Author: webrwanda

Aba baturage bagerageje kwiyahura ku Cyumweru, tariki ya 30 Mutarama 2022. Uwa mbere wabigerageje ni umugore w'imyaka 28 usanzwe afite abana babiri utuye mu Mudugudu wa Murambi mu Kagari ka Karambi mu Murenge wa Ndego.

Umunyamabanga Nshingwabikorwa w'Umurenge wa Ndego, Bizimana Claude, yabwiye IGIHE ko icyatumye uyu mugore agerageza kwiyahura batarakimenya gusa avuga ko bikekwa ari uko umugabo ashobora kuba yaramutaye akaba asigaye abana na nyirakuru.

Ati 'Uwo mugore twayobewe impamvu yari agiye kwiyahura, aho aba aba kwa nyirakuru, umugabo we yaramutaye. Twashatse amakuru y'icyamuteye kwiyahura ariko ntikiramenyekana. Twagerageje kumuvugisha ntibyakunda kuko yari akiri muri koma ku bitaro, ikindi atwite inda iri hagati y'amezi atatu n'ane.'

Undi wagerageje kwiyahura ni umukobwa w'imyaka 29 wakoraga mu kabari gaherereye mu Mudugudu wa Kabeza mu Kagari ka Cyarubare mu Murenge wa Kabare, uyu mukobwa ngo yikingiranye mu cyumba anywa umuti wa tiyoda.

Umunyamabanga Nshingwabikorwa w'Umurenge wa Kabare, Karuranga Léo, yabwiye IGIHE ko icyateye uyu mukobwa gushaka kwiyahura ari igihombo yagize mu kazi ke abura ibisobanuro aha umukoresha we.

Yagize ati 'Bari baraye bacuruje noneho umukoresha we abura amafaranga bacuruje amubwira nabi noneho bigeze nka saa Tanu uwo mukobwa yifungirana mu nzu, kuko rero yari yagiye kugura umuti wa tiyoda ni wo yanyweye. Umukoresha we yaciyeho yumva umuti urahanuka cyane amukomangiye ntiyamufungurira baje kwica urugi bamujyana kwa muganga atarapfa aravurwa.'

Gitifu Karuranga yavuze ku Bitaro bya Rwinkwavu bamuvuye kuri ubu ameze neza bakaba bagiye kumuganiriza kugira ngo bamenye icyamuteye gushaka kwiyahura, anagirwe inama.

Aba bayobozi bose bavuga ko kimwe mu bitera abaturage kwiyahura harimo kutumvikana hagati y'abashakanye, amakimbirane yo mu miryango arimo ayaturuka ku masambu n'ibindi bibazo bitandukanye.

Inyandiko InyaRwanda.com dukesha urubuga rw’Urwego rw’Intwari z’igihugu, imidari n’impeta by’ishimwe (CHENO), hagaragaramo impamvu nyamukuru yo kuzirikana Intwari z’u Rwanda, amateka ndetse n’ibigwi by’Intwari z’igihugu cy’u Rwanda. Twabateguriye iyi nkuru mu gihe kuri uyu wa Kabiri tariki 01 Gashyantare 2022, u Rwanda ruri kwizihiza ku nshuro ya 28 Umunsi Mukuru w’Intwari.

CHENO iti “Kuzirikana Intwari z'u Rwanda ni inshingano zacu kuko tugomba gushima Abanyarwanda n'abanyamahanga bagaragaje ibikorwa n'ibitekerezo bifitiye u Rwanda akamaro; Kuzirikana Intwari z'Igihugu bituma Abanyarwanda bakomeza umuco wo gukunda Igihugu cyabo, kunga ubumwe, kubana neza no guharanira icyateza Igihugu imbere;

Kuzirikana Intwari z'u Rwanda ni uburyo bwo gushimangira ibyiza byagezweho mu mibereho n'imibanire myiza by'Abanyarwanda, hashyirwa imbere ibyubaka umuryango wacu nk'Abenegihugu, abanyafurika n'abatuye isi muri rusange;

Iyo tuzirikana Intwari, dushima abana b'u Rwanda bitanze bahanga u Rwanda, abarwubatse, abarubohoye ingoyi y'ubukoroni n'iy'ubutegetsi bubi, ndetse n'abahagaritse Jenoside yakorewe Abatutsi mu mwaka w'i 1994. Tuzirikana kandi abakoze ibindi bikorwa by'ubutwari nk'abakomeye ku bunyarwanda n'abarwanyije akarengane ako ari ko kose”.

Mu nyandiko ducyesha Ibiro by’Umuvugizi wa Guverinoma (OGS) yo kuri uyu wa Mbere tariki 31 Mutarama 2022 (kuri Twitter), basobanuye umuntu w’Intwari uwo ari we, bati “Ni umuntu ukurikirana icyo yiyemeje kugeraho, kivamo igikorwa cy’ikirenga gifitiye abandi akamaro. Abikora mu bupfura n’ubwitange bihebuje, kandi akirinda ubugwari mu migirire ye, ntagamburuzwe n’amananiza.

Bakomeje bavuga ko “Mu Rwanda, ubutwari bugaragarira mu bikorwa umuntu yakoze, akamaro byagize ndetse n’urugero byatanze”.

UMVA HANO ‘DUHARANIRE KUBA INTWARI’ YA DANNY VUMBI

Ibyiciro by’Intwari z’u Rwanda:

Ibyiciro by’Intwari z’u Rwanda ni bitatu, ibyo akaba ari; Imanzi, Imena n’Ingenzi. Icyicio cy’Imanzi ni cyo cyonyine kitarashyirwamo Intwari.

