Author: webrwanda

AS Kigali ni yo yaherukaga gutwara Igikombe cy’Amahoro

Mu kiganiro yagiranye na Kigali Today, Umunyamabanga w’Ishyirahamwe ry’umupira w’amaguru mu Rwanda (FERWAFA), Muhire Henry, yavuze ko mu gihe cya vuba basohora gahunda y’uburyo icyo gikombe kizakinwa.

Yagize ati 'Igikombe kirahari. Icyo dutegereje gutangaza vuba aha, ni igihe Igikombe cy’Amahoro kizatangirira kuko bifite inzego bigomba kunyuramo, bikemezwa na komite ya FERWAFA, ariko vuba aha turaba twabishyize ahagaragara.'

Ubuyobozi bwa FERWAFA buvuga ko nta gihindutse, nyuma y’imikino y’ibirarane ya shampiyona irimo gukinwa, aribwo hazashyirwa ahagaragara gahunda yose y’imikino y’igikombe cy’amahoro.

Ikipe ya As Kigali niyo iheruka gutwara Igikombe cy’Amahoro giheruka gukinwa mu mwaka w’imikino wa 2018-2019, itsinze Kiyovu Sports ibitego 2-1, ku itariki ya 4 Nyakanga 2019, mu gihe umwaka w’imikino wa 2019-2020 utararangiye na 2020-2021, wakinwe mu buryo budasanzwe byose kubera icyorezo cya Covid 19, icyo gikombe nticyakinwa.

Kuri uyu wa Gatatu ni bwo umutoza mushya wa Rayon Sports Jorge Manuel da Silva Paixão Santos uzwi ku zina rya Paixão yeretswe itangazamakuru n’abafana

Umutoza mushya wa Rayon Sports Manuel da Silva Paixão Santos

Ibyo wamenya ku mutoza mushya wa Rayon Sports

Ni umutoza wavukiye ahitwa Almada muri Portugal mu mwaka wa 1965, aho mu gihe cy’imyaka 11 yakinnye nk’uwabigize umwuga mu makipe y’icyiciro cya kabiri n’icya gatatu muri Portugal, aza gukina umwaka umwe mu cyiciro cya mbere mu ikipe yitwa Académica de Coimbra aho yakinnye nk’umusimbura mu mikino itatu.

Uyu mutoza Jorge Manuel da Silva Paixão Santos uzwi ku zina rya Paixão yanatoje kandi ikipe ya Braga yo mu cyiciro cya mbere muri Portugal, akaba yarayitoje imikino 10 gusa, nyuma aza gukomereza mu yandi makipe.

Aganira n’itangazamakuru, uyu mutoza yatangiye ashima u Rwanda uburyo yasanze rumeze, aho yavuze ko yatunguwe cyane no kubona uburyo cyateye imbere, gifite isuku ndetse n’umutekano.

Yakomeje agira ati 'Nje hano gutwara shampiyona n’ibindi bikombe, dukeneye inkunga yanyu, tuzakora ibishoboka byose ngo tubashimishe kuko abafana ni ingenzi kuri twe, igihe cyo gukora si igihe cyo kuvuga'

Perezida wa Rayon Sports Uwayezu jean Fidele, yatangaje ko icya mbere basabye uyu mutoza ari ukubahesha igikombe cya shampiyona, ndetse no gufasha Rayon Sports gusohokera u Rwanda mu marushanwa mpuzamahanga.

Yagize ati 'Tujya kumuzana twahereye ku nararibonye ye, yatoje ahantu hatandukanye, afite inararibonye, yarabyize, Rayon Sports murayizi ni ugutsinda, ni ugushokera u Rwanda mu marushanwa nyafurika'

'Rayon Sports igomba kugarura agaciro kayo, ikagarura ibigwi byayo, ubu turareba Rayon Sports itari iy’iyi shampiyona gusa, turareba imyaka myinshi iri imbere'

Uwayezu Jean Fidele, Perezida wa Rayon Sports

Umutoza Jorge Manuel da Silva Paixão Santos ufite impamyabumenyi yo gutoza yo ku rwego rwa mbere itangwa na UEFA 'UEFA Pro Licence', akazaba yungirijwe na mugenzi we Pedro Miguel nawe ukomoka muri Portugal.

