Webrwanda Backend

Author: webrwanda

  • MUKURA VS y'abakinnyi 10 yahagaritse APR FC yari imaze imikino 50 idatsindwa #rwanda #RwOT

    Mukura Victory Sports yashyize ku iherezo urugendo rwa APR FC yari imaze imikino 50 ya Shampiyona idatsindwa,nyuma yo kuyitsinda igitego 1-0 mu mukino w'umunsi wa 6 wa shampiyona utarabereye igihe.

    Bwa mbere kuva Tariki ya 25/05/2019,APR FC yatsinzwe umukino muri shampiyona nyuma y'uko yari imaze imyaka 3 idatsindwa n'imikino 50.

    Mu minota 45 y'igice cya kabiri cy'umukino w'ikirarane cy'umunsi wa gatandatu wa Shampiyona cyakinwe kuri uyu wa Kabiri, amakipe yombi ntayabashije kwinjiza igitego nyuma y'aho ku munsi w'ejo hari hakinwe igice cya mbere imvura nyinshi igatuma umukino usubikwa.

    Mukura VS yari yatsinze igitego 1-0 mu minota 45 yakinwe ku wa Mbere mbere y'uko umukino uhagarikwa n'imvura nyinshi yaguye kuri Stade ya Kigali,cyatsinzwe na Moise Nyarugabo ku munota wa 6.

    Mukura VS igaruye amateka yakoze tariki ya 1 Wererwe 2019 aho kuri sitade ya Kigali n'ubundi yatsinze APR FC igitego 1-0 mu mukino nawo wari uw'ikirarane.

    Icyo gihe muri shampiyona ya 2018-2019(Rayon Sports yatwaye) Mukura VS yatsinze APR FC yari imaze imikino 10 idatsindwa yaranganyijemo imikino 2 gusa.

    APR FC yaherukaga gustindwa na Espoir FC muri Gicurasi 2019 ibitego 2-0.

    Muri uyu mukino wari ishyiraniro,Mukura VS yahawe ikarita itukura ku munota wa 90 w'umukino,ihawe uwitwa Hassan Jibrin Akuki nyuma yo guteza intambara agahabwa ikarita ya 2 y'umuhondo.Umusifuzi wo ku ruhande yongeyeho iminota 7 ku mukino ariko APR FC ntiyayibyaza umusaruro.

    Ikipe ya APR F.C yari imaze imikino 50 idatsindwa, ikaba ariyo iyoboye urutonde rwa Shampiyona n'amanota 31 aho ikurikiwe n'ikipe Kiyovu Sports na 29 mu gihe Rayon Sports ya 3 ifite 26.

    Andi makipe yose yarangije imikino 15 yayo mu gihe APR FC ifite ikindi kirarane na Rutsiro FC.






    Source : https://umuryango.rw/imyidagaduro/imikino/article/mukura-vs-y-abakinnyi-10-yahagaritse-apr-fc-yari-imaze-imikino-50-idatsindwa

  • #Ubutwari2022: Perezida Kagame yabwiye urubyi… – #rwanda #RwOT

    Yabitangaje mu butumwa yanyujije ku mbuga nkoranyambaga kuri uyu wa Kabiri tariki 1 Gashyantare 2022 hazirikanwa ku nshuro ya 28 Intwari zitangiye u Rwanda.

    Perezida Kagame ati 'Umunsi Mwiza w'Intwari! Turazirikana ubuzima bw'intwari z'u Rwanda; abagabo n'abagore bitanze ngo dushobore kubaka igihugu gishyize hamwe kandi gifite agaciro dufite ubu.'

    Umukuru w'Igihugu yakomeje avuga ko 'Ibi ni umwenda ukomeye kuri buri wese muri twe; dukore duharanira icyateza imbere igihugu cyacu.'

    Yabwiye urubyiruko ko ari bo bahanzwe amaso ku bungabunga uwo murage w'Ubutwari. Ati 'Rubyiruko rwacu: tubahanze amaso ngo mukomeze kubungabunga uwo murage w'ubunyarwanda buzira kuzima.'

    Perezida Kagame yatangaje ubu butumwa bwo kuri uyu munsi w’Intwari nyuma y'uko we na Madamu Jeannette Kagame bashyize indabo ku kimenyetso cy’ubutwari ku Gicumbi cy’Intwari i Remera.