ICYICIRO CYA 1: IMANZI

Ni Intwari y'ikirenga yagaragaje ibikorwa by'akataraboneka birangwa n'ubwitange, akamaro n'urugero bihebuje muri iki kiciro cy'Intwari z' u Rwanda hashyirwamo intwari itakiriho; dusangamo:

1. Umusirikare Utazwi Izina:

Ingabo ihagarariye izindi ngabo zitangiye Igihugu zikagwa ku rugamba mu bihe byashize, iby'ubu n’ ibizaza.

2. Major General Fred Gisa RWIGEMA:

Yaranzwe n'ubwitange buhebuje ubwo yayoboraga Ingabo za FPR Inkotanyi k'urugamba rwo kubohora u Rwanda mu mwaka wa 1990 nyuma akarugwaho. Yagiriye akamaro n'abandi benshi Kuko yarwanye intambara aharanira guca ubuhunzi haba mu Banyarwanda no banyamahanga no guharanira uburenganzira bwa muntu n'ibindi. Yabereye abantu bose urugero rwiza rw'ubwitange bashobora gukurikiza.

Yavukiye i Mukiranze mu Karere ka Kamonyi mu Ntara y'Amajyepfo ku wa 10 Mata 1957. Ni mwene Anastasi Kimonyo na Gatarina Mukandilima. Yashakanye na Jeannette Urujeni, basezerana ku wa 20 Kamena 1987. Babyaranye abana babiri, ari bo Gisa Junior na Gisa Teta. Yatabarutse ku wa 2 Ukwakira 1990 i Kagitumba mu Karere ka Nyagatare mu Ntara y'Iburasirazuba, agwa ku rugamba amaze gutangiza intambara yo kubohora u Rwanda.

Ni intwari iri mu cyiciro cy'Imanzi yagaragaje umutima wa kigabo mu rwego ruhebuje mu mibereho ye yose. Ntiyatinye kurwanya ibibi atitaye ku ngaruka byamubyarira, yari azi ubukana bw'intambara nyamara ntiyatinye kuyobora urugamba rwo kubohora u Rwanda, ubutwari bwe bwamugize icyamamare ashimwa kandi akundwa nk'intwari y'u Rwanda ndetse ni intwari Nyafrika kubera urugamba yarwanye rwo kubohora Mozambique na Uganda.

ICYICIRO CYA 2: INTWARI Z’IMENA

MUTARA III RUDAHIGWA

Yababaye umwami w’u Rwanda (1931-1959) yagaragaje ibikorwa by'urukundo mu banyarwanda ashyiraho ikigega cyo kurihira amashuri abana b’abanyarwanda. Yakuyeho ubuhake abusimbuza akazi. Yagabiye abakene. Yahirimbaniye ubwigenge.

Yavukiye i Nyanza, mu Karere ka Nyanza, mu Ntara y'Amajyepfo muri Werurwe 1911. Ni umwana w'Umwami Yuhi wa IV Musinga na Nyiramavugo Kankazi Redegonde. Mutara III yimitswe ku ngoma na Guverineri Voisin abifashijwemo na Musenyeri Classe ku wa 16 Ugushyingo 1931, Se Musinga amaze gukurwa ku ngoma kuwa 12 Ugushyingo 1931.

Kuwa 15 Ukwakira 1933, yashakanye na Nyiramakomali, batana mu bya 1940, nyuma ku wa 18 Mutarama 1942 ashakana na Rosaliya Gicanda, ntiyabyaranye na bo. Ku wa 17 Ukwakira 1943, yabatijwe na Musenyeri Léon Classe, yitwa Charles Léon Pierre, abyarwa mu batisimu na Guverineri Mukuru wa Kongo Mbiligi na Rwanda-Urundi, Bwana Pierre Ryckmans, abatiranwa na nyina, umugabekazi Nyiramavugo Kankazi wiswe Radegonde.

Kuva muri 1929, aho yagizwe umutware wa Nduga na Marangara, kugeza muri za 1950, Mutara wa III Rudahingwa yakoze politike yo kumvikana na Kiliziya Gatolika na Leta Mbiligi, kugeza n'aho atuye Kirisitu Umwami ingoma z'u Rwanda i Nyanza ku munsi wa Kirisitu Umwami ku wa 27 Ukwakira 1946.

Hagati ya 1950 na 1959, aho yatangiye aguye i Bujumbura mu buryo butunguranye ku wa 25 Nyakanga. Umwami Mutara wa III Rudahigwa yaharaniye guteza imbere imibereho y'Abanyarwanda n'ubwigenge bw'u Rwanda. Rudahigwa yaranzwe no kurwanya akarengane mu butabera, abigaragariza mu Rukiko rw'Umwami no mu mirimo ya buri munsi aho yirirwaga arenganura abaturage cyane cyane abato bato.

Rudahigwa yitaye cyane ku bujijuke bw'Abanyarwanda, ashinga Fonds Mutara, asaba Abayezuwiti gushinga Koleji i Gatagara, bayijyana i Bujumbura iba Collège International du Saint Esprit, ashinga Ishuri ry'Abayisilamu ku Ntwari ry'i Nyamirambo, ashinga amashuri adashingiye ku madini, ashinga Ishuri ry'Abenemutara ry'i Kanyanza anohereza Abanyarwanda ba mbere kwiga i Burayi.

Mutara wa III yatangiye impinduramatwara muri politike, akuraho inkuke zakamirwaga Umwami yishakira ize bwite, akuraho imirimo y'agahato yitwaga akazi, akuraho ubuhake abagaragu bagabana na bashebuja, ashaka gukuraho igitabo cy'umusoro cyanditsemo amoko, Ababiligi barabyanga, yanga “kwica Gitera ashaka gukuraho ikibimutera”. Rudahigwa yahirimbaniye ubumwe n'ubwigenge by'Abanyarwanda ku buryo Abanyarwanda batekereza ko ari byo yazize nka ba Lumumba na Rwagasore.

