Author: webrwanda

• Mu magambo ye, Perezida Biden yagize ati: “Kubera ubutwari bw’ingabo zacu uyu muyobozi w’iterabwoba ntabwo akiriho.” Yakomeje ati: “Mu ijoro ryakeye, natanze itegeko ku ngabo z'Amerika ko bagomba gukuraho umuyobozi ukomeye w'iterabwoba.”
• Perezida wa Amerika yavuze ko al-Qurayshi ari we nyirabayazana w’igitero giherutse kugabwa muri gereza yo muri Siriya yarimo abarwanyi ba ISIS. Umwe mu bayobozi bakuru ba Syria utifuje ko amazina ye ajya mu itangazamakuru, yavuze ko al-Qurayshi yiturikirijeho igisasu cyanahitanye abandi bantu, barimo umugore we n'abana be nkuko byagendekeye Abu Bakr al-Baghdadi wayoboraga ISIS mbere yo gupfa muri 2019.
• Yagize ati: “Qurayshi yahisemo ubwe n'umuryango we aho guhangana n'ubutabera, nk'uko na Abu bakr al-Baghdadi yabikoze.”

Inzu ya Al-Qurayshi yaturikijwe n’ibisasu

• Byasobanuwe ko uyu mugambi wateguwe mu kwezi gushize, ubwo Biden yabwirwaga aho al-Qurayshi yari atuye, agahita ateguza Minisitiri w'ingabo, Lloyd Austin n'umuyobozi mukuru w'ingabo, Mark Milley, aho bahise bategura gahunda 'Operation' simusiga yo guhiga al-Qurayshi.
• Kuri uyu wa kane, ku cyicaro cy'ingabo z'America 'The Pentagon' hatanzwe itangazo rivuga ko mu rwego rwo kurwanya iterabwoba mu majyaruguru y’uburengerazuba bwa Siriya, habereye 'Operation' yo guhiga al-Qurayshi wayoboraga ISIS.
• Umuryango w'abatabazi wa Siriya uzwi ku izina rya White Helmets, wabwiye ikinyamakuru NPR ko abasivili 13 baguye mu bisasu no mu mirwano, barimo abana batandatu.
• Igitero simusiga cyo gufata al-Qurayshi cyibasiye inyubako y’amagorofa abiri mu mujyi wa Atmeh hafi y’umupaka wa Turukiya na Siriya.

Abou Ibrahim Al-Qurayshi

• Umuyobozi wa Sena ya Leta zunze ubumwe z'America, Chuck Schumer, yashimiye umurimo udasanzwe w’abasirikare b'igihugu 'intwari zikomeye' bakora amanywa n’ijoro kugira ngo barinde umutekano.
• Mu itangazo ryashyizwe ahagaragara ku mugoroba wo kuri uyu wa kane, Lloyd Austin uyobora ingabo z'America yavuze ko iki gikorwa cyateguwe kandi cyakozwe neza hirindwa ko abasivili bahaburira ubuzima.
• Islamic state of Iraq and the relevant 'ISIS' ni umutwe w'ingabo zitwaje intwaro ubarizwa muri Iraq, Syria ndetse n'ibindi bihugu byo muri Aziya ya ruguru.
• Uyu mutwe wiyitirira kugendera ku mahame akaze ya Islam, ushyirwa mu majwi na leta y'America nk'umwe mu mitwe igamije guhungabanya umutekano w'isi by'umwihariko uwa Leta zunze ubumwe z'America.

Ni ikibazo kimaze igihe ariko cyagize ubukana uhereye mu mezi make ashize ndetse cyongereye impungenge mu borozi kubera amatungo yabo akomeje kwibasirwa.

Inyana z'imitavu ni zo zikunze kwicwa no kuribwa n'iyo nyamaswa itaramenyekana neza.

Umuyobozi w'Ihuriro ry'amakoperative y'aborozi b'inka mu Karere ka Nyabihu, Gad Tegeri, yabwiye IGIHE ko imibare y'inyana zimaze kumenyekana ko zishwe ugera kuri 81 aho mu Karere ka Nyabihu hari 51, Rutsiro 8 naho Ngororero zikaba ari 22.

Tegeri yavuze ko iyo nyamaswa yabanje muri Ngororero nko mu 2019 ihamara nk'amezi atandatu yimukira muri Rutsiro ihamara igihe gito na ho ihava ijya Nyabihu aho imaze nk'umwaka.

