Author: webrwanda

Mu matariki 15 Mutarama 2022 nibwo iyi miryango yasabwe kuba ivuye mu ngo kubera ko hari hagiye guturitswa intambi. Iyo miryango ngo yaragarutse isanga amazu yose yaguye n’ibyari biyarimo byangiritse.

Ubusanzwe aha hantu hari hatuye imiryango 12 mu gutangira gukora umuhanda Nyagatare-Rukomo,imiryango umunani ihabwa ingurane irimuka naho imiryango ine iba ariyo ihasigara.

Aba baturage nyuma yo gusenyerwa ku bufatanye bw’ubuyobozi na kompanyi ya Stecol ikora umuhanda ari nayo yaturikije intambi, buri muryango wahawe amafaranga y’u Rwanda 30,000 harimo 10,000 frs yo gukodesha inzu n’aho andi akaba yo guhaha no gushaka ibindi bikoresho baba bifashisha.

Gusa ariko aba baturage bifuza ko bahabwa ingurane bakimukira ahandi aho bahsobora kwizera umutekano wabo n’ibyabo.

Umuyobozi w’akarere ka Nyagatare Gasana Stephen uherutse gusura aba baturage avuga ko ikibazo cyabo kirimo gushakirwa umuti.

Avuga ko bamaze kumenya ikibazo bajyanyeyo na RTDA ndetse na kompanyi yatsindiye gukora uyu muhanda basanga uretse amazu yangirika kubera ituritswa ry’intambi hari n’ikibazo cy’amazi ava aho ziturikirizwa akangiza imirima y’abaturage.

Ati 'Imirima yangijwe n’imivu y’amazi twasabye ko ibarurwa kugira ngo abaturage bishyurwe hanubakwe inzira y’ayo mazi. Naho amazu yasenywe n’ituritswa ry’intambi, turimo kuganira kugira ngo turebe uko banyirayo bafashwa.'

Mu itangazo ryasohowe na OMS yagize iti 'Umubare w’abandura iyo virusi wagabanutseho 20% mu cyumweru cyo guhera ku itariki 16 Mutarama 2022, mu gihe umubare w’abahitanwa n’iyo virusi wagabanutseho 8%'.
Dr Matshidiso Moeti, uhagrariye OMS muri Afurika, yavuze ko muri Afurika y’Epfo, aho virusi yihinduranyije ya Omicron yagaragaye bwa mbere, umubare w’abayandura watangiye kugabanuka mu byumweru bine biheruka.

Muri Afurika y’Amajyaruguru ni ho hagaragaye ubwiyongere bw’umubare w’abandura iyo virusi mu cyumweru gishize, aho ngo byazamutse bikagera kuri 55 %.

Dr Matshidiso Moeti, yagize ati 'N’ubwo virusi ikomeje gukwirakwira, kandi hakaba hari n’izindi zizabaho mu gihe kizaza, Umugabane wa Afurika ugomba gukingira abantu bawo muri rusange, ariko hagashyirwaho n’uburyo bwagutse kandi buboneye bwo kubona imiti ikenewe ya Covid-19'.

OMS kandi itangaza ko umubare w’abamaze kwikingiza Covid-19 muri Afurika ukiri hasi, kuko kugeza ubu, 10 % by’Abaturage b’Afurika gusa, ari bo bamaze kwikingiza ku buryo bwuzuye.

Uko virusi yihinduranyije ya Omicron yagabanutse muri Afurika y’Epfo aho yagaragaye bwa mbere, no mu Rwanda bivugwa ko iyo virusi itangiye kugabanuka ugereranyije n’uko byari bimeze nyuma y’iminsi mike ihageze, nk’uko bitangazwa n’abayobozi bo mu nzego z’ubuzima mu Rwanda.

