Author: webrwanda

Ni irushanwa ryatangiye mu Ugushyingo 2021, rigamije kuzirikana abakiliya banywera lisansi na mazutu kuri sitasiyo za Engen (Vivo Energy) zitandukanye no kubashimira ku ruhare rwabo mu iterambere ryayo.

Muri iri rushanwa abahize abandi mu kunywa lisansi bahawe ibintu bitandukanye birimo ibikoresho by'ishuri, telefoni, lisansi, televiziyo nini, moto ndetse n'igihembo nyamukuru cy'imodoka.

Ubwo hasozwaga iyi tombola ku mugaragaro, ku wa Gatandatu tariki ya 22 Mutarama 2022, nibwo byatangajwe ko Habineza Patrick ari we wegukanye iyi modoka.

Mu byishimo byinshi yagararagaje ko atatekerezaga kubona iyo modoka cyane ko mu kwinjira muri tombola yabikoze asa n'uwikinira.

Ati 'Mu by'ukuri numvaga ari ibintu bidashoboka, ariko bitewe n'akazi nkora gatuma nywa lisanse buri munsi, ninjiye muri tombola ari umwana w'umukobwa ubinshishikarije nanjye ubwo mba ninjiyemo ntyo. Icyo nabwira abantu ni uko ibi bintu atari ukubeshya nubwo kugeza ubu nkiri kumva meze nk'uri mu nzozi.'

Uretse uwahawe igihembo nyamukuru cya Tombola na Nduwayezu Emmanuel usanzwe atwara moto itari ye, yahawe moto, yemeza ko igiye gutuma ubuzima bwe buhinduka.

Ati 'Ndaryohewe cyane, naje kunywa lisansi nk'abandi bose kandi si uko nakoreshaga menshi. Ntacyo mbona narushije abandi cyangwa se nakoze ahubwo navuga ko Imana ari yo ibikoze kuko nabikoze ibyumweru bibiri. Ndizera ko kuba mbonye moto yanjye nakoreraga abandi rero bigiye kumfasha kwiteza imbere binyuze muri iyi moto.'

Kuri uyu munsi kandi hatanzwe na Televiziyo nini za pouce 43, zahawe Ishimwe Noel na Mulindabigwi Yvette.

Umuyobozi Mukuru wa Vivo Energy mu Rwanda, Saibou Coulibaly, yavuze ko ibyari byitezwe hashyirwaho gahunda ya tombola byagezweho kandi ko isize bamenye aho bahagaze ku isoko ry'u Rwanda.

Ati 'Twabiteguye tugamije kuzirikana abakiliya bacu b'imena kandi twishimiye umusaruro wavuyemo nyuma y'ibyumweru icyenda tumaze, dushimira abarimo Habineza Patrick wahawe igihembo gikuru n'abandi bagiye batsindira ibihembo binyuranye.'

Yakomeje agira ati 'Icy'ingezi kwari ugushimira abakiliya kandi twishimiye ibyavuye mu bakiliya kuri serivisi tubaha kubera ko bwari ubwa mbere nyuma y'imyaka ibiri tumaze mu Rwanda, kandi tunejejwe n'ibitekerezo abakiliya bacu batugejejeho.'

Yagaragaje ko nyuma yo kubona ko iyi tombola yatanze umusaruro, hashobora gutekerezwa ubundi buryo bwo kongera gufata abakiliya neza no kubiyegereza binyuze muri gahunda nk'izi z'amarushanwa anyuranye.

