Author: webrwanda

Ibi ni ibintu bigaragara cyane, ku buryo yaba abareba uko uyu mugabo n’umugore babanye, abenshi baba bishyiramo ko byanze bikunze buriya bakora imibonano mpuzabitsina. Yaba n’uyu musore umukobwa aganiriza neza, ahita yiyumvisha ko ubwo n’imibonano mpuzabitsina igihe azayishakira biba ari ibintu byoroheje.

Birashoboka cyane ko umugabo n’umugore cyangwa umusore n’inkumi baba bafite ahantu bahurira, bagahuza imico yabo ku buryo umugore yakwiyumvanamo n’umugabo, baba bari kumwe akisanzura akamuganiriza neza ubona afite akanyamuneza, ku buryo binabaye ngombwa yanamusura bitewe n’impamvu imwe cyangwa iyindi, nyamara ibi akabikora yumva ari ubushuti busanzwe. Ariko ikibabaje ni uko abagabo benshi ibi bahita bumva babihuje n’imibonano mpuzabitsina. Niyo yaba ataratinyuka ngo amusabe ko bayikora, aba yumva abiha amahirwe arenga 90% yuko namusaba undi azahita yemera.

Birashoboka cyane ko umukobwa cyangwa umugore yakwiyumvamo, cyangwa akisanzura k’uwo badahuje igitsina, nyamara ibi bikaba ari mu buzima busanzwe cyangwa mu kazi gasanzwe, iby’imibonano mpuzabitsina bitarimo.

Aha ni ho ugira utya ukumva abantu bari inshuti koko buzuzanya mu buzima busanzwe bitewe n’aho bahurira cyangwa n’ikibahuje, umugabo kubera ukuntu yahoraga yitiranya uku kwisanzura ku mukobwa no kumuganiriza neza akabihuza no kuba yakwemera ko bakora imibonano mpuzabitsina byoroheje, undi yamuhakanira ugasanga aratunguwe bikanabangamira undi mubano bari bafitanye mbere, kuko aba yarihaye wenyine icyizere kiri hejuru.

Ku bwanjye numva ikintu kijyanye n’imibonano mpuzabitsina ari ikintu kigari cyane, ndetse abantu badahuje ibitsina ntabwo kumenyana kwabo biba biganisha gusa ku mibonano mpuzabitsina.

Abantu hanze aha bagira ibintu byinshi bibahuza, kandi uwagira Imana yakorana n’umuntu bahuza kuko bitanga umusaruro mwinshi. Numva nta mpamvu umuntu yakwimunyamunya kugira ngo atisanzura ku wundi, ngo hato badahita babihuza n’imibonano mpuzabitsina.

Erega hari n’abo wumva, ngo ese ubwo umugore wa kanaka cyangwa umugabo wa kanaka ubwo ni gute buzura n’uriya muntu cyangwa bari inshuti! Ibi ni ibintu bisanzwe ntabwo kwiyumvanamo cyangwa gusabana na kanaka cyangwa nyirakanaka bihita bisobanura ko bikurikirwa n’imibonano mpuzabitsina.

Nemera ko imibonano mpuzabitsina ari ikintu gitegurwa mukabyumvikanaho nk’abantu bakuru bitewe n’impamvu mwembi mwumvikanyeho. Ariko rwose ntabwo ugomba kwiyumvamo ko nyirakanaka byanze bikunze bitewe n’ukuntu ubona mubanye neza bihita bihuzwa no kukwemerera imibonano mpuzabitsina.

Wazatungurwa cyane ndetse bikanangiza umubano wanyu, utinyutse kumusaba ko mwagirana imibonano mpuzabitsina akagukurira inzira ku murima akubwira ko agufata nk’inshuti isanzwe cyangwa musaza we, iby’imibonano mpuzabitsina bitashoboka.

Iki ni igitekerezo cy’umunyamakuru Mukazayire Immaculée Youyou

Uwitabye Imana ni umugore witwa Muhawenimana Triphonie ukomoka mu karere ka Rutsiro. Yapfuye ubwo umukingo wagwiraga igikuta kikamugwa hejuru ariko umwana bari kumwe w'imyaka 7 we yabashije kurokoka.

Ubuyobozi bwasabye abaturage gufata amazi y'imvura hakubakwa n'inzira z'amazi zifite imbaraga.