Yagize ati “Yabanje kurya inka icyenda bavuga ko ari imbwa hashira igihe itarongera kugira iyo yakura. Kuva mu kwezi kwa munani nibwo yakoze ibara ku buryo buri munsi yagombaga kurya inka.”

Yakomeje avuga ko ku bantu bazi iby'inyamaswa nk'abashumba bakuze babonye ibimenyetso byemeza ko ari impyisi hashingiwe ku buryo ifata amatungo no kuba igera nijoro igahuma.

Ibi byiyongeraho kuba yagaragaye inshuro ebyiri mu Murenge wa Muringa na Rambura muri Nyabihu aho yafashe inka bakayitesha n'aho yahuye n'umuturage agatabaza bagenzi be bakamutabara.

Guverineri w'Intara y'Iburengerazuba, Habitegeko François yabwiye IGIHE ko
hatangiye gufatwa ingamba z'uburyo iki kibazo cyakemurwa, zirimo gushyira camera mu nzuri kugira ngo iyo nyamaswa ibashe kumenyekana neza.

Yavuze ko Camera zafashe impyisi, ingunzu n'imbwa z'agasozi ariko atahamya ko muri izo hari iyica inyana kuko mu zishwe harimo n'incuke.

Guverineri Habitegeko ntiyatangaje umubare nyirizina w'inyana zishwe ariko ahamya ko ari ikibazo gihangayikishije.

Ati 'Aka kanya nta mibare mfite y'izimaze kwicwa ariko nubwo yaba imwe ni ikibazo ku baturage ni yo mpamvu inzego zose zahagurutse kugira ngo dushake igisubizo ariko tubwira n'abaturage kubaka ibiraro by'inyana ku buryo iyo nyamaswa itabona aho ica kuko iraza ikazisanga ku gasozi nijoro n'abafite inzuri basabwa gushyiraho inzitiro.'

Guverineri Habitegeko yavuze ko ba nyiri amatungo na bo bagomba kuba maso izindi nzego zikabafasha nk'uko kuri ubu RDB yamaze kuhageza imitego ifata inyamaswa zikiri nzima.

Yakomeje agira ati 'Turakangurira abaturage bafite ubumenyi mu gukoresha imitego itica kuza bakadufasha tukayitega; ho harimo n'agahimbazamusyi ku muturage uzayitega tukabasha kuyifata.'

'Ikindi dukangurira aborozi ni ugushyira amatungo yabo mu bwishingizi kugira ngo bunganire ikigega cy'ingoboka kibishyura ngo badakomeza guhomba mu gihe yaba itarafatwa.'

Habitegeko yavuze ko abafite inka zishwe n'iyo nyamaswa bazishyurwa n'Ikigega cy'Ingoboka (Special Guarantee Fund: SGF) ndetse ko kuri uyu wa Gatatu hafashwe umwanzuro wo guhamagaza iki kigega kwegera aborozi no kubigisha uko bakora raporo byihuse kuko ubusanzwe bakora raporo bibagiwe ibimenyetso by'ingenzi.

Kujya mbyukira kuri izi message nanjye bimaze kuntera ubwoba. @RDBrwanda @cakamanzi @zniyonkuru turabinginze mudufashe kuko nimwe dutezeho icyizere cyo gufata iyi nyamaswa. Uko mutanda kudutabara niko inka zishira 🙏🙏.
Iyi nayo cyayiriye ijoro ryakeye. pic.twitter.com/SvsyIMPWMi

— IBERE RYA BIGOGWE🇷🇼🇷🇼❤ (@Ngabo_Karegeya) February 2, 2022

Karegeya na bagenzi bawe barimo Tegeri Gad nizere ko Governor @HabitegekoFran1 yabagezeho hamwe na team ( @Rwandapolice @RDBrwanda ) mufate ingamba zikomeye, zirambye kdi icyo gikoko ntabwo cyaturusha imbaraga nibiba ngombwa kuraswe, nibitarangira natwe turaza tubafashe. https://t.co/za9xedlMxp

— Gatabazi Jean Marie Vianney (@gatjmv) February 2, 2022

Mwiriwe,
1/2 Iki kibazo turi gufatanya n'inzego z'ibanze ndetse n'iz'umutekano kugikemura. Turi kwifashisha inzira zinyuranye harimo n'ikoranabuhanga kugira ngo iriya nyamaswa tuyimenye.

— Rwanda Development Board (@RDBrwanda) February 2, 2022

2/2 Turashishikariza aborozi kubakira imitavu ibiraro no gukomeza gukaza amarondo kuko iriya nyamaswa bigaragara ko yibasira imitavu iri hanze yonyine. Ejo tuzongera duhure n'aborozi, akarere, n'inzego z'umutekano turebe izindi ngamba nshya.