RWAGASANA Michel

Yabaye umunyamabanga w’Inama nkuru y’Igihugu cy’u Rwanda n’Umunyabanga w’Umwami Mutara III Rudahigwa,Yabaye umukozi wa Leta Mbiligi muri Teritwari ya Ruanda-Urundi mu Biro bishinzwe abakozi kavukire i Bujumbura. Yagaragaje ubumuntu mu mibereho ye , agaragaza umutima wo gukunda abantu no kurwanya Politike y'amacakubiri bituma ahara byose kugeza k’ubuzima bwe ,yanze gukoresha ububasha yahawe ku nyungu ze bwite. ahubwo aharanira ubumwe bw'Abanyarwanda.

Yavukiye i Gitisi na Nyamagana mu Karere ka Ruhango mu Ntara y'Amajyepfo mu w'1927. Mu wa 1956, yashakanye na Suzana Nzayire, babyarana abana batatu. Hagati ya 1945 na 1950 yize muri Groupe Scolaire ya Astrida bitaga shariti, ahakura impamyabumenyi mu by'ubutegetsi (Diplôme d'Assistant Administratif).

Michel Rwagasana yakoze imirimo inyuranye yose yerekana ko yagirirwaga icyizere kubera ubunyangamugayo n'umwete bye. Yabaye umukozi wa Leta Mbirigi i Bujumbura, yabaye umunyamabanga w'Inama Nkuru y'Igihugu kuva yajyaho muri 1954 yabaye umunyamabanga wihariye w'Umwami Mutara wa III Rudahigwa.

Kubera guharanira ubumwe, ubwigenge bw'u Rwanda no kurwanya amacakubiri, yabaye umunyamabanga wa mbere wa UNAR ajya mu ntumwa z'u Rwanda zaruhagariraga mu bindi bihugu no muri Loni. Michel Rwagasana yatanze urugero ruhebuje rwo gushyira imbere inyungu z'igihugu aho kwita ku ze bwite kuko aba yaremeye politike y'irondakoko agahabwa umwanya ukomeye mu Rwanda rwari rutegetswe na mwene Se wabo Gerigori Kayibanda nka Perezida wa Repubulika.

Madam Agathe UWIRINGIYIMANA

Yabaye Minisitiri w’Intebe (Nyakanga 1993-mata 1994).yagize umutima wa kigabo ari Minisitiri w’Amashuri Abanza n’Ayisumbuye. Yahangaye gukuraho akarengane mu mashuri mu gihe abashinze icyo bita iringaniza bari bagitegeka igihugu. Yarwanije ishyirwa mu bikorwa rya Jenocide yakoreye Abatutsi ndetse aza kwicwa azira ibitekerezo bye.

Yavukiye i Gikore mu Karere ka Gisagara mu Ntara y'Amajyepfo ku wa 23 Kamena 1953. Ni mwene Ntibashirakandi Yuvenali na Nyirantibangwa Saverina. Yashakanye na Barahira Ignace mu wa 1976, babyarana abana batanu. Yabaye Minisitiri w'Intebe wa mbere w'umugore kuva kuwa 17 Nyakaganga 1993 kugeza kuwa 7 Mata 1994 mu gihe cya Jenoside yishwe n'abari ingabo z'igihugu.

Uwilingiyimana Agathe yagize umutima wa kigabo arwanya akarengane k'iringaniza mu gihe yari Minisitiri w'Amashuri Abanza n'Ayisumbuye mu butegetsi bw'irondakarere n'irondakoko bwa Habyarimana. Yongeye kugaragaza ubwitange bwe buhebuje mu gihe cya Jenoside akomeza iy'ubuyobozi agerageza kugarura ituze mu gihugu cyari kigabijwe n'abicanyi. Nta washidikanya ko ari umwe mu bagore b'Abanyarwanda baharaniye uburenganzira bw'Umunyarwandakazi.

NIYITEGEKA Felicite

Yakoze imirimo itandukanye irimo kwigisha, kurera, gucunga umutungo, no gufasha abatishoboye. Mu mwaka wa 1994 Jenocide yakorewe Abatutsi yamusanze ku Gisenyi aho yiciwe azira ko yarwanye ku Batutsi bihishe mu kigo ashinzwe kuyobora cya Centre Saint Pierre.

Yavukiye i Vumbi mu Karere ka Huye mu Ntara y'Amajyepfo mu wa 1934. Ni mwene Sekabwa Simoni na Nyirampabuka Angelina. Yishwe ku wa 21 Mata 1994, mu gihe cya Jenoside kubera ko yanze kwitandukanya n'abo yari yahaye ubuhungiro hamwe na bagenzi be bari muri Centre Saint Pierre ku Gisenyi. Musaza we Colonel Nzungize yari yamutumyeho ngo asezerere izo mpunzi maze ave muri icyo Kigo agisigemo ba nyagupfa.

Ni byo yanze mu ibaruwa yuzuye urukundo n'ubutwari yandikiye uwo musaze we. Mu mibereho ye, Niyitegeka Félicité yerekanye bwa butwari bwa buri munsi mu mirimo umuntu aba ashinzwe, haba mu byerekeye kwigisha no kurera, mu gucunga umutungo w'ibigo yakozemo, haba mu kuyobora abinjiraga mu muryango w'abafasha b'ubutumwa no gufasha abatishoboye.

ABANYESHURI B’I NYANGE BATEWE N’ABACENGENZI BANGA KWITANDUKANYA tariki ya 18/03/1997 MU IJORO

Iri shuri ryisumbuye riherereye mu ntara y'Iburengerazuba mu karere ka Ngororero ahari mu ntara ya kibuye. Mu mwaka wa1997 ubwo mu Rwanda hari umutekano muke, abacengezi bateye iri shuri binjira mu mwaka wa 5 n’uwa 6. Ubwo abo banyeshuri baterwaga n’abacengenzi, bakinjira bahise bababaza bati: Muratuzi?, barongera baravuga bati :Mwatwirukanye mu Rwanda duhungira muri Zaïre mudusangayo none 'vous allez me voir'. Basabye aba banyeshuri kwitandukanya. bavuga bati: 'Abahutu bajye ukwabo n’Abatutsi ukwabo' .

