Mu Kiganiro Sky2 yatangaje ko akimara guhamya isezerano n'umugore we, yavuze ko uyu mugore we bafitanye amateka akomeye, bacanye mu bihe bikomeye ariko ntibacike intege iyi ikaba ari imwe mu mpamvu zatumye amushaka.
Sky2 yahamije isezerano rye mu mategeko
Yagize ati'' Njye n'umugore wange twatangiye gukundana mu 2014, tubana mu 2017 mu gihe cy'umwaka turangije turatandukana, twongera gusubirana mu 2019 ari nabwo namuteraga inda tubyara umwana mu 2020 witwa Hirwa Sabin Brayn A.K.A dop Boy.'' SKY 2 yakomeje ati'' Rero gufata icyemezo cyo kujya mu murenge nagifashe bitewe n'uburyo namubonye, urumva umuntu nk'uyu tumaze igihe twizerana yandinze byinshi birimo gusesagura, gufungwa, rero naricaye ndavuga ngo uyu mugore twacanye mu bihe bikomeye twanabanye mu rugo kwa papa na mama reka mwereke icyizere murinde n'amagambo.''
Uyu munsi hakomeje Urubanza rw'ubujurire ruhereye mu mizi rwa Jean Paul Birindabagabo ushinjwa Kwica Abatutsi batabarika I Rukumberi Aho yakwirakwizaga interahamwe ndetse n'abasirikare muri Sake yifashishije imodoka ye ya Pick up yari yarahawe akabeshya ko yayiguriye kandi yarahatuye ari Gatumwa kugirango arangize umugambi wa Jenoside watangiye kuva kera
Birindabagabo Jean Paul, ukurikiranyweho kugira uruhare muri Jenoside yakorewe Abatutsi mu cyahoze ari komini Sake, ubu ni mu murenge wa Rukumberi mu karere ka Ngoma; yagejejwe i Kigali akuwe muri Uganda, aho yafatiwe mu mwaka wa 2015 yarahinduye amazina kuko yari yariyise Pastor Bagabo Daniel.
Birindabagabo Jean Paul bivugwa ko yaje gutura Sake muri za 1982 aturuka muri Kibirira Kugirango aze Rukumberi yenyegeze urwango ndetse no gutegura Jenoside yitwaje kuba Umuvugabutumwa muri ADEPR abeshya ko yabereye Pasiteri.
Birindabagabo ubwe yiyemerera ko mu modoka yari atwaye imbunda ikomeye ya FAR yo mu bwoko bwa L16 81mm mortar yicaga Abatutsi ba Sake kuko Jenoside itangira nta Musirikare w'inkotanyi wari wakageze yo (Rukumberi)
Birindabagabo Jean Paul atakamba asaba Imbabazi avuga ko abo basirikare bagendanaga bica Abatutsi abafasha no kujya muri Etat Major ndetse n'indi mirimo yabo yabikoze ku gahato ka Gisirikare, Nyamara abarokokeye Rukumberi barimo Protais Rutagarama na Kabandana Callixte batangaza ko ari we wavugaga ijambo rya nyuma k'umututsi ndetse n'abo basirikare ari we wabahaga amabwiriza ndetse akaba ari nawe wakira raporo, yewe hari n'abatangabuhamya bamubonye agiye kubazana I Kibungo
Avuga ko we nta mututsi yishe ahubwo yabikoraga ku gahato nubwo abarokokeye Jenoside I Rukumberi bo bavuga ko yabishe ahubwo gupfukama mu rukiko ndetse no kurira Ari amarira y'ingona, Birindabagabo Jean Paul yasabye kwicara kuko arwaye umugongo arabyemererwa, bikaba byakuruye abari bakurikiye urubanza aho bajujuraga bati nta cyiza nk'ubutabera butamugerera mu mbaga y'abatutsi yishe dore ko ngo nta n'uruhinja rwamurokokeraga mu ntoki.