Umunyamabanga Nshingwabikorwa w'Umurenge wa Gisenyi, Tuyishime Jean Bosco yavuze ko abafite inzu zasenyutse bacumbikiwe n'abaturanyi.

Ati 'Tumaze kubarura amazu yasenyutse 10 kandi turacyakomeje kubarura. Abari muri izi nzu ubu bacumbikiwe mu baturanyi. Turasaba abaturage kujya bafata amazi y'imvura bakoresheje ibigega n'amayira anyuramo amazi akongererwa uburebure kuko byagaragaye ko amazi arusha ingufu ibyubatswe mbere''.

Metéo Rwanda yari yatangaje ko kuri iki Cyumweru tariki 23 Mutarama 2022 hagati ya saa kumi n'ebyiri z'igitondo (06h00) kugeza saa sita z'amanywa (12h00), hateganyijwe imvura mu Ntara y'Iburengerazuba.

Inzu zimwe zinjiwemo n’amazi kubera imvura nyinshi

Hari abasohoye ibikoresho byo mu nzu babishyira hanze

Inzu zasenyutse ari nyinshi kubera imvura nyinshi ivanze n’umuyaga

Urukiko rwo muri Turukiya rwategetse ko umunyamakuru uzwi cyane Sedef Kabas afungwa ashinjwa gutuka perezida w'iki gihugu.

Madamu Kabas yatawe muri yombi ku wa gatandatu mu mujyi wa Istanbul, ndetse urukiko rwategetse ko aba afunzwe mbere yuko urubanza rwe ruba.

Ashinjwa kwibasira Perezida Recep Tayyip Erdogan abinyujije mu gusubiramo amagambo y'umugani (umwibutsa mu Kirundi) ubwo yari arimo gutangaza amakuru kuri televiziyo ifitanye isano n'abatavuga rumwe n'ubutegetsi. Ahakana icyo kirego.

Iki kirego gihanishwa igifungo kiri hagati y'umwaka umwe n'imyaka ine.

Umuhango wo gutanga izi mpapuro wabaye ku wa Gatandatu tariki 22 Mutarama 2022, ubera muri Centrafrique mu biro bya Perezida Faustin-Archange Touadéra.

Inama y'Abaminisitiri yateranye ku wa 15 Kanama 2020 niyo yagize Mutsindashyaka Ambasaderi w'u Rwanda Centrafrique, aho afite icyicaro muri Repubulika ya Congo, aho n'ubundi ahagarariye u Rwanda.

U Rwanda na Centrafrique bisanzwe bifitanye umubano ahanini ushingiye mu bya gisirikare. U Rwanda ni kimwe mu bihugu bifite abasirikare bari mu butumwa bw'Umuryango w'Abibumbye bwo kugarura amahoro muri Centrafrique.

Rufiteyo kandi abasirikare bo mu mutwe udasanzwe boherejwe binyuze mu bufatanye ibihugu byombi bifitanye. Aba basirikare bahawe ubutumwa bwo kurwanya inyeshyamba zashakaga guhirika ubutegetsi bwa Perezida Touadéra.

U Rwanda na Centrafrique kandi bifatanye ubufatanye mu bijyanye n'ubuhinzi binyuze mu masezerano yasinywe tariki ya 27 Kanama 2021 i Bangui.

Centrafrique ni igihugu gikize ku mutungo kamere, gusa miliyoni 5,1 z'abagituye si abashabitsi bakomeye kuko usanga byinshi mu byo bakenera bituruka mu mahanga cyane muri Cameroun.

Magingo aya, isoko rya Centrafrique Abanyarwanda batangiye kurikozaho imitwe y'intoki. Ni ikibuga kirimo amahirwe atabarika kandi bitewe n'umubano mwiza uri hagati y'ibihugu byombi, Abanyarwanda bakomorewe byose kugira ngo bakore batuje kandi bisanga.

Mu ntangiriro za 2021, Perezida wa Centrafrique, Faustin-Archange Touadéra, yakiriye abacuruzi bo mu Rwanda, bamugezaho ibyifuzo byabo mu gihe baba batangiye gukorera muri iki gihugu nyuma y'aho RwandAir itangijeyo ingendo.

