Author: webrwanda

Ni urubyiruko rugizwe n’abakorerabushake ndetse n’urugize inama y’Igihugu y’Urubyiruko bose hamwe bakaba bari 76.

Mu gusura ibi bice, bahereye ku mupaka wa Kagitumba ahatangirijwe urugamba rwo kubohora Igihugu tariki 01 Ukwakira 1990, rusorezwa i Gicuro mu Murenge wa Tabagwe ahari indake y’uwari umuyobozi w’urugamba.

Umuyobozi mukuru muri Minisiteri y’Ubutegetsi bw’Igihugu ushinzwe guhuza ibikorwa by’Urubyiruko rw’abakorerabushake, Richard Kubana, avuga ko kwigisha urubyiruko amateka aganisha ku butwari bigamije gusigasira umuco w’Ubutwari kugira ngo udacika.

Uwo muyobozi yavuze ko kuba urubyiruko rusura bimwe mu bice bigize amateka yo kubohora Igihugu ari buryo bwiza bwo kugira ngo bige ayo mateka na bo bayasakaze muri bagenzi babo.

Ati “Aba twazanye bazabisakaza muri bagenzi babo bose bakure bazi ayo mateka bityo bazayasigasire.”

Umwe muri bo witwa Mutimukeye Marie Rose wo mu Karere ka Rulindo yavuze ko ibyo yabonye byamurenze kuko ubundi yabyigaga mu mateka cyangwa akabisoma mu bitabo akabyiga no mu matorero atandukanye yitabiraga.

Mutimukeye yavuze ko yabashije kugera ku mateka bwite y’urugamba rwo kubohora Igihugu ndetse anamenya ko abarwanye urwo rugamba bari mu myaka ye ndetse no munsi y’iye.

Avuga ko yiyemeje n’imbaraga ze zose ndetse akanabyumvisha urubyiruko rugenzi rwe akamaro ko kwitangira Igihugu.

Yagize ati 'Byanyeretse ibyiza byo gukunda Igihugu no kukitangira nkaba ari byo ngiye gushishikariza bagenzi banjye ndetse nkaba ngiye no kubatoza umuco w’Ubutwari.”

Mu kiganiro uru rubyiruko rwahawe na Guverineri w’Intara y’Iburasirazuba, Emmanuel K. Gasana, yarubwiye ko urugamba rutari rworoshye ahubwo byasabye kwihangana cyane, kwiyemeza no guharanira ukuri.

Guverineri w’Intara y’Iburasirazuba Emmanuel K. Gasana yaganirije urubyiruko ku mateka yo kubohora Igihugu, arusaba kugera ikirenge mu cy’ababohoye u Rwanda

Yabasabye kwigira ku mateka y’ababohoye Igihugu na bo bagaharanira kugira indangagaciro nk’izabo. Yabasabye kwirinda ikintu cyose cyatuma banyuranya n’umurongo w’Igihugu ndetse n’ingeso mbi.

Ati “Intambara y’amasasu yararangiye hasigaye iy’iterambere, mwirinde ikintu cyatuma munyuranya n’umurongo wa Politiki y’Igihugu ndetse mwirinde n’ingeso n’imyifatire mibi.”

Basuye hamwe mu hagaragara amateka y’urugamba rwo kubohora Igihugu

Mu Karere ka Nyagatare hari ibice byinshi bigize amateka y’urugamba rwo kubohora Igihugu harimo ku mupaka ahatangirijwe urugamba, ahari indake ya mbere yabayemo umuyobozi w’urugamba iri mu murenge wa Tabagwe ahitwaga 'Centimetre’ n’ahandi. Ubuyobozi Ingoro Ndangamateka y’Urugamba rwo kubohora Igihugu buvuga ko aho hantu hose hari umushinga wo kuhashyira ibimenyetso bigaragaza ayo mateka.

Umuhora w’amateka y’urugamba rwo kubohora Igihugu ufite ibirometero birenga 120 uvuye ku mupaka wa Kagitumba kugera mu Karere ka Burera.

Umuyobozi w’ikipe ya APR FC, Lt Gen Mubarakh Muganga yavuze ko Karera Hassan akiri umukinnyi w’iyi kipe yahawe uruhushya rwo kujya kureba umuryango we kandi igihe yahawe ntikirarangira.

Mu Kuboza 2021 nibwo Karera Hassan yafashe rutemikirere yerekeza muri Finland asanze umugore we Mutoni Diane.

