Author: webrwanda

Dr Salim Ahmed Salim yabonye izuba ku wa 23 Mutarama 1942. Yabaye Ambasaderi wa Tanzania mu Misiri mu 1964 — 1965; ahagararira igihugu cye mu Buhinde (1965 — 1968), u Bushinwa (1969 — 1970) ndetse anaba Intumwa Ihoraho ya Tanzania muri Loni i New York (1970 — 1980).

Kuri uyu munsi yujujeho imyaka 80 mu bamwifurije isabukuru nziza y'amavuko harimo na Perezida Kagame.

Umukuru w'Igihugu abinyujije ku rukuta rwe rwa Twitter yifurije Dr Salim Ahmed Salim 'isabukuru nziza y'amavuko y'imyaka 80'.

Yakomeje ati 'Umuhate udasanzwe wagaragaje mu gukorera igihugu cyawe na Afurika ni urugero rwiza ndetse n'icyitegererezo kuri benshi ku mugabane. Uzarambe nshuti Dr Salim.''

Happy 80th birthday to Dr Salim Ahmed Salim. Your lifelong dedication in service to your country and to Africa is exemplary and an inspiration to many across the continent. Wishing you many more! #DearDrSalim

— Paul Kagame (@PaulKagame) January 23, 2022

Dr. Salim Ahmed Salim yavukiye muri Zanzibar, avuka kuri se w'umwarabu na nyina ufite inkomoko muri Afurika no mu Bwarabu. Yashyingiranywe na Amne ndetse bafitanye abana batatu barimo Maryam, Ali na Ahmed.

Amashuri ye yayigiye muri Lumumba College muri Zanzibar mbere yo gukomereza aya Kaminuza muri St. Stephen's College muri Kaminuza ya Delhi. Yabonye Impamyabumenyi y'Icyiciro cya Gatatu cya Kaminuza mu bijyanye n'Ububanyi n'Amahanga [International Affairs] yakuye muri School of International and Public Affairs muri Columbia University i New York.

Dr Salim yabaye impirimbanyi mu burenganzira bw'umunyeshuri ndetse yashinze, anaba Visi Perezida w'Ihuriro ry'Abanyeshuri muri Zanzibar (All-Zanzibar Student Union).

Dr. Salim Ahmed Salim yatangiye urugendo rwa politiki muri dipolomasi, ahagarariye Tanzania mu bihugu birimo Misiri, u Buhinde, u Bushinwa ndetse yabaye Intumwa ihagarariye igihugu cye muri Loni kuva mu 1970.

Mu 1976 yabaye Perezida w'Akanama k'Umutekano ka Loni ndetse mu 1979 yabaye Umuyobozi mu Nteko Rusange ya Loni [Thirty-Fourth Session of the United Nations General Assembly.]

Icyo gihe yabifatanyaga no guhagararira igihugu cye muri Cuba, Guyana, Barbados, Jamaica, Trinidad and Tobago mu 1970-1980.

Yasubiye muri Tanzania ahabwa inshingano zitandukanye aho yabaye Minisitiri w'Intebe na Minisitiri w'Intebe wungirije hagati ya 1984 na 1989.

Dr. Salim Ahmed Salim yabaye Umunyamabanga Mukuru w'Umuryango wa Afurika Yunze Ubumwe (OUA) mu 1989-2001, ndetse yagize uruhare mu kuyihindura African Union (AU).

Uyu musaza kandi ari mu bagize Komite itanga igihembo cya Mo Ibrahim. Yatanze umusanzu mu rugamba rwo guhangana n'ivanguraruhu (Apartheid) muri Afurika y'Epfo.

Kubera umusanzu we mu kubaka iterambere ku Mugabane wa Afurika yagiye ahabwa ibihembo bitandukanye mu bihugu bya Afurika birimo ibyo yakuye muri Togo, u Rwanda na Liberia.

Perezida Paul Kagame yifurije isabukuru nziza Dr Salim Ahmed Salim wujuje imyaka 80 y’amavuko

Byabaye mu ijoro ryo ku itariki 22 rishyira tariki 23 Mutarama 2022, aho Nshimiyimana yiyemerera icyaha cyo kwica Habumugisha JMV w’imyaka 33 amutemesheje umuhoro nyuma y’uko inzego z’umutekano zirimo Police n’Ingabo, bakora umukwabu wo kumushakisha kuva saa sita z’ijoro, bamufata mu ma saa cyenda z’urukerera rwo ku itariki 23 Mutarama 2022.