Habineza Patrick watsindiye imodoka yaserukanye umwambaro udasanzwe

Habineza Patrick watsindiye imodoka yari agaragiwe

yahawe umwanya wose wo kwisanzurira mu modoka yatsindiye

Habineza Patrick yagaragaje ko yagiye muri tombola yikinira none bimubyariye imodoka

Abakozi ba Vivo Energy bari babukereye mu mwamboro w’abanyabirori

Imodoka yo mu bwoko bwa Suzuki Presso niyo yatanzwe nk’igihembo nyamukuru

yahawe umwanya wose wo kwisanzurira mu modoka yatsindiye

Aha Amag The Black yahataga ibibazo Nduwayezu wari utsindiye moto

Amag The Black nk’umuntu wamamaza ibikorwa bya Vivo Energy yishimiraga ibihembo by’abatsinze

Ibihembo byatanzwe birimo na moto zahawe abahiriwe na tombola

Nduwayezu Emmanuel watsindiye moto yagaragaje ko igiye kumufasha kwiteza imbere

Ishimwe Noël yahawe televiziyo nini muri iyi tombola

Mulindabigwi Yvette ari mu batsindiye televiziyo

Manzi agiye kumara igihe adakina kubera imvune

Hari mu gitondo cyo ku wa Gatandatu tariki 22 Mutarama 2022, ubwo irushanwa rya Forrza Volleyball tournament yavunikiyemo ryakomezaga, kuko bakinaga agace ka gatatu (phase III).

Manzi sadru ni umukinnyi w’ikipe ya APR VC n’ikipe y’igihugu, akaba ari umukinnyi ngenderwaho mu ikipe ya APR VC, cyane ko asanzwe ari amahitamo ya mbere y’umutoza Elia Mutabazi, utoza iyi kipe y’ingabo.

Nyuma yo kugongana na mugenzi we bakinana mu ikipe imwe Ngaboyitwari Cedric, igufwa ryo ku kagombambari ryahise riva mu mwanya waryo bityo ahita ajayanwa mu bitaro bya gisirikare i Kanombe ahita ashyirwaho isima.

Manzi asanzwe ari umukinnyi ngenderwaho muri APR VC

Umuganga watangiye gukurikirana uyu mukinnyi yamubwiye ko agomba kuzagaruka nyuma y’ibyumweru 3 kugira ngo bazarebe aho imvune ye izaba igeze ikira, nyuma yaho akazatangira urugendo rwo gukira mbere yuko yongere gukora ku mupira.

Nyuma y’ivunika rya Manzi Sadru, bisobanuye ko mugenzi we Masabo Bertin basanzwe bakina ku mwanya umwe ariwe wahise amusimbura.

Nyuma yo gutsinda ikipe ya kirehe VC, APR VC iracakirana na Gisagara VC kuri iki Cyumweru.

Bishobora gufata amezi 2 kugira ngo Manzi agaruke neza mu kibuga

Uruganda rubyaza amashanyarazi nyiramugengeri rw’i Mamba mu Karere ka Gisagara rwaruzuye

Yabitangaje nyuma yo gusura urwo ruganda aho rwubatse mu Murenge wa Mamba ho mu Karere ka Gisagara, ku wa 22 Mutarama 2022, ubwo yari aje kureba aho akazi kageze ku bijyanye no kubona ibya ngombwa by’ibanze nka nyiramugengeri, ni ukuvuga uko igera ku ruganda, uko ikoreshwa n’uko ibiyivamo bindi bikoreshwa.

Ngo yari aje no kureba uko sisiteme yubatse kugira ngo barebe niba itanga icyizere cy’uko izajya itanga amashanyarazi igihe cyose.

Yakomeje agira ati 'Uruganda rwararangiye, hasigaye kurugerageza kugira ngo barebe ko ibintu byose bikora neza. Ntabwo birenga igihembwe cya mbere cy’uyu mwaka kurugerageza bitarangiye, kugira ngo tumenye ahakiri ikibazo ngo kibe cyakosorwa.'

Minisitiri Gatete yasobanuriwe iby’imikorere y’uruganda

Uko rugenda rugeragezwa kandi, ni na ko rugenda rurekura amashanyarazi, ku buryo ubungubu ruri gutanga megawati 30 zifashishwa mu gihugu, kuri 80 rwiteze kuzajya rutanga, hanyuma rukohereza 70, rwo rugasigarana 10.

Ati 'Twatangiye turi kuri megawati eshanu, birazamuka bigera ku 10, ubu tugeze kuri 30. Kugeza mu kwa kane bizaba bimaze gufata ku buryo ibyo gukosora byose bizaba byarangiye.'