Mu nama yahuje abacuruzi b'Abanyarwanda n'abo muri Centrafrique mu mu mwaka ushize, havugiwemo ko mu gihe batangiye gukora, bazahabwa aho gukorera, bakoroherezwa kubona ibyangombwa byo gutura ndetse n'ubwenegihugu ku babushaka.

Mutsindashyaka yashyikirije Perezida Touadéra impapuro zimwemerera guhagarira u Rwanda muri Centrafrique

Mutsindashyaka azahagararira u Rwanda muri Centrafrique afite icyicaro muri Repubulika ya Congo

Inyama y’inkoko ni isoko nziza ya vitamin n’imyunyu ngugu

Vitamin B zinyuranye dusangamo zirinda indwara z’amaso n’uruhu, kongerera ingufu ubudahangarwa, kurwanya intege nke, gufasha igogorwa no gufasha urwungano rw’imyakura. Zinafasha kandi mu kurinda kurwara umutwe w’uruhande rumwe uzwi nka migraine, indwara z’umutima, kuzana imvi imburagihe na diyabete.

Ikungahaye kuri proteine igafasha mu kugabanya ibiro

Ifunguro rikungahaye kuri poroteyine ni ryiza mu gihe wifuza gutakaza ibiro cyangwa kuguma aho uri. Impamvu ni uko iri funguro ritera igihagisha bityo rigatuma utarya byinshi kandi na none rigatuma umubiri ukoresha ibinure byawo bityo ibiro bikagabanyuka. Inyama y’inkoko rero igira poroteyine nyinshi na calories nkeya.

Kuvura ibicurane

Niba ibicurane bikumereye nabi togosha inyama y’inkoko ushyiremo ibirungo bisanzwe (igitunguru, poivron, tungurusumu n’ibindi by’ibimera) ubundi uhute uwo mufa, gukira ni nk’ako kanya.

Kuringaniza umuvuduko w’amaraso

Gufata inyama y’inkoko iherekejwe n’imboga n’imbuto ni ingenzi ku bantu bafite ikibazo cy’umuvuduko ukabije w’amaraso. Impamvu nyamukuru ni uko harimo potasiyumu, ubwinshi bwayo bukaba bugabanya sodiyumu ibujijwe ku bantu bafite ikibazo cy’umuvuduko ukabije w’amaraso.

Kugabanya ibyago byo kurwara kanseri

Ku bantu bakunda inyama, kurya izitukura byongera ibyago bya kanseri y’amara. Nyamara kurya inkoko n’amafi bigabanya ahubwo ibyo byago byaba kuri kanseri muri rusange na kanseri y’amara by’umwihariko. Ubushakashatsi buracyakorwa ngo harebwe ikinyabutabire kiri mu nkoko kirinda kanseri.

Ikungahaye kuri cholesterol nziza

N’ubwo mu nyama y’inkoko harimo cholesterol ariko ni ubwoko bwiza bwayo, dore ko cholesterol ibamo amoko abiri, inziza ndetse n’imbi. Cholesterol nziza ikaba iboneka mu mboga, ifi n’inyama z’inkoko, imbi ikaba ari isoko y’indwara z’umutima.

Hari abibaza ngo ese umufa w’inkoko wavura ibicurane gute kandi nazo zibirwara, burya ikintu cyose gifite ubuzima kiranarwara, ari nayo mpamvu ari ingenzi kwita ku buziranenge bw’ibiribwa ibyo ari byo byose mbere yo kubirya.

Iyo nshuti ye yamufashije guhura n'abantu bo muri icyo kigo, maze na bo bamwereka amafoto agaragaza inzu nziza zubatse i Nyarutarama mu Mujyi wa Kigali.

Uwo mugabo wari utuye i Burayi, yateze RwandAir yerekeza i Kigali na miliyoni 80Frw nk'uko yari yamaze kubyumvikana n'ubuyobozi bw'icyo kigo tutifuje gutangaza izina.

Mu gihe cy'ibyumweru bibiri yagombaga kumara mu Rwanda, yahavuye ibisabwa byose birimo amasezerano y'ubugure no kwishyura birangiye ndetse anasubiranayo urufunguzo rw'inzu ye inogeye ijisho.

Yakubitiwe ahareba i Nzega

Ibyishimo byari byose kuri uwo mugabo wari ukabije inzozi zo kugira inzu mu gihugu cye ari na bwo yahise atangira kubimenyesha inshuti n'abavandimwe be ko yamaze kugura inzu i Nyarutarama.

