Author: webrwanda

Izi nyamaswa zica imitavu, zikanakomeretsa bamwe mu borozi. Gatabazi yavuze ko hari inama zatanzwe kandi ubuyobozi bugiye kujya bwihutisha igikorwa cyo kwishyura abangirijwe n'izo nyamaswa anabashishikariza gushaka ubwishingizi bw'amatungo yabo.

Ati 'Turifuza ko abaturage baba inshuti na parike ndetse n'inyamaswa ziyirimo zikaba inshuti n'abaturage ku buryo ku kibazo cy'inyamaswa ziva muri Parike zikajya kurya amatungo y'abaturage hari ibyo ubuyobozi bwa parike bwatugaragarije ndetse batweretse n'ingamba bafite zo kubirinda.'

Gatabazi asobanura ko abaturage bafite amatungo yariwe n'inyamaswa, bajya batangira raporo ku gihe, abafite imitavu bakayubakira ibiraro kuko inyamaswa zitazapfa kuyisanga mu biraro, abashumba nabo bagakora uburinzi bw'ijoro.

Umworozi wo mu Murenge wa Kigeyo witwa Gasasira Majoro Philippe, yagaragaje igihombo baterwa n'inyamaswa zirya amatungo yabo.

Ati 'Hari inyamaswa yadutse ituruka muri parike ikajya igenda yica imitavu mu bihe bitandukanye, ikajya iza rimwe na rimwe cyangwa ikamara iminsi itaza, ikica imitavu iyihereye inyuma mu matako igakuraho inyama, ikanakuramo ibyo mu nda. Ni ikibazo gikomeye, aborozi turababaye cyane kuko ni cyo gishoro cy'umworozi.'

Aborozi bavuga ko nubwo hari ikigega cya Leta cyishyura ibyangijwe n'inyamaswa zo muri pariki, batinda kwishyurwa kandi inka zabo zigahabwa agaciro gake, kuko bazibarira agaciro nk'inyarwanda kandi ari ingweba.

Kuva muri Kanama 2020, RDB imaze kwakira ibibazo by'inka 99 zariwe n'inyamaswa, ihene icyenda, intama 10 n'ibindi bibazo 49 by'imyaka y'abaturage yonwe n'inyamaswa. Umuntu umwe ni we wakomerekejwe n'inyamaswa muri ibyo bihe.

Inyamaswa zirya amatungo y'abaturage zirimo Impyisi, Imbwa, Ingunzu, Imondo n'Urutoni.

Abaturage baturiye Pariki ya Gishwati bahangayikishijwe n’inyamaswa zibonera

Amashusho yafashwe impanuka ikimara kuba ku wa Kane tariki 20 Mutarama 2022, agakwirakwizwa ku mbuga nkoranyambaga, agaragaza amazu menshi yasenyutse mu Mujyi wa Bogoso, uherereye mu bilometero magana atatu (300km) mu Burengerazuba bw’Umurwa Mukuru wa Ghana, Acra.

Mu itangazo ryasohowe na Minisitiri ushinzwe itangazamakuru, Kojo Oppong Nkrumah mu ijoro ryakeye, yagize ati 'Ikibabaje ni uko ubu byamaze kwemezwa ko abantu 17 bapfuye, na ho abagera kuri 59 bakomeretse, ni bo bamaze kugaragara'.

Seji Saji Amedonu, Umuyobozi wungirije w’Ikigo gishinzwe imicungire y’ibiza muri Ghana (NADMO), yavuze ko inzu zigera kuri 500 zasenyutse, nk’uko byatangajwe n’ibinyamakuru byo muri icyo gihugu.

Impanuka yabaye ubwo moto yagonganaga n’ikamyo yari itwaye intambi zituritswa mu bucukuzi bw’amabuye y’agaciro, yaganaga mu kirombe cya zahabu cya Chirano, gicukurwamo na Sosiyete yo muri Canada yitwa 'Kinross’.

Umuvugizi w’iyo sosiyete ya, Kinross, yemeje ko ari ko impanuka yegenze, avuga ko yabereye mu bilometero 140 uvuye aho ikirombe giherereye.

Polisi y’igihugu cya Ghana yagiriye inama abaturage batuye hafi y’aho habereye impanuka kuba bashatse aho baba bagiye hameze neza, mu gihe ibikorwa byo kuhatunganya ubu ngo birimo kwihutishwa.

Imijyi ituriye ahabereye iyo mpanuka yasabwe gufasha abataruge barokotse iyo mpanuka kuba babonye aho bacumbika, bakabafungurira ibyumba by’amashuri, insengero, nk’uko bitangazwa na Polisi y’icyo gihugu.

