Author: webrwanda

Kuva mu gihembwe cya mbere cy'umwaka w'amashuri, nibwo Leta y'u Rwanda yatangiye gukingira abana bari hagati y'imyaka 12 na 17 mu rwego rwo kubafasha kwirinda COVID-19, dore ko bakunze kuba ari benshi kandi bari ahantu hamwe mu gihe cy'amasomo.

Ubwo iki gikorwa cyatangiraga, ababyeyi basabwe kujya gusinyira abana babo kugira ngo baterwe uru rukingo ariko bamwe barabyanga, bafite impungenge z'ingaruka z'urukingo ku bana babo, rimwe ugasanga ibi bibazo bishingiye ku myemerere cyangwa se ku bumenyi buke.

Umuyobozi w'Urwunge rw'Amashuri rwa Rwamagana A, Safari Ignace, yabwiye IGIHE ko bari bafite imiryango yinangiye gusinyira abana babo kugira ngo bakingirwe, bigatuma igihembwe cya mbere gisozwa hari abana batarakingirwa, nubwo inkingo zari zihari.

Ati 'Icyo kibazo cyagiye kigaragara kuko hari ababyeyi batemeraga ko abana babo bakingirwa kuko kugira ngo umwana akingirwe bisaba ko umubyeyi abanza kumusinyira. Nk'aha ku kigo cyacu twari dufite imiryango icyenda yanze gusinyira abana turinda dusoza igihembwe cya mbere abo babyeyi batarasinya.'

Uyu muyobozi yavuze ko batanze raporo yerekana abana bakingiwe n'abatarakingirwa, ubuyobozi bw'Akarere ka Rwamagana bubizeza ubukangurambaga bwakozwe mu gihe cy'ibiruhuko.

Umuyobozi w'Akarere ka Rwamagana wungirije ushinzwe imibereho myiza y'abaturage, Mutoni Jeanne, yabwiye IGIHE ko kenshi wasangaga umubyeyi wanze gusinyira umwana we, na we yabaga atarikingije COVID-19, avuga ko ubukangurambaga bwatumye benshi mu babyeyi basobanukirwa bakava ku izima.

Ati 'Icyo twe dukomeza gukora ni ubukangurambaga tugakorana inama, bakatwereka imirongo yo muri Bibiliya bashingiraho banga kwikingiza. Natwe turi abakirisitu, tukabereka imirongo ibereka ko dukwiriye gukunda ubuzima bwacu.'

Yakomeje avuga ko ibyo biganiro bagiranye bishingiye kuri Bibiliya byatumye benshi mu babyeyi barushaho gusobanukirwa impamvu bakwiriye kwikingiza ndetse bakanakingiza abana babo.

Mutoni yashimye abayobozi b'amadini asengerwamo n'abari binangiye ku rukingo, kuko bagize uruhare mu gusobanurira abaturage impamvu bakwiriye kwemera kwikingiza Covid-19.

Uyu muyobozi yavuze ko mu Karere ka Rwamagana hari abantu 1000 bari baranze kwikingiza no gusinyira abana babo, ariko ubu bamaze kwigishwa barikingiza ndetse banijyana ku mashuri gusinyira abana babo kugira ngo bakingirwe.

Umuyobozi w’Akarere ka Rwamagana wungirije ushinzwe imibereho myiza y’abaturage, Mutoni Jeanne, yavuze ko bifashishije abakozi b’Imana mu kwigisha ababyeyi bari barinangiye

---

Source : http://igihe.com/amakuru/u-rwanda/article/rwamagana-hagaragajwe-uruhare-rwa-bibiliya-mu-guhindura-imyumvire-y-abanze

Inka zagize imimaro muri Politiki y'ububanyi n'amahanga n'ubutwerarane bw'u Rwanda n'ibindi bihugu, zigira imimaro muri Politiki y'ubukungu bw'igihugu, zigira imimaro muri Politiki y'imibereho myiza y'abaturage ndetse na Politiki y'umutekano mu gihugu.

Kubera ibigwi inka yagize mu mateka y'u Rwanda, byatumye igira amazina menshi akomoka ku mimaro yayo, igwiza inyito nyinshi nka gihamya cy'icyubahiro yagwije mu Rwanda rugari rwa Gasabo. Muri iyi nkuru, turabataturira zimwe mu nyito zafatiwe ku mimaro y'inka zihamya icyubahiro cyayo mu Rwanda.

