Author: webrwanda

Iri rushanwa ryabereye muri Parking ya Stade Nto (Petit Stade) i Remera, ryakinwe mu byiciro birimo abari hagati y'imyaka 12 na 14 n'abari hagati 14 na 16 mu bahungu n'abakobwa.

Abahungu bari hagati y'imyaka 12 na 14 ni bo babanje gukina saa Tatu, isiganwa ryegukanwa na Gisubizo Issa ukinira Ikipe ya Adrien Niyonshuti Cycling Academy, aho yakoresheje iminota 19 n'amasegonda 24 ku ntera y'ibilometero 8,4, akurikirwa na Niyomwungeri Elie wa Bugesera Cycling Team na Mugisha Fiston wa Les Amis Sportifs.

Abakobwa bari mu cyiciro cy'imyaka 12-14 na 14-16 bakoze intera ingana na kilometero 7. Uwa mbere muri bane bato basiganwe yabaye Ishimwe Françoise wa Bugesera Cycling Team nyuma yo gukoresha iminota 18 n'amasegonda 30 mu gihe mu bakuru 10 bakinnye, hatsinze Uwera Aline akurikiwe n'abandi bagenzi be icyenda bakinana muri Bugesera Cycling Team.

Iri rushanwa ryari ryitabiriwe n'amakipe asanzwe amenyerewe muri uyu mukino nka Benediction Club y'i Rubavu, Les Amis Sportifs y'i Rwamagana, Cine Elmay, Adrien Niyonshuti Cycling Academy, Bugesera Cycling Team n'abandi bana batagira amakipe biyandikishije ku giti cyabo.

Abahungu bari hagati y'imyaka 14 na 16 bakoze intera y'ibilometero 11,9; hatsinze Nizeyimana Fiacre wa Benediction nyuma yo gukoresha iminota 25 n'amasegonda 14, akurikirwa na Tuyizere Hakimu na Byusa Pacifique na Adrien Niyonshuti Cycling Academy (ANCA).

Perezida w'Ishyirahamwe ryo gusiganwa ku Magare mu Rwanda (FERWACY), Murenzi Abdallah, yavuze ko bishimiye impano babonye muri iri rushanwa, yongeraho ko bagiye kubakurikirana ku buryo hazavamo n'abazahagararira igihugu muri Shampiyona y'Isi y'Amagare izabera mu Rwanda mu 2025.

Ati 'Uyu mwaka haje agashya, tuva mu bakinnyi bakuru tujya mu bato, gutegurira abakiri bato umuco w'ubutwari, kugira umuco wo guhangana. Ni umwanya wo gutegura abakinnyi b'ejo, bakina Shampiyona y'Isi ya 2025.'

Murenzi yavuze ko aya marushanwa yajya aba buri kwezi, by'umwihariko bakaba bateganya kuzakurikizaho Intara y'Iburasirazuba hasanzwe haba impano muri uyu mukino, ahazamukiye abakinnyi nka Adrien Niyonshuti, Ndaisenga Valens na Areruya Joseph.

Umunyamabanga wa Leta Minisiteri y'Urubyiruko n'Umuco, Bamporiki Edouard, wari witabiriye iri rushanwa, yasabye abana gukunda igihugu ndetse bakakibera intwari bakora ibyo bakunda.

Ati “Umwana icyo wifuza ko azaba ukimutoza hakiri kare. Iyo turebye izi ntwari zose twizihiza dusanga ibintu zakoze atari ibintu byazigwiririye. Ni ibintu batojwe n'ababyeyi babo hakiri kare.”

Yakomeje yemeza ko bagiye gukorana bya hafi n'ishyirahamwe n'umukino w'amagare.

Ati “Iri ni itangiriro, iyo ushaka kwigisha abana ibijyanye n'intwari, ukabibabwirira mu kintu bakunda bahora bibwira intwari zizagaruka. Niba tuzizihiza umunsi w'ururimi, umunsi w'umuganura, ibi byose dukeneye kubyigisha abana ariko tubasanze mu byo bakunda.'