Perezida wa Ghana, Nana Addo Dankwa Akufo-Addo, abinyujije ku rubuga rwa Twitter, yagize ati 'Birabaje cyane, iki ni ikintu giteye agahinda, mu izina rya Guverinoma, nifatanyije n’imiryango yabuze ababo, kandi abakomeretse ndabifuriza gukira vuba'.

Ibi byabereye mu Murenge wa Mukarange mu Kagari ka Kayonza ahazwi nko mu Gasogororo, aka gace kakaba kari mu Mujyi wa Kayonza.

Amakuru avuga ko aba bakobwa bari basanzwe ari inshuti, noneho bakajya kwifata neza no gusangira mu kabari. Mu kuhagera, aba bakobwa bahasanze umusore nawe wari wagiye kwifata neza, aho yari yicaye wenyine yitaje abandi.

Amakuru avuga ko aba bakobwa babonye umusore bakuzura ubushagarira, ni uko bigira inama yo kujya kumuganiriza kuko yari yicaye wenyine. Aha rero niho havuye ibibazo, kuko bishatsemo umwe ujya kumuganiriza akabura, birangira ibyari imishyikirano bivuyemo imirwano, abari baje gusangira barahaguruka bafatana mu mashingu rubura gica.

Muri iyi mirwano, umwe muri abo bakobwa yaje kureba hirya arabukwa icyuma, nta kuzuyaza ubwo aba arakibatuye yadukira mugenzi we atangira kukimutera atitangiriye itama, akomeretsa inshuti ye ku matako, ku maboko ndetse no mu nda.

Ibikomere uyu mukobwa yagize byari bikomeye ku buryo yajyanywe kwa muganga igitaraganya, mu gihe mugenzi we wamuteye icyuma yabonye bikomeye agaca mu rihumye abari baje gutabara agahunga, ubu akaba akiri gushakishwa.

Umunyamabanga Nshingwabikorwa w’Umurenge wa Mukarange, Gatanazi Longin, yavuze ko amakuru y’ibanze agaragaza ko aba bakobwa bari basanzwe ari inshuti bapfuye uyu musore.

Ati 'Umukobwa umwe yateye icyuma mugenzi we ku kuboko, ku maguru no ku nda. Icyo bapfuye, ni uko bari bagiye mu kabari baza gupfa umusore bari bahahuriye baje gusabana, bananirwa kumvikana ku buryo bamuharirana birangira barwanye umwe atera mugenzi we icyuma.'

Uyu muyobozi yatanze ubutumwa bwo gukemura amakimbirane binyuze mu biganiro aho kuba mu mirwano ishobora gukomeretsa abantu.

Ati 'Ubutumwa dutanga mbere na mbere niba abantu bagiye gusabana bakwiriye gusabana ariko ntihazemo no kugirirana nabi, icya kabiri ni ubutumwa duha abikorera uwo banyweragaho yari yarenze no ku mabwiriza ya COVID-19 azabihanirwa, nibirinde banarinde abakiliya babo.'

Gatanazi yakomeje avuga ko akabari banyweragamo kahise gafungwa kuko katari kanubahirije amabwiriza yo kwirinda COVID-19.

Iryo cumbi ryubatswe mu 1940 riherereye mu Mujyi wa Huye munsi ya Sitade ya Huye, ahazwi nko ku i Taba. Gicanda yaricumbitsemo kuva mu mu 1964 kugeza mu 1994 ubwo yarikurwagamo akajya kwicwa muri Jenoside yakorewe Abatutsi.

Ni inzu yubatswe ubwo Umujyi wa Huye witwaga Astrida, nyuma uza kwitwa Butare. Yubatswe ku Itaba mu gice cyari cyaragenewe guturwamo n'abazungu n'abihayimana.

Umuyobozi w'Akarere ka Huye, Sebutege Ange, avuga ko hari umushinga w'uko iri cumbi rigomba gushyirwa mu Ngoro Ndangamurage z'u Rwanda.

Ati 'Iriya nzu hari umushinga ko igomba gushyirwa mu Ngoro Ndangamurage, ni umushinga wateguwe uzashyirwa mu bikorwa n'ikigo kireberera ingoro ndangamurage.'

Akomeza avuga ko kuri ubu hacungirwa umutekano kandi hagakorerwa n'isuku ihoraho mu gihe hagitegerejwe ko umushinga ushyira mu bikorwa.

INMR yatekereje ko iyo nzu yashyirwa mu nzu ndangamurage kuva mu 2010 kugira ngo yunganire mu Rukari aho Gicanda yabanaga n'Umwami Mutara III Rudahigwa mbere y'uko atanga muri 1959.

Umuyobozi w'ishami ry'ubushakashatsi muri INMR, Karangwa Jérôme, aherutse kuvuga ko batekereje ko yajya imurikirwamo ubuzima bwaranze Gicanda.

