Author: webrwanda

Iyi EP y'uyu muhanzi izaba iriho indirimbo zirimo ebyiri yamaze gushyira hanze zirimo 'Jelas' yashyize hanze mu mezi ashize na 'Something' yashyize hanze mu minsi mike ishize.

Mu kiganiro yagiranye na IGIHE, yavuze ko guhimba indirimbo zigize iyi EP ye nshya byaturutse ku busabe bw'abasanzwe bakunda ibihangano bye.

Ati 'Izina “Tunes of the people” ryaturutse ku kuba umushinga wa EP ubwawo warakozwe ku bw'ubusabe bwa benshi mu bakunda ibihangano byanjye. Ni ubwa mbere nkoze EP ntekereza ko aricyo gihe kuko ubu imbuga zicururizwaho umuziki zaratwegereye kurusha mbere. Ubu hariho uburyo bwinshi bunyuranye umuhanzi yatangamo ibihangano muri bwo harimo na EP rero.'

Uyu muhanzi akomeza avuga ko abakunzi b'ibihangano bye bamusabye ko abakorera injyana zitandukanye nawe kubera ko yiyumvagamo ubwo bushobozi ajya mu nganzo.

Iyi EP izajya hanze mu mpera z'uku kwezi kwa Mutarama. Uyu muhanzi avuga ko ifite ishusho y'umuziki ugezweho muri Afurika ndetse ijanisha rinini ry'indirimbo ziyiriho akaba ari iz'urukundo.

Mani Martin afite album eshanu zirimo 'Afro' yasohotse mu 2017, 'Isaha ya 9' yagiye hanze mu 2008, 'Icyo Dupfana' yashyize hanze mu 2010, 'Intero y'amahoro' yashyize hanze mu 2011 na 'My Destiny' yagiye hanze mu 2012.

Reba indirimbo nshya ya Mani Martin

Mani Martin yakoze EP kubera ubusabe bw’abakunzi be

Mani Martin ni umwe mu bahanzi bamaze igihe kinini mu muziki nyarwanda

Umuvugizi wungirije wa Guverinoma, Alain Mukuralinda

Icyakora umuvugizi wungirije wa Guverinoma y’u Rwanda avuga ko abantu badakwiye kumva ko ibibazo byari bihari bihita bikemuka kuko nabyo ari byinshi, ariko ko urwego rw’ibiganiro byabaye hagati y’abayobozi bombi ku wa gatandatu w’icyumweru gishize, bifite akamaro kanini ko kongera gutsura umubano.

Mu kiganiro yahaye umunyamakuru wa Radio Rwanda, Alain Mukuralinda yavuze ko ibiganiro hagati y’abo bayobozi bombi bitanga icyizere cyo ku rwego rudasanzwe, ugereranyije n’ibiganiro byagiye bibaho birimo n’abahuza ku mpande zombi mu kongera gutsura umubano hagati y’ibihugu byombi.

Agira ati 'Ibiganiro byabaye kuri ruriya rwego ntabwo ibyemezo byafatiwemo bikunda gutinda gushyirwa mu bikorwa, ariko ntabwo bivuze ko bihita bikorwa mu minsi ibiri cyangwa itatu kuko ibibazo bihari nabyo biraremereye'.

Umuvugizi wungirije wa Guverinoma avuga ko abantu bakwiye gutegereza bakareba ibikorwa bitari amagambo kubera uburemere bw’ibibazo u Rwanda rwagiye rugaragariza Uganda, ko rubangamiwe no kuba icyo gihugu gicumbikiye abatera u Rwanda.

Hari kandi Abanyarwanda baba muri icyo gihugu bahohoterwa kenshi, naho Uganda ikagaragariza u Rwanda ko abo Banyarwanda aba ari abatasi barwo.

Agira ati 'Batubwiye ko ibyo baganiriyeho byemejwe ko biva mu magambo bikajya mu bikorwa, niba hari imbogamizi ku ruhande rwa Uganda zikarangira n’izo ku ruhande rw’u Rwanda zikarangira, ibintu ikava mu magambo bigashyirwa mu bikorwa'.

