Webrwanda Backend

Author: webrwanda

  • Burkina Faso yanditse amateka muri AFCON 2021 – YEGOB #rwanda #RwOT

    Burkina Faso ibaye ikipe ya mbere ibonye iticye ya ¼ cya AFCON 2021

    Ismahila Ouedraogo niwe utsinze Penaliti yanyuma ya Brukina Faso, nyuma yaho iyi kipe isigaye Ari abakinnyi 10, gusa nti biyibujije gutsindira ikipe ya Gabon kuri penaliti 7-6 nyuma yo kunganya umukino wose 1-1, maze biyiha iticye nk'ikipe yambere ikandagiye muri ¼.

    Wari umukino ugoranye cyane hagati ku makipe yombi kuburyo amakipe yombi yaje kwisanga agiye mu minota 30 y'inyongera nyuma yo kunaniranwa mu minota 90 nyuma y'igitego cyo kwishyura cya Burkina Faso cyaje mu minota yanyuma, bituma aya makipe yombi yerecyeza kuri za Penaliti maze umusore w'imyaka 22 Ouedraogo aha ikipe iticye.

    Ikipe ya Burkina Faso yaje guhabwa Penaliti mu minota y'umukino isanzwe ku munota wa 14 gusa rutahizamu Issa Kabore ubwo yashyirwaga hasi mu rubuga rwa nyezamu gusa Bertrand Traore aza gutera umupira ku giti cy'izamu.

    Uyu rutahizamu wa Aston Villa yaje gukurirwamo umupira n'umunyezamu wa Gabon ku munota wa 10, nyuma y'umupira mwiza yari ahawe na Hassane Bande maze Jean Noel Amonome agarura iryo shoti neza.

    Ikipe ya Gabon yaje gutsinda igitego mbere iminota ine ngo Igice Cya mbere kirangire nyuma y'umupira miuremure wari uvuye kwa Bruno Ecuele Manga maze usanga Aaron-Salem Boupendza nawe waje guhita atsinda igitego neza gusa igitego kiza kwangwa kuko basanze yari yarariye.

    Obissa yaje guhabwa ikarita ye ya kabiri y'umuhondo bimuviramo ikarita y'umutuku ku munota wa 67, gusa Gabon yirangaraho bituma igana mu gice cy'inyongera y'iminita 30 nyuma yo kwishyura igitego Bari batsinzwe Kare, Aho ku munota wa 91 bateye umupira uva muri Koroneri maze Ecuele Manga atera umupira neza n'umutwe maze ukubira kuri Adama Guira maze aba yitsinze igitego.

    Iminota 30 y'inyongera ntiyatandukanyije aya makipe yombi maze umukino werecyezwa muri za Penaliti, nyuma yaho amakipe yose yaje gutera yinjiza neza Penaliti zabo esheshatu muri Penaliti umunani Bose bateye.

    Nyuma yaho Lloyd Palun yaje gutera Penaliti ya cyenda ya Gobon akayitera umutambiko w'izamu, Ismahila Ouedraogo niwe wari utegerejwe maze bwanyuma na nyuma yohereza umunyezamu wa Gabon Aho umupira utanyuze, maze biha ikipe ye ya Brukina Faso kugera muri ¼ Aho itegereje ikipe iribuve hagati ya Tunisia na Nigeria ku mukino uzaba Kuwa Gatandatu utaha wa ¼.

    Source : https://yegob.rw/burkina-faso-yanditse-amateka-muri-afcon-2021/

  • Umuslay Queen w'imyaka 93 akomeje gutungurana kubera imyambarire ye (AMAFOTO) – YEGOB #rwanda #RwOT

    Umukecuru w'imyaka 93 ufatwa nk'umuslay queen ushaje cyane akomeje gutungurana kubera imyambarire ye imugaragaza nk'inkumi.

    Uyu mukecuru ukunda ibijyanye n'imyambarire, amaze kuba icyamamare ku bantu bakoresha imbuga nkoranyambaga afatwa nk'umukecuru w'umu slayqueen ukuze cyane kurusha abandi.

    Helen Van Winkle avugako kugirango atangire kwiyerekana byatewe n'umwuzukuru we.

