Author: webrwanda

Itangazo riturutse mu biro bya Minisitiri w’Intebe, rivuga ko Dr Sabin Nsanzimana agizwe Umuyobozi mukuru w’Ibitaro bya Kaminuza bya Butare (CHUB), guhera ku itariki 03 Gashyantare 2022.

Ku wa 7 Ukuboza 2021 ni bwo Ibiro bya Minisitiri w’Intebe byatangaje ko Dr Nsanzimana Sabin yahagaritswe by’agateganyo ku mwanya w’Umuyobozi wa RBC. Ntabwo impamvu zatumye ahagarikwa by’agateganyo zigezwe zitangazwa.

Kuri ubu Dr Nsanzimana yamaze guhabwa inshingano nshya zo kuba Umuyobozi Mukuru wa CHUB. Ibaruwa imumenyesha imirimo mishya yahawe yayishyikirijwe ku wa 3 Gashyantare 2022.

Uyu mwanya Dr Nsanzimana ahawe ugenerwa umushahara wa 2 094 795 Frw hataravamo umusoro. Amafaranga uwurimo afata mu ntoki ni 1 578 000 Frw ariko hatabariwemo ay’ibintu bitandukanye yemererwa n’amategeko.

Muri Nyakanga 2019 ni bwo Dr Sabin Nsanzimana yagizwe Umuyobozi Mukuru wa RBC asimbuye Dr Condo Jeannine.

Dr. Nsanzimana afite ubunararibonye mu bijyanye na Porogaramu zo kurwanya Sida, gukora igenamigambi muri iyo ngeri n’ubushakashatsi ku bufasha bukwiriye guhabwa abantu babana n’iyi virusi.

Afite Masters Degree mu bijyanye n’indwara z’ibyorezo yakuye muri Kaminuza y’u Rwanda ndetse afite n’Impamyabumenyi y’Ikirenga yakuye muri Kaminuza ya Basel mu Busuwisi muri iyo ngeri.

Yabaye umwarimu wungirije muri Kaminuza y’Ubuvuzi rusange, UGHE, ndetse yigishije no muri Kaminuza y’u Rwanda.

Lt Col Dr. Charles Karangwa, Theophile Mbonera, Umunyamabanga Uhoraho muri Minisiteri y’Ubutabera, na ACP Dr François Sinayobye mu muhango wo guhererekanya ububasha

Umuhango w’ihererekanyabubasha wabereye ku cyicaro gikuru cy’iyo Laboratwari i Kigali tariki 03 Gashyantare 2022.

Mu ijambo rye, ACP. Dr. François Sinayobye wayiyoboraga yashimiye abo bakoranye nk’ikipe, bituma bagera kuri byinshi mu myaka itatu ishize.

Ati 'Ndizera ko muzafatanya n’umuyobozi mushya mugakora cyane kugira ngo iki kigo kirusheho gukomera no kuba intangarugero. Mboneyeho no gushimira umuyobozi unsimbuye kubera umusanzu we ukomeye yatanze muri iki kigo na mbere y’uko ahabwa inshingano zo kukiyobora.'

ACP. Dr. François Sinayobye yavuze ko Dr Karangwa afite ubunararibonye mu bya siyansi, akizera adashidikanya ko azarushaho guteza imbere iyi Laboratwari.

Laboratwari y’u Rwanda y’Ibimenyetso bishingiye ku Bumenyi n’Ubuhanga bikoreshwa mu Butabera yatangiye mu mwaka wa 2018. Ifite ubushobozi bwo gusuzuma ibimenyetso bya gihanga bikoreshwa mu butabera, ishobora gupima ikintu umuntu yariye cyangwa yanyweye gihumanye kugira ngo ikemure impaka ziri mu bantu, ishobora kumenya neza uwanditse inyandiko mpimbano, yamenya uwakoresheje imbunda, ishobora gupima uturemangingo ndangasano tw’abantu (DNA) n’ibindi.

Lt. Col. Dr Charles Karangwa ugiye kuyiyobora ashima urwego igezeho, agashima uko ubushobozi bw’ibyo ipima bwagiye bwiyongera.

Ati 'Ibi byagezweho kubera ko ifite abakozi beza n’ubuyobozi bufite icyerekezo. Ndashimira ikipe yakoranye n’umuyobozi ucyuye igihe kubera ibyo bagezeho.'