Yongeraho ati 'Abantu ntibumve ko ubwo bahuye bihita bikemuka ariko nibura 50% cyangwa 60% ibisubizo byiza bihari. Ubu ni ukureka ibyo kohererezanya intumwa, cyangwa kugirana ibiganiro ahubwo ibintu bikava mu magambo bigashyirwa mu bikorwa'.

Mu minsi itarenze 10 intumwa ya Uganda Adonia Ayebale yari yaje mu Rwanda izaniye ubutumwa Perezida Kagame, bwari bwoherejwe na Perezida Museveni wa Uganda, nyuma akurikirwa n’umuhungu we Lt Gen Muhoozi Kainerugaba mu buryo butunguranye wahise asura u Rwanda nabyo bituma Abanyarwanda benshi bumva bafitiye inyota igisubizo cyiza, ku bibazo bisanzwe by’imibanire hagati y’u Rwanda na Uganda byagize ingaruka ku migenderanire n’ubuhahirane hagati y’ibiguhu byombi.

Umuhungu wa Perezida Museveni akimara gusura u Rwanda, yakomeje kugaragaza ku mbuga nkoranyambaga ze nka Twitter ko yishimiye kuganira na Parediza Kagame wanamwakiriye ku meza, kandi ko ibiganiro bagiranye bisubiza mu gihe cya vuba ibibazo by’imibanire n’imigenderanire hagati y’ibihugu byombi.

Amakuru y’ibura rya Yves Mutabazi mu mujyi wa Abu-Dhabi, yagiye ahagaragara kuri iki Cyumweru, tariki 23 Mutarama 2022, biturutse mu muryango we ndetse n’ihuriro ry’abanyarwanda baba muri iki gihugu.

Binyuze ku mukozi ushinzwe itumanaho muri Ambasade y’u Rwanda muri Leta Zunze Ubumwe z’Abarabu, Peter Muyombano, yavuze ko nyuma yo kumenya ko Mutabazi yaburiwe irengero bashyizemo imbaraga mu kumushakisha.

Ati 'Ambasade y’u Rwanda muri Leta Zunze Ubumwe z’Abarabu ku wa Gatandatu tariki 22 Mutarama 2022, yamenye amakuru y’uko umunyarwanda akaba umukinnyi wa Volleyball wabigize umwuga Mutabazi Yves yaba yaraburiwe irengero ari muri UAE. Ambasade yashyize imbaraga zose zishoboka mu kumushakisha ifatanyije n’izindi nzego zibifitiye ububasha muri iki gihugu.'

Yakomeje agira ati 'Ambasade iri gukorana n’inzego zibifitiye ububasha, ariko ibindi byisumbuye ku bijyanye no kumushakisha twazabigeza ku banyarwanda mu minsi iri imbere tumaze kubona amakuru afatika kandi yizewe.'

Peter Muyombano, avuga ko nk’ambasade y’u Rwanda mu Barabu nta kintu kihariye bazi cyari gutuma ubuzima bwe bujya mu kaga. Agakomeza avuga ko barimo gukorana n’ikipe yakiniraga, gusa ngo nayo irimo kumushakisha.

Yagize ati 'Ikipe yakiniraga ya Al Jazira mu murwa mukuru w’Abarabu Abu-Dhabi amakuruy’ibanze ahari nuko nabo bari kumushakisha aho aherereye. Gusa turimo dukusanya amakuru ku ibura rye.'

Leta Zunze Ubumwe z’Abarabu iri mu bihugu bitekanye aho abantu bagenda amanywa n’ijoro, ibi ni nabyo Amabasade y’u Rwanda muri iki gihugu ihera ivuga ko nta rwikango abanyarwanda bahaba bafite ku bijyanye n’umutekano wabo.

