Author: webrwanda

Icyo kigo cyakoze ubwo bushakashatsi gitangaza ko cyagendeye ku ngingo ebyiri mu gushyira ibihugu kuri uru rutonde, zirimo ikigereranyo cy’ibyaha n’ikigereranyo cy’umutekano, cyane ku muntu wese ugiye gufata urugendo rwo mu mahanga ari wenyine (Solo Travellers).

Urwo rutonde rugaragaraho cyane ibihugu byinshi byo ku mugabane w’u Burayi, mu gihe u Rwanda n’u Buyapani byo ku mugabane w’Afurika n’uw’Asia, biri mu bihugu 10 bya mbere.

U Busuwisi nicyo gihugu kiza ku mwanya wa mbere aho gifite amanota 21.7 ku kigereranyo cy’ibyaha, n’amanota 78.3 ku kigereranyo cy’umutekano. Bukurikirwa na Slovenia ifite amanota 22.3 ku kigereranyo cy’ibyaha na 77.7 ku kigereanyo cy’umutekano.

U Buyapani ni bwo buza ku mwanya wa 3 bukaba n’ubwa mbere muri Asia, aho bufite amanota 22.4 ku kigereranyo cy’ibyaha na 77.7 ku kigereranyo cy’umutekano, mu gihe Georgia, Iceland, u Rwanda, Croatia, Czech Republic, Austria na Denmark aribyo bihugu byuzuza urutonde rw’ibihugu 10 bihiga ibindi mu mutekano w’abatembera umuntu ari umwe ku isi.

Uretse kuba u Rwanda rutangazwa mu bihugu by’imbere kuri uru rutonde, abaturage nabo bagaragaza ko bafitiye icyizere gikomeye inzego z’umutekano z’Igihugu kuko imibare igaragaza ko ikizere kiri hejuru, umwaka ushize mu bushakashatsi bw’Urwego rw’igihugu rw’Imiyoborere (RGB), bwagaragaje ko inkingi y’umutekano yaje ku isonga ifite amanota 95,47%.

Nanone inzego z’ubushakashatsi zinagaragaza ko u Rwanda ruri mu bihugu bitekanye ku isi ku bantu batembera mu masaha y’ijoro.

AS Kigali yabonye amahirwe yo kuba yabona igitego ku munota wa gatandatu w’umukino, ku ikosa ryakorewe Niyibizi Ramadhan, Kwizera Pierrot ateye Coup-Franc inyura hejuru gato y’izamu.

Ku munota wa 20 w’umukino, umunyezamu Batte Shamiru wa AS Kigali yaje kuva mu kibuga nyuma y’ikibazo yagize, asimburwa na Ntwari Fiacre.

Mu gice cya kabiri amakipe yombi yagiye akora impinduka, aho AS Kigali yakuyemo Niyibizi Ramadhan na Kwizera Pierrot yinjizamo Shabban Hussein Tchabalala.

Ku ruhande rwa APR FC havuyemo Byiringiro Lague na Mugunga Yves basimbuwe na Ishimwe Anicet ndetse na Bizimana Yannick. APR kandi yaje gukuramo Manishimwe Djabel wasimbuwe na Kwitonda Alain Bacca.

Umukino waje kurangira impande zombi ntayibashije kubona igitego, bituma Kiyovu Sports yatsinze Espoir ihita igumana umwanya wa mbere.

Abakinnyi babanje mu kibuga

AS Kigali: Bate Shamiru, Denis Rukundo, Latif Bishira, Ally Kwitonda, Christian Ishimwe, Olivier Niyonzima, Fabrice Mugheni, Pierrot Kwizera, Ahoyikuye Jean Paul, Ramadhan NiyibizI na Aboubakar Lawal.

APR FC: Ishimwe Jean Pierre, Omborenga Fitina, Niyomugabo Jean Claude, Buregeya Prince, Nsabimana Aimable, Mugisha Bonheur, Ruboneka Jean Bosco, Manishimwe Djabel, Byiringiro Lague, Mugunga Yves, Mugisha Gilbert.