Igenda ry’uyu mukinnyi hagiye havugwa byinshi ko uyu mukinnyi atazagaruka muri iyi kipe, umuyobozi wa APR FC, Lt Gen Mubarakh Muganga yavuze ko uyu musore akiri umukinnyi wa APR FC wahawe uruhushya kandi iminsi yahawe ntabwo irarangira.

Ati 'Karera Hassan ni umukinnyi wa APR FC kandi ni umugabo yarubatse, biza no kugorana guhuza umugabo n’umuryango uri hanze na hano akinira natwe turi ikipe y’ingabo birumvikana ariko tugira ubumuntu, natwe turi abantu tugira umuryango tuzi icyo bivuze iyo umukinnyi akina umuryango we uri kuri we gato.'

'Yadusabye umwanya turawumuha, twanamusabye byinshi yagombaga kuba yaragiye mbere kubera iriya mikino nyafurika twari turimo, turamubwira ngo yihngane arihangana, yaje kugenda ari uko yagize akantu k’imvune, tukaba tumwumva rero iminsi twamuhaye nta kirarengaho kandi nta kitaduha icyizere ko azagaruka .'

Karera Hassan yasinyiye APR FC imyaka 2 mu mpeshyi y’uyu mwaka wa 2021, akaba yari avuye mu ikipe ya AS Kigali.

Karera Hassan ngo uruhushya yahawe ntirurarangira

Perezida wa Guinée-Bissau avuga ko igerageza ryo guhirika ubutegetsi muri iki gihugu cyo muri Afurika y'uburengerazuba ryiciwemo abashinzwe umutekano benshi.

Umaro Sissoco Embaló yavuze ko ibintu byasubiye mu buryo, anavuga ko ibyabaye ari 'igitero cyapfubye cyagabwe kuri demokarasi'.

Ku wa kabiri, amasasu yumvikanye hafi y'inyubako ya leta mu murwa mukuru Bissau, aho amakuru avuga ko Perezida yari mu nama n'abaminisitiri.

Abasirikare bivugwa ko bafunze Perezida n'abaminisitiri.

Kwizera Pierrot

Uwo mukinnyi mpuzamahanga ukomoka mu gihugu cy’u Burundi, avuga ko yishimiye kugaruka mu ikipe ya Rayon Sports, kandi ko ari ikipe afite ku mutima.

Yagize ati 'Ndishimye cyane kugaruka muri Gikundiro, nari mfitiye urukumbuzi abafana, ahantu hose unyura muri Kigali bakubwira ko bagukumbuye, bansabaga kugaruka bavuga ngo garuka mu rugo dufatanye. Rayon Sports ni umuryango kandi nanjye ni ikipe yanjye mfite ku mutima.'

Yakomeje aha icyizere abakunzi b’ikipe ya Rayon Sports, avuga byose bishoboka mu gihe habayeho ubufatanye.

Yagize ati 'Byose birashoboka reka dukore akazi dufatanye twese, abafana ubuyobozi n’abakinnyi bose, nizeye ko byose bizagenda neza.'

Kwizera Pierrot agarutse muri Rayon Sports nyuma y’imyaka itatu

Kwizera Pierrot yageze muri Rayon Sports bwa mbere mu 2015 atwarana nayo ibikombe bitatu birimo igikombe cy’amahoro 2015-2016, yongera gutwarana nayo ibikombe bibiri bya shampiyona mu mwaka w’imikino wa 2016-2017 na 2018-2019.

Yaranafashije Rayon Sports kuba ikipe rukumbi imaze kugera muri ¼ cy’imikino nyafurika, CAF Confederation Cup, yayivamo mu 2018 agiye gukina muri Oman atamaze igihe kinini, mbere yuko agaruka mu Rwanda ajya muri As Kigali yakiniraga kugeza ubu.

Bahigiye kurandura ubukene no kurengera umwana

Bavuga ko ubutwari bakeneweho uyu munsi ni ubwo gusigasira ibyagezweho by’iterambere, ariko kandi hanakemurwa ibibazo bahura nabyo uyu munsi, kuko ubutwari bugaragarira ku rugamba umuntu ariho, kandi kuri ubu nta rugamba rw’amasasu bahanganye narwo uretse urw’iterambere.