Dr Karangwa yijeje abakozi gukomeza gukorera hamwe no guteza imbere serivisi z’iki kigo ku rwego mpuzamahanga.

Karera Hassan

Mu kiganiro yagiranye n’itangazamakuru, umuyobozi wa APR FC, Lt Gen Mubarak Muganga, avuga ko bagifite icyizere ko azagaruka.

Yagize ati 'Karera Hassan ni umugabo yarubatse. Byaragoranye guhuza umuryango no gukinira hano kandi tuzi icyo bivuze iyo umukinnyi akina umuryango we uri kure. Yadusabye rero umwanya turawumuha, agenda yari yagize ikibazo cy’imvune. Turamwumva ariko iminsi twamuhaye ntabwo yari yarenga kandi ntakitaduha icyizere ko azagaruka.'

Karera Hassan yaguzwe n’ikipe ya APR FC mu mpeshyi y’umwaka wa 2021 akina umukino wa mbere muri iyi kipe ubwo yakinaga umukino wa gicuti n’ikipe ya AS Maniema ndetse ayifasha mu ntangiriro za shampiyona ya 2021-2022 no mu mikino ya CAF Confederation Cup. Imikino ibiri ya kamarampaka APR FC yakinnye na RS Berkane ntabwo yayikinnye kubera imvune ari nabwo yahise asanga umukunzi we Umutesi Diane muri Finland.

Félicien Kabuga ashinjwa ibyaha bya Jenoside, ndetse n’ibyaha byibasiye inyoko muntu, gusa mbere ubwo yitabaga urukiko yarabihakanye.

Ubwo kuri uyu wa Kane mu masaha y’umugoroba yitabaga Urukiko yasabye guhindurirwa Umwunganizi we mu mategeko, akaba yamaze umwanya anenga abamwunganira nk’uko bitangazwa na BBC.

Kabuga w’imyaka 88, yamaze igihe kirekire yihishahisha kugeza ubwo yafatirwaga mu nkengero z’Umujyi wa Paris.Yafashwe tariki 16/05/2020.

Ashinjwa kuba ari we watumije imipanga yahabwaga urubyiruko rw’Interahamwe igakoreshwa mu kwica Abatutsi.

Ni n’umwe mu bashoramari bashyizeho Radio Milles Collines — RTLM yabaye igikoresho cyo gucengeza amatwara no gukwirakwiza urwango ku Batutsi.

Toni 10 z’amasashe yafatiwe ku mupaka wa Cyanika

Ni nyuma y’uko mu duce twegereye umupaka wa Cyanika uhuza u Rwanda na Uganda, hafatiwe amasashe angana n’amapaki ibihumbi bisaga 70, apima toni 10 n’ibiro 512 afite agaciro ka miliyoni zisaga 70 z’Amafaranga y’u Rwanda, mu bugenzuzi buherutse gukorwa na REMA, RIB, Police n’inzego z’ibanze n’ibindi bigo bifite mu nshingano kurwanya magendu n’ibiyobyabwenge.

Ubwo REMA yakiraga ayo masashe yari mu bubiko bw’Ikigo cy’Igihugu Gishinzwe kwakira imisoro n’amahoro (RRA) gikorera ku mupaka wa Cyanika, mu muhango wabaye ku wa Kane tariki 03 Gashyantare 2022, Tuyisenge JMV, umukozi wa REMA ushinzwe ubugenzuzi bw’ibidukikije yagize ubutumwa atanga.

Yagize ati 'Mu Rwanda hari itegeko ryagiyeho ribuza amasashe, ibyo bigatera abaturage kujya kuyashakisha hanze y’igihugu. Turashimira inzego zitandukanye zirebwa n’iki kibazo yaba Customs, RRA na Police ikora akazi gakomeye ko kudufasha mu ishyirwa mu bikorwa by’iri tegeko, ngashimira n’abaturage uruhare badahwema kugaragaza, mu gukomeza gufatanya n’izo nzego bireba mu guhangana n’icyo kibazo cy’abantu binjiza ayo masashe n’ibikoresho bikozwe muri pulasitiki bikoreshwa inshuro imwe'.

Arongera ati 'Turihanangiriza abakomeje gutunda iyo magendu irimo amasashe n’ibikoze muri pulasitiki, kuko bifite ingaruka mbi ku bidukikije. Turabasaba guhindura imyumvire kandi bakamenya n’ibisobanuro by’itegeko kuko riteganya ibihano, bisaba ko barimenya kugira ngo batagwa mu mutego wo guhanwa'.

