Author: webrwanda
-
Umugore w'umukinnyi yarasiwe mu gitaramo ahita ahasiga ubuzima #rwanda #RwOT
Umugore w'umukinnyi w'umupira w'amaguru wa Paraguay, Ivan Torres yapfuye nyuma yo kuraswa mu mutwe ubwo yari mu gitaramo cy'umuziki mu murwa mukuru w'igihugu, Asuncion
Umugore w'uyu mukinnyi w'umunya Paraguay usanzwe ari yarashwe mugitaramo.
Cristina Vita Aranda, ufitanye abana batatu n'uyu mukinnyi wa Club Olimpia, Ivan Torres, yatangaje ko yapfuye nyuma gato yo kujyanwa mu bitaroyarashwe isasu mu mutwe.
Amakuru y'ibanze avuga ko uyu mukinnyi ukina inyuma ku ruhande rw'ibumoso, Torres, wahoze wa Paraguay wa U20, na we yari muri iki kirori kandi yafashije kwihutisha umugore we mu bitaro, nubwo uyu munyamideli nawe bari baherutse gutangaza ko bateganya gutandukana nyuma y'imyaka 10 bashakanye.
Biravugwa ko yafashwe mu masasu yarashwe mu gace ka VIP I Asuncion nubwo iraswa ryo ku cyumweru rikomeje gukorwaho iperereza n'abapolisi.
Umugabo witwa Marcos Ignacio Rojas Mora na we yapfuye,gusa amakuru ataremezwa nezaavuga ko umwicanyi yari agamije kurasa umucuruzi w'ibiyobyabwenge witwa Ederson Salinas Benitez.
Ivan yatangiye umwuga we mu ikipe ya Cerro Porteno yo muri Paraguay mbere yo gusinyira mukeba wayo Club Olimpia mu Kuboza 2014.
Amashusho ya tereviziyo y'aho yerekanaga umwe mu barashwe ajyanwe kwa muganga n'abashinzwe umutekano n'abatwara imbangukiragutabara mu gihe undi mugabo na we wakomeretse yasohowe n'abagabo babiri bamufasha kugenda.
Umuyobozi w'ibitaro bya Itaugua Nacional, Yolanda Gonzalez, yemeje urupfu rwa Cristina w'imyaka 29, ati: 'Yari yakomeretse cyane kandi bagerageje kumuzura nibura mu minota 25 nyuma yo guhagarara k'umutima we.Yapfuye nyuma yo kugerageza kurokora ubuzima bwe.
-
Umunyanigeria Don Jazzy yatunguranye maze atangaza ko yaciwe intege no kubona Rihanna atwite #rwanda #RwOT
Ku munsi w'ejo tariki ya 30 Mutarama 2021 ,nibwo amafoto y'umuhanzikazi Rihanna atwite yasakaye ku mbuga nkoranyambaga atungura abatari bacye nyuma y'aho yemeje ko atwite umwana we wa mbere n'umukunzi we A$AP Rocky.
Abenshi mu byamamare bahise berekana ibyiyumviro bafite nyuma yo kubona amafoto ya Rihanna atwite, ndetse abenshi muri bo berekana ko bashimishijwe n'uko uyu muhanzikazi agiye kuba umubyeyi. Umuhanzi Don Jazzy akaba n'umutunganyi w'indirimbo (Producer) we ntiyashimishijwe n'aya makuru nk'uko abandi bayishimiye.
Don Jazzy uzwiho kuba akunda cyane Rihanna ndetse akaba yarakunze kubigaragaza ko yifuza gutereta uyu muhanzikazi w'ikimero, yaciwe intege no kubona Rihanna atwite. Abicishije ku rukuta rwe rwa Instagram, Don Jazzy yerekanye ifoto ya Rihanna atwite ari kumwe n'umukunzi we A$AP Rocky maze yandikaho ati''It is Finished' bisobanuye ngo birarangiye mu kinyarwanda.
Kuba Don Jazzy yakoresheje ijambo 'Birarangiye', ikinyamakuru Daily Africa cyatangaje ko uyu mugabo yakoresheje iri jamba asa n'uvuga ko inzozi ze zo kugira Rihanna umugore we zihagaze, kuko muri 2020 bikimenyekana ko Rihanna ari mu rukundo n'umuraperi A$AP Rocky, Don Jazzy yavuze ko urukundo rwabo rutazaramba kandi ko ategereje umunsi bazatandukanira agahita akundana na Rihanna ndetse bakanakora ubukwe nk'uko yabitangarije radiyo The Beat FM.