    Nyuma yo gushyira indabo ku kimenyetso cy’ubutwari, hafashwe umunota wo kuzirikana Intwari z’Igihugu zatabarutse.

    Buri mwaka tariki ya 1 Gashyantare, u Rwanda rwizihiza umunsi wahariwe intwari zitangiye igihugu.

    Uyu munsi wizihijwe ku nshuro ya 28 ku nsanganyamatsiko igira iti 'Ubutwari mu Banyarwanda, Agaciro kacu.'

    Source : https://inyarwanda.com/inkuru/114076/ubutwari2022-perezida-kagame-yabwiye-urubyiruko-ko-ruhanzwe-amaso-mu-kubungabunga-umurage–114076.html

  • #Ubutwari2022: Limu yakoze mu nganzo asingiza… – #rwanda #RwOT

    Limu, umuhanzi nyarwanda, umwanditsi, umuririmbyi akaba n’umucuranzi wa Guitar Accoustic, ashyize hanze iyi ndirimbo nshya yise ‘Intwari z’u Rwanda’, mu gihe kuri uyu wa Kabiri tariki 01 Gashyantare 2022 u Rwanda n’inshuti zarwo bizihiza ku nshuro ya 28 Umunsi w’Intwari z’igihugu mu nsanganyamatsiko igira iti “Ubutwari mu banyarwanda, Agaciro kacu”.

    Limu uvukana na Intore Tuyisenge, aririmba indirimbo sinzingiza u Rwanda, izishishikariza abantu kubana mu mahoro cyane cyane nk’izivuga ku ubumwe n’ubwiyunge bw’Abanyarwanda ndetse n’indirimbo z’Urukundo. Yasohanuye ko urukundo aririmba ari indirimbo zijyanye na Gakondo y’ubukwe, ati “Nimvuga urukundo abantu bumve indirimbo zijyanye na Gahunda y’ubukwe.

    Mu kiganiro na InyaRwanda.com, Limu yavuze ko iyi ndirimbo ye nshya yise ‘Intwari z’u Rwanda’ “ikubiyemo ubutumwa bwongera kwibutsa Abanyarwanda ibikorwa byiza byaranze Intwari z’uRwanda n’icyo natwe ubwacu twazigiraho by’umwihariko Urubyiruko”.

    Limu yifatanyije n’abanyarwanda mu gusingiza Intwari z’u Rwanda

    Uyu musore w’umuhanga mu myandikire y’indirimbo ze zubakiye kuri Gakondo nyarwanda, yakomeje ati “Rubyiruko rungano rwanjye ndagira ngo mbagarukeho mbabwire nti: “Intwari z’u Rwanda zatubereye urugero rw’ibishoboka”. Yavuze amwe amagambo akubiye muri iyi ndirimbo ye nshya ayatuye by’umwihariko Urubyiruko “kugira ngo twige kandi twigâane”.

    Indirimbo ‘Intwari z’u Rwanda’ yumvikanamo aya magambo: “Ubutwari si ubugwari bugaragarira buri wese. Impeta z'Ubutwari ikubitiro zicanirwa uruti, ababayinga bagahabwa impotore, naho abandi bakambikwa imidende. Umuco w'Ubutwari ni umurage mu Banyarwanda baharanira ko Igihugu cyabo gitekana. Ubusugire bw' u Rwanda n' Ubutwari bw'Abana babo batigeze batinya no gutanga ubuzima bwabo. Umuco w'ubugwari hano iwacu wimwe icumbi, twese nk'Urubyiruko turebere ku izo Ntwari.

    Intwari igira umutima ukomeye, igakomera ku izima, irangwa n'ubushishozi ukuri kudahishwa. Ubupfura n'Ubumuntu ntibigapfukiranwe, icyo ni cyo kiranga Intwari ibereye Abanyarwanda. Isonga y'izo Ntwari zibimburiwe n'Imanzi zakoze byinshi by'ingenzi zihasiga n'ubuzima ku bwo gukunda u Rwanda n'Abaruvuka, bahara ubuzima bwabo ngo dukunde tubeho. Ubwo bwitange ni umuco w'Ubutwari; Imena iyinga Imanzi ikaba n'inkwakuzi, rwema rwaharazwe Ubumanzi avugwa ibigwi; arangwa n'Ubumwe, Amahoro yunga abo ashumba.

