Author: webrwanda

Uko ari batanu, bahagaritswe ku wa 17 Mutarama 2022 nk'uko bigaragara mu mabaruwa bandikiwe agashyirwaho umukono n'Umunyamabanga wa Leta muri Minisiteri y'Ubuzima, Dr. Mpunga Tharcisse.

Bose bahuriye ku kuba basengera mu Idini ry'Abadiventists b'Umunsi wa Karindwi.

Amakuru atangwa n'inzego z'ibanze muri avuga ko mu banze kwikingiza harimo umuryango ufite abana batatu bakuwe mu ishuri kugira ngo badakingirwa ndetse ngo uyu muryango wamaze guhunga ku buryo aho werekeje hatazwi.

Umunyamabanga Nshingwabikorwa w'Akagari ka Kirengeri, Nahimana Willison, yabwiye IGIHE ko abo bana bakuwe mu ishuri.

Ati 'Hari uwiga muri Ines Ruhengeri yavuye mu ishuri mu buryo bwo kwirinda ko yahabwa urwo rukingo, abandi bana babiri bigaga mu mashuri yisumbuye nabo bakuwe mu ishuri. Amakuru dufite ni uko batagihari, ntabwo tuzi niba barahunze ariko ntabwo tukibabona mu mudugudu no mu Kagari.'

Umuvugizi wa Minisiteri y'Ubuzima, Julien Mahoro Niyingabira, yabwiye IGIHE ko kuba abantu bakora mu nzego z'ubuzima banga kwikingiza biterwa n'imyumvire ikiri hasi.

Ati 'Bisobanuye imyumvire iri hasi kuko uru rukingo niba hari umuntu wa mbere ugomba kumva akamaro karwo ni umuntu ukora muri serivise z'ubuzima.'

Yavuze ko bibabaje kuba umuntu ushinzwe kwita ku buzima bw'abantu yanga kwikingiza kandi ubusanzwe akwiye kuba intangarugero.

Niyingabira yasobanuye ko nubwo kwikingiza ari ubushake bw'umuntu, Minisiteri y'Ubuzima ifite uburenganzira bwo kubuza umuntu gushyira ubuzima bw'abandi mu kaga.

Ati 'Kuba kwikingiza ari ubushake bw'umuntu ari n'uburenganzira bwe kutikingiza, nanone ni uburenganzira bwa Minisiteri y'Ubuzima kugabanya ibyago by'uko umuntu ashyirwa ubuzima bw'abandi mu kaga kugira ngo adakomeza gutanga serivise kandi adakingiye.'

'Murabizi neza ko urukingo rwagiye rutanga amahirwe ku bantu baruhawe yo kutaremba cyangwa yo kudahitanwa n'iki cyorezo igihe babaga bagize ibyago byo kwandura…Iyo umuntu adashaka gufata ayo mahirwe ni byiza ko natwe twamushyira ku ruhande nka Minisiteri y'Ubuzima akabanza akiyigaho neza, akabanza akareba neza aho agana.'

Yashimangiye ko urwego avugira rukora ibiri mu nshingano zarwo, ati 'Ni uburenganzira bwa Minisiteri y'Ubuzima bwo kuvuga ngo 'reka twe gukomeza gushyira ubuzima bwawe mu kaga ube ugiye ku ruhande'. Niyo mpamvu mwagiye mubona abatabishatse kandi barahawe amahirwe ari ho haturutse ibyemezo byo kuba bamwe muri bo bahagaritswe.'

Yavuze ko baramutse bisubiyeho bakemera gukingirwa hari inzira binyuramo zo kuba basubizwa mu kazi bityo byazarebwaho n'inzego zibishinzwe.

Twagerageje kuvugisha abaforomo birukanywe mu kazi kugira ngo bagaragaze impamvu nyamukuru ibabuza kwikingiza ntibyadukundira kuko bamwe telefoni zabo zitari ku murongo naho abandi bakaba bavuze ko bahuze kandi ntacyo bashaka kuvuga.