Mu makuru Kigali Today yahawe n’Umunyamabanga Nshingwabikorwa w’agateganyo w’Umurenge wa Rwaza, Gafishi Faustin, yavuze ko Nshimiyimana yafatiwe mu rutoki aho yari yihishe.

Ati 'Nk’inzego z’ubuyobozi dufatanyije n’inzego z’umutekano n’abaturage, iki ntabwo ari icyaha cyo kurebera, twamushakishije dukora Operation yo kuva saa sita z’ijoro kugeza saa cyenda, tumufatira mu rutoki aho yari yihishe'.

Arongera ati 'Yemera ko ari we wamwishe atujyana n’aho yamwiciye atwereka n’umuhoro yamutemesheje. Ubu turamufite kuri Sitasiyo ya Police arabyiyemerera, gusa imvugo y’uwaguye mu cyaha, avuga ko atabigambiriye ari impanuka'.

Gafishi avuga ko mubyo bakeka byaba byamuteye kwica mugenzi we, harimo amakimbirane, aho nyakwigendera yigeze gushwana na Mushiki we wari waratandukanye n’umugabo we agaruka iwabo.

Ngo Habumugisha JMV (nyakwigendera) yagiye atoteza mushiki we mu bihe binyuranye avuga ko adakwiye kugaruka mu mitungo y’umuryango, rimwe ngo Habumugisha akoreye mushiki we urugomo ashyikirizwa RIB aribwo na Nshimiyimana yabaye umutangabuhamya, aribyo byaba ari intandaro yo guhigana hagati yabo nk’uko Gitifu akomeza abivuga.

Ati 'Nshimiyimana ni umwe mu bagiye gushinja Habumugisha (Nyakwigendera), ku bijyanye n’urugomo yari yakoreye mushiki we witwa Mbumburunaniye Eriminathe, hanyuma muri uko kumushinja kuri RIB, icyaha cyaramuhamye afungwa mu gihe kingana n’ukwezi'.

Arongera ati 'Ni kimwe mu bituma abantu batekereza ko uko kumushinja byaba ari intandaro y’urwango no gushaka kwihimura, kuko igihe cyose baganiriye ari bombi nk’uko tugenda tubyumva, baba bahanganye, umwe ati warampemukiye nanjye nzaguhemukira n’undi gutyo'.

Uwo muyobozi avuga ko uwo munsi icyo cyaha kiba, batari basangiye, ahubwo Nyakwigendera ngo yari avuye ku gasantere atashye, yicirwa ahantu bigaragara ko hadatuwe.

Ati 'Kuriya abantu babwirizwa gutaha kare mbere ya saa yine bakaba bageze mu ngo, ayo masaha arimo ataha kuva ku isantere kugera iwe, ni ahantu hahwanye n’ikilometero kimwe, muri iyo nzira idatuwe ni ho yamutsinze, urumva nta wundi muntu waduhaye amakuru nk’uwari uhari, uretse nyirubwite wahatujyanye akajya kuhatwereka. Ni icyo cyatumye dukeka tuti, intandaro ntiyaba ari wa munsi yamushinje guhemukira mushiki we?'

Gitifu Gafishi yabwiye Kigali Today ko kuri iki cyumweru nyuma ya saa sita, Umuyobozi w’Akarere ka Musanze n’inzego z’umutekano, bagiye gusura ahabereye icyaha mu rwego rwo guhumuriza umuryango wa nyakwigendera no kuwufata mu mugongo.

Ni n’uburyo bwo kugagiriza abaturage mu kubasaba kwirinda urugomo no kwihanira mu gihe habaye amakimbirane, bagatanga amakuru ku nzego z’ubuyobozi, banabungabunga umutekano kandi batabarana.

Umurambo wa nyakwigendera wagejejwe mu bitaro bikuru bya Ruhengeri, ngo ukorerwe isuzuma hanashakwa amakuru nyayo ku by’urwo rupfu.

