimirwa na benshi kubera indirimbo ‘My Vow’ ya Ngabo Medard Jobert [Meddy] yasubiyemo, ni mwene Rutiyomba Florian w'imyaka 44 na Niragire Agathe. Akaba yaguye kwa Mukase witwa Mukanzabarushimana Marie Chantal aho yari amaze icyumweru kuko Se Florian atabanaga na nyina Agathe.

Mu kiganiro na INYARWANDA, umwe mu bo mu muryango wa Agathe yagize ati:'Uyu mwana ni we wenyine nyina yari afite, urupfu rwa Akeza rwamushegeshe cyane ndetse ntibisobanutse uburyo yapfuyemo.'

Uko bivugwa ni uko Akeza ajya gupfa, Mukase Marie Chantal yamusiganye n'umukozi mu rugo agiye kwa muganga nyuma umukozi witwa Nirere Dative aza kumuhamagara amubwira ko umwana aguye mu mazi,

Umugore yahise atabaza Se wabo wa Akeza mukuru w'umugabo we witwa Niragire Protase w'imyaka 56, ageze mu rugo akingurirwa n'umukozi amwereka aho ikigega kiri, asanga umwana yaguyemo acuramye.

Yamukuyemo agerageza kumuha ubutabazi bw'ibanze kuko asanzwe ari n'umuganga ku kigo nderabuzima cya Rukumberi, gusa umwana yari yashizemo umwuka. Umukozi ubwo yabazwaga na bamwe mu bari aho impamvu atamukuyemo ngo yavuze ko yagerageje bikamunanira.

Biteganyijwe ko Akeza azashyingura kuri uyu wa 18 Mutarama 2022 mu irimbi rya Rusororo.

Akeza Elisie Rutiyomba w’imyaka 5 yitabye Imana mu minsi micye ishize

Yamamaye mu gusubiramo indirimbo ‘My Vow’ ya Meddy 

Urupfu rwe rwashenguye benshi bamwe ntibarasobanukirwa neza

Asigiye umubabaro ukomeye nyina wari umufite ari umwe

Yaburaga iminsi micye ngo yuzuze imyaka itandatu

Azashyingurwa kuri uyu wa 18 Mutarama 2022

Prosper Nkomezi yataramiye Abarundi baranyurwa cyane nk’uko bigaragara mu mafoto n’amashusho y’ibi bitaramo byitabiriwe n’abantu uruvunganzoka. Ni nyuma y’igihe kinini bari bamaze banyotewe gutaramana n’abaramyi bo mu Rwanda dore ko benshi mu babashije gutumirwa muri icyo gihugu byarangiye batagiyeyo kubera impamvu zitandukanye.

Urugero rwa hafi ni Israel Mbonyi wari kuhataramira tariki 13, 14 na 15 Kanama 2021 ariko Leta y’u Burundi imubuza kujyayo ku mpamvu z’uko ngo atahawe “uburenganzira n’abayobozi bo mu Burundi babifitiye ububasha bumwemerera kuhakorera ibitaramo”. 

Igitaramo Prosper Nkomezi yakoreye i Burundi kitabiriwe bikomeye

Birashoboka ko ibitaramo bya Prosper Nkomezi na byo byari guhagarikwa iyo ahaguruka mu Rwanda afite intego yo gukorera ibitaramo i Burundi. Umugisha yagize ni uko yakoze ibi bitaramo mu buryo nawe bwamutunguye dore ko yagiye i Bujumbura agiye mu bukwe. Ubwo yari agezeyo, yahise ahundagazwaho ubutumire bw’ahantu hagera kuri hatatu bw’abifuza gutaramana nawe. 

Ibyo bitaramo yabikoze tariki 6, 7 na 14 Mutarama 2022 bibera muri Jesus Grace church, Life Centre church no muri Shemeza Worship Temple ya Apotre Apollinaire Habonimana uri no mu baramyi bubashywe i Burundi no mu Rwanda. Mu rusengero rwa Apotre Apollinaire no kuri Life Center church ni Prosper Nkomezi wenyine waririmbye uretse Worship Team zabo zabanzaga kuyobora gahunda yo kuramya no guhimbaza Imana, ‘Praise and worship’.

