Author: webrwanda

Kizz Daniel yagize izina rikomeye abikesha indirimbo 'Woju' yaje gusibiramo afatanyije na Davido na Tiwa Savage. Aheruka i Kigali muri Gashyantare 2016 mu gitaramo yatumiwe na Royal Entertainment aho yasize abantu bijujuta kubera gutinda kubataramira.

Ikindi cyatumye abafana binuba ni ukuba uyu muhanzi yararirimbye iminota micye kandi akaririmbira kuri CD.

Kuri uyu wa Kane tariki ya 20 Mutarama 2022, uyu muhanzi yanditse kuri konti ye ya Instagram akurikirwaho n'abarenga miliyoni 8, avuga ko ibitaramo azakorera ku Mugabane wa Afurika birimo n'icyo mu Rwanda bizaba hagati ya Gashyantare na Werurwe 2022.

Avuga ko ibyo azakorera mu Bwami bw'u Bwongereza na Ireland bizaba hagati ya Mata na Gicurasi 2022. Ibyo azakorera muri Amerika na Canada bizaba hagati ya Kamena na Kanama 2022 naho ibyo muri Leta Zunze Ubumwe za Abarabu azabikora mu Ukwakira 2022.

Kizz Daniel yatangiye umuziki mu 2014, mu 2015 yegukanye ibihembo birimo Africa Youth Choice Awards / Next Rated (2015), Coson Music Awards / Best Song in Melody (2015), Extreme Awards (Benin Republic) n'ibindi.

Kizz Daniel yagaragaje uruhererekane rw'ibitaramo azakora birimo n'icyo mu Rwanda Kizz yabwiye abafana be n'abakunzi b'umuziki ko aho atazataramira muri ibi bitaramo azahagera mu bindi azategura

Mu 2016, uyu muhanzi yataramiye i Kigali asiga umugayo, kuko yataramiye abantu ahagana saa saba z'ijoro

KANDA HANO UREBE INDIRIMBO 'POUR MEWATE' KISS DANIEL AHERUTSE GUSOHORA

“>

Source : https://inyarwanda.com/inkuru/113698/kizz-daniel-agiye-gukorera-igitaramo-mu-rwanda-113698.html

Teta uzwi mu ndirimbo zirimo 'Birangwa' aba mu Rwanda nibura amezi atandatu buri mwaka aho akorera ibikorwa bye by'umuziki agasura n'umuryango.

Yabwiye INYARWANDA ko ukwezi kwirenze ari mu Rwanda aho ari gukorera umushinga wihariye mu nyungu rusange y'abahanzi bo mu Rwanda n'abo muri Suede.

Avuga ko atari umushinga w'indirimbo. Ati 'Ntabwo ari imishinga y’indirimbo. Ni umushinga wihariye ariko ufite aho uhuriye n’umuziki, mu nyungu rusange y’abahanzi nyarwanda,'

Uyu muhanzikazi akomeza avuga ko uyu mushinga uzagirira akamaro abahanzi bagenzi be, by'umwihariko abakobwa. Ati 'Ni umushinga uhuza abahanzi mu bihugu byombi [U Rwanda na Suède.]'

Teta ari mu Rwanda nyuma y'uko ku wa 01 Nyakanga 2021, asohoye Extended Play (EP) yise 'Umugwegwe' iriho indirimbo enye 'Umugwegwe', 'Undi munsi', 'Uzaze' ndetse na 'Agashinge.

Indirimbo 'Undi munsi' yubaka umuntu watakaje icyizere akumva ko 'ejo ni undi munsi'. Ni mu gihe mu ndirimbo 'Uzaze' asobanura ko i Burayi atari ijuru rito nk’uko benshi babyibwira.

EP ye yakozweho n'abacuranzi batandukanye kandi b'abahanga. Mu buryo bw’amajwi (Mixage na Arrangement) byatunganyijwe na Didier Touch bakunze gukorana. Ni mu gihe mastering yakozwe n’uwitwa Pieter de Waghter na we usanzwe atunganya imishinga y'uyu muhanzikazi. 