    Intwari igira umutima ukomeye, igakomera ku izima, irangwa n'ubushishozi ukuri kudahishwa. Ubupfura n'ubumuntu ntibigapfukiranwe, icyo nicyo kiranga Intwari ibereye Abanyarwanda. No kuba Ingenzi biraharanirwa si ukubibona utabikoreye kuko iki cyiciro twese twakibamo, njye nawe kiradutegereje. Kubiharanira ni byo b'Ingenzi, Abanyarwanda twese twaba Intwari, twitangiye u Rwanda tutizigama. Intwari irangwa n'ukuri no kwitanga itizigama, gukora umurimo unoze biyigira Indashyikirwa, igaharanira ubumwe n'iterambere by'Abene gihugu;

    Burya Ubutwari niko gaciro k' Abanyarwanda. Hera none ubiharanira kazanya Kotana n'iyo wasiga ubizima, wicibwa intege n'Ibikugora urinde usaza urasa iyo ntego, no mu rugamba rw'amahina ba Nyamugenda mu bimbere. Nawe Rubyiruko urugero ni uru, kunda Igihugu ukibere Intwari kuko cyikureba ejo hazaza uzabirage uwo uzabyara. Ubutwari ni Uruhererekane mu Muco wacu tubuharanire nk'Abanyarwanda”.

    Limu yasoje ashimira cyane Itangazamakuru ryo mu Rwanda uburyo ridahwema gushyigikira impano z’Abanyrwanda by’Umwihariko Urubyiruko rwo mbaraga z’u Rwanda rw’ejo.

    Limu yashyize hanze indirimbo nshya yise ‘Intwari z’u Rwanda’

    Limu yashyize hanze indirimbo nshya yise ‘Intwari z’u Rwanda’

    UMVA HANO INDIRIMBO NSHYA ‘INTWARI Z’U RWANDA’ YA LIMU

    “

    Source : https://inyarwanda.com/inkuru/114069/ubutwari2022-limu-yakoze-mu-nganzo-asingiza-intwari-zu-rwanda-anasaba-urubyiruko-kugera-ik-114069.html

  • Kwibuka nyabyo Intwari zarwitangiye, ni ukwirinda gutatira igihango twagiranye nazo #rwanda #RwOT

    Buri mwaka tariki 01 Gashyantare, Abanyarwanda tuzirikana Intwari zacu zarukuye mu menyo y'ibipfamutima byifuzaga kururoha mu rwobo.

    Uyu uba ari umwanya mwiza wo gushima ubwo bwitange, no gushishikariza buri wese gutera ikirenge mu cy'izo mpfura.

    Kuvuga ibigwi izi Ntawi ni ukuzirikana agaciro zaduhaye, tukanafata ingamba zo gukomera ku ngandagaciro zadusigiye, zirimo gukunda Igihugu, kugira umutima ukomeye kandi ukeye, kwitanga, kugira ubushishozi n' ubwamarare mu butwari, kuba intangarugero mu byiza, kurangwa n'ukuri, ubupfura n'ubumuntu.

    Nyamara ariko, uyu munsi ukwiye no kuba umwanya wo kugaya abatatiye igihango bagiranye n'Intwari twibuka.

    Abo ni abagambanira u Rwanda, ba rusisibiranya utabarizaho ukuri, ibisambo biharanira kuzuza ibifu bititaye ku nyungu rusange z'Abanyarwanda, abishora mu bikorwa byo kuvutsa Igihugu umutekano, n'ubundi bugwari bugenda bugaragara kuri bamwe, barimo n'abiyita injijuke.

    Mu Ntwari z'u Rwanda twibuka none, harimo Gen Fred Gisa Rwigyema, wari ku ruhembe rw'ingabo zabohoye Igihugu, zikanahagarika Jenoside yakorewe Abatutsi. Mu butumwa bukomeye yadusigiye, Gen Rwigyema yagize ati:' URwanda rugomba kuva mu karengane byanze bikunze, n'ubwo byazagera ryari, ndetse n'aho bamwe muri twe twaba twarapfuye'.

    Iyi ndoto yo kubohora u Rwanda yabaye impamo, Rwavuye mu karengane, kandi abatubereye ibitambo ntibazava mu mitima yacu.