Abantu bari benshi cyane biba ngombwa ko bamwe bakurikirana igitaramo bari muri Parking

Mu kiganiro na InyaRwanda.com, Prosper Nkomezi yadusobanuriye urugendo byanyuzemo kugira ngo akorere ibitaramo i Burundi nyuma y’igihe gito mugenzi we Mbonyi yangiwe kuhataramira. Yavuze ko muri Life Center Church hari abantu benshi cyane baje gufatanya nawe kuramya Imana, urusengero na parking biruzura. Ni ibintu ashimira Imana cyane yahaye umugisha indirimbo ze. N’ubwo nta mbaraga z’itangazamuru zari zirimo, ibi bitaramo byaritabiriwe cyane, ndetse hari amakuru avuga ko kimwe muri byo kitabiriwe n’abarenga ibihumbi bitatu. Yagize ati:

Nagiye i Burundi hari uwantumiye mu rubanza 'ubukwe', ngezeyo hategurwa imigoroba iri special ya praise & worship muri church yitwa Jesus grace ari kuwa Kane tari 6 Mutarama, tariki 7 Mutarama dukorera muri church yitwa Life Center ari Vendredi tugira ibihe bidasanzwe haje abantu benshi haruzura kugeza no muri parking.

Prosper Nkomezi yavuze ko igitaramo cya nyuma yagikoze tariki 14 Mutarama 2022 muri Shemeza Worship Temple iyobowe na Apostle Apollinaire Habonimana. Yavuze ko na ho hari abantu benshi cyane by’umwihariko hakaba harabonetse abantu batari bacye bakiriye agakiza. Yagize ati “Ho twahakoreye Live recording ari na ho twasoreje hakizwa abantu benshi”.

Ku bijyanye n’indirimbo yaririmbye muri ibi bitaramo n’izo yasanze Abarundi bakunda cyane, yavuze ko ‘Nzayivuga’ yasanze ari yo ikunzwe bikomeye, gahakurikiraho ‘Wanyujuje indirimbo’ n’izindi. Ati “Naririmbye indirimbo hafi zose. Nasanze bazizi cyane. Izo bakunda ku rwego rwo hejuru ni ‘Nzayivuga’, ‘Wanyujuje indirimbo’, ‘Amamara’, ‘Urarinzwe’ n’izindi.

Nkomezi yongeyeho ko abitabiriye ibi bitaramo bizihiwe “ku kigero cyo hejuru kuva ku ndirimbo ya mbere kugera ku ya nyuma”. Yavuze ko yasanze “abarundi bakunda umuziki uhimbaza z'Imana cyane, barirekura cyane. Twahagiriye ibihe by’umunezero no guhembuka”.

Ibintu Prosper Nkomezi yakundiye Abarundi mu minsi micye amaranye nabo

Prosper Nkomezi yabwiye InyaRwanda.com ko hari ibintu bitatu yakundiye Abarundi, ku isonga hakaba hari ‘kubahiriza igihe’. Yagize ati “Nabakundiye ibintu bitatu: 1. Igitaramo cyajyaga kuba bahageze kare, bazira ku gihe. 2. Barirekura cyane mu mwanya wo kuramya no guhimbaza Imana, barizihirwa sana. 3. Ntibataha igitaramo kitararangira ahubwo iyo usoje bagusaba gukomeza, bafite urukundo, bakunda gospel music”.

Twamubajije niba nta handi ateganya gutaramira mu minsi iri imbere, adusubiza agira ati “Nzabibatangariza vuba aha, mu kwa 3 hari aho dushobora gukora igitaramo”. Prosper Nkomezi nyuma yo guhesha umugisha Abarundi akaba umuramyi wa mbere wo mu Rwanda uhataramiye kuva Covid-19 yakwaduka, yagarutse mu Rwanda kuwa Gatandatu tariki 15 Mutarama 2022. Mu masaha macye ashize ni bwo yashyize hanze indirimbo nshya yise ‘Ai Gitare’.

Prosper yasanze indirimbo ze zikunzwe cyane i Burundi

Prosper avuga ko Abarundi bizihirwa cyane!