Teta yavuze ko ari gukora ku mushinga uhuje abo mu Rwanda n'abo muri Suède 

Teta Diana wubakiye umuziki we kuri gakondo Nyarwanda amaze iminsi agaragaza ko ari kugirira ibihe byiza mu Rwanda Teta Diana na Malaika Uwamahoro wamamaye mu kuvuga imivugo bahuriye mu Rwanda

KANDA HANO WUMVE EP 'UMUGWEGWE' Y'UMUHANZIKAZI TETA

“>

Source : https://inyarwanda.com/inkuru/113695/teta-diana-ari-mu-rwanda-aho-ari-gukorera-umushinga-uzahuza-abahanzikazi-hagati-yu-rwanda–113695.html

Perezida w’ikipe ya Musanze FC, Tuyishimire Placide [Trump], yasabye mugenzi we wa Gasogi United, Kakooza Nkuriza Charles [KNC] kugabanya amagambo avuga ahubwo akongera ibikorwa.

Ibi yabitangaje nyuma y’uko yaraye atsinze uyu mugabo mu mukino w’umunsi wa 13 wa shampiyona ya 2021-22 wabereye i Musanze igitego 1-0.

Mbere y’uyu mukino, KNC yari yavuze ko bagomba gutsinda iyi kipe yo mu Majyaruguru nubwo iba yatanze uduhimbazamusyi kugeza no ku bagore b’abakinnyi.

Nyuma y’uyu mukino rero Trump na we akaba yamugeneye ubutumwa aho yavuze ko akwiye kugabanya amagambo kuko nta muperezida uvuga amagambo menshi ahubwo arangwa n’ibikorwa.

Ati “Ubutumwa namuha ni uko azajya yihangana afite Radio nziza, televiziyo nziza nibyo ivugira abaturage, ni umushoramari mu banyamakuru cyangwa se mu bintu nka biriya by’itangazamakuru ariko ajye yihangana.”

“Buriya perezida ntabwo avuga amagambo menshi, ubundi ikiranga perezida ni ibikorwa, amagambo buriya yakagombye kuvugwa n’abanyamakuru, yego yabaye umunyamakuru ni byo ariko azashake uko agabanya ajye avuga mu gihe biri ngombwa.”

Nyuma yo gutsinda uyu mukino Musanze FC ikaba yagumye ku mwanya wa 6 n’amanota 20 ni mu gihe Gasogi United yagumye ku mwanya wa 7 n’amanota 16.

Trump yasabye KNC kugabanya amagambo avuga

KNC yari yavuze ko agomba gutsinda uyu mukino

Musanze FC yatsinze Gasogi United

Source : http://isimbi.rw/siporo/article/nyuma-yo-gutsinda-gasogi-united-trump-yasabye-knc-kugabanya-amagambo

Umuhanzi Ngabo Meddy Jobert abinyujije kuri story ya instagram ye yerekanye ko yatangije igikorwa cya Gofundme akaba ari igikorwa cyatangijwe ku bufatanye na Inkoramutima Family mu rwego rwo gufasha no gukomeza gufata mu mugongo umuryango wa Akeza Elsie uherutse kwitaba Imana.

Abinyujije kuri story ya instagram ye, Meddy yashyizeho ko abashaka gufasha Akeza Elsie baraza gukanda kuri link iri muri bio ye maze anasaba inshuti ze n'abantu be ba hafi barimo umugore we, Mimi, umuhanzi The Ben, Christian Kayiteshonga, umuhanzi Kitoko, umuhanzi Emmy, Ernesto Ugeziwe ndetse n'abandi benshi b'inshuti ze ko bakwitabira iki gikorwa cyo gufasha umuryango wa Akeza Elsie.

Akeza Elsie uherutse kwitaba Imana yamamaye cyane ubwo yakoraga aka video aho yararimo kuririmba indirimbo My Vow ya Meddy.

Ku bifuza gufatanya na Meddy ndetse na Inkoramutima Family muri iki gikorwa cyo gufasha umuryango wa Akeza Elsie, Link mwanyuraho ni ugukanda HANO

Source : https://yegob.rw/ibyo-meddy-agiye-gukorera-umuryango-wa-wa-mwana-mwiza-wamukundaga-uherutse-kwitaba-imana/

Ku nshuro ya mbere mu Rwanda hagiye kubera irushanwa ryo gutora umuhungu mwiza 'Mr Rwanda', abategura iri rushanwa bakuyeho urujijo bemeza ko Gakumba Patrick uzwi nka Super Manager yamaze kwiyandikisha ndetse barebye ibyangombwa bye basanga afite imyaka 23 y'amavuko.

Mu bigenderwaho kugirango umusore yemererwe kwiyandikisha muri iri rushanwa harimo kuba afite hagati y'imyaka 18 na 30 y'amavuko.