    Helen yatangiye kwigaragaza muri Mata 2014 biturutse kumwuzukuru we witwa Kennedy w'imyaka 17.

    Source : https://yegob.rw/umuslay-queen-wimyaka-93-akomeje-gutungurana-kubera-imyambarire-ye-amafoto/

  • Umupolisi yateye abantu kumirwa ubwo yicukuriraga imva azahambwamo napfa – YEGOB #rwanda #RwOT

    Umugabo w'umupolisi w'imyaka 59 yatunguye abantu ubwo yicukuriraga imva azahambwamo niyitaba Imana.

    Uyu mugabo uzwi cyane ku izina rya Sabasita mu gihugu cya Tanzania, yicukuriye imva ndetse aranayubakira, kugira ngo umunsi yapfuye umuryango we utazarushywa cyane n'ibikorwa bijyanye n'ishyingurwa rye.

    Uyu mugabo witwa Patrick Matey Kimaro usanzwe ufite ipeti rikomeye mu gipolisi cya Tanzania yavuze ko byamufashe igihe kinini kugira ngo ashobore gusobanura no kumvisha umuryango we gahunda afite yo gucukura no kubakira imva azashyingurwamo kandi akiri muzima.

    Asobanura ibijyanye n'isanduku yo kuzashyingurwamo, Kimaro azategura ibijyanye nayo, ariko yavuze ko atahita ayigura ubu.

    Source : https://yegob.rw/umupolisi-yateye-abantu-kumirwa-ubwo-yicukuriraga-imva-azahambwamo-napfa/

  • Perezida wa Armenia, Armen Sarkissian yeguye – #rwanda #RwOT

    Mu itangazo yanyujije ku rubuga rwe rwa internet, yagize ati: 'Ntabwo ari icyemezo kigendeye ku marangamutima, kigendeye ku bigaragara'.

    Yakomeje avuga ko adafite ubushobozi bwo kugira icyo akora kuri Politiki Mpuzamahanga ndetse n'iy'imbere mu gihugu, kuko Ubuyobozi Bukuru bufitwe na Minisitiri w'Intebe, Nikol Pachinian.

    Ibibazo by'iki gihugu byatangiye ubwo cyatsindwaga mu ntambara cyarimo n'igihugu gituranyi cyacyo, Azerbaïdjan mu mwaka wa 2020, barwanira kuyobora agace ka Nagorno-Karabakh.

    Perezida na Minisitiri w'Intebe, ntibumvikanaga kubijyanye no kwirukana ukuriye Ingabo nyuma yo gutsindwa intambara, yabaye hagati y'ibi bihugu byombi byahoze bigize Leta Zunze Ubumwe z'Abasoviyeti, muri Caucase yahitanye abarenga 6500.

    Ati: 'Ndizera ko noneho impinduka mu Itegeko Nshinga zizabasha gushyirwa mu bikorwa hanyuma Perezida uzankurikira ndetse n'ubuyobozi bwa Perezida bazabasha gukorera mu mucyo'.

    Perezida Armen Sarkissian, yavutse mu mwaka wa 1953 i Yerevan, yabaye Minisitiri w'Intebe mu mwaka wa 1996-1997, mbere yo gutorerwa kuba Perezida muri Werurwe 2018.

    Ubukungu bwa Armenia bwagiye hasi cyane kuva ku isenyuka rya Leta Zunze Ubumwe z'Abasoviyeti mu mwaka w'1991.

    Amafaranga yagiye yoherezwa n'abenegihugu baba mu bihugu byo hanze (Diaspora) niyo yagiye yifashishwa mu kubaka amashuri, insengero n'indi mirimo yo kubaka harimo na Nagorno-Karabakh.