Inka y'Ingabirano: Inka y'ingabirano, ni inka umuntu yagabirwaga n'inshuti magara biyemeje ko bagirana umubano w'akadasohoka. Inka y'Ingabirano niyo yari ihanitse muri zose, kuko ari nayo yafatiweho igihango cyo kugabirana nka kimwe mu bihango bitanu byabayeho mu mateka y'u Rwanda. Abagabiranye nibo bahindukaga 'Abanywanyi,' akaba ari izina buri wese yashoboraga kwita undi basangiye icyo gihango cyo kugabirana.

Inka y'Ubuhake: Ubuhake ni akazi ko mu Rwanda rwo ha mbere, aho umuntu yakoreraga ku masezerano yo kuzahembwa inka, ubutaka cyangwa icyubahiro cyo kwishingirwa n'ukomeye. Uwakoraga ako kazi yitwaga 'umugaragu,' agahembwa inka bitaga Inka y'Ubuhake, cyangwa se Inka y'Ubugaragu. Iyo nka ikaba yari igihembo cy'umuntu wakoze akazi yemeranyijeho na sebuja.

Inka y'Umunyafu: Inka y'Umunyafu, ni inka umugaragu yahabwaga na sebuja bwa mbere nk'igihembo cy'akazi k'ubuhake yabaga yarakoze mu gihe bagiranye mu masezerano. Iyi nka ikaba igereranywa n'umushahara wa mbere umukozi ahabwa ku kazi yahawe.

Inka y'Impetano: Inka y'Impetano, ni inka y'ubuhake uhawe bwa kabiri, ikaba yagereranywa n'umushahara wa kabiri umukozi ahabwa uhereye igihe yatangiriye akazi.

Inka y'Imbata: Inka y'Imbata, ni inka umuntu yihahiye, ayikuye mu bushobozi bwe yakusanyije ubundi akabuguramo inka.

Inka y'Umuheto: Inka y'Umuheto, ni inka yagabirwaga ingabo zose zatsinze urugamba, iyi nka ikaba yarashyizweho n'Umwami Ruganzu Ndoli ubwo yagira ngo areme akanyabugabo mu Ngabo ze zirusheho koromya amahanga adakunda u Rwanda.

Inka y'Imirindi: Inka y'Imirindi, ni inka yagabirwaga ikigwari cyahunze urugamba. iyi nka ikaba yarashyizweho n'Umwami Ruganzu Ndoli ubwo yagira ngo arememo ubutwari abatabufite, abahungaga urugamba nabo bagire imihigo yo gutabarira Igihugu.

Inka y'Umuriro: Ni inka yahabwaga umuntu wigeze gutunga inka zikaza kumushiraho, kugira ngo yongere gutangiriraho asubira mu ruhando rw'abandi batunzi b'inka.

Inka y'Ingarigari: Inka umubyeyi asigarana nyuma yo kuraga abana be.

Inka y'Ifatarembo: Ni inka yatangwa iyo abagiye gusaba irembo ry'umugeni bamaraga kuribemerera.

Inka y'Inkwano: Inka bakwaga umugeni.

Inka ya Gashyimbo: Inka yagendaga nk'ibishyingiranwa ku mukobwa bashyingiye.

Inka y'Intekeshwa: Ni inka umukobwa ukiri ikirongore yahabwaga na sebukwe mu mugenzo wo gutekesha abana babo bashyingiranywe.

Inka y'Indongoranyo: Inka ikomoka ku nkwano y'umukobwa ikagarukira uwayikoye.

Inka y'Urugori: Inka umugore ajyana iwabo ajyanye urugori bwa mbere.

Inka y'Icyari: Inka umukobwa ahabwa n'iwabo amaze kubyara.

Izi ngwizanyito n'izindi tutarondoye dore ko zinahari ari nyinshi, ni zo gihamya icyubahiro inka yari ifite mu muryango Nyarwanda, gusa izi mpuzanyito zikagora benshi mu mikoreshereze yazo, kuko hari igihe uvuga inyito y'inka iyi n'iyi kandi mu mateka y'u Rwanda atari ko yakagombye kwitwa.