Prosper yanejejwe n’ibihe byiza yagiriye i Bujumbura benshi bakizihirwa abandi bakakira agakiza

Banyuzwe cyane no gutaramana na Prosper nyuma y’igihe kinini bifuza gutaramana n’abaramyi bo mu Rwanda bikanga

Ibinezaneza byari byose kuri Prosper Nkomezi umuramyi nyarwanda wa mbere utaramiye i Burundi kuva Covid-19 yakwaduka

“Ntacyo uzaba ndi kumwe na we urarinzwe”

Prosper Nkomezi yamamaye muri ‘Urarinzwe’, ‘Ibasha gukora’, ‘Amamara’ n’izindi

Prosper Nkomezi yashimiye cyane u Burundi mu butumwa yanyujije kuri Instagram

Prosper Nkomezi hamwe na Apotre Apollinaire Habonimana usanzwe ari n’umuramyi w’umunyabigwi mu Karere

Prosper Nkomezi arashima Imana yamuhaye amahirwe yo gutaramira Abarundi mu gihe we yari yagiye i Burundi agiye mu bukwe 

INKURU WASOMA: Rwamagana-Kigali: Prosper Nkomezi yanditse amateka! Igitaramo cye cya cyitabiriwe cyane ndetse gihembura benshi-AMAFOTO

REBA HANO ‘AI GITARE’ INDIRIMBO NSHYA YA PROSPER NKOMEZI

REBA HANO ‘NZAYIVUGA’ INDIRIMBO PROPER NKOMEZI ARIRIMBAMO KO AZAVUGA INEZA Y’IMANA MU MAHANGA N’AHANDI HOSE

U Rwanda ruheruka kwitabiri imikino y'igikombe cya Afurika mu 2004, mu gihugu cya Tunisia, guhera ubwo kugeza ubu ntibarongera kubona itike.

Mu kiganiro 'SPORTS ROOM' cyagarutse ku mpinduka zikwiye gukorwa mu maguro mashya kugira ngo ikipe itegurwe ndetse izabashe guhanganira itike yerekeza muri Cote d'Ivoire 2023.

Mu mpinduka zihutirwa zikwiye gukorwa, ku isonga ni uguhindura umutoza kuko imyaka itatu Mashami Vincent amaze mu ikipe y'igihugu, nta cyizere yagaragaje cyo kuba Amavubi yazabana itike ya CAN 2023.

Algeria ifite igikombe cya Afurika giheruka gukinirwa mu 2019, ishobora gusezererwa itarenze amatsinda.

Kiyovu Sport ishaka igikombe cya shampiyona iheruka mu myaka myinshi, yazonze APR FC ibura amahirwe yo kwinjiza igitego birangira baguye miswi.

Manchester City yongereye amahirwe yo kwegukana Premier League hakiri kare nyuma yo gutsinda Chelsea.

Real Madrid yongeye agahigo ku tundi.

KANDAHANO UKURIKIRE IKIGANIRO KIRAMBUYE KU BIKWIYE GUKORWA AMAVUBI AKEREKEZA MURICAN 2023

“>

Ni ikibazo gikora ku buzima rusange bw'Igihugu, binatuma bamwe mu bakobwa bahatana mu marushanwa y'ubwiza, bashyira imbere umushinga wo kwita ku bakobwa babyarira mu ngo.

Benshi mu bakobwa babyarira mu ngo bugarizwa n'ubukene biturutse ku kuba imiryango y'abo ibatererana ndetse n'abagabo babateye inda bakabihakana.

Hari n'abakobwa bahatirwa gushakwa n'ababateye inda, bagera mu rugo urushako rukagurumuna.

Mu turere tumwe na tumwe, hari imiryango itemerera umukobwa kuvuga umugabo wamuteye inda- Ibintu bituma ihohoterwa rishingiye ku gitsina rigenda rifata indi ntera.

Mu 2019 Minisiteri y'Ubuzima yatangaje ko umubare w'abangavu babyara imburagihe wavuye ku bana 17,337 mu 2017 ugera ku bana 19,832.

Iyi Minisiteri igaragaza ko kuva mu mwaka wa 2016 kugera mu mwaka wa 2019, hari hamaze kuvuka impinja zirenga ibihumbi 78 zabyawe n’abangavu

Ubushinjacyaha bwo buvuga ko mu mwaka umwe gusa (Nyakanga 2017-Kamena 2018) bwakiriye dosiye 2,996 z'abana basambanyijwe.