Rutagarama Protais yari umuturanyi wa Birindabagabo Jean Paul ndetse baranaganiraga byimbitse kuko yamubwiye ko akomeye ataba Burugumesitiri wa Komini
Mu gihe abamwunganira mu mategeko bamwunganiraga bashimangiye ko yajyanywe kwifatanya na FAR ku gahato ka Gisirikare bitari mu bushake bwe kandi Atari kubasha kubigobotora, Basanga ahubwo yahabwa Imbabazi nkuko azisabira hakabaho inyoroshyacyaha kuko ibigize icyaha bituzuye
Uwunganira Birindabagabo Jean Paul, Me Alex yavuguruzanyije n'Umuburanyi avuga ko adakwiye kuryozwa ibyaha byakozwe n'abasirikare yatwaraga , Abacamanza bamubaza impamvu we ubwe yemera icyaha akagisabira Imbabazi avuga ko agirango amategeko amworohereze igihano, Abunganira mu mategeko Jean Paul Birindabagabo bahawe iminota itanu yo guhuza kuko barimo kuvuguruzanya
Ubushinjacyaha bwavuze ko Birindabagabo Jean Paul yari afite imbaraga zikomeye kuko yagize Uruhare mu kwirukanisha Burugumesitire wa Komine Sake, Byemero Venant wari wamubujije gukomeza kuyogoza igihugu, Bwavuze ko Byemero yirukanwe n'itangazo ryatambutse kuri Radio Rwanda nta nama yateranye bivuze ko Birindabagabo yavugaga rikijyana muri MRND
Muri Mata 1994 Birindabagabo niwe wagiye I Kibungo mu mugi kuzana Abasirikare ntabwo Abasirikare bamusanze iwe Niba Tariki ya 8 nta Musirikare w'inkotanyi wari wakageze Rukumberi abo basirikare n'imbunda mu modoka ya Birindabagabo bajyaga hehe? Bari baje kwica no guhiga Abatutsi.
Kabandana Callixte ni umwe mu barokokeye i Rukumberi wabonye uko Birindabagabo yagize uruhare mu kwica abatutsi baho
Abatangabuhamya benshi bakomoka muri Sake bemeza badashidikanya ko babonye Birindabagabo Jean Paul yambaye impuzankano ya FAR, Maze atwara ingabo zarimbuye Abatutsi bari bahungiye kuri ADEPR ndetse n'ahandi hatandukanye harimo na Bariyeri yishingiye iwe
Imodoka ye akenshi yagiye inifashishwa mu kwicira abantu kuri Nyabarongo kuko Rukumberi yari imaze kuzura, Byemezwa ko Birindabagabo yahungiye iwabo Kibirira naho akomerezayo ubwicanyi bwahitanye Abatutsi batarondoreka kuko yashinze Bariyeri ayita Nyirantarengwa afite Icyombo cya Gisirikare n'imbunda nto izwi nka Masotera.
Urubanza rwa Birindabagabo Jean Paul rukaba ruzakomeza Tariki ya 31 Mutarama 2022, Impamvu zatanzwe ni uko Iminsi iri imbere urukiko ruzaba rufite Inshingano nyinshi kandi Birindabagabo yasabwe kuzaza yitwaje ibigaragaza uko abatangabuhamya bivuguruje muri uru rubanza.
Muri uru rubanza rw’ubujurire, Ubushinjacyaha buvuga ko Urukiko Rukuru rworohereje ibihano Rusesabagina, Nsabimana Callixte na Nizeyimana Marc, nyamara ngo bari abayobozi b’Umutwe wa MRCD-FLN.
Umushinjacyaha witwa Ruberwa Bonaventure yagize ati “Icyo twifuza ko Urukiko rw’Ubujurire rwazatangaho umurongo ni ikijyanye n’uburyo Umuyobozi (wa MRCD-FLN) nk’umuntu watanze inkunga ya ngombwa, washishikarije, atafatwa nk’uwagize uruhare mu gikorwa cy’iterabwoba ahubwo afatwa nk’uwakoze igikorwa cy’iterabwoba'.
Nsabimana Callixte wahawe umwanya wo kwisobanura yavuze ko nk’uwari umuvugizi wa FLN atari we wari ukwiriye guhanishwa igifungo cy’imyaka 20, mu gihe uwitwa Col Gatabazi Joseph ngo wari uyoboye ibikorwa by’iterabwoba by’uwo mutwe arimo gutegurirwa i Mutobo gusubizwa mu buzima busanzwe.