Mutabazi Vyes aburiwe irengero nyuma y’iminsi agaragaza ko ashaka gutaha mu Rwanda, ibi byagaragazwaga n’ubutumwa yanyuzaga ku mbuga ze nkoranyambaga. Harimo nubwo yanditse asaba Perezida wa Repubulika kumufasha gutaha.

Kapiteni w’ikipe y’igihugu y’u Rwanda, Haruna Niyonzima yifuza guhura n’umukuru w’igihugu, Perezida Paul Kagame aho avuga ko hari byinshi yifuza kumubwira kandi azi neza ko hari ibyahita bihinduka muri ruhago y’u Rwanda n’intsinzi ikaboneka.

Intsinzi ku ikipe y’ikipe y’igihugu Amavubi ikomeje kuba inzozi, abanyarwanda benshi bifashe mapfubyi kubera Amavubi, gusa no mu bakinnyi nabo ntabwo bishimye kubona birirwa batukwa ahantu hose n’abanyarwanda kandi nyamara ngo hari icyagakozwe kidakorwa ngo intsinzi iboneke n’abanyarwanda babone ibyishimo nk’ibya 2003 u Rwanda rubona itike y’igikombe cy’Afurika.

Kapiteni w’ikipe y’igihugu, Haruna Niyonzima mu kiganiro One Sports Show aherutse kuvuga ko ibi byose birimo kuba aho abanyarwanda bigunze kubera Amavubi hari umuti wabyo, ngo aramutse ahuye na Perezida Kagame hari ibyo azi yamubwira kandi byakemura byinshi.

Ati 'Navuze akantu abantu basa n’aho bagapinze ariko umunsi nahuye n’umukuru w’igihugu ibyo bintu bizahinduka, nkunda kubisaba cyane (…) kubunyuza mu itangazamakuru ntibishoboka, ubwo nintamubona nzabugumana kuko ni ubwanjye ku giti cyanjye.'

Haruna Niyonzima aheruka gutangaza ko bahuye yamutura ibibazo byose biri mu ikipe y’igihugu bituma intsinzi itaboneka.

Uyu mugabo umaze gukinira ikipe y’igihugu imikino myinshi mu mateka yayo aho yakinnye 105, yavuze ko yizeye ko u Rwanda ruzasubira mu gikombe cy’Afurika ariko na none aca amarenga y’uko Perezida w’u Rwanda ari we ufite urufunguzo cyane ko ari we wenyine wasubiza ibintu ku murongo.

Amavubi aheruka mu gikombe cy’Afurika cya 2004, kuva icyo gihe kugeza uyu munsi imyaka 18 irirenze rurota gusubirayo ariko byaranze neza.

Haruna Niyonzima ngo ubutumwa bwe azabwihera umukuru w’igihugu nta wundi muntu azamutumaho

Perezida Kagame ngo ni we ufite ubushobozi bwo gukemura ikibazo kiri mu Mavubi

Umutoza w’agateganyo wa Rayon Sports, Lomami Marcel yavuze ko kubura abakinnyi be bagera kuri 4 basanzwe babanza mu kibuga ari kimwe mu bintu byatumye batsindwa na Marines.

Ku munsi w’ejo hashize Rayon Sports yari yakiriye Marines FC mu mukino w’umunsi wa 14 wa shampiyona, ni umukino warangiye Marines ibatsindiye i Kigali ibitego 3-0.

Ni umukino Rayon Sports yakinnye idafite bamwe mu bakinnyi bayo basanzwe babanza mu kibuga barimo Muvandimwe JMV, Nizigiyimana Karim Mackenzie na Nishimwe Blaise bari batemerewe gukina umunsi wa 14 kubera amakarita, hari kandi na Onana Willy ufite ikibazo cyu’imvune.

Nyuma y’uyu mukino, Lomami yavuze ko kuba atari afite abakinnyi be bose ari kimwe mu bintu byamukozeho nta kindi.