— Rwanda Development Board (@RDBrwanda) February 2, 2022

Imwe mu nyana zishwe n'inyamaswa bivugwa ko itaramenyekana mu nzuri za Gishwati

Iyi mpanuka yabaye kuri uyu wa Kane tariki ya 3 Gashyantare 2022, imbere y'Ishuri ribanza ryo ku Intwari i Nyamirambo.

Ababibonye babwiye IGIHE ko umunyegare yakoze impanuka nyuma yo gushaka kunyura kuri ” dos d' âne ” afite umuvuduko ukabije.

Umumotari witwa Byukusenge Antoine yagize ati 'Yaje yiruka cyane noneho ageze kuri ” dos d' âne ” igare riramutumbagiza rimunaga hejuru ahushura umugenzi wari urimo kwambuka umuhanda maze we ahita akubita umutwe hasi ahita ashiramo umwuka.'

Yakomeje avuga ko umugenzi wari uri kwambuka we ntacyo yabaye. Yavuze ko imbangukiragutabara yahise ihagera ariko isanga uwo munyonzi yamaze gupfa.

Ifoto yo hejuru irerekana imbere y'Ishuri ry'Intwari aho impanuka yabereye

Urwo rugendo rwamaze amasaha ane ndetse ku murongo w'ibyaganiriweho hariho ingingo nyinshi kandi zose zaganiriwe nk'uko byatangajwe n'Ibiro by'Umukuru w'Igihugu cya Kenya.

Mu butumwa yanyujije kuri Twitter, Perezida Kagame yavuze ko mu gitondo cyo ku wa 3 Gashyantare 2022 yagiriye uruzinduko rw'akazi rw'ingirakamaro muri Kenya.

Umukuru w'Igihugu yavuze ko yahuye na mugenzi we wa Kenya, Uhuru Kenyatta, i Nairobi nyuma agahita agaruka mu rugo.

Ati 'Ubu nagarutse mu rugo! Nkunze ubu buryo, isaha imwe kugera i Nairobi, isaha imwe yo kugaruka i Kigali.'

Yakomeje agira ati 'Isaha imwe y'ibiganiro, isaha imwe yo kuva ku Kibuga cy'Indege ngera mu Biro by'Umukuru w'Igihugu [muri Kenya] nkaba ngarutse ku Kibuga cy'Indege. Byinshi byagezweho.'

Ubutumwa bwa Perezida Kagame bwazamuye imbamutima z'abamukurikira bagaragaje ko bibahaye isomo ry'uburyo bwo gukoresha neza igihe.

Perezida Kagame na mugenzi we, Uhuru Kenyatta baganiriye ku ngingo zirimo ubucuruzi, ubutwererane, umubano w'ibihugu byombi, ibirebana n'Akarere n'Umugabane wa Afurika muri rusange.

I had a brief but very productive working visit with President Uhuru Kenyatta in Nairobi today morning. Now back home! I like it this way- 1hr to N’bi 1hr back to Kgl. 1hr+ discussion 1hr from airport to S/H and back to a/port. A lot was covered !!! 🙂

— Paul Kagame (@PaulKagame) February 3, 2022

Inkuru bifitanye isano

Uruzinduko rw’akazi Perezida Kagame yagiriye muri Kenya rwamaze amasaha ane gusa

Uwo muhanda wa kilometero 66 wari waratangiye kubakwa mu 2019 biteganyijwe ko uzarangira mu 2022 ariko guhera muri Nzeri 2021 imirimo yarahagaze ku gice cya Nyanza.

Bamwe mu baturage bo mu Karere ka Nyanza bavuga ko hari imitungo yabo yagizweho ingaruka n'ihagarikwa ry'imirimo, bagasaba ko yasubukurwa byihuse kuko biri kubadindiza mu iterambere.

Ubuyobozi bwa RTDA, bwavuze ko umubare munini w'abaturage bo muri Bugesera bamaze kwishyurwa mu gihe mu gice cy'Akarere ka Nyanza na bo hari abo dosiye zabo zamaze kwigwaho ku buryo bagiye gutangira kwishyurwa.

Kugeza ubu ariko hari abamaze kwishyurwa mu Karere ka Bugesera, aho amadosiye 763 yishyuwe arenga miliyari 1,8 Frw.