Yagize ati “Icyo ntemeranywaho n’Abashinjacyaha ni ukumva ko ngomba kubazwa ibyo bikorwa bya gisirikare byakozwe n’abarwanyi ba FLN, mu gihe Col Gatabazi Joseph wari ushinzwe ‘operations militaires’, yari akuriye ‘Etat Major’ yose ya FLN bamujyanye i Mutobo mu ngando ngo bamusubize mu buzima busanzwe'.
Nsabimana avuga ko bitari bikwiye ko ari we ufatwa agafungwa cyangwa akabazwa ibyakorewe mu Rwanda we yibereye mu gihugu(ibirwa) cya Comores, ari 'umuvugizi udafite ijambo na rito ku ngabo za FLN'.
Nizeyimana Marc wakatiwe igifungo cy’imyaka 25 yisobanuye avuga ko Urukiko rukuru rutitaye ku bisobanuro yatanze arubwira ko nta gitero na kimwe yigeze agaba ku butaka bw’u Rwanda, kuko ngo byose byakorerwaga muri Congo, kandi ko yari umusirikare usanzwe mu ngabo za MRCD-FLN.
Ubushinjacyaha ntabwo bwemeranywa na Nizeyimana Marc ngo wafashwe ashoreye abarwanyi barimo kuva muri Congo bambukira muri Nyungwe, we akavuga ko yaganaga muri iryo shyamba ryitwa Kibira ku ruhande rw’u Burundi.
Uwitwa Nshimiyimana Emmanuel na we yagiye impaka n’Ubushinjacyaha imbere y’Urukiko, aho yaburanaga ku cyaha cyo kuba mu mutwe w’iterabwoba, ngo yinjijwemo ku ngufu kandi yari umwana w’imyaka 17.
Ubushinjacyaha buvuga ko kuba Nshimiyimana yari umwana ngo byaba impamvu nyoroshyacyaha ariko bitatuma agihanagurwaho burundu.
Urukiko rwamaze kumva Ubushinjacyaha n’abaregwa, rutangaza ko ku wa mbere w’icyumweru gitaha ruzumva Ubushinjacyaha n’abaregwa bazaba bisobanura ku bihano bahawe, hanyuma ku wa Gatatu rukazakomeza rwumva abaregera indishyi.
Minisiteri y’ubuzima itangaza ko guhera kuwa 23 Ugushyingo Rwanda hazatangira igikorwa cyo gukingira COVID-19 ku bana b’ingimbi bari hagati y’imyaka 12 na 18 aho abayeyi basabwa kuzaborohereza mu kubafasha kuzuza ibisabwa ngo bikingize. Abinyujije ku rukuta rwe rwa twitter, umunyamabanga wa Leta Muri Minisiteri y’ubuzima Lt Col. Dr Mpunga Tharcisse yatangaje ko iki gikorwa kizatangira kuri uyu wa kabiri taliki ya 23 Ugushyingo 2021, akangurira ababyeyi kuzuzuriza abana babo icyangombwa gisabwa (…)
Izo ntumwa zakiriwe n’umuyobozi wa Task Force (JTFC) Maj Gen Innocent Kabandana, aherekejwe n’abayobozi bakuru mu Ngabo z’u Rwanda, yabasobanuriye uko umutekano uhagaze muri rusange n’ibikorwa by’Ingabo z’u Rwanda byo kurwanya iterabwoba muri ya Cabo Delgado.
Maj Gen Kabandana yashimye ubufatanye buri hagati y’inzego z’umutekano z’u Rwanda, SAMIM na FADM mu bikorwa byatumye haboneka ibisubizo bishimishije. Yashimangiye ko ari ngombwa gutegura no gukora ibikorwa byo kugaba ibitero bigamije gusenya ibirindiro by’iterabwoba muri Chai Macomia ndetse no mu bindi bice nka Pundanhiar na Nicha de Ruvuma.
Mu ijambo rye, Umuyobozi mukuru w’Ingabo za Afurika y’Epfo Jenerali Rudzani Maphwanya, yavuze ko intego y’uruzinduko rwe muri Mozambique ari ugusura Ingabo za SAMIM zoherejwe mu Ntara ya Cabo Delgado no gufata umwanya wo gusura ubuyobozi bw’Ingabo z’u Rwanda zoherejwe mu butumwa bumwe.