    Source: France 24

    Source : https://inyarwanda.com/inkuru/113775/perezida-wa-armenia-armen-sarkissian-yeguye-113775.html

  • Mu mideli ntabwo watangira ubona ama miliyoni… – #rwanda #RwOT

    Miss Tina watangije Brand y'amakote nyuma y'uko abonye icyuho mu ikorwa ryayo ubwo yari mu Rwanda mu mwaka wa 2018, nk'umwe mu banyamideli bamaze imyaka irenga 7 babikora yafashe umwanya asobanura iby'igitekerezo cye kigiye kugirira umumaro abanyarwanda, mu buryo burimo kubona akazi n'ubundi, anaboneraho no kugaragaza ishusho y'uruganda rw'imideli mu Rwanda rukomeje gutera imbere, anagira inama urubyiruko by'umwihariko rw'abanyamideli bagishakisha uko bagera kure mubyo bakora.

    Kuri ubu Miss Tina uri kubarizwa mu gihugu cya Poland yatangiye agira ati: 'Njewe ubusanzwe ndi umu model, maze imyaka igera 7 ntangiye kujya murika imideli ahantu hanyuranye (modelling), nkunda kwambara neza kuburyo aho ngiye hose bihita bigaragarira abantu.'
    Agaruka ku buryo yigiriye inama yo gutangiza Brand y'amakote y'abagore mu Rwanda ati: 'Muri 2018 aho nari mu Rwanda, mfite ikiganiro kuri television gusa kubera nari nazanye imyenda mike nza mu Rwanda, nshaka ahantu nagura kositime nziza ndahabura.'

    Ashimangira iyi ngingo, Tina agira ati:'Aho nabonye, zaguraga ibihumbi 180, kandi nabwo atari nziza, ari izisanzwe, rero ngarutse aha Poland niga ahantu nakura kositime z'abakobwa n'abagore nziza zifite quality nziza, ntangira kuzirangura Turkey na Poland.'

    Nyuma yo gusobanura uko yaje kwigira inama yo kwinjira mu bijyanye no gutunganya imideli yari asanzwe amurika, Miss Tina yinjiye mu buryo uruganda rw'imideli ku gihe yari akiri mu Rwanda rwari ruhagaze binyuranye n'ubu.

    Ati: 'Njye nakoreye mu Rwanda guhera 2016. Icyo gihe twari dufite fashion shows zishyura ariko make, ibindi kenshi twakoreraga ubuntu, gusa ubu imideli ihagaze neza mu Rwanda haba aba designers nka Tanga, Moshions, Zoi n'abandi benshi basigaye banishyura aba model neza n'ama agency y'abamodel ahagaze neza, urugero Febestmodels ya Franco na Quin.'

    Miss Tina aboneraho kugenera ubutumwa abamufashije kugira aho agera ati: 'Icyo nabwira abakunzi banjye banzi mu marushanwa y'ubwiza cya mbere, ni ukubashima kuko byose kugira ngo ngere aho ndi byasabye ko banshyigikira, bagashyigikira igihugu cyacu cy'u Rwanda.'

    Asobanura ko kugeza n'ubu agikora kandi nawe abona ageze igihe cyo gutangira kugira abo yafasha ati: 'Nababwira kandi ko nyuma yo kunshyigikira nanjye ntatereye agati muryinyo, ahubwo buri gihembo cyangwa amahirwe nabonye narayakoresheje, yewe bamwe bagiye kubyungukiramo mu mishinga myinshi ngiye gutangiza mu Rwanda.'

    Mu gusoza, Miss Tina yafashe umwanya agira inama urubyiruko ati: 'Inama nagira barumuna banjye cyangwa abana bakiri bato bifuza kugera aho ndi cyangwa kuharenga, ni uko byose bishoboka, gusa bisaba kudacika intege kuko ibica imbaraga ni byinshi yaba abababwira nabi cyangwa babaca intege, ahubwo bo bakomeze bakore kuko courage ya mbere iva mu mutima.'

    Na none Tina ati: 'Mu mideli ntabwo watangira ubona amamiliyoni rero bakomeze bakore yaba make cyangwa  ah'ubuntu hakuzamura, ubundi amafaranga azaza menshi mu gihe nyacyo.'