Mu nkuru dukesha Ikinyamakuru The New Times, bivugwa ko imibare ituruka muri Minisiteri y’Ubuzima umunsi ku wundi, igaragaza ko mu byumweru bibiri bishize imibare y’abandura Covid-19 yatangiye kugabanuka ugereranyije n’igihe virusi ya Omicron yari ikigera mu Rwanda.

Omicron yagaragaye bwa mbere mu Rwanda, ku itariki 15 Ukuboza 2022, ihereye mu barwayi batandatu gusa. Mu byumweru bibiri byakurikiyeho umubare w’abandura Covid-19 mu gihugu warazamutse ugera ku bantu 2.083 bandura ku munsi.

Guhera ku itariki 5 kugeza kuri 19 Mutarama 2022, umubare w’abandura Covid-19, watangiye kugabanuka, abandura bashya bakaba babarirwa hagati ya 600-900 ku munsi, mu gihe ubu ngo umubare w’abandura iyo virusi ku munsi bari hagati ya 300-500.

Kuri ayo matariki kandi nk’uko bitangazwa n’abayobozi bo mu nzego z’ubuzima mu Rwanda, abajya mu bitaro kubera Covid-19 baragabanutse ndetse n’umubare w’impfu z’abazira icyo cyorezo uragabanuka, ku buryo ubu ngo abarembye kubera iyo virusi ari bakeya cyane, ndetse abo bayobozi bakavuga ko ubu bizeye ko bashoboye guhangana na yo.

Mu kiganiro Umunyamabanga wa Leta muri Minisiteri y’Ubuzima Lt Col Dr Tharcisse Mpunga, aherutse kugirana n’itangazamakuru, yavuze ko igihugu gifite ahantu hahagije, imashini zitanga umwuka wa 'oxygen’, ndetse n’ibindi bikoresho bifasha mu kwita ku barwayi bari mu bitaro bya Kanyinya.

Ikindi, ngo n’ubwo virusi ya Omicron yandura cyane kurusha izindi virusi za Coronavirus zihinduranyije zatambutse kugeza ubu, ariko hari ingamba zashyizweho na Guverinoma y’u Rwanda, zafashije mu kugabanya ikwirakwira ry’iyo virusi.

Biteze umusaruro utubutse kuko igishanga cyabo cyatunganyijwe

Abahinga muri icyo gishanga ni abo mu Mirenge ya Rugarika, Mugina na Nyamiyaga aho batunganyirijwe ubuso bungana na 133ha, ahatunganyijwe imiyoboro y’amazi ibafasha kuhira, ndetse bubakirwa ibikorwa remezo birimo ubwanikiro n’ubuhunikiro bwo kubafasha gutunganya umusaruro.

Umunyamuryango w’Indatwa za Kamonyi, Ntwaramuheto Vincent avuga ko nyuma yo gukorerwa imiyoboro y’amazi banahawe amasomo yo guhinga ibigori ku buryo bugezweho, bituma umusaruro uzamuka, kuko ibigori byabo bitacyangizwa n’ibiza by’amazi menshi.

Agira ati 'Twajyaga dutangira ihinga mu kwezi k’Ugushyingo duhinga mu gishanga cyuzuyemo amazi, ariko ubu arabasha gutembera neza, turahinga muri Nzeri tugatangira tuvomera imvura ikazagwa ibigori bimaze kugira imizi ikomeye ntibyangirike umusaruro ukiyongera'.

Ntwaramuheto avuga ko abahinzi bageze ku kigero cyo kweza Toni zisaga 800 ku buso bwose bahinga ku mwaka, bikagaragara ko umusaruro wikubye hafi gatatu, kuko basigaye basarura toni zirindwi kuri hegitari.

Agira ati 'Twezaga bike kubera ko nta bikorwa remezo byo kudufasha kugera ku musaruro, ibigori tubivuruga mu byondo kandi ntabwo byemewe ko umusaruro w’ibigori ugera ku gitaka kuko bituma byuma bifite uruhumbu, kandi ni rubi ku buzima bw’umuntu. Ubu dufite ibikoresho bifasha umusaruro kuma ku kigero cyihuse.