Ubwo kwiyandikisha muri iri rushanwa byatangiraga ku itariki ya 17 Ukuboza 2021, Super Manager ari mu bambere batangaje ko yamaze kwiyandikisha, icyo gihe yavugaga ko afite imyaka 23 ibintu byatunguye benshi.

Kuri uyu wa Kane tariki ya 20 Mutarama 2022 mu kiganiro Showbiz Trends cya BTN TV, Byiringiro Moise umuyobozi wa kompanyi irigutegura iri rushanwa yahamije ko Super Manager yiyandikishije kandi barebye ibyangombwa bye bakabona koko afite imyaka 23 y'amavuko.

Ati 'Super Manager yariyandikishije mu irushanwa, imyaka 23 yavuze ni nayo twabonyeho'.

Moise yakomeje avuga ko kugeza ubu hamaze kwiyandikisha abasore barenga 800, biteganyijwe ko kwiyandikisha bizasozwa kuwa Gatanu tariki ya 28 Mutarama 2022.

Source : https://yegob.rw/byemejwe-ko-super-manager-afite-imyaka-23-bidasubirwaho/

Kuri uyu wa 20 Mutarama 2022 twabazengurukiye imbuga nkoranyambaga zitandukanye kugirango tubategurire ifoto y'umunsi. Ifoto twabahitiyemo kuri uyu munsi ni iya Tom Close ateruye umwana we. Ni ifoto Tom Close yashyize hanze abinyujije kuri story ya instagram ye. Iyo foto ni iyi ikurikira:

Source : https://yegob.rw/ifoto-yumunsi-tom-close-ateruye-umwana-we/

Uyu munsi hakomeje Urubanza rw'ubujurire ruhereye mu mizi rwa Jean Paul Birindabagabo ushinjwa Kwica Abatutsi batabarika I Rukumberi Aho yakwirakwizaga interahamwe ndetse n'abasirikare muri Sake yifashishije imodoka ye ya Pick up yari yarahawe akabeshya ko yayiguriye kandi yarahatuye ari Gatumwa kugirango arangize umugambi wa Jenoside watangiye kuva kera

Birindabagabo Jean Paul, ukurikiranyweho kugira uruhare muri Jenoside yakorewe Abatutsi mu cyahoze ari komini Sake, ubu ni mu murenge wa Rukumberi mu karere ka Ngoma; yagejejwe i Kigali akuwe muri Uganda, aho yafatiwe mu mwaka wa 2015 yarahinduye amazina kuko yari yariyise Pastor Bagabo Daniel.

Birindabagabo Jean Paul bivugwa ko yaje gutura Sake muri za 1982 aturuka muri Kibirira Kugirango aze Rukumberi yenyegeze urwango ndetse no gutegura Jenoside yitwaje kuba Umuvugabutumwa muri ADEPR abeshya ko yabereye Pasiteri.

Birindabagabo ubwe yiyemerera ko mu modoka yari atwaye imbunda ikomeye ya FAR yo mu bwoko bwa  L16 81mm mortar yicaga Abatutsi ba Sake kuko Jenoside itangira nta Musirikare w'inkotanyi wari wakageze yo (Rukumberi)

Birindabagabo Jean Paul atakamba asaba Imbabazi avuga ko abo basirikare bagendanaga bica Abatutsi abafasha no kujya muri Etat Major ndetse n'indi mirimo yabo yabikoze ku gahato ka Gisirikare, Nyamara abarokokeye Rukumberi barimo Protais Rutagarama na Kabandana Callixte batangaza ko ari we wavugaga ijambo rya nyuma k'umututsi ndetse n'abo basirikare ari we wabahaga amabwiriza ndetse akaba ari nawe wakira raporo, yewe hari n'abatangabuhamya bamubonye agiye kubazana I Kibungo

Avuga ko we nta mututsi yishe ahubwo yabikoraga ku gahato nubwo abarokokeye Jenoside I Rukumberi bo bavuga ko yabishe ahubwo gupfukama mu rukiko ndetse no kurira Ari amarira y'ingona, Birindabagabo Jean Paul yasabye kwicara kuko arwaye umugongo arabyemererwa, bikaba byakuruye abari bakurikiye urubanza aho bajujuraga bati nta cyiza nk'ubutabera butamugerera mu mbaga y'abatutsi yishe dore ko ngo nta n'uruhinja rwamurokokeraga mu ntoki.