Ikinyamakuru 'Mwananchi’ dukesha iyi nkuru cyamusuye iwe mu rugo ku wa Gatanu tariki 21 Mutarama 2022, aho atuye mu mudugudu wa Mbosho, Akarere ka Hai mu Ntara ya Kilimanjaro, bajya no kureba iyo mva uwo mupolisi yiyubakiye no kuganira nawe.

Kimaro yavuze ko ibitekerezo byo kwiyubakira imva akiri muzima, byamujemo nyuma agafata umwanzuro ku giti cye, atangira kuyitunganya kugira ngo arinde umuryango we kuzagorwa no kumushyingura umunsi yapfuye.

Yavuze ko byamufashe igihe kinini kugira ngo ashobore gusobanura no kumvisha umuryango we gahunda afite yo gucukura no kubakira imva azashyingurwamo kandi akiri muzima.

Asobanura ibijyanye n’isanduku yo kuzashyingurwamo, Kimaro azategura ibijyanye nayo, ariko yavuze ko atahita ayigura ubu, 'Kugura isanduku byo si ubu, kuko gukora amasanduku, bigenda bihinduka, ubwo mu gihe nzapfamo hari uburyo bwo gukora amasanduku buzaba bugezweho'.

Uwo mugabo wicukuriye imva akanayubakira akiri muzima, asaba abantu kumwumva ku cyemezo yafashe, kuko atari ikintu kibi kandi ko nta n’amategeko y’igihugu cye yishe, ndetse ko bagomba kumenya ko buri muntu azapfa.

Izo nyeshyamba zambuwe n'ibikoresho birimo imbunda n'amasasu nk'uko Umuvugizi wa MONUSCO muri Ituri, Jean-Tobie Okala yabitangarije Radio Okapi dukesha iyi nkuru, ku wa Gatanu tariki 21 Mutarama.

Intego y'iki gitero kwari ukwirukana inyeshyamba muri ako gace aho zakoraga ibikorwa bibangamiye abaturage b'abasivile kimwe n'abakorera imirayngo nterankunga ifasha abaturage muri zone ya Drodro na Roe.

Mu mirwano yamaze umunsi wose ku wa Kabiri, umusirikare umwe wa MONUSCO bivugwa ko ari we wakomerekejwe n'amasasu ariko ubuzima bwe bukaba bumeze neza kuri ubu.

Icyo ngo cyari igitero cya kabiri MONUSCO yagabye muri ako gace cyafashije mu gushakira inzira imiryango itera inkunga abaturage bababaye yari yarabuze aho imenera.

Ku wa 20 Mutarama ku mugoroba, inyeshyamba za CODECO zagabye igitero ku birindiro by'ingabo za MONUSCO i Roe muri Teritwari ya Djugu. MONUSCO ngo yabashije kurwanya icyo gitero isubiza inyuma abakigabye. Nta bahitnywe na cyo batangajwe.

Lt Gen Muhoozi Kainerugaba yageze mu Rwanda mu gitondo cyo kuri uyu wa Gatandatu tariki 22 Mutarama 2022, akaba yakiriwe na Perezida Kagame mu biro bye muri Villade Urugwiro ku gicamunsi cy’uyu munsi.

Ibiro by’Umukuru w’Igihugu cy’u Rwanda, byatangaje aya makuru yo kuba Perezida Kagame yakiriye Lt Gen Muhoozi Kainerugaba, bivuga ko “Bari kuganira ku mubano w’Ibihugu byombi ; u Rwanda na Uganda.”

Lt Gen Muhoozi Kainerugaba wari watangaje iby’uru ruzinduko rwe rw’umunsi umwe, mu butumwa yari yanyujije kuri Twitter, yari yagize ati 'Ejo nzaba ndi kumwe na Marume/Data wacu Paul Kagame, Perezida w’u Rwanda, amakuru arambuye muzagezwaho ku gihe.'