Pedro Miguel, umutoza wungirije

Ubuyobozi bw’Akarere ka Gasabo buvuga ko abamugariye ku rugamba bakeneye ubaba hafi

Ngaboyisonga utuye i Rugende mu Murenge wa Rusororo mu Karere ka Gasabo, avuga ko ubwo bumuga bafite butajya bubatera kwicuza, kuko ngo umusaruro w’ibyo baharaniye ubu barimo kuwubona mu Banyarwanda bagaragaza ko babanye neza kandi baharanira gutera imbere.

Yagize ati “Intego twayigezeho kuko mbona Abanyarwanda bishimye kugeza ubu nta macakubiri, bafite ubumwe kandi baharanira iterambere, ibyo twakoze twishimira ko hari abarimo kubisigasira”.

Uyu musirikare wamugariye ku rugamba yakomeje ashima gahunda iriho yo kubashyigikira, aho Leta yabashingiye iduka ricururizwamo ibintu bitandukanye, inyungu ivuyemo ikaba ari yo ibatunga, ariko agasaba gukomeza kunganirwa kugira ngo bibaheshe agaciro mu baturage babohoye.

Yagize ati “Tutaratangira gukora wasangaga abaturage bataduha agaciro, nkigera hano twabanje kujya duhahira hanze (y’umudugudu), hari uwo nasabye kunkopa ibiro bitanu by’ibirayi ambwira ko n’ubwo yampa umwenda atandengereza igiceri cya 20, badufataga nka ba bandi basabiriza”.

Ku munsi w’Intwari bahawe ibiribwa

Ubuyobozi bw’Akarere ka Gasabo bwasuye aba basirikare bamugariye ku rugamba rwo kubohora u Rwanda busanga bakeneye uwabahora hafi ndetse n’ubufasha, kuko ubumuga bafite butuma nta kindi babasha kwikorera.

Umuyobozi Nshingwabikorwa wungirije w’Akarere ka Gasabo, Regis Mudaheranwa, ari kumwe na Komiseri muri Komisiyo ishinzwe Gusezerera abari Abasirikare no kubasubiza mu buzima busanzwe (RDRC), Brig Gen Peter John Bagabo, basuye Umudugudu w’i Rugende ku wa 01 Gashyantare 2022, urugendo rwahuriranye n’Umunsi wahariwe Intwari z’u Rwanda.

Bahaye inka umuryango umwe muri 15 ituye muri uwo mudugudu, banagenera iyo miryango yose inkunga y’ibiribwa n’ibikoresho by’ibanze ifite agaciro ka miliyoni 2,268,800, yatanzwe na bagenzi babo bamugariye ku rugamba bafite icyo babarusha.

Regis Mudaheranwa avuga ko iyo nkunga yahawe imiryango y’abo bamugariye ku rugamba, ariko bafite ikibazo cy’uko iduka risanzwe ribunganira ryahombye, ndetse bakeneye gufashwa guhinga ubutaka bahawe.

Mudaheranwa yagize ati “Icyangombwa ni uko kubahora hafi nk’uko mwabibonye, hari abafite ibibazo by’uburwayi bwo mutwe bwatewe n’uduce tw’ibyuma turimo, hari abacitse amaboko yombi batabasha kugira ikindi bikorera n’ibindi bibazo. Dushaka ibintu bitandukanye byabagirira akamaro, cyane cyane inkunga ihoraho nk’uko RDRC iyitanga”.

Mudaheranwa avuga ko batekereza ku buzima bw’aba bantu n’ubwo yasanze bafite ibibazo by’iguriro (iduka) ryabo ryahombye kubera guhatana n’andi y’abaturage bafite ubushobozi, ikibazo cy’ibikoresho byabo bitagikora ndetse hakaba n’aho basaba gufashwa guhinga.

Iduka ryabo ngo ryarahombye

Brig Gen Bagabo avuga ko bakomeje kurwana urugamba rwo guhangana n’ubukene, harimo guteza imbere gahunda ya girinka kugera no ku bamugariye ku rugamba batishoboye.

