Author: webrwanda

Guhitamo neza, biryoshya ikirori:

Abenshi mu bategura ubukwe biteze ko akenshi ibihendutse ari byiza, ariko bamwe bamaze kumenya agaciro k’umutsima uteguranye ubuhanga kandi uryoshye wo muri Bakersnation.

Si rimwe si kabiri, aho utaha ubukwe bw’inshuti yawe cyangwa bw’umuvandimwe, ibindi byose byagenze neza byagera kuri cake, ugasanga ababutashye cake bayitaye ku meza, kubera kuba itujuje ubuziranenge, itaryoshye.

Ariko kandi ndanakuraritse kuzataha ubukwe Bakersnation yatwayemo cake, uzasanga bibaza aho yakorewe, kubera uburyo iteguye n’uburyo iryoshye.

Hambere byari bigoye, guhaza isoko product (cake) nziza y’umwimerere ariko kandi kubera amahugurwa yo gukora ibikomoka ku migati na cakes atangwa n’ikigo Bakersnation gitunganya cakes, ubuyobozi bw’icyo kigo butewe ishema n’uko abo cyahaye ubumenyi, ubu nabo bahagaze neza ku isoko ry’umurimo, bashobora gutanga service nziza, kandi cake yujuje ubuziranenge.

Amahugurwa atangwa n’icyo kigo, yuzuyemo iby’ingenzi byose byafasha uwayagannye gutangira business iri ku rwego rudakemangwa. Kuri ubu nugaburira Cake y’ubukwe ku baguhaye agaciro bakakugaragira mu bukwe bwawe, ikaba itaryoshye kandi waramenye aya makuru, niwowe uzaba wiyiciye ikirori.

Amakuru y’ingenzi ku muntu uri gutegura ubukwe

Kuri ubu, Cakes z’ubukwe muri Bakersnation (Former Petersbakers), ziri kuri discount ya 20%, aho uwatanze order anemerewe kuza gufata cake nyuma y’ubukwe, yo kwakiriza abashyitsi.

Murabyumva rero ko kuri ubu bitakiri ngombwa ko abagufashije muri service, batwara igice kinini uzakiriza abashyitsi, basize hari abatashye ubukwe batabonye cake, BakersNation ikuzanira n’abafasha mu bukwe, bafite ubunararibonye, hato ngo amakosa nk’ayo ataza kubaho, abagutahiye ubukwe bakagenda bakunegura, kandi ibyakozwe atari byo biri mu mutima wawe.

Kwiyandikisha birakomeje mu mahugurwa yo gukora Cake yo muri uku kwezi kwa Gashyantare

Imyaka ibaye myinshi iki kigo gitanga amahugurwa, kuri ubu abenshi badashidikanya ku bunararibonye muri ayo mahugurwa. Aho n’ibigo nka ama Compassion, za NGOs zatangiye kohereza abanyeshuri muri icyo kigo Bakersnation ngo bihahire ubumenyi.

Ese ni ubuhe buhanga Bakersnation ikoresha muri ayo mahugurwa? (3 months Baking Professional Training)

Uwagannye Bakersnation ku bijyanye no kwihugura mu gukora cake n’ibikomoka ku migati, uzasanga icyo kigo cyigisha abakigana 100% Pratique, bimwe abenshi bita inyigisho z’ubumenyi ngiro.

Ubuyobozi bwa Bakeranation bwemeza ko kugira ngo uwagannye izo nyigisho, bizere neza ko yamenye neza ibyo yigishijwe mu buryo budashidikanywaho, ahabwa Imenyereza mwuga (stage) cyangwa internerhip imufasha kunoza amasomo yahawe, ibyo rero bigatuma uwahafashe amahugurwa yo gukora cake aba afite ubunararibonye.

Ese ni nde ukwiye gukurikira ayo mahugurwa yo gukora ibikomoka ku migati?

Nkuko biri muri politike n’icyerekezo by’igihugu cy’u Rwanda mu burezi mu masomo y’ubumenyi ngiro aho uva mu ishuri uhitira mu kazi, Bakersnation nayo ntiyasigaye inyuma mu burezi bw’ubumenyi ngiro kuko usoza amahugurwa yabo uhita utangira n’akazi. Ushobora kwikorera, cyangwa ukiyambazwa n’ikindi kigo ndetse hari n’abo BakersNation ihita iha akazi.