U Rwanda ni Igihugu cy'umurage uzingatiye ibintu byinshi birimo n'inyito y'ibintu, ahantu n'umuntu, ku buryo bisaba kwigengesera mu kubikoresha mu mvugo no kubigiramo ubuzobere buhanitse kugira ngo hatazabaho guhomvomvwa ababizi bakagucishamo ijisho.

Inka yahoranye agaciro gakomeye mu mateka y’u Rwanda

---

Source : http://igihe.com/amakuru/u-rwanda/article/igwizanyito-ku-nka-gihamya-cy-icyubahiro-zari-zifite-mu-mateka-y-u-rwanda

Kenshi na kenshi dukunda kurya ibiribwa kuko bituryohera cyangwa bigaragarira amaso yacu neza, cyangwa tukaba twanabyirengagiza kubera kudasobanukirwa akamaro bifitiye umubiri wacu. Ni yo mpamvu ngira ngo turebere hamwe niba mu mimaro intoryi zifitiye akamaro umubiri wacu no kugira amabuno manini birimo. Tukaba twifashisha urubuga rwa la nutrition.fr

1.Kongerera umubiri imbaraga

Ngo nkuko bimenyerewe ko inyapek e aribyo bigira uruhare mu kongera imbaraga z'umubiri, byanagaragajwe n'abahanga mu bitera imbaraga ko imbuto na zo ari isoko ikomeye mu gutera imbaraga tutibagiwemo n'intoryi.

2.Zirinda umuvuduko mwinshi w'amaraso

Kubera ko intoryi zifite imyunyungugu myinshi aho havugwamo nka za magnesium na potassium. Ibi bituma zigira akamaro mu kurinda umuvuduko w'amaraso ukabije hifashishijwe iyi myunyungugu.

3.Zifasha igogorwa kugenda neza

Intoryi zifite uturemangingo (Fibers) dufasha udukoko tuba mu mara manini tuzwi ku izina rya 'bateria' tukaba twakongera imikorere yatwo mu gufasha icagagurika ry'ibyo tuba twariye bityo bikavanwamo intungamubiri zose uko zakabaye zigakoreshwa n'umubiri wacu.

4.Zirinda umuntu kurwara kanseri y'amara

nk'uko byagaragajwe n'inzobere Goodlad, mubushakashatsi bwo kugaragaza ibiribwa by'ingenzi kumubiri w'umuntu, yavuze ko ibiribwa harimo n'intoryi bifite uturemangingo dufite ubushobozi bwo gusukura imiyobro yose ,kandi ngo kubirya akaba ari ntangaruka zo kongera ibinure mumubiri wacu.

Nkuko rero mumaze kubyisomera uriya mumaro wo kuzana amabuno manini ntubonekamo neza kereka niba iyo bivuzwe biba bishaka kwerekana ko zigira umumaro ukomeye ku buzima bw'umuntu, tukaba dukomeje gushakashaka kugira ngo turusheho kumenya ukuri nyako.

Source : https://yegob.rw/sobanukirwa-impamvu-bavuga-ko-kurya-intoryi-bitera-kugira-amabuno-manini/

Source : https://yegob.rw/matchday-live-as-kigali-vs-apr-fc/

Umusore wo mu gihugu cya Kenya yahuruje abatarage bari bibereye mu mirimo yabo kubera ukuntu yaririmbaga indirimbo yitwa 'Why'.

Uyu musore yaje kuri moto, ageze ahantu hateraniya abantu avaho atangira kugenda n'amaguru aririmba mu ijwi riranguruye.

Ubwo yaririmbaga iyo ndirimbo, abantu bose bari begereye aho yaririmbiraga byatangiye kuza kumva inganzo y'uwo musore.

Uyu musore kandi ubwo yaririmbaga indirimbo ya Diamond Platinumz na The Ben bise 'Why' yanguzagamo akanabyina.

Iyo ndirimbo 'Why' The Ben yakoranye na Diamond Platinumz niyo ifite agahigo ko kuzuza abayirebye barenga miliyoni imwe mu munsi umwe kuri youtube mu Rwanda hose.