Urubuga rwa Minisiteri y’Ingabo z’u Rwanda, rwatangaje ko Gen Maphwanya yashimye ubufatanye mu bikorwa hagati y’ingabo; RSF, FADM na SAMIM kandi yasabye abayobozi bakuru mu Ngabo gukomeza ubufatanye mu rwego rwo kurangiza ibisigisigi by’iterabwoba muri Cabo Delgado.
Yongeyeho ko ibyo bizafasha abaturage gusubira mu ngo zabo kandi bibashyigikire mu kubyutsa ibikorwa by’ubukungu bityo bibabere inzira y’amahoro arambye.
Yagaragaje kandi ko hakenewe igenamigambi no gushyira mu ngiro byihuse ibikorwa bihuriweho, kugira ngo batsinde iterabwoba no mu bindi bice bitandukanye.
Mu cyumweru gishize inama y’abayobozi b’Ingabo za SADC yarateranye, hasabwa ko Ingabo zihuriweho z’uyu muryango ziri muri Mozambique (SAMIM), zihabwa ubufasha bw’ibikoresho mu kongera imbaraga mu bikorwa byazo.
Nk'uko urubuga www.webmd.com, aho bagira bati iyo utwo dukoko twiyongereye kubera impamvu zitandukanye zirimo isuku nke, ubwirinzi bw'umubiri budakomeye, tuba dushobora gutera ibibazo by'ubuzima harimo no kwishima mu myanya y'ibanga hakaba hacika ibisebe. Ubu burwayi bufata abagore benshi kuko abagera kuri 75% bibasirwa nabwo rimwe cyangwa kenshi mu buzima bwabo. Si abagore bafatwa n'ubu burwayi gusa n'abagabo baraburwara uretse ko abagore ari bo bibasirwa cyane.
Ibimenyetso:
Kumva mu myanya y'ibanga haryaryata no kwishima Gucika ibisebe( biterwa no kwishima) Kubabara igihe umaze kwihagarika( aha biterwa nuko haba hari ibisa n'udusebe) Kokerwa Hari n'abazana uduheri mu nyanya y'ibanga. Kugira impumuro mbi mu myanya y'ibanga benshi bita gushiriza inkono. Abashobora kwibasirwa n'ubu burwayi:
Abafite ubwirinzi bw'umubiri budakomeye Ababyeyi batwite Abarwaye diabete Bamwe mu bakoresha imiti ya antibiotic (igabanya ububare ) igihe kirekire. Abagira isuku nke
Uko wakwirinda ubu burwayi
Kugira isuku mu myanya y'ibanga uhakaraba amazi menshi kandi meza. Kwambara imyenda y'imbere (sous vetements) ikozwe muri cotton, ndetse yameswa ikanikwa ku zuba ryinshi cyangwa igaterwa ipasi. Irinde kwambara imyenda ihambiriye cyane iriya myanya, nijoro wirinde kurarana imyenda y'imbere. Menya guhindura ibikoresho by'isuku(cotex) mu gihe uri mu mihango byibura 2 ku munsi kandi ubikore wabanje gukaraba neza.
Hashize iminsi ku mbuga nkoranyambaga hacicikana video y'umusore wahennye mu bakwe ubwo yageragezaga gukora amafiyeri akoresheje champagne yari agiye gupfundurira mu bukwe nyuma ikaza kumucika ikameneka.
Yitwa Noël Nkurunziza akaba ari umusore w'imyaka 39 y'amavuko akaba ari umwana wa 6 mu bana 8 (abahungu 5 n'abakobwa 3). Aganira na kimwe mu bitangazamakuru bikorera kuri YouTube, Noël yavuze ko yakunze akunda gukina umupira w'amaguru dore ko banamwitaga akabyiniriro ka Ronaldinho.
Ku bijyanye n'ibyatumye amenyekana cyane aribyo byo kumena champagne mu bukwe. Noël yavuze ko umukobwa yatindanye ibirahuri bigatuma Noël akomeza kuzunguza champagne ategereje ko umukobwa wari uzanye ibirahuri ahagera. Umukobwa yarahageze maze Noël yibeshya ko umukobwa ari hafi ye ku buryo akaraga champagne akayipfundura ahise ayisuka mu birahuri niko kumucika yikubita hasi irameneka
Icyo gihe champagne ikimeneka, Noel yasobanuye ibyabaye mu magambo agira ati ” Icyo gihe abasaza bahise bambwira bati Humura, hari abavuze ngo ziraryoshye abandi barambwira bati humura ihangane⦠” Bazanye indi, ubwo umusore w'umucordinateri ahita avuga ati ” Have utongera ukadukorera amabara “. Ubwo uwo musore yahise afungura iyo champagne yindi bari bazanye.