Ni umukino wagombaga gutangira saa sita n’igice, ariko uza gukererwaho isaha irenga nyuma y’umukino wa shampiyona y’abagore wabereye kuri icyo kibuga ariko utangira utinze.

Marine FC yatsinze igitego cya mbere ku munota wa 21 w’umukino gitsinzwe na Nahimana Amimu, nyuma yaho umunyezamu Kwizera Olivier yari akuyemo umupira ariko ntiwajya kure, Amimu ahita atsinda n’umutwe.

Ku munota wa 69 w’umukino, Marine FC yatsinze igitego cya kabiri cyatsinzwe na Ishimwe Fiston, nyuma y’umunota umwe gusa Ishimwe Fiston ahita atsinda n’icya gatatu.

Abakinnyi babanje mu kibuga

Rayon Sports:

Kwizera Olivier, Ndizeye Samuel, Mujyanama Fidele, Mitima Isaac, Niyigena Clement, Mugisha François, Manace Mutatu, Mico Justin, Steven Elu Manga, Muhire Kevin, Iranzi Jean Claude.

Marine:

Tuyizere Jean Luc, Dusingizemungu Ramadhan, Hakizimana Félicien, Rushema Chris, Hirwa Jean de Dieu, Ntakirutimana Theotime, Gikamba Ismaël, Ishimwe Fiston, Niyitanga Emmanuel, Nahimana Amimu, Ndayisenga Ramadhan.

Ishyamba rya Makera riro ibinyabuzima nk’ibiri muri Pariki y’Akagera

Ni ishyamba rito cyane riri ku buso bwa hegitare 170, ariko hakaba n’ibindi byanya bigizwe n’umukenke, hagaragaramo inyamaswa nk’ingwe, isha, ingurube z’ishyamba (isatura), inkima, inkwavu, inzoka n’amoko agera ku 124 y’inyoni, nk’uko twabitangarijwe n’Umushakashatsi mu bidukikije, Dr Damascène Gashumba.

Dr Gashumba ari kumwe n’abiga mu Ishuri Rikuru ry’Abaporotesitanti (PIASS) riri i Huye, bakoze ingendo zihinguranya ishyamba rya Makera banaganira n’abaturage bahaturiye kuva mu kwezi kwa Kanama-Ugushyingo 2021, havamo inyigo igaragaza uburyo iryo shyamba rikwiriye kubungabungwa nk’undi murage w’u Rwanda.

Ubwo bushakashatsi buvuga ko Ishyamba rya Makera ryari ku buso bwa hegitare 400 mu myaka nka 20 ishize (ubu risigaye kuri hegitare 170), ariko bitari kera cyane ngo rikaba ryari rifatanye na Pariki y’Akagera, mbere y’uko abaturage b’Umurenge wa Mpanga bahigabiza.

Dr Gashumba avuga ko ubwiyongere bw’abaturage ari bwo bwatumye bacengera muri Pariki y’Akagera bakayicamo ibice, ku buryo hari aho inyamaswa zagiye zisanga zitagifite uko zahura na ngenzi zazo ziri muri iyo pariki.

Abashakashatsi basaba ko Ishyamba rya Makera ryasurwa, ariko kandi rikongera komekwa kuri Pariki y’Akagera

Ishyamba rya Makera ngo ni ahantu nyaburanga usura ukabonamo ibiti binini bya cyimeza bidashobora kuboneka henshi mu Rwanda usibye mu bindi byanya bikomye, hamwe n’inyamaswa zavuzwe ndetse n’imvubu n’ingona, bitewe n’uko iryo shyamba rifatanye n’igishanga cy’Akagera.

Dr Gashumba avuga ko ishyamba rya Makera kuri ubu ryugarijwe n’uburyo abaturage barimo kurisatira baritemamo ibiti byo kubakisha cyangwa gucana, bakaba basizamo ibibanza byo kubaka cyangwa bahinga mu byanya birikikije, ndetse hakaba n’abadatinya kwica inyamaswa zisohoka hanze yaryo.