Brig Gen Bagabo avuga ko urubyiruko ari rwo ahanini rusabwa kurwana uru rugamba, kuko ngo ari bo benshi kandi bafite imbaraga zo gukora.

Akarere ka Gasabo gafite imidugudu ine irimo abari abasirikare bamugariye ku rugamba rwo kubohora u Rwanda, kakaba kabizeza kubaba hafi nk’uburyo bwo guha agaciro ubwitange bwabo, bwatumye bagera aho gutakaza ibice by’umubiri.

Abatijwe mu midugudu bafite imbaraga basabwa gukora ntibakomeze gutegera amaboko Leta

Umudugudu wa Gishuro watashywe ku wa 04 Nyakanga 2020, ukaba waratujwemo imiryango 64 igizwe n’abakomerekeye ku rugamba rwo kubohora Igihugu n’abandi baturage batishoboye.

Buri muryango wahawe kimwe cya kabiri cya hegitari y’ubutaka kugira ngo ubone ikiwutunga, bahabwa inka zororerwa mu kiraro rusange, ndetse n’inkoko byose bibinjiriza Amafaranga y’u Rwanda asaga 700,000 ku kwezi.

Ingabire Beatha avuga ko kuva bahagera bakomeje gutungwa na Leta ndetse ngo bamwe muri bagenzi be bumva ko ariyo izakomeza kubatunga, nyamara harimo abafite amaboko yo gukora.

Avuga ko yasanze iyi myumvire idakwiye ahitamo gushaka amafaranga atangira umushinga w’ubudozi, ku buryo bimufasha kwigisha abana be.

Ati 'Nabonye 8,000 nkodesha inzu, icyumweru kimwe nari maze kubona arangura igitenge, icyumweru cya kabiri mbona arangura ibitenge bibiri. Abana bagiye gutangira ishuri mbona uko bajya kwiga.'

Akomeza agira ati 'Niba Leta iguhaye ubufasha bw’ibanze nawe gira icyo wiremamo. Niba iguhaye aho kuba nawe gira icyo ukora kugira ngo utagumya kurushya Leta ngo nkeneye iki n’iki.'

Hari nanone abafatiye urugero kuri Ingabire, maze bajya kwiga imyuga itandukanye kugira ngo babashe kubona icyo bakora biteze imbere.

Umwe ati 'Nagiye kwiga imyuga kugira ngo mbone ayo kugura ibyo nkeneye, nigishe abana banjye, ngure ibindi nkenerwa ntakomeje gutega amaboko Leta, ahubwo nunganire kubyo impa.'

Umuyobozi w’Akarere ka Nyagatare wungirije ushinzwe imibereho myiza, Murekatete Juliet, aherutse gutangaza RC Nyagatare ko bashyize imbaraga mu kwigisha abaturage guhindura imyumvire, bakumva ko buri kimwe cyose badakwiye kugitega kuri Leta.

Yagize ati 'Ibishoro barabibonye ahubwo turimo kubigisha uburyo bibyazwa umusaruro. Turabigisha gukora n’ibindi biri hanze y’umudugudu bibyara inyungu, mu gihe turimo gushaka uko twubakira abandi, abayabonye bakwiye gukura amaboko mu mifuka bagakora.'

Uyu mudugudu watujwemo imiryango 64

Muri gahunda ya Sena yo gusura imidugudu y’icyitegererezo no kureba imibereho y’abayituye, abasenateri bagejejweho ikibazo cy’abatuye muri iyo midugudu bumva ko bazakomeza gufashwa na Leta.

Senateri Mureshyankwano Marie Rose yavuze ko hakwiye ubukangurambaga bwimbitse bugamije guhindura iyi myumvire.

Ati 'Birumvikana ku bafite imbaraga zo gukora, twabonye ari ingeso mbi yo kwicara abantu bumva ko Leta izabaha byose, twagiye tubigisha ariko dusaba n’abayobozi kurushaho kubegera.'