Iki ni kimwe mu bibazo bihangayikisha abashakanye ndetse bishobora kuzana umwuka ubi hagati yabo, aho umugore utihangana ashaka abamukemurira ikibazo nyamara hari ibindi ushobora gukora bikaba byacyemura iki kibazo cyane cyane mu gihe ari ikibazo cyaje nyuma utari ugisanganywe.
Ikintu cya mbere gishimisha abashakanye ni ibiganiro bizira amakemwa ndetse mu gihe gutera akabariro byanze, kuganira kuri iki kibazo ni wo muti wa mbere.
Mubwire ibiguhangayikishije ndetse n'ibyo wifuza. Abagore bamwe bacyeka ko kudashyukwa biterwa nuko uba utakimwishimiye akaba yakishinja amakosa atazi cyangwa akiyanga cyane cyane iyo hari impinduka yabaye ku mubiri we. Muganire kuri byose kandi mufatanye gushaka umwanzuro munakomezanye.
2. Gerageza kuruhuka no gutuza
Guhangayika, kwiheba ni bimwe mu biza ku isonga mu bitera kudashyukwa. Ndetse no gutekereza ko utari bushimishe umugore mu buriri koko bituma wishaka ukibura kuko ubwonko wamaze kubibumenyesha.
Niba hageze ko ukora imibonano witekereza ku bibazo ufite ahubwo umwanya wawe munini wushyire aho ngaho kuri icyo gikorwa. Kubanza kwinjiza umwuka mwinshi, gukorerwa massage y'umugongo nabyo bifasha mu gutuma utuza kandi igikorwa kikagenda neza.
Meditation na Yoga ni bimwe mu bigufasha gushyira ubwenge hamwe
3. Ongera urebe ibyiza biri ku wo mubana
Uribuka mugiteretana? No kumukoraho byonyine cyangwa kubona ikibero cye byakuzamuriraga ibyiyumviro. Gerageza ugarure ibyo bihe. Ikuremo ko mumenyeranye, kuba akwambarira ubusa imbere wibifata nk'ibisanzwe. Murebe nk'aho ari mushya imbere yawe, umusome nk'aho ari ubwa mbere, umukorakore wumva ko ari mushya.
Hari imiti kandi ishobora gutera kudashyukwa neza. Niba byaraje nyuma yo gufata imiti runaka cyangwa mu gihe wayifataga wagana muganga mukabiganiraho. Imwe mu miti ivura ubwivumbure, ivura depression, igabanya uburibwe ndetse n'iringaniza umuvuduko w'amaraso ishobora kubitera. Gusa ntuzayihagarike utabibwiwe na muganga.
5. Gabanya ibiro ukunde siporo
Kugira umubyibuho ukabije ni kimwe mu bitera kudashyukwa ku bagabo benshi. Kugabanya ibiro no gukora siporo ni kimwe mu bifasha kongera kwishaka ukibona.
Ubushakashatsi bugaragaza ko siporo ya Kegel ari imwe muri siporo nziza zifasha abafite ikibazo cyo kudashyukwa.
Siporo ni bumwe mu buryo bwagufasha
6. Hanga udushya
Ntabwo uburiri ari bwo bwagenewe gukorerwamo imibonano gusa. Iwawe hose urahemerewe upfa kuba wisanzuye gusa. Muri salon mumaze gufungura, muri corridor muvuye guhaha, ahantu hose wabikorera kandi bikagenda neza hashakishe. Gerageza uhindure aho bikorerwa, uko bikorwa, igihe n'umwanya. Hari n'igihe akamenyero gatuma ubushake bugabanyuka.
7. Wicogora
Rimwe na rimwe hari igihe uburwayi buza bukagutindaho ukarambirwa. No kuri iki kibazo rero niyo waba ufata imiti ukabona nta gihinduka wirambirwa cyangwa ngo ucike intege kuko hari igihe ikibitera cyaba kitaramenyekana dore ko no kudashyukwa bishobora kwerekana uburwayi bw'umutima.