Ubwo yasubiraga i Burayi, ntabwo yatinzeyo kuko igihe cy'ibiruhuko by'iminsi mikuru cyahise kigera bityo agaruka mu Rwanda azanye na bamwe mu bo mu muryango we.

Birumvikana ko nk'umuntu wari ufite inzu i Kigali atagombaga gusubira kuba muri hoteli ahubwo we n'abo bari bazanye bahise bajya kuba muri iyo nzu yari yaguze i Nyarutarama.

Ibintu byatangiye guhinduka ubwo yahamagaraga inshuti ye izobereye iby'ubwubatsi ngo imusuzumire iyo nzu.

Ayigezemo yatangiye kunenga amakaro yakoreshejwe, uburyo amashanyarazi yashyizweho, amazi, imyubakire y'igikoni, ubwogero bwo mu nzu n'ibindi bibazo uyu muhanga yasanzemo.

Ibi byatumye wa mugabo yitabaza umuhanga mu kugena agaciro k'inzu n'ibindi bikorwa, agenzuye uburyo inzu yubatse, ikibanza cyayo n'ibindi byose abigenera agaciro ka miliyoni 40 z'amafaranga y'u Rwanda.

Gusa ku bwo kurema agatima uwari warayiguze, yamubwiye ko haramutse habayeho kunguka cyane ashobora kuyigurisha nibura miliyoni 50 Frw.

Inzu zo guturamo zisigaye zikenewe cyane mu Rwanda kurusha uko byahoze kubera ubwiyongere bw’abaturage, bigakubitana n’abanyarwanda baba muri Diaspora bashaka gutura ku ivuko

Si urw'umwe!

Kuva mu 2017 kugeza ubwo twakoraga iyi nkuru, uwo mugabo yagiye ahamagara ubuyobozi bwa cya kigo cyamugurishije inzu kugira ngo bubashe kumufasha gukemura ibibazo ariko ntabone igisubizo kugeza ubwo yemeye icyo gihombo.

Ntabwo ari we wenyine wahuye n'iki kibazo n'ibindi byo gutenguhwa muri ubu buryo.

Umuvugizi Wungirije wa Guverinoma y'u Rwanda, Mukuralinda Alain, wari ufite 'Cabinet d'Avocat' mbere y'uko ahabwa izi nshingano, aho yunganiraga Abanyarwanda baba mu mahanga bafite ibibazo bitandukanye mu Rwanda; yagarutse kuri iki kibazo.

Mu kiganiro yagiranye na IGIHE, yavuze ko yagiye ahura n'ibibazo by'Abanyarwanda baba muri Diaspora bagiye babeshywa n'abantu bari mu Rwanda.

Ati 'Icyo gihe rero iyo afitanye ibibazo bishingiye ku masambu, ibibanza cyangwa inzu baba bamaze kugura mu Rwanda usanga iyo bahuye n'ibibazo by'uburiganya kubona aho babariza biba ingorabahizi.'

Mukuralinda nubwo atagaragaza imibare y'abo yunganiye mu mategeko, avuga ko hari benshi bagiye bamugana bakeneye ubufasha ku buriganya baba bakorewe mu Rwanda.

Yakomeje agira ati 'Byagiye bigaragara kenshi ko hano baza bakagura ibintu, bakabeshywa n'abo babiguze, icyo gihe rero mu rwego rw'amategeko twahitaga twinjiramo tukabunganira.'

Yavuze ko impamvu zituruka ku kuba abo bavuye mu mahanga baba badafite umwanya uhagije wo gukurikirana ibibazo byabo.

Abashoramari babivugaho iki?

Abashoramari muri iyi mishinga yo kubaka inzu zigenewe guturamo by'umwihariko baba bahanze amaso isoko ry'aba-Diaspora n'abandi banyamahanga bashobora gukenera gutura mu Rwanda.

Iyo bamurika imishinga igaragaza ibikorwa byabo by'umwihariko mu makoraniro ahuza Abanyarwanda arimo inama zitandukanye zirimo Umushyikirano na Rwanda Day, bagaragaza ko ari imishinga y'akataraboneka.

Nka DND Developers Ltd, igaragaza ko inzu zayo kuva mu kuzishushanya bikorwa n'abahanga baturuka mu bihugu nk'u Bwongereza.

