Author: webrwanda

Abunganira Béatrice Munyenyezi ari bo Me Bruce Bikotwa na Me Félicien Gashema, bagaragarije urukiko ko iburanisha ry’ibanze rizabafasha kubanza gukosora umwirondoro w’uregwa cyane ko urukiko rwari rwavuze ko yitwa Béatrice Munyenyezi bita Komanda, we agahakana izina Komanda avuga ko atari irye.

Iri buranisha kandi ngo rizafasha uruhande rw’uregwa kumenya ibyaha akurikiranyweho mu by’ukuri kuko ngo Ubushinjacyaha bwagaragaje ibyaha aregwa harimo gutegura Jenoside, kuyikora, kuyishishikariza abandi n’ubufatanyacyaha mu gufata abagore ku ngufu, nk’icyaha kimwe, nta kugaragaza buri cyaha ukwacyo n’amategeko agihana, ari na byo byafasha uregwa kumenya aho ahera yiregura.

Iri burana ry’ibanze ngo rizanafasha kumenya abatangabuhamya.

Ababuranira Béatrice Munyenyezi banifuje ko urubanza rwazaburanishwa imbonankubone, aho kuba mu buryo bw’ikoranabuhanga, cyane ko ngo batabashaga kumva ibivugwa n’abari mu rukiko.

Hari n’aho umwe muri babiri bamuburaniraga yagize ati “Nk’ubu ntabwo turi kubumva neza. Mu byo mwavuze ibyo twumvise ntibirenga 30%.”

Ubushinjacyaha bwagaragaje ko kuba Munyenyezi aburana hifashishijwe ikoranabuhanga ari ukubera indwara ya Coronavirus, kandi ko hifujwe ko aburana imbonankubone byaba ngombwa ko akurwa muri Gereza ya Kigali akimurirwa mu ya hafi, ariko ko nanone kuburana mu buryo bw’ikoranabuhanga cyangwa bw’imbonankubone bizava mu bushishozi bw’urukiko.

Aha umwe mu baburanira Munyenyezi yibukije ko uwo baburanira akurikiranyweho ibyaha biremereye, mpuzamahanga, bityo yongera gushimangira ko akwiye guhabwa uburenganzira bwo kwisobanura neza, ku byo yumvise neza, aburana imbonankubone.

Kuri we kandi, icyorezo cya Coronavirus ngo ntigikwiye kuba imbogamizi yo kuburana imbonankubone kuko hakurikijwe amabwiriza yo kwirinda hari n’abandi baburana imbonankubone kuri iki gihe urugero nka Rusesabagina ndetse na Twagirayezu.

Iby’uko yakwimurirwa hafi y’aho aburanira byo ngo biramutse bibayeho, ntihakwiye kwirengagizwa imibereho yahagirira, hanazirikanwa ko hari n’abandi bava muri Gereza ya Kigali bakaza kuburanira i Nyanza.

Urukiko rwemeje ko iburanisha ry’ibanze ryifujwe n’ababuranira Munyenyezi rizaba tariki 24 Gashyantare 2022, saa tatu, mu buryo bw’ikoranabuhanga, kandi mu muhezo.

Ruzareberwamo ibijyanye n’abatangabuhamya, hemeranywe ku ngingo zigize urubanza, ibimenyetso n’amategeko impande zombi (ubushinjacyaha n’uregwa) zishyigikirisha ibimenyetso, ndetse n’uburyo urubanza ruzaburanishwamo.

Uyu mugabo yabwiye Radio/Tv1 ko ku Cyumweru tariki 16 Mutarama 2022 yageze mu rugo rwe asangayo abana gusa, ababajije aho umugore we ari bamubwira ko batazi aho yerekeje.

Uyu mugabo n’amakenga menshi yatangiye gushakisha umugore we, aza kumusanga mu birombe bisanzwe bicukurwamo amabuye y’agaciro aryamanye n’undi mugabo bamubonye bakizwa n’amaguru.

Ati 'Njyewe nagiye nkimara kuhagera umugabo arampamagara ngo Boss bite, nanjye nti byiza, aba arangwiriye, aransunika areba ha handi yari yashyize amapantaro ye, ahita ayafata amanuka yirukanka yambaye ubusa nsigarana n’umugore, natoraguye na mayo [avuga umwenda we w’imbere], ubu ndacyanayibitse].'

Yakomeje ati 'Nanze kuyikuramo kuko iki ni icyaha gikomeye cyane ntashobora kumubabarira. Nta muntu wamunyeretse, njyewe namwifatiye gutya.'

Uwafashwe n’umugabo we avuga ko nta cyemeza ko ari umugabo we ndetse ko yamucaga inyuma kuko adashoboye kuzuza inshingano z’abashakanye nk’uko abyifuza.