    Imyaka ibaye myinshi Tina Uwase yerekana imideli

    Akorana na Uncover Models Management yo muri Poland

    Tina Classic Suits ikomeje kubona abayigana

    Tina arateganya gutangira gutanga akazi mu bihe bya vuba mu mishinga migari afite mu mideli yo mu Rwanda

    Agira inama urubyiruko rukishakisha yo kudacika intege

    Yabaye Miss Supranational Rwanda 2018 anaba igisonga cya mbere cya Miss Elite 2020

    Tina Classic Suits

    Miss Tina Uwase

    Source : https://inyarwanda.com/inkuru/113768/mu-mideli-ntabwo-watangira-ubona-ama-miliyoni-miss-tina-uherutse-gutangiza-brand-yamakote–113768.html

  • Zara Rutherford ku myaka 19 yesheje umuhigo w… – #rwanda #RwOT

    Ubu bwoko bw'indege ni ubwoko budakunze gukoreshwa mu ngendo ndende cyane, ndetse ntibusaba ahantu hanini cyangwa ikibuga cy'indege zisanzwe ngo bugwe, kuko bushobora kugwa ahabonetse hose ariko hameze neza n'ubwo haba ari hato.

    Ubusanzwe, kirazira kikaziririza ko mu ndege hagendamo umuntu umwe atari kumwe n'umwunganira (Co-pilot), cyane cyane iyo ari urugendo rwa kure, kuko ushobora guhura n'impanuka ukabura ugutabara cyangwa se ukananirwa ukabura ukuruhura.

    Zara Rutherford, umukobwa ukiri muto rwose, we yaharaniye kwesa agahigo mu rugendo yakoze amezi atanu yose, ari mu ndege wenyine, ndetse ikaba ari indege itamenyerewe mu gukora ingendo ndende, maze aba abaye umuntu wa mbere ku isi ukoze uru rugendo rwo kuzenguruka isi mu ndege nk'iyi, ndetse anegukana agahigo ko kuba ariwe muntu muto w'igitsinagore wesheje umuhigo wo kuzenguruka isi atwaye indege arimo wenyine. 

    Uru rugendo rw'amezi atanu yarutangiriye iwabo mu Bubiligi ahitwa Kortrijk, tariki 18 Kanama 2021 arusoza tariki 20 Mutarama 2022.

    Mu nkuru ya Deutsche Welle (soma Dociveri) ari nayo dukesha aya makuru, ivuga ko Zara yagendaga asangiza abamukurikira ku mbuga nkoranyambaga iby'urugendo rwe, ndetse n'imbogamizi yagendaga ahura nazo.

    Zimwe mu mbogamizi yahuye nazo harimo kuba yarageze ku Burusiya Viza ye ikamushiriraho ntabashe kuhinjira, ndetse anavuga ukuntu atabashije kwinjira muri Koreya ya Ruguru ndetse atari anemerewe kuhegera, kuko indege ntoya ziba zitemerewe kwegera Korea ya Ruguru. 

    Uyu mukobwa ukiri muto yazengurutse imigabane itanu hose, akora ibirometero ibihumbi 52 (52.000) byose.

    Mu gihe izindi ndege iyo zenda kugwa ziba zifite abaziha amakuru y'aho zigomba kugwa, Zara we siko byari bimeze kuko muri uru rugendo yari wenyine haba mu ndege ndetse no kubutaka. Byamusabaga kwirwariza akamenya amakuru y'aho ari buhagarare n'uko ikirere kimeze.

    Zara Rutherford wavutse tariki 5 Nyakanga 2002 (azuzuza imyaka 20 muri Nyakanga), yavutse ku babyeyi basanzwe batwara indege, kuburyo ari ibintu yakuze akunda na cyane ko yatangiye kujyana na papa we mu rugendo akiri muto cyane. Ku myaka 14 gusa nibwo yatangiye kwiga gutwara indege, ndetse aza kubona uruhusa rwo gutwara indege mu mwaka wa 2020 afite gusa imyaka 18. Yize ibijyanye n'imibare mu ishuri ry'abakobwa mu mujyi wa Hampshire mu Bwongereza.

    Ise umubyara, Sam Rutherford, ni umwongereza utwara indege by'umwuga naho nyina, Beatrice de Smet, akaba umubiligikazi nawe utwara indege ariko bitari iby'umwuga. We (nyina umubyara) ni umunyamategeko.

