Author: webrwanda

Yabigarutseho mu biganiro yagiranye n'abasaga 76 bahagarariye abandi muri buri Karere barimo abakorerabushake ndetse n'abahagarariye inama y'Igihugu y'urubyiruko, abakozi muri minisiteri zitandukanye ubwo basuraga ibikorwa bitandukanye byaranze itangizwa ry'urugamba rwo kubohora igihugu biherereye mu Karere ka Nyagatare.

Iki gikorwa cyabaye kuri uyu wa Kabiri tariki ya 1 Gashyantare 2022, ubwo hizihizwaga umunsi w'Intwari z'Igihugu ku nsanganyamsiko igira iti “Ubutwari bwacu agaciro kacu.”

Mu bikorwa basuye harimo umupaka wa Kagitumba watangirijweho ibikorwa byo kubohora igihugu tariki ya 1 Ukwakira mu 1990, agasozi ka Nyabwishongwezi ari naho Maj Gen Gisa Fred Rwigema yarasiwe.

Basuye kandi ibice bitandukanye bigize agasantimetero gaherereye mu Murenge wa Tabagwe, aha akaba ari naho hari indake ya mbere Perezida Kagame yabagamo akanahapangira urugamba rwatumye igihugu kibohorwa.

Guverineri Gasana waganirije uru rubyiruko, yarubwiye ko ikintu cya mbere cyatumye batsinda urugamba rwo kubohora igihugu ari ukwihangana bakagira intumbero nziza yo kubohora Abanyarwanda.

Ati ” Kwihangana undi munota ni cyo cyadufashaga cyane, tukihangana amasaha abiri, amasaha umunani, umunsi ukaba urashize, tukarwana bati mwihangane mukomere. Rero rubyiruko nuba uri gukora akazi bakaguca intege ihangane ushyiremo imbaraga nyinshi, nujya uhura n'ibibazo jya wihangana cyane cyane mu gihe uri kubaka igihugu cyawe, mugire intego kandi mukomeze kwihangana.”

Guverineri Gasana yasabye uru rubyiruko kurinda ibyagezweho bakabibungabunga kandi bagakomeza gushyira hamwe bagamije iterambere ry'igihugu cyabo, yabibukije ko urugamba rw'amasasu rwarangiye ndetse ngo runaramutse rugarutse rufite ababishinzwe barurwana, bo abasaba gufata neza ibikorwaremezo byubakwa ndetse rukanafatanya n'ubuyobozi kwihutisha iterambere.

Guverineri w'Intara y'Iburasirazuba, Gasana Emmanuel, yabwiye urubyiruko ko mu byatumye batsinda urugamba rwo kubohora igihugu harimo kwihangana bakagira intumbero nziza

Umuyobozi Mukuru muri Minisiteri y'Ubutegetsi bw'Igihugu, ushinzwe ubukangurambaga no guhuza ibikorwa by'urubyiruko rw'abakorerabushake, Kubana Richard, yavuze ko kujyana uru rubyiruko ahatangirijwe urugendo rwo kubohora igihugu ari ukugira ngo ruhigire uburyo rwasigasira ibyagezweho.

Yagize ati “Hari abatubanjirije bakoze ibikorwa byiza babohora igihugu natwe tubirebye nk'abantu bakurikiranira hafi ubuzima bw'urubyiruko dusanga umuco wo gusigasira ubutwari udakwiriye gucika ahubwo ukwiriye guhora mu rubyiruko ndetse n'abazarukurikira.”

Mutimukeye Marie Rose waturutse mu Karere ka Rulindo yavuze amasomo yaboneye ahatangirijwe urugamba rwo kubohora igihugu agiye kumufasha mu kurushaho kugikorera.

Ati “Nkanjye amasomo nakuye mu rugendo rw'uyu munsi byandenze, najyaga mbyiga mu mateka uko babohoye igihugu nkabikura mu bitabo bitandukanye uyu munsi rero nishimiye kugera ku isoko y'amakuru nyayo, nasobanukiwe uko urugamba rwo kubohora igihugu rwatangiye.”

“Nanasobanukiwe uko urubyiruko ruri mu kigero cyacu rwabigizemo uruhare rwitangira igihugu n'abanyarwanda, ubu rero niyemeje kwitangira igihugu n'imbaraga zanjye zose ndetse nkanafasha bagenzi banjye nkabumvisha ibyiza byo kwitangira igihugu.”

Sebanani Welcome waturutse mu Karere ka Nyamasheke we yavuze ko nk'urubyiruko bagiye kurushaho gutanga umusanzu mu kubaka igihugu no gufatanya n'ubuyobozi muri gahunda z'iterambere.

Ibice byakoreshejwe mu rugamba rwo kubohora igihugu biteganyijwe ko bizavugururwa hakagirwa ahantu ndangamateka abantu bazajya basura bakahigira.