Don Jazzy wakomereje no ku rubuga rwa Twitter yerekana ko atishimiye kubona Rihanna yifuza gutereta atwitiye undi utari we, yagiriwe inama n'umwe mu bafana be yo kudacika intege agira ati''Don ibi ntibiguce intege. Ba umugabo, ubaye ukibishaka wakwiyegereza Rihanna amaze kubyara ukamusaba akazi ko kurera umwana we. Muri ubwo buryo wabasha kumuba hafi''.
Ibi byavuyemo ibisetso kuri Twitter aho bamwe bakomeje kuvuga ko Don Jazzy atameze neza kuva yabona Rihanna atwite, ndetse ko akeneye umuba hafi. Ibi bibaye nyuma y'aho Don Jazzy yigeze kwandika kuri uru rubuga ubwo byahwihwiswaga ko Rihanna atwite, maze Don yandika ati''Ni gute muri kwizera ibi bihuha? Rihanna abaye atwite nabibabwira kuko ninjye yaba atwitiye''.
-
Umuhanzikazi Bwiza uri kuzamuka neza yasohoye amashusho y'indirimbo yakoranye na Mico the Best #rwanda #RwOT
Iyi ndirimbo yitwa Wibeshya' Bwiza yakoranye na Mico The Best igiye hanze nyuma yo gusohora izindi nka Available na Yiwe na Mi Amor yakoranye na Riderman.
Bwiza umaze igihe gito cyane yinjiye mu muziki akanagirana amasezerano n'inzu ifasha abahanzi ya , KIKAC Music yasohoye indirimbo ye ya kane ikoze mu buryo bw'amajwi n'amashusho yakoranye n'umuhanzi Mico The Best.
Iyi ndirimbo 'Wibeshya' ya Bwiza na Mico The Best ni imwe mu zigize EP nshya y'uyu muhanzikazi yise 'Connect me'.Iyi EP ni nayo iriho indirimbo zirimo Mi Amor, My Lady yakoranye na Social Mula, Hello yakoranye na Kevin Skaa, Lolo yakoranye na Chris Eazy, Loco yakoranye na Producer Nizbeats na Wibeshya yakoranye na Mico The Best.
Muri iyi ndirimbo Bwiza yamaze gusohora amashusho y'indirimbo yayo, aba aririmbana na Mico The Best buri wese yizeza undi kumuha urukundo rudashira.
Mico The Best aba asaba Bwiza kumuha umwanya akamwereka urukundo, undi na we akamubwira ko aramutse amuhaye uyu mwanya akawupfusha ubusa ari ibintu byabateranya.Ni indirimbo ya kane umuhanzikazi Bwiza asohoye mu buryo bw'amashusho mu gihe cy'amezi ane gusa amaze atangiye umuziki.
Indirimbo enye zikoze mu buryo bw'amajwi n'amashusho kongeraho izindi ziri kuri EP zitarasohoka mu buryo bw'amashusho ariko zasohotse mu buryo bw'amajwi bigaragaza umuvuduko udasanzwe uyu muhanzikazi yinjiranye mu muziki.
Iyi ndirimbo nshya ya Bwiza na Mico The Best yakozwe mu buryo bw'amajwi na NizBeats icyakora atunganywa na BOB Pro, ni mu gihe amashusho yayo yo yafashwe akanatunganywa na Fayzo.
-
Rayon Sports yasinyishije rutahizamu mushya #rwanda #RwOT
Rayon Sports yamaze gutangaza ko yamaze gusinyisha rutahizamu ukomoka muri Cameroun, Mael Dinjeke, Bukuru Christophe na Ishimwe Kevin.
Uyu munsi nibwo Rayon Sports yemeje ko yamaze gusinyisha rutahizamu mushya wari umaze igihe akora igeragezwa muri iyi kipe ari we umunya-Cameroun, Maël Dindjeke wakiniraga ikipe ya PWD of Bamenda.
Yanemeje kandi isinya rya Ishimwe Kevin uheruka gutandukana na Kiyovu Sports na Bukuru Christophe wari umaze igihe adafite ikipe.
Aba bakaba biyongera kuri Kwizera Pierrot wasinye mu cyumweru gishize avuye muri AS Kigali na Musa Eseunu wavuye muri Uganda, bakaba baje gufasha Rayon Sports mu mikino yo kwishyura ya shampiyona y’icyiciro cya mbere umwaka w’imikino wa 2021-22.