    Source: DW News

    Source : https://inyarwanda.com/inkuru/113773/zara-rutherford-ku-myaka-19-yesheje-umuhigo-wo-kuzenguruka-isi-mu-ndege-ari-wenyine-113773.html

  • Gasogi United ya KNC ikubiswe umunzenze na Etiencelles Fc – YEGOB #rwanda #RwOT

    Ikipe ya Gasogi United iyoborwa na KNC itsindiwe i Nyamirambo na Etiencelles Fc yari iri ku mwanya wa nyuma ku rutonde rw'agateganyo rwa shampiyona ibitego bibiri ku busa (2-0).

    Wari umukino w'umunsi wa 14 wa shampiyona y'ikiciro cya mbere mu Rwanda.

    Ni umukino watangiye ukereweho isaha imwe ku masaha yari yateganyijwe, watangiye amakipe yombi yiteguye neza ubona ko anyotewe intsinzi.

    Ikipe ya Etiencelles Fc yaje gukina ibizi neza ko ari iyanyuma ku rutonde rw'agateganyo rwa shampiyona, ibyo byayiteye kuza mu kibuga yumva ko igomba gucyura intsinzi.

    Ku munota wa 19, ikipe ya Etiencelles Fc yaje gufungura amazamu ku burangare bw'aba myugariro ba Gosogi United.

    Nyuma yo kubona igitego cya mbere ikipe ya Etiencelles Fc ntago yagiye ngo iryame mu izamu ahubwo yakomeje kwataka izamu rya Gasogi United.

    Gasogi United nk'ikipe yari yatsinzwe nayo yakomeje kugenda irema uburyo bugiye butandukanye gusa ariko igitego cyanze cyirabura.

    Ku munota wa 43, ku makosa ya bamyugariro ba Gasogi United ikipe ya Etiencelles yaje kubona igitego cya kabiri cyatsinzwe na Songa Isaih.

    Iminota 45 yaje kurangira ikipe ya Etiencelles Fc ikiri imbere n'ibitego bibiri ku busa bwa Gasogi United.

    Igice cya kabiri cyatangiye ikipe ya Gasogi Fc ishaka kwishyura mu gihe ikipe ya Etiencelles Fc yo yagombaga kurinda ibitego byayo bibiri.

    Gasogi United yaje ibizi neza ko yatsinzwe ibitego bibiri, aho yaje ifite ishyaka kurusha ikipe ya Etiencelles Fc.

    Ikipe ya Etiencelles Fc yakinaga isubira inyuma cyane igacungira ku mipira miremire.

    Gasogi United yakomeje gushakisha igitego ariko kiragenda kirabura.

    Iminota yakomeje kugenda yicuma igana ku musozo ari nako ikipe ya Etiencelles Fc yakomezaga kurinda ibitego byayo.

    Iminota 90 yagenwe n'amategeko yaje kurangira ikipe ya Etiencelles Fc iri imbere n'ibitego bibiri ku busa.

    Source : https://yegob.rw/gasogi-united-ya-knc-ikubiswe-umunzenze-na-etiencelles-fc/

  • Urubyiruko rwasabwe gufatira urugero ku ntwari z'u Rwanda mu buzima bwarwo – #rwanda #RwOT

    Ibi yabigarutseho kuri iki Cyumweru, tariki ya 23 Mutarama 2022, mu kiganiro cyanyuze kuri Televiziyo Rwanda cyagarutse ku butwari mu Banyarwanda gitegura ibirori byo kwizihiza Umunsi w'Intwari.

    Buri tariki ya 1 Gashyantare u Rwanda rwizihiza Umunsi w'Intwari zakoze ibikorwa by'indashyikirwa mu mateka y'u Rwanda.

    Minisitiri Bamporiki yasabye urubyiruko kuba rwakora iby'ubutwari nk'ibyaranze ingabo zari iza RPA Inkotanyi zafashe iya mbere zikabohora u Rwanda ndetse zigakura n'ibihumbi by'Abanyarwanda mu buhunzi.

    Ati 'Abato bagomba kujya bacukumbura amateka y'abo babyeyi banze guheranwa n'ubuhunzi, banze kurambarara mu kibi bakavuga ngo reka twibohore iyi ngoyi y'ubuhunzi amahanga areke kutwubararaho.'

