Author: webrwanda

Mu gace yari atuyemo ngo nta muntu n’umwe wari ufite imodoka maze Twahirwa yegera umugabo wari ufite imodoka mu gace baturanye abantu bose bafataga nk’umukire wo mu rwego rwa ba Salomoni wo muri Bibiliya cyangwa Mirenge Sekuruza w’abatunzi b’Abanyarwanda.

Mu muryango wa Dodo nta muntu n’umwe wigeze atunga ikinyabiziga kugeza mu mwaka wa 1969 ubwo Nyirasenge yakinaga umukino w’amahirwe agatsindira igihembo cy’igare.

Ati 'Abantu bose bo mu rugo bifuzaga gutunga igare, ariko masenge wankundaga cyane yahisemo kurimpa, icyo gihe nari mfite imyaka icyenda'.

Yaje gutangira ubuzima bushya ahagana mu mwaka wa 1981, ubwo yinjiraga mu gisirikare cya Uganda. Mu gihe cy’imyaka itandatu gusa yari amaze kugera ku rwego rw’ipeti rya Kapiteni (Captain), abikesha ibikorwa bye by’indashyikirwa mu mirimo ya gisirikare yiganjemo intambara nyinshi zari muri icyo gihugu kuri icyo gihe.
Ubwo FPR Inkotanyi yatangizaga urugamba rwo kubohora igihugu mu mwaka wa 1990 Twahirwa yari mu b’imbere binjiye kandi yiteguye gutanga ikiguzi cyose byasabaga cyarimo no kuhaburira ubuzima.

Nyuma yo kubohora Igihugu muri Nyakanga 1994, mbere y’uko ajya mu kiruhuko mu mwaka wa 1998 afite ipeti rya Col, Twahirwa yamaze indi myaka ine mu ngabo za RDF.

Nubwo yagize intangiriro yoroheje y’ubuzima, kuri ubu Col (Rtd) Dodo yagize uruhare runini mu bikorwa by’ingendo zitwara abagenzi mu buryo bwa rusange mu Mujyi wa Kigali ndetse n’izihuza Umujyi wa Kigali n’ibice by’icyaro, ibikorwa yatangiye mu mwaka wa 1999.

Ku nguzanyo ya Miliyoni 80 amaze kujya mu kiruhuko, Col Twahirwa Dodo, yatangiye gushakisha amahirwe ashoboka maze mu gitondo kimwe cyo mu mwaka wa 1999, ajya kuri Banki y’ubucuruzi y’ u Rwanda (BCR), kuri ubu yahindutse I&M Bank, kandi yifitiye icyizere, abwira umuyobozi wayo Mukuru ko ashaka inguzanyo.

Ati 'Nta giceri na kimwe nari mfite mu mufuka kandi icyarushijeho kuba kibi, nta kintu na kimwe cy’ingwate kandi nyamara nkeneye amafaranga miliyoni 80 zo kugura ikamyo yo gucuruza, ndetse nta konti nari mfite ariko navuze ko nzayifungura, umuyobozi yambwiye ko bidashoboka kubona inguzanyo nta ngwate'.

Uwari ushinzwe inguzanyo yatumiwe mu biro by’umuyobozi Mukuru wa Banki maze hagati y’ibiganiro bagiranye havamo ijambo ryongereye akanyamuneza Col. Dodo wari mu kiruhuko.

Ati 'Bampaye inguzanyo kuko yavuze ko hari ibicuruzwa umuntu ashobora kubona inguzanyo kandi umutungo baguze ugahinduka ingwate muri Banki'.

Col. Dodo yaguze ikamyo maze ayishyira mu gutwara ibicuruzwa ariko ngo muri uwo mwaka hari ikintu cyamushimishije.

Ati 'Najyanye mushiki wanjye mu modoka ijya i Kampala maze mbona akajagari kari muri Gare ya Nyabugogo numvise ndakaye, aho abayoboraga abagenzi bashoboraga gushyira umwana muri bisi itandukanye n’iyo nyina yashyizwemo, bagashyira abagenzi muri bisi itandukanye n’iyo imizigo yabo ishyizwemo'.

Kugira ngo habeho impinduka Col Dodo yagiye mu buyobozi bw’Umujyi wa Kigali maze abasaba ko yarangiza ako kajagari kagaragaraga muri gare ya Nyabugogo.