Dr Gashumba avuga ko Umuryango ayobora uteza imbere Icyaro hashingiwe ku Bidukikije (REDO), ufatanyije n’Abanyeshuri biga muri PIASS ndetse n’inzego zitandukanye za Leta zirimo Ikigo gishinzwe Amashyamba (RWAFA), Urwego rw’igihugu rw’Iterambere (RDB), Ikigo cy’igihugu cy’ibidukikije (REMA) n’ubuyobozi bw’inzego z’ibanze, barimo gutera amashyamba ahuza Makera na Pariki y’Akagera.

Yagize ati 'Ikibazo ni uko abaturage bagiye bivangavangamo (hagati ya pariki n’iryo shyamba), ni yo mpamvu twenda gusa n’abarihuza ku buryo haba hari inyamaswa zimwe zaba zaraheze inyuma y’uruzitiro rw’Akagera zabasha kwambuka, ndetse n’abaza gusura iyo pariki na ho bakahagera'.

Kuva aho ishyamba rya Makera riherereye muri Mpanga kugera kuri Pariki y’Akagera hari intera ya Km 30

Avuga ko bakomeje gutera ibiti bya cyimeza by’u Rwanda birimo imihati, imiyenzi, iminyinya n’imivumu, mu rwego rwo kwagura ishyamba rya Makera ndetse no gukikiza imigano igishanga cy’Akagera.

Uwo mushakashatsi avuga ko ingo zigera ku bihumbi 15 zo mu Murenge wa Mpanga zimaze kubakirwa amashyiga ya rondereza kugira ngo bifashe abaturage gucana ibiti bike cyane babivanye ku birimo guterwa, kandi iyi gahunda ikazakomeza kugezwa ku zindi ngo ibihumbi 45 zo muri Kirehe bitarenze umwaka wa 2024.

Umuyobozi w’Akarere ka Kirehe, Rangira Bruno, avuga ko habayeho imbaraga nyinshi zo kurinda ishyamba rya Makera kugira ngo ribe rikiriho kandi ririmo inyamaswa kugeza n’uyu munsi, ndetse akizeza ko izo ngufu zizakomeza gukoreshwa.

Ishyamba rya Makera ririmo gusatirwa n’abaturage

Ishyamba rya Makera riravugwaho mu gihe uyu mwaka wa 2022 muri Werurwe kuva tariki 07 kugera 12, u Rwanda ruzakira Inama mpuzamahanga yiswe (APAC), izashakira ibisubizo ibyanya bikomye bya Afurika, mu rwego rwo kurinda isi kwibasirwa n’ubutayu cyangwa gucika kw’ibinyabuzima bimwe na bimwe.

Abari baranze kwikingiza bavuye ku izima

Abenshi barabiterwa n’ubumenyi buke mu bya Bibiliya, aho bamwe barimo kugaragara bavuga ko urukingo ari kimwe mu byahishuwe byerekana umunsi w’imperuka, abandi bakavuga ko ari ibimenyetso bya Satani, ndetse bamwe bakabishyigikirwamo n’abashumba babo.

Nibyo byabaye kuri bamwe mu baturage 587 bo mu mirenge inyuranye igize Akarere ka Burera, aho bafashe umwanzuro wo kwanga gufata urukingo rwa Covid-19 bagendeye kuri ayo mahame y’imyemerere.

Ntabwo ubuyobozi mu nzego z’inyuranye mu Karere ka Burera bwarebereye, ahubwo bakoze ubukangurambaga bwimbitse bafatanyije n’abayobozi b’amadini n’amatorero, kugeza ubwo abo baturage baviriye ku izima, 98% bakaba bamaze gufata urukingo nk’uko Umuyobozi w’Akarere ka Burera, Uwanyirigira Marie Chantal abivuga.

Ati 'Twakoze ibishoboka turabigisha, ku bufatanye n’abahagarariye amadini n’amatorero n’inzego z’ubuzima, bisubiraho, aho kugeza ubu muri abo tumaze gukingira abagera kuri 98%'.