Malaika Uwamahoro wamamaye mu kuvuga imivugo yabwiye INYARWANDA ko ikibazo cy'abangavu baterwa kizacogora igihe ababyeyi bazumva ko uretse kuganiriza abakobwa uko bakwiye kwitwara n'abahungu bibareba.

Avuga ati 'Ndumva tugomba kuganiriza abahungu, nibyo. Kubera ko nibo badutera inda, yego! Tugomba kubaganiriza ibyo mugenda muganiriza [ababyeyi] abakobwa ngo bambara gutya ntibambare gutya cyangwa gutya nta na kimwe mubwira abahungu ni nkaho inda tuzitera amasomo yose muhereza abakobwa mugende muyahe n’abahungu.'

Uyu mugore avuga ko abahungu bagira ibishuko byinshi bica intege umukobwa akisanga ari mu mutego adashobora gusimbuka. Atanga urugero rw'uumusore ashobora kurihira amashuri umukobwa ariko agambiriye kumusambanya. Ati 'Kubera iki mubashuka?”

Muri Werurwe 2021, hasohotse filime yiswe 'Umurage' Malaika Uwamahoro yakinnyemo ishingiye ku nkuru mpamo y'umwana w'umukobwa witwa Mushimiyimana Aline watewe inda afite imyaka 12 y'amavuko ubuzima bukamusharirira.

Iyi filime yakinwe ku buzima bwa Aline Mushimiyimana wo muri Rukira mu Ntara y'Uburasirazuba, yayobowe na Michael Rothermel wo muri Leta Zunze Ubumwe z'Amerika abifashijwe n'ikigo gitunganya filime cyitwa Ingoma Films.

Malaika avuga ko yagize amahirwe yo kuganira n'uyu mwana w'umukobwa amubwira uko byagenze kugira ngo umusore amutere inda.

Ngo uyu mukobwa yamubwiye ko umusore yamuteye inda ntiyongera kumuvugisha amwicaho aramutererana kuva atwite kugeza abyaye.

Aha niho Malaika Uwamahoro ahera avuga ko abagabo n'abasore bakwiye kudagirwa ba nibindeba muri iki kibazo cy'abangabu baterwa inda. Ati “… Kuko nibo badushyira mu bibazo bakanadutererana. Ikibazo ni ku bahungu 100%.'

Mu Ukwakira 2020, Umuvugizi w'Urwego rw'Igihugu rw'ubugenzacyaha (RIB), Dr Murangira Thierry, yabwiye RBA ko kuba umubare w'abakurikiranywaho icyaha cyo gutera inda abangavu ukiri hasi, biterwa ahanini no guhishirana bishingiye ku bwumvikane buba bwabayeho.

Yavuze ati 'N'undi muco twita ko ari n'umuco mubi, ni umuco wo kunga. Aho usanga imiryango yifata, bakunga umuryango w'uwasambanyijwe n'uwasambanyije. Ndetse hamwe na hamwe ugasanga uwasambanyijwe bamwijeje ibintu runaka, bati tuzagufasha, umwana tuzamurera kandi tuzagusubiza ku ishuri. Icyo gihe rero icyo cyaha gitambuka kidahanwe.

Avuga ko ntawe ukwiye guhishira uwakoze iki cyaha. Ati 'Ugize amahirwe icyo kintu cyacika muri karitsiye yawe kuko n'abana bawe ubwawe bishobora kubageraho.”

“Rero duhaguruke twese twumve ko bibabaje, twumve umutwaro urimo n'ingaruka zirimo. Nk'abantu bakunda igihugu, niba wumva ukunda Igihugu haguruka utange amakuru ugire uruhare mu kurwanya iki kintu cyo gusambanya abana.'