Ku mugoroba wo kuri uyu wa Kabiri tariki ya 01 Gashyantare 2022, ni bwo Mukura yashyize akadomo ku rugendo rwa APR FC rwo kumara imikino 50 idatsindwa. Wari umukino Mukura yagiye gukina idafite idafite umutoza mukuru kuko Tony Hernandez wari wagizwe umutoza mukuru yari ataremererwa kujya ku ntebe y’abatoza.

Nshimiyimana Canisius yaraye ahagaritse umuvuduko wa APR FC 

Nshimiyimana Canisius yakoreye mu ngata Said Abed Makasi waherukaga gutsinda APR FC tariki 25 Gicurasi 2019. Said Abed Makasi watozaga Espoir FC na we yari umutoza w’umusigire ndetse utari ufite ibyangombwa bimwemerera kuba umutoza mukuru.

Espoir FC yasanze APR FC i Kigali iyitsinda ibitego 2-1 bya Kyambade Fred na Nkurunziza Sadi. Uyu mukino wari usobanuye byinshi kuri APR FC kuko yari ihanganiye igikombe cya shampiyona na Rayon Sports byanatumye ihita igisezeraho.

Said Abed Makasi niwe waherukaga gutsinda APR FC

Kuva ubwo APR FC yari itarongera gutsindwa muri shampiyona kugera kuri Nshimiyimana Canisius wakinanye na Said Abed Makasi mu Amavubi yagiye mu gikombe cya Afurika cyabereye muri Tunisia 2004 ari nacyo u Rwanda ruheruka kwitabira.

Ubuyobozi bw’Akarere ka Gasabo buvuga ko abamugariye ku rugamba bakeneye ubaba hafi

Ngaboyisonga utuye i Rugende mu Murenge wa Rusororo mu Karere ka Gasabo, avuga ko ubwo bumuga bafite butajya bubatera kwicuza, kuko ngo umusaruro w’ibyo baharaniye ubu barimo kuwubona mu Banyarwanda bagaragaza ko babanye neza kandi baharanira gutera imbere.

Yagize ati “Intego twayigezeho kuko mbona Abanyarwanda bishimye kugeza ubu nta macakubiri, bafite ubumwe kandi baharanira iterambere, ibyo twakoze twishimira ko hari abarimo kubisigasira”.

Uyu musirikare wamugariye ku rugamba yakomeje ashima gahunda iriho yo kubashyigikira, aho Leta yabashingiye iduka ricururizwamo ibintu bitandukanye, inyungu ivuyemo ikaba ari yo ibatunga, ariko agasaba gukomeza kunganirwa kugira ngo bibaheshe agaciro mu baturage babohoye.

Yagize ati “Tutaratangira gukora wasangaga abaturage bataduha agaciro, nkigera hano twabanje kujya duhahira hanze (y’umudugudu), hari uwo nasabye kunkopa ibiro bitanu by’ibirayi ambwira ko n’ubwo yampa umwenda atandengereza igiceri cya 20, badufataga nka ba bandi basabiriza”.

Ku munsi w’Intwari bahawe ibiribwa

Ubuyobozi bw’Akarere ka Gasabo bwasuye aba basirikare bamugariye ku rugamba rwo kubohora u Rwanda busanga bakeneye uwabahora hafi ndetse n’ubufasha, kuko ubumuga bafite butuma nta kindi babasha kwikorera.

Umuyobozi Nshingwabikorwa wungirije w’Akarere ka Gasabo, Regis Mudaheranwa, ari kumwe na Komiseri muri Komisiyo ishinzwe Gusezerera abari Abasirikare no kubasubiza mu buzima busanzwe (RDRC), Brig Gen Peter John Bagabo, basuye Umudugudu w’i Rugende ku wa 01 Gashyantare 2022, urugendo rwahuriranye n’Umunsi wahariwe Intwari z’u Rwanda.

Bahaye inka umuryango umwe muri 15 ituye muri uwo mudugudu, banagenera iyo miryango yose inkunga y’ibiribwa n’ibikoresho by’ibanze ifite agaciro ka miliyoni 2,268,800, yatanzwe na bagenzi babo bamugariye ku rugamba bafite icyo babarusha.

Regis Mudaheranwa avuga ko iyo nkunga yahawe imiryango y’abo bamugariye ku rugamba, ariko bafite ikibazo cy’uko iduka risanzwe ribunganira ryahombye, ndetse bakeneye gufashwa guhinga ubutaka bahawe.