Bakomeje kwitabira gukingirwa

Arongera ati 'Turakomeza gushimira abafatanyabikorwa bose kugera ku rwego rw’umudugudu n’isibo, bagenda bakora akazi gakomeye kugira ngo abaturage bose bakomeze gukingirwa, ndetse n’abaturage muri rusange badufasha kwegera babandi batabyumva neza. Hari no gufasha babandi b’intege nke, inzego z’ubuzima ziradufasha hari n’abo tugenda dusanga iwabo mu ngo, kugira ngo tuborohereze iki gikorwa gikomeze kugenda neza, twizere ko umuntu wese ahawe urukingo'.

Umwe muri abo baturage bari baranangiye banga kwikingiza, yabwiye Kigali Today ko yabitewe n’inyigisho z’ubuyobe.

Ati 'Ikibazo ni inyigisho zimwe na zimwe zituyobya twumva hirya no hino bikadutera ubwoba, ndetse hari n’ubwo abadukuriye mu madini n’amatorero aribo batuyobya bakatubwira ko urukingo ruhabanye n’imyemerere yacu'.

Arongera ati 'Turashimira ubuyobozi n’inzego zinyuranye, zirimo iz’umutekano n’urubyiruko rw’abakorerabushake batwigishije tumenya ko Leta icyo utwifuriza ari ubuzima bwiza'.

Ubuyobozi bw’akarere ka Burera bukomeje gahunda yo gusobanurira abaturage ububi bwa Covid-19

Kugeza ubu mu Karere ka Burera, abagera kuri 220 banduye Covid-19 barimo kwitabwaho n’abashinzwe ubuzima, mu rwego rwo kwirinda ko ubwandu bukomeza gukwirakwira mu baturage.

Ni umukino wagombaga gutangira saa sita n’igice, ariko uza gukererwaho isaha irenga nyuma y’umukino wa shampiyona y’abagore wabereye kuri icyo kibuga ariko utangira utinze.

Marine FC yatsinze igitego cya mbere ku munota wa 21 w’umukino gitsinzwe na Nahimana Amimu, nyuma yaho umunyezamu Kwizera Olivier yari akuyemo umupira ariko ntiwajya kure, Amimu ahita atsinda n’umutwe.

Ku munota wa 69 w’umukino, Marine FC yatsinze igitego cya kabiri cyatsinzwe na Ishimwe Fiston, nyuma y’umunota umwe gusa Ishimwe Fiston ahita atsinda n’icya gatatu.

Abakinnyi babanje mu kibuga

Rayon Sports:

Kwizera Olivier, Ndizeye Samuel, Mujyanama Fidele, Mitima Isaac, Niyigena Clement, Mugisha François, Manace Mutatu, Mico Justin, Steven Elu Manga, Muhire Kevin, Iranzi Jean Claude.

Marine:

Tuyizere Jean Luc, Dusingizemungu Ramadhan, Hakizimana Félicien, Rushema Chris, Hirwa Jean de Dieu, Ntakirutimana Theotime, Gikamba Ismaël, Ishimwe Fiston, Niyitanga Emmanuel, Nahimana Amimu, Ndayisenga Ramadhan.

Yves Mutabazi wakiniraga ikipe ya Volleyball ya Al Jazira SC yo muri Leta Zunze Ubumwe z’Abarabu yaburiwe irengero.

Uyu musore usanzwe ukinira n’ikipe y’igihugu ya Volleyball yari amaze igihe gito agiye gukina muri iki gihugu.

Amakuru y’uko yaburiwe irengero yamenyekanye mu gitondo cyo kuri iki Cyumweru tariki ya 23 Mutarama 2022, aho bivugwa ko mbere kuburirwa irengero amashusho yafashwe aho yari atuye habanje kuba imirwano.

Ambasade y’u Rwanda muri Leta Zunze Ubumwe z’Abarabu, yatangaje ko “yamenye amakuru y’uko uyu mukinnyi w’Umunyarwanda yaba yaburiwe irengero muri UAE, ndetse yashyize imbaraga zose zishoboka mu kumushakisha (…) Nitubona amakuru yisumbuye turayabamenyesha”.

Yaburiwe irengero nyuma y’iminsi mike atangaje ko atameze neza muri iki gihugu ndetse asaba Perezida wa Repubulika y’u Rwanda, Paul Kagame ko yamufasha agataha.