    Igitangaje kikanababaza ariko, ni uko mu bo Gen Fred Rwigyema yari ayoboye, basa nk'aho batari bahuje intego nawe.

    Hari abagaragara nk'aho bo batari ku rugamba rwo KUBOHORA u Rwanda ngo ruve mu karengane nk'uko Fred Rwigyema yabiharaniye, ahubwo bo bari bagambiriye KURUBOHOZA, ngo bikirire bambukiye ku mirambo y'abarwitangiye.

    Abo ni abahise bafata inzira y'ubujura no kutubaha inzego, ubwo intambara yo kubohora u Rwanda yari irangiye.

    Dufate urugero rw'abahoze mu ngabo za RPA, ubu bakaba barahindutse ibigarasha. Ubonye imyitwarire Kayumba Nyamwasa amaranye imyaka, biragoye gusobanura ko azirikana ibyo Fred Rwigyema yasize amubwiye.

    Ntiwaba waraganiriye na Fred Rwigyema, ngo usahure ibya rubanda nk'uko Kayumba Nyamwasa yabikoze ubwo yikatiraga ibikingi mu Mutara, abandi basubiza ubutaka banyaze Abaturage we akivumbura, ari nabyo byamujyanye ishyanga.

    Ntiwaba wemera ko Fred Rwigyema yaharaniraga u Rwanda rutekanye kandi ruteye imbere, ngo wowe ugambirire kurumenamo amaraso, nk'uko ari yo ntego ya Kayumba Nyamwasa n'abambari be babana mu mutwe w'iterabwoba wa RNC.

    Mwese muribuka 'grenades' uyu mutwe wateye mu mujyi wa Kigali, ugahitana abantu abandi bagakomereka.

    Kayumba Nyamwasa yasobanura ate ko yarwanye urugamba aharanira guhagarika Jenoside yakorewe Abatutsi, yarangiza akaba inkoramutima y'inkoramaraso za FDLR?

    Icyakora hari abantu utataho umwanya wibaza ku bugwari bwabo, kuko batigeze batozwa ubutwari. Abo ni nka ba Ingabire Victoire bibwira ko kwicara mu Rugwiro azabihabwa n'ingengabitekerezo ya Hutu-pawa, Paul Rusesabagina wibeshya ko 'ubutwari' buva muri filimi mbarankuru, Anastase Gasana n'ubu ukiririmba Parmehutu atitaye ku kaga yaroshyemo Abanyarwanda, abana b'abajenosideri bibumbiye muri Jambo Asbl, n'ubu bananiwe kwigobotora ipfunwe batewe n' ubugome ababyeyi babo bakoreye Abanyarwanda, n'abandi babaye imbata y'amacakubiri, bahora bararikiye ubutegetsi bushingiye ku myumvire ya'rubanda nyamwishi' ari yo Hutu-pawa.

    Ibigwari birahari, ariko icyiza ni uko Abanyarwanda bafite umutima wa gitwari ari bo benshi cyane. Dore igisobanuro cy'intambwe u Rwanda rudasiba gutera mu nzego zinyuranye, kandi ibyo byiza bakaba biteguye kubyongera no kubirinda.

    Rushyashya yifurije Abanyarwanda bose Umunsi twibukaho Intwari zacu, inabashishikariza kwanga ikibi, no kucyamagana bivuye inyuma, kuko ari ko gushima nyabyo Intwari zatugize icyo turi cyo uyu munsi. Ubutwari bw'Abanyarwanda, agaciro kacu!

    The post Kwibuka nyabyo Intwari zarwitangiye, ni ukwirinda gutatira igihango twagiranye nazo appeared first on RUSHYASHYA.

    Source : https://rushyashya.net/kwibuka-nyabyo-intwari-zarwitangiye-ni-ukwirinda-gutatira-igihango-twagiranye-nazo/?utm_source=rss&utm_medium=rss&utm_campaign=kwibuka-nyabyo-intwari-zarwitangiye-ni-ukwirinda-gutatira-igihango-twagiranye-nazo

  • KOICA ku bufatanye na NAEB bagiye gushyira mu… – #rwanda #RwOT

    KOICA yatangaje iyi gahunda ubwo Bwana CHON Gyong Shik, umuyobozi wa KOICA mu Rwanda, yabonanaga na Bwana Jean Claude Musabyimana, umunyamabanga uhoraho (PS) wa Minisiteri y'ubuhinzi n’ubworozi (MINAGRI) binyuze mu nama yabaye ku ya 27 Mutarama 2022.