Amashanyarazi iyo avuye ku ruganda rw’i Mamba ngo anyura kuri sitasiyo ntoya ya Mamba, hanyuma akajya Rwabusoro, agakomereza i Bugesera ku kibuga cy’indege kiri kubakwa, ndetse akagera no kuri sitasiyo ntoya ya Shango, i Nduba mu Karere ka Gasabo.

I Mamba mu Karere ka Gisagara kandi Minisitiri Amb. Claver Gatete yahasuye sitasiyo ntoya mpuzamahanga iri kuhubakwa, biteganyijwe ko izajya yohereza umuriro i Burundi.

Amashanyarazi yoherezwa i Burundi ngo azajya aturuka kuri iyi sitasiyo ntoya ya Mamba aturutse i Kigoma, kandi biteganyijwe ko imirimo yo kuyubaka izaba yarangiye muri Mata 2022.

Minisitiri Gatete yasuye ibi bikorwa kuri uyu wa Gatandatu tariki ya 22 Mutarama 2022 aho yahereye mu Karere ka Gisagara ku rugomero rwa Kigoma-Gisagara ruri kubakwa, ahava akomereza ku ruganda rw'amashanyarazi akomoka kuri nyiramugengeri rutanga megawatt 80.

Yakomereje mu Karere ka Nyanza aho yasuye uruganda rukora insinga z'amashanyarazi rwatangiye gukora muri Kamena 2021, rwuzuye rutwaye miliyari 13 Frw.

Minisitiri Gatete yavuze ko yaje gusura ibyo bikorwa muri gahunda yo kugenzura aho gahunda yo gukwirakwiza amashanyarazi mu gihugu hose igeze.

Ati 'Uru ruganda rwa nyiramugengeri ruri gukorerwa isuzuma rya nyuma kugira ngo rutangire gutanga amashanyarazi, ubu mu by'ukuri baduhaga megawatt 30, tukaba twari tuje kureba aho akazi kageze ku bijyanye no kubona ibyangombwa by'ibanze nka nyiramugengeri bacukuraga. Hanyuma [tuzareba] ukuntu igera hano n'uko bayikoresha n'ibivamo bindi, icyo bikoreshwa n'uburyo uruganda rwose ruteye kugira ngo bishobore kuduha icyizere cy'uko aya mashanyarazi nituyabona tuzajya tuyabona igihe cyose amasaha 24.'

Yakomeje avuga ko urugomero rw'amashanyarazi mpuzamahanga rwa Kigoma-Gisagara ruri kubakwa ruzohereza umuriro mu Burundi.

Ati 'Muri Gisagara kandi hari urugomero rw'amashanyarazi mpuzamahanga twari tuje kureba yohereza umuriro i Burundi. Narwo ruzarangira muri Mata kugira ngo rutangire gukora.'

Minisitiri Gatete yavuze ko ibyo bikorwa bizihutisha iterambere ry'ubukungu n'ibikorwaremezo, asaba ko hakwihutishwa imirimo isigaye no kubungabunga neza ibyagezweho.

Uru ruganda rutanga amashanyarazi akomoka kuri nyiramugengeri twatangiye kubakwa mu 2017, rukaba rwaruzuye rutwaye miliyari 400 Frw.

Insinga zikorerwa mu ruganda i Nyanza zifasha mu gukwirakwiza amashanyarazi mu gihugu hose

Minisitiri Gatete yasobanuriwe imikorere y’uruganda rw’insinga z’amashanyarazi ruri mu Karere ka Nyanza

Minisitiri Gatete yasobanuriwe uko uruganda rw’amashanyarazi akomoka kuri nyiramugengeri mu Karere ka Gisagara rukora

Minisitiri Gatete yasobanuriwe uko uruganda rw’amashanyarazi akomoka kuri nyiramugengeri mu Karere ka Gisagara rukora

Minisitiri Gatete yasuye ibikorwa b’amashanyarazi byitezweho kuzamura ingano yayo mu gihugu

Uru ruganda rutanga amashanyarazi akomoka kuri nyiramugengeri twatangiye kubakwa mu 2017 rukaba rwaruzuye rutwaye miliyari 400 Frw