Ati 'urebye nta kintu kiri kubura ni uko dutsinzwe ariko nta kintu kibura ni abakinnyi banjye babuze kuko iyo baza kuba bahari ndumva ko twari gukora ibishoboka kuko nibo bari bamaze kumenyerana, urumva nari mfite abakinnyi benshi bari basanzwe badakina n’abandi bari bavuye mu burwayi.'

Ababjijwe niba yaba yibeshye ubwo yakoraga impinduka mu gice cya kabiri havamo Mugisha François Master hakajyamo Niyonkuru Sadjati, nibwo ikiniga cyamufashe kuvuga biranga.

Ati 'ntakwibeshya byaba birimo kuko twifuzaga y’uko twataka, Master ntabwo yakinnye nabi twifuzaga ko Iranzi aguma hariya inyuma, Sadjati nari namubwiye ko aguma hariya hagati ku buryo afasha ba rutahizamu bacu abaha umupira wa nyuma kuko twakinaga dusa n’abugarira, twageze aho turavuga ngo reka dufungure dukine, yego hari imipira yagiye atakaza asubiza inyuma niyo yatuzaniye ikibazo (aha nibwo ikiniga cyahise kimufata kuvuga biranga), ni uko.'

Rayon Sports izasoza imikino ibanza ya shampiyona ya 2021-22 ikina na Gasogo United ku wa Kane tariki ya 27 Mutarama 2022.

Kubura bamwe mu bakinnyi be nicyo ahamya ko cyamukozeho

Ni ubusabe bwatanzwe ubwo hizihizwaga Umunsi ngarukamwaka wahariwe kuzirikana Filozofiya wahuriranye no kwibuka imyaka 40 ishize Musenyeri Alexis Kagame wabaye umwanditsi n'umusizi ku mitekerereze y'abantu yitabye Imana.

Uyu muhango wabereye mu Iseminari Nkuru ya Philosophicum ya Kabgayi, ku wa 21 Mutarama 2022.

Umuyobozi w'Inama y'Abepisikopi Gatolika mu Rwanda akaba n'Umushumba wa Diyosezi ya Butare, Musenyeri Philippe Rukamba, yavuze ko ibitabo n'inyandiko Musenyeri Kagame yasize yanditse byatunganywa neza bikanoga kugira ngo bikoreshwe nk'imfashanyigisho.

Yagize ati 'Musenyeri Kagame yabaye intangarugero mu banyabwenge, binagaragarira mu byo yasize yanditse kuko bibumbatiye byinshi dukwiye gukurikiza tukaba tumuhaye icyubahiro tumugomba nk'umuntu wagaragaje ko yarafite ubumenyi bwafasha umuryango mugari gutera imbere. Ntabwo dushaka ko bigarukira aho, ahubwo binashyirwe mu nyigisho zigwe mu mashuri, bizadufasha kumva no kumenya neza imitekerereze n'imyitwarire nyayo dukwiye kugenderaho.''

'Ntabwo bikwiye ko abanyamahanga bonyine aba ari bo bamuha icyubahiro kandi Musenyeri Kagame ni we wagerageje kwandika ku mitekerereze n'imigenzereze nyayo. Ni twebwe yandikiraga ashaka ko tuzagira amateka dusigarana arimo ibisigo, amazina y'inka n'ibindi bitandukanye.'

Uwabaye umunyeshuri wa Musenyeri Alexis Kagame mu Iseminari ya Kansi, Evode Kalima, yavuze ko yakundaga gutebya ashaka kureba niba abanyeshuri be barakazwa n'ubusa.

Yasobanuye ko mu Rwanda atarahabwa agaciro akwiye kuko na kera yigishaga muri za kaminuza z'i Burundi na Zaïre, aho inyigisho ze zigifatwa nk'iz'umumaro.