Ati 'Dutangira gushaka iriya nzu twashakaga ko yashyirwa mu mitungo ndangamurage y'Igihugu isurwa n'abantu. Twatekerezaga gushyiramo imurika ryerekeye ubuzima bwaranze Umwamikazi Rosalie Gicanda.'

Karangwa yavuze batekereje ko n'amateka y'Umujyi wa Huye yajya avugwamo kuko yubatswe mu gihe cy'ubukoloni, hakagaragazwa uko wubatswe n'uko wagiye ukura.

Biteganyijwe ko ubusitani bunini buri mu kibanza cy'iyo nzu buzatunganywa, abifuza kuruhuka bakabwifashisha kimwe n'abifuza kuhakorera ubukwe.

Ikindi giteganyijwe ni ukuyisana no kubaka urugo rukoze neza ku buryo uhatambutse ahabona akagira amatsiko yo kuhasura. Hazanashyirwaho ahantu ho kunywera amata hazirikanwa uko Umwamikazi Gicanda yayakirizaga abantu baje kumusura.

Amakuru ahari avuga ko inyigo yo gukora ibyo bikorwa yarangiye hakaba hategerejwe kuyemeza no gushaka amafaranga.

Gicanda yayicumbitse kuva mu 1964 kugeza mu 1994 ubwo yayikurwagamo akajya kwicwa muri Jenoside yakorewe Abatutsi

INMR yatekereje ko iyo nzu yagirwa ndangamurage kuva muri 2010 kugira ngo yunganire mu Rukari aho Gicanda yabanaga n Umwami Mutara III Rudahigwa

Iri cumbi ryubatswe mu 1940 riherereye mu Mujyi wa Huye munsi ya Sitade Mpuzamahanga ya Huye ahazwi nko ku i Taba

Iyi nzu iracyakomeye kandi imaze imyaka myinshi yubatswe

Ni inzu yubatswe ubwo umujyi wa Huye witwaga Astrida nyuma uza kwitwa Butare

Ibi byabereye mu Murenge wa Mukarange mu Kagari ka Kayonza ahazwi nko mu Gasogororo, aka gace kakaba kari mu Mujyi wa Kayonza.

Amakuru avuga ko aba bakobwa bari basanzwe ari inshuti, noneho bakajya kwifata neza no gusangira mu kabari. Mu kuhagera, aba bakobwa bahasanze umusore nawe wari wagiye kwifata neza, aho yari yicaye wenyine yitaje abandi.

Amakuru avuga ko aba bakobwa babonye umusore bakuzura ubushagarira, ni uko bigira inama yo kujya kumuganiriza kuko yari yicaye wenyine. Aha rero niho havuye ibibazo, kuko bishatsemo umwe ujya kumuganiriza akabura, birangira ibyari imishyikirano bivuyemo imirwano, abari baje gusangira barahaguruka bafatana mu mashingu rubura gica.

Muri iyi mirwano, umwe muri abo bakobwa yaje kureba hirya arabukwa icyuma, nta kuzuyaza ubwo aba arakibatuye yadukira mugenzi we atangira kukimutera atitangiriye itama, akomeretsa inshuti ye ku matako, ku maboko ndetse no mu nda.

Ibikomere uyu mukobwa yagize byari bikomeye ku buryo yajyanywe kwa muganga igitaraganya, mu gihe mugenzi we wamuteye icyuma yabonye bikomeye agaca mu rihumye abari baje gutabara agahunga, ubu akaba akiri gushakishwa.

Umunyamabanga Nshingwabikorwa w'Umurenge wa Mukarange, Gatanazi Longin, yabwiye IGIHE ko amakuru y'ibanze agaragaza ko aba bakobwa bari basanzwe ari inshuti bapfuye uyu musore.

Ati 'Umukobwa umwe yateye icyuma mugenzi we ku kuboko, ku maguru no ku nda. Icyo bapfuye, ni uko bari bagiye mu kabari baza gupfa umusore bari bahahuriye baje gusabana, bananirwa kumvikana ku buryo bamuharirana birangira barwanye umwe atera mugenzi we icyuma.'

Uyu muyobozi yatanze ubutumwa bwo gukemura amakimbirane binyuze mu biganiro aho kuba mu mirwano ishobora gukomeretsa abantu.

Ati 'Ubutumwa dutanga mbere na mbere niba abantu bagiye gusabana bakwiriye gusabana ariko ntihazemo no kugirirana nabi, icya kabiri ni ubutumwa duha abikorera uwo banyweragaho yari yarenze no ku mabwiriza ya COVID-19 azabihanirwa, nibirinde banarinde abakiliya babo.'

Gatanazi yakomeje avuga ko akabari banyweragamo kahise gafungwa kuko katari kanubahirije amabwiriza yo kwirinda COVID-19.