Uruganda rukora insinga z amashanyarazi rwatangiye gukora muri Kamena 2021 rwuzuye rutwaye miliyari 13 Frw

Yasuye uruganda rukora insinga ashima imikorere yarwo asaba ko bakomeza kongera ubushobozi bw’ibyo bakora kugira ngo bibe byahaza isoko ry’ababikeneye

Yavuze ko yaje gusura ibyo bikorwa muri gahunda yo kwihutisha ko amashanyarazi akwira mu gihugu hose

[email protected]

Ku gicamunsi cyo kuri uyu wa Gatandatu tariki 22 Mutarama 2022, Imanzi Ltd yasinye amasezerano y'imikoranire na Sosiyete icuruza Internet mu Rwanda, Mango 4G izatanga internet kuva kuri Mr Rwanda kugeza ku muntu uzagira uruhare mu cyiciro cy'amatora.

Aya masezerano yashyizweho umukono n'Umuyobozi wa Imanzi Ltd, Byiringiro Moses ndetse n'Umuyobozi Ushinzwe gukurikirana ibikorwa muri Mango 4G, Uwase Cythia.

Umusore uzegukana ikamba rya Mister Rwanda azahabwa imodoka ifite agaciro ka miliyoni 10 Frw n'inzu yo kubamo mu gihe cy'umwaka umwe. 

Azahabwa kandi internet yo gukoresha mu gihe cy'umwaka azahabwa na Mango 4G, ndetse azanahembwa 'smart phone' na Infinix.

Igisonga cya mbere [1^st Runner Up] azahabwa internet azakoresha mu mwaka na Mango 4G ahabwe na 'router' imufasha kubona internet.

Igisonga cya kabiri [2^nd Runner Up] nawe azahabwa internet azakoresha mu gihe cy'umwaka umwe na 'router'.

Umusore ukunzwe mu irushanwa [Mister Popularity] azahembwa internet y'umwaka ndetse na 'Smart Phone' izatangwa na Infinix.

Umuyobozi wa Imanzi Ltd, Byiringiro Moses yabwiye INYARWANDA ko mu rwego rwo kwagura iri rushanwa riri kuba ku nshuro ya mbere bahisemo ko bazajya bahemba abantu batatu barushije abandi gutora abasore bazaba bahatana mu cyiciro cy'amatora.

Buri Cyumweru bazajya bahemba abantu batatu bahize abandi gutora mu matora yo kuri internet, aho buri umwe azajya ahembwa internet ya 100 GB mu gihe cy'amezi atatu.

Buri Cyumweru kandi bazajya bahemba abantu batatu barushije abandi gutora banyuze ku butumwa bugufi (SMS). Buri umwe azajya ahabwa telefoni Akeza Smart Phone ndetse na internet y'umwaka wose wongeyeho 10GB. 

Umuyobozi wa Imanzi Ltd, Byiringiro Moses [Uri iburyo] n'Umuyobozi Ushinzwe gukurikirana ibikorwa muri Mango 4G, Uwase Cythia basinye amasezerano y'imikoranire  

Sosiyete icuruza Internet mu Rwanda, Mango 4G izatanga internet kuva kuri Mr Rwanda kugeza ku bazajya bahiga abandi mu gutora abasore

Miss High School Africa USA ni irushanwa rigiye gutangizwa n'umushoramari w’umunyamerika Ashley Shumba usanzwe ufite kompanyi zitwara ibintu (Trucking company), ndetse ni we nyiri Global Small Business Award ibera i Dubai afatanyije na Emirates Airlines.

Iri rushanwa rigamije guteza imbere abakobwa bakiri bato b'Abanyafurika. Umunyamafaranga Ashley Shumba aherutse kuvuga ko gutangiza iri rushanwa biri muri gahunda yihaye nk'umunyafurika yo kugira icyo akorera umugabane avukamo.