Warangiza amahugurwa uyu munsi, ejo ugatangira akazi.

Habaho impamvu nyinshi zo kwiga, ntibikiri ngombwa ko wiga kubera ugiye gushinga Business gusa cyangwa gushaka akazi, kuri ubu ushobora kuba uzarongora cyangwa ukarongorwa. Ese ni akahe gashya (impamba mu bumenyi wajyana mu rugo rwawe) ku buryo yaba uwo murushinganye, cyangwa abazagusura bazasanga utandukanye rwose?.

Aya mahugurwa yaguhindura udasanzwe, bityo ibyinshi ukoresha iwawe bikomoka ku migati na snacks, ntubigure ku ma boutiques ahubwo nk’umusirimu ukabyikorera, kuri ubu ni byo bigezweho.

Ushobora kandi kwibikaho ubumenyi kuko ejo cyangwa ejobundi utazi aho isi izagisiga, nigusiga muri kimwe mu bihugu bitari urwakubyaye, ufite umumenyi mu biganza, Uzaba uri inyenyeri, uzabera umugisha abo usanze ubacuruzaho ubwo bumenyi. 

BakersNation bati “Itaranto yawe ni yake munyarwanda” BakersNation turahari kubwawe ngo tugufashe kwagura impano ikurimo. Ni inyungu nyinshi ziri mu gukurikira ayo mahugurwa.

Niba ubikunze wasura urubuga bakernation.net cyangwa IG @bakersnation_kigali ndetse ukanaduhamagara kuri Tel. 0786048392 (Kigali) na 0789944444 (Rubavu).

Ni karibu muri Bakersnation. 

BakersNation iwabo wa cake zigezweho mu Rwanda

Ntucikwe n’amahugurwa yo gukora cake yo muri uku kwezi kwa Gashyantare

Cake nk’iyi nta handi wayibona muri Kigali uretse muri Bakersnation

BakersNation yadabagije abantu bafite ubukwe muri iyi minsi

Iyandikishe nonaha ubashe kwitabira amahugurwa yo muri Gashyantare yo gukora cake

Ronald Fenty, umubyeyi wa Rihanna ni umwe mubashimishijwe cyane n'inkuru yo gutwita k'umukobwa we nyuma y'uko iyi nkuru yamenyekanaga kuri uyu wa 31 Mutarama, ubwo hajyaga hanze amafoto agaragaza uyu muhanzikazi atwite ari kumwe n'umukunzi we A$AP Rocky.

Aya mafoto yagiye hanze agaragaza uyu muhanzikazi atwite, amakuru avuga ko yafatiwe mu gace ka Harlem mu mujyi wa New York. Ikinyamakuru US Magazine cyatangaje ko imyambaro Rihanna yari yambaye ubwo aya mafoto yafatwaga, yari ifite agaciro karenga $29,000 ni ukuvuga asaga 30,000,00 Frw.

Rihanna n’umukunzi we baritegura kunguka imfura yabo

Mu kiganiro Ronald Fenty w'imyaka 68 y'amavuko yagiranye n'ikinyamakuru Page Six, yatangaje ko ibyishimo byamurenze nyuma y'uko umukobwa we Rihanna ndetse n'umukunzi we A$AP Rocky batangaje ko bitegura kunguka umwana.

Ronald yagize ati: 'Nishimye cyane ngera n'aho nasimbutse kubera ibyishimo. Ndanezerewe cyane. Rihanna yahoraga avuga ko ashaka abana, akunda abana. Buri gihe ahora yita ku bana ba babyara be… azaba umubyeyi mwiza.'

Yakomeje avuga ko A$AP Rocky, umukunzi w'umukobwa we yasanze ari umusore w'imico myiza nyuma yo guhura nawe mu Ukuboza 2020, ubwo Rihanna yamuzanaga iwabo ngo asuhuze abagize umuryango we.