'Dukeneye kuganira cyane n'Ishyirahamwe ry'amagare cyane kugira ngo mu kwa munani ku munsi w'umuganura tuzabe turi kumwe. Dukwiye guha u Rwanda abana kandi bakarukunda tukabavana mu mihango n'ibindi ahubwo tukabashyira mu bibafitiye umumaro.”

Uko bagiye bakurikirana mu byiciro bitandukanye

Abahungu bari hagati y'imyaka 15 na 16

Intera: 11,9 Km

1 NIZEYIMANA FIACRE (BENEDICTION): 25'14″

2 TUYIZERE HAKIMU (FLY): 25'51″

3 Byusa Pacifique (Adrien Niyonshuti Cycling Academy) 26'05″

4 SHUTIRAGUMA KEVIN (CINE ELMAY) 26'43″

5 UWAYISENGA GERMAIN (CINE ELMAY) 26'44″

6 NIYITURINDA Anatole (KABATWA) :27'21″

7 HANYURWIFURA THOMAS (FLY) : 27'21″

8 NIYOGISUBIZO Eric (Nta kipe) :27'21″

9 Nshimiyimana Eric (Adrien Niyonshuti Cycling Academy) : 27'21″

10 Nteziyaramye Desire (Nta kipe): 27'21″

Abahungu bari hagati y'imyaka 12 na 14

1 Gisubizo Issa (LES AMIS SPORTIFS): 19'24″

2 NIYOMUNGERI ERIE (Bugesera Cycling Team): 20'38″

3 MUGISHA Fiston (LES AMIS SPORTIFS): 20'38″ 01'14″

4 KUBWIMANA Egide (Nta kipe): 21'26″

5 GIRANEZA Hosiya (Nta kipe): 23'03″

6 Yannis Dubuisson (Nta kipe): 23'03″

7 Kubwimana Fiston (Nta kipe): 23'03″

8 ISHIMWE KELLY QUETIN (CINE ELMAY): 23'03″

9 IWAN DENBLYDEN BIZIMANA (Nta kipe): 23'03″

10 MUGISHA Olivier (Nta kipe): 24'07″

Abakobwa bari hagati y'imyaka 15 na 16

1 Uwera Aline (Bugesera Cycling Team): 15'51″

2 Ingabire Domina (Bugesera Cycling Team): 16'14″

3 Byukusenge Mariata (Bugesera Cycling Team): 16'18″

4 Iragena Charlotte Bugesera Cycling Team: 16'53″

5 Niyokwizerwa Clementine (Bugesera Cycling Team) :17'30″

6 Tuzadukorerimana Honorence (Bugesera Cycling Team): 18'30″

7 INGABIRE FABIOLA (Bugesera Cycling Team): 18'30″ 02'39″

8 Ishimwe Nelisa (Bugesera Cycling Team): 18'30″

9 Abagire Cyiza Claire (Bugesera Cycling Team): 19'09″ 03'18″

10 NIKUZE SCHOLASTIC (Bugesera Cycling Team): 19'09″ 03'18″

Abakobwa bari hagati y'imyaka 12 na 14

1 Ishimwe Francoise (Bugesera Cycling Team) 18'30″

2 Amizero Amina (Nta kipe): 19'09″

3 Izerimana Benitha (Bugesera Cycling Team: 19'09″

4 MICOMYIZA SANDRA (Bugesera Cycling Team): 19'09″

Source : https://umuryango.rw/imyidagaduro/imikino/article/abana-bitabiriye-irushanwa-ryo-gusiganwa-ku-magare-ryitiriwe-intwari-bagaragaje

Source : https://www.kigalitoday.com/imikino-11/football/article/manzi-thierry-yasanze-emmanuel-imanishimwe-muri-far-rabat

Source : https://yegob.rw/abantu-batunguwe-no-kubona-inzu-20-zishya-hagasigara-igikuta-kiriho-ishusho-ya-yezu-gusa/

Source : https://yegob.rw/nyabugogo-undi-muntu-yagerageje-kwiyahura-asimbutse-inyubako-ikorerwamo-ubucuruzi/

Source : https://yegob.rw/bafashwe-bari-gutwika-umutwe-wumukobwa-bari-bamaze-kwica/

Nyuma y’uko hagiye hanze amafoto y’umuhanzikazi w’umunyamerikakazi Rihanna amugaragaza atwite ari kumwe n’umukunzi we w’umuraperi A$AP, byabaye inkuru ikomeye mu bitangazamakuru hirya no hino ku Isi.