Umukobwa uzajya wegukana ikamba rya Miss High School Africa USA azajya ahabwa ibihembo birimo umushahara wa buri kwezi; inzu yo kubamo muri America umwaka wose mu Mujyi wa Philadelphia; ubwishingizi bw'ubuzima; aho gukorera; imikufi; gutunganyirizwa imisatsi n'ibindi bijyana nabyo hamwe n’izindi mpano zitandukanye.

Harimo kandi kwishyurira batatu ba mbere amashuri muri Kaminuza muri Amerika ari cyo gihembo nyamukuru.

Ashley Shumba ni we watumiye ku meza Miss Nimwiza Meghan a Miss Iradukunda Lilaine bagirana ibiganiro biturutse ku kuba irushanwa rya Miss Rwanda bagira uruhare mu gutegura rimaze kugera ku rwego Mpuzamahanga ndetse n'uburyo rikora rishyira imbere cyane guteza imbere umwana w'umukobwa.

Umuvugizi wa Rwanda Inspiration Back Itegura Miss Rwanda, Miss Nimwiza Meghan yabwiye INYARWANDA ko hari ubufatanye hagati ya Miss Rwanda n'abategura Miss High School Africa USA ku buryo umukobwa wegukanye ikamba rya Miss Rwanda cyangwa se undi witabiriye Miss Rwanda azajya ahagararira u Rwanda muri Miss High School Africa USA.

Ati '…Binakunze kandi bizanakunda hari umukobwa uzajya ujya guhagararira u Rwanda muri iryo rushanwa, akaryitabira. Igihe rizatangirira tuzabimenyeshwa namwe mu bimenyeshwe. Hanyuma ni tugira umuntu uduhagararira nk’u Rwanda nabyo muzabimenya.'

Miss Nimwiza akomeza ati “…Ni nk’uko Miss World twohereza umukobwa wanyuze muri Miss Rwanda. […] Dufite ‘license’ ya Miss High School Africa igihe izatangirira umukobwa uzaba wanyuze muri iryo rushanwa [Miss Rwanda] nawe azajya yitabira iryo ng’iryo rindi Miss High School Africa,”

Umukobwa wegukanye ikamba rya Miss Rwanda ahagararira u Rwanda muri Miss World. Kuva mu 2016, nibwo u Rwanda rwatangiye kwitabira Miss World iri mu marushanwa ane akomeye ku Isi, ariko nta mukobwa urabasha kuza mu ba mbere bavamo Nyampinga w'Isi.

Mu 2021 u Rwanda rwahagarariwe na Miss Rwanda 2021 Ingabire Grace utarabashije kuboneka muri 40 bazasubira Puerto Rico guhatanira ikamba.

Miss Nimwiza Meghan avuga ko kugira ngo wohereze umukobwa mu marushanwa y'ubwiza ugomba kuba ufite 'license' [uburenganzira].

Avuga ko kugeza ubu bafite 'license' yo kwitabira Miss World ari na ho bohereza umukobwa wegukana ikamba rya Miss Rwanda. Ati 'Kugira ngo witabire ariya marushanwa yo hanze uba ugomba kuba ufite ‘License’ hari ama-License uba ugomba kuba ufite. Uwatsinze Miss Rwanda dufite ‘license’ ya Miss Rwanda niho twohereza umukobwa watsinze Miss Rwanda,'

Akomeza avuga ko irushanwa rya Miss Rwanda ryaguka uko bucyeye n'uko bwije hashingiwe ku bitekerezo by'abafatanyabikorwa n'abandi mu ntego yo kugira uruhare mu rugendo rw'iterambere rw'umwana w'umukobwa.

Avuga ko hari icyizere cy'uko bazagirana ubufatanye n'andi marushanwa arimo Miss Earth ku buryo umukobwa wegukanye Miss Rwanda cyangwa undi yajya nayo ayitabira.

Ati '…Ubufatanye bwo bwanaza bubaye budahari ariko kuri ubu ngubu ubufatanye’ bunini tugerageza kubyaza umusaruro bishoboka byose ni Miss World n’izo za Miss Universe, Miss Earth nazo zizaza, zanaza ariko kuri ubu ng’ubu dushyize imbaraga cyane kuri Miss World,'

Miss Meghan yavuze ko Miss Ingabire Grace wahagarariye u Rwanda muri Miss World 2021 atahise agaruka mu Rwanda nyuma y'uko irushanwa risubitswe, ahubwo ko muri iki gihe akiri muri Leta Zunze Ubumwe za Amerika.