Yves Mutabazi wakiniye amakipe atandukanye arimo REG VC, APR VC na Gisagara VC mu Gushyingo 2021 yari yahembwe na Madamu Jeannette Kagame nk’umwe mu rubyiruko rw’indashyikirwa mu muhango wo kwizihiza Isabukuru y’Imyaka 20 Umuryango Imbuto Foundation umaze ushinzwe.

Yves Mutabazi yaburiwe irengero

Rev. Past Nzabonimpa Canisius w'imyaka 65 yaguye mu Karere ka Rubavu aho yari yagiye gukorera ivugabutumwa ryiza.

Nziyavuze Israel, umwana wa nyakwigendera yabwiye IGIHE ko bamenye inkuru y'itabaruka ry'umubyeyi wabo mu gitondo cy'uyu munsi.

Yagize ati 'Papa yari ari i Rubavu mu ivugabutumwa hamwe na Pasiteri Rugerinyange, Ngendahayo Simon Pierre n'Umushumba w'Ururembo rwa Gihundwe, Pasiteri Nsabayesu Aimable. Batubwiye ko baryamye nk'ibisanzwe mu macumbi ya ADEPR i Rubavu, buri wese ari mu cyumba cye. Mu gitondo babyutse baritegura ariko bakomanze bumva ntari gufungura, bahamagaye telefoni ye ntiyacamo, bagerageza guhamagara RIB ngo ice urugi. Bahise bamujyana kwa muganga basanga byarangiye.''

Yavuze ko baherukaga kuvugana ku wa Kabiri kuko bari banafitanye gahunda bagombaga gukorana muri Kigali nyuma yo kuva mu ivugabutumwa yarimo.

Ati 'Ntiyari arwaye, n'ejo yarabwirije.''

Rev Past Nzabonimpa yaboneye izuba mu Karere ka Nyamasheke mu 1957. Yashakanye na Mukarugina Stephanie, babyarana abana 10 barimo Bikorimana Emmanuel uzwi nka Bikem mu muziki w'indirimbo zihimbaza Imana na Sengurebe Joël nyiri Iyobokamana TV. Mu rugo rwe aho yari atuye harerewe abana benshi.

Rev. Past Nzabonimpa Canisius azwi cyane mu nyigisho zururutsa imitima by'umwihariko mu Rwanda bihereye muri ADEPR abarizwamo, ayandi matorero no mu mahanga ya kure.

Uyu mushumba yari amaze igihe ashyizwe mu kiruhuko cy'izabukuru mu Itorero rya ADEPR i Gihundwe. Yabaye Umuyobozi wa Paruwase zitandukanye muri ADEPR zirimo iya Ntura, Bigutu, Rwahi na Gihundwe mu Karere ka Rusizi mu rwahoze ari Ururembo rw'Iburengerazuba.

Mbere yo kwitaba Imana, yateganyaga gukora DVD ebyiri z'inyigisho zizaza zikurikiye iyo yamuritse mu 2017, zirimo iyitwa 'Uburyo bwiza bwo kuba muri Kirisitu Yesu' no 'Kwigaragaza kw'Imana mu biremwa.'

Rev. Pst Nzabonimpa ni umwe mu bavugabutumwa bakomeye muri ADEPR. Yavuze ubutumwa mu bihugu bitandukanye aho mu Ukuboza 2017, yanyuze mu Bufaransa mu Mujyi wa Paris yigisha muri ADEPR Europe no mu yindi mijyi irimo Lyon na Le Havre.

Yanakoze ivugabutumwa mu Mujyi wa Oslo muri Norvège muri Mutarama 2018, akomereza mu Bubiligi ku bufatanye n'Itorero rya ADEPR Region ya Europe. Ivugabutumwa yarisoreje mu Mujyi wa Tours mu Bufaransa ku wa 5 Gashyantare 2018, aho yageze avuye kubwiriza muri ADEPR Strasbourg.

Rev. Past Nzabonimpa Canisius uzwi cyane mu Itorero ADEPR yitabye Imana

Uyu mupasiteri yari amaze igihe ashyizwe mu kiruhuko cy'izabukuru mu Itorero rya ADEPR i Gihundwe

Rev Past Nzabonimpa Canisius n'umugore we Mukarugina Stephanie