Ati 'Nabajije abayoboraga gare ya Nyabugogo bambwira ko ari Njyanama y’Umujyi ubwayo ibikora, ndatangara, mbabwira ko nshaka kubishyira ku murongo, bati rwose Colonel uzakemure iki kibazo cyaratunaniye, nanjye nti mubindekere'.

Uko Guhitamo ATRACO byaje

Ubwo yahuraga n’ubuyobozi bw’Umujyi wa Kigali yabumenyesheje ko hari amashyirahamwe menshi y’abatwara abagenzi mu buryo bwa rusange ariko iy’ingenzi ikaba yari iyitwaga Association des Transporteurs en Commun (ATRACO).

Yagiye kuri ATRACO ajya guhura n’abari bayihagarariye batumvaga uko umusirikare mukuru ashaka kwishora mu bikorwa byabo.

Ati 'Nababwiye ko nshaka kubagira inama kandi twahise dutangirira aho'.

Igihe yinjiraga muri ATRACO, ryari ishyirahamwe rifite imodoka nyinshi ntoya zitwara abagenzi mu buryo bwa rusange zifite imyanya y’abagenzi 18 bicaye.

Icyo gihe umushoferi yabyukaga afite gahunda yo gutwara Kimisagara-Nyabugogo umunsi umwe, bwacya agatwara Nyabugogo-Kimironko.

Ati 'Twatangiye gushyiraho imirongo no kubaha imodoka zihariye, twashyizeho gahunda kandi igihe twasangaga bishoboka muri Kigali, iyi gahunda twayishyizeho no ku modoka zitwara abagenzi mu Ntara'.

Byinshi ku bikorwa bye mu guteza imbere ubwikorezi mu Rwanda, n’andi makuru yerekeranye n’ubuzima bwe, bikurikire muri iyi video:

Abategetsi muri Brazil bafunze inzu y'ubucuruzi i Rio de Janeiro nyuma y'uko umusore w'imyaka 24 wayikoragamo akubiswe kugeza apfuye, nk'uko polisi y'uwo mujyi yabitangaje kuwa gatatu.

Amashusho ya camera z'umutekano yarekanye itsinda ry'abagabo rihondagura Moïse Kabagambe rikoresheje ubuhiri n'inkoni nini zikinishwa baseball kugeza apfuye.

Polisi yaho yatangaje ko yataye muri yombi abagabo batatu mu gihe uwa kane ari gushakishwa mu iperereza ku iyicwa ry'uyu musore ukomoka muri DR Congo.

Umuntu umwe yitabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19 ni 1,445 nk’uko imibare yatangajwe ibigaragaza.

Amatungo bahawe ngo aje akenewe kuko azabafasha kubona ifumbire n’amafaranga

Ni amatungo agizwe n’ihene 100 hamwe n’ingurube 200, yagenewe abaturage bo mu mirenge 10 yo mu Karere ka Gicumbi, mu muhango wabereye mu Kagari ka Ngondore mu Murenge wa Byumba, kuri uyu wa Gatanu tariki 04 Gashyantare 2022.

Ni muri gahunda y’ibikorwa bisanzwe bikorwa na BK, byo gufasha abaturage batishoboye bikubiye mu nkingi eshatu zirimo kubungabunga ibidukikije, uburezi hamwe no guhanga udushya, ariko bikaba bishobora kwiyongeraho n’ibindi birimo ubuzima, mu rwego rwo gufasha abaturage kurushaho kugira ubuzima bwiza ndetse no kwiteza imbere.

Ibyo bikorwa bikaba bitegurirwa ingengo y’imari ingana na 1% by’urwunguko Banki ya Kigali iba yagize mu gihe cy’umwaka, aho kuri ubu abaturage bahawe amatungo afite agaciro kangana na miliyoni 15.

Aloys Nshimiyimana ufite ubumuga bwo kutabona atuye mu Kagari ka Nyarutarama mu Murenge wa Byumba, avuga ko yagizweho ingaruka n’icyorezo cya Covid-19, kuko cyatumye ntacyo asigarana.

Ati 'Ibyo twari dufite twarabiriye ibindi biratesekara kubera kutabikora bitewe na corona, aho yagabanukiye baratwibutse baduhaye amatungo. Ndumva azadufasha mu buzima tukabasha kubaho neza, kuko bizamfasha kubona ifumbire yo kuzajya mpingisha imboga, kandi azororoka nzajye ngurisha nk’ibyana biyavutseho, mbashe kugura umwenda wo kwambara no kuguramo icyo kurya'.