    Muri iyo nama, baganiriye ku buryo butandukanye bwo gushimangira ubufatanye mu buhinzi bw'imboga. Bemeje kandi ko umushinga wa ‘Smart Food Value Chain Management (SFVCMP)’ ugomba guhuzwa na politiki n’ingamba z’u Rwanda nka NST1.

    Bwana Jean Claude Musabyimana, umunyamabanga uhoraho muri MINAGRI yagize ati “Turashimira Guverinoma ya Koreya n’impuguke zabo ku bufatanye bwabo. Uyu mushinga uzazamura ibicuruzwa byoherezwa mu mahanga, ugabanye ibihombo bitera umusaruro mucye kandi wongere umusaruro w’abahinzi basanzwe.”

    Bwana CHON Gyong Shik, Umuyobozi wa KOICA mu Rwanda na we yagize ati “Turizera ko uyu mushinga uzongera agaciro k'ubuhinzi n’ibihingwa nk'indabyo kandi bizagira uruhare mu kongera ibyoherezwa mu mahanga ndetse n'umusaruro w'abahinzi. Ndashimira Guverinoma y’u Rwanda ku bufatanye bukomeye dufitanye harimo RCSP, SAPMP. '

    Kuwa 28 Mutarama 2022, Bwana CHON Gyong Shik yagiranye inama na Dr. Jean Chrysostome Ngabitsinze, umunyamabanga wa Leta muri MINAGRI aho baganiriye ku bijyanye n’imikorere ya KOICA muri Rwanda n’ibibazo bigomba gukemurwa kugirango habeho ishyirwa mu bikorwa ryimishinga itandukanye. Hanaganirwe ku yindi mishinga iteganijwe ndetse n'ubufatanye hagati y'ibihugu byombi mu bijyanye n'iterambere ry'ubuhinzi.

    Itsinda ry'impuguke eshanu zo muri Koreya zoherejwe mu Rwanda kugira ngo hakorwe ubushakashatsi bwimbitse kuri uyu mushinga n’inyigo mu byiciro by’ubuhinzi n’iterambere ry’icyaro, imashini zitunganya ibiribwa, ubwubatsi, ICT ndetse n’uburyo bwo gukurikirana ibikorwa no kubisuzuma (Monitoring and Evaluation). 

    Bitganijwe kandi ko izi mpuguke zizagirana inama n’abafatanyabikorwa batandukanye barimo imiryango ya leta, amakoperative y’abahinzi n'amasosiyete yohereza ibicuruzwa mu mahanga, aho bazaba basura ahantu hatandukanye hashyizwe iyo imishinga mu turere twa Bugesera, Nyagatare, Rulindo na Rubavu.

    Umushinga wa ‘Smart Food Value Chain Management Project’ ugamije kuzamura umusaruro w’abahinzi binyuze mu gushyiraho uburyo bwo gucunga neza ibiribwa n’ibindi bikomoka ku buhinzi bw’imboga n’imbuto. Uyu mushinga uzagira uruhare mu guteza imbere ibyoherezwa mu mahanga byakorewe mu Rwanda (Made in Rwanda) no kongerera agaciro ibihingwa gakondo (Kawa n’icyayi).

    Hifashishijwe ingengo y'imari ingana na miliyoni 9.5 z'amadorali yatanzwe na Leta ya Koreya na miliyoni 1.5 USD yatanzwe na Leta y'u Rwanda, uyu mushinga uzakemura ibice bitatu by’ingenzi kuva 2022 kugeza 2026, ari byo; Gushyiraho ibikorwa remezo bitunganya umusaruro kugirango bigabanye igihombo kandi byongere agaciro k’ubu buhinzi, Kuzamura ikoranabuhanga mu buhinzi no kubaka ubushobozi bw’amakoperative y’abahinzi.