Ni amafoto yagiye hanze bitungura benshi, ni nyuma y’uko Rakim Athelaston Mayers [A$AP] n’umuhanzikazi Robyn Rihanna Fenty [Rihanna] bamaze igihe bari mu rukundo.

Urukundo rwabo rwatangiye kuvugwa mu mpera za 2020, ku munsi w’ejo hashize tariki ya 31 Mutarama bakaba barashyize amafoto yabo hanze agaragaza Rihanna atwite.

Aya mafoto agaraga Rihanna yambaye ikoti ry’iroza hafunze igipesu cyo hejuru gusa ibindi bifunguye, inda ye iri hanze igaragara ndetse bigaragara ko akuriwe, ni mu gihe hasi aba yambaye ipantalo y’ikoboyi afatanye agatoki ku kandi n’umukunzi we A$AP Rocky.

Rihanna agiye kubyarana na A$AP Rocky nyuma y’uko mu ntangiriro za 2020 yatandukanye Jameel Hassan bakundanaga, ni mu gihe A$AP Rocky yakanyujijeho n’umukobwa w’umunyamideli ukomoka muri Brazil, Daiane Sodre yanakundanyeho kandi na Kendall Jenner.

Bavugishije benshi

Rihanna na A$AP baritegura kwibaruka

Rihanna arakuriwe

Source : http://isimbi.rw/siporo/article/amafoto-ya-rihanna-atwite-yavugishije-benshi

Umupaka wa Gatuna wafunguwe kuri uyu wa mbere nyuma yo gufungwa mu kwezi kwa 3/2019 ariko abanyarwanda ntibemerewe guhita berekeza muri Uganda ku munsi wa mbere.

Ku ruhande rw'u Rwanda, icyemezo cyo gufungura umupaka cyafashwe nyuma y'iminsi mike Umugaba w'Ingabo za Uganda zirwanira ku butaka, Lt Gen Muhoozi Kainerugaba, agiriye uruzinduko i Kigali ndetse agirana ibiganiro na Perezida Kagame.

Hakurikije ibyatangajwe n'abayobozi b'ibihugu byombi, ibyo biganiro byari bigamije kuzahura umubano wabyo.

Mu kiganiro, Umuvugizi Wungurije wa Leta y'u Rwanda, Alain Mukurarinda, yagiranye na Televiziyo Rwanda yavuze ko kuba umupaka wa Gatuna ufunguye ari intambwe itewe mu kuzahura umubano w'ibihugu byombi ariko yibutsa Abanyarwanda ko bitavuze ijana ku ijana ko ari iherezo ry'ibibazo bajyaga bahura nabyo bambutse.

Umwe mu bangiwe kwambuka uyu munsi yabwiye IJWI RY'AMERIKA ati “Twumvise itangazo rivuga ko umupaka wa Gatuna ufunguwe turishima kuko tugiye gusura inshuti n'abavandimwe hakurya.Twageze ku mupaka baratubwira ngo ntabwo bikunda biratubabaza cyane.Icyadutangaje nuko batubwiye ko hemerewe kwambuka imodoka zitwaye imizigo gusa.'

Undi yagize ati “Nahageze saa kumi n'ebyiri za mu gitondo….Nageze ku mupaka barambwira ngo ntabwo uri bwambuke.Kugeza n'iyi saha ntabwo turamenya uko amakuru ameze.”