Avuga ko nka Miss Rwanda bashimye uko yitwaye muri Miss World, kandi ko amakosa yagaragaye bayakubuyemo amasomo bazubakiraho mu gutegura undi mukobwa uzaserukira u Rwanda.

Inkuru bifitanye isano: Miss Rwanda 2022: Hamaze kwiyandikisha 350, abafite indwara zidakira n'ubumuga batinyuwe – Ikiganiro na Meghan 

Muri Nzeri 2021, Miss Rwanda 2017 Iradukunda Elsa na Miss Rwanda 2019 Nimwiza Meghan bagiranye ibiganiro n’abari gutegura irushanwa rya Miss High School Africa USA 

Umuvugizi wa Rwanda Inspiration Back Itegura Miss Rwanda, Miss Nimwiza Meghan, yavuze ko hari ubutanye n'abategura Miss High School Africa USA ku buryo umukobwa witabiriye Miss Rwanda azajya ayitabira 

Miss Nimwiza Meghan yasabye abakobwa biyandikishije muri Miss Rwanda 2022 kwikingiza Covid-19 no kwipimisha ku munsi w'ijonjora

KANDA HANO UREBE IKIGANIRO TWAGIRANYE NA MISS NIMWIZA MEGHAN

MENYA HANO UKO WAKITABIRA MISS RWANDA 2022

“>

Ibarurura riheruka gukorwa n'Ubuyobozi bw'Akarere ka Huye rigaragaza ko mu mashuri y'inshuke, abanza, ayisumbuye n'ay'imyuga, abana 8 184 bataye ishuri kuva uyu mwaka watangira.

Barimo 1 832 bataye ishuri mu gihembwe cya mbere n'abandi 6 352 batarasubira gutangira icya kabiri.

Umuyobozi w'Akarere ka Huye wungirije ushinzwe imibereho myiza y'abaturage, Kankesha Annonciata, yavuze ko batangije ubukangurambaga bw'iminsi irindwi bwo kugenda urugo ku rundi bashakisha abana bataye ishuri.

Ati 'Ubu bukangurambaga bw'iminsi irindwi ni ubwo kugera urugo ku rugo kuko iyo umubwiye ngo ejo uzajye ku ishuri hari igihe birangirira hano. Ni ubwo kugera urugo ku rugo kuko umwana aho ari turahazi turimo gufatanya na Mutwarasibo na Mudugudu n'umwarimu wigisha uwo mwana.'

Yakomeje avuga ko bari gukorana n'abana b'abanyeshuri kugira ngo bajye batanga amakuru ya bagenzi babo baretse ishuri.

Bamwe mu batanga ibitekerezo bavuga ko kuba abana bava mu ishuri bituruka ku bukene buri mu miryango ndetse no kuba hari ababyeyi batita ku bana babo.

Mukamana Christine ati 'Hari umubyeyi uba ufite abana benshi biga afite nk'abana bane kandi twishyura 2 000 Frw ku mwana umwe, kugira ngo abone 8 000 Frw buri kwezi bikamugora.'

Izabayo Jean Pierre ati 'Ukabona abana barazerera ababyeyi ntibabakurikirane ngo babasubize mu ishuri, ugasanga abana na bo ntabwo babyitayeho kuko umubyeyi na we aba yagiye gushaka ibibatunga.'

Hirya no hino mu masoko yo mu Karere ka Huye usanga hagaragara abana batagiye ku ishuri, bamwe muri bo baba bacuruza abandi batembera cyangwa bajyanye n'ababyeyi babo babatwaje ibicuruzwa.

Ubuyobozi bw’Akarere ka Huye bwatangiye gusura imiryango ifite abana batarasubira mu ishuri kugira ngo bashishikarizwe kurisubiramo

[email protected]