Rihanna n’umubyeyi we

Muri Nzeri 2020, Rihanna yigeze kurega Se umubyara amushinja gukoresha izina rye mu nyungu ze bwite batabivuganye, ariko nyuma y'ibyumweru bicye mbere yo kujya mu rukiko aba bombi baje guhura baraganira maze bacyemura ibibazo bari bafitanye. Uyu muhanzikazi kandi, yavugaga ko Se umubyara yajyaga ahantu hatandukanye akamutegurira ibitaramo kandi atari mu ikipe ye imufasha mu muziki.

Thomas Sankara

Umuryango wa Sankara ni wo wasabye ko iburanisha ryasubikwa kubera kudeta iheruka kuba muri Burkina Faso.

Nyuma y’ihirikwa ry’ubutegetsi, Itegeko Nshinga ryahise rihagarikwa, bisobanuye ko nta mategeko ahari yo gukurikiza mu guca uru rubanza.

Perezida w’urukiko rwa gisirikare, Urbain Meda, yatangaje ko nyuma y’uko urukiko rwasuzumye ingingo zitandukanye, rwafashe icyemezo cyo guhagarika iburanisha kugira ngo hazatangwe ubutabera buboneye.

Uru rubanza rwatangiye mu Kwakira 2021 ariko rukomwa mu nkokora n’ihirikwa ry’ubutegetsi, ubwo rwari rugeze mu cyiciro cyo gusoza impaka.

Mu baregwa muri uru rubanza rwa Thomas Sankara harimo na General Gilbert Diendéré ufunzwe kubera gushaka guhirika ubutegetsi bwa Blaise Compaoré mu mwaka wa 2015.

Thomas Sankara afatwa nk’uwaharaniye iterambere rya Afurika. Uwahoze ari Perezida wa Burkina Faso, Blaise Compaoré, ashinjwa kugira uruhare mu rupfu rwa Sankara wamubanjirije ku butegetsi mu 1987.

Mu baregwa harimo na Jenerali Gilbert Diendéré, umwe mu bari abayobozi bakuru b’ingabo mu 1987, waje kuba umuyobozi mukuru mu butegetsi bwa Blaise Compaoré, ndetse n’abasirikare bo mu bahoze barinda perezida.

Blaise Compaoré akekwaho uruhare mu rupfu rw’uwahoze ari inshuti ye Thomas Sankara (wambaye ingofero)

Perezida Sankara yishwe tariki 15 Ukwakira 1987 afite imyaka 37 y’amavuko. Urupfu rwe bivugwa ko rwagizwemo uruhare n’uwari inshuti ye magara Blaise Compaoré ndetse muri icyo gihugu bikaba bitari byemewe kuvuga ku rupfu rwa Sankara mu myaka 27 Blaise Compaoré yari amaze ku butegetsi kugeza ahiritswe n’imyigaragambyo y’abaturage muri 2014.

Urupfu rwa Sankara rwongeye kubyutswa n’ubutegetsi bw’inzibacyuho ya Demokarasi nyuma yo gukuraho Blaise Compaoré.

Icyemezo cyo guta muri yombi Blaise Compaoré cyafashwe n’ubutabera bwa Burkina Faso mu Kuboza 2015.

France 24 ivuga ko Blaise Compaoré wahungiye muri Côte d’Ivoire nta cyizere ko yakoherezwa kuburanira mu gihugu cye, ibi bikazatuma aburanishwa adahari.

Igiraneza Abdoul yatwawe ku wa Gatandatu tariki 29 z’ukwezi gushize mu ijoro, bamusanze ari kumwe n’abandi bana aho bariho bakina muri zone Kinama, agace ka Muramvya mu mujyi wa Bujumbura.

Uwari ho byabereye yabwiye BBC dukesha iyi nkuru ko abantu bari muri Taxi baje bashyiramo abana bose ngo ibahe umunyenga. Bageze aho abandi bavamo ariko Igiraneza Abdoul washimuswe ntiyavamo.

Akomeza avuga ko bahise batangira gushakisha hose ndetse no ku mbuga nkoranyambaga.
Ku wa Mbere mu gitondo nibwo hatangiye kumvikana amakuru avuga ko abatwaye uwo mwana bafatiwe muri komine Kigamba iri mu ntara ya Cankuzo.