Mu gihe abamwunganira mu mategeko bamwunganiraga bashimangiye ko yajyanywe kwifatanya na FAR ku gahato ka Gisirikare bitari mu bushake bwe kandi Atari kubasha kubigobotora, Basanga ahubwo yahabwa Imbabazi nkuko azisabira hakabaho inyoroshyacyaha kuko ibigize icyaha bituzuye

Uwunganira Birindabagabo Jean Paul, Me Alex yavuguruzanyije n'Umuburanyi avuga ko adakwiye kuryozwa ibyaha byakozwe n'abasirikare yatwaraga , Abacamanza bamubaza impamvu we ubwe yemera icyaha akagisabira Imbabazi avuga ko agirango amategeko amworohereze igihano, Abunganira mu mategeko Jean Paul Birindabagabo bahawe iminota itanu yo guhuza kuko barimo kuvuguruzanya

Ubushinjacyaha bwavuze ko Birindabagabo Jean Paul yari afite imbaraga zikomeye kuko yagize Uruhare mu kwirukanisha Burugumesitire wa Komine Sake, Byemero Venant wari wamubujije gukomeza kuyogoza igihugu, Bwavuze ko Byemero yirukanwe n'itangazo ryatambutse kuri Radio Rwanda nta nama yateranye bivuze ko Birindabagabo yavugaga rikijyana muri MRND

Muri Mata 1994 Birindabagabo niwe wagiye I Kibungo mu mugi kuzana Abasirikare ntabwo Abasirikare bamusanze iwe  Niba Tariki ya 8 nta Musirikare w'inkotanyi wari wakageze Rukumberi abo basirikare n'imbunda mu modoka ya Birindabagabo bajyaga hehe? Bari baje kwica no guhiga Abatutsi.

Abatangabuhamya benshi bakomoka muri Sake bemeza badashidikanya ko babonye Birindabagabo Jean Paul yambaye impuzankano ya FAR, Maze atwara ingabo zarimbuye Abatutsi bari bahungiye kuri ADEPR ndetse n'ahandi hatandukanye harimo na Bariyeri yishingiye iwe

Imodoka ye akenshi yagiye inifashishwa mu kwicira abantu kuri Nyabarongo kuko Rukumberi yari imaze kuzura, Byemezwa ko Birindabagabo yahungiye iwabo Kibirira naho akomerezayo ubwicanyi bwahitanye Abatutsi batarondoreka kuko yashinze Bariyeri ayita Nyirantarengwa afite Icyombo cya Gisirikare n'imbunda nto izwi nka Masotera.

Urubanza rwa Birindabagabo Jean Paul rukaba ruzakomeza Tariki ya 31 Mutarama 2022, Impamvu zatanzwe ni uko Iminsi iri imbere urukiko ruzaba rufite Inshingano nyinshi kandi Birindabagabo yasabwe kuzaza yitwaje ibigaragaza uko abatangabuhamya bivuguruje muri uru rubanza.

The post Menya Uburyo Birindabagabo Jean Paul yifatanyije n'abasirikare ba FAR muri Jenoside yakorewe Abatutsi muri Sake appeared first on RUSHYASHYA.

Source : https://rushyashya.net/menya-uburyo-birindabagabo-jean-paul-yifatanyije-nabasirikare-ba-far-muri-jenoside-yakorewe-abatutsi-muri-sake/?utm_source=rss&utm_medium=rss&utm_campaign=menya-uburyo-birindabagabo-jean-paul-yifatanyije-nabasirikare-ba-far-muri-jenoside-yakorewe-abatutsi-muri-sake

Mu gihe ubonye inshuti zawe zikoze ubukwe wowe uraho ,uramenye ntuzatinyuke gukora ibi bintu 5

1.Wirekera kujya mu rukundo

Komeza ugerageze uhe amahirwe uyagusabye wumva mwakundana, ntiwumve ko byarangiye kuri wowe ahubwo biguhe imbaraga zo kumenyana na benshi uzabone uko nawe uhitamo.

2.Ntuziyange

Kugira ngo undi muntu uwo ariwe wese agukunde nuko wowe ubwawe uzabanza ukindunda. Niwiyanga ngo nuko mugenzi wawe ariwe bahisemo bakakureka uzaba ufungiye inzira n'uwari kuguhitamo, kuko kwiyanga bijyana no kurekera gukora ibyakugiraga uwo uriwe bikazatuma nta musore ukubona mu bandi kuko uhora wigunze cyangwa utiyitaho ngo ucye nk'abandi.