Gukresha ifumbire y’imborera nabyo biri mu byazamuye umusaruro w’ibigori

Agira ati 'Iyo wanitse hasi kuri shitingi inshuro esheshatu ibigori byuma gake gake, ariko mu gihe cy’itumba baduhaye ibikoresho bituma dushobora kwanika ibigori inshuro imwe bigatuma tutagihomba. Hari ubwo twigeze guhomba toni zisaga 100 kuko ibigori byari byarazanye uruhumbu, ariko ubu nta kindi gihombo'.

Mukanyarwaya Domitila avuga ko umwaka ushize yejeje ibisaga ibiro 600, ubu akaba ateganya kuzasarura nka 800kg, kubera kumenya gutegura ifumbire y’ibirundo bifashisha igasimbuza ifumbire mborera.

Agira ati 'Mbere twasaruraga utugori tw’imfunya utabona uko utuvuga, ntabwo wavugaga ko twasaruraga, none ubu nzasarura byinshi kuko nakoresheje ifumbire y’ibirundo twigishijwe gukora'.

Umuyobozi mukuru wungirije wa RAB ushinzwe ubuhinzi, Bucagu Charles, avuga ko mu rwego rwo kugabanya ibihombo bituruka ku musaruro wafashwe nabi, Leta yashyizeho ingengo y’imari ya Miliyari 11 zo kubaka ubwanikiro busaga 600 n’ubuhunikiro kuva mu mwaka wa 2019.

Avuga ko ubu harimo no gutekerezwa uburyo bwo kubona ubwanikiro bwimukanwa 10, ahari gutegurwa ba rwiyemezamirimo bazabukoresha mu gihugu hose, aho bazajya bajyana imashini zumisha mu modoka ikajya ku murege runaka bakumishirizwa bakishyura igiciro cyo kumisha.

Agira ati 'Ni ingamba zashyizweho kugira ngo umusaruro wose mu Gihugu ufatwe neza wuzuze ubuziranenge ku buryo wagera ku isoko ugishobora kugurwa, kandi bigaragara ko uko umwaka ushira undi ugataha, umusaruro upfa ubusa ugenda ugabanuka'.

Abayobozi batandukanye basuye icyo gishanga

Avuga ko ku bufatanye n’abaterankunga batandukanye, RAB ikomeje kugenda irushaho gufasha abahinzi kurwanya ibihombo bya nyuma y’umusaruro.

Umuyoboro bafite ngo ni uwazanywe n’umuturage ku giti cye, nyuma abandi bakaza kugenda bawufatiraho, none bakaba barawurushije imbaraga ku buryo bahora babura amazi bitewe n’uko umuyoboro wangiritse bakawusana mu buryo butarambye.

Kuri ubu ngo uwo muyoboro ufite uburebure bwa metero zigera kuri 800 ufatiraho abantu basaga 100 ku buryo kuwusana bisaba kubikora mu buryo burambye, bikaba birenze ubushobozi bw’abaturage.

Iyo wangiritse biteza ibibazo abaturage birimo kubura amazi kuko mu gihe utarakorwa ikigo gishinzwe isuku n’isukura (WASAC), kibafungira amazi bigatuma bajya kuvoma ahandi, aho kuyabona bibasaba amafaranga 100 ku ijerekani, ari na ho bahera basaba ko basanirwa umuyoboro mu buryo burambye kugira ngo ikibazo cyabo gikemuke burundu.

Jean Paul Ngiruwonsanga avuga ko ibibazo by’uwo muyoboro babimaranye igihe kirekire, kuko bagiye bafata igihe bakabyisanira buri uko wangirikaga, ariko kubera ko wagiye ukomeza gufatirwaho n’abantu benshi batandukanye, bituma nta gihe umara utangiritse kubera udafite ubushobozi bwo gutanga amazi ku mubare munini.