Hasobanuwe iby’abaforomo batanu barimo abakoraga mu Bitaro bya Gitwe birukanywe kubera kwanga kwikingiza Covid-19

Minisitiri Aurore Mimosa Munyangaju

Mu ijambo yagejeje ku bafatanyabikorwa n’Abanyarwanda muri rusange, Minisitiri Munyangaju yavuze ko ari icyubahiro ku Rwanda kuba rwaratoranyijwe kandi rukongerwa ku ngengabihe y’irushanwa rya IRONMAN 70.3 Triathlon.

Yagize ati “Aya mahitamo ni ikindi kintu cyo gushimira abafatanyabikorwa haba mu gihugu ndetse no ku rwego mpuzamahanga, mu kuzirikana no gushyigikira imbaraga igihugu cyacu cyashyize mu bikorwa bya siporo.”

Minisitiri Munyangaju yakomeje avuga ko mu izina rya Guverinoma y’u Rwanda, yizeza ko ibikenewe byose bizakorwa kugira ngo iyo mikino izagende neza, ndetse ku bufatanye n’abarimo kugitegura, ati “tuzatanga ibirori bitazibagirana”.

Abayobozi baje kumenyekanisha iby’uwo mukino mu Rwanda, barimo umushoramari Serge Pereira na Cindy Descalzi, ku mugoroba wo ku wa Kabiri tariki 18 Mutarama 2022, akaba aribwo bakiriwe na Perezida wa Repubulika, Paul Kagame, muri Village Urugwiro.

Uyu mukino ukaba ukubiyemo imikino itatu irimo uwo koga, kwiruka ku maguru ndetse no gusiganwa ku igare. Abawitabira bakaba basiganwa mu ntera ndende, ari yo mpamvu witwa IRONMAN 70.3 Triathlon.

Abakinnyi bazitabira IRONMAN 70.3 Triathlon Rwanda, aboga bazakora intera ya kilometero 1.9 mu kiyaga cya Kivu, mu mukino w’igare bazasiganwa ibilometero 90 ndetse no gusiganwa ku maguru ahazakinwa ibilometero 21.1 ku nkombe z’ikiyaga cya Kivu. Amarushanwa akaba ateganyijwe ku ya 14 Kanama 2022 i Rubavu.

U Rwanda rubaye urwa kane muri Afurika rugiye kwakira iyo mikino, nyuma ya Afurika y’Epfo, Misiri na Maroc.

Igitego kimwe rukumbi cya Musanze FC cyatsinzwe na Irokan Samson Ikechuku cyahesheje Musanze FC amanota 3 imbere ya Gasogi United.

Kuri Stade Ubworoherane kuri uyu wa Kane tariki ya 20 Musanze FC yari yakiriye Gasogi United mu mukino w’umunsi wa 13 wa shampiyona y’icyiciro cya mbere umwaka w’imikino 2021-22.

Bagiye guhura Musanze FC iri ku mwanya wa 6 n’amanota 17 ni mu gihe Gasogi United yari iya 7 n’amanota 16.

Gasogi United yaje gukora impinduka hakiri kare ku munota wa 9 havamo Heron Berrian wagize ikibazo cy’imvune nyuma yo gutera ishoti mu izamu ryari ririnzwe na Ntaribi Steven, yahise asimburwa na Tuyisenge Hakim.

Musanze FC yari yakomeje kwisirisimbya imbere y’izamu rya Gasogi United, yaje gufungura amazamu ku munota wa 14 gitsinzwe na Irokan Samson Ikechuku ku mupira yari ahawe na Niyonshuti Gad Evra.

Ku munota wa 26, Gasogi United yabonye kufura ku ikosa Niyitegeka Idrissa yakoreye kuri Nkubana Marc, yatewe na Prosper Rugangazi ariko umunyezamu Ntaribi Steven ayohereza muri koruneri itagize icyo itanga.