Inkuru bifitanye isano: Twamusuye! Intangiriro y'ubuhanzi bwe n'urukundo rwe na Christian Kayiteshonga: Ikiganiro na Malaika wamamaye mu mivugo Malaika yavuze ko ababyeyi bakwiye gushyira imbaraga mu kuganiriza abahungu kuko ari bo batera inda abakobwa 

Malaika avuga ko abahungu batega imitego abakobwa bakisanga badashobora kuyisumbuka

KANDA HANO UREBE IKIGANIRO TWAGIRANYE NA MALAIKA UWAMAHORO

“>

David Nduwimana utuye Australia mu mujyi wa Sydney, yabwiye InyaRwanda.com ko iyi ndirimbo ashyize hanze yitwa ‘Yesu ni muzima’ ari imwe mu ndirimbo ziri kuri Album ye nshya arimo gukora yitwa ‘Yesu ni muzima’. Yavuze ko ubutumwa nyamukuru buri muri iyi ndirimbo ari “ubwibutsa abantu ko ku bw’urupfu no kuzuka kwa Yesu Kristo twahaboneye imigisha”. Yongeyeho ati “Kandi ikibutsa abantu ko bwa bushobozi bwazuye Yesu mu bapfuye bukorera muri twe”.

Uyu muramyi w'umurundi wigiye ku birenge bya Apotre Appolinaire muri Shemeza Music, ni umusore witegura gukora ubukwe muri uyu mwaka wa 2022 nk’uko yabihishuriye inyaRwanda.com. Yavuze kandi ko ashaka kugaruka muri Africa muri uyu mwaka nyuma y’imyaka 8 amaze muri Australia. Yatangaje kandi ko yifuza gutaranira Abarundi, ati “Nshaka gukora ibitaramo mu Burundi. Mfite umuryango witwa WeCare David Foundation usanzwe ukorera i Bujumbura, nzaba nje kureba ibikorwa no kundanirizaho mu gihe nzaba ndi mu Burundi”.

Nduwimana yabwiye InyaRwanda.com ko mu mboni ze asanga umuziki wo kuramya no guhimbaza Imana w’Abarundi n’Abanyarwanda uri gutera imbere muri Afrika, anaboneraho gusaba abaramyi bagenzi be gukorana imbaraga nyinshi kandi bagaharanira ko icyubahiro kiba icya Yesu Kristo. Mu magambo ye y’Ikirundi, yagize ati “Muri Africa, Gospel irabandanya kandi courage no gukomeza cane cane gukora vyose ku bwa Kristo”. Ibi yabitangaje kuri uyu wa Mbere tariki 17 Mutarama 2022 ubwo yatugezagaho indirimbo ye nshya ‘Yesu ni muzima’ yasamiwe hejuru n’abakunzi ba Gospel.

David Nduwimana ahugiye mu gukora Album ye nshya izaba yitwa ‘Yesu ni muzima’

David Tresor Nduwimana yagize intumbero y’umuryango Afrofest uhuza ibihugu bitandukanye mu by’impano nyafurika, akaba ari mu byamamare byubatse amateka adashobora gusibangana mu karere k’Afrika y’Uburasirazuba mu muziki wo kuramya no guhimbaza Imana (Gospel). Ni umwe mu bari bagize Shemeza – itsinda ryatangijwe na Apotre Appolinaire Habonimana. Ni Umuramyi, Umwanditsi, Umuririmbyi, umucuranzi, umutoza w’amajwi, umutoza w’amasibo mato ama band, n’amasibo manini (Mass choir) wamenyekanye cyane mu Burundi no mu Rwanda.

Mu gihugu cy’u Burundi, David yamenyekanye nk’uwakuriye ku birenge bya Apotre Appolinaire, kimwe n’abandi benshi ariko umwihariko akaba yari umwe mu baciye bugufi biga byinshi ndetse batindana nawe. Ni umwe mu baririmbyi b’abarundi batakwibagiranwa mu Rwanda yewe no Burundi kubera akazi bakoreye abakunzi ba Gospel. Ni izina rizwi na benshi mu Bujumbura ndetse no mu cyaro haba mbere y’uko ajya gutura muri Australia na magingo aya.

Muri abo baramyi b’Abarundi badateze kwibagirana kubera umurimo w’Imana bakoze mu bihe bikomeye kandi mu kwitanga kwinshi, harimo abahanzi batuye mu Burundi ndetse n’abatuye hanze ku migabane inyuranye barimo: Apotre Appolinaire Habonimana (Burundi), Willy Uwizeye (USA), Dudu T Niyukuri (Burundi), David Tresor Nduwimana (Australia), Fortrand BIGIRIMANA (Europe) n’abandi. Mu Rwanda na ho David Nduwimana yahakoreye amateka akomeye. 