Ubwo hizihizwaga umunsi w’Intwari ku ya 01 Gashyantare 2022, nibwo Akarere ka Bugesera kahisemo gusinya uwo muhigo, bakaba bihaye amezi atanu hakorwa ubukangurambaga bwimbitse mu buryo budasanzwe, muri gahunda yo kurandura ubukene no kurengera umwana.

Umuyobozi w’Akarere ka Bugesera, Richard Mutabazi, avuga ko ubukangurambaga busanzwe bukorwa, gusa ngo iyo havuzwe ubukangurambaga kiba ari ikintu kiza cyiyongera ku bisanzwe, ariko gishyiramo imbaraga kikamenyekanisha kurushaho ku buryo bwihuta.

Ati 'Turifuza ko muri aya mezi atanu tugira intambwe dutera ifatika muri gahunda yo kurwanya ubukene no kurengera abana, kuko nko ku bijyanye no kurengera abana turacyabona amakimbirane mu miryango ugasanga abana bari mu muhanda. Bariya bana benshi tubona mu mihanda ikibazo gituruka mu muryango'.

Abatuye mu Karere ka Bugesera bavuga ko biteguye gukora ibishoboka byose kugira ngo barandure ibibazo by’ubukene bigaragara mu mirenge yabo

Akomeza agira ati 'Aho rero niho tuza kwibanda kugira ngo duce ubuzererezi abana barererwe mu muryango, abana bose bajye mu ishuri. Dufite n’imibare y’abana tujya tubona barataye ishuri ku buryo butandukanye, dushyiremo ubukangurambaga muri aya mezi atanu aho bishoboka hose abana basubizwe mu ishuri. Gahunda zihariye zo kurwanya ubukene nazo tuzinjiremo, tureba uburyo abaturage banoza umurimo, ubyukira mu kabari saa tatu, saa yine azanoza umurimo gute! Aho turashaka kuhafata ingamba'.

Ahandi hagomba gukubitwa umwotso ni ku buryo abaturage bahabwa gahunda za Leta zirimo Gira Inka, zibafasha koko kuva mu bukene cyangwa zibakururira amakimbirane hagati y’umugabo n’umugore, umwe ashaka kuyigurisha undi na we atabikozwa, bityo binozwe neza kugira ngo izi gahunda zikoreshwe birushijeho zitange umusaruro.

Minisitiri muri Perezidansi akaba n’imboni y’Akarere ka Bugesera, Judith Uwizeye, avuga ko intwari zababanjirije hari ibyo zakoze, ariko kandi ngo na bo hari ibyo basabwa.

Ati 'Intwari zaduhaye igihugu, icyo dusabwa ni ukucyubaka twebwe abariho ubungubu, gusinya imihigo yo kurwanya ubukene tubihuza n’uyu munsi, bishatse kuvuga ngo twebwe nta ntwaro dufite ngo tujye kurwana kuko igihugu twarakibonye. Icyo dusabwa ni ugufata neza Abanywarwanda turwanya ubukene, tubakorera ibyo bifuza byose nk’ibikorwa bishingira kuri wa musingi w’igihugu twahawe, kugira ngo tubashe kuwushingiraho duteza abaturage imbere'.

Minisitiri Uwizeye avuga ko hari ibyo basabwa kugira ngo batere ikirenge mu cy’Intwari zababanjirije

Eric Muhirwa utuye mu Murenge wa Rilima, avuga ko iwabo hakunze kugaragara ibibazo by’ihohoterwa rishingiye ku gitsina, ndetse n’ibiyobyabwenge bigaragara mu rubyiruko akenshi bibaganisha mu bukene.

Ati 'Ibyo tugiye gukora ni ugutanga amakuru ntiturebere ibikorwa bibi bikorerwa abana, kuko aho bikorerwa turahatuye, turahaba, ndetse n’ababikora benshi tuba duturanye kandi tunabazi. Icyo tuzakora rero ni ugufatanya kwigisha urubyiruko kuvuga ibibazo rufite, hamwe no gufatanya kugira ngo turinde abo bana, dutange n’amakuru ku babakorera ihohotera'.

Imibare y’ibarura rusange ryo mu mwaka wa 2017-2018, yerekana ko mu Karere ka Bugesera abari mu cyiciro cy’ubukene bukabije bari 17.8%, mu gihe abari mu bukene busanzwe bari 40.3%.

Bafashe ifoto y’urwibutso

Umunsi w’intwari w’uyu mwaka ukaba wari ufite insanganyamatsiko igira iti 'Ubutwari mu Banyarwanda, agaciro kacu'.