Ku munota wa 39 ku makosa y’ubwugarizi bwa Gasogi United, Namanda yabonye amahirwe ariko ateye mu izamu, umunyezamu Didier arawufata. Igice cya mbere cyarangiye ari 1-0.

Gasogi United yatangiye igice cya kabiri ikora impinduka, Prosper aha umwanya Hassan Kyikoyo.

Ku munota wa 48 Nsengiyumva Mustapha yahawe umupira mwiza ariko ateye mwiza uca hanze yaryo.

Ku munota wa 58, Ntaribi Steven yakoze akazi gakomeye akuramo umupira wari uvuye kuri koruneri yari itewe na Bugingo Hakim.

Gasogi United yakomeje gushaka uko yishyura iki gitego ariko biranga umukino urangira ari 1-0.

Indi mikino y’umunsi wa 13 yabaye ejo, APR FC yatsinze Gorilla FC 1-0, AS Kigali yatsinze Bugesera FC 2-1, Kiyovu Sports yanganyije na Etoile del’Est ni mu gihe Rayon Sports yatsinze Etincelles 2-0.

11 ba Musanze FC babanje mu kibuga

11 ba Gasogi United babanje mu kibuga

Ba kapieni mbere y’umukino bari kumwe n’abasifuzi

Ni umukino warimo ishyaka ryinshi

Kapiteni wa Musanze FC, Idrissa acikana umupira Nsengiyumva Mustapha wa Gasogi United

Perezida wa Musanze FC, Trump akurikirana umukino

KNC areba uko ikipe ye itsindwa

Idrissa hagati y’abakinnyi ba Gasogi United

Ingwe yari yazanywe na Gasogi United nayo yari yumiwe

Bishimira igitego cya Samson Ikechuku

Kuri uyu wa Kane ikipe ya AS Kigali imaze gusinyisha umukinnyi wakinaga mu kibuga hagati mu ikipe ya Vipers yo muri Uganda.

Uyu mukinnyi mu minsi ishize yigeze guhamagarwa mu ikipe y’igihugu “AMAVUBI” ariko ntiyigeze ahabwa umwanya wo gukina n’ubwo yaje mu bakinnyi 18.

Ikipe ya AS Kigali kuri uyu wa Gatatu ni bwo yerekanye abatoza bashya ari bo Mike Mutebi nk’umutoza mukuru, aho azaba yungirijwe na Jackson Mayanja, aba bombi bakaba bakomoka mu gihugu cya Uganda.

Abaturage bishimiye kuba basuwe n’Umuyobozi w’akarere, bamugaragariza ko babayeho neza

Ni muri gahunda y’ubuyobozi bw’Akarere ka Rulindo yo kwegera abaturage, mu rwego rwo kumenya uko babayeho, abafite ibibazo bigashakirwa umuti.

Ni abaturage bamuhundagajeho amashyi n’impundu, bashimira Ubuyobozi bw’igihugu bwabakuye mu manegeka bukabaha icyerekezo cy’imibereho myiza, aho batuye heza kadi hafi y’ibikorwa remezo binyuranye.

Umwe muri abo baturage yagize ati 'Ntako bisa kuba Meya n’inshingano nyinshi aba afite, afata akanya ko kuza kutuganiriza, yumva ko hari ikibazo dufite kugira ngo agikemure.

Mugenzi we ati 'Ibi ni byiza, abayobozi iyo begereye abaturage bagira akanyamuneza bakibonamo igihugu nk’umubyeyi. Ibi ni ubuyobozi bwiza bureberera abaturage, bwitangira abaturage, twari twaranze kuva kuri Gakondo ariko ubu turishimye, byari kuzashyira ubuzima bwacu mu kaga'.

Undi nawe yashimiye ubuyobozi kuba budahwema kubitaho, ati 'Turashimira Leta yatuvanye mu manegeka aho twari dutuye nabi dusenyerwa n’imvura, bakatwubakira bakatuzanira n’ibikorwa remezo, ubu dufite icyerekezo cy’imibereho myiza'.