Icyakora Abanyarwanda bari baturutse Uganda bo ntibyabagoye kuko uyu munsi bambutse banyuze kuri uyu mupaka wa Gatuna.

Umuvugizi wungirije wa Guverinoma y'u Rwanda yabwiye Ijwi ry'Amerika ati “Kuba imipaka yafunguwe s'uko Covid yarangiye.Twarabisobanuye ejo turavuga tuti “nibyo koko imipaka izaba yafunguye ariko mucunge uko bimeze ku yindi mipaka isanzwe nka Cyanika na Rusumo n'ahandi uko amabwiriza ya Covid yubahirizwa.

Ibihugu byombi bizabanza binabiganireho binagendeye kuri protocole ziteganwa na EAC kuri Covid.

Abajijwe abemerewe gukoresha uyu mupaka,Mukuralinda yagize ati “Uyu munsi mwabonye ko abatwara amakamyo bahise n'abanyarwanda basanzwe bari hanze,abanyamahanga batuye mu Rwanda nabo barinjira.Abandi bose bagomba kugenda,barinjira ariko bubahirije ayo mabwiriza.”

Umupaka wa Gatuna wafunzwe nyuma y'uko u Rwanda rwari rwatangije imirimo yo kuwusana ariko biza guhurirana n'uko rwashinjaga Uganda gushyigikira ibikorwa bigamije guhungabanya umutekano warwo no gufunga Abanyarwanda mu buryo bunyuranyije n'amategeko kandi ntibagezwe imbere y'ubutabera.

Source : https://umuryango.rw/amakuru/mu-rwanda/politiki/article/umupaka-wa-gatuna-wafunguwe-ariko-si-buri-wese-wemerewe-kuwambuka

Uwitwa HAKUZWEYEZU Theogene yasabye guhindura amazina mu buryo bwemewe n'amategeko akitwa THEOGENE HAKUZWEYEZU mu bitabo by'irangamimerere.

Impamvu atanga zituma asaba guhindura amazina akaba ari uko ari amazina ari mu bindi byangombwa.

Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

Source : https://umuryango.rw/amatangazo/article/itangazo-hakuzweyezu-theogene-yasabye-guhindura-amazina-akitwa-manzi-theogene

Dr Nsabimana wagizwe Minisitiri w'Ibikorwaremezo yari amaze igihe ari Umuyobozi Mukuru w'Urwego Ngenzuramikorere, RURA.

Mu Ukuboza 2020, nibwo Dr Nsabimana yahawe inshingano zo kuyobora RURA, nyuma y'uko yari amaze igihe ari Umuyobozi wungirije w'Umujyi wa Kigali ushinzwe Imiturire n'Ibikorwaremezo.

Amb. Gatete Claver wari umaze imyaka ine ari Minisitiri w'Ibikorwaremezo yahawe inshingano nshya agirwa Ambasaderi w'u Rwanda mu Muryango w'Abibumbye i New York.

Mu mpinduka zakozwe muri Minisiteri y'Ibikorwaremezo kandi Eng. Patricia Uwase wari Umunyamabanga Uhoraho muri iyi minisiteri yahinduriwe imirimo agirwa Umunyamabanga wa Leta.

Ibyo wamenya kuri Dr Nsabimana

Dr Nsabimana wagizwe Minisitiri w'Ibikorwaremezo ni umuhanga mu bijyanye na 'Civil Engineering' ndetse ni na byo afitemo Impamyabumenyi y'Ikirenga, PhD.

Uyu mugabo yize 'Civil Engineering' muri Kaminuza y'u Rwanda, aho yaboneye impamyabumenyi y'icyiciro cya kabiri mu 2005.

Dr Nsabimana yakomereje amasomo muri Kaminuza ya Kyung Hee yo muri Koreya y'Epfo, aho mu 2010 yaboneye icyarimwe Masters na PhD muri 'Civil Engineering'.

Muri Kamena 2015, Dr Nsabimana yabonye Impamyabumenyi y'Ikirenga muri 'Civil Engeneering' yibanda ku bijyanye n'ibikorwaremezo byo gutwara abantu n'ibintu.