Abanyeshuri basubiza bavuga bati: 'twese turi Abanyarwanda'. Nibwo abacengezi batangiye kubarasa. Bamwe muri bo barapfa abandi barakomereka. Aba banyeshuri bavuga ko ubuyobozi bwahoraga bubashishikariza kubana mu mahoro.Abanyeshuri barokotse igitero cy'abacengenzi bahamya ko bakundaga gusenga kandi abayobozi bakababa hafi. Aya mafoto agaragaza abanyeshuri bishwe mu gitero, n'umwe wapfuye nyuma azize ingaruka z'Igitero; ariko 40 barokotse icyo gitero nabo ni Intwari z'Igihugu, mu cyiciro cy'Imena.

ICYICIRO CYA 3: INGENZI

Iciciro cya 3 cy’Intwari z’u Rwanda ni Ingenzi, ikaba intwari iyinga Imena ikaba inkwakuzi mu kugaragaza ibitekerezo cyangwa ibikorwa by'ingirakamaro birangwa n'ubwitange buhebuje, akamaro gakomeye n'urugero ruhanitse. Muri iki kiciro nta ntwari irashyirwamo.

Icyakora nk’uko bitangazwa na CHENO, hari ubushakashatsi bwakozwe bushobora kuzagaragaza undi mubare w’abandi bantu bazashyirwa mu byiciro bitandukanye by’intwari z’ u Rwanda cyangwa bakaba bahabwa impeta z’ishimwe.

Menya ibintu 10 biranga Intwari z’igihugu nk’uko byatangajwe mu bihe bishize na Minisiteri ifite umuco mu nshingano zayo

1. Kugira umutima wa kigabo- Kugira umutima udatinya gushyigikira icyiza,kugaragaza ikibi no guhangara kukirwanya kandi uzi neza ingaruka mbi byagukururira.

2. Gukunda igihugu- Gushyira imbere ubusugire n'iterambere by'igihugu hamwe n'ubumwe bw'abanyarwanda.

3. Kugira ubwitange- Kwigomwa inyungu zawe bwite uharanira inyungu rusange byaba ngombwa ugahara ubuzima bwawe.

4 Kugira ubushishozi- Kugaragaza ubushobozi bwo kureba kure n'ubwo kumenya ukuri kutagaragarira buri wese.

5. Guhanga- Kurema by'umwimerere igiteza imbere igihugu mu ngeri zinyuranye nko muri politike, mu buyobozi, mu muco, mu bukungu no mu mibanire.

6. Kugira ubwamamare mu butwari- Kurangwa n'ibikorwa by'ubutwari bizwi kandi bishimwa na benshi.

7. Kuba intangarugero- Kurangwa n'ibikorwa bihebuje bibera abandi urugero rwiza.

8. Kuba umunyakuri- Kurangwa n'ukuri kandi ukaguharanira ntutinye no kuba wakuzira.

9. Kugira ubupfura- Kugira umuco mu myifatire, mu mibanire no mu mikorere.

10. Kugira ubumuntu- Kurangwa n'umutima ukunda abantu ku buryo buhebuje aho kubarutisha abantu.

Inzego z’Intwari z’u Rwanda

Amagambo yavuzwe na Maj Gen. Fred Gisa Rwigema Intwari y’Imanzi

Itorero Urukerereza mu gitaramo cyo gusingiza Intwari z’u Rwanda. Ni igitaramo cyabaye kuri uyu wa 31/01/2022 kuri RTV

REBA HANO INDIRIMBO ‘DUHARANIRE KUBA INTWARI’ YA DANNY VUMBI

Iyi nama y'uyu muryango w'Ibihugu bikoresha ururimi rw'Icyongereza yari kuba yarabaye muri Kamena 2020 isubikwa kubera icyorezo cya Covid-19.

Ku gicamunsi cyo kuri uyu wa Mbere tariki 31 Mutarama 2021, impande zombi zasohoye itangazo rihuriwemo ryemeza ko iyi nama izaba tariki 20 Kamena 2022.

Muri iri tangazo, Perezida Kagame yavuze ko yishimiye guha ikaze abazitabira inama ya CHOGM i Kigali.

Umukuru w'Igihugu yavuze ko imyaka ishize 'yatweretse ko dufite byinshi biduhuza kurusha na mbere kandi tugomba gukorera hamwe kugira ngo tugere ku musaruro ufatika kandi urambye dushaka.'

Yakomeje avuga ko iyi nama izaba amahirwe meza yo guhuza imbaraga mu guhangana n'ingaruka zatewe na Covid-19, ikoranabuhanga n'ubukungu bikubakwa nk'urufunguzo rwo gukemura ibibazo byugarije abaturage.

Muri iri tangazo, Umunyamabanga Mukuru wa Commonwealth, Patricia Scotland, yavuze ko yishimiye ko iyi nama igiye kongera kuba nyuma y'imyaka ine ibereye mu Mujyi wa London.

Avuga ko iyi nama izaba inzira yo gushyira hamwe kw'ibihugu bigize uyu muryango mu gushakira hamwe ibisubizo by'ingaruka za Covid-19 'ihindagurika ry'ikirere, ubukene, kurushaho guteza imbere ubucuruzi ndetse no kubaka iterambere rirambye'.

Patricia akomeza avuga ko kubera icyorezo cya Covid-19 abantu bagerageje gushaka ibisubizo birimo no gukora inama hifashishijwe ikoranabuhanga.

Avuga ko kuba bagiye kongera guhura imbona nkubone ari ibyo kwishimira 'ubwo abakuru b'ibihugu na za Guverinoma bazaba bateraniye I Kigali.'