Umurambo w’uwo mwana wangijwe cyane, ngo wabonywe n’umwana wari uragiye amatungo ahita atabaza.

Umubyeyi wa Abdul w’imyaka 28 asanzwe afite abana babiri, umugabo we babyaranye akaba yarabataye kubera ubumuga bw’umwana wabo Igiraneza Abdoul.

Umuryango Albinos Sans Frontières uvuga ko hari iimyumvire itari yo yakwirakwiye mu bantu y’uko ibice by’umubiri by’abafite ubumuga bw’uruhu rwera babikoresha mu bupfumu bagamije gushaka ubutunzi.

Uyu muryango uvuga ko kugeza ubu abantu bafite ubumuga bw’uruhu rwera bamaze kwicwa mu Burundi ari 28.

Abayisenga Théodette avuga ko n’ubwo yatewe ubumuga n’abacengezi, ashimira Igihugu cyamwitayeho ndetse agashyirwa mu Ntwari z’Igihugu

Muri abo bari abanyeshuri 47 bigaga i Nyange, umunani muri bo ntibakiriho, 39 bariho bakora akazi hirya no hino mu gihugu batanga serivise zinyuranye, hakaba n’abagiye gukorera mu mahanga.

Izo ntwari zashyizwe mu cyiciro cy’Imena, abatakiriho ni Bizimana Sylvestre wavukiye mu Karere ka Kicukiro mu 1974, Mujawamahoro Marie Chantal wavukiye mu Karere ka Nyamasheke mu 1975, Mukambaraga Béâtrice wavukiye mu Karere ka Karongi mu 1974 na Mukarutwaza Séraphine wavukiye mu Karere ka Gasabo mu 1975.

Abandi bitabye Imana ni Benimana Hélène wavukiye i Nyange mu Karere ka Ngororero mu 1979, Ndemeye Valens wavukiye i Nyange mu Karere ka Ngororero mu 1972, Niyongira Ferdinand wavukiye mu Karere ka Nyamagabe mu 1978 na Sibomana Annanie wavukiye mu Karere ka Bugesera mu 1978 uherutse kwitaba Imana muri 2018 azize uburwayi.

Muri abo banyeshuri bigaga mu ishuri ryisumbuye rya Nyange mu mwaka wa Gatanu n’uwa Gatandatu w’amashuri yisumbuye, mu bakiriho bamwe icyo gitero cyabateye ubumuga babura zimwe mu ngingo z’umubiri, gusa ntibacika intege bariga, ubu bakaba batunze imiryango yabo.

Muri abo babuze zimwe mu ngingo z’umubiri, Kigali Today yegereye uwitwa Abayisenga Théodette wacitse ukuguru, aho mu buhamya bwe yagaragaje uburyo yarokotse icyo gitero, uburyo cyamusigiye ubumuga bw’ingingo n’uburyo atacitse intege akomeza gukora cyane ndetse akomeza n’amashuri ye akaba yarageze ku rwego rw’icyiciro cya gatatu cya Kaminuza (Masters).

Abayisenga Théodette wavukiye mu Murenge wa Ndaro mu Karere ka Ngororero ni umubyeyi w’abana babiri washinze urugo mu mwaka wa 2016.

Mu buhamya bw’uwo mubyeyi unyuzamo agafatwa n’ikiniga kubera ibyamubayeho, avuga ko ubwo bari mu ishuri basubiramo amasomo ku mugoroba wo ku itariki 18 Werurwe 1997, abacengezi binjiye basaba abanyeshuri kwitandukanya, babyanze, bahita bica babiri muri bo.

Avuga ko bakibasaba kwitandukanya aho bababwiye bati 'Abatutsi bajye ukwabo n’Abahutu ukwabo', ngo abo banyeshuri bagaragaje ubutwari, basubiza abacengezi bagira bati 'Nta Muhutu nta Mututsi turi Abanyarwanda'.

Abayisenga Théodette uvuga ko batigeze bitegura icyo gitero ngo babe banoza umugambi w’uburyo bitwara, mu gutungurwa babona abacengezi babahagaze hejuru n’iterabwoba ryinshi, intero iba imwe yo kwanga kwivangura.