Mu bikorwa basuye harimo umupaka wa Kagitumba watangirijweho ibikorwa byo kubohora igihugu tariki ya 1 Ukwakira mu 1990

Urubyiruko rwaturutse hirya no hino mu gihugu ubwo rwari rukurikiye impanuro nyuma yo gusura ibikorwa bitandukanye

Amakuru dukesha Village Urugwiro avuga ko Perezida Kagame yabonanye na Wamkele Mene ku gicamunsi cyo kuri uyu wa Kabiri tariki 1 Gashyantare 2022.

Ibiganiro byabo byari bigamije kurebera hamwe intambwe imaze guterwa mu kugera ku mahame agenga iri soko rusange.

Ku itariki ya Mbere Mutarama 2021 nibwo amasezerano ashyiraho Isoko Rusange rya Afurika, African Continental Free Trade Area (AfCFTA) yatangiye gushyirwa mu bikorwa nyuma y'imyaka ibiri ashyizweho umukono n'ibihugu 54 muri 55 bigize Afurika

Ishyirwa mu bikorwa ry'aya masezerano ryitezweho kuzongera ubuhahirane mu bihugu bya Afurika rirasa nk'irigenda biguru ntege kuko nyuma y'umwaka ritangiye, nta mpinduka igaragara irabaho.

Inama Mpuzamahanga yiga ku bukungu bw'Isi (World Economic Forum) igaragaza ko ubuhahirane hagati y'ibihugu bya Afurika buri kuri 17%, mu gihe ubwo bigirana n'ibihugu byo muri Aziya buri kuri 59% ndetse na 68% bigirana n'ibihugu by'u Burayi.

Mu ntego za mbere za AfCFTA, ni ukongera ubucuruzi hagati y'ibi bihugu ndetse hakabaganywa amafaranga atangwa mu kuvana ibicuruzwa mu gihugu kimwe cya Afurika bijya mu kindi ku rugero rwa 97%.

Abahanga mu by'ubukungu bavuga ko impamvu ya mbere ituma AfCFTA itaragaragaza impinduka, ari icyorezo cya Covid-19 cyatumye imipaka ifungwa ariko kandi hari izindi mpamvu zirimo imiyoborere y'uyu mugabane, ubunini bwawo ndetse n'ibikorwaremezo bikiri hasi.

Perezida Paul Kagame yakiriye mu biro bye Umunyamabanga Mukuru mu Bunyamabanga bw'Isoko rusange rihuza ibihugu bya Afurika (African Continental Free Trade Area-AfCFTA) Wamkele Mene

Ubwo hasomwaga icyemezo cy'urukiko rwa Gisirikare ku rubanza ruregwamo abahoze ari abarwanyi ba P5 na Rud Urunana 38 bahamijwe ibyaha birimo iterabwoba, kugirara nabi ubutegetsi buriho n'ubwinjiracyaha mu kugirira nabi ubutegetsi buriho no kujya mu mutwe w'ingabo zitemewe, hagaragajwe ko indishyi zari zasabwe ari nyinshi bityo ziragabanywa.

Biturutse ku bikorwa by'iterabwoba bishingiye ku gitero cyagabwe mu Karere ka Musanze mu Murenge wa Kinigi, Musanze n'uwa Nyange mu 2019 n'abahoze muri Rud Urunana, abagizweho ingaruka nacyo baregeye indishyi muri uru rubanza.

Muri iki gitero abaturage 15 bahasize ubuzima, abandi barakomereka. Imitungo y'abo yarasahuwe indi irangizwa mu rwego rwo gutera abaturage ubwoba.

Abahagarariye abaregera indishyi ari bo Me Ndayambaje Gilbert, Umulisa na Mukashema Alice bari basabye ko abo bahagarariye bahabwa indishyi zisaga miliyoni 100 Frw kubera ko bamwe bakuriyemo ubumuga ku buryo ntacyo bazimarira, abapfushije ababo n'abasahuriwe imitungo.

Ku ruhande rw'abahoze muri P5 bari bagaragaje ko batazabazwa indishyi z'akababaro kubera ko batigeze bagera ku butaka bw'u Rwanda ahabereye icyaha mu gihe abandi bari baragejejwe mu maboko ya Leta y'u Rwanda na mbere y'uko icyo gitero kigabwa.

Ubushinjacyaha bwo bwari bwagaragaje ko abaregwa bose muri uru rubanza bazafatanya kwishyura indishyi ziregerwa muri uru rubanza cyane ko kuba abahoze muri P5 batarahageze bitabaye ku bushake bwabo.

Urukiko rwategetse ko abahoze muri Rud Urunana ari bo bazafatanya kwishyura indishyi z'akababaro ziregerwa muri uru rubanza kuko aribo bakoze icyaha. Indishyi zingana na miliyoni 39 Frw nizo urukiko rwemeje.

Uko indishyi zizatangwa

Urukiko rushingiye ku bushishozi bwarwo bwasanze indishyi zasabwe mu rubanza ari nyinshi hanashingiwe ku bushobozi bw'abaregwa, bityo rutegeka ko zigomba kugabanywa.