Ati 'Bigeze ku rwego abaturage tutakibona ubushobozi bwo kugira ikintu twakwimarira kuri uyu muyoboro kugira ngo tuwusane, twasabaga Leta kuba yadusimburiza uyu muyoboro tukabona undi ufite imbaraga ku buryo abandi bantu benshi bawufatiraho kandi tukabona amazi natwe ku buryo bwiza nk’abandi baturage'.

Consolée Mukanyandwi avuga ko ikibazo cy’amazi kibahangayikishije akaba asaba inzego zibishinzwe kugira icyo zikora kugira ngo bayabone.

Ati 'Iyo amazi yatobotse aha ngaha bidusaba kugenda tunyura mu baturage tubasaba ibiceri byo kuba twakusanya ngo ducukure, tugure ibyuma byo gufunga hagati y’itiyo n’indi haba hacitse, ndetse wagera ku muturage akakubwira ko ibyo bitamureba. Ni ibintu bibaho igihe kirekire pe, tubura amazi ukwezi kugashyira, tukagenda mu ngo zacu abantu bakamera nk’abatarigeze amazi kandi byitwa ngo dufite umuyoboro, tukaba dusaba ababishinzwe ko badushakira ugasimburwa'.

Basaba kubakirwa umuyoboro w’amazi mushya kuko uwo basanganywe ari uguhora basana

Umuyobozi wa WASAC mu Karere ka Bugesera, Bora Odette Uwimana, avuga ko ikibazo batari bakizi ariko kandi ngo igihe habaye ikibazo nk’icyo biba byiza ko bakwegera ubuyobozi bwa WASAC bakareba uburyo cyakemurwa.

Ati 'Iyo bafite bene icyo kibazo ntabwo bavugana n’umukozi wa WASAC, ahubwo begera ubuyobozi bwayo bakavuga ikibazo bafite noneho bakajya kuhasura hagashakwa igisubizo, nabo rero ntacyo bakoze. Icyo nababwira nibegere ubuyobozi bwa WASAC i Nyamata hanyuma bagirwe inama y’icyakorwa'.

Akarere ka Bugesera kageze ku gipimo cya 72% mu kugeza amazi meza ku baturage, mu gihe intego ya Leta y’u Rwanda ari uko mu mwaka wa 2024 Abanyarwanda bose bazaba bagerwaho n’amazi meza ku kigero cya 100%.

Abo mu Karere ka Ngoma baganiriye na RBA, bavuze ko nabo bangaga kwikingiza kubera imyemerere y'idini ariko baje kubona ko iyo myumvire ishingiye ku buyobe bakayita hirya iyo.

Bashishikarije abakiyifite gushyira mu nyurabwenge kuko kutikingiza bishyira ubuzima bwabo n'ubw'abandi mu kaga.

Umwe yagize ati 'Njye nabanje kugendera kuri za nyigisho za Bibiliya, birangira nishyizemo ko ari bya byorezo [byahanuwe] byaje nta kindi tugomba gukora. Haje inzego z'umudugudu ziranganiriza, hamanuka iz'akagali n'iz'umurenge, ubwo nanjye njya kwikingiza.'

'Nikingije urwa mbere numva nta n'ikibazo kirimo, nsubirayo nikingiza urwa kabiri. Umuntu wese ufite imyumvire nk'iyo nahoranye, numva kandi ngenderamo; namusaba kuyivamo. Iyo yo ni ubuyobe kuko nanjye nari nagiye byarangiye. Nari nafashe n'imyanzuro y'uko akazi nkora ngomba kukareka.'

Mugenzi we yasobanuye ko yumvaga uburinzi bwe bushingiye ku Mana kuko yari amaze imyaka irenga 30 afite indwara zidakira.

Ngo yibwiraga ko Imana yamurinze iyo myaka yose n'ubundi izamurinda COVID-19.

Ati 'Igihe cyo kwikingiza cyarageze bankozeho ndabahakanira, banyumvisha akamaro k'urukingo, ko nshobora kutarwara ariko nkanduza abandi. Ubwo rero nahise mfata umurongo wo kujya kwikingiza kugira ngo ntazabera abandi ikibazo mbanduza.'