Ngo abo bacengezi bakomeje kubatera ubwoba ari nako bahita bafata umwanzuro wo kubarasaho, ariko biba iby’ubusa ntibahinduka ku mugambi wabo wo gushyira hamwe, hahita hapfa uwitwa Mukarutwaza Séraphine hakekwa ko bari bamubonye muri iyo minsi aherekeje bamwe mu muryango we wari wamusuye ku ishuri, barasa na Benimana Hérène wari wamenye bamwe muri abo bacengezi, banakomeretsa bikomeye Uwamahoro Prisca.

Ati 'Bakimara kutwinjirana badutera ubwoba twahise turyama munsi y’ameza ariko kwari nko gusamba, bakomeje kwisararanga bahita barasa Séraphine, tubona batera Hélène umugeri agwa iyo ngiyo bamukurikiza isasu, banakomeretsa cyane Uwamahoro Prisca, nibwo byageze aho tukiryamye munsi y’ameza tubona ko kubaho bidashoboka, inkota iri aho mu muryango, amashene y’amasasu bifurebye'.

Abanyeshuri bakimara kubona ko imbunda y’umwe mu bacengezi ipfuye, bahise basohoka ikivunge

Abayisenga avuga ko bajya gusohoka, umwe muri abo bicanyi yatunze imbunda uwitwa Clement biganaga, amurashe imbunda irakwama babona isasu ntirisohotse, bibaza ko imbunda ye igize ikibazo mu gihe akirwana na yo ashaka kuyikora basohokera icyarimwe ari nabwo babamishemo gerenade.

Ati 'Muri uko gusohoka baduteramo amagrenade, uwo ifashe ikamuhitana uwo idafashe akarusimbuka. Njye naba nkubeshye nkubwiye uko byangendekeye, kuko mperuka ngera mu muryango ndwana no gusohoka mu kivunge nta bindi nzi, naje kwibona hanze ubanza ari gerenade yantumbagije nibona inyuma y’umuryango mvuye muri koma'.

Avuga ko nyuma y’amasaha abiri ari muri koma yagaruye ubwenge ashatse guhaguruka biranga. Ngo aho yari aryamye yarebye ku ruhande abona umurambo w’umwana biganaga witwa Valens, ari nako yumva abantu bavuga akeka ko ari ba bacengezi.

Ati 'Naje kugarura ubwenge numva abantu bavuga, ndavuga nti baje noneho kumporahoza, nti nyine birarangiye baje kunyica nabi nananiwe kwicwa n’amasasu, ndongera ndambika umutwe hasi kuko nta yandi mahitamo nari mfite'.

Arongera ati 'Numva baraje baturutse ku ruhande rwo mu wa gatandatu ubwo bari babonye ko hari abandi bahiciye, numva bari kwivugisha ngo dore bambaye uniforme ni abanyeshuri bishe, bangezeho baravuga bati dore n’uyu yapfuye, baravuze ngo aba bantu ni imbwa bananirwa kurwanya abo barwana na bo bakajya mu bana nk’aba, nahise numva ko ari abasirikare b’u Rwanda, mpita negura umutwe baravuga ngo eh! uyu aracyarimo akuka'.

Avuga ko bahise bamuterura bamujyana mu ishuri ari nabwo yahise asubira muri koma, yongera kugarura ubwenge mu rukerera aho yabonye ingabo z’u Rwanda, abaganga na bamwe mu barimu bigishaga kuri icyo kigo, aho yabonaga inkomere n’imirambo ya bagenzi be bapfuye.

Ngo kubageza mu bitaro byaragoranye kubera ko bitaboroheye kubona imodoka, ariko abasirikare bajya ku muhanda babuze imodoka yatwara abarwayi bafata iyari ipakiye imizigo barayipakurura aba ari yo ibatwara mu bitaro bya Kabgayi.

Abayisenga yamaze amezi atandatu mu bitaro aho yisanze yacitse ukuguru

Nyuma y’uko bagejejwe mu bitaro bya Kabgayi, Abayisenga yamazeyo amezi atandatu avurwa ibikomere, nyuma bamujyana muri CHUK bakomeza kumwitaho arakira aho ubu afite ukuguru kumwe na ko kuriho ibikomere.