MU GITONDO UBWO YAGERAGA MU RWADA

UKWEZI.RW

Ni igikorwa cyabaye kuri uyu wa 21 Mutarama 2022, aho NISR yashyikirijwe mudasobwa 201 zo mu bwoko bwa DELL i7 n'ibikoresho byazo, zikazakoreshwa mu ibarura rusange aho gukoresha impapuro nk'uko byari bisanzwe, mu rwego rwo kwirinda ikwirakwira ry'icyorezo cya Covid-19.

Ubu buryo bw'ikoranabuhanga buzakoreshwa hifashishijwe telefoni ndetse na mudasobwa, aho ubarurwa azajya abazwa imbonankubone hanyuma amakuru akuzuzwa muri mudasobwa.

Umuyobozi wa UNFPA, Ishami ry'u Rwanda, Kwabena Asante-Ntiamoah, yavuze ko izi mudasobwa zizatuma ibarura ry'abaturage rirushaho kugenda neza.

Ati 'Biri mu nshingano zacu gushyigikira ibihugu gukoresha imibare y'abaturage muri gahunda za leta, tunejejwe cyane n'uko u Rwanda rufata iya mbere muri gahunda z'iterambere. Muri ibi bihe bya Covid-19, twizeye ko izi mudasobwa zizafasha NISR mu kubona amakuru akwiriye kandi ku gihe hirindwa ikwirakwira rya Covid-19.'

Umuyobozi Mukuru wa NISR, Yusuf Murangwa, yavuze ko izi mudasobwa zizagira uruhare mu gutuma ibarura rusange rikorwa kandi hirindwa icyorezo cya Covid-19.

Ati 'Izi mudasobwa zije mu gihe NISR yitegura ibarura ry'abaturage, aho [twifuza] kwifashisha ikoranabuhanga. Izi mudasobwa zizongera ubushobozi mu gusesengura amakuru ndetse no kwirinda covid-19.'

Izi mudasobwa zifite agaciro kangana na 339,562$ (miliyoni 334 Frw) nk'uko iyi nkuru dukesha Newtimes ibivuga.

U Rwanda ndetse n'ibindi bihugu bitandukanye ku Isi, rukora ibarura rusange buri myaka 10. NISR ikaba yitegura kurikora ku nshuro ya gatanu muri Kanama uyu mwaka. Ibarura rusange riba rigamije gutanga amakuru agezweho y'abaturage, bityo hagakorwa igenamigambi rishingiye ku makuru afatika ari naryo ritanga umusaruro.

NISR yahawe mudasobwa zo kwifashisha mu ibarura rusange ry'abaturage

Muri raporo yakozwe n'ikigo cyitwa Use Bounce nicyo gihugu rukumbi cyo muri Afurika cyabashije kuza mu 10 bya mbere byiganjemo ibyo ku mugabane w'i Burayi.

Ku mugabane wa Asie naho u Buyapani nibwo bwaje mu bihugu 10 bifite umutekano ku Isi.

Ibyo bihugu biyobowe n'u Busuwisi, Slovania, u Buyapani, Georgia, Islande, u Rwanda, Croatie, Repubulika ya Cheque, Austria na Danemark.

Mu gukora urwo rutode ahanini harebwa ku byaha bikorerwa mu gihugu, umutekano ukigaragaramo ku muntu ugisuye.

Abakoze uru rutonde bagaragaza ko u Rwanda rwaje mu myanya y'imbere kubera ko rwashyize imbaraga nyinshi mu kubaka inzego zihamye z'umutekano byongera amahirwe n'icyizere cy'umuturage ku mutekano.