'Ndabwira Umuturarwanda wese ufite imyumvire nk'iyo nari mfite ko agomba guhinduka akareba icyatuma buri wese abaho atarenganyijwe na mugenzi we wanze kumvira ubuyobozi.'

Guverinoma y'u Rwanda ikomeje gushyira ingufu mu bukangurambaga bugamije kumvisha Abaturarwanda bose akamaro k'inkingo, bakagenda bikingiza uko ziboneka ku bwinshi kugira ngo hazagerwe ku ntego rwihaye, aho 70% bagomba kuba barakingiwe muri Kamena 2022.

Nubwo abenshi mu batinda kumva impamvu kwikingiza ari ngombwa bitwaza imyemerere y'amadini, insengero n'amatorero byakunze kugaragaza ko bishyigikiye iyo gahunda nk'imwe mu ngamba z'ubwirinzi.

Amadini menshi yongeye guterana nyuma yo koroshya ingamba, hasabwa ko abitabira amateraniro baba barikingije kandi hakubahirizwa n'andi mabwiriza yose yashyizweho n'inzego zibishinzwe.

Uretse kuba abayoboke bayo bakwikingiza ngo babashe guterana mu buryo bwemewe n'amategeko, hari n'ayagiye asohora amatangazo yamagana ibyo kutikingiza hitwajwe imyemerere iyashingiyeho.

Guverinoma isaba ko buri wese yaharanira kumvisha mugenzi we akamaro k'inkingo n'andi mabwiriza ku batari babyumva kuko kugira ngo ubuzima busanzwe bugaruke bizasaba ko haba hari ubwirinzi kandi icyorezo cyacogoye.

Raporo ngarukamunsi ya Minisante yerekana ko kugeza ku wa 20 Mutarama 2022, Abaturarwanda barenga miliyoni 8,1 bari bamaze guhabwa dose imwe, miliyoni 6,6 bakingiwe byuzuye naho abarenga ibihumbi 736 batewe urwo gushimangira.

Kwikingaza ni imwe mu ntwaro zikomeye zo guhangana n’icyorezo

Iyo mvura yatangiye kugwa ku wa Kane tariki ya 20 Mutarama 2022, ahagana saa cyenda ivanze n'umuyaga ndetse irimo imirabyo n'inkuba.

Kugeza ubu mu Murenge wa Save imitungo y'abaturage yangiritse imaze kumenyekana ni inzu 51 n'imyaka itandukanye yo mu mirima ku buso bwa hegitari 60.

Umuntu byahitanye ni umugore inkuba yakubitiye mu Mudugudu wa Musekera mu Kagari ka Zivu. Uwo mugore wari ufite umwana umwe anatwite inkuba yamukubise ari mu nzu.

Umunyamabanga Nshingwabikorwa w'Umurenge wa Save, Muhire David Ntiyamira, yabwiye IGIHE ko habaye ubutabazi bw'ibanze ku miryango yagizweho ingaruka n'ibyo biza.

Ati 'Ku bufatanye n'izindi nzego turi guhumuriza imiryango yagizweho ingaruka n'ibyo biza kandi turi gushakira abasanyewe aho bacumbika n'ibikorsho by'ibanze.'

Yijeje abasenyewe n'iyo mvura n'abafite imitungo yangiritse ko bazagobokwa nk'uko bisanzwe bikorwa.

Imyaka yari ihinze mu mirima yangijwe n’imvura

Ni imvura yaguye irimo umuyaga ufite ubukana bwinshi

Urutoki na rwo ruri mu byangiritse kubera imvura idasanzwe mu Murenge wa Save

Zimwe mu nzu z’abaturage zasenywe n’imvura

Hari n’ibisenge byagurutse abaturage basigara ntaho bafite ho kwikinga

[email protected]