Meya Mukanyirigira Judith umaze igihe gito atorewe kuyobora Akarere ka Rulindo, aherekejwe na bamwe mu bakozi b’ako karere, bakomeje gahunda yo gusura abaturage mu ngo, cyane cyane abatujwe mu midugudu itandukanye baganira n’abayitujwemo, mu rwego rwo kumenya ibibazo bafite no kubishakira ibisubizo birambye.

Rulindo ni kamwe mu turere twagiye turangwamo ibiza by’imvura byagiye bisenyera abaturage, biba ngombwa ko Leta ishyira imbaraga mu kubakira abaturage imidugudu babimura mu manegeka.

Ku wa Gatatu tariki ya 19 Mutarama 2022 muri aka Karere habaye inama yahuje Abanyamabanga Nshingwabikorwa b'Utugari 30 two mu mirenge umunani n'ubuyobozi bw'Akarere ndetse n'inzego z'umutekano.

Iyi nama yanitabiriwe n'Abanyamabanga Nshingwabikorwa b'imirenge ya Kigina, Musaza, Kirehe, Gatore, Mpanga, Kigarama, Gahara na Nyarubuye.

Nyuma yayo Abanyamabanga Nshingwabikorwa b'Utugari 30 bahawe amabaruwa abasaba ibisobanuro ku mpamvu badashyira imbaraga mu kurwanya COVID-19 bituma aho bayobora hakomeje kugaragara abaturage batubahiriza amabwiriza kandi ntibafatire ibihano.

Muri iyi baruwa yasinywe n'Umuyobozi w'Akarere ka Kirehe, Rangira Bruno, isaba uwayihawe gutanga ibisobanuro bitarenze iminsi itatu y'akazi.

Umwe mu Banyamabanga Nshingwabikorwa baganiriye na IGIHE utifuje ko imyirondoro ye itangazwa yavuze ko ari akarengane bari gukorerwa n'ubuyobozi bw'Akarere.

Yakomeje agira ati “Guca amande abaturage byaduteranyije na bo kandi nibo duha serivisi none twabaye nk'abanzi.”

Undi yagize ati 'Iyo hatabonetse abacibwa amande amakosa ajya kuri njye.'

Umuyobozi w'Akarere ka Kirehe Rangira Bruno yahakanye ibyo gutegeka aba bayobozi kwaka amafaranga abaturage, avuga babasaba kugenzura uko amabwiriza yubahirizwa.

Yagize ati “Ntabwo ari ukwaka amande abaturage, hari amabwiriza yashyizweho yanasohotse mu myanzuro y'Inama y'Abaminisitiri agamije kurinda ikwirakwizwa rya COVID-19. Abo twahaye inzandiko ni aho byagiye bigaragara ko batarimo kuzuza inshingano zabo zo gushyira mu bikorwa ingamba zashyizweho zo kwirinda iki cyorezo.”

Yavuze ko bari bamaze ukwezi kose babagira inama ku buryo ngo bisigaye bigaragara ko mu masantere menshi hagaragaramo abaturage batambaye udupfukamunwa.

Ati ” Ntabwo tubasaba ko bahana, tubasaba ko bashyira mu bikorwa amabwiriza bakurikirana abantu batayubahiriza kandi iyo unagiye kureba ntabwo twibanda ku bihano twibanda ku kuntu iyo dukoze ubugenzuzi mu matsinda y'Akarere n'Intara ko iyo ugenda mu muhanda ugenda usanga hari abaturage batayubahiriza tukababaza tuti 'mwe mubikoraho iki?”

Meya Rangira yavuze ko mu tugari batse ibisobanuro ahenshi unasanga hari imibare y'ubwandu yazamutse kubera kutubahiriza intera n'ubugenzuzi bakaba basabye aba bayobozi kwegera abaturage bakabagira inama ndetse bakanabigisha uburyo bahana intera.

Kuri ubu Akarere ka Kirehe gafite abaturage 171 banduye COVID-19.

Inyubako ikorererwamo n’Akarere ka Kirehe