    Source : https://inyarwanda.com/inkuru/114070/koica-ku-bufatanye-na-naeb-bagiye-gushyira-mu-bikorwa-umushinga-smart-food-value-chain-man-114070.html

  • Source : https://agakiza.org/????-LIVE-AMASENGESHO-Day-4-Kwifatanya-na-Yabesi-mu-isengesho-rye-Pst-Jean-8527-8527-8527-8527-8527-8527-8527-8527-8527-8527-8527.html

  • Nuhishurirwa ibi bintu 7 ubuzima bwawe buzahinduka/Kunezeza Imana bikwiriye kuba amahitamo yawe #rwanda #RwOT

    Source : https://agakiza.org/Nuhishurirwa-ibi-bintu-7-ubuzima-bwawe-buzahinduka-Kunezeza-Imana-bikwiriye.html

  • Mam Dangote yahishuye ko umuhungu we Diamond afitanye ubukwe na Zuchu #rwanda #RwOT

    Nyina wa Diamond na mubyara w'uyu muhanzi, Romy Jons baciye amarenga y'ubukwe bw'icyi cyamamare na Zuchu mu byumweru bibiri!

    Nyuma y'iminsi havugwa ikibatsi cy'urukundo hagati ya Diamond na Zuchu n'ubwo muri bo ntawe uremeza aya makuru ku mugaragaro. Ubu noneho ibintu byafashe indi ntera nyuma y'aho nyina wa Diamond na mubyara w'iki cyamamare witwa Romy Jons baciye amarenga y'ubukwe mu byumweru bibiri.

    Uyu mubyara wa Diamond yagiye ahashyirwa ibitekerezo kuri post ya nyina wa Dimond, Mama Dangote maze abaza uyu mubyeyi agira ati”Tariki 14 zuchu azarongorwa?”. Mama Dangote byihuse yamusubije agira ati”Yambitswe impeta”.

    Source : https://umuryango.rw/imyidagaduro/article/mam-dangote-yahishuye-ko-umuhungu-we-diamond-afitanye-ubukwe-na-zuchu

  • Gukomera k’Uwiteka kuzakuremere ubuhamya bushya n’ibitangaza muri uku kwa Gashyantare-Dr Paul Gitwaza #rwanda #RwOT

    Umuyobozi w’itorero Zion Temple ku isi, Dr Intumwa Paul Gitwaza yifurije abantu kuzagira ukwezi kwiza kwa Kabiri. Ati”Mbifurije ukwezi gushya kwiza kw’Ingamba z’Imana.

    'Namwe mwororoke mugwire, mubyarire cyane mu isi, mugwiremo.' Imana ibwirana Nowa n’abana be iti 'Ubwanjye nkomeje isezerano ryanjye namwe n’urubyaro rwanyu ruzakurikiraho”Itangiriro‬ ‭9:7-9‬ ‭

    Uzahabwe imbaraga kandi ukuboko kw’ Uwiteka kuzakuyobore muri byose ndetse imbabazi n’urukundo byayo bizaguherekeze umunsi ku wundi. Gukomera kw’Uwiteka kuzakuremere ubuhamya bushya n’ibitangaza muri uku kwezi. Ndasabira nawe wifuza urubyaro ngo Uwiteka akwibuke kandi uzororoke ugwire.‭ Ndatura umugisha k’ubuzima bwawe no ku mirimo y’amaboko yawe.

    Uzahabwe ubwenge n’imbaraga aho uzajya hose. Uwiteka azagufungurire amarembo akwinjiza mu ntego yawe. Uzarindwe gukenyuka no gusabiriza. Uzabe mu rwihisho rw’ Isumbabyose, ntihazagire ikibi cyegera ihema ryawe n’abawe; Itorero ndetse n’igihugu cyawe.

    Ndabakunda! Dr Paul Apostle Gitwaza

    Reba hano inyigisho: WISDOM IS BETTER THAN ALL THINGS | UBWENGE BURUTA IBINTU BYOSE | With Apostle Dr. Paul M. Gitwaza

    [email protected]

    Source : https://agakiza.org/Gukomera-k-Uwiteka-kuzakuremere-ubuhamya-bushya-n-ibitangaza-muri-uku-kwa.html

  • Yateguye uko azashyingurwa mu buryo budasanzwe – YEGOB #rwanda #RwOT

    Source : https://yegob.rw/yateguye-uko-azashyingurwa-mu-buryo-budasanzwe/