Yasabye Guverinoma y'u Rwanda kurushaho gukomeza kwitegura ku buryo 'iyi nama izaba intangarugero'. Ashimira Abanyarwanda uburyo bakomeje gushyira hamwe kugira ngo iyi nama izaba mu mudendezo.

Iyi nama y’abakuru b’ibihugu bigize uwo muryango ubusanzwe iba buri myaka ibiri, mu 2018 nibwo iyabereye i Londres.

Commonwealth ni umuryango uhuriyemo ibihugu 54 byiganjemo ibyahoze bikoronijwe n’u Bwongereza n’ibindi birimo ibidafitanye amateka n’u Bwongereza byasabye kwinjira muri uwo muryango.

Imibare igaragaza uyu muryango ugizwe n’abaturage barenga miliyari 2.5, aho muri 60% byabo bari munsi y’imyaka 29 y’amavuko. 

Perezida w’u Rwanda Paul Kagame n’Umunyamabanga Mukuru wa Commonwealth Patricia Scotland batangaje ko inama ya CHOGM yasubukuwe

Amakuru dukesha New York Post ndetse bikaba byanamaze no gutangazwa na TMZ, ni uko noneho Rihanna n’umukunzi we bamaze kwemeza ko atwite. Rihanna n'umukunzi we A$AP Rocky kuri ubu baritegura umwana wabo w'imfura, ibi bikaba byagaragaye mu mafoto bashyize hanze bishimanye basomana ndetse Rihanna yambaye imyambarire yerekana inda. 

Aya mafoto bayashyize hanze mu gihe bari mu mujyi wa Harlem (iwabo wa A$AP). N'ubwo byagaragaraga ko aho bari bari hakonje kuko bari banifubitse, ariko ubwo bukonje ntibwabujije Rihanna kugenda afunguye ikote rye rirerire, inda igenda igaragara. Urukundo rwa Rihanna na A$AP rwatangiye kumenyekana mu mpera za 2020, kuva icyo gihe urukundo rwabo rutangiye kugurumana, ubu ni abadatana.

Mu mpera za 2021 ni bwo hatangiye gusakara amakuru avuga ko Rihanna atwite. Ni amakuru yatangiye kuvugwa ku mbuga nkoranyambaga ubwo uyu muhanzikazi yagirwaga Intwari mu gihugu cye cy’amavuko cya Barbados, babivuga bagendeye ku mafoto yo muri uwo muhango wabaye kuwa 30 Ugushyingo 2021. 

Rihanna yaje kunyomoza ayo makuru y’uko atwite, avuga ko buri mwaka bamushinja gutwita. Ubwo yasubizaga umufana we wari umusabye kuzamutumira muri Baby Shower, Rihanna yaragize ati “Hhhhh rekera aho. Ntabwo wigeze uza mu birori 10 bya Baby shower byabanje! Munshinga buri mwaka gutwita, biratangaje”.

Rihanna atwite inda y’umukunzi we A$AP Rocky

Iyo foto niyo yatumye hatangira gusakara amakuru avuga ko Rihanna atwite, hari mu mpera za 2021

INKURU WASOMA: Hasakaye amakuru avuga ko Rihanna atwite inda ya A$AP Rocky

INKURU WASOMA: Rihanna yagize icyo avuga ku bimaze iminsi bivugwa ko atwite inda ya A$AP Rocky

Aka kanya, ibitangazamakuru hirya no hino ku isi birimo cyane cyane ibikorera ku mugabane w'Uburayi nka Rfi, France 24 ni yo nkuru biri kuvugaho cyane. Biranavugwa kandi ko ibi biratuma na Ambasaderi wa Mali mu Bufaransa nawe ahita ahabwa amasaha yo kuva mu gihugu cy'u Bufaransa.

Amakuru avuga ko n'ubwo hari hamaze iminsi hatari umwuka mwiza hagati y'ibi bihugu, imbarutso yabaye amagambo Jean-Yves Le Drian, Minisitiri w'Ububanyi n'Amahanga w'Ubufaransa aherutse kuvuga ku buyobozi bushya bwa Mali, aho ubu buyobozi bumushinja kubwita ko 'busuzuguritse' kandi ko 'butemewe' n'amategeko, ibi kandi ubu buyobozi bugashinja Ubufaransa kutagira icyo bubikoraho.

Ibi kandi byatangajwe na tereviziyo y’igihugu ya Mali, bikaba bigaragaza urwego rushya mu ntambara ya diplomasi hagati ya Paris na Bamako.

Kuri uyu wa mbere, televiziyo ya Leta yatangaje ko abategetsi ba Mali biganjemo igisirikare bahisemo kwirukana ambasaderi w'Ubufaransa, kubera ubwiyongere bw'ibibazo bya politike bigenda birushaho kwiyongera hagati y'ibihugu byombi.

Umubano wa Mali n'Ubufaransa bwahoze buyikoroniza mu myaka yo ha mbere, watangiye kuzamo agatotsi kuva mu mwaka wa 2013 ndetse birushaho muri 2020 ubwo Nyakwigendera Ibrahim Boubacar Keita yavaga ku butegetsi.

Birashoboka ko nyuma y'ibi, Ubufaransa burakura n'ingabo zabwo muri Mali, igihugu cyagaragayemo ibibazo by'umutekano n'ibya Politike bikomeye guhera muri za 2012.

Ubuyobozi bwa Mali (bugizwe n'abasirikare) bwatangaje ko nta mpungenge kuba Ubufaransa bwakura ingabo zabo muri iki gihugu cyabo, ndetse banemeza ko Uburusiya bubafasha cyane mu by'intwaro haba mu bwiza no mu bwinshi bwazo n'ubwo kugeza ubu bagihakana kuba abasirikare b'Uburusiya baba bari ku butaka bwa Mali, nyamara bashinjwa kubinjiza muri iki gihugu mu buryo butemewe n'amategeko, Uburusiya bukabaha intwaro ku ngurane yo gucukura amabuye y'agaciro.