Mu kiganiro n'Umuyobozi Mukuru wa DND Developers, Eng. Daniel Mehari yahakanye ibijyanye n'ibibazo by'ubuziranenge mu nzu bubaka ashimangira ko ziba zubatswe n'abahanga kandi bakazubakira aba-Diaspora n'abandi banyamahanga bifuza gutura mu Rwanda.

Eng. Daniel Mehari wasubizaga ibibazo by'umunyamakuru wa IGIHE, ku murongo wa telefone yagize ati 'Tuba duhanze amaso aba-Diaspora ndetse n'igishushanyo mbonera cy'inzu twubaka kiba gisa n'inyubako ziboneka i Burayi kandi n'ireme usanga ringana n'iryo mu bihugu byaho.'

Yakomeje agira ati 'Dufite aba-Engineers bo mu Bwongereza, nakwizeza ko inzu zacu ziba zujuje ubuziranenge, ubu dufite n'izindi nzu nziza zigera kuri 20 zuzuye kandi zifite ubuziranenge ku buryo dushishikariza aba-Diaspora kutugana bakazigura.'

Avuga ko inzu zo muri DND Developers Ltd bazigurisha hagati ya miliyoni 80Frw na miliyoni 100Frw.

Urwego rw'ubwubatsi by'umwihariko ubw'inzu zo guturamo ni rumwe mu zihanzwe amaso mu minsi iri imbere kuko uretse mu Mujyi wa Kigali, Leta ikomeje gushishikariza abikorera no kugana mu Mijyi yunganira Kigali.

Urwego rw'Igihugu rw'Iterambere, RDB, rugaragaza ko uru rwego rw'ubwubatsi bw'inzu zo guturamo, ari ingenzi kandi rwitezweho kuzafasha mu kuzamura umusaruro mbumbe w'igihugu mu bihe bizaza.

Uru rwego rwinjije miliyari 647 Frw ku musaruro mbumbe w'igihugu mu 2019, mu 2018/2019 rwazamutseho 4% biturutse ku kwaguka n'ubwiyongere bw'abashora imari muri uru rwego baba abikorera ndetse na Leta.

Bitewe n'ubwiyongere bukabije bw'abaturage, u Rwanda rufite umukoro utoroshye wo kubaka inzu zizahaza abaturage miliyoni 14 bazaba batuye mu Rwanda mu 2025 na miliyoni 22 bazaba batuye mu Rwanda mu 2050.

Kugira abo baturage bose bazabone inyubako zibahagije zo guturamo, birasaba ko buri mwaka hubakwa inzu ibihumbi 150 zo guturamo.

Iyi ni imwe mu mafoto yafashwe na IGIHE mu 2019, ubwo yasuraga ahubatswe inzu za DND Developers mu Mujyi wa Kigali. Ba nyir’uyu mushinga bo basobanura ko abakiliya babo banyuzwe

Amazi yishakiye inzira bituma yiroha mu nzu z’abaturage

Imvura nyinshi ivanze n’inkuba n’umuyaga yatangiye kugwa mu ma saa sita z’ijoro ryakeye, abantu byabagoye gusohoka kubera ubwinshi n’imirabyo yari irimo.

Ubuyobozi mu mujyi wa Gisenyi butangaza ko amazi menshi yibasiye abatuye mu tugari twa Umuganda na Bugoyi ndetse amazi yinjiye mu bikuta by’amazu.

Umunyamabanga Nshingwabikorwa w’Umurenge wa Gisenyi, Tuyishime Jean Bosco, yabwiye Kigali Today ko amazu yinjiwemo n’amazu, bafashije abaturage kuyavamo bacumbikirwa n’abaturanyi.

Ati “Amazu yangiritse kubera amazi yari muri ruhurura zuzuye atera abaturage, twabaruye inzu 10 amazi yinjiye mu nkuta abaturage bayakurwamo bacumbikirwa n’abaturanyi. Dukomeje gusaba abaturage babona amazi yinjiye mu nkuta kuva mu mazu, kugira ngo bakumire impanuka itaraba, turakomeza gusangira amakuru.”

Amazi yatewe n’imvura nyinshi yaguye, ari ko byangizwa n’imiyoboro mito y’amazi ituma atagenda ari menshi ari ntandaro yo gutera abaturage, ikigo cya ESSIG Gisenyi ni kimwe mu hatewe n’amazi menshi kubera inzira zayo zangiritse.