Ni mu gihe hari amadosiye y'abaturage babaruwe mu Karere ka Nyanza batari bishyurwa. Bose hamwe ni 190 bakaba bagomba kuzishyurwa agera kuri miliyoni 677Frw.

Mu kiganiro na IGIHE, Umuyobozi Mukuru wa RTDA, Imena Munyampenda yagize ati 'Abo bamaze kubarurwa muri Nyanza bagiye gutangira kwishyurwa muri iki gihe cya vuba.'

Yakomeje agira ati 'Ikibazo cyari cyabayeho ni uko hari hataraboneka ingengo y'imari ariko hakabaho n'ikibazo cy'uko twari tutarabarura imitungo yabo ariko ingengo y'imari igiye kuboneka muri iyi ngengo y'imari ivuguruye.'

Umuhanda Ngoma-Bugesera-Nyanza watangiye kubakwa mu 2019, uturuka mu Karere ka Ngoma mu Ntara y'Iburasirazuba ugera mu Karere ka Nyanza mu Ntara y'Amajyepfoi wambutse Bugesera ku ntera y'Ibirometero 130.

Mu Murenge wa Muyira w'Akarere ka Nyanza, kuri ubu ni ho imirimo yo gukora igice cy'uyu muhanda muremure cyiswe Kibugabuga-Shingiro-Gasoro igeze.

Abaturiye umuhanda Nyanza-Bugesera bagiye guhabwa ingurane y’ibyabo byangijwe n’imirimo yo kuwukora

Ahagana saa Tatu n'igice z'ijoro ryo ku wa Gatatu, tariki ya 2 Gashyantare 2022, ni bwo uyu mugabo yashyamiranye n'umugore we birangira amukubise icyuma.

Uyu mugabo usanzwe abagira amatungo Nyabugogo mu Karere ka Nyarugenge, akimara gutera umugore we icyuma yahise yiruka aburirwa irengero ndetse inzego z'umutekano zitangira kumushakisha.

Umunyamabanga Nshingwabikorwa w'Akagari ka Nyakabungo mu Murenge wa Jali, Ruzindana Claude, yabwiye IGIHE ko uyu mugabo yateye icyuma umugore we bapfa kumushinja ko afite abagore benshi.

Yagize ati 'Yamuteye icyuma mu ijoro ry'ejo ku wa Gatatu ahita atoroka. Bapfaga amakimbirane bahoraga bagirana. N'ejo bundi twagiyeyo tugiye kuyahosha kuko bahora bapfa ko umugabo ngo afite abagore benshi.'

Yongeyeho ko uyu muryango wabanaga mu buryo butemewe n'amategeko ndetse bakaba bari bafitanye umwana umwe.

Nyuma y'amasaha make uyu mugabo ateye umugore we icyuma agahita atoroka, yafatiwe i Kabuye mu Murenge wa Jabana ahagana saa Kumi z'umugoroba wo kuri uyu wa Kane, tariki ya 3 Gashyantare 2022.

Umugore yatewe icyuma nyuma yo gukimbirana n’umugabo we amushinja kumuca inyuma

Uyu muhango wo guca imyeyo witabwagaho n'abakobwa b'abangavu n'abagore batabikoze mu bukobwa bwabo. Ni uwo gukurura bimwe mu bice by'igitsina cyabo bita imishino ikaba miremire mu rwego rwo kwitegura kuzaba abagore babereye urugo, cyane ko iyo umugabo ngo yasangaga umugore yashatse atarakunnye byateraga agatotsi mu mibanire ya bombi.

Gusa uretse ibyo, Abanyarwandakazi bawufataga nk'ingenzi kuko uko ibyo bice byamaraga kuba birebire byabaga nk'umwambaro w'igitsina.

N'ubwo uyu muco hari abavuga ko ari uw'abo hambere, abazi uburyo bwo kuwukora bawusaruramo amafaranga muri iki gihe, hakagira n'abadaterwa isoni no kubyatura.

Mukamana Dative wamamaye ku kazina ka 'Masenge' yeruriye IGIHE ko amaze imyaka irenga 20 atunzwe no gukunira abagore n'abakobwa bamugana ku bwinshi.

Uyu mubyeyi w'imyaka 44 y'amavuko ashimangira ko agiye gushinga ishuri ryigisha igitsina gore guca imyeyo kugira ngo afashe ingo nyinshi.

Yavuze ko guca imyeyo atabyize ahubwo ari impano yakuranye ngo kuko akiri n'umwana hari ubwo yabikoreraga bagenzi be biganaga.