Ikipe ya Algeria yatwaye igikombe cya Afurika giheruka muri 2019 yasezerewe igayitse na Cote d'Ivoire yayitsinze ibitego 3-1 bituma iva muri iki gikombe ari iya nyuma mu itsinda ndetse yinjije igitego 1 gusa.
Algeria yaje ishaka gutsinda uyu mukino ngo igere muri 1/16,yahuye n'abasore ba Cote d'Ivoire bari ku rwego rwo hejuru barayinyagira karahava isezererwa iri ku mwanya wa nyuma mu Itsinda E.
Algeria yasezereye Cote d'Ivoire muri 1/4 mu gikombe cya Afurika cya 2019 kuri penaliti 4-3 nyuma yo kunganya igitego 1-1.
Uyu munsi Cote d'Ivoire ifite abakinnyi bo hagati bakomeye nka Frank Kessie,Ibrahim Sangare na Jean Michel Seri,yaruhije iyi Algeria iyisezerera nabi cyane.
Ikipe ya Cote d'Ivoire yafunguye amazamu ku munota wa 23 ku gitego cyiza cyatsinzwe na Frank Kessie ku mupira mwiza cyane yahawe na Nicolas Pepe.
Algeria yayobewe ibiyibayeho,yakomeje gukina ihuzagurika byatumye ku munota wa 40 Ibrahim Sangaré ayitsinda igitego cya kabiri n'umutwe nyuma y'umupira mwiza yahawe na Serge Aurier.Igice cya mbere cyarangiye ari 2-0.
Mu gice cya kabiri,Cote d'Ivoire yagarutse imeze nabi nabwo ihita ibona igitego cya 3 ku munota wa 54 gitsinzwe na Nicolas Pepe uhagaze neza cyane muri iyi minsi ku mupira mwiza yahawe na Sebastien Haller.
Ku munota wa 60,Algeria yahawe penaliti ariko Riyad Mahrez wayihawe ayitera nabi igarurwa n'igiti cy'izamu.
Ku munota wa 73 nibwo Algeria yabonye igitego cy'impozamarira ndetse cya mbere yatsinze muri iri rushanwa cyatsinzwe na Bendebka n'umutwe ku mupira mwiza yahawe na Mandi.
Cote d'Ivoire yabonye amahirwe menshi yo kubona ibitego bindi ariko ntiyayabyaza umusaruro kugeza ku munota wa nyuma ubwo Sebastien Haller yatsindaga igitego cya 4 ariko VAR yemeza ko yari yaraririye
Algérie ifite Igikombe cya Afurika giheruka yasezerewe muri iri rushanwa nyuma yo gutsindwa na Côte d'Ivoire ibitego 3-1
Algérie na Ghana ni byo bihugu by'ibigugu bimaze gusezererwa muri iri rushanwa riri kubera muri Cameroun.
Algeria yasubiyemo ibyo yakoze mu mwaka wa 1990 ubwo yatwaraga igikombe cy'Afurika hanyuma igasezererwa mu matsinda muri 1992.Yananiwe kurenga amatsinda yari yatwaye igikombe 2019.
Muri iri tsinda,Sierra Leone yatsinzwe igitego 1-0 na Equatorial Guinea cya Ganet bituma isezererwa.
Ku nshuro ya mbere bitabiriye AFCON, ibirwa bya Comoros birenze amatsinda bizahura na Cameroon kuya 24 Mutarama 2022 muri 1/16.
Bamwe mu bagore bo mu mujyi wa Musanze mu karere ka Musanze , barimo abatwite n’abonsa, bavuga ko bamaze gusobanukirwa n’akamaro ko kwikingiza covid 19 , none ubu bakaba basigaye babyitabira kugira ngo birinde kuyandura no kuyanduza abana babo. Umwe mu bagore bari baje kwikingiriza kuri site ya Kariyeri iherereye mu mujyi wa Musanze, Ugiriwabo Rose, avuga ko impamvu yaje kwikingiza covid-19 ari uko yumvise nk’umugore akwiye kugira uruhare mu (…)
Sky2 yavuze ko yasezeranye n'umugore akunda cyane