Akomeza agira ati 'Nabyakiriye neza kubera y’uko abafite ubumuga cyera ntabwo twigeze tugerwaho n’ibintu nk’ibi, kuba rero muri iki cyerekezo tugezemo batwibuka natwe nk’abantu bafite ubumuga, bakabasha kuduha aya matungo. Ni igikorwa cyiza cyane twishimiye'.

Dominique Bizimana, umuyobozi w’ihuriro ry’imiryango nyarwanda y’abafite ubumuga (NUDOR), avuga ko bashimishijwe n’ubufatanye bwatangiye hagati yabo na BK.

Ati 'Ni igikorwa cyadushimishije kubera y’uko abantu bafite ubumuga, cyane cyane muri ibi bihe bya Covid-19 bahuye n’ibibazo, uwari ufite umutungo, umurimo yakoraga, usanga imibereho yarasubiye inyuma. Kubona BK baza koroza abaturage, umuntu afite itungo yarifata neza rigatuma ashobora kwiteza imbere'.

Umuyobozi ushinzwe ibikorwa muri BK, Emmanuel Nkusi Batanage, avuga ko bishimiye gutanga umusanzu ku baturage b’u Rwanda, by’umwihariko abagizweho ingaruka n’icyorezo cya Covid-19.

Ati 'Twemera ko abafite ubumuga bagizweho ingaruka n’icyorezo kurusha abandi, bityo bakeneye no kwitabwaho kurusha abandi, byose bikaba bijyanye n’ubumuga bafite, bigatuma barushaho kwibasirwa n’ingaruka ziterwa no kutagera uko bikwiye kuri serivisi z’ubuzima cyangwa ibindi bakenera bijyanye n’imari. Twizeye ko bazita ku ngurube n’ihene bahawe, kuko bizagirira akamaro imiryango yabo ndetse n’abandi bafite ubumuga'.

Umuyobozi w’Akarere ka Gicumbi wungirije ushinzwe iterambere ry’ubukungu, Parfaite Uwera, avuga ko bishimiye iterambere ry’abafite ubumuga mu karere.

Ati 'Abafite ubumuga ni Abanyarwanda nk’abandi, bakwiriye gutezwa imbere, cyane cyane ko bafite ubumuga ariko nanone bikabafasha nabo kwiyumvamo cya cyizere cy’uko koko na bo bashoboye nk’abandi Banyarwanda. Bituma bashobora kwiteza imbere bakagira icyo bakora, ubuzima bugahinduka'.

Mu Karere ka Gicumbi habarirwa abafite ubumuga 4,745 babarizwa mu mirenge 21, imibare iheruka y’ibarura ry’abaturage ryo mu mwaka wa 2002 yerekana ko abafite ubumuga mu Rwanda basaga gato ibihumbi 540, ariko uyu mubare ushobora kuba urenga kuko hari ibyiciro byirengagijwe, hakaba hategerejwe imibare nyayo izaturuka mu ibarura rizaba muri uyu mwaka.

Abantu bibwira ko stress igaragarira mu mutwe gusa cyangwa mu marangamutima gusa, nyamara ahubwo stress ikora mu mubiri wose.

Iyo ugize stress umubiri wose ugerwaho n’ingaruka zayo aho imiyoboro y’amaraso yifunga, umuvuduko w’amaraso ukazamuka ndetse n’umutima ugateragura cyane. Guhumeka na byo biriyongera, mu maraso hakiyongeramo imisemburo ya cortisol na adrenaline.

Iyo rero ya stress igutinzeho ntakabuza za mpinduka zibyara uburwayi nk’uko tugiye kubibona muri iyi nkuru.

Indwara ziza ku isonga mu ziterwa na stress

1. Indwara z’umutima

Umutima ni wo wa mbere ugerwaho n’ingaruka za stress aho ugira ikibazo cy’umuvuduko ukabije w’amaraso. Si ibi gusa kuko ishobora no gutera umutima guhagarara dore ko stress itera umutima gutera cyane, bityo bikazamura igipimo cya cholesterol na triglyceride mu maraso.