Joël Meyer yabaye Ambasaderi w'Ubufaransa muri Mali guhera tariki ya mbere Ukwakira 2018, ndetse tariki ya 26 z'uko kwezi nibwo yakiriwe na Nyakwigendera Ibrahim Boubacar Keita wari Perezida wa Mali icyo gihe. Yabaye Ambasaderi wa Mali avuye ku kuba Ambasaderi wa Mauritanie guhera mu mwaka wa 2014.

Iki cyumweru kigamije ahanini guteza imbere iyi mishinga, ikava mu mpapuro igashyirwa mu bikorwa bifitiye inyungu abaturage, birimo kongera umubare w'abakoresha umuriro w'amashanyarazi n'ibicanwa bitangiza ikirere bakagera ku 100% mu 2024.

Cyatangiye kuri uyu wa 31 Mutarama kikazasozwa ku wa 5 Gashyantare 2022. Biteganyijwe ko kizahuza ba nyir'iy'imishinga, abashakashatsi mpuzamahanga na guverinoma kugira ngo bashakire hamwe ibisubizo by'ibibazo sosiyete Nyarwanda na Afurika muri rusange bihura nabyo.

Umwe mu mishinga yerekanwe, ni uwiswe PV-Grid Power System wakozwe n'abanyeshuri biga Icyiciro cya Gatatu cya Kaminuza muri Kaminuza y'u Rwanda, aho bakoze agakoresho gafasha guhinduranya umuriro w'amashanyarazi n'uw'imirasire y'izuba bidasabye ko umuntu abikora.

Eng. Dushimimana J M Julien yavuze ko igitekerezo cyo gukora aka gakoresho cyaje nyuma yo gusanga abantu benshi banga gukoresha amashanyarazi akomoka ku mirasire y'izuba kuko hari igihe yashiraga bakagorwa no guhita bacana umuriro usanzwe.

Yakomeje ati 'Ibi bishobora kuzatuma abantu bitabira gukoresha umuriro ukomoka ku mirasire y'izuba, bagatekesha amashanyarazi kuko umuriro uba uhendutse cyane, ndetse bigakemura n'ikibazo cy'umuriro ukunda kugenda wongera ugaruka.'

Uwitwa Hategekimana Bosco uri mu itsinda ry'abanyeshuri bakoze imbabura idasohora umwuka wangiza ikirere, yavuze ko umushinga wabo uzorohereza abaturage gucana.

Yagize ati 'Iyi mbabura ikoresha ibishishwa by'umuceri, igakoresha ibishishwa by'ibitoki, mu gihe cy'isarura abantu bashobora gukoresha ibitiritiri by'ibigori, ndetse ikindi cyiza ni uko ivu cyangwa ibyasigaye umuntu amaze gucana nabyo bishobora gukoreshwa mu kuyicana.'

Iyi mishinga ni imwe muri 15 itanga icyizere yatoranyijwe muri 40, ihabwa ubufashamyumvire n'ubufasha bw'amafaranga kugira ngo irusheho gutera imbere.

Umuyobozi Mukuru wa Kaminuza y'u Rwanda, Prof. Lyambabaje Alexandre, yavuze ko iyi mishinga ifashirizwa mu Kigo cyiswe 'Grid Innovation and Incubation Hub' cyatangijwe na Guverinoma y'u Rwanda ifatanyije na Banki y'Isi.

Ati 'Muri iki kigo ni ahantu uzana igitekerezo ukagira abakuganiriza kugira ngo ukinoze, ukinonosore noneho cya gitekerezo kizavemo igihangano […]. Iki cyumweru rero baraganira ku byagezweho ndetse hazanahembwe bamwe mu bafite ibikorwa by'indashyikirwa muri ubwo bushakashatsi.'

Minisitiri w'uburezi, Dr. Uwamariya Valentine, yavuze ko guhanga udushya no gukora ubushakashatsi buzana ibisubizo by'abaturage ari kimwe mu nshingano za Kaminuza, bityo ko abarimu n'abanyeshuri bakwiye kubishyiramo imbaraga hagamijwe guteza imbere igihugu n'akarere giherereyemo.

Byitezwe ko iki cyumweru cyiswe GIIH Innovation Week kizarangira hari bimwe mu bibazo u Rwanda rufite mu bijyanye n'ingufu bishakiwe umuti.

Icyumweru cya UR GIIH Innovation Week cyahuje inzobere, abashakashatsi, abagize guverinoma n’abakoze imishinga irimo udushya

Prof Lyambabaje yavuze ko imishinga itanga icyizere kuruta iyindi izahembwa

Minisitiri w’Uburezi, Dr Uwamariya yasabye abarimu n’abanyeshuri gushyira ingufu mu gukora ubushakashatsi butanga impinduka mu gihugu

Ambasaderi wa Suède mu Rwanda, Johanna Teague, yari yitabiriye itangizwa ku mugaragaro rya UR GIIH Innovation week

Abayobozi basobanuriwe uko iyi mbabura ikora itohereza umwuka uhumanye mu kirere

Aka gakoresho k’ubururu ni ko gafite ubushobozi bwo guhindura umuriro mu gihe uw’imirasire ushize bigahita byijyana ku w’uwamashanyarazi asanzwe

Eng Dushimimana yavuze ko umushinga wabo uzafasha Abanyarwanda kuzigama amafaranga batanga ku muriro w’amashanyarazi

Gukoresha imirasire y’izuba umuntu ucana bishobora gutuma ukoresha umuriro w’ibihumbi 10 Frw ashobora gukoresha uwa 2000 Frw

Ivu cyangwa ibyasigaye bacana bishobora gukoreshwa mu gucana iyi mbabura

Ni icyumweru abantu berekanagamo udushya bahanze

Iyi mbabura icomekwa ku muriro w’amashanyarazi cyangwa uw’imirasire y’izuba igakoresha ibintu bitandukanye birimo n’ibitiritiri by’ibigori

Itangizwa ry’iki cyumweru ryitabiriwe n’abayobozi batandukanye

Amafoto: Shumbusho Djasiri

Ni uruhare buri wese ashobora kugira anyuze ku rubuga rwashinzwe na Purpose Rwanda, akaba yatanga inkunga kugira ngo uyu muryango ugere ku ntego wihaye wo kuvana muri ubwo buzima abarenga ibihumbi 30 mu gihe cy'imyaka itanu.