Yagize ati 'Yakundaga gutebya akatwita amazina ashaka kureba niba tutari abanyamusozi barakazwa n'ubusa. Yari umuhanga cyane kuko iyo yabaga arimo kutwigisha ntiyakundaga umuntu wandika ari kwigisha ahubwo akakubwira ko wandika ibyo wamenye, akagira urukundo ndetse ntashake ko incuti ze zimucikaho. Mbona mu Rwanda tutaramuha agaciro kuko yadusigiye umurage ukomeye. Abanyamahanga baramusingiza ariko twebwe ubona tubifitemo ubunebwe.'

Umukozi wa Komisiyo ikorana n'Ishami ry'Umuryango w'Abibumbye rishinzwe Ubumenyi n'Umuco (CNRU) akaba ashinzwe Umuco n'Ubumenyi mu Mibereho n'Imibanire y'Abantu, Kajuga Jérôme, yavuze ko Musenyeri Kagame yasize ubuhamya n'umurage wo kugira ibyo yakwigirwaho.

Yagaragaje ko bikwiye ko hari ibyo yigirwaho ndetse abanyeshuri biga Filozofiya bakaba abahamya b'ibyo bize n'ibyo bigishijwe.

Ati 'Ubu turizihiza imyaka 120 Musenyeri Kagame amaze avutse, iyi Filozofiya ikwiye kugaruka ikigwa kuko usanga henshi itakigwa.''

Umuyobozi w'Iseminari Nkuru Philosophicum yaragijwe Mutagatifu Thomas d'Aquin ya Kabgayi, Padri Dr Kayisabe Vedaste, yavuze ko amasomo ya Filozofiya batangiye kuyakorera ubuvugizi mu nzego zibifite mu nshingano hagamijwe ko yakwigwa.

Iseminari Nkuru ya Kabgayi ni yo yonyine ifite Ishami rya Filozofiya gusa mu gihe ahandi usanga biga isomo rimwe, ku buryo babica hejuru bihuta.

Yakomeje ati 'Imbogamizi ivugwa ni uko uwabyiga ngo atabona akazi. Nyamara igihugu kitagira abantu bafite imitekerereze ihamye, nta terambere rirambye rihaba. N'umuryango uwo ari wo wose utezwa imbere n'imitekerereze myiza. Tunifuza kandi ko ababyiga bajya bahabwa impamyabumenyi muri Filozofiya.''

Umunsi Mpuzamahanga wahariwe Filozofiya wizihizwa buri mwaka, wahujwe no kwibuka imyaka 40 Musenyeri Alexis Kagame amaze yitabye Imana; yatabarutse mu 1981.

Musenyeri Kagame yasize inyandiko n'ibitabo byinshi bisaga 186 [ibimaze kumenyekana] bibumbatiye amateka, ubusizi, Iyobokamana n'imitekerereze y'abantu. Yanifashishijwe mu gihe cy'Abami na nyuma y'aho, yandika inyandiko z'ibyo bakurikiza mu miyoborere y'Igihugu.

Minisiteri y'Urubyiruko n'Umuco iri gukorana na Diyosezi ya Butare kugira ngo inyandiko za Musenyeri Kagame zihurizwe hamwe, zishyirwe ahantu hazwi ku buryo kuzibona byoroha.

Umuyobozi w'Inama y'Abepisikopi Gatolika mu Rwanda akaba n'Umushumba wa Diyosezi ya Butare, Musenyeri Philippe Rukamba, yavuze ko ibitabo n'inyandiko Musenyeri Kagame yasize bikwiye gutunganywa

Inyigisho za 'Filozofiya' zasabiwe guhabwa umwihariko mu mashuri yo mu Rwanda

Umunsi ngarukamwaka wahariwe kuzirikana Filozofiya wahuriranye no kwibuka imyaka 40 ishize Musenyeri Alexis Kagame yitabye Imana

Iseminari Nkuru ya Kabgayi ni yo yonyine ifite Ishami rya Filozofiya, ahandi usanga biga isomo rimwe

Abafashe ijambo bashimye umuhate wa Musenyeri Alexis Kagame mu kwandika inyandiko zitandukanye