Ubwo yari arimo gukurikirana amasomo ya PhD, Dr Nsabimana yakoze ubushakashatsi ndetse yandika inyandiko zanyuzwaga mu bitangazamakuru bitandukanye.

Ubushakashatsi bwe bwibanda cyane ku bikorwaremezo byifashishwa mu gutwara abantu n'ibintu birimo ingendo zo mu kirere, za gari ya moshi, ibikorwaremezo byo mu Mijyi n'ibindi.

Mu mirimo yakoze harimo kuba kuva muri Nzeri 2015 kugeza mu Ugushyingo 2018 yari umwarimu wigisha Civil Engineering muri IPRC-Kigali.

Yabaye kandi umwarimu nk'akazi kadahoraho muri Kaminuza ya Jomo Kenyatta, INES Ruhengeri ndetse na Dedan Kimathi University.

Dr Nsabimana kandi yabaye Umuyobozi wa IPRC Karongi kuva mu Ugushyingo 2018 kugeza mu Ukwakira 2019, umwanya yavuyeho ajya kuba Umuyobozi Wungirije w'Umujyi wa Kigali ushinzwe Ibikorwaremezo.

Inama y'Abaminisitiri yayobowe na Perezida Kagame ku wa 14 Ukuboza 2020, yashyize mu myanya abayobozi barimo Dr Nsabimana wahawe inshingano zo kuyobora Urwego Ngenzuramikorera, RURA.

Dr Ernest Nsabimana yagizwe Minisitiri w’Ibikorwaremezo

Amb. Gatete Claver wari umaze imyaka ine ari Minisitiri w'Ibikorwaremezo yahawe inshingano nshya agirwa Ambasaderi w'u Rwanda mu Muryango w'Abibumbye

Eng. Patricia Uwase wari Umunyamabanga Uhoraho muri iyi minisiteri yahinduriwe imirimo agirwa Umunyamabanga wa Leta

---

Source : http://igihe.com/amakuru/u-rwanda/article/dr-nsabimana-wayoboraga-rura-yagizwe-minisitiri-w-ibikorwaremezo

Ibi byashimangiwe na Komiseri wungirije ushinzwe Ubugenzuzi bw'Imisoro muri RRA, Niwenshuti Ronald, mu kiganiro yagiranye n'itangazamakuru ku bijyanye n'uko u Rwanda rwagura imisoreshereze mpuzamahanga.

Yavuze ko ubu bushakashatsi buzafasha cyane mu kumenya byimbitse uko ibi bigo mpuzamahanga bikora ubucuruzi bwabyo, ndetse n'inzira zikoreshwa na bimwe mu kugabanya umusoro wishyurwa.

Yagize ati “RRA yatangije ubushakashatsi buzadufasha kumenya byimbitse uko ibigo by'ubucuruzi mpuzamahanga cyane cyane ibikora ibijyanye n'itumanaho n'ikoranabuhanga bikora. Tuzanasesengura inzira zikoreshwa mu kugabanya imisoro ari nako dushyiraho amategeko n'amabwiriza aziba ibyuho bikoreshwa mu kugabanya imisoro yishyurwa n'ibyo bigo.”

Niwenshuti yemeza ko u Rwanda ruri mu bihugu biharanira gukurura abashoramari benshi b'abanyamahanga, bagahabwa ubworoherezwe ku misoro, ari nako ruharanira ko bubahiriza inshingano zabo zo gusora neza, dore ko hari abagerageza gukoresha icyuho cyaboneka mu misoreshereze, bakagabanya ingano y'umusoro bakagombye kwishyura.

Ati “Dufite amategeko agenga ishoramari asobanutse, kandi muri yo harimo ingingo yitaye ku nzego zimwe z'ishoramari Leta y'u Rwanda yagabanyirije imisoro; hari aho Leta yigomwa imisoro mu gihe cy'imyaka runaka bitewe n'ishoramari ryakozwe n'ikigo cy'ubucuruzi. Aya mategeko adufasha kuzirikana ko dutanze ibirenze byaduteza igihombo nk'igihugu.”