Urukiko rwategetse ko uwakomerekejwe cyane ku buryo nta kintu yazimarira yagenerwa indishyi zingana na miliyoni 5 Frw, abakomerekejwe byoroheje bakagenerwa miliyoni 2 Frw.

Madarasi Simon yagenewe miliyoni 5 Frw kuko yatewe ubumuga budakira, Mutezinka agenewe miliyoni 12 Frw mu gihe yari yasabiwe miliyoni 50 Frw, Nyiramafurebo yagenewe miliyoni 5 Frw kubera umwana we wishwe naho ku birebana abana b'impfubyi yasigaranye yagenewe miliyoni 2 Frw zose ziba miliyoni zirindwi aho kuba 30 Frw.

Niyonshuti Isaac yagenewe miliyoni 2 Frw, Hategekimana Elias agenerwa miliyoni 2 Frw kubera ko bakomerekejwe, Nshimiyimana Emmanuel yahawe miliyoni 2 Frw aho kuba 10 Frw yifuzaga.

Nyirabasasa Marie yagenewe miliyoni 2 Frw, Jacques agenerwa miliyoni 2 Frw, Munyamasizi yagenewe miliyoni 2 naho Munyankindi Ntampamvu yagenewe miliyoni 2 Frw aho kuba enye.

Abagomba kuzishyura ni Kabayija Selemani, Nzabonimpa, Hakizimana Juvenal Habumukiza Theoneste, Ntigurirwa Jean Damascene na Ndayisaba Alexis na Humura Emmanuel bahamijwe ibyaha n'urukiko.

Indishyi zaregewe mu rubanza rwa P5 na Rud Urunana zagabanyijwe hashingiwe ku bushobozi bw’abaregwa

Amb Gatete yari amaze imyaka ine ayoboye Minisiteri y'Ibikorwaremezo, aho ku gihe cye hatangijwe ibikorwa birimo iyubakwa ry'Ikibuga cy'Indege cya Bugesera, mu gihe ibikorwa byo kugeza amazi n'amashanyarazi ku Banyarwanda bose byakomeje gushyirwamo imbaraga.

Mu butumwa yanyujije kuri Twitter, Amb Gatete yavuze ko ashimira icyizere yagiriwe na Perezida Kagame.

Yagize ati 'Ndifuza gushimira Perezida Paul Kagame ku bw'icyizere yangiriwe mu nshingano nshya zo kuba Ambasaderi Uhoraho w'u Rwanda mu Muryango w'Abibumbye.'

Uyu muyobozi kandi yavuze ko yiteguye gushyira mu bikorwa inshingano yahawe, ati 'Nta magambo yasobanura uburyo nshimira aya mahirwe nahawe yo gukora mu nshingano zitandukanye mu myaka irenga 22 ishize. Ni iby'agaciro gakomeye kuri njye kandi ndasezeranya kuzitanga uko nshoboye muri izi nshingano nshya.'

Minisitiri w'Ibikorwaremezo mushya, Dr. Ernest Nsabimana, yatangaje ko yiteguye gushyira mu bikorwa inshingano yahawe.

Ati 'Mbikuye ku mutima, nshimiye byimazeyo Nyakubahwa Perezida wa Repubulika Paul Kagame ku cyizere mwangiriye. Niteguye gutanga umusanzu ntizigamye mu kubaka igihugu cyacu.'

Mu Ukuboza 2020, nibwo Dr Nsabimana yahawe inshingano zo kuyobora RURA, nyuma y'uko yari amaze igihe ari Umuyobozi wungirije w'Umujyi wa Kigali ushinzwe Imiturire n'Ibikorwaremezo.

Undi wahawe inshingano ni Eng. Patricie Uwase wari usanzwe ari Umunyamabanga Uhoraho muri Minisiteri y'Ibikorwaremezo, wagizwe Umunyamabanga wa Leta muri iyo Minisiteri.

Mu butumwa yatambukije nyuma yo guhabwa izi nshingano, Eng. Uwase yagize ati 'Nyakubahwa Perezida wacu Paul Kagame, mbashimiye mbikuye ku mutima ku cyizere n'amahirwe mwampaye yo gukomeza gukorera u Rwanda muri Minisiteri y'Ibikorwaremezo. Ni iby'agaciro kuba urubyiruko mu Rwatubyaye.'

Umunyamabanga wa Leta muri Minisiteri y’Ibikorwaremezo, Eng. Patricie Uwase, yashimye Perezida Kagame wamugiriye icyizere

Minisitiri w’Ibikorwaremezo, Dr. Nsabimana Ernest, yavuze ko yiteguye gukomeza kuzuza inshingano nshya yahawe

Ambasaderi w’u Rwanda mu Muryango w’Abibumbye, Gatete Claver, yashimiye Perezida Kagame wagiye amugirira icyizere mu myaka irenga 22 ishize