Mudaheranwa yagize ati “Icyangombwa ni uko kubahora hafi nk’uko mwabibonye, hari abafite ibibazo by’uburwayi bwo mutwe bwatewe n’uduce tw’ibyuma turimo, hari abacitse amaboko yombi batabasha kugira ikindi bikorera n’ibindi bibazo. Dushaka ibintu bitandukanye byabagirira akamaro, cyane cyane inkunga ihoraho nk’uko RDRC iyitanga”.

Mudaheranwa avuga ko batekereza ku buzima bw’aba bantu n’ubwo yasanze bafite ibibazo by’iguriro (iduka) ryabo ryahombye kubera guhatana n’andi y’abaturage bafite ubushobozi, ikibazo cy’ibikoresho byabo bitagikora ndetse hakaba n’aho basaba gufashwa guhinga.

Iduka ryabo ngo ryarahombye

Brig Gen Bagabo avuga ko bakomeje kurwana urugamba rwo guhangana n’ubukene, harimo guteza imbere gahunda ya girinka kugera no ku bamugariye ku rugamba batishoboye.

Brig Gen Bagabo avuga ko urubyiruko ari rwo ahanini rusabwa kurwana uru rugamba, kuko ngo ari bo benshi kandi bafite imbaraga zo gukora.

Akarere ka Gasabo gafite imidugudu ine irimo abari abasirikare bamugariye ku rugamba rwo kubohora u Rwanda, kakaba kabizeza kubaba hafi nk’uburyo bwo guha agaciro ubwitange bwabo, bwatumye bagera aho gutakaza ibice by’umubiri.

Nkusi Déo, Umunyamabanga Nshingwabikorwa w’Urwego rushinzwe Intwari z’Igihugu

Agirana ikiganiro na Kigali Today, Nkusi Déo, Umunyamabanga Nshingwabikorwa w’Urwego rushinzwe Intwari z’Igihugu, Imidari n’Impeta by’Ishimwe, yagarutse ku rugendo rw’ibyo u Rwanda rwagezeho, rubikesha umuco w’ubutwari, agira ati: 'Ubutwari bwagize uruhare mu gutuma Igihugu kibaho, kiraguka kandi kirakura. Tugiye kureba ku mateka ya vuba ahangaha, urugero nko mu gihe cya Jenoside yakorewe Abatutsi na nyuma yaho gato, tuzi neza uburyo Igihugu cyari cyarashegeshwe n’ingaruka zayo, kigasubira inyuma ndetse munsi ya zeru. Ariko nanone, indangagaciro z’ubutwari mu Banyarwanda, zabereye benshi nk’ikibatsi cyabafashije kumva ko igihugu ari icyabo, ko bakwiye kucyubaka kandi bakakirinda; bifasha kwigobotora ibihe bibi igihugu cyarimo, ubu umusaruro wabyo ukaba ugaragarira mu byiciro n’inzego zose'.

Kuri iyi nshuro ya 28 hizihijwe umunsi w’Intwari z’u Rwanda, ngo ukwiye kuba umwanya wo kurushaho gutekereza ibyatuma igihugu gikomeza gutekana, kikarushaho gukungahara, ari nako abagituye barushaho kugira imibereho myiza kandi bayobowe neza.

Ibi ariko ngo ntibyashoboka, hatabayeho kumva kimwe no guhuriza ku muco w’ubwubahane no gukunda umurimo unoze, nk’uko Nkusi yakomeje abivuga, agira ati: 'Ibi byose bizakomeza gushoboka mu gihe Abanyarwanda bazaba barushijeho kwihesha agaciro no kumenya aho bagana. Bakamenya n’ibikenewe, kugira ngo babigereho. Muri urwo rugendo, umuco w’ubwubahane, ubunyangamugayo, ikinyabupfura, no kunoza umurimo, biri mu bintu bikwiye kwitabwaho kugira ngo koko bizadufashe kugeza Igihugu byacu ku bindi byiza byinshi bishoboka'.