Mael Dinjeke yamaze gusinyira Rayon Sports
Ishimwe Kevin yerekanywe nk’umukinnyi wa Rayon Sports
Bukuru Christophe yasubiye muri Rayon SportsSource : http://isimbi.rw/siporo/article/rayon-sports-yasinyishije-rutahizamu-mushya
-
Abaha serivisi abagenda mu muhanda Kigali-Gatuna-Kampala ngo bagiye kongera kubona inyungu #Rwanda #RwOT via @kigalitoday #rwanda #RwOT
Benshi mu bafite imirimo igize aho ihuriye n’ubwikorezi bw’abantu n’ibintu by’umwihariko abakoresha umuhanda wa Kigali-Gatuna-Kampala baravuga ko bishimiye isubukurwa ry’ingendo.
Katabuza Jean Claude, umushoferi wa Trinity Express, ni umwe mu baganiriye na Kigali Today. Katabuza yakoraga ingendo zijya n’iziva i Kampala akaba yari amaze imyaka itatu akazi ke karahagaze. Yagize ati 'Nari mfite akazi, ariko aho imipaka ifungiwe akazi karahagaze ntangira gutera ibiraka, rimwe na rimwe bikabura ubushobozi buragabanuka bigira ingaruka no ku buzima bw’abana banjye mbahindurira ibigo bigaho. Ariko ubwo imipaka yafungutse ubu ubuzima bugiye gusubira mu buryo nk’uko byahoze.'
Ibi kandi abihuriyeho na benshi mu bateraga ibiraka muri Gare ya Nyabugogo byo kuyobora abagenzi ku modoka zikora ingendo Kigali – Kampala. Uwitwa Hassani yagize ati 'Ubu amafaranga tugiye kongera kuyabona. Ku munsi najyaga ninjiza hagati y’ibihumbi 15 na 20 ariko ubu no kubona igihumbi na magana atanu (1500 Rwf) byari ikibazo hakaba n’igihe n’igihumbi utagicyura.'
- Bongeye kubona akazi
Biturutse ku ngamba zo gukumira icyorezo cya Covid-19, ingendo kuri uyu mupaka zisa n’aho zitasubiye gukorwa nk’uko byahoze mbere, gusa icyizere kikaba ari cyose ko ibintu biza gusubira mu buryo, dore ko inzego z’ubuzima z’ibihugu byombi ziri kurebera hamwe amabwiriza azafasha urujya n’uruza rw’abaturage b’ibi bihugu.
Kurikira ibindi muri iyi video:
-
#Ubutwari2022: “Twese turi Abanyarwanda” Inte… – #rwanda #RwOT
Igitero cyagabwe guhera saa mbiri z'umugoroba ubwo abanyeshuri barimo gusubiramo amasomo. Umucengezi winjiye mu ishuri ry'uwa gatandatu yabanje kubabaza niba bamuzi: 'Est ce que vous me connaissez?' akomeza abasaba kwitandukanya ati: 'Vuba vuba mwivangure Abahutu ukwabo, Abatutsi ukwabo'. Abanyeshuri barasubiza ngo: 'Nta muhutu, nta mututsi twese turi Abanyarwanda'. Yahise atangira kubarasa atarobanuye. Muri iryo shuri hishwemo BIZIMANA Sylvestre, MUJAWAMAHORO Chantal na MUKAMBARAGA Beatrice.
Bamaze kwica bamwe no gukomeretsa abandi, bo mu wa gatandatu, bagiye mu ishuri ry'umwaka wa gatanu rikurikirana n'iry'umwaka wa gatandatu muri icyo kigo. Mbere y'uko iryo shuri riterwa, abanyeshuri bumvise urusasu ruvuga, babanza kugira ngo ni Ingabo z'u Rwanda zoza imbunda. Uwitwa Sibomana Ananie asohoka kureba kuko yumvaga bidasanzwe. Abona abantu basohoka mu ishuri ry'uwa gatandatu. Abwira bagenzi be ati 'ayo masasu si ay'abasirikari'.Â
Ako kanya Abacengezi baba barinjiye. Uw'imbunda yinjiye avuga ati: 'Est-ce que vous me connaissez ? (Ese muranzi)'? Bamwe bati ” Non “. Ati: 'Vous allez me voir' (Mugiye kumbona), Abahutu ukwabo, Abatutsi ukwabo. Mwadukuye i Masisi (aho abacengezi benshi baturukaga mu majyaruguru ya Kivu ho muri Kongo) nabi, ubu mugiye kutubona'. Umwe mu banyeshuri aravuga ati: 'twese turiAbanyarwanda'; Abanyeshuri bahise baryama hasi. Umucengezi yasubiyemo ya magambo, maze arakomeza ati: 'ntimubishaka? Noneho ngiye kubyikorera'.