Tuyishime akaba yizeza abaturage ko iyo miyoboro igomba gusanwa kugira ngo amazi ajye akomeza inzira adahagaze.

Abenshi bangirijwe n’amazi batuye ahazwi nka Majengo na Unama.

Mu nama yahuje abamotari bakorera mu Turere twa Burera, Gakenke na Musanze two mu Ntara y'Amajyaruguru, Polisi y'Igihugu ikorera muri iyo Ntara n'Ubuyobozi bw'Akarere ka Musanze kuri uyu wa Gatanu tariki 21 Mutarama 2022, abamotari basabwe kurushaho kugira uruhare mu gukumira ibyaha bikomeza kugaragara mu Ntara y'Amajyarugu.

Umuyobozi wa Polisi mu Ntara y'Amajyaruguru, Chief Superintendant of Police, CSP, Francis Muheto, yagarutse ku byaha abo bamotari bakunze gukora n'ibyo bakoreshwa n'abo batwara, abasaba kuba maso bakabyirinda ndetse bakirinda no kubiha icyuho mubo batwara.

Yagize ati 'Ibyo tubasaba ntabwo biruhije kuko ni ku neza yanyu n'umutekano w'igihugu. Turabasaba kwirinda ibyaha bikorwa n'abamotari harimo ubucuruzi bwa magendu aho abayikora bifashisha abamotari.'

'Mwirinde kwinjiza ibiyobyabwenge mu gihugu, gutwara abantu bambukiranya imipaka mu buryo butemewe n'amategeko.”

CSP Muheto yakomeje abasaba kugendera kure imyitwarire yose ihabanye n'imyitwarire n'indangagaciro nyarwanda.

Ati 'Turabasaba kwirinda gutwara abajura mu bajyana iyo cyangwa mubakura aho bibye no kubatwaza ibyo bibye, turabasaba kwirinda guhisha icyapa ( Plaque) kiranga moto kuko ari icyaha. Murasabwa kubahiriza amasaha y'ingendo kuko hari bamwe usanga bacungana na polisi, mugomba kwikingiza no kugenzura ko umugenzi yikingije.'

Abamotari bemera ko akenshi ibyaha bakunze kugwamo byiganjemo ibyo baba batuwemo n'abo batwara n'ubwo nabo baba batashishoje ngo babyirinde mbere.

Harelimana Elias yagize ati” Ubundi biba bigoye ngo umuntu ufite agakapu gato ube wamusaka ngo umenye ibyo atwaye ariko hari igihe umutwara ugasanga yatwayemo nk'urumogi n'ibindi, gusa no mu bamotari harimo n'ubikora abizi agatwara umuzigo abizi gusa we akirengagiza ko ari ibyaha we akarengera amafaranga baba bamuhaye.”

Imanizabayo Claude na we yagize ati” N'ubwo hari ibyaha dukoreshwa n'abagenzi natwe ubwacu harimo abadashobotse kuko hari ibyo bakora babizi. Ubu se tugeho tubeshye ngo kurenza amasaha yagenwe ni iby'abagenzi? Guhisha plaque ni iby'abagenzi?'

Mu bibazo abatwara abagenzi kuri moto bo muri utwo turere bagaragaje harimo iby'ubwishingizi bugenda buzamuka cyane, gucibwa amande cyangwa kwandikirwa ntibamenye igihe byabereye, kuba hari abaguze moto ariko kuziyandikishaho bikaba bidakunda n'ibindi.

Polisi yabijeje ko ibibazo bigihari bigiye gukorerwa ubuvugizi kugira ngo nabo biteze imbere ariko ibasaba kwirinda bimwe mu byaha bakigaragaramo kuko bibatesha umwanya ndetse bikadindiza n'iterambere ryabo n'igihugu.

CSP Muheto yasabye abamotari kugendera kure imyitwarire yose ihabanye n'imyitwarire n'indangagaciro nyarwanda

Abamotari nabo bagaragaje bimwe mu bibazo bibabangamiye, bizezwa ko bigiye gukurikiranwa bigakemuka

Abamotari bo mu Ntara y’Amajyaruguru biyemeje kwikubita agashyi, bakarwanya abashobora kubagusha mu byaha by’umwihariko abagenzi batwara