Ati 'Baramvuye ndakira, numvise ko twavuwe na Association yitwaga Kanyarwanda niba ikiriho Imana ibahe umugisha, akaguru kamwe twageze mu bitaro bakavanaho aho kari karakomeretse cyane, n’akandi bakomeza kuremekanya kuko kari kangiritse cyane. N’ubwo gahari ariko ntigakora, gusa uko biri hari ubwo ngerageza kugatambutsa'.

Abayisenga avuga ko yamaze imyaka ine adatekereza ishuri kubera ko ibice bimwe by’umubiri byari byarakomeretse cyane, afite ibisebe bitamwemerera kugira icyo akora.

Ati 'Namaze imyaka ine nivuza kuko nyuma y’uko akaguru kavuyeho, n’ako kitwa ko gasigayeho kugira ngo kagarure forme (ishusho) y’akaguru no kugakandagiza byatwaye igihe kinini. Naragakandagizaga ibisebe byasigayeho byarabaye inkovu bigaturika. Byantwaye igihe kugira ngo kagarure ubuzima ndetse n’ako kacitse kugira ngo gakire nambare insimburangingo byatwaye iyo myaka yose'.

Avuga ko yasubiye kwiga i Nyange muri 2001, biba ngombwa ko asubira inyuma mu mwaka wa kane, nyuma y’uko basanze amashami bigaga yarahindutse, aho mbere yigaga Inderaburezi rusange (Normale Primaire) ihinduka Commerce et Comptabilité.

Akigera mu ishuri, avuga ko yize ashyizeho umwete, asoza amashuri yisumbuye muri 2005 abona buruse mu cyahose ari Kaminuza Nkuru y’u Rwanda i Butare, aho yize icungamutungo anabifatanya no gukora muri Handicap International.

Akirangiza Kaminuza, ngo yatangiye akazi mu bitaro bya Muhororo muri Ngororero, ashinzwe kugenzura fagitire z’ibitaro.

Nyuma yabonye akazi mu Karere ka Ngororero ari na ho agikora kugeza ubu, akomereza amashuri muri ULK.

Ati 'Nagiye mpindura akazi, urabizi nawe umuntu aba ashaka agashahara karenzeho kurushaho, kugeza ubu ndi kontabure ushinzwe imisoro mu Karere ka Ngororero, aho nagerageje nkomeza kwiga niyishyurira Masters muri ULK, nyisoza muri 2017'.

Ku bijyanye n’imibereho ye n’umuryango we, yagize ati 'Kugeza ubu ndaho n’umuryango wanjye umugabo n’abana babiri, nta kintu dushinja Nyagasani uretse nyine ako kaguru ubona kasigaye kagera aho kakazana ibibazo. Buri myaka ibiri biba ari ngombwa ko nsimbuza insimburangingo, ariko kubera ko nkoresha RAMA, ntabwo bimpenda bintwara amafaranga ibihumbi 200, ariko ubundi nta bidasanzwe tubayeho neza'.

Kuba ari umwe mu ntwari z’u Rwanda, ngo agerageza kwirinda icyatuma atakaza icyizere Igihugu cyamugiriye. Ati 'Byanze bikunze umuntu aba akwiye kwitwararika bijyanye n’icyo uri cyo. Uko biri kose ntabwo wagenda ngo ubeho uko wiboneye. Uretse no kwiyanduza ubwawe uba wanduza n’Igihugu'.

Yasabye Abanyarwanda gukomeza gusigasira amahoro n’umutekano Igihugu cyagezeho, banaharanira kwiteza imbere bateza imbere n’Igihugu.

Abayisenga avuga ko nk’intwari z’i Nyange bahura bakungurana ibitekerezo bakaganira no ku mateka yabo, dore ko bashinze umuryango witwa 'Komezubutwari' uyobowe na Sindayiheba Phanuel ufite intego yo kwigisha no gukangurira Abanyarwanda indangagaciro z’umuco w’ubutwari.