Akomeza asaba urubyiruko, kumva ko ari bo bahanzwe amaso; bityo ko rudakwiye kwirengagiza cyangwa ngo rusigare inyuma mu bikorwa byose, bigamije ineza y’Igihugu.

Intwari zizirikanwa ziri mu byiciro bitatu ari byo Imanzi, Imena n’Ingenzi.

Mu cyiciro cy’Imanzi: Harimo Maj. Gen. Fred Gisa Rwigema, wari uyuboye urugamba rwo kubohora u Rwanda, rwatangijwe n’Ingabo za FPR Inkotanyi mu mwaka wa 1990, ndetse ku bwe, akaba atarahwemye kugaragaza ko umuntu nyawe akwiye kurangwa n’imigirire yo kwanga akarengane n’ikibi kabone n’ubwo yahasiga ubuzima. Muri iki cyiciro hiyongeraho Umusirikari utazwi izina, uhagarariye ingabo zaguye ku rugamba cyangwa zashoboraga kurugwaho mu gihe cyahise, icy’ubungubu n’ikizaza zitangira Igihugu.

Mu cyiciro cy’Imena: Harimo Umwami Mutara III Rudahigwa wayoboye u Rwanda kuva mu mwaka wa 1931-1959 akaba yararanzwe no kwigobotora ingoyi ya ba gashakabuhake b’Ababiligi mu Banyarwanda, no kwimakaza ubumwe bw’Abanyarwanda.

Muri iki cyiciro kandi harimo Uwiringiyimana Agatha wabaye Minisitiri w’Intebe kuva mu 1993-1994, akaba yarakunze kwamagana ubusumbane, itonesha n’akarengane mu mashuri, akaba yari anazwiho kudashyigikira ivanguramoko mu Banyarwanda.

Michel Rwagasana: Yagiye ahabwa inshingano zitandukanye mu gihugu, aho yabaye Umunyamabanga w’Inama Nkuru y’u Rwanda, ndetse aba Umunyamabanga w’umwami Mutara III Rudahigwa. Azwiho guharanira ko igihugu kigira ubwigenge.

Niyitegeka Félicité: Umubikira waranzwe n’ibikorwa byo kwitangira abandi, atitaye ku bwoko; imyitwarire yakomeje gukomeraho kugeza no mu gihe cya Jenoside yakorewe Abatutsi mu 1994, ubwo yangaga kwitandukanya n’abari bamuhungiyeho, kugeza ubwo yicanwa na bo.

Iki cyiciro kibarizwamo n’Abanyeshuri b’i Nyange banze kwitandukanya bagendeye ku moko, nyuma yo kubisabwa n’abacengezi bari babateye mu mwaka wa 1997, babasanze mu Kigo, bibaviramo kwicwa.

Icyiciro cy’Intwari z’Ingenzi: Kugeza ubu nta muntu uragishyirwamo. Abari mu cyiciro cy’Ingezi ntibaramenyekana kuko hakirimo gukorwa ubushakashatsi ngo hamenyekane abazashyirwamo.

Ibikorwa by’ubutwari, bikomeje gushimwa n’abaturage barimo n’abo mu Ntara y’Amajyaruguru, bemeza ko iterambere bagezeho, barikesha Intwari ziyemeje guhara ubuzima, ziharanira ko igihugu kigera ku byiza.

Mbonariba Donatien wo mu Karere ka Musanze agira ati: 'Ibyiza tumaze kubona muri iki gihugu tutigeze tubona mu myaka yo hambere byo ni byinshi. Urebe amagorofa mu mijyi no mu byaro, imihanda isukuye, amavuriro, amashanyarazi n’amazi meza, bikwirakwijwe henshi. Abaturage turakeye, imibereho ni myiza, turarwara tukivuza, abashonje bakagaburirwa. Aho rero ni ho duhera tuvuga ko ibyo byiza dukesha Intwari zahagaritse ikibi, zikimakaza ibyiza, natwe nk’abaturage tugomba kubikomeraho'.

Abaturage bashimangira ko badateze gutezuka ku ntego yo kubirinda no kubisigasira, nk’igihamya cyo kwitura ibyo izo Ntwari zaharaniye.