Reba amashusho y'uwo musore 

 

 

Source : https://yegob.rw/umusore-yahuruje-imbaga-yabantu-ubwo-yaririmbaga-indirimbo-nshya-ya-the-ben-na-diamond-platinumz-videwo/

Nk'uko byatangajwe n'Ibiro by'Umukuru w'Igihugu,Village Urugwiro, Perezida Kagame na Lt General Muhoozi Kainerugaba bagiranye ibiganiro byiza kandi bitanga icyizere ku bibazo u Rwanda rwagaragaje n'icyakorwa kugira ngo umubano hagati y'u Rwanda na Uganda wongere ugaruke.

Umuhungu wa Perezida Yoweri Kaguta Museveni wa Uganda akaba n'umugaba w'ingabo zirwanira ku butaka muri icyo gihugu, Jenerali MuhooziKainerugaba yagiriye uruzinduko rw'umunsi umwe mu Rwanda aho yahuye na Perezida Paul Kagame w'u Rwanda baraganira.

Nubwo ibiganiro byabo bitashyizwe hanze,Ibiro by'umukuru w'igihugu yavuze ko byabaye byiza ndetse ko bitanga icyizere ko bishobora gukemura ibibazo bimaze imyaka isaga 4 hagati y'ibihugu byombi.

Jenerali Muhoozi Kainerugaba amaze iminsi yanditse ku rubuga rwa Twitter ko Perezida Kagame ari Nyirarume avuga ko abamurwanya barwanya umuryango we, bagombye kwitonda.

Ubwo Gen. Muhoozi Kainerugaba yageraga i Kigali, yakiriwe na Charge d'Affaires wa Ambasade ya Uganda i Kigali, Anne Katusiime hamwe n'abandi bayobozi mu Ngabo z'u Rwanda. Barimo Brigadier General Willy Rwagasana ukuriye abashinzwe umutekano w'abayobozi bakuru b'igihugu (Republican Guard) na Col Ronald Rwivanga, Umuvugizi w'Ingabo z'u Rwanda.

Umubano hagati y'ibihugu byombi wazambye kuva mu mwaka wa 2017 ubwo byafungaga imipaka.

U Rwanda rushinja Uganda gucumbikira no gutera inkunga abafite umugambi wo gutera u Rwanda no gutoteza Abanyarwanda baba muri Uganda ibafunga bazira ubusa.

Source : https://umuryango.rw/amakuru/mu-rwanda/politiki/article/urugendo-rwa-gen-muhoozi-kainerugaba-i-kigali-rwashimwe

Ishyirahamwe ry'umupira w'amaguru muri Afurika [CAF] ryshyize hanze uko amakipe 10 azakina mu ijonjora rya nyuma ryo gushaka azerekeza mu gikombe cy'isi cya 2022 kizabera muri Qatar mu mpera z'uyu mwaka.

Iyi tombola yabereye i Yaoundekuri uyu wa Gatandatu tariki ya 22 Mutarama 2022.

Uyu muhango wo gutombora wakozwe n'abarimo Mimi Fawaz,Emmanuel Adebayor na El Hadji Diouf mu gihe umuyobozi ushinzwe itangazamakuru muri CAF, Samson Adamu ariwe wari uwohagarariye.

Iyi tombola yarangiye igaragaje ko hagati ya Mohamed Salah na Sadio Mane,umwe atazakina igikombe cy'isi 2022 kuko ibihugu byabo byatomboranye.

Iyi mikino ya kamarampaka izakinwa hashakwa amakipe 5 azahagararira CAF mu gikombe cy'isi kizabera muri Qatar kuva kuya 21 Ugushyingo kugeza kuya 18 Ukuboza 2022.

Iyi mikino izakinwa ibanza n'iyo kwishyura,izaba hagati ya 21 na 29 Werurwe 2022.

Uko Tombola yagenze:

Agakangara ka mbere 1: Egypt, Cameroon, Ghana, Mali, DR Congo
Agakangara ka 2: Nigeria, Algeria, Senegal,

Imikino

Egypt v Senegal
Cameroon v Algeria
Ghana v Nigeria
DR Congo v Morocco
Mali v Tunisia

Source : https://umuryango.rw/imyidagaduro/imikino/article/sadio-mane-na-mo-salah-bazahurira-muri-kamarampaka-zo-gushaka-itike-ya-qatar

Mu karere ka Rusizi haravugwa inkuru itangaje y'umuvuzi gakondo wagaruje amafaranga ye yari yibwe n'umusore akoresheje imbaraga ze zidasanzwe.