Mu bihe bitandukanye, Leta y'u Rwanda yagiye isinyana amasezerano n'ibindi bihugu yo kudasoresha kabiri (Double Taxation Agreements) no gukumira inyerezwa ry'imisoro ku mpande zombi bityo bigafasha abashoramari na za Leta ku buryo bw'umwihariko.

Ku ruhande rwe, Roger Brugger, Umuyobozi wa Visions Africa akaba n'Umujyanama mu bijyanye n'Imisoro, Ibaruramari n'izindi serivisi Ngishwanama z'imari, yashimye urwego u Rwanda rugezeho mu kunoza imisoreshereze mpuzamahanga bikaba bifasha abasora ndetse n'igihugu nubwo hari abatubahiriza inshingano zabo zo gutanga umusoro, cyangwa bakica amategeko nkana bagamije kunyereza umusoro.

Yakomeje ati 'Ntekereza ko mu gukemura ibibazo bijyanye n'imisoreshereze mpuzamahanga hakwiye kubaho urwego rukomeye rushinzwe gushyiraho amabwiriza ngenderwaho, nka RRA ntanze urugero rw'u Rwanda. Mu by'ukuri ntekereza ko u Rwanda ruri mu nzira nziza.”

“Turimo kubona rusinya amasezerano mpuzamahanga hagamijwe kunoza imisoreshereze no korohereza abashoramari, ibi bikaba byakurura ibigo by'ubucuruzi mpuzamahanga gushora imari yabyo mu gihugu kandi hatagize uwica amategeko, u Rwanda na rwo rukaba rwabyungukiramo.'

Yasabye ibigo mpuzamahanga biba byahisemo gushora imari mu Rwanda ko ku ikubitiro byajya bisoma byimbitse amategeko n'amabwiriza ajyanye n'imisoreshereze mpuzamahanga mu Rwanda, ndetse bikagana n'abajyanama mu by'imisoro.

Kugeza ubu, u Rwanda rumaze gusinyana amasezerano yo kudasoresha kabiri n'ibihugu 12 birimo Afurika y'epfo, u Bubiligi, Mauritius Singapore, Barbados, Jersey, Maroc, Turukiya, UAE, Qatar, Repubulika Iharanira Demokarasi ya Congo n'u Bushinwa.

Muri Kanama 2021 kandi u Rwanda rwashyize umukono ku yandi masezerano azwi nka “Mutual Administrative Assistance Convention in Tax Matters (MAAC)”, yasinywe n'ibihugu birenga 143 agamije kunoza ihanahana ry'amakuru ajyanye n'imisoreshereze mpuzamahanga hagati y'ibyo bihugu.

Komiseri wungirije ushinzwe Ubugenzuzi bw'Imisoro muri RRA, Niwenshuti Ronald, yavuze ko ubushakashatsi buri gukorwa buzafasha cyane mu kumenya byimbitse uko ibi bigo mpuzamahanga bikora ubucuruzi bwabyo

Umuyobozi wa Visions Africa akaba n’umujyanama mu bijyanye n'imisoro, Roger Brugger, yashimye urwego u Rwanda rugezeho mu kunoza imisoreshereze mpuzamahanga

RRA mu nzira yo gukumira inyerezwa ry'umusoro ukomoka mu bucuruzi mpuzamahanga

Ikigo cy'Imisoro n'Amahoro (RRA) cyatangaje ko kiri gukora ubushakashatsi buzafasha kumenya ingano y'umusoro utakara mu kutubahiriza inshingano kw'ibigo by'ubucuruzi mpuzamahanga

---

Source : http://igihe.com/amakuru/u-rwanda/article/rra-mu-nzira-yo-gukumira-inyerezwa-ry-umusoro-ukomoka-mu-bucuruzi-mpuzamahanga