2. Asima

Ntabwo stress ubwayo itera asima ahubwo niba usanzwe uyirwara bikongerera kurembeshwa na yo (crise). Gusa ubushakashatsi bugaragaza ko ababyeyi bahorana stress baba bafite ibyago byinshi byo kubyara abana barwaye asima.

3. Umubyibuho ukabije

Ni umubyibuho ukabije wibanda cyane ku gice cy’inda, kubera ko stress ituma umusemburo wa cortisol ukorwa ku bwinshi kandi iyo ubaye mwinshi bituma ibinure by’umubiri byibika ku nda.

4. Diyabete

Stress yongera ibyago byo kurwara diyabete mu buryo bubiri:
Ubwa mbere, stress ishobora gutera kuryagagura no kunywa buri kanya, uburyo bwa kabiri ni mu gihe stress yazamura igipimo cy’isukari ku basanzwe barwaye diyabete.

5. Kurwara umutwe

Stress yongera ibyago byo kurwara umutwe by’umwihariko umutwe w’uruhande rumwe (migraine).

6. Agahinda gasaze (Depression)

Ni indwara irangwa no kwiheba, kwigunga no guhangayika. Ubushakashatsi bwagaragaje ko abantu baterwa stress n’akazi kandi kabahemba macye ugereranyije n’ingufu baba bakoresheje bagira ibyago byo kuzagira depression kurenza abo bakora kimwe ariko bahembwa menshi kubarusha.

7. Uburwayi bw’igifu n’amara

Stress ubwayo ntitera ibisebe mu gifu gusa iyo birimo ituma byiyongera. Ikindi ni uko stress ishobora gutera ikirungurira kidakira ndetse n’ibibazo mu mara bijyana no kurwara impiswi cyangwa kwituma impatwe.

8. Indwara yo kwibagirwa ikunze gufata abashaje (Alzheimer’s)

Ubushakashatsi bwagaragaje ko stress ituma indwara yo kwibagira irushaho gukara ndetse umuntua akaba yayirwara akiri mu myaka yo hasi n’ubwo ahanini ikunze gufata abageze mu zabukuru.

9. Ibicurane n’inkorora

Stress ituma ubudahangarwa bw’umubiri bugabanuka bigatuma indwara ziterwa na virusi cyangwa ubwivumbure bw’umubiri ziguca urwaho zikakwibasira kandi zikakurembya.

10. Gusaza imburagihe

Mu mikurire hari bimwe bigendana n’imyaka umuntu afite nko kumera imvi, gupfuka imisatsi cyane (uruhara), iminkanyari, rubagimpande n’ibindi biza ari uko umuntu ashaje. Stress rero yo ituma ibi bikuzaho mbere ho imyaka hagati ya 9 na 17. Ni ho uzasanga wazanye imvi ukiri muto cyangwa uruhara n’isura ishaje kandi imyaka ari mike.

11. Gupfa imburagihe

Nubwo urupfu ntawe urubuza kuza iyo igihe cyageze, ariko hari ibyongera ibyago byo gupfa ukiri muto. Ubushakashatsi bugaragaza ko ababa mu buzima bwuzuye stress bapfa byihuse ku kigero cya 63% ugereranyije n’abo bangana bibera mu buzima butagira stress.

Uburyo bwagufasha guhangana na stress

• Guhumeka

Mu gihe hari ikintu kiguteye stress, ukora umwitozo wo guhumeka winjiza umwuka mwinshi hanyuma ukawusohora buhoro ukabikora byibuze iminota ibiri.

Ibi kandi ushobora kubikorera aho waba uri hose, haba ku kazi, mu ishuri, mu nzira n’ahandi waba uherereye. Ibi bituma imikaya yawe iruhuka kandi biba byiza nyuma ya kwa guhumeka ukurikijeho kwinanura.

• Guha agaciro ibyo urimo

Mu gihe stress urimo kuyiterwa no kwiganyira ku bizaba ahazaza hawe cyangwa kwicuza ku byo wakoze, aho kubiha umwanya, gerageza kwita ku byo urimo gukora, niba urimo kugenda utege amatwi intambwe zawe, niba urimo kurya wumvirize icyanga cy’ibyo urimo kurya, niba uri mu kazi abe ari ko uha umwanya, niba urimo kumva umuziki wumve injyana ukunda n’ubutumwa burimo, n’ibindi bizagufasha.