Mu gukumira izo magendu zangiza ibidukikije, ku mupaka hashyizweho itsinda ry’abitwa 'Imboni z’umutekano zo ku mupaka', bashinzwe gufatanya n’inzego zinyuranye mu kurwanya iyinjizwa ry’ayo masashe mu gihugu.

Mu baganiriye na Kigali Today, bagaragaje amayeri menshi akoreshwa mu kwinjiza ayo masashe n’izindi magendu, aho ngo bamaze kuyatahura abenshi bakaba bakomeje gufatwa.

Mwiseneza Jean Pierre utuye mu Murenge wa Cyanika ati 'Dukora nk’imboni dukumira ibiyobyabwenge na magendu, ariko abafozi (abatunda magendu), cyane cyane bitwikira ijoro ku buryo witambitse uri nk’umuturage no kukwica bakwica'.

Arongera ati 'Amayeri bakoresha twarayatahuye, urabona barafata amasashe bakayambariraho bakitwikira ntumenye ko bayatwaye, reba iyo ari umugore ubona ari munini ariko yamara gufatwa akayamburwa ukabona ni muto cyane. Turasaba ko imbaraga dukoresha zakongerwa tukaba benshi tugafatanya n’inzego zishinzwe umutekabo tugakumira amasashe n’ibiyobyabwenge'.

Amasashe yangiza ibidukikije

Uwitwa Mwiseneza Adrien ati 'Abafozi binjiza amasashe baratubangamiye, kandi murabizi n’inka iramutse iyiriye irapfa. Urajya guhinga ugasanga mu masambu harimo amasashe wayahingiraho ugasanga imyaka yaratukuye ntugire icyo usarura, abo twakunze gufata ni abagore baba bayakenyereyeho bakinjira mu ijoro, bagatereza abamotari bakayinjiza mu giturage'.

Ayo masashe yinjizwa anyujijwe mu nzira zitemewe n’amategeko, aho abajya kuyatunda bakikira umupaka, bayatunda bafite amasoko ku buryo bitabagora iyo bayinjije.

Tuyisenge JMV, Umukozi wa REMA kandi yagaragaje ibihano bikomeye bihabwa abakora amasashe, abayatunda, abayakoresha n’abayacuruza.

Ati 'Itegeko ryagiyeho muri 2019, rigaragaza ibuza, ikorwa ry’amasashe n’ibikozwe muri parasitike bikoreshwa inshuro imwe, itumizwa ryabo, ikoreshwa ryabo n’icuruzwa ryabo, itegeko rigaragaza neza mu ngingo yaryo ya gatatu ko bibujijwe.

Umuntu wese ukora amasashe n’ibikoresho bikozwe muri parasitike ariko bikoreshwa inshuro imwe, ahanishwa kwakwa ibyo bikoresho n’ayo masashe agacibwa n’amande ya miliyoni 10, mu gihe uyacuruza ahanishwa kuyakwa agacibwa amande y’amafaranga ibihumbi 300'.

Tuyisenge JMV umukozi wa REMA ushinzwe ubugenzuzi bw’ibidukikije

Arongera ati 'Uyaranguza ahanishwa igihano cyo kuyamburwa agacibwa amande angana n’ibihumbi 700, naho uyinjiza ayakuye hanze y’igihugu ahanishwa igihano cyo kuyamburwa n’ibyo bikoresho bya pulasitiki bikoreshwa rimwe, agacibwa n’amande yikubye inshuro 10 agaciro k’ibyo bikoresho yinjije mu gihugu'.

Nyuma y’uko ayo masashe afashwe, ashyikirizwa inganda ziyanagura zikayakoramo ibindi bikoresho bikenewe, bidakoreshwa inshuro imwe nk’uko itegeko ribibuza.

Dr Sabin Nsanzimana agizwe Umuyobozi wa CHUB

Dr Nsanzimana ahawe iyo mirimo mishya nyuma y’igihe gito akuwe ku mwanya wo kuyobora Ikigo cy’igihugu cyita ku Buzima (RBC), kuko ngo hari ibyo yagombaga kubazwa, nk’uko byari biri mu itangazo ryashyizwe ahagaragara ku itariki ya 07 Ukuboza 2021.