3.Ntuzahemukire ubushuti bwanyu

Ntacyo bivuze kuba inshuti yawe yarubatse urugo ariko wowe ukiraho. Ibyo ntibikwiye gutuma mwangana. N'impanga ntabwo zikorera ubukwe rimwe, kuba baravukiye rimwe ntibivuze ko bazashakira rimwe rero ntabwo byagakwiye gutuma muhagarika ubushuti bwanyu.

4.Ntuzigere ufuhira inshuti yawe

Ku mpamvu iyo ariyo yose gufuha si ikintu cyiza. Iyo bigeze ku nshuti ho noneho biba bibi kurusha. Twese tugira inzira zitandukanye ducamo mu buzima ngo tugere ku cyo dushaka, wifuhira mugenzi wawe kuko abashije kubaka urugo mbere yawe, kuko burya ntibivuze ko ageze muri paradizo kuko uba ushobora kuzashaka nyuma ye ariko ukubaka neza kumurusha.

5.Kugereranya ubuzima bwawe n'ubwinshuti zawe

Iyo bigenze gutya abenshi bahita batangira kwibaza impamvu bo badashaka, bakibaza icyo inshuti zabo zibarusha. Ibyo ni ukwibabariza umutima ndetse bikaba byanagutera kuba watekereza gukorera mugenzi wawe ikibi ndetse bizanakubuza kuba wabona ko hari ibindi bintu byiza biri kuba mu buzima bwawe. Si byiza kugereranya ubuzima bwawe n'ubwinshuti zawe kuko ntawe ubaho ubuzima busa n'ubwundi.

Source : https://yegob.rw/nubona-inshuti-zawe-zikora-ubukwe-uraho-ntuzibeshye-ngo-ukore-ibi-bintu-bigayitse/

Umugabo witwa David n'umugore we Nathalie bahoze bunze ubumwe bafite umubano ushimishije ku rwego ruhagije. Ibibazo bikomeye byatangiye ubwo umugore wa David 'Nathalie' yatangiraga kugaragaza ko yahindutse bitari bisanzwe.
Dore uko byagenze:

David na Nathalie bari baziranye cyane kuko bari baramenyanye mu gihe bigaga ku kigo kimwe. Gakegake muri icyo gihe bagiye biyumvanamo kugeza ubwo batangiye guteretana birangira baguye mu Nyanja y'urukundo. muri icyo gihe urukundo rwabo ntirwigeze ruzamo agatotsi.Nyuma yaho, muri ibi bihe turimo baje kubana kandi bagize ubukwe bwiza cyane ku buryo bwashimishije amaso y'inshuti zabo.

Agahinda ntikica, ahubwo kagira umuntu nabi! Ibintu byose byari byiza ariko nyuma y'amezi make ubukwe bubaye, David yatangiye kwikanga ko hari ikintu kidasanzwe. Nathalie yatangiye kugaragaza imyitwarire idasanzwe ku mugabo we. Bigitangira David yacyetse ko ashobora kuba ari we ntandaro y'ikibazo, nuko atangira kugerageza kwitwararika mu bintu byose ariko birangira abonye ko imyitwarire y'umugore idahinduka na gato.

Mu by'ukuri David yumvaga ko umugore we baziranye cyane, ni uko nawe atangira gutekereza ko hari icyaba kiri guhindura umugore we. Byose byaje ubwo umugore wa David yatangiraga gutaha mu rugo akererewe cyane, umugabo we yamwandikira ubutumwa ntamusubize, ndetse akanahisha impamvu zimutera kwitwara gutyo.

Kubera ukuntu David yakundaga umugore we, ntiyifuzaga kumwumvaho imico mibi. Gusa amaze kubona ko birushaho gukomera, David yafashe umunsi umwe akurikirana umugore we.

Ati 'Rukundo rwanjye nshobora kuba naragutereranye ariko mbona witwara mu buryo budasanzwe. Ni iki cyabaye?'
Ni uko Nathalie ahita ahungabana ariko asubizanya igihunga ati 'hoya Mukunzi, byose biri kugenda neza.'
David ati 'ibyo uvuze ni ukuri? Nta bintu uri kumpisha

Undi nawe ati 'hoya mukunzi, ntabyo.'
David: 'wiboneye undi Nathalie?'
Nawe ati 'ni gute utinyuka kunshinja ibintu nkibyo?' Natalie ahita yigendera ariko bigaragara ko ataye umutwe.

Ni uko Nthalie yinjira mu nzu telefone ye iba irasonnye arayitaba. David nawe yari yamukurikiye ku buryo ibyo yavugaga yabyumvaga: 'Mukundwa sinari nakubujije ngo ntuze kumpamagara. Ndaza kuguhamagara nyuma uko nshoboye kose.'