    Ibi abihuje na Uwamahoro Prisca, umwe mu banyeshuri bagizwe intwari bo mu Ishuri ry'i Nyange, wavuze ko urubyiruko rufite amahirwe yo gukurira mu gihugu cyiza cyatuma baba intwari.

    Ati 'Abana babyiruka ubu bafite amahirwe ko bavukira mu gihugu gifite ingengabitekerezo nziza, yo kubakira ku bumwe bw'Abanyarwanda ari nayo mahitamo perezida yaduhaye yo guhitamo ubumwe.'

    Yakomeje ati 'Bakwiye kugendera ku nyigisho no ku rugero rw'izo ntwari zatubanjirije no kubyo bigishwa n'uko igihugu kimeze, bakavoma mu mpanuro umukuru w'igihugu ahora aduha tukubakira kuri ubwo bumwe.'

    Abakiri bato basabwa kwiga amateka yabafasha kuba intwari bafatiye urugero ku bababanjirije n'ubuzima bwabo.

    Lt. Col. Mugisha Vincent wari ku rugamba rwo kubohora igihugu, yagaragaje ko hari ibikorwa byinshi by'urubyiruko birimo iby'ubutwari.

    Ati 'Ubutwari burakomeje iyo ubona abana b'abakorerabushake, ukabona aritanga ntahembwa yirirwa ku zuba abwira abantu ngo nimwambare agapfukamunwa kandi abwira abantu bakuru bazi ubwenge uwo ntiyabura kubarwa nk'intwari.'

    U Rwanda rufite intwari ziri mu byiciro bitandukanye birimo Imena, Imanzi, Ingenzi n'Umusirikare utazwi.

    Mu Ntwari z'Imanzi harimo Maj Gen Fred Gisa Rwigema, ndetse n'Umusirikare utazwi uhagarariye abandi baguye ku rugamba rwo kubohora Igihugu.

    Mu Ntwari z'Imena harimo Umwami Mutara wa III Rudahigwa, Rwagasana Michel, Uwiringiyimana Agathe, Niyitegeka Félicité n'Abanyeshuri b'i Nyange banze kwivangura bikaviramo bamwe kwicwa abandi ubu bakaba barahamugariye.

    Abari mu cyiciro cy'Ingezi ntibaramenyekana kuko hakirimo gukorwa ubushakashatsi ngo hamenyekane abazashyirwamo.

    Urubyiruko rwasabwe gufatira urugero ku ntwari zitangiye u Rwanda

    Source : http://igihe.com/amakuru/u-rwanda/article/urubyiruko-rwasabwe-gufatira-urugero-ku-ntwari-z-u-rwanda-mu-buzima-bwarwo

  • Nyanza: Abantu babiri bakurikiranyweho kwica umugabo bamutemaguye – #rwanda #RwOT

    Sindayigaya Ephron yari asanzwe atuye mu Mudugudu wa Kigarama mu Kagari ka Nkomero; yishwe atemaguwe mu rukerera rwo ku itariki ya 21 Mutarama 2022 ubwo yari agiye kurema isoko ry'amatungo mu Karere ka Ruhango kuko asanzwe acuruza inka.

    Amakuru aturuka muri ako Kagari avuga ko Sindayigaya yahamagawe n'abandi bantu basanzwe bakorana na we ubucuruzi bw'inka ngo bajyane ku isoko nk'uko bisanzwe, yicwa ari mu nzira agiye kubareba aho bamutegerereje.

    Umunyamabanga Nshingwabikorwa w'Umurenge wa Mukingo, Nkurikiyumukiza Jean Marie Vianney, yabwiye IGIHE ko umurambo wa Sindayigaya wabonywe n'umuturage wari ugiye guhinga mu rukerera.

    Ati 'Mu gitondo ubwo umuturage yajyaga guhinga yabonye umurambo we amenyesha ubuyobozi, hanyuma duhamagara RIB kugira ngo ize ikore iperereza kuri urwo rupfu.'