Kimwe n’abo bahanzi bavuzwe haruguru bafatanyije n’abahanzi nyarwanda, David Tresor Nduwimana yakoze umurimo ukomeye mu myaka yashize aho yahoraga yambuka u Burundi aza mu Rwanda gutanga umusanzu we mu bitaramo hirya ndetse anitabira ubutumire mu matorero menshi ya Gikristo mu Rwanda. Hari n’igihe yabaga aje mu itsinda rya Appolinaire.

David Nduwimana arateganya kugaruka muri Afrika muri uyu mwaka

David Tresor Nduwimana ni umuhanzi wakuze azi gucuranga umuziki wa ‘Live Music’ kandi akaryoshya gahunda zo kuramya ko guhimbaza (Worship and Praise Moment). Azwiho gukunda no kugirira ishyaka umurimo wo kuririmbira Imana aho yakundaga ndetse n’ubu kwigisha abaririmbyi bakibyiruka uko waba umuyobozi mwiza wo kuramya no guhimbaza Imana. Imyaka 8 irashize ataboneka kuri stage mu Rwanda ndetse no mu Burundi.

Afrofest yashinzwe na David Nduwimana ni umuryango uhuza urubyiruko rw’abanyafrika baba muri Australia no mu mahanga mu mico itandukanye. Ni ikibuga bahuriramo bagasangira ubunararibonye mu ku kuririmba, kubyina, bakanahugurana mu mabara n’imyambaro nyafruka. Uyu muryango ni iyerekwa rya David kandi umaze gukorera ama Edition ahantu henshi ndetse ibikorwa bya Afrofest bikitabirwa n’abanya Australia benshi.

Nduwimana David yagiye kuba muri Australia ahagana mu mwaka wa 2013, ariko ataragenda yakoze indirimbo nyinshi zakunzwe n’ubu zigikundwa. Hari n’izo yahuriyemo n’abandi bahanzi barimo; Apotre Appolinaire HABONIMANA, Dudu T. Niyukuri, n’abandi. Yakoranye indirimbo kandi n’amatsinda akomeye mu Burundi harimo n’itsinda yabarizwamo rikomeye rya Shemeza Music.

David Nduwimana hamwe n’abanyamuziki bamufashije mu ndirimbo ye nshya ‘Yesu ni muzima’

Abayobozi bombi bagiranye ibiganiro

Urubuga rwa Tweeter ya Minisiteri y’ibikorwa remezo, rwatangaje ko abo bayobozi bombi ibiganiro bagiranye byibanze ku nzego zitandukanye z’ubufatanye zirimo ibijyanye n’Ingufu, ubwikorezi, amazi n’isukura.

Ibyo biganiro kandi byanitabiriwe n’Umuyobozi uhagarariye iyo Banki mu Rwanda, Aissa Touré.

Cheptoo Amos Kipronoh, akaba ari Umuyobozi wa Banki Nyafurika itsura amajyambere mu bihugu bya Kenya, Eritereya, Etiyopiya, u Rwanda, Seychelles, Sudani y’Amajyepfo, Tanzaniya na Uganda.

AfDB isanzwe itera inkunga u Rwanda mu bikorwa remezo, aho muri Kamena 2021, Guverinoma y’u Rwanda yasinyanye amasezerano n’iyo Banki afite agaciro ka miliyoni 84.2 z’Amadorali ya Amerika (hafi miliyali 82.1 z’Amafaranga y’u Rwanda), azakoreshwa mu kunganira gahunda yo gukwirakwiza amashanyarazi mu duce dutandukanye tw’igihugu.

Minisitiri w’Imari n’igenamigambi, Dr. Uzziel Ndagijimana, yavuze ko uwo mushinga uzafasha gusakaza insinga z’amashanyarazi zifite ubushobozi buciriritse ku burebure bwa kilometero 595, n’izifite ubushobozi buto ku birometero 1,620.