Ati 'Mbyaye kabiri, iwacu ntibazi ko ngira umugabo. Ariyita ko se ari umugabo wanjye mu buhe buryo ? Njye nta mugabo ngira, kubyarana se ni we wenyine nabyariye ? Nabyariye abagabo babiri, muri abo nta mugabo urimo wanjye. Uwo nzajya mbona wese nzajya muha.'

Uyu mugore yavuze ko umugabo we atamuhagije ari yo mpamvu yafashe icyemezo cyo kumuca inyuma.

Uyu mugabo nyuma yo kumufata amuca inyuma yavuze ko adashobora gukomeza kubana na we.

Amakimbirane ashingiye ku gucana inyuma akunze kugaragara mu miryango ari nabyo bishobora gukurura imfu za hato na hato, ubuyobozi bukaba bufite umukoro wo kwegera imiryango iyafitanye.

Urubuga rwa Internet rwa Ambasade y’u Rwanda muri Tanzania, rwatangaje ko aba bombi bagiranye ibiganiro byibanze ku ngingo zijyanye n’inyungu ibyo bihugu byombi bihuriyeho ndetse n’ubutabera.

Igihugu cy’u Buholandi cyatangiye gufasha u Rwanda nyuma ya Jenoside yakorewe Abatutsi ikimara guhagarikwa, batera inkunga ibikorwa byo gusana Igihugu, gufasha inzego z’ubutabera, ubuhinzi, gukwirakwiza amazi meza mu baturage n’ubufatanye mu bya gisirikare.

Mu mwaka ushize, itsinda ry’abasirikare 150 b’Abaholandi baje gukorera imyitozo mu Rwanda, mu gihe cy’ibyumweru 3 bamaze, bakoze imyitozo inyuranye yabereye mu ishuri rya gisirikare rya Gabiro.

Inkingo zujuje uyu mubare ni izatanzwe na Leta Zunze Ubumwe za Amerika zahaye u Rwanda inkingo zingana na miliyoni imwe n’inkingo 350, ndetse bituma umubare w’inkingo iki gihugu kimaze guha u Rwanda usaga miliyoni enye.

Ikigo cya COVAX cyashyizweho mu mwaka wa 2020 n’Ishami ry’Umuryango w’Abibumbye ryita ku buzima, Ikigo Gavi gishinzwe iby’inkingo ndetse n’ihuriro rigamije guhanga udushya mu gufatanya kurwanya ibyorezo no kugira ngo ibihugu bikennye bishobore kubona inkingo zikenewe mu kurwanya ibyorezo.

Umuyobozi mukuru wa Gavi, Seth Berkley, abinyujije kuri Twitter, yagize ati: “bwa mbere COVAX yashyikirije inkingo za Covid-19 zuzuza inkingo miliyari mu bihugu 144 ku isi.”

Yakomeje agira ati: “Ni intambwe y’ingenzi mu buryo bwagutse kandi byihuse mu byinkingo ku isi mu mateka.”

Yakomeje avuga ko ku wa Gatandatu, indege yari itwaye inkingo zuzuza umubare wa Miliyari imwe, ubwo yageraga ku kibuga mpuzamahanga cya Kigali mu Rwanda, yasazwe n’ibyishimo.

Berkley yagize ati: “Numvise nishimye ariko nanone nicishije bugufi, nzi aho tugomba kugera kugira ngo turinde abantu bose kandi dukemure ubusumbane bw’inkingo”.

Gahunda ya COVAX yageze kuri miliyari imwe hadashize umwaka, mu gihe mu mpera za Gashyantare aribwo indege yari itwaye inkingo za mbere zatanzwe muri iyi gahunda yazigezaga muri Ghana.

Ibihugu byose byemerewe gutumiza doze z’inkingo binyuze mu buryo bwashyizweho, mu gihe ibihugu bikennye byo byazihawe ku buntu.

Ariko nanone nubwo iyi gahunda igeze kuri miliyari imwe nk’intambwe ishimishije, ntabwo COVAX yageze ku ntego yayo yari yarihaye yo gutanga doze zingana na miliyari ebyiri mu mpera za 2021.

Ibi bikaba ahanini byaratewe no kuba harabayeho guhangana kw’ibihugu bikize byari byiteguye kuzigura ku kiguzi cyo hejuru ndetse no kuzikubira.

Mu ijambo ry’umuyobozi wa OMS, Tedros Adhanom Ghebreyesus, yagaragaje ko mu gihe ku isi hose hatanzwe inkingo zisaga miliyari 9.4, abantu barenga 85% muri Afurika batarabona urukingo na rumwe.

Ni mu gihe kandi inzobere mu buzima zivuga ko ikwirakwira rya Covid-19 mu bantu rizakomeza kongera ibyago byinshi byo kuvuka kw’izindi nyinshi zihinduranya.

Mu mpera z’ukwezi gushize, OMS yavuze ko hafi kimwe cya kabiri cy’ibihugu 194 bigize uyu muryango bitageze ku ntego yo gukingira 40% by’abaturage babyo, ibi bikaba byaragombaga kuba byaragezweho mu mpera za 2021.