Mukamana yemeza ko intego yo gushinga ishuri ryigisha guca imyeyo yayigize nyuma y'aho abagore benshi bamugana baba bamubwira ko ingo zabo zigiye gusenyuka kubera ko batakoze uwo muhango.

Ati 'Intego yanjye ubundi ni ukubaka Sosiyete Nyarwanda no gufasha ingo cyane zirimo gusenyuka kuko njya mbibona kenshi cyane hakaza abagore bakambwira ngo sha mfasha urugo rwanjye ruri gusenyuka, intego rero mfite n'uko izi ngo ziri gusenyuka kuko wenda umugore atakoze uyu muhango zongera zikubakika zikamera neza.'

Yakomeje agira ati 'Ubu mfite gahunda yo gushinga ishuri ryo kwigisha uburyo baca imyeyo kandi bindimo cyane kuko rizajya ryigisha abagore n'abakobwa batabikoze uko babikora bityo bigabanye wa mubare mwinshi w'ingo nyinshi muri iki gihe turi kubona zisenyuka.'

Yongeyeho ko atazi neza igihe iri shuri rizaba ryatangiye gukora ariko ashimangira ko n'abona abaterankunga rizatangira mu mwaka utaha.

Ati 'Sinavuga ngo nteganya ko rizatangira igihe iki n'iki kuko byose birasaba igishoro gifatika gusa mbonye nk'umushoramari umfasha ryatangiraumwaka utaha.'

Uyu mubyeyi yemeza ko umuhango wo guca imyeyo umukobwa atangira kuwukorerwa afite imyaka 12 akanashimangira ko we n'ababyeyi b'imyaka 45 abibakorera kandi bikaza.

Yemeza ko uyu mwuga umutunze kandi umaze kumugeza kuri byinshi cyane ko ku munsi ashobora kwakira abakiliya bagera ku 10 ku buryo ku kwezi yinjiza agera kuri miliyoni 1 Frw.

Ati 'Urantunze kandi neza ubu maze gukuramo inzu ya miliyoni 20 Frw abana barize abandi baracyiga kandi no mu cyaro narubatse.'

Yongeyeho ko nta giciro fatizo agira cy'amafaranga ahabwa iyo yaciriye umuntu imyeyo ahubwo biterwa n'umubiri we kuko hari n'ababa bafite umubiri ukomeye.

Yashishikarije abatarakora uyu muhango kumugana kugira ngo abafashe kuko ngo bitanga umunezero mu rugo.

Uyu muhango wabaye ku gicamunsi cyo kuri uyu wa Kane, tariki 3 Gashyantare 2022, wanahuriranye n'ihererekanyabubasha ku bandi bayobozi bacyuye igihe n'abahawe inshingano muri RBC.

Barimo Umuyobozi Mukuru Wungirije, Noella Bigirimana wasimbuye Théo Principe Uwayo.

Ni mu gihe Dr Isabelle Mukagatare ari we Muyobozi w'Ishami rishinzwe Serivisi z'Ubuzima (Biomedical Services Department) aho yasimbuye Dr Gatare Swaibu.

Inama y'Abaminisitiri yo ku wa 27 Mutarama 2022, yari iyobowe na Perezida wa Repubulika ni yo yakoze impinduka muri RBC. Yashyizeho Prof Mambo Muvunyi nk'umuyobozi mushya w'iki kigo asimbuye Dr. Sabin Nsanzimana wahagaritswe by'agateganyo ku itariki 7 Ukuboza 2021.

Ubwo yahagarikwaga [Dr. Nsanzimana wayoboye RBC kuva mu 2019], Urwego rw'Ubugenzacyaha (RIB) rwari rwatangaje ko yahagaritswe kugira ngo akorweho iperereza.

Prof Mambo na Dr Nsanzimana basinya ku nyandiko y’ihererekanyabubasha

Prof Mambo Muvunyi yasimbuye Dr Nsanzimana Sabin wari umaze igihe ayobora RBC

Prof Mambo Muvunyi aherutse kugirwa Umuyobozi Mukuru wa RBC

Noella Bigirimana na Théo Principe Uwayo basinya ku nyandiko y’ihererekanyabubasha

Umuyobozi Mukuru Wungirije Noella Bigirimana wasimbuye Théo Principe Uwayo

Noella Bigirimana uherutse kugirwa Umuyobozi Mukuru Wungirije wa RBC

Minisitiri Dr Ngamije yayoboye umuhango w’ihererekanyabubasha hagati y’abayobozi ba RBC bahawe inshingano n’abacyuye igihe

Amafoto: RBC