• Kwiga kubaho bijyanye n’aho uri

Aho uri, ibyo urimo, abo muri kumwe ni kimwe mu bintu bigora bamwe kumenyera. Urugero niba utwaye imodoka wakererewe akazi none ugahura n’urujya n’uruza rw’imodoka nyinshi (embouteillage/traffic jam) bisaba guhagarara umwanya. Aho kwijujuta, kuko n’ubundi ntacyo uri bubikoreho, wafata ako kanya nk’amahirwe ubonye yo kwitekerezaho no kugira ibyo uhindura muri wowe.

• Kwirinda gutekereza ku bibazo gusa

Ntabwo mu buzima duhora mu bibazo gusa ahubwo tujya tugira n’aho dutsinda. Mu gihe stress ikugose ibuka ko hari igihe wabonye amahirwe, ibuka ko ufite umuryango, inshuti, ndetse ukiri muzima. Niba waramugariye mu mpanuka ibuka ko hari abo yahitanye, niba urangije kaminuza ukabura akazi ibuka ko hari urungano rwawe rutabashije no kwiga ayisumbuye, ibi bizagufasha kubona ko ubuzima ari uko tububamo.

• Kumva umuziki ukunda

Umuziki uza mu bintu biruhura umutima n’ibitekerezo. Ushobora kuwumva, kuwureba cyangwa kuwubyina byose bizagufasha kumva utuje kandi utekanye.

Si ibi gusa byagufasha kuko no gukora zimwe muri siporo zifasha kwitekerezaho no kuruhura ubwonko nka meditation na yoga biri mu bifasha guhangana na stress. Kugira inshuti uganiriza ibiguhangayikishije, kugira itungo ryororwa (injangwe, imbwa, …) na byo bifasha bamwe kurwanya stress.

Byakusanyijwe hifashishijwe imbuga za: www.Passeportsante.net, www.Umutihealth.com

Kuri uyu wa Gatanu tariki ya 04 Gashyantare 2022, APR FC yakinaga umukino wa 15 muri shampiyona y'u Rwanda, wari ikirarane aho yari yasuye Rutsiro FC mu karere ka Rubavu ikunda kwakirira imikino yayo.

Ni umukino iyi kipe y'ingabo z'igihugu yagiye gukina hashize iminsi itatu itsindiwe na Mukura i Kigali, ihita inashyira akadomo ku rugendo rw'imikino 50 yari imaze itaratsindwa muri shampiyona.

Ni umukino wahiriye cyane APR FC kuko uretse gutsinda ibitego bibiri, yarokotse mu minota 10 ya nyuma y'umukino kuko Rutsiro FC yahushije penaliti ebyiri, bituma amanota atatu yose ataha i Kigali.

Igice cya mbere kigana ku musozo ku munota wa 45', Mugisha Gilbert yafunguye amazamu atsindira APR FC igitego cya mbere, mu gihe mu gice cya kabiri Bizimana Yannick yatsinze igitego cy'agashinguracumu ku munota wa 61.

Umukino ugana ku musozo mu minota 10 ya nyuma, Rutsiro FC yahawe penaliti ebyiri, ariko Watanga Jules atera iya mbere ku ruhande mu gihe Hatangimana Eric yateye iya kabiri igakurwamo na Ishimwe Jean Pierre.

Gutsinda uyu mukino byatumye APR FC igira amanota 34 ku mwanya wa mbere, irusha atanu Kiyovu Sports ya kabiri, mu gihe hagati yayo na Mukeba w'ibihe byose Rayon Sports harimo ikinyuranyo cy'amanota 8.

Rutsiro FC yo yasoje imikino 15 ibanza iri ku mwanya wa 11 n'amanota 16.

Imikino yo kwishyura muri Shampiyona izatangira tariki ya 19 Gashyantare 2022.

APR FC yatsinze rutsiro ikomeza kuyobora urutonde rwa shampiyona

Uko amakipe yasoje igice cya mbere cya shampiyona y’u Rwanda 2021/22

Ubwo yari ageze kuri GS Kampanga, Umunyamabanga wa Leta, BAMPORIKI  Edouard yatanze isomo rijyanye no gukunda Igihugu, abwira abanyeshuri ko aje kubatamika u Rwanda, abibutsa ko gukunda Igihugu ari inshingano, abasaba ko batagomba kwemerera icyabatandukanya n'u Rwanda. 