OMS kandi yasabye ko hongerwa imbaraga kugira ngo ibihugu byose bishobore kugera ku ntego yayo ya kabiri, yo gukingira 70% by’abaturage babyo, hagati ya 2022.

Icyakora abahanga nanone batanga umuburo ko ubusumbane buriho bushobora kurushaho kwiyongera kuko ibihugu byinshi kuri ubu bikomeje kwihutira gutanga inkingo ku batarazihawe no gutanga izishimangira mu rwego rwo kurwanya ubwoko bushya bwa Coronavirus bwihinduranyije bwa Omicron, ikwirakwira mu buryo bwihuse.

Berkley yanditse ku rubuga rwa Twitter ati: “Ntituzihanganira kureka Omicron n’ubwiyongere bw’ibihugu bisaba inkingo zishimangira ngo bikome mu nkokora intambwe tumaze kugeraho.”

Ati: “Mu gihe Isi yaramuka yishyize hamwe kugira ngo abantu bakuze mu bihugu bikennye bakingirwe ku kigero nk’icyo abo mu bihugu bikize bagezeho, mu mwaka utaha, impfu ziri hagati y’ibihumbi 940 na miliyoni 1 n’ibihumbi 270 zishobora gukumirwa.”

Umukino w’umunsi wa 13 wagombaga guhuza ikipe ya Marines na Espoir FC wasubitswe nyuma y’uko abakinnyi n’abatoza 23 ba Espoir FC basanze baranduye COVID-19.

Uyu mukino wagombaga kubera i Rubavu kuri Stade Umuganda aho ari Marines yagombaga kuwakira saa 15h.

Mbere y’umukino amakipe yombi yafashwe ibipimo maze muri Espoir FC ibipimo 29 (abakinnyi n’abatoza) byafashwe, bigaragaza ko 23 banduye iki cyorezo ni mu gihe 6 ari bo bazima.

Komiseri w’umukino akaba yahise afata umwanzuro wo kuwusubika bitewe n’ubwandu bwinshi bwagaragaye mu ikipe ya Espoir FC.

Imwe mu ngingo zijyanye n’amabwiriza yo kwirinda icyorezo cya Coronavirus mu makipe, ivuga ko igihe hagaragaye abarenze 20% by’abakinnyi b’ikipe imwe banduye ugendeye ku bipimo byafashwe ku munsi w' umukino, uwo mukino ushobora gusubikwa bigiweho inama n’abagize akanama gashinzwe gukurikirana ishyirwa mu bikorwa ry’amabwiriza ndetse n’ubunyamabanga bukuru bwa FERWAFA.

Icyakora igihe ikipe izaba ifite nibura abakinnyi 16 (barimo n'umuzamu) batanduye covid-19, ishobora gukina umukino wayo. Ibi bizagenwa mu bushishozi bw'Akanama Gashinzwe Gukurikirana ishyirwa mu bikorwa ry’aya mabwiriza, Komisiyo ishinzwe Amarushanwa n’ubunyamabanga bukuru.

Due to Covid-19 reasons, the PNL match between Marine FC and Espoir FC has just been postponed.

According to the protocol, there were not a number of players required for a match to take place.

Updates on the rearrangement of the fixture will be communicated soon. pic.twitter.com/m34oMGBgYT

— Rwanda FA (@FERWAFA) January 18, 2022

Espoir FC yasanganywe ubwandu bwinshi bwa Coronavirus

Rayon Sports ivuga ko itarasinyisha umukinnyi ukina mu kibuga hagati, Kwizera Pierrot ariko ko ari umukinnyi mwiza bamubonye yaba ari amahirwe.

Mu gitondo cyo kuri uyu wa Kabiri tariki ya 18 Mutarama nibwo haje inkuru y’uko Kwizera Pierrot usoje amasezerano muri AS Kigali yamaze gusinyira Rayon Sports ku buryo azatangira kuyikinira mu mikino yo kwishyura ya shampiyona ya 2021-22 ibura imikino 3 ngo igice kibanza gisozwe.

Mu kiganiro umuvugizi wa Rayon Sports yahaye ISIMBI, Nkurunziza Jean Paul yavuze ko amakuru y’isinya rya Kwizera Pierrot ntayo azi ariko ngo ni umukinnyi mwiza bamubonye byaba ari amahirwe.

Ati 'Ayo makuru ntayo nzi. Pierrot ni umukinnyi mwiza tumubonye twaba tugize amahirwe.'

Uyu murundi ukina mu kibiga hagati, aramutse asinyiye Rayon Sports ntibyaba ari ubwa mbere kuko muri 2015 nibwo yageze muri iyi kipe bwa mbere batandukana muri 2018 ubwo yahitaga yerekeza muri Al-Orouba yo muri Oman atatinze kuko muri 2019 yahise asinyira AS Kigali yakiniraga kugeza uyu munsi.

Kwizera Pierrot ashobora gusubira muri Rayon Sports