Iyi ntego izagerwaho binyuze mu bukangurambaga burashishishikariza buri Munyarwanda wese kugira uruhare mu gukiza umuntu wabatswe n'ibiyobyabwenge.

Mu bantu 30.000, hakenewe nibura ibihumbi 120 Frw, kuri buri muntu wabaswe n'ibiyobyabwenge cyangwa uburaya.

Ni ukuvuga ko umuntu ku giti cye aramutse afite umutima wo gufasha muri uru rugamba ashobora kujya ku rubuga rwa Purpose Rwanda akuzuza ahabugenewe, agatanga inkunga y'ibihumbi 120 Frw bityo akaba atanze umusanzu wo kuvana Umunyarwanda umwe muri ubwo buzima.

Ubusanzwe uyu muryango udaharanira inyungu (Purpose Rwanda), ushyize imbere intego yo kubaka u Rwanda rw'intego ruzira ibiyobyabwenge.

Ibiyobyabwenge bihangayikishije Umuryango Nyarwanda

Ubushakashatsi bwakozwe na Purpose Rwanda muri Mutarama 2021 bugaragaza ko nibura muri Kigali ingo 10 ziba zifite umuntu umwe wabaswe n'ibiyobyabwenge.

Muri 612 bafashwa na Purpose Rwanda, ababaswe n'inzoga ni 30%, ababaswe n'ibiyobyabwenge ni 8%, ababaswe n'ubusambanyi n'ibiyobyabwenge ni 49%. Abamaze gukira ni 201.

Kuva uyu muryango watangira kugeza uyu munsi, umaze kugera kuri byinshi byiza mu gufatanya na Leta kwigisha ababaswe n'ibiyobyabwenge ku buryo bafite umubare munini w'abo bafashije kubireka.

Abafashijwe na Purpose Rwanda barimo Byukusenge Alain, bagaruka ku buryo bari barabaswe n'ibiyobyabgwenge ariko nyuma y'uko uyu muryango ubagezeho ugatangira kubaba hafi baje kubyigobotora.

Byukusenge yavuze ko yari yarabaswe n'ibiyobyabwenge akoresha ikiyobyabwenge cya héroïne , aho ngo yagitangiye acyitera mu rushinge, ariko ngo ahanini ngo yabitewe n'igikundi cy'abana b'abaturanyi.

Avuga ko icyabimuteye cyane ari uko yabanaga n'umubyeyi we umwe (Papa) nyuma umubyeyi we akaza kujya gukorera mu ntara, we ngo agasigarana n'umukozi, bigatangiriraho ngo yiha inshingano akiri muto, byaje gutuma yishora mu biyobyabwenge.

Ingaruka byamugizeho avuga ko yacikirije amashuri no guta icyizere cy'ababyeyi.

Ati 'Narangije umwaka wa Gatandatu w'amashuri abanza gusa ubu nakabaye narakomeje amashuri nk'abandi. Nari naratakarije ababyeyi icyizere nta n'umwe nari nzi numero ze za telefone, ariko ubu nyuma yo kubivamo ubu nditunze ntacyo nsaba, akazi kose ndagakora.'

Ubu buhamya abuhuza na mugenzi we, Nsengiyumva Jean Marie Vianney, watangiye ishuri muri APADEMU i Butare acuruza ibiyobyabwenge bikaza gutuma yirukanwa.

Nyuma ngo yaje guhagarika ishuri umubyeyi we (Mama), amushakira ishuri muri APADE i Kigali ariko ngo akomeza gucuruza ibiyobyabwenge.

Ati 'Bampaye amafaranga yo kwiga Kaminuza 900 Frw nyaranguza ibiyobyabwenge uwo nyahaye naramubuze ndahomba bituma ndindira mu buzima bwanjye.'

Umubyeyi Yankurije wabyaye umwana umwe w'umuhungu, Rugamba Patrick, watangiye kunywa ibiyobyabwenge yiga mu mwaka wa mbere w'amashuri yisumbuye ngo akabimenya ageze mu mwaka wa gatatu byaje kumuviramo guhagarika ishuri.

Yankurije ashima Umuryango purpose Rwanda, watumye umwana we akira kuko ngo wamufashije kongera gukira.

Ati 'Ubu ni umwana twicara tukajya inama, mbere sinasigaga amafaranga mu nzu nibura na 1000 Frw kuko nari nzi ko yayajyana mu biyobyabwenge ariko ubu muha ibihumbi 100 Frw agahahira urugo.'

Umuyobozi ushinzwe Ibikorwa bya Purpose Rwanda, Agaba Bruno, yavuze ko bateganya ko byibura buri mwaka bazajya bafasha abantu 5000.

Yavuze ko byagaragaye ko benshi mu babaswe n'ibiyobyabwenge bagerageza kwiyahura abandi bakajya mu bikorwa bigira ingaruka ku bandi birimo ubujura, ubwicanyi, gufata ku ngufu, urugomo n'ibindi.

Ati 'Ku bw'ibyo Purpose Rwanda iri hano kugira ngo yubake u Rwanda rufite intego, rutarangwamo ibiyobyabwenge no kugorora ababaswe na byo.'