Si ubwa mbere u Rwanda rushyizwe mu bihugu by'imbere mu kugira umutekano kuko mu 2018 rwari rwashyizwe ku mwanya wa kabiri mu bihugu bitekanye muri Afurika ku rutonde rwakozwe na Gallup Global Law and Order n'amanota 83%.

Mu mwaka wakurikiyeho rwashyizwe mu bihugu bifitiwe ikirere aho umuntu aba atekanye mu gihe agenda wenyine mu masaha y'ijoro.

Kuva mu 1994 u Rwanda rwakoze amavugurura menshi agamije kuzamura icyizere cy'umuturage ku birebana n'umutekano birimo kubaka inzego z'umutekano zikomeye, ibikorwa remezo biramwegerezwa ku buryo yoroherwa no gukora ibikorwa byo kwiteza imbere mu mutekano usesuye.

U Rwanda rwashyizwe ku mwanya wa mbere mu bihugu bitekanye muri Afurika

Mister Bright INES-Ruhengeri Bagumako Vero Daniel, ni we wegukanye iri kamba, ritanzwe ku bahungu ku nshuro ya mbere muri INES

Ni mu muhango wabereye muri INES-Ruhengeri, utangira mu ijoro ryo ku wa Gatanu tariki 21 Mutarama 2022, ahagana mu ma saa kumi n’ebyiri n’igice. Witabiriwe n’abantu banyuranye, biganjemo abiga muri iryo shuri, ubuyobozi bwaryo, abarimu n’abandi mu ngeri zinyuranye bari batumiwe.

Abahataniraga ikamba ry’uhiga abandi mu bwenge, ku ruhande rw’abakobwa uko bari barindwi, ndetse n’abahungu uko bari batanu, babanje kwiyerekana imbere y’abari baje kwihera ijisho ibyo birori, hakurikiraho kugaragaza impano zabo, ndetse basobanura imishinga yabo, aho Akanama nkemurampaka, kari kagizwe n’abakemurampaka batandatu, kagiye kabaza buri wese ibibazo bigendanye n’umushinga yifuza kuzashyira mu bikorwa, akabisubiza mu rurimi yihitiyemo hagati y’Icyongereza, Igifaransa n’Ikinyarwanda.

Abakobwa bahataniraga kwambikwa ikamba rya Miss Bright INES-Ruhengeri 2022, barimo Ineza Uwase Nancy, Liliane Ugiriwabo, Mugabekazi Marie Reine, Umubyeyi Carine, Nshuti Vanessa, Ntagengwa Ikirezi Sonia na Tumukunde Ornella.

Ni mu gihe abahungu bahatanaga uko ari batanu, ari bo Sangwa Briton Michel, Bakunzi Megan, Semuhungu Vital, Bagumako Vero Daniel na Nshizirungu Valois.

Ibi byiciro byombi (abakobwa n’abahungu), nibyo byatowemo Nyampinga na Rudasumbwa bahiga abandi mu bwenge, Miss&Mister Bright INES-Ruhengeri 2022.

Miss Bright INES-Ruhengeri 2022, Tumukunde Ornella, akimara kwambika ikamba, n’ibyishimo byinshi yatewe no guhagararira abandi bakobwa bagenzi be, yavuze ko ari amahirwe adasanzwe kandi azabyaza umusaruro.

Yagize ati 'Urugendo rwo guhatana ntirwari rworoshye, kuko njye na bagenzi banjye twahatanaga, mu by’ukuri buri wese afite umushinga mwiza. Kuba mbashije kubahiga rero, nkegukana iri kamba rya Miss Bright INES-Ruhengeri 2022, binteye imbaraga zikomeye, zizatuma mbasha guhagararira abandi muri iki gihe cy’umwaka ngiye kumarana iri kamba. Nkizeza ubuyobozi bw’iri shuri na bagenzi banjye, kuzitwara neza, kurwangwa n’ubunyangamugayo kandi nkazakoresha aya mahirwe nshyira mu bikorwa umushinga wanjye, kugira ngo bigirire abanyeshuri bagenzi banye akamaro'.