    Umuyobozi w'Akarere ka Nyanza, Ntazinda Erasme, yabwiye IGIHE ko kugeza ubu hamaze gufatwa abantu babiri bakekwaho kugira uruhare muri urwo rupfu.

    Yasabye abaturage kwirinda ibyaha kandi uwagira amakuru kuri urwo rupfu akayageza ku nzego zibishinzwe.

    Ati 'Abantu babiri ni bo bari kubazwa mu rwego rw'iperereza. Icyo dusaba abaturage ni uko uwagira amakuru yose yadufasha kumenya uwakoze ayo mahano yayatugezaho, haba RIB, Polisi n'inzego z'ibanze.'

    Umurambo we wahise ujyanwa ku kwa muganga gukorerwa isuzuma hanyuma arashyingurwa.

    Sindayigaya yishwe afite imyaka 48, yasize umugore n'abana, akaba yari umuhinzi asanzwe akora n'ubucuruzi bw'inka.

    Kuri iki Cyumweru abaturage bo mu Kagari ka Nkomero bafashe undi mugabo bakekaho kugira uruhare mu kwica Sindayigaya Ephron kuko bamusanganye bimwe mu bikoresho yari afite ubwo yicwaga. Bahise bamushyikiriza ubuyobozi kugira ngo na we akorweho iperereza.

    Inyubako y’Ibiro by’Akarere ka Nyanza

    [email protected]

    Source : http://igihe.com/amakuru/u-rwanda/article/nyanza-abantu-babiri-bakurikiranyweho-kwica-umugabo-bamutemaguye

  • Ikipe ya Rayon Sports inyagiriwe i Nyamirambo na Marine Fc – YEGOB #rwanda #RwOT

    Ikipe ya Rayon Sports inyagiriwe i Kigali na Marine Fc y'Igisenyi ibitego bitatu ku busa (3-0).

    Wari umukino w'umunsi wa 14 wa shampiyona y'ikiciro cya mbere mu Rwanda.

    Umukino watangiye ukereweho isaha imwe ku masaha wari gutangiriraho kubera umukino wahuzaga ikipe ya As Kigali y'abagore na Apaer watinze kurangira.

    Umukino watangiye amakipe yombi ashaka kureba ko yacyura amanota atatu.

    Ku munota wa 3, ikipe ya Rayon Sports yaje kubona igitego ariko umusifuzi aza kucyanga kubera amakosa bari bakoreye umuzamu wa Marine Fc.

    Ku munota wa 20, ikipe ya Marine Fc yaje kubona igitego cya mbere cyatsinzwe na Nahimana Amimu.

    Nyuma yo gutsindwa igitego, ikipe ya Rayon Sports yashatse uburyo ya kwishyura icyo gitego yari imaze gutsindwa.

    Ikipe ya Rayon Sports yakomeje kurusha ikipe ya Marine Fc gusa umuzamu wa Marine Fc akomeza kwitwara neza.

    Iminota 45 y'igice cya mbere yaje kurangira ikipe ya Marine Fc ikiri imbere n'igitego kimwe ku busa bwa Rayon Sports.

    Igice cya kabiri cyatangiye ikipe ya Rayon Sports iri kwataka ishaka kwishyura igitego yari yatsinzwe.

    Rayon Sports yakomeje kwataka ishakisha igitego cyo kwishyura ariko abataka bayo bakomeza kugenda barata ibitego imbere y'izamu.

    Ku munota wa 69, ikipe ya Marine Fc yaje kubona igitego cya kabiri cyatsinzwe na Ishimwe Fiston.

    Ku munota wa 70, ikipe ya Marine Fc yaje kongera gutsinda igitego cya gatatu cyatsinzwe na Ishimwe Fiston.

    Iminota yakomeje kugenda yicuma igana ku musozo ariko Marine Fc ikomeza kurinda ibitego byayo mu gihe Rayon Sports yashakaga icy'imozamarira.

    Iminota 90 yagenwe n'amategeko yaje kurangira ikipe ya Marine Fc ikiri imbere n'ibitego bitatu ku busa bwa Rayon Sports.

    Source : https://yegob.rw/ikipe-ya-rayon-sports-inyagiriwe-i-nyamirambo-na-marine-fc/