Ako kanya David yahise yumva icyo agomba gukora, gusa yirinze gukomeza kubazaguza umugore we dore ko yari yabonye ntacyo ashaka kumutangariza. Ku munsi ukurikiyeho David yafashe umwanzuro wo gukurikirana umugore we ngo byose abyibonere n'amaso ye. Gusa ibyo yaje kubona ntayatekerezaga ko ari byo amaso ye yabona.

Uko yagakurikiye umugore we yaje kumubona akatiye ahantu mu kayira gato. Yahise aparika ako kanya maze abona umugore we yinjiye ahantu mu nyubako ishaje ariko akaba yarabonaga hari amateka afitanye nayo. Ati 'ndakeka hano nshobora kuba narigeze kuhaba.' Ni ko David yatekerezaga ariko akumva arashidikanya.

Ni uko David aba aragiye arakomanze maze abona akingiriwe n'umuntu azi. Ati 'ni wowe! Ariko uba mu wundi mujyi utari uyu… wahoze uri mama wa Nathalie.'
Umukecuru abura icyo asubiza. Ni uko David akomeza kumubazaguza 'uri gukora iki hano? Kuki umugore wange atigeze ambwira ko uba muri uyu mujyi?'
Amaherezo umukecuru aramusubiza ati 'urabyumva si njye nagombaga kubikubwira.'

David n'uburakari bwinshi ashaka kwinjira abaza aho Nathalie ari. Umukecuru aranga aramubwira ngo abe ategereje amubwire aze.

David aranga yinjira ku ngufu 'hoya rwose, namaze akanya hano hanze…' ageze mu nzu aratungurwa ati 'ni ibiki biri kujya mbere hano?' ntiyumvaga neza ko ibyo abonye ari byo koko.

Nathalie yari yicaranyae n'umwana w'umukobwa w'imyaka itanu bareba televiziyo. Nathalie noneho yahise abona ko bitagishoboka guhisha ibanga rye, yahise abona ko agomba kurivuga. Gusa yari afite ubwoba ko ibyo agiye kuvuga byatuma atandukana n'umugabo dore ko yanamuhishe akanamubeshya.

Ati 'aho bigeze ngiye kukubwiza ukuri.'
Undi ati 'ni byo urasabwa kumpa ibisobanuro, kandi ni uko bimeze.'
Nathalie ati 'narimfite ubwoba ko wari kwanga ko tubana iyo umenya iby'uyu mukobwa wange… Mana yange, ni ukuri nari imfite ubwoba bwo kukubura. Rero mama wanjye niwe wamfashije kumwitaho.

David agahinda karamwica maze arasohoka avuga ko agiye gufata akayaga. Aho ari atangira kwibaza ukuntu umugore we yaba yari afite undi mwana akaba atarigeze abiimenya yewe n'uburyo umugore yatinyutse kumukora ibintu nkibyo'

Ese koko ubu David icyemezo yafashe nyuma kirakwiye? Wowe uri nkawe wakora iki? Hari abantu benshi bashobora gufata icyemezo kuri iki kibazo, ubuzima bwose bugahita busubira inyuma.
Nathalie yasabye imbabazi umugabo we amusezeranya kutazongera kumuhisha na rimwe.

David vuze ko afite igitekerezo maze agira ati 'ese muriteguye ngo mwimukire mu yindi nzu? Wowe n'umukobwa wawe ndetse na mama wawe tugomba kuba hamwe.' Ni uko David areba uwo mwana w'umukoba w'imyaka itanu ati 'ni karibu mu rugo rushya nawe, sweetie.'

Ni uko umugore ashimira umugabo we ati 'Mana yange, sindumva niba atari inzozi ndimo, si nizeye ko ari wowe David! Ndagukunda cyane!'

Source : https://yegob.rw/inkuru-yagusigira-isomoumugabo-yashatse-umugore-abona-arahinduka-kugeza-amugenzuye-avumbura-ibintu-biteye-agahinda/

Uwitwa CONSOLATA Musoni Ruhinda yasabye guhindura amazina mu buryo bwemewe n'amategeko akitwa MASON CONNIE RUHINDA mu bitabo by'irangamimerere.

Impamvu atanga zituma asaba guhindura amazina akaba ari uko ari amazina ari kuri passport.

Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

Source : https://umuryango.rw/amatangazo/article/itangazo-consolata-musoni-ruhinda-yasabye-guhindura-amazina-akitwa-mwiza-mason