Amakuru avuga ko uyu muvuzi gakondo yitwa Dr. Kigoma wo mu Gisaka, yari mu Mujyi wa Rusizi agiye kugira icyo agura muri alimentation, ashatse amafaranga ngo yishyure arayabura, asanga bayibye.

Ako kanya yahise akora ku miti ye, avuga ko agiye guhamagara uwamwibye. Umujura yahise aza yiruka ataka ashakisha uwo yibye ngo amusubize ibye.

Dr. Kigoma yagize ati 'Nashatse amafaranaga ndayabura nsanga ikofi bayibye harimo ibihumbi 12 Frw n'andi mafaranya ya Congo ibihumbi 10, kubera ko Abanya-Gisaka batibwa, mpita nkora ku miti nkoresha abantu bambwira ko igisambo kiri gutaka ndahagera umujura ampa ibyanjye.'

Ababonye uriya mujura, bavuga ko akimara gutanga ikofi y'abandi yagiye yahise ashima Imana yamukoreye ibitangaza kuko yumvaga nta mahoro afite.

Source : https://yegob.rw/mu-rwanda-ibyabaye-ku-mujura-wibye-amafaranga-yumuvuzi-gakondo-ni-akumiro/

Ikipe ya Kiyovu Sports itsinze ikipe ya Espoire Fc yari yayisuye i Kigali Nyamirambo ibitego bibiri kuri kimwe 2-1.

Wari umukino w'umunsi wa 14 wa shampiyona y'ikiciro cya mbere mu Rwanda.

Uyu mukino waje gutangira amakipe yombi yatakana ashaka kureba ko yabona igitego.

Ku munota wa 39 ikipe ya Espoire Fc yaje kubona igitego cya mbere cyatsinzwe na Nkurunziza Felcien.

Igice cya mbere cyaje kurangira ikipe ya ikipe ya Espoire Fc ikiri imbere n'igitego kimwe ku busa.

Igice cya kabiri cyaje gutangira ikipe ya Kiyovu Sports yakosoye byinshi, iza inashaka kureba ko yabona igitego cyo kwishyura.

Ku munota wa 48 ikipe ya Kiyovu Sports yaje kubona igitego cya mbere cyo kwishyura icyo yari yatsinzwe, igitego cya Kiyovu Sports cyatsinzwe na Thierry Ndayishimiye.

Ku munota wa 65 ikipe ya Kiyovu Sports yongeye kubona ikindi gitego cyatsinzwe na Abedi Bigirimana.

Ikipe ya Kiyovu Sports yakomeje kugenda irusha ikipe ya Espoire Fc, gusa ariko ikipe ya Espoire Fc yakomeje kwihagararaho.

Ku munota wa 81 umutoza w'ungirije wa Kiyovu Sports 'Rwaka' yaje guhabwa ikarita y'umuhondo.

Iminota 90 yagenwe n'amategeko yaje kurangira ikipe ya Kiyovu Sports ikiri imbere n'ibitego bibiri ku kuri kimwe.

Ikipe ya Kiyovu Sports yahise ifata umwanya wa mbere mu Apr Fc ya kabiri itari yakina na As Kigali.

Source : https://yegob.rw/mu-mvura-nyinshi-kiyovu-sports-yigaritse-ikipe-ya-espoire-fc/

Nubwo umugore utwite yemerewe gufata urukingo rwa COVID-19, ari uko ari mu gihembwe cya 2 kuzamura, hari abafashe izi nkingo kubw’impanuka bakiri mu gihembwe cya mbere. Aba basabwa gukomeza gukurikiza gahunda zose.
Kuva mu kwezi kwa Nyakanga muri uyu mwaka wa 2021 Ikigo cy’Igihugu gishinzwe Ubuzima (RBC) cyatangaje ko abagore batwite n’abonsa bajya mu cyiciro cy’ihutirwa cy’abagombaga kwikingiza COVID-19, ariko bigahera ku mugore utangiye igihembwe cya 2, (Ni ukuvuga nyuma y’ibyumweru 12 (…)

– Mu makuru

Source : http://agasaro.com/spip.php?article4420