Yahise afata Mukarutwaza Séraphine ati 'dore umututsi wa mbere twamubonye. Wowe twahoze tukubona kare'. Koko uwo Mukarutwaza Séraphine yari yiriwe ku muhanda ategeye imodoka umuvandimwe we wari waje kumusura. Haza ufite inkota ati 'tega umutwe neza'. Ubwo bahise bamurasa arapfa. Benimana Hélène nawe wigaga mu wa gatanu nibwo yishwe.Â
Igihe abacengezi batera mu ishuri ry'uwa gatanu, yamenye umwe muri bo. Ubwo yarahagurutse amufata mu nda, undi abura uko amurasa. Bigeze aho aramurasa mu gihe Benimana Hélène yamubazaga ngo 'nawe nzi ni wowe ugiye kunyica?'. Biba iby'ubusa, aramwica. Undi bishe ni Ndemeye Valens wahoze ari umusirikari wa APR asubizwa mu ishuri. Yari yagerageje kubarwanya. Ubwo abanyeshuli barasohotse, abacengezi bagenda babatera za 'grenades', bamwe bakabahusha.
Abanyeshuri bari muri ayo mashuri yombi igihe igitero cyabaga, ari abishwe, abazize ingaruka z'igitero n'abakiriho bose bashyizwe mu Ntwari z'u Rwanda mu cyiciro cy'Imena. Abakiriho kuri ubu bibumbiye muri asosiyasiyo KOMEZUBUTWARI.
Uru ni urutonde rw'abemejwe nk'Intwari z'Imena z'i Nyange:
![]()
Mu bihe bisanzwe, kuri iyi tariki, ku bufatanye n'Akarere ka Ngororero iri shuri riherereyemo, Urwego rushinzwe Intwari z'Igihugu, Imidari n'Impeta by'Ishimwe rutegura umuhango wo kuzirikana Intwari z'Imena z'i Nyange. CHENO irasaba abanyarwanda bose, gukomeza kuzirikana isano ibahuza nk'Abanyarwanda ari na ko buri wese akomeza umurongo mwiza watanzwe n'izi Ntwari wo “gushyira hamwe nk'Abanyarwanda twita ku isuku n'izindi nama duhabwa mu kwirinda no kurinda bagenzi bacu iki cyorezo”. Ni ku nshuro ya 28 u Rwanda rwizihiza umunsi w’intwari, insanganyamatsiko y’uyu mwaka wa 2022 ikaga igira iti “Ubutwari mu Banyarwanda, Agaciro kacu”.
![]()
Inzego z’Intwari z’u Rwanda
Src: Cheno.gov.rw
-
Uwahoze ari umugore wa Katawuti yavuze impamvu inshuti ze 90% ari abagabo #rwanda #RwOT
Umukinnyi wa filime ukomeye muri Tanzania, Irene Pancras Uwoya wamamaye nka Oprah wahoze ari umugore wa nyakwigendera Ndikumana Hamad Katauti, yavuze ko impamvu inshuti ze nyinshi ari abagabo kubera igihe cyose abakenereye ababona.
Uyu mugore ufite izina rikomeye muri Tanzania, akunda kugaragara yasohokanye n’abagabo cyane kuruta uko yaba ari kumwe n’inshuti ze z’abagore byanatumye benshi bavuga ko nta nshuti z’abagore agira.
Ni nyuma y’uko binavuzwe ko yakoresheje amashilingi miliyoni 20 arya ubuzima n’inshuti ze z’abagabo muri Moshi, Kilimanjaro na Arusha.
Abajijwe kuri ibi bivugwa ko inshuti ze nyinshi ari abagabo, yavuze ko icyo ugezeho mu buzima bagufasha ariko abagore hari igihe baba baguseka.
Ati 'abantu baribaza ngo simfite inshuti z’abagore? Ukuri 90% inshuti zanjye ni abagabo kubera ko bavugisha ukuri, iyo wagize ikibazo babana na we, watera imbere bakagushyigikira bakagufasha kwishimira intera wateye ariko abagore bagusekera mu maso, mu mutima bifuza ngo upfe, simvuze ko ntabakunda ariko ntiduhure cyane.'
Uyu mugore ufitanye umwana wa Katauti ubu arabarizwa Moshi aho yagiye kurangiriza ukwezi kwa Mutarama 2022 n’inshuti ze.
Oprah yemeje ko inshuti ze nyinshi ari abagabo
Ni umugore ufite ifaranga kandi akariryoshyamo