Ibyo ngo bizatuma hiyongeraho ingo zisaga 77,470 zizacanirwa amashanyarazi mu turere twa Gisagara, Huye, Nyamagabe, Nyanza, Nyaruguru na Ruhango.

Umwaka w'ubwisungane mu kwivuza utangirana n'ukwezi kwa Nyakanga ukarangira muri Kamena. Mu rwego rwo korohereza abaturage, leta yashyizeho ko umuryango wishyuye 75% by'umusanzu wa mituweli usabwa uba wemerewe kwivuza kugera tariki 31 Ukuboza.

Mu Karere ka Rutsiro habarurwa abaturage 19.693 bishyuye 75% by'uwo musanzu bivuze ko aba ubu batemerewe kuwivurizaho keretse babanje gutanga 25% abura.

Ubuyobozi bw'aka karere busaba abaturage barebwa n'iki kibazo gushaka umusanzu usigaye bakawishyura kuko mu gihe batabikora uwo batanze wapfa ubusa.

Imibare itangwa n'ubuyobozi bw'aka karere igaragaza ko hakenewe miliyoni 32 kugira ngo abagatuye bose uko ari ibihumbi 324 babe bafite ubwisungane mu kwivuza.

Umuyobozi w'Akarere ka Rutsiro, Murekatete Triphose yabwiye IGIHE ko umubare munini w'abatarishyura ari abatishoboye.

Ati “Abafatanyabikorwa turabasaba ko nk'uko dusanzwe dufatanya mu bindi bikorwa byose biteza imbere abaturage bacu, bagira uruhare kugira ngo abaturage babashe kubona ubwisungane mu kwivuza cyane cyane ko umubare munini w'abo dusigaranye batarayishyura ari abadafite ubushobozi”.

Kugeza ubu Akarere ka Rutsiro kari ku mwanya wa 25 mu gutanga ubwisungane mu kwivuza kuko abamaze kubutanga ari 81%.

Ibi byatangajwe kuri iki Cyumweru tariki ya 16 Mutarama ubwo komite itaguye y'umutekano y'Intara y'Iburasirazuba yaganiraga n'abamotari barenga 1400 bakorera mu Karere ka Nyagatare.

Ni amasezerano ubuyobozi bw'uturere buzasinyana n'amakoperative y'abamotari akazaba akubiyemo gufatanya n'ubuyobozi bw'inzego z'ibanze n'izumutekano mu kurwanya ibyaha cyane cyane ibirimo magendu, ibiyobyabwenge n'ibindi byambukiranya imipaka abamotari bakunze kugiramo uruhare.

Umuyobozi wa Polisi mu Ntara y'Iburasirazuba, CP Emmanuel Hatari yavuze ko abamotari ari bamwe mu bakunze gufatirwa mu bikorwa bya magendu abandi bakagira uruhare mu kwinjiza ibiyobyabwenge.

Yatanze urugero ku Karere ka Nyagatare aho mu mwaka ushize nibura abamotari barenga 70 bafatiwe muri bene ibi bikorwa binyuranyije n'amategeko.

Yavuze ko kandi mu mezi abiri ashize moto zirenga 60 zafatiwe mu byaha byambukiranya imipaka, abasaba kubivamo bakanatanga amakuru ku bo bakeka babyishoramo.

Guverineri w'Intara y'Iburasirazuba, Gasana Emmanuel, yavuze ko gusinyisha abamotari amasezerano yo kurwanya ibyaha babyitezeho ubufatanye mu kubirwanya no kubikumira kuko ngo bari mu bahura n'abantu benshi batandukanye.

Yagize ati “Ubu tumaze iminsi turi mu ngamba zo gusinya imihigo yo kugira ngo twirinde ibyo byaha kandi buri wese atere intambwe abazwe inshingano. Akarere kazasinyana na buri koperative ko igihango bafitanye gikomeye, buri koperative isinye ko abayibarizwamo nta byaha bakwiriye kugaragaramo.”

Yasabye aba bamotari kujya batangira amakuru ku gihe bakirinda gutwara forode n'abandi bantu bagambiriye gukora ibyaha.

Intara y'Iburasirazuba ibarizwamo koperative 84 z'abamotari.

Abamotari bagiranye ibiganiro n’Ubuyobozi bw’Intara y’Iburasirazuba