Uwegukanye umwanya w’Igisonga cya mbere cya Miss Bright, ni Nshuti Vanessa

Bagumako Vero Daniel wegukanye ikamba rya Mister Bright INES-Ruhengeri 2022, yagize ati: 'Nishimiye kuba negukanye iyi ntsinzi, irandyoheye mu buryo utakwiyumvisha. Binyongereye icyizere cy’uko nta kidashoboka mu gihe umuntu yirinze gucika intege. Kwegukana ikamba rya rudasumbwa, ni amahirwe akomeye cyane, ngiye gukoresha neza, mparanira ko amfungurira amarembo azatuma umushinga wanjye ubera iri shuri n’abaryigamo igisubizo kirambye'.

Mister Bright Bagumako Vero Daniel, umusore ukomoka mu gihugu cy’u Burundi, afite umushinga wo kwifashisha uburyo bw’ikoranabuhanga ritunganya imyanda yo mu bwiherero, igakorwamo ifumbire y’imborera yifashishwa mu buhinzi. Akaba yiyerekanye mu mpano yo kumurika imideri.

Naho Miss Bright Tumukunde Ornella, we afite umushinga wo guteza imbere ubuhinzi bw’ibihumbyo, mu ntego yo kurandura ikibazo cy’imirire mibi mu bana. Yiyerekanye mu mpano yo kumurika imideri.

Uwabaye igisonga cya mbere Bakunzi Megan na we yambitswe ikamba

Asobanura impamvu bashyigikiye iki gikorwa, cyo gutora Miss&Mister Bright INES-Ruhengeri, Umuyobozi w’Ishuri Rikuru rya INES-Ruhengeri, Padiri Dr Fabien Hagenimana, yashimangiye ko bizwi neza ko urubyiruko rwiga muri za Kaminuza, ruba rufite ikirushishikaje, kandi ruhanzwe amaso na benshi. Uyu ukaba umwanya iri shuri riboneraho wo kurwibutsa ko bafite umukoro wo guharanira ibikorwa bituma baba umusemburo w’ibyiza.

Yagize ati 'Igikorwa nk’iki tugitegura kandi tukagishyigikira, tugira ngo tubonereho kwibutsa urubyiruko rwiga muri iri shuri, ko bataje mu butembere, ko ikibagenza ari ukwiga neza, batagamije kubona amanota yo ku mpapuro gusa, ahubwo bashyira imbere ubumenyi n’ubwenge bufasha gutegura ubuzima bw’ahazaza. Uyu mwanya kandi, ni no kubibutsa ko muri iki gihe bari ku ntebe y’ishuri, baba bakwiye kwitoza kwigana ubushishozi, no kumenya neza ko ubuzima bugira agaciro iyo bufite icyerekezo. Nkaba nshimira abagize umuhate wo kwitabira aya marushanwa, mboneraho no kwizeza abegukanye ubufatanye mu bizatuma iri shuri rirushaho gutera imbere'.

Uwegukanye umwanya w’Igisonga cya mbere cya Miss Bright, ni Nshuti Vanessa, igisonga cya kabiri aba Ineza Uwase Nancy. Naho mu bahungu, Bakunzi Megan ni we wabaye igisonga cya mbere, mu gihe igisonga cya kabiri ari ari Semuhungu Vital.

Abahungu bahataniraga ikamba rya Mister Bright INES-Ruhengeri 2022 biyeretse abitabiriye ibi birori

Ni ku nshuro ya mbere muri iri shuri hatorwa Mister Bright, ikaba inshuro ya kabiri hatorwa Miss Bright INES-Ruhengeri, aho ikamba nk’iri, ryaherukaga gutangwa mu cyiciro cy’abakobwa muri 2019, rikaba ryaregukanwe na Adeline Umutoni.

Akanama nkemurampaka kari kagizwe n’abantu batandatu