BAMPORIKI Edouard yabwiye abanyeshuri ko iyo bavuze Igihugu bagomba kujya bumva u Rwanda, ndetse abibutsa ubutatu bw'u Rwanda ( U Rwanda rw'umwami na Rubanda ). Yabasabye kandi gukunda kwiga kugira ngo bazagirire Igihugu akamaro kuko ari bo ngabo z' U Rwanda. Yagize ati:

'Ibintu byose bikuri imbere ujye ubibwira uti: 'Wimbuza kugera aho abakurambere bacu bifuzaga ko ngera.'

Umuyobozi Mukuru w'Urwego rw'Igihugu rushinzwe Uburezi bw'Ibanze (REB), yavuze ko gahunda y'ukwezi k'umuco mu mashuri ari igikorwa gikomeza kuko abana bagomba kujya barangiza kwiga bafite uburezi n'uburere bukwiye umunyarwanda.

Nyuma y'itangizwa ry'ukwezi k'umuco mu mashuri mu Karere ka Musanze, kuri GS Kampanga, Umuyobozi Mukuru wa REB, yaganiriye n'Ubuyobozi bw'ishuri n'abarezi bose mu rwego rwo kungurana ibitekerezo kuri iyi gahunda, ndetse n'ibindi byose byateza imbere uburezi.  Uyu muyobozi wa REB, Dr. MBARUSHIMANA kandi yifatanyije n'abanyeshuri bose ba GS Kampanga mu gufata ifunguro ryo ku manywa nyuma y'uko ibiro byo gutangiza ukwezi k’umuco byari birangiye ahagana saa saba z’amanywa.

Biteganyijwe ko iyi gahunda y'ukwezi k'umuco mu mashuri, izibanda ku bikorwa bitandukanye bizategurirwa abanyeshuri bose uhereye ku birezi byiga mu mashuri y'incuke, imbuto n'indirirarugamba bari mu mashuri abanza n'ayisumbuye. Uku kwezi k'umuco mu mashuri kwahariwe kwigisha no gutoza abanyeshuri gukoresha Ikinyarwanda neza mu rwego rwo kugisigasira no guhamya Ubunyarwanda.

Iki gikorwa cy'ukwezi k'umuco mu mashuri gishingiye ku nsanganyamatsiko igira iti: 'Umuco dusangiye uraturanga, ururimi rwacu rukaduhuza', abanyeshuri bazagira ubumenyi mu gushishoza bahuza ubumenyi bakura mu masomo n'indangagaciro z'umuco w'u Rwanda.

Inkomoko: REB

Mu ijoro ryo kuri uyu wa Kane tariki ya 03 Gashyantare, Mo Salah yafashije ikipe y'igihugu ya Misiri kugera ku mukino wa nyuma w'igikombe cya Afurika basezereye Cameroun yakiriye iri rushanwa kuri penaliti, nyuma yuko iminota 90 isanzwe y'umukino irangiye ari 0-0, hakongerwaho indi 30 nayo byananiranye, birangira bitabaje penaliti.

Misiri yatsinze penaliti 3-1 bituma isanga Senegal ku mukino wa nyuma w'iri rushanwa rikomeye kurusha andi kuri uyu mugabane.

Senegal yo yageze ku mukino wa nyuma itsinze Burkina Faso ibitego 3-1 harimo n'icy'agashinguracumu cya Sadio Mane ukomeje guhe iyi kipe ku mugongo.

Umukino wa nyuma uzagaragaza uzegukana igikombe cya Afurika 'CAN 2021' uzahuza Senegal ya Sadio Mane na Misiri ya Mohamed Salah tariki ya 06 Gashyantare 2021.

Ni umukino uzahuza abakinnyi babiri b'abavandimwe, bakinana muri Liverpool yo mu Bwongereza ndetse bafatwa nkaho aribo bayoboye abandi kwitwara neza muri Afurika, gusa kubatandukanya ngo uwa mbere ni uyu cyangwa uwa kabiri ni uyu biragorana.

Hari igihe cyageze muri Liverpool aba bakinnyi bazwiho gushyira hamwe no gukorana bya hafi bashaka umusaruro w'iyi kipe y'ubukombe ku Isi birahagarara, buri wese akarwana intambara ye ku giti cye, ntibongera guhana imipira ivamo ibitego, ndetse ikipe ya Liverpool isubira inyuma ku buryo bugaragara, gusa nyuma baje kongera guhuza bashyira hamwe, batsinda ibitego karahava.