Agaba akomeza avuga ko ikindi cyo kwishimirwa ngo ni uko abavuye mu biyobyabwenge bigizwemo uruhare na Purpose Rwanda bangana 1000, ubu na bo bafatanya n'uyu muryango kwigisha bagenzi babo ndetse ngo biratanga umusaruro ugaragara.

Imibare y'Ikigo gishinzwe Igororamuco mu Rwanda (NRS) igaragaza ko abantu 38.894 bamaze kunyura mu bigo ngororamuco n'aho 2.589 baracyagororwa.

Agaba uyobora Purpose Rwanda yahamagariye Abanyarwanda kugira uruhare mu gufasha ababaswe n’ibiyobyabwenge

Yankurije n’umuhungu we wari warabaswe n’ibiyobyabwenge batanze ubuhamya bashimira Umuryango Purpose Rwanda

James na Daniella baririmba indirimbo zo kuramya no guhimbaza Imana na bo biyemeje kugira uruhare mu gutuma urubyiruko ruva mu biyobyabwenge n’uburaya

Nawe ushobora kwifatanya na Purpose Rwanda mu kuvana nibura umuntu umwe mu biyobyabwenge

Umuyobozi wa Purpose Rwanda, Agaba Bruno, yavuze ko bafite intego yo kuvana urubyiruko ibihumbi 30 mu biyobyabwenge uburaya n’indi migirire mibi ikomeje kugira urubyiruko imbata

Abantu batandukanye biyemeje kugira uruhare mu bukangurambaga bwo kuzahura ababaswe n’ibiyobyabwenge

Byabaye saa Yine z'ijoro ryo ku Cyumweru, tariki 30 Mutarama 2022, nyuma y'imvura nyinshi yaguye muri Karongi, irimo umuyaga inkuba n'imirabyo.

Iyi mvura yatangiye kugwa mu masaha y'umugoroba igera mu gitondo ndetse mu bice bimwe na bimwe yakomeje kugwa no kuri uyu wa Mbere tariki 31 Mutarama 2022.

Umunyamabanga Nshingwabikorwa w'Umurenge wa Rugabano, Niyonsaba Cyriaque, yemeje aya makuru y'umusaza witabye Imana yishwe n'inkuba.

Ati 'Inkuba yamubitiye mu nzu aryamye mu ruganiriro ahagana saa Yine z'ijoro, itwika inzu n'urugo. Nta kintu byaturutseho kuko ni umusaza wiberaga mu nzu itarimo n'amashanyarazi, ubwo ni nk'umunsi wari wageze.'

Niyonsaba yasabye abaturage kubahiriza amabwiriza yo kwirinda ibishobora gutuma bakubitwa n'inkuba.

Uyu muturage yakubiswe n'inkuba mu gihe mu cyumweru gishize hari undi wo mu Murenge wa Twumba mu Karere ka Karongi na we witabye Imana azize gukubitwa n'inkuba.

Abaturage basabwe kubahiriza amabwiriza ya Minisiteri y'Ubutabazi yo kwirinda kugama munsi y'ibiti, kugama ku mbaraza no gukoresha ibikoresho by'ikoranamabuhanga bicomekwa ku mashanyarazi mu mvura, kuko bishobora kubakururira akaga ko gukubitwa n'inkuba.

Akarere ka Karongi n'aka Rutsiro ni tumwe mu dukunze kwibasirwa n'inkuba cyane.

Inkuba yishe umusaza w'imyaka 58 mu Karere ka Karongi

Yabigarutseho ku mugoroba wo ku Cyumweru, tariki 30 Mutarama 2022, mu kiganiro cyamuhuje n'abiganjemo urubyiruko abasanze kuri Twitter hifashishijwe ibizwi nka 'Twitter Space'.

Abandi batanze ibiganiro ni Byukusenge Esther [Dj Brianne] ndetse na rwiyemezamirimo Rwandarushya Aimable [Nameless Campos] washinze shene ya YouTube ya Afrimax.

Bamporiki yibukije urubyiruko ko Intwari ari umuntu wese ukora ibyungura igihugu n'abagituye kandi agaharanira inyungu za benshi.

Yagize ati 'Intwari ni umuntu wese ushobora gukora ibikorwa bifasha abantu benshi ku buryo ashobora no kwitangira abandi kugira ngo icyiza kigerweho.'

Rwandarushya yavuze ko bidasaba amafaranga menshi kuko n'ayo abantu bakoresha kuri WhatsApp aba ashobora gukora byinshi kandi bibungura.

Ati 'Internet ukoresha kuri WhatsApp uko yaba ingana kose wanayikoresha ukora 'ibiganiro' byiza kuri YouTube n'izindi mbuga zishyura bityo zikaba zakwinjiriza ugahera kuri make ugenda uzamuka.'

Yagarutse ku rugendo rwe nk'umuntu wahoze atunganya amashusho y'indirimbo z'abahanzi nyuma akaza gutangiza 'YouTube Channel' ya Afrimax n'uko yagiye yagura ibikorwa kuri ubu akaba yinjiza akayabo.

Afrimax TV kuri ubu ikurikirwa n'abarenga miliyoni imwe ndetse ikaba ifite ishami ry'Icyongereza 'Afrimax English' naryo rimaze gukurikirwa n'abarenga miliyoni 1.4.

Dj Brianne we yifashishije ubuhamya bwo kuba yarakuriye mu buzima bugoye kandi bwo ku muhanda avuga ko ugukora cyane no gufashwa na bagenzi be aribyo byamugejeje aho ari uyu munsi.

Ibi biganiro byanitabiriwe n'abantu barimo Minisitiri w'Abakozi ba Leta n'Umurimo, Rwanyindo Fanfan n'abandi.

Umunyamabanga wa Leta muri Minisiteri y'Urubyiruko n'Umuco, Bamporiki Edouard, yavuze ko Intwari ari iharanira inyungu z’igihugu n’abagituye