Magingo aya ntiwavuga ngo uwa mbere ni uyu, uwa kabiri ni uyu. Ese uyu mukino wa nyuma bazaba bahataniyemo igikombe cyaba igipimo cyiza cyo kugaragaza umwami wa ruhago muri Afurika?

Ikipe y'igihugu ya Misiri izaba ishaka igikombe cya munani (8) cya Afurika mu m,ateka yayo, mu gihe Senegal izaba ishaka igikombe cya mbere kuva yabaho.

Imihigo ni myinshi kuri buri ruhande, aho Misiri ishaka gukomeza guca agahigo ko kuba igihugu cya mbere gifite ibikombe byinshi by'iri rushanwa, gusa Senegl nayo irashaka kwandika amateka mashya yo kwegukana igikombe cya mbere cya CAN.

Mane na Salah nibo bahetse Liverpool muri iyi myaka nk'itanu ishize, aho banayifashije kwegukana igikombe cya UEFA Champions League n'igikombe cya Premier League ikipe yari imaze imyaka 30 itazi uko gisa.

Buri mukinnyi muri aba niwe nkingi ya mwamba ku ikipe ye y'igihugu, ku bw'amahirwe ikipe imwe muri aya ishobora gutsinda ikegukana igikombe gusa ntibyaba bisobanuye ko umwe ari hejuru y'undi, kuko n'uruhare rw'ikipe muri rusange ruzagaragara kuri uyu mukino wa nyuma.

Mane na Salah ni abakinnyi b'abahanga haba mu makipe yabo y'ibihugu ndetse no muri Liverpool, buri wese afite ubushobozi bwo kwegukana iri rushanwa.

Uzegukana igikombe hari amanota azarusha mugenzi we ariko ntibizakuraho ko bose ari abahanga kandi bashoboye.

Mo Salah ategereje iminota 90 yo kwandika amatega mu gikombe cya Afurika

Mane arashaka gukorera amateka ikipe y’igihugu cye kinyotewe CAN

Abavandimwe mu rugamba rw’igikombe cya Afurika CAN 2021

Icyamamare mu muziki wa Nigeria, Chinedu Izuchwukwu Okoli  wamamaye nka Flavour, bidashidikanywaho ari mu bahanzi bakomoka muri Nigeria bakunzwe mu gihugu cye imbere no hanze yacyo kubera imiririmbire ye, igihagararo, uko yubatse umubiri n'uburyo akoresha ibicurangisho by'umuziki.

Imyandikire kandi ya Flavour ni ntagereranwa, ijwi rye bamwe barigereranya n'iry'abamalayika bashaka kuvuga ko rwose ari ryiza. Mu myaka igera muri 17 amaze atangiye umuziki yagiye akora indirimbo nyinshi akanazifashishamo abanayamideli batandukanye, ariko kugeza ubu uwitwa Alisha Berry ni we benshi bagarukaho.

Uyu munyamidelikazi, Alisha Berry wo muri Leta Zunze Ubumwe za Amerika mu gace kari mu tw'imbere mu myidagaduro ku isi, yifashishijwe na Flavour N'abania mu mashusho y'indirimbo yiswe 'Obianuju'.

Alisha akaba yarabonye izuba mu kwezi kwa Werurwe kuwa 19, umwaka kugeza ubu ntuzwi; gusa ikindi kizwi ku buzima bwe ni uko afite inkomoko mu gihugu cya Dominican. Mbere yo kugaragara mu ndirimbo ya Flavour ntabwo yari azwi, ariko kuva icyo gihe biba bigoye kuba hashira igihe atagarutsweho by'umwihariko n'ibinyamakuru byo muri Afurika.

Bitewe n'uburanga butangaje bwe bukomeza kugarukwaho n'abagabo n'abasore biganjemo abo muri Nigeria, bamurata bamutakagiza ko iyamuhanze yamwitondeye; INYARWANDA ikaba yabegeranirije amafoto ye ngo mwihere ijisho ubwo buranga bwahogoje abatagira ingano hirya no ku isi, by'umwihariko abafana b'umuhanzi Flavour.

KANDA HANO UREBE UNUMVE INDIRIMBO IGARAGARAMO ALISHA BERRY

“>